تيانشان تورى   ›   ۇيرەنۋ   ›   شولۋ

پارتيانى جاپپاي قاتاڭ جونگە سالۋدا الدىمەن ساياسي جاقتان قاراۋ كەرەك

− باس شۋجي شي جينپيڭنىڭ 19 - كەزەكتى ورتالىق ءتارتىپ تەكسەرۋ كوميتەتىنىڭ بەسىنشى جالپ-ى ماجىلىسىندەگى ماڭىزدى ءسوزىنىڭ رۋحىن ۇيرەنۋ، دايەكتىلەندىرۋ جونىندە

  □ حالىق گازەتىنىڭ شولۋشىسى

  تۋى ايقىن تۇردە ساياسيدى دارىپتەۋ ءارى ماركسيزمدىك ساياسي پارتيانىڭ ايقىن ەرەكشەلىگى، ءارى پارتيامىزدىڭ دايەكتى ساياسي ابزالدىلىعى. 19 - كەزەكتى ورتالىق ءتارتىپ تەكسەرۋ كوميتەتىنىڭ بەسىنشى جالپى ماجىلىسىندە، باس شۋجي شي جينپيڭ: پارتيانى جاپپاي قاتاڭ جونگە سالۋدا الدىمەن ساياسي جاقتان قاراپ، ساياسي تۇجىرىمداۋ قابىلەتىن، ساياسي ءتۇسىنۋ قابىلەتىن، ساياسي اتقارۋ قابىلەتىن ۇزدىكسىز جوعارىلاتۋ كەرەك، - دەپ باسا دارىپتەدى.

  پارتيانى جاپپاي قاتاڭ جونگە سالۋ امالياتىندا، پارتيامىز پارتيا ىشىندە ورىن تەپكەن كوپتەگەن ماسەلەلەردىڭ تۇگەلدەي ساياسي ماسەلەمەن بايلانىستى ەكەندىگىن، بارلىعى پارتيانىڭ ساياسي قۇرىلىسىن مىقتى يگەرمەگەندىكتەن، ناقتى يگەرمەگەندىكتەن بولعاندىعىن جەتە تانىدى. ”تۇبىرىنەن وڭالسا، بۇيرىق - جارلىقتار جەدەل اتقارىلادى؛ باكىن - شۇكىن ىسكە جارماسا بەرسەڭ، تالاي جىلدار وتسە دە وزگەرىس بولمايدى“. ساياسي جاقتان ماسەلەنى تانىپ جەتپەسەك، ماسەلەنى شەشپەسەك، قاي جەرى اۋىرسا، سول جەردى عانا ەمدەيتىن ىرىقسىز جاعدايعا ءتۇسىپ، ماسەلەنى تۇبىرىنەن شەشە المايمىز. ءدال وسىنداي بولعاندىقتان دا، باس شۋجي شي جينپيڭ ”پارتيانى جاپپاي قاتاڭ جونگە سالۋدا الدىمەن ساياسي جاقتان قاراۋدى“، ”ساياسي ماسەلەنى ساياسي جاقتان شەشۋدى“ باسا دارىپتەدى. پارتيا ورتالىق كوميتەتى پارتيانىڭ ساياسي قۇرىلىسىن اناعۇرلىم كورنەكتى ورىنعا قويىپ، تەبىندى كۇش سالا ارتتىرا وتىرىپ يگەرىپ، ايقىن ساياسي باعدار قالىپتاستىرىپ، پارتيا ىشىندەگى اۋىر ساياسي كومەسكى قاتەردى جويىپ، پارتيانىڭ ساياسي قۇرىلىسىن ىلگەرىلەتۋدە كەلەلى تاريحي سيپاتتى تابىسقا قول جەتكىزدى. پارتيانى جاپپاي قاتاڭ جونگە سالۋدى تەرەڭدەتۋ ءۇشىن، ءسوزسىز، پارتيانىڭ ساياسي قۇرىلىسىن ءبىر تۇتاس باسشىلىققا الىپ، ”ءتورت تانىمدى “ كۇشەيتىپ، ”ءتورت سەنىمدى“ بەكەمدەپ، باس شۋجي شي جينپيڭنىڭ پارتيا ورتالىق كوميتەتىنىڭ ۇيتقىسى، بۇكىل پارتيانىڭ ۇيتقىسى ورنىن باتىل قورعاپ، پارتيا ورتالىق كوميتەتىنىڭ بەدەلى مەن ورتالىقتانعان ءبىر تۇتاس باسشىلىعىن باتىل قورعاپ، ساياسي بەتالىستى ءدال مەڭگەرىپ، پارتيانىڭ ساياسي باسشىلىعىنا تاباندى بولىپ، ساياسي نەگىزدى بەكەمدەپ، ساياسي ەكولوگيانى نارلەندىرىپ، ساياسي حاۋىپ - قاتەردەن ساقتانىپ، ساياسي قاسيەتتى ماڭگى ساقتاپ، ساياسي قابىلەتتى جوعارىلاتىپ، پارتيامىزدى اناعۇرلىم قۋاتتى، پارمەندى ەتىپ قۇرىپ شىعۋ كەرەك.

  پارتيا 18 - قۇرىلتايىنان بەرى پارتيا ستيلى، پاكتىك قۇرىلىسىندا جانە شىرىكتەسۋگە قارسى تۇرۋ كۇرەسىندە تاريحي جەتىستىكتەرگە قول جەتكەنىمەن، جاعداي ءالى دە قيىن، كۇردەلى. مىنانى، ءسوز جوق، سەرگەكتىكپەن كورە ءبىلۋىمىز كەرەك: پارتيانىڭ بيلىك جۇرگىزۋىندە شىرىكتەسۋ سىندى ەڭ ۇلكەن حاۋىپ - قاتەر ءالى ءومىر ءسۇرىپ وتىر، قورى قانشا ەكەنى ءالى تۇبەگەيلى انىقتالعان جوق، ارتۋ ءالى دە بار. ساياسي ماسەلە مەن ەكونوميكالىق ماسەلە قاباتتاسىپ، پارتيا مەن مەملەكەتتىڭ ساياسي حاۋىپسىزدىگىنە قاتەر ءتوندىردى. ءداستۇرلى شىرىكتەسۋ مەن جاڭاشا شىرىكتەسۋ قاباتتاسىپ، قياناتشىلدىق، شىرىكتەسۋ ارەكەتتەرى ونان ارى جاسىرىن، كۇردەلى بولا تۇسۋدە. شىرىكتەسۋ ماسەلەسى مەن بۇرىس ستيلدەر قاباتتاسىپ، ”ءتورت ءتۇرلى بۇرىس ستيل“ شىرىكتەسۋدىڭ ءوسىپ - ءوربيتىن جىلى ۇياسىنا اينالدى. ءشىرىتۋ مەن شىرىتۋگە قارسى كۇرەس ۇزاق ۋاقىت ءومىر سۇرەدى، ءسال بوساڭسىساق، ەڭبەگىمىز سەلگە كەتۋى مۇمكىن، شىرىكتەسۋگە قارسى تۇرۋدا تاڭداۋ جوق، ءسوز جوق، قيىندىقتان تايسالماي العا ىلگەرىلەۋ كەرەك. مىنانى تەرەڭ تانىپ جەتۋىمىز كەرەك: شىرىكتەسۋ ماسەلەسىنىڭ پارتيامىزعا جەتكىزگەن زالالى ەڭ اۋىر، شىرىكتەسكەن ەلەمەنتتەردى قاتاڭ جازالاۋ پارتيا بەكىمى، حالىق تىلەگى، شىرىكتەسكەن ەلەمەنتتەرگە مۇلدە پارتيا ىشىندە بوي تاسالار ورىن قالدىرۋعا بولمايدى. بۇل پارتيا مەن حالىق بۇقاراسىنىڭ ەتەنە بايلانىسىن ساقتاۋدىڭ قاجەتتى تالابى ءارى پارتيامىزدىڭ بيلىك جۇرگىزۋ نەگىزى مەن بيلىك جۇرگىزۋ ورنىن بەكەمدەۋدىڭ قاجەتتى تالابى. باتىل تۇردە شىرىكتەسۋدى جازالاپ، بۇرىس ستيلدەردى تۇزەتىپ، پارتيانىڭ العاباسارلىعى مەن كىرشىكسىزدىگىنە ىقپال جاسايتىن كەرەناۋ فاكتورلاردى باتىل الاستاعاندا عانا، تاڭداۋلى ستيل جانە قاتاڭ ءتارتىپ ارقىلى حالىقتىڭ سەنىمىنە جانە قولداۋىنا يە بولۋعا بولادى.

  پارتيا ستيلى، پاكتىك قۇرىلىسى ماڭگى جالعاسا بەرەدى، شىرىكتەسۋگە قارسى تۇرۋ كۇرەسى ماڭگى جالعاسا بەرەدى. پارتيامىز 100 جىلدىق ۇلكەن پارتيا رەتىندە العاباسارلىعى مەن كىرشىكسىزدىگىن ماڭگى ساقتاۋى، جالىندى ومىرشەڭدىگىن ماڭگى ساقتاۋى كەرەك، پارتيا ستيلى، پاكتىك قۇرىلىسىن جانە شىرىكتەسۋگە قارسى تۇرۋ كۇرەسىن، ءسوز جوق، ءبىر ءسات تە توقتاتپاي ىلگەرىلەتۋى كەرەك. بەينە باس شۋجي شي جينپيڭ:” ءار دارەجەلى باسشى كادرلار، اسىرەسە، نەگىزگى جاۋاپتى جولداستار، ءسوز جوق، پارتيانى باسقارۋ، پارتيانى جونگە سالۋ ساياسي جاۋاپكەرشىلىگىن شىن مانىندە ارقالاپ، قاشاندا ’ەمتيحانعا باراتىن‘ سەرگەكتىكتى ساقتاپ، ’شىرىتۋگە‘، ’قورشاپ اۋلاۋعا‘ قارسى قىراعىلىقتى ساقتاپ، قاتاڭدىق نەگىزگى ارناسىنا ۇزاق ۋاقىت تاباندى بولىپ، جۇيەلى جونگە سالۋ، ۇستىنەن وڭاۋ مەن تۇبىرىنەن وڭاۋدى ۇشتاستىرۋ ۇستانىمى ارقىلى ستيل تۇزەتۋ، ءتارتىپتى قاتايتۋ، شىرىكتەسۋگە قارسى تۇرۋ، پارتيانىڭ ءوزىن كىرشىكسىزدەندىرۋ، ءوزىن كەمەلدەندىرۋ، ءوزىن جاڭالاۋ، ءوزىن جوعارىلاتۋ قابىلەتىن ۇزدىكسىز كۇشەيتىپ، تىنىشتىق - بىلىقپالىق، گۇلدەنۋ - قۇلدىراۋ سىندى تاريح پەريودىنان ارىلىپ شىعىپ، جۇڭگوشا سوتسياليزمنىڭ ايبىندى الىپ كەمەسىنىڭ نىق قاداممەن الىستارعا جەتۋىنە جەتەكشىلىك ەتۋ جانە ونى قامتاماسىز ەتۋ كەرەك“ دەپ باسا دارىپتەگەندەي، پارتيا مۇشەلەرى، كادرلار يدەيالىق قورعانىس شەبىن مىقتاپ ورناتىپ، قاشاندا ءوزىن قادىرلەپ، ءوزىن تەجەپ، ءوزىن ساقتاندىرىپ، ءوزىن جىگەرلەندىرىپ، جەكە قالعاندا دا تەجەمدى بولۋ، بولماشى ىسكە دەيىن ساق بولۋ، باستان - اياق قۇنتتى بولۋ، ساياسي سەنىمى بەرىك، ەرەجە، تارتىپكە بويسۇناتىن اڭعارلى ادام بولۋ كەرەك. ءار دارەجەلى باسشى كادرلار باستاماشىلدىقپەن پارتيا تارتىبىنە، مەملەكەت زاڭىنا بويسۇنىپ، ەرەكشە ۇقىق يدەياسىنا، ەرەكشە ۇقىق جايتتەرىنە سانالى تۇردە قارسى تۇرىپ، باستاماشىلدىقپەن پاكتىكپەن وتباسىن جونگە سالىپ، بالا - شاعاسىن جانە جانىنداعى قىزمەتكەرلەردى قاتاڭ ويداعىداي باسقارۋ كەرەك.

  پارتيانى جاپپاي قاتاڭ جونگە سالۋ تەك قانا جالعاسا بەرەدى، توقتامايدى. پارتيانى باسقارۋدى، پارتيانى جونگە سالۋدى بوساڭسىتپاۋعا، ستيلدى تۇزەتىپ، ءتارتىپتى قاتايتۋدى كىدىرتپەۋگە، شىرىكتەسۋگە قارسى تۇرىپ، سۇرقيالىقتى جازالاۋدا اياۋشىلىق ىستەمەۋگە تاباندى بولىپ، پارتيانى جاپپاي قاتاڭ جونگە سالۋدىڭ ىشكەرىلەي تەرەڭدەي دامۋىن ىلگەرىلەتىپ، پارتيانى اناعۇرلىم قۋاتتى دا پارمەندى ەتىپ قۇرساق، پارتيامىز پاك، كىرشىكسىز ساياسي قاسيەتىن ماڭگى ساقتاپ، باستان - اياق ءداۋىردىڭ الدىڭعى لەگىندە ءجۇرىپ، باستان - اياق جۇڭگو حالقى مەن جۇڭحۋا ۇلتىنىڭ ەڭ سەنىمدى تىرەگىنە اينالادى، باستان - اياق جۇڭگوشا سوتسياليزم ىستەرىنىڭ پارمەندى باسشىلىق ۇيتقىسىنا اينالادى.

  (شينحۋا اگەنتتىگىنىڭ 1 - ايدىڭ 24 - كۇنى بەيجيڭنەن بەرگەن حابارى)

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.