تيانشان تورى
تيانشان تورى   ›   جاڭالىقتار   ›   ەل ءىشى حابارى

جۇڭگو كوممۋنيستىك پارتياسى 19 - كەزەكتى ورتالىق ءتارتىپ تەكسەرۋ كوميتەتى بەسىنشى جالپى ءماجىلىسىنىڭ مازمۇنداماسى

(جۇڭگو كوممۋنيستىك پارتياسى 19 - كەزەكتى ورتالىق ءتارتىپ تەكسەرۋ كوميتەتى بەسىنشى جالپى ماجىلىسىندە 2021 - جىلى 1 - ايدىڭ 24 - كۇنى ماقۇلداندى)

  جۇڭگو كوممۋنيستىك پارتياسى 19 - كەزەكتى ورتالىق ءتارتىپ تەكسەرۋ كوميتەتى بەسىنشى جالپى ءماجىلىسى 2021 - جىلى 1 - ايدىڭ 22 - كۇنىنەن 24 - كۇنىنە دەيىن بەيجيڭدە وتكىزىلدى. بۇل رەتكى جالپى ماجىلىسكە ورتالىق ءتارتىپ تەكسەرۋ كوميتەتىنىڭ مۇشەلەرىنەن 133 ادام قاتىناستى، 253 ادام سىرتتاي قاتىناستى.

      جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ ماجىلىسكە قاتىناستى ءارى ماڭىزدى ءسوز سويلەدى. لي كىچياڭ، لي جانشۋ، ۋاڭ ياڭ، ۋاڭ حۋنيڭ، جاۋ لىجي، حان جىڭ قاتارلى پارتيا مەن مەملەكەت باسشىلارى ماجىلىسكە قاتىناستى.

  جالپى ءماجىلىستى ورتالىق ءتارتىپ تەكسەرۋ كوميتەتىنىڭ تۇراقتى كوميتەتى باسقاردى. جالپى ءماجىلىس شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، پارتيا 19 - قۇرىلتايىنىڭ جانە 19 - كەزەكتى ورتالىق كوميتەتى ەكىنشى، ءۇشىنشى، ءتورتىنشى، بەسىنشى جالپى ماجىلىستەرىنىڭ رۋحىن جالپى بەتتىك دايەكتىلەندىرىپ، تياناقتاندىرىپ، 2020 - جىلعى ءتارتىپ تەكسەرۋ، باقىلاۋ - تەكسەرۋ قىزمەتىن قورىتىندىلاپ، 2021 - جىلعى مىندەتتەردى ورنالاستىردى، جاۋ لىجي جولداستىڭ ورتالىق ءتارتىپ تەكسەرۋ كوميتەتى تۇراقتى كوميتەتى اتىنان جاساعان «جاڭا داۋىردەگى ءتارتىپ تەكسەرۋ، باقىلاۋ - تەكسەرۋ قىزمەتىنىڭ جوعارى ساپالى دامۋىن ىلگەرىلەتىپ، جۇڭگو كوممۋنيستىك پارتياسى قۇرىلعاندىعىنىڭ 100 جىلدىعىن ۇزدىك ناتيجەمەن قۇتتىقتايىق» دەگەن تاقىرىپتاعى قىزمەت بايانداماسىن قاراپ ماقۇلدادى.

  جالپى ءماجىلىس باس شۋجي شي جينپيڭنىڭ ماڭىزدى ءسوزىن مۇقيات ۇيرەندى، تەرەڭ ءتۇسىندى. ءبىر اۋىزدان بىلاي دەپ قارادى: ءسوز وتكەن ءبىر جىلداعى پارتيانى جاپپاي قاتاڭ جونگە سالۋدا قول جەتكەن تىڭ دا كەلەلى تابىستاردى تولىق تۇراقتاندىرىپ، پارتيانى جاپپاي قاتاڭ جونگە سالۋدىڭ جاڭا جاعدايىن، جاڭا مىندەتتەرىن تەرەڭدەي باياندادى، پارتيانى جاپپاي قاتاڭ جونگە سالۋدا الدىمەن ساياسي جاقتان قاراۋدى، ساياسي تۇجىرىمداۋ قابىلەتىن، ساياسي ءتۇسىنۋ قابىلەتىن، ساياسي اتقارۋ قابىلەتىن ۇزدىكسىز جوعارىلاتۋدى، پارتيا ستيلى، پاكتىك قۇرىلىسىن جانە شىرىكتەسۋگە قارسى تۇرۋ كۇرەسىن ءبىر ءسات تە توقتاتپاي ىلگەرىلەتۋدى، پارتيانى جاپپاي قاتاڭ جونگە سالۋدىڭ جەتەكشىلىك ەتۋ، قامتاماسىزداندىرۋ رولىن تولىق ساۋلەلەندىرۋدى، قۋاتتى دا پارمەندى ساياسي باقىلاۋ ارقىلى ”14 - بەسجىلدىق“ مەزگىلىندەگى نىسانالار مەن مىندەتتەردىڭ ناقتى تياناقتانۋىنا شىنايى كەپىلدىك ەتۋدى باسا دارىپتەدى. ءسوزدىڭ تۇرعىسى بيىك، يدەياسى تەرەڭ، مازمۇنى باي، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ بيىكتە تۇرىپ الىستى بولجايتىن ستراتەگيالىق كورەگەندىگىن، باستان - اياق اتقارىپ كەلگەن تاريحي جاۋاپكەرشىلىگىن، حالىق ءۇشىن قالتقىسىز بولاتىن وسكەلەڭ ورەسىن، پارتيانى كوركەيتىپ، مەملەكەتتى قۇدىرەتتەندىرەتىن بورىشتىلىق پەيىلىن تولىق ايگىلەدى، ءسوز اسا كۇشتى ساياسي، يدەيالىق، جەتەكشىلىك سيپاتقا يە، پارتيانى جاپپاي قاتاڭ جونگە سالۋدىڭ تەرەڭدەي دامۋىن ىلگەرىلەتۋدەگى ماڭىزدى بويسۇنۋ ولشەمى، جاڭا داۋىردەگى ءتارتىپ تەكسەرۋ، باقىلاۋ - تەكسەرۋ قىزمەتىنىڭ جوعارى ساپالى دامۋىنىڭ ارەكەت باعدارناماسى. باس شۋجي شي جينپيڭ ءتارتىپ تەكسەرۋ، باقىلاۋ - تەكسەرۋ كادرلار قوسىنىنا ىقىلاستى ءۇمىت ارتىپ، ايقىن تالاپ قويدى. باس شۋجي شي جينپيڭنىڭ ماڭىزدى ءسوزىنىڭ رۋحىن ىشكەرىلەي ۇيرەنىپ، دايەكتىلەندىرىپ، يدەيا مەن ارەكەتتى پارتيا ورتالىق كوميتەتىنىڭ شەشىمدەرىمەن، ورنالاستىرۋلارىمەن سانالى تۇردە بىرلىككە كەلتىرىپ، ايقىن تۋ ۇستاي وتىرىپ ساياسيدى دارىپتەپ، جاۋاپكەرشىلىكتى ءبىلىپ، جۇرەككە ۇيالاتىپ، جاۋاپكەرشىلىكتى ۇستىنە الىپ، جاۋاپكەرشىلىكتى ارەكەتىمەن اتقارىپ، جالپى ءماجىلىس ورنالاستىرعان ءتۇرلى مىندەتتەردى تىڭعىلىقتى تياناقتاندىرۋ كەرەك.

  جالپى ءماجىلىس مىنالاردى اتاپ كورسەتتى: 2020 - جىلى كۇردەلى دە قىم - قۋىت حالىقارالىق جاعداي، جاپالى دا قات - قابات رەفورما، دامۋ، ورنىقتىلىق مىندەتتەرى، اسىرەسە، توسىن كەلگەن جاڭا تيپتى ايدارشا ۆيرۋس وكپە قابىنۋ ىندەتى الدىندا، شي جينپيڭ جولداستى ۇيتقى ەتكەن پارتيا ورتالىق كوميتەتى جۇڭحۋا ۇلتىنىڭ ۇلى گۇلدەنۋى ستراتەگياسىنىڭ جالپى جاعدايى مەن دۇنيە جۇزىندە 100 جىلدا بولماعان ۇلكەن وزگەرىستى ءبىر تۇتاس جوسپارلاپ، بۇكىل پارتيانى، بۇكىل ەلدەگى ءار ۇلت حالقىن ىنتىماقتاستىرىپ، باستاپ، ”بەستى ءبىر تۇلعالاندىرۋ“ جالپىلىق ورنالاستىرۋىن ءبىر تۇتاس جوسپارلاپ ىلگەرىلەتىپ، ”ءتورتتى جاپپاي ورىنداۋ“ ستراتەگيالىق ورنالاستىرۋىن سايكەستى ىلگەرىلەتىپ، قامال الىپ، قيىندىقتى جەڭىپ، داعدارىستى ورايعا اينالدىرىپ، ۇدەرە العا تارتىپ، ءورىس اشا جاڭالىق اشىپ، ءوز ءىسىن قايىسپاس قايسارلىلىقپەن ويداعىداي ىستەپ، پارتيا مەن مەملەكەتتىڭ ءتۇرلى ىستەرىندە تىڭ دا كەلەلى جەتىستىكتەرگە قول جەتكىزۋدى ىلگەرىلەتىپ، پارتيانىڭ باسشىلىعى مەن جۇڭگوشا سوتسياليزم ءتۇزىمىنىڭ كورنەكتى ابزالدىلىعىن تولىق ايگىلەدى. پارتيا ورتالىق كوميتەتىنىڭ پارمەندى باسشىلىعىندا، ورتالىق ءتارتىپ تەكسەرۋ كوميتەتى، مەملەكەتتىك باقىلاۋ - تەكسەرۋ كوميتەتى جانە جەرگىلىكتى ءار دارەجەلى ءتارتىپ تەكسەرۋ كوميتەتتەرى، باقىلاۋ - تەكسەرۋ كوميتەتتەرى شي جينپيڭنىڭ جاڭا ءداۋىر جۇڭگوشا سوتسياليزم يدەياسىن تاباندىلىقپەن جەتە ۇيرەنىپ، جەتە ءتۇسىنىپ، شىنايى تياناقتاندىرىپ، وسكەلەڭ ساياسي سانالىلىقپەن ”ەكىنى قورعاۋ“ كەلەلى جاۋاپكەرشىلىگىن ارقالاپ، قاتاڭ بولۋ نەگىزگى ارناسىنان جازباي، ورنىقتىلىق بارىسىندا ىلگەرىلەپ، تاباندى دا بايىپتى بولىپ، ىندەتتەن ساقتانۋ - تىزگىندەۋ كۇرەسى، جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە جەتۋ، كەدەيلىكتەن ارىلتۋدان قامال الۋدىڭ شەشۋشى شايقاسىن جۇرگىزۋ سياقتى سۇراپىل شايقاس، ۇلكەن سىناق بارىسىندا ادالدىقپەن مىندەت اتقارىپ، جاۋاپكەرشىلىكتى ادا ەتتى، ءتارتىپ تەكسەرۋ، باقىلاۋ - تەكسەرۋ قىزمەتىنىڭ جوعارى ساپالى دامۋى تەرەڭدەي ىلگەرىلەدى. پارتيا ورتالىق كوميتەتىنىڭ كەلەلى شەشىمدەرىنىڭ، ورنالاستىرۋلارىنىڭ دايەكتىلەنۋ، تياناقتانۋ جاعدايىن تىعىز ارقاۋ ەتە وتىرىپ ساياسي باقىلاۋدى كۇشەيتىپ، ورتالىقتىڭ سەگىز ءتۇرلى بەلگىلەمەسىنىڭ جانە ونى اتقارۋدىڭ ەگجەي - تەگجەيلى ەرەجەسىنىڭ رۋحىن مىزعىماي تياناقتاندىرىپ، فورماشىلدىقتى، تورەشىلدىكتى ۇزدىكسىز تۇزەتىپ، راقاتقۇمارلىقتىڭ، استا - توكتىكتىڭ قايتا بەلەڭ بەرۋىنەن ساقتاندى. ساياسي شارلاۋدان تاپجىلماي، شارلاۋدى، رەتتەۋ - تۇزەتۋدى جانە تابىستارىنان پايدالانۋدى ويداعىداي يگەرىپ، شارلاۋدا، شارلاپ تەكسەرۋدە بىرلەسە قيمىلداۋ قىزمەت مەحانيزمىن كەمەلدەندىردى. ءتارتىپ تەكسەرۋ، باقىلاۋ - تەكسەرۋ ءتۇزىلىسى رەفورماسىن تەرەڭدەتىپ، ارنايى جاۋاپكەرشىلىكپەن باقىلاۋدىڭ رولىن ساۋلەلەندىرىپ، پارتيا ىشىندەگى باقىلاۋدىڭ باسقا باقىلاۋلارمەن ساباقتاسۋىن، سايكەسۋىن جەبەپ، ”ءبىرىنشى باسشىعا“ باقىلاۋ جۇرگىزۋدەگى جانە ۇقساس دارەجەگە باقىلاۋ جۇرگىزۋدەگى قيىن ماسەلەلەردى كۇش سالا شەشتى. شىرىكتەسۋگە باتىلدىق ەتپەۋ، شىرىكتەسۋگە مۇمكىندىك بولماۋ، شىرىكتەسۋدى ويىنا الماۋ ستراتەگيالىق نىساناسىن ءبىر تۇلعادا ىلگەرىلەتۋگە تاباندى بولىپ، ساياسي ماسەلە مەن ەكونوميكالىق ماسەلە قاباتتاسقان شىرىكتەسۋ دەلولارىن باتىل تەكسەرىپ ءبىر جاقتى ەتىپ، فينانس، مەملەكەت مەنشىگىندەگى كاسىپورىن، ساياسي - زاڭ سياقتى سالالارداعى شىرىكتەسۋگە قارسى تۇرۋ قىزمەتىن تەرەڭدەتىپ، بۇقارانىڭ ماڭىنداعى شىرىكتەسۋ جانە ستيل ماسەلەسىن كۇش سالا رەتتەپ - جونگە سالىپ، ”ءتورت ءتۇرلى فورماتسيانى“ دالمە - ءدال قولدانىپ، دەلو ارقىلى تۇزەتۋدى جەبەۋدى تىڭعىلىقتى، ويداعىداي ىستەدى. ءتارتىپ تەكسەرۋ، باقىلاۋ - تەكسەرۋ ورگاندارىنىڭ ءوز قۇرىلىسىن كۇشەيتىپ، ءوزىن تەجەۋدى كۇشەيتىپ، باقىلاۋدى سانالىلىقپەن قابىلداپ، ”شامنىڭ ءتۇبى قاراڭعى بولۋدان“ باتىل ساقتاندى. جالپى ءماجىلىس وتكەن ءبىر جىلدىق اماليات بارىسىندا قالىپتاسقان تانىمداردى قورىتىندىلاپ، ناتيجەنى تۇراقتاندىرۋمەن بىرگە، شىندىقتى ءىس جۇزىنەن ىزدەي وتىرىپ ءتارتىپ تەكسەرۋ، باقىلاۋ - تەكسەرۋ قىزمەتى مەن كادرلار قوسىنى قۇرىلىسىندا ورىن تەپكەن باستى ماسەلەلەرگە تالداۋ جاساپ، ايرىقشا ءمان بەرۋدى، شىنايى شەشۋدى تالاپ ەتتى.

  جالپى ءماجىلىس مىنالاردى ورتاعا قويدى: 2021 - جىل ”14 - بەسجىلدىق“ جوبا اتقارىلاتىن، جاپپاي سوتسياليستىك وسىزاماندانعان مەملەكەت قۇرۋ جاڭا ساپارى باستالاتىن ءبىرىنشى جىل ءارى پارتيامىز قۇرىلعاندىعىنىڭ 100 جىلدىعى. ءتارتىپ تەكسەرۋ، باقىلاۋ - تەكسەرۋ قىزمەتىن ويداعىداي ىستەۋدە شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، پارتيا 19 - قۇرىلتايىنىڭ جانە 19 - كەزەكتى ورتالىق كوميتەتى ەكىنشى، ءۇشىنشى، ءتورتىنشى، بەسىنشى جالپى ماجىلىستەرىنىڭ رۋحىن جالپى بەتتىك دايەكتىلەندىرىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، ورنىقتىلىق بارىسىندا ىلگەرىلەۋ قىزمەت جالپى ارناسىنان جازباي، جاڭا دامۋ كەزەڭىن تياناق ەتىپ، جاڭا دامۋ ۇستانىمىن دايەكتىلەندىرىپ، جاڭا دامۋ ارناسىن قالىپتاستىرىپ، جوعارى ساپالى دامۋدى ىلگەرىلەتۋدى باستى تاقىرىپ ەتىپ، مىزعىماس تاباندىلىقپەن پارتيانى جاپپاي قاتاڭ جونگە سالىپ، پارتيا مەن مەملەكەتتىڭ باقىلاۋ جۇيەسىنە تاباندى بولىپ جانە ونى كەمەلدەندىرىپ، پارتيا ۋستاۆى مەن نەگىزگى زاڭدا جۇكتەلگەن قىزمەت جاۋاپكەرشىلىگىن ادالدىقپەن اتقارىپ، پارتيا ورتالىق كوميتەتىنىڭ شەشىمدەرىنىڭ، ورنالاستىرۋلارىنىڭ ءونىمدى تياناقتانۋىن پارمەندى ىلگەرىلەتىپ، وسىزامانداندىرۋ قۇرىلىسىنىڭ كەلەلى جاعدايىن توڭىرەكتەي وتىرىپ اتقارۋدى باقىلاۋ، قامتاماسىزداندىرۋ، دامۋدى جەبەۋ، كەمەلدەندىرۋ رولىن ساۋلەلەندىرىپ، شىرىكتەسۋگە باتىلدىق ەتپەۋدى، شىرىكتەسۋگە مۇمكىندىك بولماۋدى، شىرىكتەسۋدى ويىنا الماۋدى ءبىر تۇلعادا ىلگەرىلەتىپ، ءتارتىپ تەكسەرۋ، باقىلاۋ - تەكسەرۋ ءتۇزىلىسى رەفورماسىن تەرەڭدەتىپ، ارناعا ءتۇسىرۋ، زاڭمەن جونگە سالۋ قۇرىلىسىن تىڭعىلىقتى ىلگەرىلەتىپ، كادرلار قوسىنى قۇرىلىسىن شىنايى كۇشەيتىپ، ”14 - بەسجىلدىقتا“ جاقسى باستاما اشۋعا پارمەندى قامتاماسىزدىق ازىرلەپ، پارتيا قۇرىلعاندىعىنىڭ 100 جىلدىعىن ۇزدىك ناتيجەمەن قۇتتىقتاۋ كەرەك.

  جالپى ءماجىلىس مىنالاردى تالاپ ەتتى: ءار دارەجەلى ءتارتىپ تەكسەرۋ، باقىلاۋ - تەكسەرۋ ورگاندارى پارتيا 19 - كەزەكتى ورتالىق كوميتەتى بەسىنشى جالپى ءماجىلىسىنىڭ رۋحىن ىشكەرىلەي ۇيرەنىپ، دايەكتىلەندىرىپ، باس شۋجي شي جينپيڭنىڭ پارتيا ورتالىق كوميتەتىنىڭ ۇيتقىسى، بۇكىل پارتيانىڭ ۇيتقىسى ورنىن باتىل قورعاپ، پارتيا ورتالىق كوميتەتىنىڭ بەدەلى مەن ورتالىقتانعان ءبىر تۇتاس باسشىلىعىن باتىل قورعاپ، ساياسي باقىلاۋدى اناعۇرلىم كورنەكتىلەندىرىپ، جوعارى ساپالى دامۋ نەگىزگى تاقىرىبىن اناعۇرلىم كورنەكتىلەندىرىپ، بۇقارانىڭ ماڭىنداعى شىرىكتەسۋ جانە ستيل ماسەلەلەرىن رەتتەۋ - جونگە سالۋدى اناعۇرلىم كورنەكتىلەندىرىپ، باقىلاۋدىڭ جونگە سالۋ ونىمدىلىگىن ساۋلەلەندىرۋدى اناعۇرلىم كورنەكتىلەندىرىپ، قاتاڭ باسقارۋ مەن ايالاۋدى بىرلەستىرۋدى، ىنتالاندىرۋ مەن تەجەۋگە قاتار ءمان بەرۋدى اناعۇرلىم كورنەكتىلەندىرىپ، ستيل دۇرىستاۋدى، ءتارتىپتى قاتايتۋدى، شىرىكتەسۋگە قارسى تۇرۋدى وسىزامانداندىرۋ قۇرىلىسىنىڭ قاجەتىنە اناعۇرلىم ويداعىداي ۇيلەستىرىپ، باقىلاۋ جۇيەسىن مەملەكەتتى جونگە سالۋ جۇيەسىمەن اناعۇرلىم ويداعىداي توعىستىرىپ، اناعۇرلىم زور جونگە سالۋ ونىمدىلىگىن جارىققا شىعارىپ، جاپپاي سوتسياليستىك وسىزاماندانعان مەملەكەت قۇرۋدىڭ جاڭا ساپارىن باستاۋدا ماڭىزدى رول اتقارۋ كەرەك.

  ءبىرىنشى، ”ەكىنى قورعاۋدى“ سانالىلىقپەن امالياتتا ايگىلەپ، قۋاتتى دا پارمەندى ساياسي باقىلاۋ ارقىلى ”14 - بەسجىلدىق“ جوبانىڭ ءساتتى اتقارىلۋىن قامتاماسىز ەتۋ كەرەك. شي جينپيڭنىڭ جاڭا ءداۋىر جۇڭگوشا سوتسياليزم يدەياسىن ىشكەرىلەي ۇيرەنىپ، دايەكتىلەندىرىپ، ماركسيزمدىك تۇرعىدان، كوزقاراستان، ادىستەن پايدالانىپ ءىس جۇزىندىك ماسەلەلەرگە تالداۋ جاساۋ، شەشۋ قابىلەتىن جوعارىلاتۋ كەرەك. جاڭا دامۋ ۇستانىمىن دايەكتىلەندىرۋ، جاڭا دامۋ ارناسىن قالىپتاستىرۋ، جوعارى ساپالى دامۋدى ىلگەرىلەتۋ، قامداۋ جاعىنداعى قۇرىلىمدىق رەفورمانى تەرەڭدەتۋ، حالىقتىڭ تۇرمىس ساپاسىن جوعارىلاتۋ، حاۋىپسىز دامۋ تومەنگى شەگىن ساقتاۋ سياقتى كەلەلى شەشىمدەردى ارقاۋ ەتىپ، ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدىڭ ناتيجەسىن بەكەمدەۋ، مەملەكەتتىڭ ستراتەگيالىق عىلىم - تەحنيكالىق كۇشىن نىعايتۋ، كاسىپ سالاسى تىزبەگىنىڭ، قامداۋ تىزبەگىنىڭ ءوز كۇشىنە سۇيەنۋ، مەڭگەرۋ قابىلەتىن كۇشەيتىپ، ىشكى سۇرانىستى كەڭەيتۋ ستراتەگيالىق نەگىزگى تۇيىنگە تاباندى بولۋ سياقتى ءتۇيىندى مىندەتتەردى ارقاۋ ەتىپ، اۋىل شارۋاشىلىعى، اۋىل - قىستاق، شارۋالار ماسەلەلەرىن ويداعىداي شەشۋ، اۋىل شارۋاشىلىعىن، اۋىل قىستاقتى وسىزامانداندىرۋدى جەدەلدەتۋ سياقتى ورنالاستىرۋلار مەن تالاپتاردى ارقاۋ ەتىپ، باقىلاۋ - تەكسەرۋدى كۇشەيتىپ، تياناقتاندىرۋدى، تىڭعىلىقتى ورىنداۋدى قۋزاۋ كەرەك. ءتارتىپ تەكسەرۋ، باقىلاۋ - تەكسەرۋ قىزمەتىنىڭ ۇستانىمىندا، وي جەلىسىندە، تۇزىمىندە، مەحانيزمىندە جاڭالىق اشۋدى ىلگەرىلەتىپ، وسىزامانداندىرۋ قۇرىلىسىنا قىزمەت وتەۋ جانە ونى قامتاماسىز ەتۋدىڭ ءونىمدى شارالارى جونىندە امالياتقا ىشكەرىلەي ارالاسا وتىرىپ ىزدەنىس جاساپ، پاكتىك قۇرىلىسىن زور كۇشپەن ىلگەرىلەتىپ، ستيلى پاك، سالتى دۇرىس ساياسي ەكولوگيا جانە تاماشا دامۋ ورتاسىن قالىپتاستىرۋ كەرەك.

  ەكىنشى، شىرىكتەسۋگە قارسى تۇرۋ كۇرەسىن مىزعىماس تاباندىلىقپەن تەرەڭدەتىپ، شىرىكتەسۋگە باتىلدىق ەتپەۋدى، شىرىكتەسۋگە مۇمكىندىك بولماۋدى، شىرىكتەسۋدى ويىنا الماۋدى ءبىر تۇلعادا ىلگەرىلەتۋ كەرەك. ساياسي ماسەلە مەن ەكونوميكالىق ماسەلە قاباتتاسقان شىرىكتەسۋ دەلولارىن ءتۇيىندى تۇردە تەكسەرىپ ءبىر جاقتى ەتىپ، نازاردى ساياساتتىق قولداۋ سەرپىنى كۇشتى، قارجى قوسۋى شوعىرلى، بايلىق توپتالعان سالالار مەن بۋىندارعا شوعىرلاندىرىپ، نەگىزدىك قۇرىلعى قۇرىلىسى، نىسانداردى تەكسەرىپ بەكىتۋ، مەملەكەت مەنشىگىندەگى كاسىپورىن رەفورماسى، الەۋمەتتىك بايلىق ايىرباسى، عىلمي زەرتتەۋدى باسقارۋ سياقتى جاقتارداعى شىرىكتەسۋ ماسەلەلەرىن باتىل تەكسەرىپ ءبىر جاقتى ەتۋ كەرەك. فينانس سالاسىنداعى شىرىكتەسۋگە قارسى تۇرۋ قىزمەتىن تەرەڭدەتىپ، مەملەكەت مەنشىگىندەگى كاسىپورىندارداعى شىرىكتەسۋ ماسەلەلەرىن ۇزدىكسىز جازالاپ، ساياسي - زاڭ سالاسىنداعى شىرىكتەسۋدى جازالاۋ سەرپىنىن ارتتىرىپ، شىرىكتەسۋگە قارسى تۇرۋ بويىنشا حالىقارالىق سەلبەستىكتى جانە حالىقاراداعى قاشقاندار مەن ارام ولجانى قايتارىپ اكەلۋدى ىشكەرىلەي ىلگەرىلەتۋ كەرەك، ۇستىنەن وڭاۋ مەن تۇبىرىنەن وڭاۋدى ۇشتاستىرۋدى تەرەڭدەتىپ، دەلو ارقىلى تۇزەتۋدى جەبەۋدى، دەلو ارقىلى جونگە سالۋدى جەبەۋدى شىنايى ىستەۋ كەرەك.

  ءۇشىنشى، فورماشىلدىقتىڭ، تورەشىلدىكتىڭ ءسىڭىستى دەرتىن رەتتەۋ - جونگە سالۋدى تەرەڭدەتىپ، شىندىققا جۇگىنىپ ناقتى ىستەۋ، پاك، كىرشىكسىز بولۋ جاڭا ستيلىنىڭ، دۇرىس سالتىنىڭ ۇزدىكسىز تولىسۋىنا مۇمكىندىك جاساۋ كەرەك. ورتالىقتىڭ سەگىز ءتۇرلى بەلگىلەمەسىنىڭ جانە ونى اتقارۋدىڭ ەگجەي - تەگجەيلى ەرەجەسىنىڭ رۋحىن تاباندىلىقپەن تياناقتاندىرىپ، پارتيا ورتالىق كوميتەتىنىڭ شەشىمدەرىن، ورنالاستىرۋلارىن دايەكتىلەندىرۋدە قولايىنا قاراۋ، قۇبىلتۋ، مۇلتىكسىز اتقارماۋ سياقتى فورماشىلدىق، تورەشىلدىك كورنەكتى ماسەلەلەرىن دالمە - ءدال جونگە سالىپ، راقاتقۇمارلىق، استا - توكتىك نىسايىن قاتاڭ تەكسەرۋ كەرەك. باسشى كادرلاردىڭ جۇبايلارىنىڭ، بالالارىنىڭ جانە ولاردىڭ جۇبايلارىنىڭ ساۋدامەن شۇعىلدانۋ، كاسىپورىن قۇرۋ ءىس - ارەكەتىن ارناعا ءتۇسىرۋ بەلگىلەمەلەرىنىڭ تياناقتانۋىن قۋزاپ، جوعارى ارقىلى تومەنگە جەتەكشىلىك ەتۋدى، قاتاڭ اتقارۋدى ىلگەرىلەتۋ كەرەك. پارتيالى باسشى كادرلاردى ەرەكشە ۇقىق يدەياسىنا جانە ەرەكشە ۇقىق ءىس - ارەكەتىنە باتىل قارسى تۇرۋعا، بالا - شاعالارىن قاتاڭ، جاقسى باسقارۋعا، وتباسى ستيلىن، وتباسى تاربيەسىن قاتايتۋعا تاربيەلەۋ جانە جەتەكتەۋ كەرەك.

  ءتورتىنشى، بۇقارانىڭ ماڭىنداعى شىرىكتەسۋدى جانە بۇرىس ستيلدەردى ۇزدىكسىز رەتتەپ - جونگە سالىپ، قوعامدىق ادىلدىك پەن تۋراشىلدىقتى جەبەۋ، بۇقارانىڭ زاڭدى ۇقىق - مۇددەسىن قامتاماسىز ەتۋ كەرەك. حالىققا تيىمدىلىك جاساۋعا، حالىقتى بايىتۋعا، بىرگە بايۋدى جەبەۋگە قاتىستى ساياسات - شارالاردىڭ تياناقتانۋ جاعدايىنا باقىلاۋ - تەكسەرۋدى كۇشەيتىپ، ”ءتورتتى توقتاتپاۋ“ ساياساتىنىڭ ناتيجەسىن بەكەمدەۋ جونىندەگى باقىلاۋدى كۇشەيتىپ، اۋىل - قىستاقتى گۇلدەندىرۋمەن ءونىمدى ۇشتاستىرۋدى قامتاماسىز ەتىپ، وقۋ - اعارتۋ، ەمدەۋ، زەينەتكەرلىك جانە قوعامدىق قامسىزداندىرۋ، ەكولوگيالىق قورشاعان ورتانى قورعاۋ، ءوندىرىس حاۋىپسىزدىگى، ازىق - تۇلىك، ءدارى - دارمەك حاۋىپسىزدىگى، زاڭ اتقارۋ جانە ءادىليا سياقتى سالالارداعى شىرىكتەسۋ جانە ستيل ماسەلەلەرىن ۇزدىكسىز تۇزەتىپ، جونگە سالىپ، قارا كۇشتەرگە، سۇرقيا كۇشتەرگە ساياتىن ”باسقالقالاردى“ باتىل جازالاپ، حالىق تۇرمىسى سالاسىندا بۇقارانىڭ مۇددەسىن زيانداۋ ماسەلەلەرىن جونگە سالۋ مەحانيزمىن كەمەلدەندىرۋ كەرەك.

  بەسىنشى، شارلاۋدا، شارلاپ تەكسەرۋدە جوعارى مەن تومەن بىرلەسە قيمىلداۋدى ىلگەرىلەتىپ، پارتيا ىشىندەگى باقىلاۋدىڭ وتكىر قانجارلىق جانە بۇقارامەن تىعىز بايلانىس جاساۋداعى دانەكەرلىك رولىن تولىق ساۋلەلەندىرۋ كەرەك. ساياسي شارلاۋ تالابىن دالمە - ءدال تياناقتاندىرىپ، شارلاۋ، شارلاپ تەكسەرۋ بويىنشا رەتتەۋ - تۇزەتۋدى جانە ناتيجەسىنەن پايدالانۋدى تەرەڭدەتىپ، رەتتەۋ - تۇزەتۋدى جەبەۋ مەحانيزمىن، باعالاۋ مەحانيزمىن ورناتۋ جونىندە ىزدەنىس جاساۋ كەرەك. ولكەلەرگە، رايوندارعا، قالالارعا شارلاۋ جۇرگىزۋ قىزمەتىنە جەتەكشىلىك ەتۋدى، نۇسقاۋ كورسەتۋدى كۇشەيتىپ، قالالاردى، اۋدانداردى شارلاپ تەكسەرۋدىڭ نەگىزگى ساتىعا كەڭەيۋىن ىلگەرىلەتۋ كەرەك.

  التىنشى، ءتۇرلى باقىلاۋلاردىڭ ساباقتاسۋىن، توعىسۋىن جەبەپ، باقىلاۋدىڭ جونگە سالۋ ونىمدىلىگىن ۇزدىكسىز كۇشەيتۋ كەرەك. پارتيا ۇيىمدارىنىڭ پارتيانى باسقارۋ، پارتيانى جونگە سالۋ ساياسي جاۋاپكەرشىلىگىن جانە شۋجيدىڭ ءبىرىنشى جاۋاپتى ادامدىق جاۋاپكەرشىلىگىن قاتايتۋ، ناقتىلاندىرۋ كەرەك. كۇندەلىكتى باقىلاۋدى تەرەڭدەتىپ، باقىلاۋدىڭ تومەنگە ءتۇسۋىن، باقىلاۋدىڭ تىڭعىلىقتى ورىندالۋىن ىلگەرىلەتىپ، ماسەلە تۋىلماي تۇرعاندا باقىلاۋ جۇرگىزىپ، ”ءبىرىنشى باسشىعا“ جانە باسشىلىق القاعا باقىلاۋ جۇرگىزۋدى كۇشەيتۋ كەرەك. كەزەك اۋىستىرۋ ءتارتىبىن قاتايتىپ، سايلاۋدا داۋىس جيناۋ، پارا بەرۋ، ءمانساپ ساۋدالاۋ، ءمانساپ ءۇشىن الاشاپقىن بولۋ ءىس - ارەكەتتەرىن قاتاڭ تەكسەرىپ، ءبىر جاقتى ەتۋ كەرەك. الدىڭعىلاردان ساباق الىپ كەيىنگىلەرگە عيبىرات ەتۋگە، اۋرۋدى ەمدەپ ادامدى قۇتقارۋعا تاباندى بولىپ، ”ءتورت ءتۇرلى فورماتسيانى“ قولدانۋدى تەرەڭدەتىپ، ”ءۇشتى پارىقتاندىرۋدى“ ورىنداۋ كەرەك. جاۋاپقا تارتۋدىڭ وتكىر قارۋىن دالمە - ءدال، ولشەمدى، ويداعىداي قولدانۋ كەرەك. پارتيا مۇشەلەرىنىڭ ۇقىقتارىن قامتاماسىز ەتۋ ەرەجەسىن قاتاڭ تياناقتاندىرىپ، پارتيالى كادرلاردىڭ ءىس تىندىرىپ ناتيجە شىعارۋداعى ىشكى قوزعاۋشى كۇشىن قاۋلاتۋ كەرەك.

  جەتىنشى، ءتارتىپ تەكسەرۋ، باقىلاۋ - تەكسەرۋ ءتۇزىلىسى رەفورماسىن ىشكەرىلەي، ناقتى يگەرىپ، پارتيا ىشىندەگى باقىلاۋ مەن مەملەكەتتىك باقىلاۋ - تەكسەرۋدىڭ جاپپاي قامتۋىن ءونىمدى ىلگەرىلەتۋ كەرەك. رەفورمانىڭ جەتەكشى بولۋ، قامال الۋ، ورناتۋ رولىن ساۋلەلەندىرىپ، پارتيا ورتالىق كوميتەتى بەلگىلەگەن ءتارتىپ تەكسەرۋ، باقىلاۋ - تەكسەرۋ ءتۇزىلىس رەفورماسى مىندەتتەرىن ءبىر تۇتاس جوسپارلاپ ىلگەرىلەتۋ كەرەك. جۇڭگو كوممۋنيستىك پارتياسى ءتارتىپ تەكسەرۋ كوميتەتىنىڭ قىزمەت ەرەجەسىن، پارتيا مۇشەلەرى مەن ۇكىمەت قىزمەتكەرلەرىنىڭ تارتىپكە قايشى قىزمەتتىك، زاڭعا قايشى قىزمەتتىك قىلمىس وتكىزۋ كۇمانى تاعىلعان دەلولاردى تەكسەرىپ ءبىر جاقتى ەتۋدە سايكەسۋ، سەلبەسۋ ءادىسىن اقىلداسىپ جاساپ، ارناعا ءتۇسىرۋ، زاڭمەن جونگە سالۋ قۇرىلىسىن جەبەۋ كەرەك.

  سەگىزىنشى، ءوزىن باقىلاۋدى، تەجەۋدى قاتاڭ، ناقتى كۇشەيتىپ، ساياسي ساپاسى جوعارى، ادال، كىرشىكسىز، جاۋاپكەرشىلىك ارقالايتىن، كاسىبي قابىلەتى كۇشتى، كۇرەس جۇرگىزۋگە باتىل، كۇرەس جۇرگىزۋگە شەبەر ءتارتىپ تەكسەرۋ، باقىلاۋ - تەكسەرۋ قۇرىش قوسىنىن قۇرۋ كەرەك. باستاماشىلدىقپەن ايقىن تۋ ۇستاي وتىرىپ ساياسيدى دارىپتەپ، باستاماشىلدىقپەن ساياسي تۇجىرىمداۋ قابىلەتىن، ساياسي ءتۇسىنۋ قابىلەتىن، ساياسي اتقارۋ قابىلەتىن جوعارىلاتىپ، ءتارتىپ - زاڭ تانىمىن، ءتارتىپ - زاڭ ويىن، ءتارتىپ - زاڭ ساپاسىن كۇشەيتىپ، ماماندانۋ دەڭگەيىن جوعارىلاتۋ كەرەك. ەڭ قاتاڭ تەجەۋدى جانە باقىلاۋدى سانالىلىقپەن قابىلداپ، باقىلاۋ، ءتارتىپ اتقارۋ قىزمەتى ەرەجەسىن، باقىلاۋ، زاڭ اتقارۋ قىزمەتى بەلگىلەمەلەرىن قاتاڭ اتقارىپ، وتباسىنداعىلاردىڭ، تۋىستارىنىڭ ءتارتىپ تەكسەرۋ، باقىلاۋ - تەكسەرۋ كادرلارىنىڭ ىقپالىنان پايدالانىپ جەكە پايدا كوزدەۋىنەن باتىل ساقتانىپ، ”شامنىڭ ءتۇبى قاراڭعى بولۋدى“ ۇزدىكسىز رەتتەپ، جونگە سالىپ، ءتارتىپ تەكسەرۋ، باقىلاۋ - تەكسەرۋ قوسىنىن بولاتتاي بەرىك تارتىپپەن، ستيلمەن تۇلعالاۋ كەرەك.

  جالپى ءماجىلىس پارتيا ۋستاۆىنداعى بەلگىلەمە بويىنشا، يۇي حۇڭچيۋ، بو كۇي جولداستاردى جۇڭگو كوممۋنيستىك پارتياسى ورتالىق ءتارتىپ تەكسەرۋ كوميتەتى تۇراقتى كوميتەتىنىڭ مۇشەلىگىنە، ورىنباسار شۋجيلىگىنە سايلادى.

  جالپى ءماجىلىس: شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، ءبىر نيەتپەن كۇش قوسىپ، قايراتتانا العا ۇمتىلىپ، پارتيانى جاپپاي قاتاڭ جونگە سالۋدىڭ، پارتيا ستيلى، پاكتىك قۇرىلىسىنىڭ جانە شىرىكتەسۋگە قارسى تۇرۋ كۇرەسىنىڭ تەرەڭدەي دامۋىن ىلگەرىلەتىپ، پارتيا قۇرىلعاندىعىنىڭ 100 جىلدىعىن قۇتتىقتاۋ، جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە جەتۋ، جاپپاي سوتسياليستىك وسىزاماندانعان مەملەكەت قۇرۋدىڭ تىڭ جەڭىسىنە قول جەتكىزۋ ءۇشىن اناعۇرلىم زور ۇلەس قوسۋعا ۇندەدى!

  (شينحۋا اگەنتتىگىنىڭ 1 - ايدىڭ 24 - كۇنى بەيجيڭنەن بەرگەن حابارى)

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.