تيانشان تورى   ›   جاڭالىقتار   ›   سۋرەتتى حابار

اۆتونوميالى رايوندىق پارتكوم تۇراقتى كوميتەتىنىڭ (كەڭەيتىلگەن) ءماجىلىسى باس شۋجي شي جينپيڭنىڭ 19 - كەزەكتى ورتالىق ءتارتىپ تەكسەرۋ كوميتەتىنىڭ بەسىنشى جالپى ماجىلىسىندە سويلەگەن ماڭىزدى ءسوزىنىڭ رۋحىن جەتكىزدى، ۇيرەندى

پارتيانى جاپپاي قاتاڭ جونگە سالۋ باعىتىن ىشكەرىلەي دايەكتىلەندىرىپ، جەتەكشىلىك ەتۋ، قامتاماسىزداندىرۋ رولىن ساۋلەلەندىرىپ، پارتيا ورتالىق كوميتەتىنىڭ شەشىمدەرىنىڭ، ورنالاستىرۋلارىنىڭ قاز - قالپىندا ناقتى دايەكتىلەندىرىلۋىنە، تياناقتاندىرىلۋىنا شىنايى كەپىلدىك ەتۋ كەرەك

چىن چۋانگو ءماجىلىستى باسقاردى

  انار بۇلت / شينجياڭ گازەتىنىڭ ءتىلشىسى ياۋ تۇڭ، ۋاڭ شيڭرۇي 1 - ايدىڭ 25 - كۇنى ۇرىمجىدەن حابارلايدى. جۋىقتا اۆتونوميالى رايوندىق پارتكوم تۇراقتى كوميتەتتىڭ (كەڭەيتىلگەن) ءماجىلىسىن اشىپ، باس شۋجي شي جينپيڭنىڭ 19 - كەزەكتى ورتالىق ءتارتىپ تەكسەرۋ كوميتەتىنىڭ بەسىنشى جالپى ماجىلىسىندە، بەيجيڭدە، حىبەيدە قىزمەت تەكسەرگەندە، سونداي - اق بەيجيڭ 2022 - جىلعى قىسقى وليمپياداسى مەن مۇگەدەكتەر قىسقى وليمپياداسىنىڭ دايىندىق قىزمەتىنەن مالىمەت بەرۋ ءماجىلىسىن باسقارىپ اشقاندا سويلەگەن ماڭىزدى سوزدەرىنىڭ رۋحىن جەتكىزدى، ۇيرەندى، اۆتونوميالى رايوندىق ءتارتىپ تەكسەرۋ كوميتەتىنىڭ، باقىلاۋ - تەكسەرۋ كوميتەتىنىڭ 2020 - جىلعى قىزمەت جاعدايىنان جاساعان مالىمەتىن جانە 2021 - جىلعى قىزمەت ورنالاستىرۋىن تىڭدادى، اۆتونوميالى رايوندىق 9 - كەزەكتى ءتارتىپ تەكسەرۋ كوميتەتى التىنشى جالپى ءماجىلىسىنىڭ قىزمەت بايانداماسىن قارادى، قاتىستى قىزمەتتەردى اقىلداستى، ورنالاستىردى. اۆتونوميالى رايوندىق پارتكومنىڭ شۋجيى چىن چۋانگو ءماجىلىستى باسقاردى.

  ءماجىلىس مىنالاردى اتاپ كورسەتتى: باس شۋجي شي جينپيڭ 19 - كەزەكتى ورتالىق ءتارتىپ تەكسەرۋ كوميتەتىنىڭ بەسىنشى جالپى ماجىلىسىندە سويلەگەن ماڭىزدى سوزىندە وتكەن ءبىر جىلداعى پارتيانى جاپپاي قاتاڭ جونگە سالۋدا قول جەتكەن تىڭ دا كەلەلى تابىستاردى تولىق تۇراقتاندىرىپ، پارتيانى جاپپاي قاتاڭ جونگە سالۋدىڭ جاڭا جاعدايىن، جاڭا مىندەتتەرىن تەرەڭدەي بايانداپ، پارمەندى ساياسي باقىلاۋ ارقىلى پارتيا ورتالىق كوميتەتىنىڭ كەلەلى شەشىمدەرىنىڭ، ورنالاستىرۋلارىنىڭ ناقتى دايەكتىلەندىرىلۋىنە، تياناقتاندىرىلۋىنا شىنايى كەپىلدىك ەتۋدى ايقىن العا قويىپ، پارتيانى جاپپاي قاتاڭ جونگە سالۋدىڭ تەرەڭدەي دامۋىن ىلگەرىلەتۋگە ماڭىزدى بويسۇنۋ ولشەمىن ازىرلەپ بەردى. باس شۋجي شي جينپيڭنىڭ ماڭىزدى ءسوزىنىڭ رۋحىن ىشكەرىلەي ۇيرەنۋدى، دايەكتىلەندىرۋدى پارتيا 19 - كەزەكتى ورتالىق كوميتەتى بەسىنشى جالپى ءماجىلىسىنىڭ، 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىن دايەكتىلەندىرۋمەن، تياناقتاندىرۋمەن تىعىز بىرلەستىرىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن جالپى بەتتىك دايەكتىلەندىرۋمەن تىعىز بىرلەستىرىپ، پارتيانى جاپپاي قاتاڭ جونگە سالۋ باعىتىن ىشكەرىلەي دايەكتىلەندىرىپ، قاتاڭ بولۋ نەگىزگى اۋەنىنە ۇزاق ۋاقىت تاباندى بولىپ، پارتيا ستيلى، پاكتىك قۇرىلىسىن جانە شىرىكتەسۋگە قارسى تۇرۋ كۇرەسىن ءبىر ءسات تە توقتاتپاي ىلگەرىلەتىپ، پارتيانى جاپپاي قاتاڭ جونگە سالۋدىڭ جەتەكشىلىك ەتۋ، قامتاماسىزداندىرۋ رولىن تولىق ساۋلەلەندىرىپ، پارتيانى باسقارۋدىڭ، پارتيانى جونگە سالۋدىڭ جاڭا تابىستارى ارقىلى ”14 - بەسجىلدىق“ مەزگىلىندەگى ءتۇرلى نىسانالاردىڭ، مىندەتتەردىڭ ناقتى تياناقتاندىرىلۋىنا شىنايى كەپىلدىك ەتۋ كەرەك.

  ءبىرىنشى، تۋى ايقىن تۇردە ساياسيدى دارىپتەۋ كەرەك. ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، ساياسي تۇجىرىمداۋ قابىلەتىن، ساياسي ءتۇسىنۋ قابىلەتىن، ساياسي اتقارۋ قابىلەتىن ۇزدىكسىز جوعارىلاتىپ، باستان - اياق يدەيادا، ساياسيدا، ارەكەتتە شي جينپيڭ جولداستى ۇيتقى ەتكەن پارتيا ورتالىق كوميتەتىمەن وسكەلەڭ ءبىر اۋىزدىلىقتى ساقتاۋ كەرەك.

  ەكىنشى، نازاريامەن قارۋلانۋدى ۇزدىكسىز كۇشەيتۋ كەرەك. شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتە ۇيرەنۋ، جەتە ءتۇسىنۋ، شىنايى تياناقتاندىرۋ جاعىنا كۇش سالىپ، پارتيالىق شىڭدالۋدى، پارتيالىق جەتىلىمدى كۇشەيتىپ، مۇرات - سەنىمدى بەكەمدەپ، يدەيالىق قورعانىس شەبىن مىقتاپ ورناتىپ، شىن مانىندە پارتيانىڭ جاسامپاز نازارياسىمەن وي - سانانى قارۋلاندىرۋ، امالياتقا جەتەكشىلىك ەتۋ، قىزمەتتەردى ىلگەرىلەتۋ كەرەك.

  ءۇشىنشى، پارمەندى ساياسي باقىلاۋدى جەتىلدىرۋ كەرەك. ساياسي باقىلاۋدى ۇدايىلاندىرۋدى، ناقتىلاندىرۋدى ىشكەرىلەي ىلگەرىلەتىپ، قۋزاۋ، جاۋاپقا تارتۋ مەحانيزمىن اقاۋسىزداندىرىپ، جاڭا دامۋ ۇستانىمىن دايەكتىلەندىرۋ، جاڭا دامۋ ارناسىن قالىپتاستىرۋ، جوعارى ساپالى دامۋدى ىلگەرىلەتۋ سياقتى شەشىمدەردىڭ، ورنالاستىرۋلاردىڭ تياناقتاندىرىلۋ جاعدايىن باقىلاۋ - تەكسەرۋدى كۇشەيتىپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ كەلەلى شەشىمدەرىنىڭ، ورنالاستىرۋلارىنىڭ قاز - قالپىندا ناقتى دايەكتىلەندىرىلۋىنە، تياناقتاندىرىلۋىنا شىنايى كەپىلدىك ەتۋ كەرەك.

  ءتورتىنشى، ستيل تۇزەتۋدى، ءتارتىپتى قاتايتۋدى، شىرىكتەسۋگە قارسى تۇرۋدى تەرەڭدەتۋ كەرەك. شىرىكتەسۋگە باتىلدىق ەتپەۋدى، شىرىكتەسۋگە مۇمكىندىك بولماۋدى، شىرىكتەسۋدى ويىنا الماۋدى ءبىر تۇلعادا ىلگەرىلەتۋگە تاباندى بولىپ، ستيل تۇزەتۋدى، ءتارتىپتى قاتايتۋدى، شىرىكتەسۋگە قارسى تۇرۋدى رەفورمانى تەرەڭدەتۋمەن، ءتۇزىمدى كەمەلدەندىرۋمەن، جونگە سالۋدى جەبەۋمەن تۇتاستىرىپ، ءتۇيىندى سالالاردى باقىلاۋ - باسقارۋدى كۇشەيتىپ، ءتۇيىندى سالالارداعى باقىلاۋ مەحانيزمى رەفورماسىن ىلگەرىلەتىپ، پارتيانى جاپپاي قاتاڭ جونگە سالۋدىڭ نەگىزگى ساتىنىڭ ءبىرىنشى شەبىنە، بۇقارا اراسىنا قاراي كەڭەيۋىن ىلگەرىلەتىپ، بۇقارانىڭ جانىنداعى شىرىكتەسۋ جانە ستيل ماسەلەلەرىن ۇزدىكسىز رەتتەپ - جونگە سالىپ، بۇقارا اسىعىپ وتىرعان، قينالىپ وتىرعان، ۋايىمداپ وتىرعان، كۇتىپ وتىرعان ماسەلەلەردى شىن مانىندە جاقسى شەشۋ كەرەك.

  بەسىنشى، قاجىماي - تالماي ستيلدە بۇرىلىس جاساۋعا تاباندى بولۋ كەرەك. ەشقانداي ەرەكشەلەنبەۋ يدەياسىن بەرىك ورناتىپ، جاپپاي قاتاڭ بولۋعا، سوڭىنا دەيىن قاتاڭ بولۋعا تاباندى بولىپ، جالپى بەتتىك قاداعالاپ، نىسانالى تۇزەتىپ جونگە سالىپ، پارتيانىڭ تاماشا ءداستۇرى مەن ستيل تاربيەسىن ىشكەرىلەي ورىستەتىپ، ستيل قۇرىلىسىنىڭ ۇزاق ءونىمدى مەحانيزمىن كەمەلدەندىرىپ، ”ءتورت ءتۇرلى بۇرىس ستيلدى“ ەش بوساڭسىماستان تۇزەتىپ جونگە سالىپ، فورماشىلدىقتىڭ، تورەشىلدىكتىڭ ءوسىپ - وربۋىنەن باتىل ساقتانىپ، نەگىزگى ساتىعا ىرىق بەرىپ، اۋىرتپالىعىن جەڭىلدەتىپ، تاماشا ستيل ارقىلى قالىڭ پارتيالى كادرلاردى جاۋاپكەرشىلىگىن ارقالاپ، جاۋاپكەرشىلىگىن ادا ەتىپ، ءىس تىندىرىپ، ناتيجە شىعارۋعا قۋزاۋ كەرەك.

  التىنشى، باتىلدىقپەن جاۋاپكەرشىلىك ارقالاپ، مىندەت وتەپ، جاۋاپكەرشىلىگىن ادا ەتۋ كەرەك. ءار دارەجەلى پارتكومدار (پارتيا باسشىلىق گرۋپپالارى) ساياسي جاۋاپكەرشىلىك ارقالاۋدى، تۇلعالىق جاۋاپكەرشىلىگىن اتقارۋدى كۇشەيتىپ، پارتكوم (پارتيا باسشىلىق گرۋپپالارى) شۋجيلەرى ءبىرىنشى جاۋاپتى ادام بولۋ جاۋاپكەرشىلىگىن ادا ەتۋ؛ ءار دارەجەلى باسشى كادرلار، اسىرەسە، نەگىزگى جاۋاپتى جولداستار پارتيانى باسقارۋ، پارتيانى جونگە سالۋ ساياسي جاۋاپكەرشىلىگىن شىن مانىندە ارقالاپ، جۇيەلى جونگە سالۋ، ۇستىنەن وڭاۋ مەن تۇبىرىنەن وڭاۋدى قاتار يگەرۋ ۇستانىمى ارقىلى ستيل تۇزەتۋ، ءتارتىپتى قاتايتۋ، شىرىكتەسۋگە قارسى تۇرۋ؛ ءار دارەجەلى ءتارتىپ تەكسەرۋ، باقىلاۋ - تەكسەرۋ ورگاندارى باقىلاۋ قىزمەت جاۋاپكەرشىلىگىن شىن مانىندە اتقارىپ، ءتۇيىندى ادامداردى، ءتۇيىندى ىستەردى قاداعالاپ، بورىش ارقالاپ، جاۋاپكەرشىلىگىن ادا ەتىپ، جاۋاپكەرشىلىكتى كوڭىلدە ساقتاۋ، جاۋاپكەرشىلىكتى ءوز باسىمەن ارقالاۋ، جاۋاپكەرشىلىكتى ارەكەتتە ادا ەتۋ كەرەك.

  جەتىنشى، كادرلار قوسىنى قۇرىلىسىن كۇشەيتۋ كەرەك. ءتارتىپ تەكسەرۋ، باقىلاۋ - تەكسەرۋ كادرلار قوسىنىن ۇزدىكتەردەن تاڭداپ، مىقتىلاردان سەپتەپ، پارتيانىڭ ساياسي قۇرىلىسىن كۇشەيتىپ، ساياسي ساپانى، كاسىپتىك قابىلەتتى جوعارىلاتىپ، قاتاڭ باسقارۋ، قاتاڭ جونگە سالۋ، ءوزىن كىرشىكسىزدەندىرۋ تەبىنىن ارتتىرىپ، ساياسي ساپاسى جوعارى، ادال، كىرشىكسىز، جاۋاپكەرشىلىك ارقالايتىن، كاسىپتىك قابىلەتى كۇشتى، كۇرەس جاساۋعا باتىل، كۇرەس جاساۋعا شەبەر ءتارتىپ تەكسەرۋ، باقىلاۋ - تەكسەرۋ قۇرىش قوسىنىن قۇرۋ كەرەك.

  ءماجىلىس مىنالاردى باسا دارىپتەدى: باس شۋجي شي جينپيڭنىڭ بەيجيڭدە، حىبەيدا قىزمەت تەكسەرگەندە، سونداي - اق بەيجيڭ 2022 - جىلعى قىسقى وليمپياداسى مەن مۇگەدەكتەر قىسقى وليمپياداسىنىڭ دايىندىق قىزمەتىنەن مالىمەت بەرۋ ءماجىلىسىن باسقارىپ اشقاندا سويلەگەن ماڭىزدى ءسوزىنىڭ رۋحىن ىشكەرىلەي ۇيرەنىپ، دايەكتىلەندىرىپ، جاڭا دامۋ ۇستانىمىن ىشكەرىلەي دايەكتىلەندىرىپ، جالپى حالىقتىق دەنە شىنىقتىرۋ مەملەكەتتىك ستراتەگياسىن تياناقتاندىرىپ، شينجياڭنىڭ قار - مۇز بايلىعى ابزالدىلىعىن تياناق ەتىپ، ساياساتتىق جەتەكتەۋ مەن سۇيەمەلدەۋدى كۇشەيتىپ، جالپى حالىقتىق دەنە شىنىقتىرۋ الەۋمەتتىك قىزمەت وتەۋ جۇيەسىن كەمەلدەندىرىپ، بۇقارالىق دەنە تاربيەنى جانە دەنە تاربيە كاسىپ سالاسىن جەدەل دامىتىپ، بۇقارالىق دەنە تاربيەنىڭ، باسەكەلىك دەنە تاربيەنىڭ، دەنە تاربيە كاسىپ سالاسىنىڭ سايكەسە دامۋىن ىلگەرىلەتىپ، جالپى حالىقتىڭ دەنساۋلىق ساپاسىن، وسى زامانعى باسەكەلىك دەنە تاربيە ورەسى مەن قار - مۇز سپورتىنىڭ دامۋ ورەسىن ۇزدىكسىز جوعارىلاتىپ، جاڭا داۋىردە شينجياڭنىڭ دەنە تاربيە ىستەرىنىڭ جوعارى ساپالى دامۋىن ىلگەرىلەتۋ كەرەك.

  ءماجىلىس باسقا دا ىستەردى اقىلداستى.

  شوكىرات زاكىر، شاۋكەت يمىن، نۇرلان ءابىلماجىن، ۋاڭ جۇنجىڭ، شۇي حايرۇڭ، ەركىن تۇنياز، تيان ۋىن، لي يفي، سارقىت اقان، ياڭ شين، جاڭ چۇنلين، ۋاڭ ميڭشان قاتارلىلار ماجىلىسكە قاتىناستى.

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.