تيانشان تورى
تيانشان تورى   ›   جاڭالىقتار   ›   شينجياڭ حابارلارى

وتىرىكتىڭ اپانى پومپەو تۇبىندە تاريحتىڭ سىپىرىندىسىنا اينالادى

  شينجياڭ ۇيعۇر اۆتونوميالى رايونىنىڭ ورىنباسار ءتوراعاسى جاروللا يسامدين

  1 - ايدىڭ 19 - كۇنى مىندەتىنەن بوساۋدان ءبىر كۇن بۇرىن پومپەو شينجياڭعا ساياتىن ساندىراق تاراتىپ، ”عاسىرلىق وتىرىك“ قۇراستىرىپ، ورىنسىز سوقتىعىپ، ەلىمىزدىڭ شينجياڭدى جونگە سالۋ ساياساتىنا قاساقانا كۇيە جاعىپ، ەلىمىزدىڭ ىشكى ىسىنە دورەكىلىكپەن كيلىگىپ، ”زاۋالعا تاياعاندا ەسەرسوقتانا قۇتىرىندى“. بۇعان مەن توتەنشە كەكتەنەمىن، سونداي - اق كۇشتى نارازىلىق بىلدىرەمىن جانە باتىل تۇردە نالەت جاۋدىرامىن!

  پومپەو زورلىقتى كۇش لاڭكەستىكتى ىرقىنا جىبەرگەن، قولداعان پەردە ارتىنداعى قاسكۇنەم. پومپەو شينجياڭنىڭ جاراسىمدى، ورنىقتى جاعدايىن كورۋدى قالاماي، ”لاڭكەستىك ارقىلى جۇڭگونى اۋىزدىقتاۋ“ سىندى پاسىق ماقساتىنا جەتۋ ءۇشىن ”شىعىس تۇركستان ءىسلام قوزعالىسىن“ زورلىقتى كۇش لاڭكەستىك ۇيىمى دەپ تانۋدى كۇشىنەن قالدىراتىندىعىن سىڭار جاقتىلىقپەن جاريالاپ، كوپە - كورنەۋ زورلىقتى كۇش لاڭكەستىك كۇشتىڭ ارتقى تىرەگى جانە دەمەۋشىسى بولىپ، ”شىعىس تۇركستان“ زورلىقتى كۇش لاڭكەستىك كۇشتەرىن ءاردايىم ىرقىنا جىبەرىپ، قولداپ، اتى شۋلى زورلىقتى كۇش لاڭكەستىك ۇيىمنىڭ مۇشەلەرىمەن كوپ رەت كەزدەستى، ءتىپتى، اشىقتان - اشىق سولاردىڭ ءسوزىن سويلەپ، لاڭكەستىككە قارسى تۇرۋدا قوس ولشەم قولداندى. بۇل پومپەونىڭ ”قولايىنا جاقسا قولدانىپ، جاقپاسا تاستاي سالاتىن“ سۇرقيا كەسپىرىن تولىق پاش ەتتى.

  پومپەو زاھارىن شار تاراپقا شاشقان وتىرىكتىڭ اپانى. ول شىندىقپەن ساناسپاي، اق پەن قارانى شاتىستىرىپ، قايتا - قايتا شەگىنە جەتكىزە وتىرىپ جالا جاپقىش اۋسەلەسىن كورسەتىپ شينجياڭعا اۋلەكىلەنە شابۋىلداپ جالا جابۋى اۋزىنا كەلگەنىن كوكىگەندىك. شىندىق بۇلتارتپايدى. شينجياڭداعى وراسان زور وزگەرىس شينجياڭداعى ءار ۇلت بۇقاراسىن قولمەن ۇستاپ، كوزبەن كورەتىن تابىس سەزىمىنە، باقىت سەزىمىنە، حاۋىپسىزدىك سەزىمىنە بولەدى، سونىمەن بىرگە بۇل پومپەونىڭ سوزدەرىنىڭ قانشالىق سوراقى، كۇلكىلى ەكەندىگىن تولىق دالەلدەدى. مىندەت وتەۋ مەرزىمىنىڭ اياقتاۋ قارساڭىندا پومپەونىڭ ”شينجياڭعا ساياتىن“ تاقىرىپ جونىندە قۇتىرىنا جالا جابۋى تاريحتىڭ نالەتىنە قالارى داۋسىز!

  پومپەو كۇيە جاعۋعا شەبەر اۋمەسىر بەيشارا. ونىڭ شينجياڭ ”از ۇلت جان سانىن تەجەپ، ۇيعۇر ۇلتىنا ءناسىل جويۋ جۇرگىزدى“ دەپ پالە جابۋى بارىپ تۇرعان شاتپاق ساندىراق. شىندىعىندا 2010 - جىلدان 2018 - جىلعا دەيىن ۇيعۇر ۇلتىنىڭ جان سانىنىڭ ارتۋ مولشەرى بۇكىل شينجياڭداعى جان سانىنىڭ ارتۋ مولشەرىنەن جوعارى بولىپ قالماستان، حانزۋ ۇلتى جان سانىنىڭ ارتۋ مولشەرىنەن كورنەكتى جوعارى بولدى. تەمىردەي فاكت الدىندا پومپەونىڭ قولدان جاساعان ساندىراعى تويتارسىز - اق توزىپ جوعالادى. ونىڭ شينجياڭ ”ءدىن ەركىندىگىنە سوققى بەردى“ دەپ جالا جابۋى بۇكىلدەي ويدان شىعارىلعان. پومپەونىڭ مىندەتتەگى كەزىنە ۇڭىلە قاراساق، ول از ناسىلدىلەر ۇرپاقتارىنىڭ كەمسىتۋگە ۇشىراۋ جاعدايىنا پىسقىرىپ تا قاراماي، مۇسىلماندارعا ەسەرسوقتانا قىسىم جاساعان. ساندى مالىمەتتەردە كورسەتىلۋىنشە، امەريكاداعى مۇسىلمانداردىڭ %75ى امەريكا قوعامىندا مۇسىلماندارعا قاراتا اۋىر كەمسىتۋ بار دەپ قارايدى ەكەن. «نيۋ - يورك ۋاقىت گازەتى» قاتارلى امەريكانىڭ نەگىزگى اقپارات قۇرالدارىنىڭ ءوزى اق سارايعا ەل ىشىندە كۇن سايىن ۋشىققان ناسىلدىك كەمسىتۋ ماسەلەسىنە ءمان بەرۋ جونىندە كوپ رەت ۇندەۋ تاستادى، قازىر بۇكىل دۇنيە ءجۇزى ”قارا ناسىلدىلەردىڭ ءومىرى دە ءومىر“ دەگەنگە نازار اۋدارۋدا. كەزەكتە امەريكادا جاڭا تيپتى ايدارشا ۆيرۋس وكپە قابىنۋ ىندەتىنەن ولگەندەر 400 مىڭنان استى، بۇلاردىڭ قوماقتى ءبىر بولىگى از ناسىلدىلەر ۇرپاقتارى. پومپەونىڭ ءوز ەلىندەگى وسى ماسەلەلەرمەن مۇلدە ساناسپاي، جۇڭگو جايلى اۋزىنا كەلگەندى ايتىپ، شينجياڭ تۋرالى شىلعي وتىرىك قۇراستىرۋى بارىپ تۇرعان كۇلكىلى قىلىق.

  پومپەو اتى شۋلى بۇزاقى، بارىپ تۇرعان ەسەرسوق، وتىرىك ايتپاسا قىبى قانبايتىن، الدامكوستىك قانىنا سىڭگەن سۋماقى. نايزاسىن جۇڭگوعا كەزەگەننەن تىس، پومپەو يران، كۋبا قاتارلى مەملەكەتتەرگە ”مەيلىنشە قىسىم كورسەتۋمەن“ اينالىستى، ءتىپتى، ءوز وداقتاستارىن دا وڭدىرماي، ەۆروپاعا تولاسسىز قۇقاي كورسەتىپ، قىسىم جاسادى، ”ورمان زاڭى“ دەگەنگە سيىنىپ، سىڭار جاقتىلىقتىڭ قازانىن اسىپ، حالىقارالىق تارتىپكە بۇرىن بولماعان قاتەر كەلتىردى. بۇل جولعى شينجياڭعا كۇيە جاققان ءجونسىز قىلىعى مىندەتىنەن كەتەردەن بۇرىن وزىنە تاعى ءبىراز ساياسي ۇپاي جيناپ العىسى كەلۋ ەكەنى ءشۇباسىز.

  ءيت ۇرەدى، كەرۋەن كوشەدى. ءارقانداي ساندىراق پەن قارالاۋ شينجياڭداعى ءار ۇلت حالقىنىڭ ىنتىماقتاسا ەكپىندەي العا باسقان قادامىن بوگەي المايدى. ءبىز پارتيا ورتالىق كوميتەتىنىڭ پارمەندى باسشىلىعىندا، شينجياڭنىڭ ەرتەڭىنىڭ اناعۇرلىم جاقسى بولاتىندىعىنا، ءار ۇلت بۇقاراسىنىڭ تۇرمسىنىڭ بارعان سايىن باقىتتى بولاتىندىعىنا كامىل سەنەمىز.

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.