اڭگىمەلەۋشى: ءۇرىمجى اۋدانى بانفاڭگوۋ قالاشىعى چيگۇڭ قىستاعىنداعى ”لىيە حالىقتىق تۇسەلحاناسىنىڭ“ قۇرۋشىسى جوۋ چىڭ
قالانىڭ تەز ريتىمى مەن اۋىل - قىستاقتىڭ مامىراجاي مادەنيەتى قاباتتاسقان جاعدايدا حالىقتىق تۇسەلحانالار شينجياڭنىڭ بايتاق دالاسىندا جاڭبىردان كەيىنگى جاۋقازىنداي ”جامىراي اشىلدى“. الداعى 5 جىلدا مەن شينجياڭنان تاعى 10 حالىقتىق تۇسەلحانا اشۋدى جوسپارلاپ وتىرمىن. مەن زەر سالا جوسپارلاپ، مۇمكىندىكتەردى ىشكەرىلەي ىسكە قوسىپ، جاسامپازدىق جاراتىپ، ءاربىر تۇسەلحانانى جەرگىلىكتى ورىننىڭ گۋمانيتارلىق سالت - ساناسىن جالعايتىن جانە بەينەلەي الاتىن ەتىپ، قونىپ اتتانعان ساياحاتشىلارعا جانعا جايلى كوركەم ەلەستەر قالدىرۋعا مۇمكىندىك جاسايمىن.
اۆتونوميالى رايون ساياحات ارقىلى شينجياڭدى گۇلدەندىرۋ ستراتەگياسىن العا قويعاننان كەيىن، مەن نانشان سياقتى جەرلەردە 5 حالىقتىق تۇسەلحانا اشتىم. مۇنىڭ ىشىندە ”لىيە حالىقتىق تۇسەلحاناسى“ 2019 - جىلعى شينجياڭ حالىقتىق تۇسەلحانا جاسامپازدىق جىلدىق سيلىعىن ەنشىلەدى. ”14 - بەسجىلدىق“ جوبا «ۇسىنىسىندا» بىلاي العا قويىلدى: تۇرمىستىق قىزمەت وتەۋ كاسىبىنىڭ دارەجەسىن جوعارى دەڭگەيگە جانە كوپ تۇرلىلىككە قاراي ءوسىرۋدى ىلگەرىلەتۋ كەرەك. مەن ءان - مۋزيكا ۇيرەنگەم، ۇنەمى بۇكىل ەلدىڭ جەر - جەرىندە كونسەرت قويىپ ءجۇرىپ، كوپتەگەن حالىقتىق تۇسەلحانالارعا باردىم. مەنىڭشە، حالىقتىق تۇسەلحانانى دامىتۋ، ويداعىداي جۇرگىزۋ ءۇشىن اۋىل ەرەكشەلىگىن بارىنشا كورنەكتىلەندىرىپ، ساياحاتشىلار سول اراعا بارعاندا بالا كۇنگى تۋعان جەرىن ەسكە الاتىنداي بولۋى، ساياحاتشىلاردى ”اۋىلعا كەلىپ تۇرۋعا“ باۋراي الۋى كەرەك.
(انار بۇلت / شينجياڭ گازەتىنىڭ ءتىلشىسى يۇي شي رەتتەگەن)
