− شينجياڭ تەمىر جولى ءۇرىمجى ۆوكزالىنىڭ كوكتەم مەرەكەسى تاسىمالىنىڭ العاشقى كۇنىنەن كورگەن − بىلگەندەرىمىز
□ انار بۇلت/ شينجياڭ گازەتىنىڭ ءتىلشىسى لۋ فىڭباۋ
1 - ايدىڭ 28 - كۇنى ەرىكتىلەر ءۇرىمجى ۆوكزالىندا جولاۋشىلارعا كوكتەم مەرەكەسى بوساعالىعىن ۇسىنۋدا. سۋرەتتى انار بۇلت/ شينجياڭ گازەتىنىڭ ءتىلشىسى چين مەيحۋا تۇسىرگەن
1 - ايدىڭ 28 - كۇنى 2021 - جىلعى كوكتەم مەرەكەسى تاسىمالىنىڭ ءبىرىنشى كۇنى. تۇستەن بۇرىن ساعات 10 مولشەرىندە ءتىلشى پويەزگە شىعاتىن جولاۋشىلارمەن بىرگە حاۋىپسىزدىك تەكسەرۋىنەن ءوتىپ، ءۇرىمجى ۆوكزالىنىڭ پويەز كۇتۋ زالىنا كىردى.
سىچۋانعا باراتىن جولاۋشى حۋاڭ ليەشىڭ ورىندىقتا جايلانىپ وتىر، ۇرىمجىدە ءبىر جىل بويى قاربالاس جۇمىس ىستەگەن ول ەندى ۇيىنە قايتىپ وتباسىنداعىلارمەن قاۋىشاتىن بولدى. ”وتباسىممەن كەزدەسەتىنىمدى ويلاسام ايرىقشا قۋانامىن، مەن ويداعىداي قورعانىپ، اۋىلىما حاۋىپسىز جەتپەكشىمىن“، - دەدى ول.
وتكەن جىلدارداعىداي جولاۋشىلار ساپىرىلىسقان جاعدايعا ۇقسامايتىنى، بيىل ءۇرىمجى ۆوكزالىندا جولاۋشى كورنەكتى ازايىپ، پويەز كۇتۋ زالىندا ادام سيرەك كورىنەدى. جولاۋشىلاردىڭ حاۋىپسىزدىك تەكسەرۋىنەن ءوتىپ، پويەز كۇتىپ، پويەز بەلەتىن تەكسەرتىپ، الاڭقىعا شىعىپ پويەز كۇتكەنىنە دەيىن اسا ءتارتىپتى ەكەن، قىزمەتكەرلەر ءارقايسى اۋماقتا كۇزەتىپ، ىستىق ىقىلاسپەن قىزمەت وتەۋدە.
”بيىل جولاۋشىلار ازايدى، دەسە دە ءبىزدىڭ قىزمەت وتەۋ ساپامىز تومەندەگەن جوق، قايتا ەگجەي - تەگجەيلى، ناقتى قىزمەت وتەدىك“، - دەدى ءۇرىمجى ۆوكزالىنىڭ جولاۋشىلار تاسىمال سەحىنىڭ ورىنباسار مەڭگەرۋشىسى ۋاڭ چاڭيۋان.
ۆوكزالعا كىرە بەرىستە ءتىلشى بۇرىنعى بەلەت تەكسەرۋ وتكەلەگىنىڭ 2 - قاباتتاعى پويەز كۇتۋ بولمەسىنىڭ سىرتىنا كوشىرىلگەنىن، بۇلاي ىستەگەندە جولاۋشىلار حاۋىپسىزدىك تەكسەرۋدەن وتە سالا بەكەتكە تەز كىرىپ، بولمە سىرتىندا تۇرىپ قالاتىن ۋاقىتى ازاياتىندىعىن بايقادى.
68 جاستاعى رياگۇل كەرىم ۆوكزالدىڭ كىرەر اۋزىنا كەلگەندە، قىزمەتكەر حۇڭ شۋانجيە ونىڭ ارەكەتىنىڭ باياۋ ەكەنىن ءارى نەسەپ اعىزعىش تۇتىك اسىپ العانىن كورىپ، دەرەۋ دوڭگەلەكتى ورىندىق اكەلىپ، ونى وتىرعىزدى. ”ول شيپاحانادان جاڭا شىققان بولۋى مۇمكىن، ءدال ءبىزدىڭ ءتۇيىندى قىزمەت وتەيتىن جولاۋشىمىز“، - دەدى حۇڭ شۋانجيە.
حۇڭ شۋانجيە رياگۇلدى دوڭگەلەك ورىندىقپەن يتەرگەن كۇيى 2 - قاباتتاعى پويەز كۇتۋ زالىنا الىپ شىعىپ، ونى ”جىبەك جولى جاقۇتى“ ءتۇيىندى جولاۋشىلارعا قىزمەت وتەۋ اۋماعىنا اكەلدى، قاتىستى ىستەردى تابىستاعاننان كەيىن، ۆوكزالعا كىرەر اۋىزداعى كۇزەت ورنىنا قايتىپ باردى.
ءتۇيىندى جولاۋشىلارعا قىزمەت وتەۋ اۋماعى ءۇرىمجى بەكەتىنىڭ ”تانىسقىسى“ ەسەپتەلەدى، كومەك قاجەت ەتەتىن قارت، جاس بالا، ناۋقاس، مۇگەدەك، جۇكتى ايەلدەر سياقتى جولاۋشىلاردى 12306 قىزمەت وتەۋ تۇعىرى ارقىلى ”بەلگىلەنگەن قىزمەت وتەۋ“، ”جىبەك جولى جاقۇتى“ قىزمەت وتەۋ تۇعىرىنا جولداپ، قاجەتكە ساي قىزمەت وتەۋ اۋماعىنىڭ قىزمەتكەرلەرىن الدىن الا دايىندالۋعا ورنالاستىرادى.
”ەگەر جولاۋشى دوڭگەلەك ورىندىق، زۋزا، قوس بالداق قاتارلىلاردى قاجەت ەتسە، ءبىز دەرەۋ ۆوكزالعا كىرەر اۋىزعا جەتكىزەمىز، جولاۋشىنى سول اۋىزدان كۇتىپ الىپ، ءتۇيىندى جولاۋشىلارعا قىزمەت اۋماعىنا جەتكىزەمىز، پويەز كەلگەننەن كەيىن جولاۋشىنى پويەزعا شىعارىپ قويامىز، تۇتاس بارىس ىركىلىسسىز“، - دەدى ءتۇيىندى جولاۋشىلارعا قىزمەت وتەۋ اۋماعىنىڭ قىزمەتكەرى جياڭ شۇيلياڭ.
جياڭ شۇيلياڭ ەستەلىك داپتەردى اقتارعاندا D2712 كەزەكشى پويەزىنىڭ جۇرەتىن ۋاقىتىنىڭ تاياپ قالعانىن بايقاپ، ورنىنان تۇردى دا ءتۇيىندى جولاۋشى زوۋ اييىڭنىڭ قاسىنا بارىپ، ول وتىرعان دوڭگەلەك ورىندىقتى يتەرىپ سىرتقا بەتتەدى.
76 جاستاعى زوۋ اييىڭ جاڭا عانا شيپاحانادان شىعىپتى، وتباسىنداعىلارى ونى موتورلى ۆاگوندار قۇراماسىمەن قۇمىل قالاسىنا الىپ قايتقان ەكەن. ۆوكزال قىزمەتكەرلەرى ونى بايقاعاننان كەيىن ءتۇيىندى جولاۋشىلار اۋماعىنا جەتكىزىپ، جياڭ شۇيلياڭ سىندى ادامدار وعان جالعاستى قىزمەت وتەدى.
الاڭقىعا شىققاندا اپپاق موتورلى ۆاگوندار قۇراماسى اقىرىن كەلىپ توقتادى، جياڭ شۇيلياڭ زوۋ اييىڭدى ۆاگونعا دەيىن شىعارىپ قويدى.
ىلە - شالا جياڭ شۇيلياڭ D2712 كەزەكشى پويەزىنىڭ باستىعى دۇڭ ۋيشيندى ىزدەپ تاۋىپ، وعان زوۋ اييىڭنىڭ جاعدايىن تابىستادى. ”الاڭداما، جول بويى ءبىز وعان قارايلاسامىز“، - دەدى دۇڭ ۋيشين.
الاڭقىدان پويەز كۇتۋ بولمەسىنە قايتىپ كەلگەن جولدا ءتىلشى قىزمەتكەرلەردىڭ پويەزعا كىرەر اۋىزعا جول باستاپ، جولاۋشىلاردى ءبولىپ بەكەتكە كىرگىزىپ جاتقانىن؛ اۆتوماتتى بەلەت ساتۋ - شىعارۋ ماشيناسىنىڭ قاسىندا ەرىكتىلەر جولاۋشىلارعا كومەكتەسىپ بەلەت ساتىپ الىپ بەرىپ جاتقانىن؛ پويەز كۇتۋ بولمەسىندە تازالىقشى قىزمەتكەرلەردىڭ ءارقايسى اۋماقتاردى توقتاۋسىز زارارسىزداندىرىپ جاتقانىن كوردى... ولار جولاۋشىلارعا ىستىق ىقىلاستى قىزمەت وتەپ، جولاۋشىلاردىڭ اۋىلعا قايتۋ ساپارىن قامتاماسىز ەتىپ، وسى ءبىر ەرەكشە كوكتەم مەرەكەسى تاسىمالىنىڭ اناعۇرلىم مەيىرگە تولى، حاۋىپسىز بولۋىنا مۇمكىندىك جاسادى.
