تيانشان تورى   ›   جاڭالىقتار   ›   ماڭىزدى حابارلار

جۇڭگو كوممۋنيستىك پارتياسى ورتالىق كوميتەتىنىڭ ساياسي بيۋروسى ءماجىلىس اشتى

  «ورتالىق كوميتەت ساياسي بيۋروسى تۇراقتى كوميتەتىنىڭ مەملەكەتتىك حالىق قۇرىلتايى تۇراقتى كوميتەتى، مەملەكەتتىك كەڭەس، مەملەكەتتىك ساياسي كەڭەس، ەڭ جوعارى حالىق سوتى مەكەمەسى، ەڭ جوعارى حالىق پروكۋراتۋراسى پارتيا باسشىلىق گرۋپپالارىنىڭ قىزمەت مالىمەتىن جانە ورتالىق كوميتەت شۋجيچۋىنىڭ قىزمەت بايانداماسىن تىڭداۋ جانە اقىلداسۋ جالپىلىق جاعدايى بايانداماسىن»، «نەگىزگى ساتىنىڭ جونگە سالۋ جۇيەسى مەن جونگە سالۋ قابىلەتىن وسىزامانداندىرۋ قۇرىلىسىن كۇشەيتۋ جونىندەگى پىكىردى»، «19 - كەزەكتى ورتالىق كوميتەتتىڭ 6 - رەتكى شارلاۋ جاعدايى جونىندەگى جالپىلىق باياندامانى»، «ورتالىقتىڭ 2020 - جىلعى شارلاۋ قىزمەتى باسشىلىق گرۋپپاسىنىڭ ءتۇيىندى قىزمەت جاعدايى جونىندەگى باياندامانى» قارادى

  جۇڭگو كوممۋنيستىك پارتياسى ورتالىق كوميتەتىنىڭ باس شۋجيى شي جينپيڭ ءماجىلىستى باسقاردى

  شينحۋا اگەنتتىگىنىڭ 1 - ايدىڭ 28 - كۇنى بەيجيڭنەن بەرگەن حابارى. جۇڭگو كوممۋنيستىك پارتياسى ورتالىق كوميتەتىنىڭ ساياسي بيۋروسى 1 - ايدىڭ 28 - كۇنى ءماجىلىس اشىپ، «ورتالىق كوميتەت ساياسي بيۋروسى تۇراقتى كوميتەتىنىڭ مەملەكەتتىك حالىق قۇرىلتايى تۇراقتى كوميتەتى، مەملەكەتتىك كەڭەس، مەملەكەتتىك ساياسي كەڭەس، ەڭ جوعارى حالىق سوتى مەكەمەسى، ەڭ جوعارى حالىق پروكۋراتۋراسى پارتيا باسشىلىق گرۋپپالارىنىڭ قىزمەت مالىمەتىن جانە ورتالىق كوميتەت شۋجيچۋىنىڭ قىزمەت بايانداماسىن تىڭداۋ جانە اقىلداسۋ جالپىلىق جاعدايى بايانداماسىن»، «نەگىزگى ساتىنىڭ جونگە سالۋ جۇيەسى مەن جونگە سالۋ قابىلەتىن وسىزامانداندىرۋ قۇرىلىسىن كۇشەيتۋ جونىندەگى پىكىردى»، «19 - كەزەكتى ورتالىق كوميتەتتىڭ 6 - رەتكى شارلاۋ جاعدايى جونىندەگى جالپىلىق باياندامانى»، «ورتالىقتىڭ 2020 - جىلعى شارلاۋ قىزمەتى باسشىلىق گرۋپپاسىنىڭ ءتۇيىندى قىزمەت جاعدايى جونىندەگى باياندامانى» قارادى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى شي جينپيڭ ءماجىلىستى باسقاردى.

  ءماجىلىس مەملەكەتتىك حالىق قۇرىلتايى تۇراقتى كوميتەتى، مەملەكەتتىك كەڭەس، مەملەكەتتىك ساياسي كەڭەس، ەڭ جوعارى حالىق سوتى مەكەمەسى، ەڭ جوعارى حالىق پروكۋراتۋراسى پارتيا باسشىلىق گرۋپپالارىنىڭ جانە ورتالىق كوميتەت شۋجيچۋىنىڭ 2020 - جىلعى قىزمەتتەرىن تولىق تۇراقتاندىردى، ولاردىڭ 2021 - جىلعى قىزمەت ورنالاستىرۋلارىنا قوسىلدى. ءماجىلىس بىلاي دەپ قارادى: وتكەن ءبىر جىلدا 5 پارتيا باسشىلىق گرۋپپاسى شي جينپيڭنىڭ جاڭا ءداۋىر جۇڭگوشا سوتسياليزم يدەياسىن مۇقيات ۇيرەنىپ، دايەكتىلەندىرىپ، پارتيا 19 - قۇرىلتايىنىڭ جانە 19 - كەزەكتى ورتالىق كوميتەتى ەكىنشى، ءۇشىنشى، ءتورتىنشى، بەسىنشى جالپى ماجىلىستەرىنىڭ رۋحىن جاپپاي دايەكتىلەندىرىپ، پارتيا ورتالىق كوميتەتىنىڭ شەشىمدەرىن، ورنالاستىرۋلارىن باتىل دايەكتىلەندىرىپ، تياناقتاندىرىپ، پارتيا مەن مەملەكەت قىزمەتىنىڭ جالپى جاعدايىن ارقاۋ ەتە مىندەت وتەپ، جاۋاپكەرشىلىكتى ادا ەتىپ، ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى ءبىر تۇتاس جوسپارلاۋعا بەلسەندى ۇلەس قوسىپ، ءار جاقتاعى قىزمەتتە تىڭ ناتيجەلەرگە قول جەتكىزۋدى ىلگەرىلەتتى، سونىمەن بىرگە پارتيا باسشىلىق گرۋپپاسىنىڭ ءوز قۇرىلىسىن شىن مانىندە كۇشەيتىپ، پارتيانى جاپپاي قاتاڭ جونگە سالۋدىڭ ىشكەرىلەي دامۋىن ىلگەرىلەتتى. ورتالىق كوميتەت شۋجيچۋى ورتالىق كوميتەت ساياسي بيۋروسى مەن ورتالىق كوميتەت ساياسي بيۋروسى تۇراقتى كوميتەتىنىڭ باسشىلىعىندا پارتيا ورتالىق كوميتەتىنىڭ ورنالاستىرۋلارىنا، تالاپتارىنا ساي، پارتيا ورتالىق كوميتەتىنىڭ شەشىمدەرىنىڭ، ورنالاستىرۋلارىنىڭ دايەكتىلەندىرىلۋىن، تياناقتاندىرىلۋىن ىلگەرىلەتۋ، پارتيا ىشىندەگى زاڭ ەرەجە، ءتۇزىم قۇرىلىسىن كۇشەيتۋ، بۇقارالىق ۇيىمدار قىزمەتىنە جەتەكشىلىك ەتۋ جانە بۇقارالىق ۇيىمدار رەفورماسىن ىلگەرىلەتۋ قاتارلى جاقتاردا قىرۋار قىزمەت ىستەدى.

  ءماجىلىس مىنالاردى باسا دارىپتەدى: بيىل جۇڭگو كوممۋنيستىك پارتياسى قۇرىلعاندىعىنىڭ 100 جىلدىعى، ”14 - بەسجىلدىقتىڭ“ باستالاتىن جىلى. مەملەكەتتىك حالىق قۇرىلتايى تۇراقتى كوميتەتى، مەملەكەتتىك كەڭەس، مەملەكەتتىك ساياسي كەڭەس، ەڭ جوعارى حالىق سوتى مەكەمەسى، ەڭ جوعارى حالىق پروكۋراتۋراسى پارتيا باسشىلىق گرۋپپالارى شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، جۇڭحۋا ۇلتىنىڭ ۇلى گۇلدەنۋى ستراتەگيالىق جالپى جاعدايى مەن دۇنيە جۇزىندە 100 جىلدا بولماعان زور وزگەرىستى تياناق ەتىپ، ”مەملەكەتتىڭ زور ىستەرىن“ كوكەيدە ساقتاپ، پارتيا ورتالىق كوميتەتى جاساعان ايبىندى جوبانى ارقاۋ ەتىپ، العان بەتتەن قايتپاي، بەل شەشە كىرىسىپ، ءتۇرلى قىزمەتتەردى جالىندى جىگەرمەن ويداعىداي ىستەۋ كەرەك. جاڭا داۋىردەگى پارتيا قۇرىلىسىنىڭ جالپى تالابىنا ساي، پارتيانىڭ ساياسي قۇرىلىسىن ءبىر تۇتاس باسشىلىققا الىپ، پارتيانى جاپپاي قاتاڭ جونگە سالۋ تۇلعالىق جاۋاپكەرشىلىگىن مۇقيات وتەپ، ورتالىقتىڭ 8 ءتۇرلى بەلگىلەمەسى مەن ونى اتقارۋدىڭ ەگجەي - تەگجەيلى ەرەجەسىنىڭ رۋحىن قاتاڭ اتقارىپ، فورماشىلدىقتى، تورەشىلدىكتى تاباندىلىقپەن تۇزەتىپ، جونگە سالىپ، قالىڭ پارتيا مۇشەلەرىن، كادرلاردى تاماشا رۋحاني كۇي مەن قىزمەت كۇيىن ساقتاپ، ۇزدىك ناتيجەلەرمەن پارتيا قۇرىلعاندىعىنىڭ 100 جىلدىعىن قۇتتىقتاۋعا جىگەرلەندىرۋ كەرەك. ورتالىق كوميتەت شۋجيچۋى پارتيا ورتالىق كوميتەتىنىڭ بەدەلى مەن ورتالىقتانعان ءبىر تۇتاس باسشىلىعىن قورعاۋ تۇزىمدەرىن باستاماشىلدىقپەن تياناقتاندىرىپ، ورتالىق كوميتەت ساياسي بيۋروسىنىڭ جانە ورتالىق كوميتەت ساياسي بيۋروسى تۇراقتى كوميتەتىنىڭ ورنالاستىرۋلارىن، تالاپتارىن مۇقيات دايەكتىلەندىرىپ، تياناقتاندىرىپ، پارتيا ورتالىق كوميتەتى تاپسىرعان ءتۇرلى مىندەتتەردى تىڭعىلىقتى ورىنداۋ كەرەك.

  ءماجىلىس مىنالاردى اتاپ كورسەتتى: نەگىزگى ساتىنى جونگە سالۋ جۇيەسى مەن جونگە سالۋ قابىلەتىن وسىزامانداندىرۋ قۇرىلىسىن ىلگەرىلەتۋ − جاپپاي سوتسياليستىك وسىزاماندانعان مەملەكەت قۇرۋداعى ماڭىزدى قىزمەت. وڭىرلەر، تاراۋلار پارتيانىڭ بيلىك جۇرگىزۋ نەگىزىن بەكەمدەۋ مەن مەملەكەت بيلىگىنىڭ حاۋىپسىزدىگىن قورعاۋ تۇرعىسىنان نەگىزگى ساتىنى جونگە سالۋ قىزمەتىن جاقسى ىستەۋدىڭ ماڭىزدىلىعىن جەتە تانۋ كەرەك.

  ءماجىلىس مىنالاردى باسا دارىپتەدى: پارتيانىڭ نەگىزگى ساتىنى جونگە سالۋعا باسشىلىعىن كۇشەيتىپ، نەگىزگى ساتى پارتيا ۇيىمىنىڭ ساياسي باسىمدىعىن، ۇيىمدىق باسىمدىعىن جونگە سالۋ ونىمدىلىگىنە اينالدىرۋ كەرەك. نەگىزگى ساتى بيلىگىنىڭ جونگە سالۋ قابىلەتى قۇرىلىسىن كۇشەيتىپ، پارتيانىڭ ۇيىمدىق باسشىلىعىنداعى ءوزىن - ءوزى جونگە سالۋ، زاڭمەن جونگە سالۋ، مورالمەن جونگە سالۋ ءوزارا ۇشتاستىرىلعان نەگىزگى ساتىنى جونگە سالۋ جۇيەسىن اقاۋسىزداندىرۋ كەرەك. ۇدايىلاندىرىلعان باسقارۋ مەن توتەنشە جاعدايعا توتەپ بەرۋگە بايلانىستى باسقارۋ يكەمدى ۇشتاسقان نەگىزگى ساتىنى جونگە سالۋ مەحانيزمىن ورناتىپ، جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋدى ۇدايىلاندىرۋ جانە باسقارۋ، قىزمەت وتەۋ جۇمىستارىن ءبىر تۇتاس جوسپارلاپ ويداعىداي ىستەۋ كەرەك. توركوزدەندىرىپ باسقارىلاتىن، ەگجەي - تەگجەيلى قىزمەت وتەيتىن، ينفورماتسيالاندىرۋ تىرەك بولاتىن، اشىق، تەڭ يگىلىكتەنەتىن نەگىزگى ساتى جونگە سالۋ تۇعىرىن ورناتىپ، نەگىزگى ساتى قىزمەت قوسىنى قۇرىلىسىن كۇشەيتىپ، قالا، اۋىل الەۋمەتتىك اۋماق قىزمەت وتەۋ جۇيەسى قۇرىلىسىنىڭ ”14 - بەسجىلدىق“ جوباسىن جاساپ، اتقارىپ، بۇقارانى مازالاعان، ۋايىمعا سالعان، الاڭداتقان ىستەردى ويداعىداي شەشىپ، نەگىزگى ساتىنىڭ اۋىرتپالىعىن ۇزدىكسىز جەڭىلدەتۋ كەرەك. ۇيىمدىق باسشىلىقتى شىن مانىندە كۇشەيتىپ، ءىس كەڭەسۋدىڭ، سايكەستىرۋدىڭ ءار دارەجەلى مەحانيزمىن اقاۋسىزداندىرىپ، نەگىزگى ساتىنى جونگە سالۋدى وسىزامانداندىرۋ قۇرىلىسىن ىلگەرىلەتۋدىڭ تۇلعالىق بىرىككەن كۇشىن قالىپتاستىرۋ كەرەك.

  ءماجىلىس ورتالىق شارلاۋ قىزمەتى باسشىلىق گرۋپپاسىنىڭ 2020 - جىلعى قىزمەتىن تولىق تۇراقتاندىردى، 2021 - جىلعى قىزمەت ورنالاستىرۋىنا قوسىلدى. ءماجىلىس بىلاي دەپ قارادى: وتكەن ءبىر جىلدا ورتالىق شارلاۋ قىزمەتى باسشىلىق گرۋپپاسى پارتيا ورتالىق كوميتەتىنىڭ شەشىمدەرىن، ورنالاستىرۋلارىن باتىل دايەكتىلەندىرىپ، شارلاۋ قىزمەتىنىڭ ىشكەرىلەي دامۋىن باتىل، ورنىقتى تۇردە ىلگەرىلەتىپ، كورنەكتى ونىمدىلىككە قول جەتكىزدى.

  ءماجىلىس مىنالاردى اتاپ كورسەتتى: شارلاۋدان قاراعاندا، پارتيا 19 - قۇرىلتايىنان بەرى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، ءار دارەجەلى پارتيا ۇيىمىنىڭ پارتيا قۇرىلىسى، پارتيانى جاپپاي قاتاڭ جونگە سالۋى كورنەكتى كۇشەيدى، ساياسي ەكولوگياسى ۇزدىكسىز جاقسارا ءتۇستى، ءتۇرلى قىزمەتتەردە تىڭ ناتيجەلەرگە قول جەتكىزدى، ءبىراق ءالى دە كەيبىر ماسەلەلەر ورىن تەۋىپ وتىر. پارتكوم (پارتيا باسشىلىق گرۋپپاسى) شارلاۋداعى رەتتەۋ - تۇزەتۋ جاۋاپكەرشىلىگىن شىن مانىندە ۇستىنە الىپ، ”14 - بەسجىلدىق“ جوبانى جاساپ اتقارۋمەن ۇشتاستىرىپ، شارلاۋ تابىستارىنان ويداعىداي پايدالانىپ، رەتتەۋ - تۇزەتۋدى ءبىر تۇتاس جوسپارلاپ ويداعىداي يگەرۋ كەرەك. پارتيانىڭ ساياسي قۇرىلىسىن كۇشەيتىپ، ساياسي تانىمدى نىعايتىپ، ساياسي تۇجىرىمداۋ قابىلەتىن، ساياسي ءتۇسىنۋ قابىلەتىن، ساياسي اتقارۋ قابىلەتىن ۇزدىكسىز جوعارىلاتىپ، جاڭا دامۋ كەزەڭىن دالمە - ءدال يگەرىپ، جاڭا دامۋ ۇستانىمىن ىشكەرىلەي دايەكتىلەندىرىپ، جاڭا دامۋ ارناسىن جەدەل قالىپتاستىرىپ، شىنايى يگەرىپ، ناقتى ىستەپ، جاۋاپكەرشىلىك ارقالاپ، ءىس تىندىرىپ، قىزمەت جاۋاپكەرشىلىگىمەن ۇشتاستىرا وتىرىپ پارتيا ورتالىق كوميتەتىنىڭ شەشىمدەرىن، ورنالاستىرۋلارىن تياناقتاندىرۋ كەرەك. پارتيانى جاپپاي قاتاڭ جونگە سالۋ جاۋاپكەرشىلىگى قىسىمىن ساتىلار بويىنشا جەتكىزىپ، پارتكومنىڭ (پارتيا باسشىلىق گرۋپپاسى) تۇلعالىق جاۋاپكەرشىلىگىن، شۋجيدىڭ ءبىرىنشى جاۋاپتى ادامدىق جاۋاپكەرشىلىگىن جانە ءتارتىپ تەكسەرۋ كوميتەتىنىڭ، باقىلاۋ - تەكسەرۋ كوميتەتىنىڭ باقىلاۋ جاۋاپكەرشىلىگىن مۇقيات تياناقتاندىرىپ، ساياسي باقىلاۋدى كۇشەيتىپ، كۇندەلىكتى باقىلاۋدى شىنايى ىستەۋ، شىرىكتەسۋگە باتىلدىق ەتپەۋدى، شىرىكتەسۋگە مۇمكىندىك بولماۋدى، شىرىكتەسۋدى ويىنا الماۋدى ءبىر تۇلعادا ىلگەرىلەتىپ، قاتاڭدىق نەگىزگى ارقاۋىن ۇزاق ۋاقىت جالعاستىرۋ، سوڭىنا دەيىن دايەكتىلەندىرۋ كەرەك. جاڭا داۋىردەگى پارتيانىڭ ۇيىمدىق لۋشيانىن مۇقيات دايەكتىلەندىرىپ، كەزەك اۋىستىرۋ قىزمەتىمەن ۇشتاستىرا وتىرىپ باسشىلىق القا قۇرىلىسىن، كادرلار قوسىنى قۇرىلىسىن جانە نەگىزگى ساتى پارتيا ۇيىمى قۇرىلىسىن كۇشەيتۋ كەرەك.

  ءماجىلىس مىنالاردى باسا دارىپتەدى: شارلاۋ − پارتيا ىشىندەگى باقىلاۋدى كۇشەيتۋدەگى ستراتەگيالىق تۇزىمدىك ورنالاستىرۋ، پارتكومنىڭ (پارتيا باسشىلىق گرۋپپاسى) جالپى بەتتىك باقىلاۋ قىزمەت جاۋاپكەرشىلىگىن وتەۋىنىڭ تىكەلەي تۇتقاسى. شارلاۋ قىزمەتىنىڭ ساياسي تۇرعىسىنا تاباندى بولىپ، شارلاۋ قىزمەتى باعىتىن ىشكەرىلەي دايەكتىلەندىرىپ، ساياسي شارلاۋ تالابىن دالمە - ءدال تياناقتاندىرىپ، نازاردى ”ەكىنى قورعاۋ“ ءتۇبىرلى مىندەتىنە شوعىرلاندىرىپ، وزەكتى ارقاۋ ەتىپ، كەلەلى جاعدايعا قىزمەت وتەپ، پارتيا 19 - كەزەكتى ورتالىق كوميتەتى بەسىنشى جالپى ءماجىلىسى رۋحىنىڭ، ”14 - بەسجىلدىقتاعى“ كەلەلى ورنالاستىرۋلاردىڭ تياناقتاندىرىلۋ جاعدايىن باقىلاۋ - تەكسەرۋدى بارىنشا كۇشەيتۋ كەرەك. ماسەلەنى باعدار ەتۋگە تاباندى بولىپ، شارلاۋدىڭ جاپپاي قامتۋىن جوعارى ساپامەن ىلگەرىلەتىپ، بيلىك پەن جاۋاپكەرشىلىكتى قاتاڭ قاداعالاپ، ءار دارەجەلى باسشىلىق القاسى مەن شەشۋشى ازشىلىقتى، اسىرەسە، ءبىرىنشى باسشىنى باقىلاۋدى كۇشەيتىپ، ماسەلەلەردى دالمە - ءدال بايقاۋ، ماسەلەلەردىڭ شەشىلۋىن ىلگەرىلەتۋ كەرەك. جۇيە كوزقاراسىنا تاباندى بولىپ، شارلاۋدا، شارلاپ تەكسەرۋدە جوعارى مەن تومەننىڭ بىرلەسىپ قيمىلداۋىن، باسقا باقىلاۋلارمەن توعىسۋىن ىشكەرىلەي ىلگەرىلەتىپ، شارلاۋدىڭ جالپىلىق باقىلاۋ رولىن جانە بۇقارامەن بايلانىس جاساۋداعى دانەكەرلىك رولىن اناعۇرلىم جاقسى ساۋلەلەندىرۋ كەرەك. ەرەجەگە، تارتىپكە، زاڭعا نەگىزدەلۋگە تاباندى بولىپ، ارناعا ءتۇسىرۋ، زاڭمەن جونگە سالۋ دەڭگەيىن ۇزدىكسىز جوعارىلاتىپ، شارلاۋ قىزمەتىنىڭ اناعۇرلىم ءدال، عىلمي بولۋىنا، اناعۇرلىم پارمەندى، ءونىمدى بولۋىنا مۇمكىندىك جاساپ، ”14 - بەسجىلدىق“ مەزگىلىندە ەلىمىز دامۋىنىڭ جاقسى باستاما باستاۋىنا، جاقسى قادام تاستاۋىنا پارمەندى كەپىلدىك ازىرلەپ، پارتيا قۇرىلعاندىعىنىڭ 100 جىلدىعىن ۇزدىك ناتيجەلەرمەن قۇتتىقتاۋ كەرەك.

  ءماجىلىس باسقا دا ىستەردى اقىلداستى.

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.