انار بۇلت/ شينجياڭ گازەتىنىڭ ءتىلشىسى ياۋ گاڭ 1 - ايدىڭ 29 - كۇنى ۇرىمجىدەن حابارلايدى. سول كۇنى اشىلعان اۆتونوميالى رايوننىڭ مادەنيەت جانە ساياحات قىزمەتى ماجىلىسىنەن ۇعىسۋعا قاراعاندا، بىلتىر بۇكىل شينجياڭ 158 ميلليون ادام - رەت ساياحاتشى قابىلداپ، ساياحات كىرىسى 99 ميلليارد 212 ميلليون يۋان بولعان.
بىلتىر بۇكىل شينجياڭنىڭ جەر - جەرى ىندەتتەن ساقتانۋ - تىزگىندەۋدى ۇدايىلاندىرۋ قىزمەتىن ويداعىداي ىستەۋ العى شارتىندا، بەلسەنە ءىس تىندىرىپ، ينتەرنەت جەلىسىندە ۇگىتتەۋ سەرپىنىن ۇزدىكسىز ارتتىرىپ، ”شينجياڭعا كەلۋ“، ”دۇنيەنىڭ كوركى. شينجياڭدا“ سياقتى جەلىلەس ۇگىت قيمىلدارىن ورىستەتىپ، قىسقا بەينە جازبا، باياۋ تىكە تاراتۋ سياقتى ۇگىت تاسىلدەرى ارقىلى شينجياڭنىڭ ساياحات بايلىعىن تانىستىردى؛ ”ءۇشتىڭ قيىن بولۋى، ءبىردىڭ ىركىلىسسىز بولماۋى“ (اۆتوكولىك توقتاتۋ قيىن، جانار ماي قۇيۋ قيىن، دارەتحانا تابۋ قيىن، حابارلاسۋ سيگنالى ىركىلىسسىز بولماۋ) ماسەلەلەرىن شەشۋ ءۇشىن، جەر - جەر قاتتى بولشەك قۇرىلىسىن ۇزدىكسىز كۇشەيتىپ، ساياحات كاسىبىنىڭ جوعارى ساپالى دامۋىن ىلگەرىلەتتى؛ ايماق، وبلىس، قالالاردىڭ مادەنيەت، ساياحات تاراۋلارى شينجياڭعا كومەكتەسەتىن ولكە، قالالارمەن بەلسەنە ءتۇيىلىسىپ، ساياحاتقا ۇشاق جالداۋدى جانە ارناۋلى پويەزداردى كوبەيتىپ، ساياحاتشىلاردى شينجياڭعا باۋرادى؛ ”شينجياڭدىقتار شينجياڭدى ساياحاتتاۋ“ نەگىزگى تاقىرىبىن ارقاۋ ەتىپ، جەر - جەر باي مازمۇندى مادەنيەت، ساياحات قيمىلدارىن وتكىزىپ، كورىنىس اۋماقتارىنىڭ، كورىنىس تۇيىندەرىنىڭ ەسىك بەلەتىن ارزانداتۋ، كەشىرىم ەتۋ، تۇتىنۋ بەلەتى ارقىلى تيىمدىلىك جاساۋ سياقتى ساياساتتاردى شىعارىپ، ساياحاتشىلاردى باۋرادى.
ساياحات كاسىپورىندارىنىڭ قيىنشىلىقتى شەشۋىنە كومەكتەسۋ ءۇشىن، اۆتونوميالى رايوننىڭ ساياحات كاسىبىن دامىتۋ باسشىلىق گرۋپپاسى «ىندەتتەن كەيىن رايونىمىزدىڭ ساياحات كاسىبىنىڭ قالپىنا كەلۋىن، دامۋىن جەبەۋ شاراسىن» شىعارىپ، ساتۋدى جالپىلاستىرۋ، قىزمەت وتەۋدى جوعارىلاتۋ، ساياحاتتىق تۇتىنۋ، كاسىپورىندارعا كومەكتەسۋ - سۇيەمەلدەۋ، كاسىپ كۇيىندە جاڭالىق اشۋ، زەردەلى ساياحات سياقتى جاقتاعى 16 شارانى شىعاردى. سونىمەن بىرگە اۆتونوميالى رايوندىق مادەنيەت جانە ساياحات مەڭگەرمەسى مادەنيەت جانە ساياحات مينيسترلىگىنىڭ ساياحات كاسىبىنىڭ جۇمىستى، ءوندىرىستى قالپىنا كەلتىرۋىن ىلگەرىلەتۋگە قاتىستى ساياساتتارىن بەلسەنە تياناقتاندىرىپ، ساياحات كووپەراتيۆتەرىنىڭ ساياحات قىزمەت وتەۋ ساپاسى كەپىل اقشاسىن ۋاقىتشا قايتارىپ بەرىپ، ساياحات كووپەراتيۆتەرىنىڭ تيجارات قيىنشىلىعىنا توتەپ بەرۋىنە قولداۋ كورسەتتى.
