تيانشان تورى   ›   جاڭالىقتار   ›   شينجياڭ حابارلارى

اۆتونوميالى رايوندىق ساياسي كەڭەس 12 - كەزەكتى كوميتەتىنىڭ 3 - ماجىلىسىنەن بەرگى ۇسىنىس جوبالار تۇگەلدەي ورىندالدى

  انار بۇلت / شينجياڭ گازەتىنىڭ ءتىلشىسى لي ياڭ 2 - ايدىڭ 1 - كۇنى ۇرىمجىدەن حابارلايدى. اۆتونوميالى رايوندىق ساياسي كەڭەس 12 - كەزەكتى كوميتەتىنىڭ 3 - ماجىلىسىنەن بەرى قالىڭ ساياسي كەڭەس مۇشەلەرى، ساياسي كەڭەسكە قاتىناسۋشى ورىندار جانە ءارقايسى ارناۋلى كوميتەتتەر 767 ۇسىنىس جوبا تاپسىردى، تەكسەرۋ ارقىلى ونىڭ 668ى ەستەلىككە الىنىپ، اۆتونوميالى رايوننىڭ، سونداي - اق بيڭتۋاننىڭ 78 مەكەمە - ورنىنا بىتىرۋگە تاپسىرىلىپ، تۇگەلدەي ۋاعىندا ورىندالدى.

  بىتىرۋگە تاپسىرىلعان 668 ۇسىنىس جوبانىڭ ىشىندە شەشىلگەن نەمەسە قابىلدانعان A تۇردەگى ۇسىنىس جوبا 214 بولىپ، %32.1تى ۇستادى؛ جوباعا ەنگىزىلگەن نەمەسە شەشىلۋ ۇستىندەگى B تۇردەگى ۇسىنىس جوبا 375 بولىپ، %56.1تى ۇستادى؛ قازىرشە شەشىلۋى قيىن بولعان، اقىلداسۋ ۇستىندەگى C تۇردەگى ۇسىنىس جوبا 79 بولىپ، %11.8تى ۇستادى.

  ۇسىنىس جوبا اۆتونوميالى رايوننىڭ ساياسي، ەكونوميكا، مادەنيەت، قوعام، ەكولوگيالىق وركەنيەت قۇرىلىسى سياقتى جاقتارعا سايادى. مۇشەلەر جاڭا داۋىردەگى پارتيانىڭ شينجياڭدى جونگە سالۋ جالپى جوباسىن، اسىرەسە، قوعام ورنىقتىلىعى مەن باياندى تىنىشتىق باس نىساناسىن تولىق، دالمە - ءدال دايەكتىلەندىرۋ توڭىرەگىندە ۇسىنىس جوبالار قويدى. ۇلتتار ىنتىماعىن كۇشەيتۋ، مەملەكەتتە ءبىر تۇتاس قولدانىلاتىن ءتىل - جازۋدى جالپىلاستىرۋ سياقتىلار جونىندەگى ۇسىنىستار تولىق قابىلداندى ءارى بەلسەنە ىلگەرىلەتىلدى. وڭتۇستىك شينجياڭنىڭ نەگىزگى ساتى پارتيا ۇيىم قۇرىلىسىن كۇشەيتۋ جانە اۋىل - قالاشىق، قىستاق نەگىزگى ساتى كادرلارىنا كوڭىل ءبولۋ، قامقورلىق جاساۋ سياقتىلار جونىندەگى ۇسىنىستار پارتيانىڭ بيلىك جۇرگىزۋ نەگىزىن بەكەمدەۋدە ماڭىزدى رول اتقاردى.

  جاڭا دامۋ ۇستانىمىن دايەكتىلەندىرۋ، جوعارى ساپالى دامۋدى ىلگەرىلەتۋ توڭىرەگىندە ۇسىنىس جوبالار العا قويىلدى. ىدىرايتىن بالاما ماتەريالداردى سۇيەمەلدەۋ سەرپىنىن ارتتىرۋ، ناقتى ەكونوميكانىڭ جوعارى ساپالى دامۋىن تاباندىلىقپەن قولداۋ سياقتىلار جونىندەگى ۇسىنىستار «اۆتونوميالى رايوننىڭ كاسىپ سالاسىن ورنالاستىرۋ جانە ونەركاسىپتى جوعارى ساپالى دامىتۋ ”14 - بەسجىلدىق“ جوباسىن» جاساۋعا ماڭىزدى دايەك ازىرلەدى.

  حالىقتى بارىنەن جوعارى قويۋ، ءومىردى بارىنەن جوعارى قويۋ، حالىق تۇرمىسىن جاقسارتۋ توڭىرەگىندە ۇسىنىس جوبالار العا قويىلدى. وڭتۇستىك شينجياڭنىڭ ەلەكتروندىق ونىمدەردى قۇراستىرۋ كاسىبىنىڭ دامۋىن جەدەلدەتۋ، ەڭبەككۇش شوعىرلى كاسىپ سالالارىن قولداۋ سەرپىنىن ارتتىرۋ سياقتىلار جونىندەگى ۇسىنىس جوبالار قاتىستى تاراۋلار جاعىنان بەلسەنە قابىلدانىپ، كەدەيلىكتەن ارىلتۋدان قامال الۋ شەشۋشى شايقاسىنىڭ شەشۋشى جەڭىسىنە قول جەتكىزۋگە كۇش قوستى. جالپى حالىقتىڭ دەنساۋلىعىن تەكسەرۋ دەڭگەيىن جوعارىلاتۋ، زەينەتكەرلىك كۇتىمدەۋگە قىزمەت وتەۋدى جانە قوعامدىق قۇتقارۋ - كومەكتەسۋدى جاقسى ىستەۋ سياقتىلار جونىندەگى ۇسىنىستار جالپى حالىقتىڭ دەنساۋلىعىن جەبەۋ جونىنەن زور ءمان الدى.

  مادەنيەت قۇرىلىسىن كۇشەيتۋ، مادەنيەت پەن ساياحاتتى توعىستىرا دامىتۋدى كۇشەيتۋ توڭىرەگىندە ۇسىنىس جوبالار العا قويىلدى. شينجياڭداعى دۇنيە جۇزىلىك مادەنيەت مۇرالارى بار جەرلەردى قورعاۋدى، ودان پايدالانۋدى جانە ۇگىتتەۋدى كۇشەيتۋ، شينجياڭنىڭ الەۋمەتتىك مادەنيەتپەن قامداۋ جۇيەسى قۇرىلىسىن كۇشەيتۋ سياقتىلار جونىندەگى ۇسىنىستار شينجياڭنىڭ مادەنيەت كاسىپ سالاسىن دامىتۋ ورتا، ۇزاق مەرزىمدىك جوباسىن جاساۋعا ماڭىزدى دايەك ازىرلەدى. وسى زامانعى جىلقى شارۋاشىلىعىنىڭ ساياحاتپەن، مادەنيەتپەن توعىسا دامۋىن، ”ءبىر بەلدەۋ، ءبىر جولدى“ ىلگەرىلەتۋ جاعدايىندا شينجياڭنىڭ تاس ۇڭگىر كوركەمونەر مادەنيەتىن جانە ساياحات ونىمدەرىن اشۋمەن توعىستىرا دامىتۋ سياقتىلار جونىندەگى ۇسىنىستار بەلسەنە قابىلداندى.

  ەكولوگيالىق وركەنيەت قۇرىلىسىن كۇشەيتۋ، كورىكتى شينجياڭ قۇرۋ توڭىرەگىندە ۇسىنىس جوبالار العا قويىلدى. اۋىل - قىستاقتىڭ قونىس ورتاسىن رەتتەۋ - وڭاۋدى كۇشەيتۋ، كورىكتى اۋىل - قىستاق قۇرىلىسىن ىلگەرىلەتۋ، قۇمايتتانۋدى جونگە سالۋ اياق الىسىن جەدەل ىلگەرىلەتۋ سياقتىلار جونىندەگى ۇسىنىستار «اۆتونوميالى رايوننىڭ اۋىل - قىستاقتى گۇلدەندىرۋدىڭ جانە اۋىل شارۋاشىلىعىن، اۋىل - قىستاقتى وسىزامانداندىرۋدىڭ ”14 - بەسجىلدىق“ جوباسىن» جاساۋعا ماڭىزدى دايەك ازىرلەدى. اشىق اسپاندى قورعاۋ شايقاسىن، تۇنىق سۋدى قورعاۋ شايقاسىن، تازا توپىراقتى قورعاۋ شايقاسىن باتىلدىقپەن جەڭىستى جۇرگىزۋ سياقتىلار جونىندەگى ۇسىنىستار قاتىستى تاراۋلاردىڭ باسا ءمان بەرۋىنە يە بولدى.

جاۋاپتى رەداكتور : ريزا حاميت

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.