− اۆتونوميالى رايوندىق 13 - كەزەكتى حالىق قۇرىلتايى 4 - ءماجىلىسىنىڭ اشىلۋىنان ەستەلىك
انار بۇلت/ شينجياڭ گازەتىنىڭ ءتىلشىسى يۋان لەي
كوكتەم لەبى جاقىندادى، كۇن شايداي اشىق، سالتاناتتى باس قوساتىن ءسات جەتتى.
2 - ايدىڭ 1 - كۇنى تۇستەن بۇرىن شينجياڭ حالىق سارايى، اۆتونوميالى رايوندىق 13 - كەزەكتى حالىق قۇرىلتايىنىڭ 4 - ماجىلىسىنە قاتىناساتىن 500گە جۋىق ۋاكىل اسا كوتەرىڭكى بەينەمەن باسپالداقتان شىقتى.
بيىل جۇڭگو كوممۋنيستىك پارتياسى قۇرىلعاندىعىنىڭ 100 جىلدىعى، جاپپاي سوتسياليستىك وسىزاماندانعان مەملەكەت قۇرۋدىڭ جاڭا ساپارىن باستاۋعا كىرىسەتىن جىل، ”14 - بەسجىلدىق“ جوبا باستالاتىن جىل. تاريحتىڭ كورسەتكىشى وسى رەتكى ءماجىلىستىڭ ايرىقشا ءمانىن بەلگىلەپ كورسەتتى.
ساعات 10 نان 30 مينۋت وتكەندە ايبىندى مەملەكەت ءانى ىشىندە ءماجىلىس اشىلدى، ساراي ءىشى سالتاناتتى دا قىزۋ بەينەگە شومدى. ۇكىمەت قىزمەتىنەن بايانداما ”13 - بەسجىلدىق“ مەزگىلىندەگى شينجياڭنىڭ ەكونوميكالىق، قوعامدىق دامۋدا قول جەتكىزگەن ناتيجەلەرىن وبيەكتيۆ تۇردە قورىتىندىلاپ، ”14 - بەسجىلدىق“ مەزگىلىندەگى، اسىرەسە، 2021 - جىلداعى نىسانا - مىندەتتەرگە ورنالاستىرۋ جاسادى.
”وتكەن 5 جىلعا قايىرىلا قاراساق، ناتيجەنىڭ وڭاي - وسپاق قولعا كەلمەگەندىگىن، ايرىقشا باعالى ەكەندىگىن بايقايمىز“. 5 جىلدان بەرى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، اۆتونوميالى رايوندىق پارتكوم بۇكىل رايونداعى ءار ۇلت حالقىن ىنتىماقتاستىرىپ، باستاپ، ارتۋدى ورنىقتىرۋ، رەفورمانى جەبەۋ، قۇرىلىمدى رەتتەۋ، حالىق تۇرمىسىنا تيىمدىلىك جاساۋ، حاۋىپ - قاتەردەن ساقتانۋ، ورنىقتىلىقتى ساقتاۋ قىزمەتتەرىن ءبىر تۇتاس جوسپارلاپ ىلگەرىلەتىپ، ەكونوميكالىق، قوعامدىق دامۋدا جانە حالىق تۇرمىسىن جاقسارتۋدا بۇرىن بولىپ كورىلمەگەن تاريحى جەتىستىكتەرگە قول جەتكىزدى، وڭىرلىك ءوندىرىس جالپى ءونىم قۇنىنىڭ جىلدىق ورتاشا ارتۋى ％6.1 بولدى، كەدەيلىكتەن ارىلتۋدان قامال الۋ نىسانا - مىندەتتەرى ءدال ۋاعىندا ورىندالدى، ”13 - بەسجىلدىق“ جوبا تابىسپەن اياقتالدى، جاپپاي دوڭگەلەك داۋلەتتى قوعام ورناتۋدىڭ جەڭىسى تاياپ قالدى.
”كەزەكتە جانە الداعى ءبىر مەزگىلدە شينجياڭنىڭ ەكونوميكالىق، قوعامدىق دامۋى ءبىرتالاي قيىندىقتارعا جانە سىن - سايىستارعا ءدوپ كەلەدى، سونىمەن بىرگە ءبىرسىپىرا وراي مەن باسىمدىققا دا يە بولادى“. ۇكىمەت قىزمەتىنەن بايانداما قيىندىقتارعا، سىن - سايىستارعا بەتپە - بەت كەلىپ، ورايلارعا، باسىمدىقتارعا بايلانىستىرىپ، 15 جاقتان ”14 - بەسجىلدىق“ مەزگىلىندەگى نەگىزگى نىسانا - مىندەتتەر مەن كەلەلى شارالارعا ورنالاستىرۋ جاسادى، اسىرەسە، جاقسى باستاما باستاۋ، جاقسى قادام تاستاۋدى ارقاۋ ەتىپ، بيىل ايرىقشا كۇش سالۋ قاجەت بولعان 12 جاقتاعى ءتۇيىندى قىزمەتتەردى كورسەتتى، ءبىر قىدىرۋ شەشۋشى شارالارى تىڭعىلىقتى دا پارمەندى بولدى.
بايانداما قۇلاقتى ۇيىتىپ، كوكەيگە ۇيالادى. ءماجىلىس الاڭىنان اۋىق - اۋىق شاپالاق ءۇنى ەستىلدى، بۇل شاپالاق ءۇنى حالىق تىلەگىنىڭ بايانداماعا بولعان اڭىسى، حالىق تىلەگى مەن ايبىندى جوبانىڭ توعىسۋى.
ساعات 12دەن 07 مينۋت وتكەندە اشىلۋ ءماجىلىسى اياقتادى. ۋاكىلدەر ءماجىلىس زالىنان شىقتى، بولاشاققا، بورىشقا، جاۋاپكەرشىلىككە تولعانىستارى اناعۇرلىم ىشكەرىلەي انىق بولدى.
”وسى باياندامادان ناقتى شارالاردى، ەكپىندەي ىلگەرىلەۋدى جانە ايبىندى ۋادەنى تىڭدادىم“، - دەدى اۆتونوميالى رايوندىق حالىق قۇرىلتايىنىڭ ۋاكىلى قۇربان نياز، - ”اسىرەسە، بيىل شينجياڭدى مادەنيەتپەن نارلەندىرۋ ينجەنەرياسى ىلگەرىلەتىلەتىندىگىن ەستىپ، توتەنشە اسەرلەندىم، مەن جاۋاپكەرشىلىكتى كوكەيدە ساقتاپ، جاۋاپكەرشىلىكتى ءوز باسىممەن ارقالاپ، جاۋاپكەرشىلىكتى ارەكەتىممەن اتقارىپ، اۋىلىمنىڭ وقۋ - اعارتۋ ىستەرىنىڭ دامۋى ءۇشىن اناعۇرلىم زور ۇلەس قوسىپ، جۇڭحۋانىڭ تاڭداۋلى ءداستۇرلى مادەنيەتىنىڭ مەكتەپكە كىرۋىن ىلگەرىلەتىپ، جۇڭحۋا ۇلتى ورتاق تۇلعا تانىمىن بەكەمدەيمىن“.
”مىڭ جىلدىق مۇلدەم كەدەيلىك ماسەلەسى شەشىلدى، وسىدان كەيىن ءبىز كەدەيلىكتەن ارىلتۋدان قامال الۋ تابىستارىن بەكەمدەپ، كەڭەيتىپ، اۋىل - قىستاقتى گۇلدەندىرۋدى جاپپاي ىلگەرىلەتەمىز، ’14 - بەسجىلدىق‘ جوباسىنىڭ تاماشا كارتيناسىنىڭ، ءسوز جوق، جۇزەگە اساتىندىعىنا، بۇقارانىڭ تۇرمىسىنىڭ بارعان سايىن جاقسى بولاتىندىعىنا سەنەمىز!“. بولاشاققا كوز جىبەرگەندە، پامير ۇستىرتىنە ورنالاسقان تاشقورعان تاجىك اۆتونوميالى اۋدانىنان كەلگەن اۆتونوميالى رايوندىق حالىق قۇرىلتايىنىڭ ۋاكىلى كابانۋ سەيتقادام سەنىممەن وسىلاي دەدى.
”ۇكىمەت قىزمەتىنەن باياندامادا حالىقتىق كاسىپورىنداردى جەتىلدىرۋ، ساپالىلاندىرۋ ينجەنەرياسىن اتقارۋ العا قويىلىپ، حالىقتىق كاسىپورىنداردىڭ ومىرشەڭدىگى مەن جاسامپازدىعىنىڭ تولىق قاۋلاپ، جوعارى ساپالى دامۋ بارىسىندا اۋىر مىندەت ارقالاپ، باستى جۇمىستى اتقارۋىنا مۇمكىندىك بەرىلدى، بۇل حالىقتىق كاسىپكەرلەرىمىزدىڭ ءىس تىندىرىپ، ناتيجە شىعارۋ سەنىمىن ارتتىرا ءتۇستى!“، - دەدى اۆتونوميالى رايوندىق حالىق قۇرىلتايىنىڭ ۋاكىلى شى ياحۇي، - ”ماڭداي تەردىڭ ارقاسىندا تابىسقا كەنەلىپ، ناقتى ىستەۋدىڭ ارقاسىندا ورنىقتى العا باسساق، شينجياڭ، ءسوز جوق، تاماشا باستاما اشىپ، نىق قاداممەن الىسقا جەتۋدى جۇزەگە اسىرادى!“.
شينجياڭ حالىق سارايىنىڭ سىرتىندا جەل كوتەرىلىپ، قىزىل تۋ جەلبىرەيدى.
ايبىندى دامۋ كارتيناسى اياسىندا العا باسۋعا تالپىنساڭ، بارلىق ءىس كوركەيەدى.
”ساپار ۇزاق، كۇرەس جالعاسا بەرەدى“. اۆتونوميالى رايوندىق حالىق قۇرىلتايىنىڭ ۋاكىلى ما گوۋي بىلاي دەدى: ”جاپپاي دوڭگەلەك داۋلەتتىلىك ءاربىر كۇرەسكەردىڭ ەكپىندەي العا ىلگەرىلەۋىن قاجەت ەتەدى، جاڭا باستامادا تۇرىپ، ۇزدىكسىز كۇرەس جاساپ، ەرلىكپەن العا تارتىپ، ايبىنمەن ىلگەرىلەپ جاڭا ساپارعا قادام تاستاپ، پارتيا قۇرىلعاندىعىنىڭ 100 جىلدىعىن ۇزدىك ناتيجەلەرمەن قۇتتىقتايمىز“.
