شينجياڭ گازەتىنىڭ 2 - ايدىڭ 1 - كۇنى ۇرىمجىدەن بەرگەن حابارى. انار بۇلت / شينجياڭ گازەتى تىلشىلەرىنىڭ جيناق حابارى. 2 - ايدىڭ 1 - كۇنى تۇستەن كەيىن اۆتونوميالى رايوندىق ساياسي كەڭەس 12 - كەزەكتى كوميتەتىنىڭ 4 - ماجىلىسىنە قاتىناسقان ءار ۇلت، ءار سالا ساياسي كەڭەس مۇشەلەرى ۇكىمەت قىزمەتىنەن باياندامانى، اۆتونوميالى رايوننىڭ حالىق شارۋاشىلىعى مەن قوعامدىق دامۋدىڭ 14 - بەسجىلدىق جوباسىن جانە 2035 - جىلعا دەيىنگى بولاشاقتىق نىسانا باعدارلاما جوباسىن، جوسپار جوباسى بايانداماسىن جانە مەجە ەسەپ جوباسى بايانداماسىن گرۋپپالارعا ءبولىنىپ تالقىلادى.
كوپشىلىك ءبىر اۋىزدان بىلاي دەپ قارادى: ۇكىمەت قىزمەتىنەن بايانداما شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جاپپاي دايەكتىلەندىرىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ءدال دايەكتىلەندىرىپ، قوعام ورنىقتىلىعى مەن باياندى تىنىشتىق باس نىساناسىن مىقتى يگەردى، ”13 - بەسجىلدىق“ مەزگىلىندەگى رايونىمىزدىڭ ءتۇرلى جاقتاعى قىزمەتتە قولعا كەلتىرگەن ناتيجەلەرىن جالپى بەتتىك قورىتىندىلاۋمەن بىرگە، دامۋ بارىسىندا ساقتالعان كەيبىر قيىنشىلىقتار مەن ماسەلەلەرگە دە وبيەكتيۆتىك تالداۋ جۇرگىزدى. بايانداما ىقشام دا ناقتى، جارقىن تۇيىندەر مول، شىندىققا جۇگىنىپ، ناقتى ىستەر ىستەلگەن، ادامدى جەلپىندىرەتىن تاماشا بايانداما. ”14 - بەسجىلدىق“ جوبا مەن 2035 - جىلعا دەيىنگى بولاشاقتىق نىسانا باعدارلاما جوباسىندا جاڭا دامۋ كەزەڭى دالمە - ءدال يگەرىلىپ، جاڭا دامۋ ۇستانىمىن ىشكەرىلەي امالياتتا ايگىلەپ، جاڭا دامۋ ارناسىن قالىپتاستىرۋعا دەم بەرىپ، توتەنشە كۇشتى جالپى جاعداي سيپاتىنا، داۋىرلىك سيپاتقا، ستراتەگيالىق سيپاتقا جانە جەتەكشىلىك سيپاتقا يە.
”ۇكىمەت قىزمەتىنەن بايانداما شىندىققا جۇگىنىپ، ناقتى ىستەرگە تالپىنىپ، زەيىن - زەردەنى شوعىرلاندىرىپ، كۇش - قۋات ۇيىستىرعان، رۋحتى سەرپىلتىپ، ادامدى جىگەرلەندىرەدى، تامىردى ءدال ۇستاپ، ماسەلەنىڭ تەتىگىن يگەرىپ، 10 ءتۇرلى حالىققا تيىمدىلىك جاساۋ ينجەنەرياسى ارقىلى بۇقارا ءجىتى قاداعالاپ وتىرعان ىستەرگە جاۋاپ قايتارعان“. مۇشە گۇلباھار مامەتالي باياندامادان ”13 - بەسجىلدىق“ مەزگىلىندەگى شينجياڭنىڭ ەكونوميكالىق، قوعامدىق دامۋى مەن حالىق تۇرمىسىن جاقسارتۋدا قولعا كەلتىرگەن تاماشا تابىستارىن كورىپ، اۋىلىنىڭ كۇن سايىن جاڭارىپ، اي سايىن تۇلەجىگەن وزگەرىسىن سەزىنگەندىگىن ايتتى. ەمدەۋ قىزمەتكەرى رەتىندە، ىندەتتەن ساقتانۋ - تىزگىندەۋ قىزمەتىن ۇدايىلاندىرۋدى ويداعىداي ىستەۋ جانە ەمدەۋ - دەنساۋلىق ساقتاۋ ىستەرىن جوعارى ساپالى دامىتۋدى ىلگەرىلەتۋ ءۇشىن تىنباي كۇرەس جۇرگىزەتىندىگىن ءبىلدىردى.
مۇشە رايحان ءيۇسۇپ مىنانى ءبىلدىردى: ”14 - بەسجىلدىق“ جوبا مەن 2035 - جىلعا دەيىنگى بولاشاقتىق نىسانا باعدارلاما جوباسى عىلىم - تەحنيكادا جاڭالىق اشۋ سالاسىنا ايقىن نىسانا بەلگىلەپ، تالاپ قويدى. ءبىز اۆتونوميالى رايوننىڭ عىلىم - تەحنيكادا جاڭالىق اشىپ، دامۋداعى ”14 - بەسجىلدىق“ جوباسىن عىلمي جاساپ، وزەكتى تەحنيكالاردان قامال الۋدى كۇش سالا ىلگەرىلەتىپ، عىلىم - تەحنيكا ارقىلى حالىق تۇرمىسىنا تيىمدىلىك جەتكىزۋدى جەبەپ، جاڭالىق اشۋ ارقىلى جەتەكشىلىك ەتۋدىڭ بەلەسىن تۇلعالاپ، نەگىزدىك زەرتتەۋ جۇرگىزۋ قۋاتىن كۇشەيتىپ، جاڭالىق اشۋدىڭ، جاسامپازدىق جاراتۋدىڭ ومىرشەڭدىگىن قاۋلاتامىز.
مۇشە جاڭ ليشين بىلاي دەدى: ”14 - بەسجىلدىق“ مەزگىلىندە، جوعارى مەكتەپتەر ءمورال ارقىلى ادام تاربيەلەۋ ءتۇبىرلى مىندەتىن مىقتاپ ارقاۋ ەتىپ، وزدەرىنىڭ مەكتەپ باسقارۋداعى ورنى مەن ەرەكشەلىگىن تياناق ەتىپ، كەدەيلىكتەن ارىلتۋدان قامال الۋدى بەكەمدەۋدى جانە اۋىل - قىستاقتى كوركەيتۋدى ارقاۋ ەتىپ، ءپان قۇرىلىسى، دارىندىلاردى باۋلۋ، عىلمي زەرتتەۋ بارىسىنداعى ”قابىسۋ ءتۇيىنىن“ ءداپ باسىپ يگەرىپ، رايونىمىزدىڭ ەكونوميكالىق، قوعامدىق دامۋىن اناعۇرلىم قۋاتتى دارىندىلارمەن قامتاماسىز ەتۋ ءتيىس.
(انار بۇلت/ شينجياڭ گازەتىنىڭ تىلشىلەرى لي ياڭ، چاۋ جين، سۇي يۇنيان، ءپاريزات ابدۇل، جاڭ جىلي، ۋاڭ يۇيجاۋ، چىن چياڭۋي، جاۋ شييا، لياڭ ليحۋا جازعان)
