شينجياڭ گازەتىنىڭ 2 - ايدىڭ 1 - كۇنى ۇرىمجىدەن بەرگەن حابارى. انار بۇلت / شينجياڭ گازەتى تىلشىلەرىنىڭ جيناق حابارى. 2 - ايدىڭ 1 - كۇنى تۇستەن كەيىن اۆتونوميالى رايوندىق 13 - كەزەكتى حالىق قۇرىلتايىنىڭ 4 - ماجىلىسىنە قاتىناسقان ءارقايسى ۋاكىلدەر ۇيىرمەلەرى جالپى جيىن اشىپ، ۇكىمەت قىزمەتىنەن باياندامانى قارادى.
ۋاكىل لي جۋان بىلاي دەدى: ۇكىمەت قىزمەتىنەن باياندامانىڭ جەتەكشى يدەياسى ايقىن، قۇرىلىمى ۇيلەسىمدى، ورنالاستىرىلۋى كەمەلدى، وتكەن 5 جىلداعى ناتيجەلەر توتەنشە جيناقى، وبيەكتيۆ تە شىنايى ەسكە الىنعان، ورنالاستىرىلعان بۇدان كەيىنگى 5 جىلداعى جانە 2021 - جىلعى مىندەتتەردىڭ ءتۇيىنى كورنەكتى، تۇراقتاندىرۋى دالمە - ءدال، يكەمدىلىگى كۇشتى، شينجياڭنىڭ جەرگىلىكتى ەرەكشەلىگى كورنەكتىلەندىرىلگەن، اسىرەسە، تۇتاس مازمۇنىنا حالىقتى وزەك ەتكەن دامۋ يدەياسىن سىڭىرگەن، جۇرت تىلەگىن ۇيىستىرعان، جىگەردى ۇشتايتىن جاقسى بايانداما، تىڭداعاننان كەيىن توتەنشە جەلپىنىپ، ارقالاعان جاۋاپكەرشىلىگىم مەن بورىشىمنىڭ اۋىر ەكەنىن تەرەڭ سەزىندىم. ۋاكىل لي جۋان تاعى شارۋاشىلىق ساۋدا ورتاسىن ساپالىلاندىرۋ، شينجياڭدى مادەنيەتپەن نارلەندىرۋ، شينجياڭدى زاڭمەن جونگە سالۋ سياقتى جاقتاردا قاتىستى ۇسىنىستار قويدى.
ۋاكىل گاۋ جيانلۇڭ بىلاي دەدى: ۇكىمەت قىزمەتىنەن بايانداما نازاردى دامۋعا، حالىق تۇرمىسىنا شوعىرلاندىرىپ، ەكونوميكا، ساياسي، ەكولوگيا، مادەنيەت، حالىق تۇرمىسى سياقتى جاقتاردان ناقتىلى ورنالاستىرۋ جاساپ، بيىلعى جانە بولاشاق 5 جىلداعى دامۋعا ايقىن بەتالىس كورسەتتى، ادامدى بارىنشا جەلپىندىرەدى. باياندامادا شينجياڭعا كومەكتەسەتىن ولكە، قالالاردىڭ شينجياڭدا ءوڭىر اتتاپ ”اتتاما باقشا رايونىن“ قۇرۋىنا قولداۋ كورسەتۋ العا قويىلىپ، شينجياڭنىڭ ەكونوميكاسىنىڭ، قوعامىنىڭ جوعارى ساپالى دامۋىنا جاڭا قوزعاۋشى كۇش ۇستەيدى.
ۋاكىل ماۋ گوفىڭ بىلاي دەدى: ”13 - بەسجىلدىق“ مەزگىلىندە، اۆتونوميالى رايون استىق، ماقتا، جەمىس، مال شارۋاشىلىعى سياقتىلاردى ۋاكىل ەتكەن اۋىل شارۋاشىلىعىنىڭ ساپالىلانىپ، كاسىپ سالالانىپ، بازارلانىپ دامۋىن ىلگەرىلەتتى. بۇل كۇندەرى مەيلى تاجىريبەحاناداعى ماماندار، الدە اتىز باسىنداعى ەگىنشى وتباسىلار بولسىن، اۋىل شارۋاشىلىعى عىلىم - تەحنيكاسىندا جاڭالىق اشۋدىڭ كەرەمەتىن سەزىندى، بۇدان كەيىن تاعى عىلىم - تەحنيكادا جاڭالىق اشۋدى كاسىپ سالاسى دامۋىنىڭ ءارقايسى سالاسىنا، ءارقايسى بۋىندارىنا ءسىڭىرىپ، ەرەكشەلىككە يە وسىزاماندانعان اۋىل شارۋاشىلىعىن كەمەلدەندىرەدى، كۇشەيتەدى. سونىمەن بىرگە، اۋىل شارۋاشىلىعىنىڭ بەتتىك لاستانۋىن جونگە سالۋ سەرپىنىن ارتتىرىپ، اۋىل شارۋاشىلىعىنىڭ جوعارى ساپالى دامۋىن ىلگەرىلەتەدى.
ۋاكىل گۇلجاينار قۇمار بىلاي دەدى: ۇكىمەت قىزمەتىنەن باياندامانىڭ دەڭگەيى جوعارى، تياناقتاندىرۋى ناقتى ءارى ناتيجەنى تۇراقتاندىرعان، ءارى ماسەلەگە بەتپە - بەت كەلگەن، ناقتى جۇمىس تۋرالى ايتقان بايانداما، مەن تولىق قۇپتايمىن. نەگىزگى ساتى كادرى رەتىندە، بۇدان كەيىنگى قىزمەتتەردە، مەن ۇزدىكسىز بۇقارانى باستاپ جۇمىستاندىرۋدى كەڭەيتىپ، كىرىستى ارتتىرۋدى جۇزەگە اسىرىپ، كەدەيلىكتەن ارىلتۋ تابىستارىن بەكەمدەپ، كەڭەيتىپ، اۋىل - قىستاق كاسىپ سالالارىنىڭ دامۋىن، زورايۋىن ىلگەرىلەتىپ، بۇقارانى ونان دا جاقسى تۇرمىس كەشىرۋگە باستايمىن.
ۋاكىل كاميران زۇنۇن بىلاي دەدى: ۇكىمەت قىزمەتىنەن بايانداما حالىقتىق شارۋاشىلىقتىڭ دامۋىن قولدايتىن ساياساتتاردى جاپپاي تياناقتاندىرىپ، حالىقتىق كاسىپورىنداردىڭ مال - مۇلىك ۇقىعى مەن كاسىپكەرلەردىڭ ۇقىق - مۇددەسىن زاڭ بويىنشا تەڭ قورعاپ، ەتەنە، كىرشىكسىز ۇكىمەت - ساۋدا قاتىناسىن قۇرۋدى العا قويدى، مەن تەرەڭ اسەر الدىم. وسى بىرنەشە جىلدا ءار دارەجەلى ۇكىمەت تۇگەلدەي شارۋاشىلىق ساۋدا ورتاسىن ساپالىلاندىرۋدا، كاسىپورىندار، اسىرەسە، حالىقتىق كاسىپورىندار اجەپتاۋىر يگىلىگىن كورۋدە. بىلتىر شىعارىلعان ورتا، شاعىن كاسىپورىنداردىڭ دامۋىنا باعىتتالعان ءبىر قىدىرۋ ساياساتتار، كوپتەگەن كاسىپورىنداردىڭ قيىندىقتان قۇتىلۋىنا كومەكتەستى، ءبىز حالىقتىق كاسىپكەرلەردىڭ دامۋدى جەدەلدەتۋ سەنىمىمىز اناعۇرلىم ارتا ءتۇستى. ۇكىمەتتىڭ حالىقتىق كاسىپورىنداردا باسقارۋشى دارىندىلار، تەحنيكالىق دارىندىلار كەمشىل بولۋ سياقتى ماسەلەلەرگە مەڭزەس سۇيەمەلدەۋ، قولداۋ ساياساتتارىن شىعارۋىن ءۇمىت ەتەمىن.
ۋاكىل تالەيگۇل تۇردىباي اۆتونوميالى رايوننىڭ توقىماشىلىق، كيىم - كەشەك سياقتى ەڭبەك شوعىرلانعان كاسىپورىندارعا قاتىستى تيىمدىلىك ساياساتتارىن ونان ارى تياناقتاندىرىپ، ەڭبەك شوعىرلانعان كاسىپورىنداردىڭ جۇمىسقا قابىلداۋ بەلسەندىلىگىن قاۋلاتىپ، كاسىپ سالاسىنىڭ دامۋىنا دەم بەرۋمەن بىرگە، اناعۇرلىم كوپ جەرگىلىكتى ەگىنشى - مالشىلاردى جۇمىستانۋعا باۋراپ، كەدەيلىكتەن ارىلتۋدان قامال الۋ تابىستارىن ۇزدىكسىز بەكەمدەۋدى ۇسىنىس ەتتى.
ۋاكىلدەر قاراۋ بارىسىندا تاعى بۇقارانىڭ جۇمىستانۋ شەبەرلىگىن بەكەمدەۋ، جوعارىلاتۋ، داشۋەدەن وقۋ بىتىرگەن تۇلەكتەردىڭ جۇمىستانۋىن ويداعىداي شەشۋ، قيىنشىلىعى بار بۇقارانىڭ نەگىزگى تۇرمىسىن قامتاماسىز ەتۋ، سويىس سيىر، سويىس قوي باعىمشىلىعى كاسىبىن دامىتۋ سياقتى ماسەلەلەر جونىندە ۇسىنىس قويدى.
(انار بۇلت/ شينجياڭ گازەتىنىڭ تىلشىلەرى يۋان لەي، شى شين، ءرايدا، جىڭ جو، حي حۇڭۋي، ۋاڭ نا جازعان)
