شينحۋا اگەنتتىگىنىڭ 2 - ايدىڭ 1 - كۇنى بەيجيڭنەن بەرگەن حابارى. 13 - كەزەكتى مەملەكەتتىك حالىق قۇرىلتايىنىڭ 4 - ءماجىلىسى مەن ساياسي كەڭەس 13 - كەزەكتى مەملەكەتتىك كوميتەتىنىڭ 4 - ءماجىلىسى جەكە - جەكە 2021 - جىلى 3 - ايدىڭ 5 - كۇنى جانە 3 - ايدىڭ 4 - كۇنى بەيجيڭدە اشىلادى. مەملەكەتتىك حالىق قۇرىلتايى تۇراقتى كوميتەتى كەڭسەسى مەن مەملەكەتتىك ساياسي كەڭەس كەڭسەسى بۇگىن مىنانى جاريالادى: ”ەكى ءماجىلىستىڭ“ ىندەتتەن ساقتانۋ - تىزگىندەۋ تالابىنا ۇيلەسەتىن جۇڭگولىق، شەتەلدىك تىلشىلەردىڭ سول كەزدە تىلشىلىك ىستەۋگە قاتىناسۋىن قارسى الامىز. ءماجىلىس اشىق، جاريا بولۋ رۋحىن ۇزدىكسىز ۇستانىپ، جۇڭگولىق، شەتەلدىك تىلشىلەردىڭ تىلشىلىك ىستەپ حابارلاۋىنا قىزمەت وتەيدى.
كەزەكتە جاڭا تيپتى ايدارشا ۆيرۋس وكپە قابىنۋ ىندەتى بۇكىل جەر شارىنا جاپپاي تارالدى، ەلىمىزدە ىندەت جاعدايى جالپى جاقتان ءونىمدى تىزگىندەلدى، الايدا قايتا بەلەڭ بەرۋ قاتەرىنە تيتتەي دە ەلەۋسىز قاراۋعا بولمايدى، ”سىرتتان كىرۋدەن ساقتانۋ، ىشتە قايتا بەلەڭ بەرۋدەن ساقتانۋ“ مىندەتى جاپالى. ىندەتتەن ءونىمدى ساقتانۋ - تىزگىندەۋ، الەۋمەتتىك دەنساۋلىق ساقتاۋ مەن سالاماتتىقتى بىرگە قورعاۋ ءۇشىن، بيىلعى ”ەكى ءماجىلىستىڭ“ اقپارات تىلشىلىك قىزمەتى بىلتىرعى قاتىستى ادىستەردى ۇلگى ەتە وتىرىپ تومەندەگىدەي ورنالاستىرۋ جاسادى:
ءبىرىنشى، بەيجيڭدەگى ءبىر ءبولىم جۇڭگولىق، شەتەلدىك تىلشىلەردى ماجىلىستە تىلشىلىك ىستەۋگە ۇسىنىس ەتۋ، شەكارا سىرتىنداعى تىلشىلەردى ۋاقىتشا بەيجيڭگە كەلىپ تىلشىلىك ىستەۋگە ۇسىنىس ەتپەۋ.
ەكىنشى، نەگىزىنەن ينتەرنەت، بەينە ەكران، جازباشا سياقتى تاسىلدەرمەن تىلشىلىك ىستەۋ.
ءۇشىنشى، ەكى ءماجىلىستىڭ اقپارات ورتالىعى ينتەرنەت سياقتى تەحنيكالاردان تولىق پايدالانىپ، جۇڭگولىق، شەتەلدىك تىلشىلەرگە قىزمەت وتەپ، جۇڭگولىق، شەتەلدىك تىلشىلەردىڭ بايلانىس جاساپ، تىلشىلىك ىستەۋىنە بەلسەنە كومەكتەسەدى.
ەكى ماجىلىسكە تىلشىلىك ىستەگىسى كەلەتىن تىلشىلەر ءوتىنىش بەرىڭىزدەر. ورتالىقتاعى اقپارات ورىندارىنىڭ تىلشىلەرى اقپارات ورتالىعىنا ءوتىنىش بەرەدى؛ شياڭگاڭ ەرەكشە اكىمشىلىك رايونىنداعى تىلشىلەر ورتالىق حالىق ۇكىمەتىنىڭ شياڭگاڭ ەرەكشە اكىمشىلىك رايونىنداعى بايلانىس كەڭسەسىنە ءوتىنىش بەرەدى؛ اۋمىن ەرەكشە اكىمشىلىك رايونىنداعى تىلشىلەر ورتالىق حالىق ۇكىمەتىنىڭ اۋمىن ەرەكشە اكىمشىلىك رايونىنداعى بايلانىس كەڭسەسىنە ءوتىنىش بەرەدى؛ تايۋان رايونىنداعى تىلشىلەر مەملەكەتتىك كەڭەستىڭ تايۋان ىستەرى كەڭسەسىنە ءوتىنىش بەرەدى؛ شەتەلدىڭ جۇڭگودا تۇراتىن تىلشىلەرى اقپارات ورتالىعىنا ءوتىنىش بەرەدى. تىلشىلەردىڭ تىزىمدەلۋ ۋاقىتى 2021 - جىلى 2 - ايدىڭ 5 - كۇنىنە دەيىن.
13 - كەزەكتى مەملەكەتتىك حالىق قۇرىلتايى 4 - ءماجىلىسى اقپارات ورتالىعىنىڭ توراپ ادرەسى: http://www.npc.gov.cn، مەملەكەتتىك ساياسي كەڭەس 13 - كەزەكتى كوميتەتى 4 - ءماجىلىسى اقپارات ورتالىعىنىڭ توراپ ادرەسى: http://www.cppcc.gov.cn. ەكى ءماجىلىس اقپارات ورتالىعىنىڭ تورابى ءماجىلىستىڭ كۇن ءتارتىبىن جانە كەڭەستىك ءتارتىبىن، قيمىل ورنالاستىرۋىن دەر كەزىندە، ديناميكالى جاريالاپ، ءماجىلىستىڭ باستى حۇجاتتارىنىڭ جۇڭگو، شەتەل تىلىندەگى نۇسقاسى جانە قاتىستى ماتەريالدار سياقتىلارمەن قامدايدى؛ تىلشىلىك ىستەۋگە قاتىستى حابارلاردى دەر كەزىندە جاريالاپ وتىرادى.
