تيانشان تورى   ›   جاڭالىقتار   ›   ماڭىزدى حابارلار

شي جينپيڭ پارتيا سىرتىنداعى قايراتكەرلەرمەن بىرگە كوكتەم مەرەكەسىن قارسى الدى

جۇڭگو كوممۋنيستىك پارتياسى ورتالىق كوميتەتى اتىنان دەموكراتيالىق پارتيا - توپتارعا، ساۋدا - ونەركاسىپشىلەر بىرلەستىگىنە جانە پارتيادا، توپتا جوق قايراتكەرلەرگە، بىرلىكساپتىڭ قالىڭ مۇشەلەرىنە ىقىلاستى سالەم جولدادى جانە كوكتەم مەرەكەسى بايلانىسىمەن باقىت تىلەدى

ۋاڭ ياڭ، حان جىڭ قاتىناستى

  2 - ايدىڭ 1 - كۇنى شي جينپيڭ، ۋاڭ ياڭ، حان جىڭ قاتارلىلار بەيجيڭ حالىق سارايىندا پارتيا سىرتىنداعى قايراتكەرلەرمەن ءبىر اراعا باس قوسىپ، كوكتەم مەرەكەسىن بىرگە قارسى الدى.

□ سۋرەتتى شينحۋا اگەنتتىگىنىڭ ءتىلشىسى جۇي پىڭ تۇسىرگەن

  شينحۋا اگەنتتىگىنىڭ 2 - ايدىڭ 1 - كۇنى بەيجيڭنەن بەرگەن حابارى. جۇڭحۋا ۇلتىنىڭ ءداستۇرلى مەرەكەسى شينچوۋ سيىر جىلعى كوكتەم مەرەكەسى قارساڭىندا، جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ 2 - ايدىڭ 1 - كۇنى تۇستەن كەيىن حالىق سارايىندا دەموكراتيالىق پارتيا - توپتاردىڭ ورتالىق كوميتەتتەرىنىڭ، مەملەكەتتىك ساۋدا - ونەركاسىپشىلەر بىرلەستىگىنىڭ جاۋاپتىلارىمەن جانە پارتيادا، توپتا جوق قايراتكەرلەردىڭ ۋاكىلدەرىمەن ءبىر اراعا باس قوسىپ، كوكتەم مەرەكەسىن بىرگە قارسى الدى. شي جينپيڭ جۇڭگو كوممۋنيستىك پارتياسى ورتالىق كوميتەتى اتىنان دەموكراتيالىق پارتيا - توپتارعا، ساۋدا - ونەركاسىپشىلەر بىرلەستىگىنە جانە پارتيادا، توپتا جوق قايراتكەرلەرگە، بىرلىكساپتىڭ قالىڭ مۇشەلەرىنە ىقىلاستى سالەم جولدادى جانە كوكتەم مەرەكەسى بايلانىسىمەن باقىت تىلەدى.

  جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك ساياسي كەڭەستىڭ ءتوراعاسى ۋاڭ ياڭ، جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ ورىنباسار زۇڭليى حان جىڭ قاتىناستى.

  جۇڭگو گومينداڭ توڭكەرىستىك كوميتەتى ورتالىق كوميتەتىنىڭ ءتوراعاسى ۋان ىشياڭ، جۇڭگو دەموكراتيالىق وداعى ورتالىق كوميتەتىنىڭ ءتوراعاسى ديڭ جۇڭلي، جۇڭگو دەموكراتيالىق مەملەكەت قۇرۋ قوعامى ورتالىق كوميتەتىنىڭ ءتوراعاسى حاۋ ميڭجين، جۇڭگو دەموكراتيانى ىلگەرىلەتۋ قوعامى ورتالىق كوميتەتىنىڭ ءتوراعاسى ساي دافىڭ، جۇڭگو شارۋا - جۇمىسشى دەموكراتيالىق پارتياسى ورتالىق كوميتەتىنىڭ ءتوراعاسى چىن جۋ، جۇڭگو ادىلەت پارتياسى ورتالىق كوميتەتىنىڭ ءتوراعاسى ۋان گاڭ، 3 - قىركۇيەك ءىلمي قوعامى ورتالىق كوميتەتىنىڭ ءتوراعاسى ۋ ۋيحۋا، تايۋان دەموكراتيالىق اۆتونوميا وداعى ورتالىق كوميتەتىنىڭ ءتوراعاسى سۋ حۇي، مەملەكەتتىك ساۋدا - ونەركاسىپشىلەر بىرلەستىگىنىڭ ءتوراعاسى گاۋ يۇنلۇڭ جانە پارتيادا، توپتا جوق قايراتكەرلەردىڭ ۋاكىلدەرى چىن پيڭيۋان، يە شياۋگاڭ قاتارلىلار ۇسىنىس بويىنشا قاتىناستى. باسشىلىق قىزمەت ورنىنان زەينەتكە شىققان دەموكراتيالىق پارتيا - توپتاردىڭ ورتالىق كوميتەتتەرىنىڭ، مەملەكەتتىك ساۋدا - ونەركاسىپشىلەر بىرلەستىگىنىڭ بۇرىنعى ءتوراعالارى، ءبىرىنشى ورىنباسار ءتوراعالارى جانە ۇنەمىلىك ىستەرگە جاۋاپتى ورىنباسار ءتوراعالارى دا ۇسىنىس بويىنشا قاتىناستى.

  ۋان ىشياڭ دەموكراتيالىق پارتيا - توپتاردىڭ ورتالىق كوميتەتتەرى، مەملەكەتتىك ساۋدا - ونەركاسىپشىلەر بىرلەستىگى جانە پارتيادا، توپتا جوق قايراتكەرلەر اتىنان ءسوز سويلەدى. ول مىنالاردى ءبىلدىردى: 2020 - جىل جاڭا جۇڭگو تاريحىندا اسا ايرىقشا، بەلەستىك ماڭىزعا يە ءبىر جىل بولدى. شي جينپيڭ جولداستى ۇيتقى ەتكەن جۇڭگو كوممۋنيستىك پارتياسى ورتالىق كوميتەتى پارتيا مەن مەملەكەتتىڭ ءتۇرلى ىستەرىن ءبىر تۇتاس جوسپارلاپ ىلگەرىلەتىپ، حالىق رازى بولعان، دۇنيە ءجۇزىن جالت قاراتقان، تاريحتان وشپەيتىن ۇلى تابىستارعا قول جەتكىزدى. جاڭا ءبىر جىلدا دەموكراتيالىق پارتيا - توپتار، ساۋدا - ونەركاسىپشىلەر بىرلەستىگى جانە پارتيادا، توپتا جوق قايراتكەرلەر شي جينپيڭ جولداستى ۇيتقى ەتكەن جۇڭگو كوممۋنيستىك پارتياسى ورتالىق كوميتەتىنىڭ توڭىرەگىنە ونان ارى تىعىز ىنتىماقتاسىپ، سەلبەستىك اۋەلگى ماقساتىن ۇمىتپاي، قيىندىقتاردان تايسالماي العا ۇمتىلىپ، ءورىس اشا العا ىلگەرىلەپ، جۇڭگو كوممۋنيستىك پارتياسى 19 - كەزەكتى ورتالىق كوميتەتىنىڭ بەسىنشى جالپى ءماجىلىسى كورسەتكەن ايقىن بەتالىس بويىنشا، جاپپاي سوتسياليستىك وسىزاماندانعان مەملەكەت قۇرۋدىڭ جاڭا جەڭىسىنە قول جەتكىزۋگە، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋعا اقىل - پاراساتى مەن كۇش - قۋاتىن ارنايدى.

  ۋان ىشياڭنىڭ ءسوزىن تىڭداعان سوڭ، شي جينپيڭ ماڭىزدى ءسوز سويلەدى. ول بىلاي دەپ باسا دارىپتەدى: 2020 - جىل جاڭا جۇڭگو تاريحىنداعى ايرىقشا وزگەشە ءبىر جىل بولدى. قيىن دا كۇردەلى جاعداي، مىندەتتەر، بۇرىن بولماعان حاۋىپ - قاتەر، سىن - سايىستار الدىندا، جۇڭگو كوممۋنيستىك پارتياسى ورتالىق كوميتەتى بۇكىل پارتيانى، بۇكىل ەلدەگى ءار ۇلت حالقىن ىنتىماقتاستىرىپ، باستاپ، ءبىر نيەتپەن سەلبەسىپ، قيىندىقتاردان تايسالماي العا ۇمتىلىپ، ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى ءبىر تۇتاس جوسپارلاپ، رەفورما جاساۋ، ەسىك اشۋدى تەرەڭدەتۋ مەن سىرتقى قىسىمعا توتەپ بەرۋدى ءبىر تۇتاس جوسپارلاپ، ”التىنى ورنىقتىرۋ“ قىزمەتىن ويداعىداي يگەرۋ مەن ”التىنى قامتاماسىز ەتۋ“ مىندەتىن تياناقتاندىرۋدى ءبىر تۇتاس جوسپارلاپ، جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە قول جەتكىزدى، كەدەيلىكتەن ارىلتۋدان قامال الۋ شەشۋشى شايقاسىن جۇرگىزدى. قاجىرلى قۇلشىنىستار ارقىلى ىندەتتەن ساقتانۋ - تىزگىندەۋدە كەلەلى ستراتەگيالىق جەتىستىكتەرگە قول جەتتى، ەكونوميكالىق ارتۋدا كەرى ارتۋدان وڭ ارتۋعا قاراي بۇرىلىس جاساۋ الدىمەن جۇزەگە اسىرىلدى، كەدەيلىكتەن ارىلتۋدان قامال الۋ مىندەتى ۋاعىندا ورىندالدى، ”13 - بەسجىلدىق“ تابىستى اياقتادى، ”14 - بەسجىلدىق“ جاپپاي باستالدى، جاپپاي دوڭگەلەك داۋلەتتى قوعام ورناتۋدا ۇلى تاريحي تابىستارعا قول جەتتى. بۇل جۇڭگو كوممۋنيستىك پارتياسىنىڭ پارمەندى باسشىلىعىنىڭ ناتيجەسى ءارى دەموكراتيالىق پارتيا - توپتاردى، ساۋدا - ونەركاسىپشىلەر بىرلەستىگىن جانە پارتيادا، توپتا جوق قايراتكەرلەردى قامتىعان بۇكىل ەلدەگى ءار ۇلت حالقىنىڭ جۇدىرىقتاي جۇمىلىپ، قايسارلىقپەن شايقاس جاساۋىنىڭ ناتيجەسى.

  شي جينپيڭ بىلاي دەپ اتاپ كورسەتتى: ءبىر جىلدان بەرى دەموكراتيالىق پارتيا - توپتار، ساۋدا - ونەركاسىپشىلەر بىرلەستىگى جانە پارتيادا، توپتا جوق قايراتكەرلەر جۇڭگو كوممۋنيستىك پارتياسى ورتالىق كوميتەتىنىڭ ۇندەۋىنە ءۇن قوسىپ، نازاردى پارتيا مەن مەملەكەتتىڭ وزەكتى قىزمەتتەرىنە شوعىرلاندىرا وتىرىپ مىندەت وتەپ، جاۋاپكەرشىلىكتى ادا ەتىپ، جاڭا جاعدايدىڭ، جاڭا مىندەتتىڭ تالابىنا ۇيلەسىپ ءوز قۇرىلىسىن جاپپاي كۇشەيتىپ، جاڭا ناتيجەلەرگە قول جەتكىزدى. ىندەتكە قارسى اتتانۋدىڭ قاباعات قيىن كەزىندە، دەموكراتيالىق پارتيا - توپتار، ساۋدا - ونەركاسىپشىلەر بىرلەستىگى جانە پارتيادا، توپتا جوق قايراتكەرلەر بۇلجىماستان جۇڭگو كوممۋنيستىك پارتياسىمەن بىرگە ويلاپ، بىرگە تۇرىپ، بىرگە ىستەپ، قيىندىقتاردى بىلەك بىرىكتىرە جەڭىپ، ەتەنە جاقىن بولىپ، ىندەتتەن ساقتانۋ - تىزگىندەۋ توسقاۋىل شايقاسىنىڭ جەڭىسىنە قول جەتكىزۋگە اقىل كورسەتىپ، ءادىس - امال ويلاستىرىپ، جۇڭگو كوممۋنيستىك پارتياسى ورتالىق كوميتەتىنىڭ عىلمي شەشىم جاساۋىنا، دەموكراتيالىق شەشىم جاساۋىنا ماڭىزدى دايەك ازىرلەدى. كوپشىلىك ماسەلەنى باعدار ەتۋگە تاباندى بولىپ، ۇكىمەت ىسىنە ات سالىساتىن پارتيالار قۇرىلىسىن ىلگەرىلەتۋدە تىڭ بەينە كورسەتتى. كوپشىلىك ىندەتتىڭ ءتيىمسىز ىقپالىن جەڭىپ، كەدەيلىكتەن ارىلتۋدان قامال الۋدى دەموكراتيالىق باقىلاۋدى كوپ ءتۇرلى فورمامەن ىشكەرىلەي ورىستەتىپ، باعىتتامالى كومەكتەسەتىن ولكە - رايونداردىڭ كەدەيلىكتەن ارىلتۋدان قامال الۋ مىندەتىن ورىنداۋىنا اقىل - پاراساتتارى مەن كۇش - قۋاتتارىن قوستى. شي جينپيڭ جۇڭگو كوممۋنيستىك پارتياسى ورتالىق كوميتەتى اتىنان كوپشىلىككە شىن جۇرەكتەن العىس ايتتى.

  شي جينپيڭ بىلاي دەپ باسا دارىپتەدى: 2021 - جىل − ”14 - بەسجىلدىق“ جوبا اتقارىلاتىن، جاپپاي سوتسياليستىك وسىزاماندانعان مەملەكەت قۇرۋدىڭ تىڭ ساپارى باستالاتىن ءبىرىنشى جىل، ءبىز جۇڭگو كوممۋنيستىك پارتياسى قۇرىلعاندىعىنىڭ 100 جىلدىعىن سالتاناتپەن قۇتتىقتايمىز. كوپشىلىكتىڭ جۇڭگو كوممۋنيستىك پارتياسى 19 - قۇرىلتايىنىڭ جانە 19 - كەزەكتى ورتالىق كوميتەتى ەكىنشى، ءۇشىنشى، ءتورتىنشى، بەسىنشى جالپى ماجىلىستەرىنىڭ رۋحىن جاپپاي دايەكتىلەندىرىپ، جۇڭگو كوممۋنيستىك پارتياسىمەن بىرگە ىنتىماقتاسا كۇرەس جۇرگىزگەن، قيىن - قىستاۋ كەزەڭدەردى بىرگە وتكەرگەن شۇعىلالى بارىستى جاپپاي قورىتىندىلاپ جانە كورسەتىپ، قالىڭ مۇشەلەردى تاڭداۋلى ءداستۇردى جالعاستىرۋعا جانە ساۋلەلەندىرۋگە جەتەكتەپ، جۇڭگوشا سوتسياليستىك مۇرات - سەنىمدى بەكەمدەپ، جۇڭگو كوممۋنيستىك پارتياسىنىڭ باسشىلىعىنداعى كوپ پارتيا سەلبەستىگى جانە ساياسي كەڭەس تۇزىمىنە تاباندى بولىپ جانە ونى كەمەلدەندىرىپ، جاڭا دامۋ كەزەڭىن يگەرۋدى، جاڭا دامۋ ۇستانىمىن دايەكتىلەندىرۋدى، جاڭا دامۋ ارناسىن قالىپتاستىرۋدى ارقاۋ ەتىپ، بەلسەندى تۇردە ۇكىمەت ىسىنە ۇسىنىس بەرىپ، اقىل - كەڭەس كورسەتىپ، ورتاق تانىمدى كەڭ كولەمدە توپتاپ، العان بەتتەن قايتپايتىن كۇرەسكەرلىك بەينەمەن، قيىن - قىستاۋ كەدەرگىلەردى ەلەڭ قۇرلى كورمەيتىن رۋحاني كۇيمەن، جاڭا داۋىردەگى كوپ پارتيا سەلبەستىگى ىستەرىنىڭ جاڭا تاراۋىن جازۋىن ءۇمىت ەتەمىن.

  شي جينپيڭ بىلاي دەپ اتاپ كورسەتتى: دەموكراتيالىق پارتيا - توپتار، ساۋدا - ونەركاسىپشىلەر بىرلەستىگى جانە پارتيادا، توپتا جوق قايراتكەرلەر ساياسي تۇجىرىمداۋ قابىلەتىن، ساياسي ءتۇسىنۋ قابىلەتىن، ساياسي اتقارۋ قابىلەتىن ۇزدىكسىز جوعارىلاتىپ، قالىڭ مۇشەلەر مەن بايلانىس ورناتقان بۇقارانى جۇڭگو كوممۋنيستىك پارتياسىنىڭ باسشىلىعى مەن جۇڭگوشا سوتسياليزمدى ساياسي جاقتان شىنايى مويىنداۋدى، يدەيالىق جاقتان شىنايى مويىنداۋدى، نازاريالىق جاقتان شىنايى مويىنداۋدى، سۇيىسپەنشىلىك جاقتان شىنايى مويىنداۋدى ۇزدىكسىز كۇشەيتىپ، قاشاندا جۇڭگو كوممۋنيستىك پارتياسىمەن ءبىر نيەت، ءبىر تىلەكتە بولاتىن، ىنتىماقتاسا كۇرەس جۇرگىزەتىن ساياسي قاسيەتتى ساقتاۋعا جەتەكتەۋ كەرەك. جۇڭگو كوممۋنيستىك پارتياسى ورتالىق كوميتەتىنىڭ كوپ پارتيا سەلبەستىگى ىستەرى جونىندەگى جاڭا ورنالاستىرۋلارىن، جاڭا تالاپتارىن تەرەڭ ۇعىنىپ، قىزمەتتى اقىلداسۋداعى، جوبالاۋداعى ساياسي دەڭگەيدى، نازاريالىق دەڭگەيدى، داۋىرلىك دەڭگەيدى جوعارىلاتىپ، قىزمەت قابىلەتىن ءوسىرىپ، باتىلدىقپەن جاۋاپكەرشىلىك ارقالاپ ىسكەرلىك كورسەتىپ، سانالى تۇردە جۇڭگو كوممۋنيستىك پارتياسىنىڭ جاقسى اقىلشىسى، جاقسى قولعاناتى، جاقسى قىزمەتتەسى بولۋ، جۇڭگوشا سوتسياليزم ىستەرىنىڭ باستان كەشىرۋشىسى، امالياتشىسى، قورعاۋشىسى، جاقتاۋشىسى بولۋ كەرەك. پارتيا مەن ۇكىمەتتىڭ ورتاق تانىمدى ۇيىستىرۋ، قايشىلىقتاردى شەشۋ، پىكىرلەردى اڭىس ەتۋ، ورنىقتىلىقتى قورعاۋ سياقتى قىزمەتتەردى جاقسى ىستەۋىنە سەلبەسىپ، جاڭا داۋىردە جۇڭگوشا سوتسياليزمگە تاباندى بولۋ مەن ونى دامىتۋعا زەيىن - زەردەنى، كۇش - قۋاتتى اناعۇرلىم ويداعىداي شوعىرلاندىرۋ كەرەك.

  شي جينپيڭ بىلاي دەپ باسا دارىپتەدى: جۇڭگو كوممۋنيستىك پارتياسى 19 - كەزەكتى ورتالىق كوميتەتىنىڭ بەسىنشى جالپى ءماجىلىسى ەلىمىزدىڭ بولاشاقتاعى 5 جىلداعى، سونداي - اق 15 جىلداعى دامۋىنا ايقىن بەتالىس كورسەتىپ، جاپپاي سوتسياليستىك وسىزاماندانعان مەملەكەت قۇرۋدىڭ ايبىندى جوباسىن جاسادى. كوپشىلىكتىڭ دارىندىلار توپتالعان، اقىل - پاراسات شوعىرلانعان باسىمدىقتى تولىق ساۋلەلەندىرىپ، ستراتەگيالىق، ماكرولىق زەرتتەۋ ورىستەتىپ، جۇڭگو كوممۋنيستىك پارتياسى ورتالىق كوميتەتىنىڭ شەشىم جاساۋىنا اناعۇرلىم كوپ ناقتى جارامدى ءادىس - شارالار مەن ۇسىنىستار ازىرلەۋىن ءۇمىت ەتەمىن. كەدەيلىكتەن ارىلتۋدان قامال الۋدى دەموكراتيالىق باقىلاۋدىڭ جاقسى تاجىريبەلەرىنەن، جاقسى ءادىس - امالدارىنان ۇلگى الىپ، جاڭاشا ارناۋلى دەموكراتيالىق باقىلاۋ قىزمەتىن ويداعىداي جوبالاپ ورنالاستىرۋ كەرەك. مەملەكەتتىك ساۋدا - ونەركاسىپشىلەر بىرلەستىگى جالپىلىق مەنشىككە جاتپايتىن شارۋاشىلىقتىڭ اقاۋسىز دامۋىن جانە جالپىلىق مەنشىككە جاتپايتىن شارۋاشىلىق قايراتكەرلەرىنىڭ اقاۋسىز ءوسىپ - جەتىلۋىن جەبەۋ نەگىزگى تاقىرىبىن ارقاۋ ەتە وتىرىپ قىزمەت جاۋاپكەرشىلىگىن وتەپ، رولىن ساۋلەلەندىرىپ، ساياسي جەتەكشىلىك ەتۋ مەن يدەيالىق جەتەكتەۋدى كۇشەيتۋ كەرەك. پارتيا سىرتىنداعى زيالىلاردىڭ كاسىپتىك باسىمدىعىن ساۋلەلەندىرىپ، ىندەتتەن ساقتانۋ - تىزگىندەۋدى جاقسى ىستەۋ جانە ەكونوميكانىڭ، قوعامنىڭ دامۋىن ىلگەرىلەتۋ سياقتى جاقتاردا تىڭ ۇلەستەر قوسۋ كەرەك.

  شي جينپيڭ بىلاي دەپ اتاپ كورسەتتى: جۇڭگو كوممۋنيستىك پارتياسى ورتالىق كوميتەتى بيىل بۇكىل پارتيادا جۇڭگو كوممۋنيستىك پارتياسىنىڭ پارتيا تاريحىن ۇيرەنۋ تاربيەسىن ورىستەتىپ، بۇكىل پارتيانى اۋەلگى ماقساتتى ۇمىتپاي، بورىشتى ەستە بەرىك ساقتاپ، جاڭا داۋىردە پارتيا قۇرىلىسىن ۇزدىكسىز كۇشەيتۋگە جىگەرلەندىرۋدى ۇيعاردى. دەموكراتيالىق پارتيا - توپتار مەن پارتيادا، توپتا جوق قايراتكەرلەر جۇڭگو كوممۋنيستىك پارتياسى قۇرىلعاندىعىنىڭ 100 جىلدىعىن قۇتتىقتاۋمەن ۇشتاستىرىپ، جۇڭگو كوممۋنيستىك پارتياسىمەن ىنتىماقتاسا سەلبەسىپ كۇرەس جۇرگىزۋ بارىسىن جاپپاي ەسكە الىپ، داڭقتى ءداستۇردى ساۋلەلەندىرىپ، سەلبەستىك اۋەلگى ماقساتىنان جازباي، ءوز قۇرىلىسىن كۇشەيتۋى كەرەك. جۇڭگو كوممۋنيستىك پارتياسى ورتالىق كوميتەتىنىڭ جۇڭگوشا سوتسياليستىك ۇكىمەت ىسىنە ات سالىسۋشىسى پارتيالار قۇرىلىسى جونىندەگى ءبىر قىدىرۋ شەشىمدەرىن، ورنالاستىرۋلارىن ۇزدىكسىز دايەكتىلەندىرىپ، يدەيالىق ساياسي قۇرىلىستى اناعۇرلىم كورنەكتى ورىنعا قويىپ، نازاريامەن قارۋلانۋدى ۇزدىكسىز كۇشەيتۋ كەرەك. ساۋدا - ونەركاسىپشىلەر بىرلەستىگىنىڭ ءوز قۇرىلىسىن جانە پارتيادا، توپتا جوق قايراتكەرلەر قوسىنى قۇرىلىسىن كۇشەيتىپ، كەلەلى جاعدايعا قىزمەت وتەۋ بارىسىندا مىندەتىن جاقسى وتەپ، جاۋاپكەرشىلىگىن ويداعىداي ادا ەتۋى كەرەك.

  ديڭ شۋەشياڭ، يوۋ چۋان، دەموكراتيالىق پارتيا - توپتاردىڭ ورتالىق كوميتەتتەرىنىڭ، مەملەكەتتىك ساۋدا - ونەركاسىپشىلەر بىرلەستىگىنىڭ قاتىستى جاۋاپتىلارى، ورتالىقتىڭ قاتىستى تاراۋلارىنداعى جاۋاپتى جولداستار قيمىلعا قاتىناستى.

جاۋاپتى رەداكتور : ريزا حاميت

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.