تيانشان تورى   ›   جاڭالىقتار   ›   وقۋ-اعارتۋ

وقۋ - اعارتۋ مينيسترلىگى: ورتا، باستاۋىش مەكتەپ وقۋشىلارى پرينسيپتىك جاقتان قول تەلەفوندى مەكتەپ اۋلاسىنا الىپ كىرۋىنە بولمايدى

  وقۋ - اعارتۋ مينيسترلىگى حابارلاندىرۋ باسىپ تاراتتى: ورتا، باستاۋىش مەكتەپ وقۋشىلارىنىڭ قول تەلەفونىن باسقارۋدى كۇشەيتۋ كەرەك

  وقۋشىلاردىڭ كورۋ قۋاتىن قورعاپ، مەكتەپتە زەيىن سالا ۇيرەنىپ، تور مەن ويىننىڭ قىزىعىنا باتۋىنان ساقتانىپ، دەنە جانە پسيحيكالىق جاقتان اقاۋسىز دامۋىن جەبەۋ ءۇشىن، جۋىردا، وقۋ - اعارتۋ مينيسترلىگى «ورتا، باستاۋىش مەكتەپ وقۋشىلارىنىڭ قول تەلەفونىن باسقارۋ قىزمەتىن كۇشەيتۋ جونىندەگى حابارلاندىرۋدى» باسىپ تاراتتى.

  «حابارلاندىرۋدا» مىنالار تالاپ ەتىلدى: ورتا، باستاۋىش مەكتەپ وقۋشىلارى پرينسيپتىك جاقتان قول تەلەفوندى مەكتەپ اۋلاسىنا الىپ كىرۋىنە بولمايدى. شىنايى قاجەتى بولعاندا، ءسوزسىز، اتا - انانىڭ ماقۇلدىعىن الىپ، قاعاز جۇزىندە ءوتىنىش تاپسىرۋى، مەكتەپكە كىرگەن سوڭ مەكتەپ قول تەلەفوندى ءبىرتۇتاس ساقتاپ باسقارۋى، قول تەلەفوندى ساباقحاناعا الىپ كىرۋگە تيىم سالىنۋى كەرەك.

  «حابارلاندىرۋدا» مىنالار باسا دارىپتەلدى: مەكتەپ قول تەلەفوندى باسقارۋدى مەكتەپتىڭ كۇندەلىكتى باسقارۋىنا ەنگىزۋى، ناقتى ادىستەردى بەلگىلەپ، ءبىرتۇتاس ساقتاپ باسقاراتىن ورىندى، ءتاسىلدى، جاۋاپتى ادامدى ايقىن تۇراقتاندىرىپ، ءتيىستى ساقتاپ باسقارۋ قۇرىلعىسىن ازىرلەۋى كەرەك. مەكتەپ اۋلاسىنا الەۋمەتتىك تەلەفون تۇعىرىن، كلاس جەتەكشىسىمەن بايلانىس جاساۋ ىستىق لەنياسىن قۇرۋ سياقتى جولدار ارقىلى، وقۋشىلاردىڭ اتا - اناسىمەن حابارلاسۋ قاجەتىن شەشۋ كەرەك. وقۋشىلارعا قول تەلەفون ارقىلى تاپسىرما بەرۋگە نەمەسە قول تەلەفون ارقىلى تاپسىرما ورىنداۋدى تالاپ ەتۋگە بولمايدى.

  «حابارلاندىرۋدا» مىنالار اتاپ كورسەتىلدى: مەكتەپ كوپ ءتۇرلى فورمالار ارقىلى تاربيەلەۋگە جەتەكشىلىك ەتۋدى كۇشەيتۋ، وقۋشىلاردى عىلمي، ۇستامدى تۇردە مامىلە جاساۋعا، ءارى قول تەلەفوندى ۇيلەسىمدى پايدالانۋعا تاربيەلەۋ، جەتەكشىلىك ەتۋ، قارا - ءدۇرسىن باسقارۋ ارەكەتتەرىنەن ساقتانۋ كەرەك. ءارقايسى مەكتەپ وتباسى مەن مەكتەپ اراسىنداعى قارىم - قاتىناستى ويداعىداي تۇتاستىرۋ، اتا - انالار وقۋ - اعارتۋ بورىشىن شىن مانىندە وتەپ، وتباسى مەن مەكتەپ سايكەسىپ ادام تاربيەلەۋدىڭ بىرىككەن كۇشىن قالىپتاستىرۋ قاجەت.

  «حابارلاندىرۋدا» مىنالار تالاپ ەتىلدى: اۋدان دارەجەلى وقۋ - اعارتۋ اكىمشىلىك تاراۋلارى قىزمەتكە جەتەكشىلىك ەتۋدى كۇشەيتىپ، مەكتەپتىڭ قول تەلەفون باسقارۋدا ورىن تەپكەن ماسەلەلەرىن دەر كەزىندە شەشۋ كەرەك. وقۋ - اعارتۋعا باقىلاۋ - جەتەكشىلىك ەتۋ تاراۋلارى كۇندەلىكتى باقىلاۋدى كۇشەيتىپ، قاتىستى تالاپتاردىڭ جاپپاي تياناقتانۋىنا كەپىلدىك ەتىپ، وقۋشىلاردىڭ اقاۋسىز ءوسىپ - جەتىلۋىن جەبەۋ كەرەك.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • ءوندىرىستى قاۋىرت جۇرگىزىپ، كوكتەمگى ەگىسكە دايىندالدى
  • تاپسىرىستى بار كۇشپەن ۇلگىرتتى
  • بيڭتاڭشين الماسى قاۋىرت ساتىلدى
  • ءوندىرىس قاۋىرت، ساتىلىم كۇسەت
  • رەليستەردى جوندەستىرىپ، حاۋىپسىزدىكتى قامتاماسىزداندىردى