تيانشان تورى   ›   جاڭالىقتار   ›   شينجياڭ حابارلارى

”بۇلتتىق“ ساۋداگەر شاقىرۋ ءساتتى باستامانى قارسى الدى

ىلە وبلىسى:

”بۇلتتىق“ ساۋداگەر شاقىرۋ ءساتتى باستامانى قارسى الدى

□ انار بۇلت / شينجياڭ گازەتىنىڭ ءتىلشىسى ءجازيرا نەسىپبەك

  2 - ايدىڭ 1 - كۇنى قاربالاستىققا تۇسكەن دۇيسەنبى بولدى. تۇستەن بۇرىن ساعات 9دا ىلە قازاق اۆتونوميالى وبلىستىق ساۋداگەر شاقىرۋ، قارجى ەنگىزۋ باسشىلىق گرۋپپاسى كەڭسەسىنىڭ مەڭگەرۋشىسى، وبلىستىق ساۋدا ىستەرى مەكەمەسى پارتيا باسشىلىق گرۋپپاسىنىڭ ورىنباسار شۋجيى، ورىنباسار مەكەمە باستىعى جاڭ شۇيحۋا ”ينتەرنەتتە ساۋداگەر شاقىرۋ بويىنشا كەزدەسۋ كەڭسەسىندە“ جۇمىس باسىندا قولباسشىلىق ەتتى.

  جاڭ شۇيحۋا بىلاي دەدى: ”ءبىز ۇكىمەت پەن كاسىپورىنداردى ۇشتاستىرىپ قىزمەت وتەۋ قىزمەتىن ويداعىداي ىستەۋ ارقىلى بيىل ىلەگە قارجى قوسۋدى ءۇمىت ەتەتىن كاسىپورىنداردى پايدالانۋ قۇنى بار ينفورماتسيامەن قامداپ، ولاردى ىلەگە كەلىپ ناقتى، ىشكەرىلەي تەكسەرۋ جۇرگىزۋگە باۋراپ، سەلبەستىك اياق الىسىن تەزدەتەمىز“.

  ساعات 10دا 2021 - جىلعى ىلە وبلىسىنداعى العاشقى ”بۇلتتىق“ ساۋداگەر شاقىرىپ، قارجى ەنگىزۋ قيمىلى ”جەلىگە شىقتى“. ىلە وبلىستىق ساۋدا ىستەرى مەكەمەسى، ىلە مادەنيەت، ساياحات كاسىپ سالاسى توبى شەكتى سەرىكتەستىگى سياقتى كوپتەگەن تاراۋ، مەكەمە - ورىن ءارقايسى اۋدان، قالالارمەن (شەكارا وتكەلى) ينتەرنەت نەگىزگى ءماجىلىس الاڭىن جانە بولىمشە ءماجىلىس الاڭىن قالىپتاستىرىپ، قارجى قوسۋشى جاقپەن ينتەرنەت جەلىسىندە بايلانىس ورناتىپ، كاسىپورىنداردىڭ ورتاعا قويعان قارجى قوسۋ سۇرانىسى جانە كاسىپ سالاسى ساياساتى جونىندە تۇسىنىك جاسادى، جاۋاپ بەردى.

  يۇننان شىلي جارناسى مەڭگەرىلگەن توبى ”جەلىگە شىقتى“، جۇڭگو قورا - جاي كاسىبىندەگى 100 ەگەي، جۇڭگو مادەنيەت - ساياحات، جەرگىلىكتى ءونىم تيجاراتىنداعى 10 ەگەي كاسىپورىن رەتىندە، يۇننان شىلي جارناسى مەڭگەرىلگەن توبىنىڭ ورىنباسار باس جوراسى گاۋ چىڭعا بىلتىر 10 - ايدا ىلەگە كەلىپ ساياحاتتاعان كەزدە ىلەنىڭ مادەنيەت - ساياحات كاسىپ سالاسىنا قارجى قوسۋ ويى تۋىندايدى. كەڭەستە ول ىلە وبلىسىنىڭ مادەنيەت - ساياحات، سالاماتتىق، كۇتىمدەلۋ سياقتى 3 ۇلكەن بولىگىنە جوسپاردا ءبىر ميلليارد يۋان قارجى قوسىپ، ابزال كاسىپ سالاسى بايلىعىن بىرىكتىرىپ، كاسىپ سالاسىنىڭ دامۋ قابىلەتىن جوعارىلاتۋدى ورتاعا قويدى.

  گاۋ چىڭنىڭ جوسپارى ىلە مادەنيەت، ساياحات كاسىپ سالاسى توبى شەكتى سەرىكتەستىگىنىڭ باس ديرەكتورى ياڭ پىڭدى قاباعات جەلپىندىردى. ياڭ پىڭ گاۋ چىڭعا بىلاي دەپ جاۋاپ بەردى: ”ىلەنىڭ ساياحات كاسىپ سالاسى جالپى جاقتان ءداستۇرلى سەيىل - سەرۋەن كەزەڭىندە تۇر، تىنىعۋ ساياحاتى، سەزىنۋ ساياحاتى الداعى جەردە ىلە ساياحاتىنىڭ دامۋ بەتالىسى بولماق، يۇننان شىلي جارناسى مەڭگەرىلگەن توبىنىڭ قاتارعا قوسىلىپ، ىلە ساياحات كاسىپ سالاسىنىڭ قارقىنىن ارتتىرىپ، دارەجەسىن كوتەرۋىن بىرگە ىلگەرىلەتۋدى ءۇمىت ەتەمىز“.

  بيىل ىلە وبلىسى ”قورعاس اۋدانى مەن قورعاس قالاسىن، قۇلجا قالاسى مەن قۇلجا اۋدانىن ءبىر تۇلعالاندىرۋداي“ دامۋ ستراتەگياسىن ارقاۋ ەتىپ، ناقتى ەكونوميكانى، شەكارا وتكەلى ەكونوميكاسىن، ساياحات ەكونوميكاسىن بار كۇشپەن دامىتىپ، تۇتاس جىلدا ساۋداگەر شاقىرىپ، قارجى ەنگىزۋدى %30تەن استام ارتتىرۋ نىساناسىن العا قويدى. بۇل ءبىر رەتكى بۇكىل ەلدىڭ جەر - جەرىندەگى مىقتى ساۋداگەرلەردى ”وزىنە تارتقان“ ”بۇلتتا“ جۇزدەسۋ ىلە وبلىسىنىڭ 2021 - جىلعى نىسانداردى ەنگىزۋىن تەزدەتتى.

  ”سۇرانىستى، سەلبەستىكتى، جاي - جاپساردى بەتپە - بەت اڭگىمەلەسەتىن مۇنداي ينتەرنەت جەلىسىندە جۇزدەسۋ ءماجىلىسى ءبىزدىڭ ىلە وبلىسىنىڭ تاماشا شارۋاشىلىق - ساۋدا ورتاسى جونىندەگى اسەرىمىزدى تەرەڭدەتتى، ءبىز كوكتەم مەرەكەسىنەن كەيىن ىلەگە بارىپ ناقتى تەكسەرۋ جۇرگىزۋدى كۇتەمىز“، - دەدى گاۋ چىڭ.

  ”بۇلتتىق“ ساۋداگەر شاقىرىپ، قارجى ەنگىزۋ قيمىلى سول كۇنى 4 نيەتناما كەلىسىمىنە كەلىستى، ول LED جالپى كاسىپ سالاسى تىزبەگى باقشا رايونى، تۋىندايتىن بايلىق نىسانى، فوتوۆولت كاسىپ سالاسى باقشاسىن قۇرۋ، مادەنيەت، ساياحاتتى جالپىلىق توعىستىرۋ جانە دەنساۋلىق كۇتىمدەۋ سياقتىلاردى قامتيدى، جالپى قوسىلاتىن قارجى شامامەن 3 ميلليارد يۋان.

جاۋاپتى رەداكتور : ريزا حاميت

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.