بازاردىڭ قامداۋى جەتكىلىكتى، ”بۇلتتا“ زات ساتىپ الۋ قولايلى بولدى، جەدەل جولداما توقتامادى
بۇل ارانىڭ مەرەكە رايى بۇرىنعىداي قويۋ بولدى
□ انار بۇلت / شينجياڭ گازەتىنىڭ ءتىلشىسى حى حۇڭۋي
2021 - جىلى سيىر جىلعى كوكتەم مەرەكەسى وزگەشەلەۋ بولدى، ”كوكتەم مەرەكەسىن سول جەردىڭ وزىندە وتكىزۋدى“ دارىپتەگەن جاعدايدا كوپتەگەن ادامدار كوكتەم مەرەكەسىن قىزمەت ىستەپ جاتقان جەرىندە وتكىزۋدى تاڭدادى.
سول جەردىڭ وزىندە كوكتەم مەرەكەسىن وتكىزگەنىمەن، مەرەكەنىڭ رايى سەيىلمەدى. مەرەكە الدىندا تۇتىنۋ بازارىنىڭ قامداۋى جەتكىلىكتى بولدى ما؟ مەرەكەلىك كەرەك - جاراقتاردى ساتىپ الۋدا قانداي جاڭا ەرەكشەلىكتەر بار؟ قولايلى ساتىپ الۋعا قالاي كەپىلدىك ەتۋ كەرەك؟ جاقىندا ءتىلشى مەرەكە الدىندا بازارعا بارىپ جاعداي ۇعىستى.
زات جەتكىلىكتى، باعا ورنىقتى بولدى، قامداۋ قامتاماسىز ەتىلدى
ءۇرىمجىنىڭ بەييۋانچۇن بازارىنىڭ ىشىندە ءتۇرلى كوكونىستەر، جەمىس - جيدەكتەر كوزدىڭ جاۋىن الادى، ءاربىر جايمانىڭ الدىندا مەرەكەلىك كەرەك - جاراقتاردى ساتىپ الۋعا كەلگەن الارمانداردىڭ اياعى ۇزىلمەدى. كوپتەگەن جايما يەلەرى تىلشىگە بىلاي دەدى: كوكتەم مەرەكەسىنىڭ تاياۋىمەن مەرەكەلىك كەرەك - جاراقتاردى ساتىپ الاتىن الارماندار كورنەكتى كوبەيدى، ءار كۇنى نەگىزىنەن تاڭ اتقاننان كەش باتقانعا دەيىن قاربالاس جۇرەمىز.
ءۇرىمجىنىڭ بەييۋانچۇن جەمس شارۋاشىلىعى تيجاراتىن باسقارۋ شەكتى جاۋاپكەرشىلىك سەرىكتەستىگى ينفورماتسيا ورتالىعىنىڭ مەڭگەرۋشىسى لي شۋەشان تانىستىرىپ بىلاي دەدى: بازار ىندەتتەن ساقتانۋ - تىزگىندەۋدى ۇدايىلاندىرۋ قىزمەتىن ويداعىداي ىستەۋ نەگىزىندە ساۋداگەرلەردى زات قاينارىن ۇيىمداستىرۋ تەبىنىن كۇشەيتۋگە بەلسەنە جەتەكتەپ، بازاردىڭ قامداۋىن قامتاماسىز ەتتى. كەزەكتە ءتۇرلى كوكونىستەرمەن، جەمىس - جيدەكتەرمەن قامداۋ جەتكىلىكتى، باعا ورنىقتى.
1 - ايدىڭ 27 - كۇنى ءتىلشى ءۇرىمجى قالاسى وڭتۇستىك دوستىق كوشەسىندەگى دوستىق ەرەن بازارىنا باردى، مەرەكەلىك كەرەك - جاراقتاردى كورمەلەۋ اۋماعى بوساعالىق، جۇڭگو تۇيىنشەگى، قىزىل تۇمشامالى شام، قىزىل ءتۇستى قۋىرشاقتارعا لىق تولعان، ءتۇرلى قۇرعاق جەمىس سالەمدەمەسى، جەمىس سالەمدەمەسى كوزگە وڭاي شالىناتىن ورىنعا قويىلىپتى.
”ءبىز ىندەتتەن ساقتانۋ - تىزگىندەۋدى ۇدايىلاندىرۋ قىزمەتىن ويداعىداي ىستەۋمەن بىرگە، ەرەن بازارعا كىرگىزىلەتىن زاتتاردىڭ وتكەلىن قاتاڭ مەڭگەرىپ، ءوندىرۋ، مانەرلەۋ، اينالىم، ساتۋعا دەيىنگى بارىستىڭ بارلىعىن تەكسەرىپ انىقتاۋعا شىنايى كەپىلدىك ەتتىك“. دوستىق ەرەن بازارى ديرەكتورىنىڭ كومەكشىسى ليۋ يانجۇن تانىستىرىپ بىلاي دەدى: تەك 1 - ايدىڭ 26 - كۇنگى تيجارات سوماسى بىلتىرعى جىلعى سايكەس مەزگىلدەگىمەن سالىستىرعاندا 120 مىڭ يۋان ارتقان، كوكتەم مەرەكەسىنىڭ تاياۋىنا ىلەسە، تيجارات سوماسى ونان ارى ارتتى.
جاقىندا اۆتونوميالى رايوندىق ساۋدا ىستەرى مەڭگەرمەسى كوكتەم مەرەكەسى كەزىندە بازاردىڭ قامداۋى مەن تۇتىنۋدى جەبەۋگە قاتىستى قىزمەتتەرىن ويداعىداي ىستەۋ جونىندە حابارلاندىرۋ ءتۇسىرىپ، ”كوجە - قاتىقتىڭ“، ”استىقتىڭ“ جەتكىلىكتى، باعاسىنىڭ ورنىقتى بولۋىنا كەپىلدىك ەتتى.
اۆتونوميالى رايوندىق ساۋدا ىستەرى مەڭگەرمەسى پارتيا باسشىلىق گرۋپپاسىنىڭ مۇشەسى، ورىنباسار مەڭگەرمە باستىعى جاڭ شو مىنالاردى ءبىلدىردى: ساۋدا ىستەرى تاراۋلارى بازار جاعدايىنا نەگىزدەلە وتىرىپ، ۇسىنىلىم تەبىنىن اناعۇرلىم ارتتىرادى، جەر - جەردىڭ لايىقتى ۋاقىتتا كوكونىس، ەت سياقتى ونىمدەردى بازارعا شىعارۋىنا جەتەكشىلىك ەتىپ، مەرەكە بازارىنىڭ قامداۋىن ورنىقتىرادى.
مەرەكەلىك كەرەك - جاراقتاردى توراپتا ساتىپ الىپ، ۋاقىت، كۇش ۇنەمدەلدى
كەزەكتە ءتۇرلى زات ساتىپ الۋ APPدەرىن اشساڭىز، ”مەرەكەلىك كەرەك - جاراقتار مەيرامىنىڭ“ ۇلكەن تاقىرىپتىق سوزگە اينالعاندىعىن بايقايسىز، مەرەكەلىك كەرەك - جاراقتاردى ساتىپ الۋ، بازارشىلاۋ سياقتى قيمىلدار ارت - ارتىنان ”جەلىگە“ شىعارىلعان.
اۆتونوميالى رايوندىق ساۋدا ىستەرى مەڭگەرمەسىنىڭ قاتىستى تاراۋلارمەن بىرلەسىپ وتكىزگەن ”2021 - جىلعى شينجياڭنىڭ تورداعى مەرەكەلىك كەرەك - جاراقتار مەيرامى“ 1 - ايدىڭ 20 - كۇنى شىمىلدىعىن اشتى، قيمىل 2 - ايدىڭ 18 - كۇنىنە دەيىن جالعاسادى، قالىڭ ەلەكتروندى ساۋدا كاسىپورىندارى دا كوكتەم مەرەكەسى كەزىندە توقتاماي جۇمىس جۇرگىزۋگە كىرىستى.
اقسۋدىڭ الماسى، يۇنناننىڭ بايشياڭگوسى، قاتتى قابىقتى جەمىس سالەمدەمەسى... سۋنيڭ يگوۋ APPى ءتۇرلى مەرەكەلىك كەرەك - جاراقتارمەن، جاقسى تاۋارلارمەن لىق تولدى. سۋنيڭ يگوۋداعى تۇرمىستىق ەلەكتر جابدىقتارى، زەردەلى جابدىقتار، جۇڭگونىڭ، شەتەلدىڭ ايگىلى اراقتارى، جاس جەمىس - جيدەكتەر، اۋىل شارۋاشىلىعى قوسىمشا ونىمدەرى سياقتى 200دەن استام جىنتىكتەي بولىنگەن ءونىم تۇرلەرى قيمىلعا قاتىناستى.
حۇيجيا، كارريفور، يوۋحاۋ سياقتى كوپ سانداعى ناقتى ەرەن بازارلار دەرلىكتەي وزدەرىنىڭ زات ساتىپ الۋ APPدەرىنە نەمەسە شاعىن باعدارلامالارىنا سۇيەنىپ، توردا مەرەكەلىك كەرەك - جاراقتاردى ساتىپ الۋ ارنالارىن اشىپ، الارمانداردىڭ مەرەكەلىك كەرەك - جاراقتاردى ۇيلەرىندە وتىرىپ تاڭداۋىنا مۇمكىندىك جاسادى.
جاڭ شو مىنالاردى ءبىلدىردى: كەزەكتەگى ىندەتتەن ساقتانۋ - تىزگىندەۋدى ۇدايىلاندىرۋ جاعدايىندا تورداعى مەرەكەلىك كەرەك - جاراقتار مەيرامى عالامتوردىڭ باسىمدىعىن تولىق ساۋلەلەندىرىپ، قالىڭ اۋىل شارۋاشىلىعى ەرەكشە ونىمدەرى كاسىپورىندارى، تيجارات ساۋداگەرلەرى جانە تۇتىنۋشىلار ءۇشىن مەرەكەلىك كەرەك - جاراقتار ايىرباس تۇعىرىن ورناتۋى، مەرەكە كەزىندەگى تۇتىنۋ بازارىن جانداندىرۋعا، بۇقارانىڭ مەرەكەلىك تۇتىنۋ قاجەتىن قاناعاتتاندىرۋعا تيىمدىلىك جاراتتى.
جەدەل جولداما توقتامادى، مەرەكەلىك كەرەك - جاراقتار وتباسىلارىنا جەتكىزىلدى
1 - ايدىڭ 28 - كۇنى مەرەكەنى ۇرىمجىدە وتكىزۋدى تاڭداعان دۇڭ چۋانچىڭ ءبىراز قۇرعاق جەمىس، نان سياقتى شينجياڭنىڭ ەرەكشە ونىمدەرىن ساتىپ الىپ، ىشكى جەردەگى جاقىندارىنا جەدەل جولداما ارقىلى جىبەردى، ”بيىل كوكتەم مەرەكەسى كەزىندە قايتپايتىن بولدىم، الايدا كوڭىلىمدى ءبىلدىرىپ قويدىم“، - دەدى ول.
”’مەرەكەنى سول جەردىڭ وزىندە وتكىزۋدى‘ دارىپتەگەن جاعدايدا بيىل جەدەل جولداما ارقىلى اۋىلدارىنا مەرەكەلىك كەرەك - جاراقتاردى جولداعاندار وتە كوپ بولدى“. شينجياڭ شۇنفىڭ سۋيۇن شەكتى سەرىكتەستىگىنىڭ بازار تيجارات باس باقىلاۋشىسى حۋاڭ شياڭ تانىستىرىپ بىلاي دەدى: ”سەرىكتەستىگىمىز ىندەتتەن ساقتانۋ - تىزگىندەۋدى ۇدايىلاندىرۋ قىزمەتىن ويداعىداي ىستەۋ العى شارتىندا، 400دەن استام ءتۇرلى تۇرپاتتاعى اۆتوكولىكتەردى تاڭداپ جىبەرىپ، ۇستەمە جۇمىس ىستەۋ ارقىلى مەرەكەلىك كەرەك - جاراقتار جەدەل جولدامالارىنىڭ قاۋىرت مەزگىلىنە توتەپ بەرۋگە دايىندالدى“.
وزگەشە جىلداعى كوكتەم مەرەكەسى كەزىندەگى زات اينالىمى ”كوكتەم مەرەكەسى كەزىندەگى جاڭاشا تاسىمالعا“ اينالدى، ءارقايسى جەدەل جولداما كاسىپورىندارى دا ”بار كۇشتەرىن ىسكە قوسىپ“، جۇقپالى اۋرۋلاردان ساقتانۋ مەن تۇيىنشەكتەردى زارارسىزداندىرۋدى ويداعىداي ىستەۋ نەگىزىندە، بار كۇشپەن زات اينالىمىن قامتاماسىز ەتۋگە كىرىستى.
جۇڭگو پوچتا توبى شەكتى سەرىكتەستىگى شينجياڭ رايونى بولىمشە سەرىكتەستىگى جونەلتۋ ىستەر ءبولىمى پارتكومىنىڭ مۇشەسى، ورىنباسار باس ديرەكتورى ياڭ شينحۇڭ تانىستىرىپ بىلاي دەدى: جۇڭگو پوچتاسى جەدەل جەتكىزۋ زات تاسىمال شاعىن باعدارلاماسىنا شىقساڭىز، زات سالۋدا تيىمدىلىك جاساۋ بەلەتىن الۋعا بولادى، بۇل تۇتىنۋشىلاردىڭ ”مەرەكەلىك كەرەك - جاراقتاردى ۇيلەرىنە سالىپ جىبەرۋىنە كومەكتەسەدى“. ىندەتتەن ساقتانۋ - تىزگىندەۋ شارالارىن جالپى بەتتىك تياناقتاندىرۋ العى شارتىندا، جەدەل جولداما كاسىپورىندارى كوكتەم مەرەكەسىندە قىزمەتتى توقتاتپاي، باعانى وسىرمەۋدەي قىزمەت وتەۋىن ۇسىنادى ءارى توردان زات ساتىپ السا جولداما اقىسىن كوتەرۋ جانە كەلەسى كۇنى زات سالۋ سياقتىلاردى جۇزەگە اسىردى.
2 - ايدىڭ 1 - كۇنىنەن 28 - كۇنىنە دەيىن دىباڭ زات اينالىمى بۇكىل شينجياڭداعى 100گە جۋىق دۇكەنىندە كوپ تۇتىنىلاتىن زاتتاردى كوتەرەگە الۋ - جونەلتۋ قىزمەتىن قالىپتى ورىستەتەدى. مۇنان تىس، سۋنيڭ، جيڭدۇڭ، يۋانتۇڭ، يۇندا، بايشى سياقتى كوپتەگەن جەدەل جولداما زات اينالىمى كاسىپورىندارى دا ىركەس - تىركەس مىنانى ءبىلدىردى: كوكتەم مەرەكەسى كەزىندە ىندەتتەن ساقتانۋ - تىزگىندەۋدى ۇدايىلاندىرۋ قىزمەتىن ويداعىداي ىستەۋ نەگىزىندە، قالىپتى جونەلتۋ - جەتكىزۋ قىزمەت وتەۋىن ازىرلەيدى. ءارقايسى جەدەل جولداما كاسىپورىندارى ارناۋلى زارارسىزداندىرۋ اترەتىن قۇرىپ، پوچتا جولدامالارىن، تەز جولدامالاردى ايىرۋ - ءبولۋ ورتالىعىندا، تيجارات تور تۇيىندەرىندە جانە سوڭعى جەتكىزۋ سىندى 3 بۋىنداعى زارارسىزداندىرۋ قىزمەتىن بارىنشا كۇشەيتىپ، تۇيىنشەكتەردى قابىلداۋ، جولداۋ جانە جەتكىزۋ بارىسىنداعى حاۋىپسىزدىكتى بار كۇشپەن قامتاماسىز ەتەدى.
