انار بۇلت / شينجياڭ گازەتىنىڭ ءتىلشىسى لي ياڭ 2 - ايدىڭ 2 - كۇنى ۇرىمجىدەن حابارلايدى. 2 - ايدىڭ 2 - كۇنى تۇستەن كەيىن اۆتونوميالى رايوندىق ساياسي كەڭەس 12 - كەزەكتى كوميتەتى 4 - ءماجىلىسىنىڭ ۇسىنىس جوبا كوميتەتى ەكىنشى رەتكى جالپى جيىنىن اشىپ، اۆتونوميالى رايوندىق ساياسي كەڭەس 12 - كەزەكتى كوميتەتى 4 - ءماجىلىسىنىڭ ۇسىنىس جوبانى تەكسەرۋ جاعدايى جونىندەگى بايانداماسىن (جوبا) قارادى. 2021 - جىلى 2 - ايدىڭ 2 - كۇنى ساعات 14كە دەيىن ءماجىلىس جالپى 815 ۇسىنىس جوبانى تاپسىرىپ الدى.
تەكسەرۋ ارقىلى، 815 ۇسىنىس جوبانىڭ ىشىندە 704ى ەستەلىككە الىندى، 111ى پىكىر جانە ۇسىنىسقا اينالدىرىلدى. ەستەلىككە الىنعان ۇسىنىس جوبالاردىڭ ىشىندە مۇشەلەردىڭ ۇسىنىس جوباسى 542 بولىپ، ％77تى يەلەدى؛ كوللەكتيۆ ۇسىنىس جوبا 162 بولىپ، ％23تى يەلەدى.
ەستەلىككە الىنعان ۇسىنىس جوبالاردىڭ ىشىندە ەكونوميكالىق قۇرىلىس تۇرىندەگى ۇسىنىس جوبا 284 بولىپ، جالپى ساننىڭ ％40ىن يەلەدى؛ ساياسي قۇرىلىس تۇرىندەگى ۇسىنىس جوبا 41 بولىپ، ％6تى يەلەدى؛ قوعامدىق قۇرىلىس تۇرىندەگى ۇسىنىس جوبا 227 بولىپ، ％32تى يەلەدى؛ مادەنيەت قۇرىلىسى تۇرىندەگى ۇسىنىس جوبا 92 بولىپ، ％13تى يەلەدى؛ ەكولوگيالىق وركەنيەت قۇرىلىسى تۇرىندەگى ۇسىنىس جوبا 60 بولىپ، ％9تى يەلەدى.
ۇعىسۋعا قاراعاندا، ءماجىلىس اياقتاعاننان كەيىن، اۆتونوميالى رايوندىق ساياسي كەڭەس ۇسىنىس جوبالاردى بىتىرۋگە تاپسىرۋ ءماجىلىسىن اشىپ، وسى رەتكى ءماجىلىس كەزىندە ەستەلىككە الىنعان ۇسىنىس جوبالاردى قاتىستى ورىنداردىڭ بىتىرۋىنە تاپسىرادى ەكەن. وسى رەتكى ماجىلىستەگى ۇسىنىس جوبا تاپسىرۋ ۋاقىت شەگىنەن كەيىن تاپسىرىلىپ الىنعان ۇسىنىس جوبالاردى اۆتونوميالى رايوندىق ساياسي كەڭەستىڭ ۇسىنىس جوبا كوميتەتى دەر كەزىندە تەكسەرىپ، ەستەلىككە الادى، سونداي - اق اۆتونوميالى رايوننىڭ قاتىستى تاراۋلارىنىڭ بىتىرۋىنە تاپسىرادى.
