انار بۇلت / شينجياڭ گازەتى تىلشىلەرىنىڭ 2 - ايدىڭ 2 - كۇنى ۇرىمجىدەن بەرگەن جيناق حابارى. 2 - ايدىڭ 1 - كۇنىنەن 2 - كۇنىنە دەيىن اۆتونوميالى رايوندىق 13 - كەزەكتى حالىق قۇرىلتايى 4 - ءماجىلىسىنىڭ ۋاكىلدەر ۇيىرمەلەرى، اۆتونوميالى رايوندىق ساياسي كەڭەس 12 - كەزەكتى كوميتەتى 4 - ءماجىلىسىنىڭ گرۋپپالارى جەكە - جەكە جالپى جيىن، گرۋپپالار جيىنىن جانە بىرلەسكەن گرۋپپا جيىنىن وتكىزىپ، ۇكىمەت قىزمەتىنەن بايانداما، اۆتونوميالى رايوننىڭ حالىق شارۋاشىلىعى مەن قوعامدىق دامۋىنىڭ 14 - بەسجىلدىق جوباسى جانە 2035 - جىلعا دەيىنگى بولاشاق نىسانا باعدارلاما جوباسى، اۆتونوميالى رايوننىڭ 2020 - جىلعى حالىق شارۋاشىلىعى مەن قوعامدىق دامۋ جوسپارىنىڭ اتقارىلۋ احۋالى جانە اۆتونوميالى رايوننىڭ 2021 - جىلعى حالىق شارۋاشىلىعى مەن قوعامدىق دامۋ جوسپارى جوباسى جونىندەگى بايانداما، 2020 - جىلعى اۆتونوميالى رايوننىڭ مەجە ەسەبىنىڭ اتقارىلۋ احۋالى مەن اۆتونوميالى رايوننىڭ 2021 - جىلعى مەجە ەسەپ جوباسى جونىندەگى بايانداما سياقتىلار جونىندە پىكىر - ۇسىنىستاردى العا قويدى.
اۆتونوميالى رايوندىق پارتكومنىڭ تۇراقتى مۇشەلەرى شۇي حايرۇڭ، ەركىن تۇنياز، تيان ۋىن، لي يفي، سارقىت اقان، ياڭ شين، جاڭ چۇنلين، ۋاڭ ميڭشان وزدەرى تۇرعان اۆتونوميالى رايوندىق حالىق قۇرىلتايى ءماجىلىسى ۋاكىلدەر ۇيىرمەلەرىنىڭ قاراۋىنا قاتىناستى، اۆتونوميالى رايوندىق ساياسي كەڭەس ماجىلىسىنە قاتىناسقان ءىشىنارا سالالار ساياسي كەڭەس مۇشەلەرىنە امانداستى، بىرلەسكەن گرۋپپا جيىنىندا مۇشەلەردىڭ ءسوزىن تىڭدادى.
شۇي حايرۇڭ ءۇرىمجى قالاسى ۋاكىلدەر ۇيىرمەسىنىڭ قاراۋىنا قاتىناسقاندا بىلاي دەدى: ۇكىمەت قىزمەتىنەن بايانداما شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، پارتيا 19 - قۇرىلتايىنىڭ جانە 19 - كەزەكتى ورتالىق كوميتەتىنىڭ ەكىنشى، ءۇشىنشى، ءتورتىنشى، بەسىنشى جالپى ماجىلىستەرىنىڭ رۋحىن تولىق ايگىلەدى، 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىن ايگىلەدى، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن ايگىلەدى، اۆتونوميالى رايوندىق 9 - كەزەكتى پارتكومنىڭ ونىنشى، ون ءبىرىنشى جالپى ماجىلىستەرىنىڭ رۋحىن ايگىلەدى، بۇكىل شينجياڭداعى ءار ۇلت حالقىنىڭ ءۇمىت - تىلەگىن ايگىلەدى. باياندامادا قورىتىندىلانعان ناتيجەلەر كوڭىلدى جەلپىندىرىپ، وتكەن 5 جىلداعى شينجياڭنىڭ ەكونوميكالىق، قوعامدىق دامۋىندا قول جەتكىزگەن كورنەكتى تابىستاردى تولىق كورسەتتى؛ ورنالاستىرىلعان مىندەتتەر ەكپىندەي ىلگەرىلەۋگە شابىتتاندىرىپ، جوعارى ساپالى دامۋدى ىلگەرىلەتۋدى مىقتاپ ارقاۋ ەتىپ، جاڭا دامۋ كەزەڭىن تياناق ەتكەن، جاڭا دامۋ ۇستانىمىن دايەكتىلەندىرگەن، جاڭا دامۋ ارناسىن قالىپتاستىرعان ءتۇيىندى مىندەتتەردى العا قويدى. بيىل ورنىقتىلىق، دامۋ قىزمەتتەرىن ءبىر تۇتاس جوسپارلاپ ويداعىداي يگەرىپ، ەكونوميكالىق، قوعامدىق دامۋدىڭ ساپاسى مەن ونىمدىلىگىن ۇزدىكسىز جوعارىلاتىپ، جاڭا داۋىردەگى جۇڭگوشا سوتسياليستىك شينجياڭدى ەڭ جاقسى جەر ەتىپ قۇرۋعا قۇلشىنۋ كەرەك.
ەركىن تۇنياز بۇراتالا موڭعۇل اۆتونوميالى وبلىسى ۋاكىلدەر ۇيىرمەسىنىڭ قاراۋىنا قاتىناسقاندا بىلاي دەدى: ۇكىمەت قىزمەتىنەن بايانداما باس شۋجي شي جينپيڭنىڭ ماڭىزدى سوزدەرىنىڭ رۋحىن دايەكتىلەندىرىپ، جاڭا دامۋ كەزەڭىن تياناق ەتۋ، جاڭا دامۋ ۇستانىمىن دايەكتىلەندىرۋ، جاڭا دامۋ ارناسىن قالىپتاستىرۋ تالاپتارىن ايگىلەپ، ”13 - بەسجىلدىق“ مەزگىلىندە قول جەتكىزگەن تاريحي جەتىستىكتەردى جالپى بەتتىك قورىتىندىلاپ، 2035 - جىلعا دەيىنگى بولاشاقتىق نىساناعا ايقىن كوز تاستاپ، ”14 - بەسجىلدىق“ مەزگىلىندەگى رايونىمىزدىڭ ەكونوميكالىق، قوعامدىق دامۋىنىڭ جەتەكشى يدەياسىن، نەگىزگى پرينسيبىن، باستى نىساناسىن، ءتۇيىندى مىندەتتەرىن، كەلەلى شارالارىن ايقىن العا قويدى، بيىك تۇرعىداعى، جوعارى ساپالى، جوعارى دەڭگەيلى بايانداما بولدى. تياناقتاندىرۋدى ويداعىداي يگەرىپ، ساياسي تۇجىرىمداۋ قابىلەتىن، ساياسي ءتۇسىنۋ قابىلەتىن، ساياسي اتقارۋ قابىلەتىن ۇزدىكسىز جوعارىلاتىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ءدال دايەكتىلەندىرىپ، جوعارى ساپالى دامۋدى تىڭعىلىقتى ىلگەرىلەتىپ، مۇقيات مىندەت اتقارىپ، جاۋاپكەرشىلىكتى ادا ەتىپ، ”14 - بەسجىلدىقتا“ جاقسى باستاما اشۋعا، جاقسى قادام تاستاۋعا تىڭ دا اناعۇرلىم زور ۇلەستەر قوسۋ كەرەك.
تيان ۋىن قارامايلى قالاسى ۋاكىلدەر ۇيىرمەسىنىڭ قاراۋىنا قاتىناسقاندا، ۇكىمەت قىزمەتىنەن باياندامانى قۇپتايتىندىعىن ءبىلدىردى، ول بىلاي دەدى: شي جينپيڭنىڭ جاڭا ءداۋىر جۇڭگوشا سوتسياليزم يدەياسىمەن بۇكىل پارتيانى قارۋلاندىرۋمەن بىرگە، نازاريالىق ۇگىتتىڭ ”ەڭ سوڭعى ءبىر كيلومەترىن“ ۇلاستىرىپ، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن ”قاراپايىم بۇقارا وتباسىلارىنا جەتكىزىپ“، كوكەيگە قوندىرىپ، كوڭىلگە ۇيالاتۋدى ورىنداعاندا عانا، سوتسياليزم ءتۇزىمىنىڭ نەگىزىن شىنايى بەكەمدەۋگە، شينجياڭنىڭ باياندى تىنىشتىعىن شىن مانىندە جۇزەگە اسىرۋعا بولادى. ساياسي كەڭەس ماجىلىسىندەگى مادەنيەت - كوركەمونەر سالاسى، اقپارات - باسپا ءسوز سالاسى، تايۋاندىق باۋىرلاستار بىرلەستىگى، چياۋمين بىرلەستىگى، شەتەلدەرمەن دوستىق سالاسى، از ۇلت سالاسى، ءدىن سالاسى، ەرەكشە ۇسىنىس ەتىلگەن قايراتكەرلەر سالاسى بىرلەسكەن گرۋپپا جيىنىندا مۇشەلەردىڭ سويلەگەن ءسوزىن تىڭداعاننان كەيىن، تيان ۋىن بىلاي دەدى: كوپشىلىكتىڭ پىكىرلەرى مەن ۇسىنىستارى وتە كۇشتى باعىتتامالىلىققا يە بولىپ، مۇشەلەردىڭ كۇشتى جاۋاپكەرشىلىك سەزىمى مەن بورىشتىلىق سەزىمىن تولىق ايگىلەدى. مۇشەلەردىڭ بەلسەندىلىكپەن ۇكىمەت ىستەرىنە ات سالىسىپ، ۇكىمەت ىستەرىن اقىلداسىپ، يگى شارالاردى كوپ قاراستىرىپ، شينجياڭنىڭ ىستەرىنىڭ دامۋىن ىلگەرىلەتۋگە تىڭ دا اناعۇرلىم زور ۇلەستەر قوسۋىن ءۇمىت ەتەمىن.
لي يفي حوتان ايماعى ۋاكىلدەر ۇيىرمەسىنىڭ قاراۋىنا قاتىناسقاندا بىلاي دەدى: ۇكىمەت قىزمەتىنەن بايانداما شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، باس شۋجي شي جينپيڭنىڭ شينجياڭ قىزمەتى جونىندەگى ماڭىزدى ءسوزى مەن ماڭىزدى نۇسقاۋىنىڭ رۋحىن دايەكتىلەندىردى، پارتيا 19 - كەزەكتى ورتالىق كوميتەتى بەسىنشى جالپى ءماجىلىسىنىڭ، 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىن دايەكتىلەندىردى، اۆتونوميالى رايوندىق 9 - كەزەكتى پارتكومنىڭ ونىنشى، ون ءبىرىنشى جالپى ماجىلىستەرىنىڭ جانە ەكونوميكالىق قىزمەت ءماجىلىسى سياقتىلاردىڭ ورنالاستىرۋلارىن تياناقتاندىردى، ول تۋدى بيىك ۇستاعان، ۇيتقىنى قورعاعان، جالپى جاعدايدى تۇرعى ەتكەن، شىندىققا جۇگىنىپ، ناقتى ءىس ىستەگەن، ەكپىندەي ىلگەرىلەۋگە شابىتتاندىرعان جاقسى بايانداما بولدى، مەن بۇكىلدەي قۇپتايمىن. مىزعىماستان باس شۋجي شي جينپيڭ كورسەتكەن باعداردى بويلاپ العا ىلگەرىلەپ، بۇكىل شينجياڭنىڭ ۇلكەن جۇيەسىندە ءوز ورنىمىز بەن قىزمەت ورنىن ءداپ باسىپ تاۋىپ، ناقتى ساياسات، ناقتى شارا جاساپ، ۋاقىت كەستەسىن، جۇمىس كارتاسىن قالىپتاستىرىپ، تياناقتاندىرۋدى مىقتى ۇستاپ، ءار ءىستى تياناقتاندىرۋدى، بارلىق ىستە ونىمدىلىك كورسەتۋدى ورىنداپ، پارتيا قۇرىلعاندىعىنىڭ 100 جىلدىعىن ۇزدىك ناتيجەمەن قۇتتىقتاۋ كەرەك. لي يفي تاعى ساياسي كەڭەس ماجىلىسىندەگى جۇڭگو كوممۋنيستىك پارتياسى، دەموكراتيالىق پارتيا - توپتار، پارتيادا، توپتا جوق قايراتكەرلەر بىرلەسكەن گرۋپپاسى جيىنىندا مۇشەلەردىڭ سويلەگەن ءسوزىن تىڭدادى.
سارقىت اقان سانجى حۇيزۋ اۆتونوميالى وبلىسى ۋاكىلدەر ۇيىرمەسىنىڭ قاراۋىنا قاتىناسقاندا بىلاي دەدى: ۇكىمەت قىزمەتىنەن بايانداما باس شۋجي شي جينپيڭنىڭ جەلىلەس ماڭىزدى سوزدەرىنىڭ رۋحىن تۇتاس مازمۇنىندا دايەكتىلەندىرىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن، اسىرەسە، قوعام ورنىقتىلىعى مەن باياندى تىنىشتىق باس نىساناسىن دايەكتىلەندىرىپ، تياناقتاندىرىپ، ”13 - بەسجىلدىق“ مەزگىلىندەگى قىزمەتكە شىندىقتى ءىس جۇزىنەن ىزدەي وتىرىپ، جان - جاقتى، وبيەكتيۆ ايالداپ، ”14 - بەسجىلدىقتىڭ“ نىسانا - تالاپتارىن جانە بيىلعى قىزمەت مىندەتىن عىلمي، ۇيلەسىمدى، ءتۇيىنىن كورنەكتىلەندىرە العا قويعان، تۋدى بيىك ۇستاپ، شىندىققا جۇگىنىپ، ناقتى ىستەگەن، ادامدى جەلپىندىرەتىن تاماشا بايانداما بولدى، مەن بۇكىلدەي قۇپتايمىن. كەزەكتەگى جانە مۇنان بىلايعى قىزمەتتى جاقسى ىستەۋدە ەڭ كورنەكتىسى ورنىقتىلىقتى ساقتاۋ، دامۋدى جەبەۋ، حالىق تۇرمىسىنا تيىمدىلىك جەتكىزۋ؛ كەزەكتە ءدوپ كەلگەن جاعدايدى، ورايدى مىقتاپ يگەرىپ، دامۋ سەنىمى مەن بەكىمىن بەكەمدەۋ؛ جاڭا دامۋ كەزەڭىن تياناق ەتىپ، جاڭا دامۋ ۇستانىمىن دايەكتىلەندىرىپ، جاڭا دامۋ ارناسىن قالىپتاستىرىپ، جوعارى ساپالى دامۋدى ىلگەرىلەتۋدى نەگىزگى تاقىرىپ ەتىپ، دامۋ مەن حاۋىپسىزدىكتى ءبىر تۇتاس جوسپارلاپ، قىزمەت جاۋاپكەرشىلىگىن، بورىشىن شىن مانىندە ارقالاپ، ”14 - بەسجىلدىقتا“ جاقسى باستاما اشۋعا، جاقسى قادام تاستاۋعا كۇش قوسۋ كەرەك.
ياڭ شين قىزىلسۋ قىرعىز اۆتونوميالى وبلىسى ۋاكىلدەر ۇيىرمەسىنىڭ قاراۋىنا قاتىناسقاندا بىلاي دەدى: ۇكىمەت قىزمەتىنەن بايانداما ناتيجەلەردى جان - جاقتى، وبيەكتيۆ قورىتىندىلاپ، نىسانالاردى عىلمي، ۇيلەسىمدى تۇراقتاندىرىپ، قىزمەتتەردى شىندىققا جۇگىنىپ، ناقتى ىستەي وتىرىپ ورنالاستىرعان، ونىڭ بۇكىل رايونداعى قالىڭ پارتيالى كادرلاردى جانە ءار ۇلت بۇقاراسىنىڭ ىنتىماقتاسا كۇرەس جاساۋىنا جويقىن كۇش ۇيىستىراتىندىعى داۋسىز. كەدەيلىكتەن ارىلتۋدان قامال الۋ جەتىستىكتەرىن باتىل قورعاپ، كەدەيلىكتەن ارىلتۋدان قامال الۋ جەتىستىكتەرىن بەكەمدەۋدى، كەڭەيتۋدى اۋىل - قىستاقتى گۇلدەندىرۋمەن ءونىمدى ۇشتاستىرىپ، ءار ۇلت بۇقاراسىنىڭ باقىتتى تۇرمىسىنىڭ ساپاسىن اناعۇرلىم جوعارىلاتۋ كەرەك. ەكولوگيانى ساقتاۋ جانە قورعاۋ سەرپىنىن ارتتىرىپ، تاماشا ەكولوگيالىق ورتانى جالپىعا ەڭ ءتيىمدى حالىق تۇرمىسىنىڭ قۇت - ىرىسى ەتۋ كەرەك. شارۋاشىلىق - ساۋدا ورتاسىن ۇزدىكسىز جاقسارتىپ، كوپ شارالاردى قاتار قولدانىپ، بازار تۇلعالارىنىڭ ومىرشەڭدىگىن قاۋلاتۋ كەرەك. ءار دارەجەلى ءتارتىپ تەكسەرۋ، باقىلاۋ - تەكسەرۋ ورگاندارى پارتيا ستيلى، پاكتىك قۇرىلىسىن جانە شىرىكتەسۋگە قارسى تۇرۋ كۇرەسىن ءبىر ءسات تە ايالداتپاي ىلگەرىلەتىپ، پارمەندى ساياسي باقىلاۋ ارقىلى ”14 - بەسجىلدىقتاعى“ ءتۇرلى نىسانا - مىندەتتەردىڭ ناقتى تياناقتانۋىنا شىنايى كەپىلدىك ەتۋ كەرەك. ياڭ شين تاعى ساياسي كەڭەس ماجىلىسىندەگى عىلىم - تەحنيكا قوعامىنىڭ، عىلىم - تەحنيكا سالاسىنىڭ جانە قوعامدىق عىلىم سالاسىنىڭ بىرلەسكەن گرۋپپا جيىنىندا مۇشەلەردىڭ لەبىزىن تىڭدادى.
جاڭ چۇنلين تۇرپان قالاسى ۋاكىلدەر ۇيىرمەسىنىڭ قاراۋىنا قاتىناسقاندا بىلاي دەدى: ۇكىمەت قىزمەتىنەن بايانداما حالىقتى وزەك ەتكەن دامۋ يدەياسىنا تاباندى بولىپ، جۇيەلى كوزقاراستان جازباي، ”14 - بەسجىلدىق“ جانە 2021 - جىلعى ەكونوميكالىق، قوعامدىق دامۋ قىزمەتتەرىنە جان - جاقتى ورنالاستىرۋ جاساپ، ”14 - بەسجىلدىق“ كەزىندەگى قىزمەتتەردى جاقسى ىستەۋ بەكىمىمىزدى، سەنىمىمىزدى ونان ارى بەكەمدەدى. جاۋاپكەرشىلىكتى باتىلدىقپەن ارقالاپ، قيىندىقتارعا قارسى ۇمتىلىپ، قايراتتانا كۇرەسىپ، رەفورما، دامۋ، ورنىقتىلىق قىزمەتتەرىن ءبىر تۇتاس جوسپارلاپ ويداعىداي ىستەپ، بۇكىل رايون ەكونوميكاسىنىڭ جوعارى ساپالى دامۋىن بەلسەنە ىلگەرىلەتىپ، پارتيا قۇرىلعاندىعىنىڭ 100 جىلدىعىن ۇزدىك ناتيجەلەرمەن قارسى الۋىمىز كەرەك. ساياسي كەڭەس ماجىلىسىندەگى ەكونوميكا سالاسىنىڭ، ساۋدا - ونەركاسىپشىلەر بىرلەستىگىنىڭ بىرلەسكەن گرۋپپا جيىنىندا مۇشەلەردىڭ لەبىزىن تىڭداعاننان كەيىن، جاڭ چۇنلين بىلاي دەدى: كوپشىلىك ورتاعا قويعان پىكىر - ۇسىنىستاردىڭ دەڭگەيى جوعارى، تەرەڭ ۇعىمعا تولى بولدى، مۇشەلەردىڭ اۆتونوميالى رايوننىڭ ەكونوميكالىق، قوعامدىق دامۋىنا كوڭىل بولەتىندىگىن جانە قولداۋ كورسەتەتىندىگىن تولىق ايگىلەدى. مۇشەلەردىڭ وزىندىك ارتىقشىلىقتارى مەن كاسىپتىك ەرەكشەلىكتەرىن ۇزدىكسىز ساۋلەلەندىرىپ، اۆتونوميالى رايوندىق پارتكومنىڭ عىلمي شەشىم جاساۋىنا جانە ۇكىمەتتىڭ دالمە - ءدال شارا اتقارۋىنا ءتىپتى جاقسى اقىل - كەڭەس، كۇش - قۋات قوسۋلارىن ءۇمىت ەتەمىن.
ۋاڭ ميڭشان قاشقار ايماعى ۋاكىلدەر ۇيىرمەسىنىڭ قاراۋىنا قاتىناسقاندا بىلاي دەدى: ۇكىمەت قىزمەتىنەن بايانداما شي جينپيڭنىڭ جاڭا ءداۋىر جۇڭگوشا سوتسياليزم يدەياسىن ءبىر تۇتاس باسشىلىققا الىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىمەن تىعىز بىرلەستىرىپ، قوعام ورنىقتىلىعى مەن باياندى تىنىشتىق باس نىساناسىن مىقتاپ يگەرىپ، وتكەندى جان - جاقتى، ناقتى قورىتىندىلاپ، ماسەلەلەرگە وبيەكتيۆ، شىنايى تالداۋ جاساپ، مىندەتتەردى شىنايى اتقارىلارلىقتاي ورنالاستىرعان، جالپى جاعدايدى جاپپاي مەڭگەرگەن، جۇرت تىلەگىن ۇيىستىراتىن، ادامداردى جەلپىندىرەتىن جاقسى بايانداما بولدى. شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ءدال دايەكتىلەندىرىپ، اقىل - پاراسات پەن كۇش - قۋاتتى اۆتونوميالى رايون العا قويعان ءتۇرلى نىسانا - مىندەتتەردى جۇزەگە اسىرۋعا شىن مانىندە ۇيىستىرىپ، ورنىقتىلىق، دامۋ شارالارىن كۇشەيتىپ، قوعامدىق كەلەلى جاعدايدىڭ ۇزدىكسىز ورنىقتىلىعىنا، ۇزاق ۋاقىت ورنىقتىلىعىنا جانە ەكونوميكانىڭ، قوعامنىڭ جوعارى ساپالى دامۋىنا بار كۇشپەن شىنايى كەپىلدىك ەتۋ كەرەك. ۋاڭ ميڭشان تاعى ساياسي كەڭەس ءماجىلىسىنىڭ مادەنيەت - كوركەمونەر سالاسى، اقپارات - باسپا ءسوز سالاسى، تايۋاندىق باۋىرلاستار بىرلەستىگى، چياۋمين بىرلەستىگى، شەتەلدەرمەن دوستىق سالاسى، از ۇلت سالاسى، ءدىن سالاسى، ەرەكشە ۇسىنىس ەتىلگەن قايراتكەرلەر سالاسى بىرلەسكەن گرۋپپا جيىنىندا مۇشەلەردىڭ لەبىزدەرىن تىڭدادى.
(تىلشىلەر يۋان لەي، سۇي يۇنيان، جاۋ جىيۇن، ءرايدا، ميھىرگۇل عوپۇر، شى شين، ليۋ ي، جاڭ يۇنمەي، ۋاڭ نا، چىن چياڭۋي، لياڭ ليحۋا، يۇي جياڭيان جازعان)
