جاڭا داۋىردەگى پارتيانىڭ شينجياڭدى جونگە سالۋ جالپى جوباسىنىڭ تياناقتانىپ، ناتيجە بەرۋىنە شىنايى كەپىلدىك ەتۋ كەرەك
انار بۇلت/شينجياڭ گازەتىنىڭ ءتىلشىسى لي ياڭ 2 - ايدىڭ 2 - كۇنى ۇرىمجىدەن حابارلايدى. 2 - ايدىڭ 1 - كۇنى تۇستەن كەيىن اۆتونوميالى رايوندىق ساياسي كەڭەستىڭ ءتوراعاسى نۇرلان ءابىلماجىن ءوزى تۇرعان اۆتونوميالى رايوندىق 13 - كەزەكتى حالىق قۇرىلتايىنىڭ 4 - ماجىلىسىندەگى ىلە قازاق اۆتونوميالى وبلىسى ۋاكىلدەر ۇيىرمەسىنىڭ باياندامانى قاراۋىنا قاتىناستى.
نۇرلان ءابىلماجىن ۋاكىلدەردىڭ لەبىزىن مۇقيات تىڭدادى. ول بىلاي دەپ اتاپ كورسەتتى: ۇكىمەت قىزمەتىنەن باياندامادا ناتيجەلەر وبيەكتيۆ شىندىق نەگىزىندە قورىتىندىلانعان، جاعدايعا تولىق، جەتە تالداۋ جاسالعان، قىزمەت شىن مانىندە ۇتىمدى ورنالاستىرىلعان، شي جينپيڭنىڭ جاڭا ءداۋىر جۇڭگوشا سوتسياليزم يدەياسى باستان - اياق سىڭىرىلگەن، جاڭا داۋىردەگى پارتيانىڭ شينجياڭدى جونگە سالۋ جالپى جوباسى تولىق، دالمە - ءدال دايەكتىلەندىرىلگەن، اۆتونوميالى رايوندىق حالىق ۇكىمەتىنىڭ باتىلدىقپەن جاۋاپكەرشىلىك ارقالاۋ، ءورىس اشا العا ىلگەرىلەۋ رۋحى ايگىلەنگەن، سەنىمدى سەرپىلتەتىن، ەكپىندەي ىلگەرىلەۋگە جەبەيتىن، جاڭالىق اشقان، شىندىققا جۇگىنگەن تاماشا بايانداما، مەن بۇكىلدەي قۇپتايمىن.
نۇرلان ءابىلماجىن بىلاي دەدى: ”13 - بەسجىلدىقتان“ بەرى، اسىرەسە، وتكەن ءبىر جىلدا شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا اۆتونوميالى رايوننىڭ ورنىقتىلىق، دامۋ، رەفورما ىستەرىندە تىڭ ىلگەرىلەۋشىلىككە قول جەتتى، قوعامدىق كەلەلى جاعدايدىڭ جاراسىمدىلىعى، ورنىقتىلىعى ساقتالدى، ەكونوميكادا جوعارى ساپالى دامۋ جۇزەگە استى، حالىق تۇرمىسىنىڭ ىرىس - قۇتى كورنەكتى جاقساردى، نەگىزگى ساتىنىڭ نەگىزى ۇزدىكسىز بەكەمدەلدى. وسى ناتيجەلەر وڭاي - وسپاق قولعا كەلگەن جوق، ونى ەسەلەپ قادىرلەۋ، ەسەلەپ قورعاۋ كەرەك.
نۇرلان ءابىلماجىن بىلاي دەپ باسا دارىپتەدى: بيىل ”14 - بەسجىلدىق“ جوبا اتقارىلاتىن، جاپپاي سوتسياليستىك وسىزاماندانعان مەملەكەت قۇرۋدىڭ جاڭا ساپارى باستالاتىن العاشقى جىل، جۇڭگو كوممۋنيستىك پارتياسى 100 جىلدىق تۋعان كۇنىن قارسى الادى، بيىلعى قىزمەتتەردى ويداعىداي ىستەۋدىڭ ءمانى زور. ساياسي تۇجىرىمداۋ قابىلەتىن، ساياسي ءتۇسىنۋ قابىلەتىن، ساياسي اتقارۋ قابىلەتىن ۇزدىكسىز جوعارىلاتىپ، ىلگەرىلەي ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، باستان - اياق يدەيادا، ساياسيدا، ارەكەتتە شي جينپيڭ جولداستى ۇيتقى ەتكەن پارتيا ورتالىق كوميتەتىمەن وسكەلەڭ ءبىر اۋىزدىقتى ساقتاۋ كەرەك. شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتە ۇيرەنۋ، جەتە ءتۇسىنۋ، تىڭعىلىقتى يگەرۋ، اسىرەسە، پارتيا 19 - كەزەكتى ورتالىق كوميتەتى بەسىنشى جالپى ءماجىلىسىنىڭ، ورتالىقتىڭ ەكونوميكالىق قىزمەت ءماجىلىسىنىڭ، 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىن ىشكەرىلەي ۇيرەنۋ، دايەكتىلەندىرۋ، ”14 - بەسجىلدىق“ كەزىندەگى ەكونوميكالىق، قوعامدىق دامۋدىڭ جەتەكشى يدەياسىن، نەگىزگى پرينسيبىن، باستى نىساناسىن دالمە - ءدال يگەرۋ، سانالى تۇردە ىلە قىزمەتىن جاڭا داۋىردەگى پارتيانىڭ شينجياڭدى جونگە سالۋ جالپى جوباسى جانە شينجياڭنىڭ ورنىقتىلىق، دامۋ، رەفورما كەلەلى جاعدايى بارىسىنا قويىپ جوبالاپ ىلگەرىلەتۋ كەرەك. ”14 - بەسجىلدىقتا“ جاقسى باستاما باستاۋدى، جاقسى قادام تاستاۋدى ارقاۋ ەتىپ، ءتۇرلى قىزمەتتەردى تىڭعىلىقتى ويداعىداي ىستەپ، ىندەتتەن ساقتانۋ - تىزگىندەۋدى ۇدايىلاندىرۋدى بوساڭسىتپاي مىقتى يگەرىپ، ىندەتتەن ساقتانۋ - تىزگىندەۋ سىندى ارقاۋدى باستان - اياق مىقتاپ شيراتىپ، يدەيانى بوساڭسىتپاۋدى، شارانى بوساڭسىتپاۋدى، مەحانيزمدى بوساڭسىتپاۋدى، جاۋاپكەرشىلىكتى بوساڭسىتپاۋدى باتىل ورىنداۋ كەرەك. قوعام ورنىقتىلىعىنىڭ جەتىستىگىن بەكەمدەپ جانە كەڭەيتىپ، حالىق تۇرمىسىنا جاناسىپ، جوعارى ساپالى دامۋدى جەبەپ، دامۋ جەتىستىكتەرىنەن ءار ۇلت بۇقاراسىن اناعۇرلىم كوپ يگىلىكتەندىرۋ كەرەك. شي جينپيڭنىڭ ەكولوگيالىق وركەنيەت يدەياسىن دايەكتىلەندىرىپ، اسپانى ءتىپتى دە اشىق، تاۋى ءتىپتى دە جاسىل، سۋى ءتىپتى دە تۇنىق كوركەم ىلە قۇرۋعا قۇلشىنۋ كەرەك.
