تيانشان تورى   ›   جاڭالىقتار   ›   شينجياڭ حابارلارى

شاۋكەت يمىن تارباعاتاي ايماعى ۋاكىلدەر ۇيىرمەسىنىڭ باياندامانى قاراۋىنا قاتىناستى

شىنايى يگەرىپ، ناقتى ىستەپ، ”14 - بەسجىلدىقتا“ جاقسى باستاما باستاۋعا، جاقسى قادام تاستاۋعا شىنايى كەپىلدىك ەتۋ كەرەك

  انار بۇلت/شينجياڭ گازەتىنىڭ ءتىلشىسى جاۋ جىيۇن 2 - ايدىڭ 2 - كۇنى ۇرىمجىدەن حابارلايدى. 2 - ايدىڭ 1 - كۇنى تۇستەن كەيىن اۆتونوميالى رايوندىق حالىق قۇرىلتايى تۇراقتى كوميتەتىنىڭ مەڭگەرۋشىسى شاۋكەت يمىن ءوزى تۇرعان اۆتونوميالى رايوندىق 13 - كەزەكتى حالىق قۇرىلتايىنىڭ 4 - ماجىلىسىندەگى تارباعاتاي ايماعى ۋاكىلدەر ۇيىرمەسىنىڭ باياندامانى قاراۋىنا قاتىناسقان كەزدە بىلاي دەپ اتاپ كورسەتتى: جاڭا كەزەڭ، جاڭا جورىق الدىندا شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، تۋى ايقىن تۇردە ساياسيدى دارىپتەپ، حالىقتى وزەك ەتۋگە باستان - اياق تاباندى بولىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ءدال دايەكتىلەندىرىپ، ناقتى شارا قولدانىپ، ناقتى ونىمدىلىككە ۇمتىلىپ، جاڭا داۋىردە جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىنىڭ شينجياڭ تاراۋىن ويداعىداي جازايىق.

  شاۋكەت يمىن بىلاي دەدى: ۇكىمەت قىزمەتىنەن بايانداما پارتيا ورتالىق كوميتەتىنىڭ رۋحىن دايەكتىلەندىردى، شينجياڭنىڭ ءىس جۇزىندىگىنە ۇيلەسەدى، وتكەن 5 جىلداعى شينجياڭنىڭ ەكونوميكالىق، قوعامدىق دامۋدا قول جەتكىزگەن وراسان زور تابىستارىن وبيەكتيۆ تۇردە بەينەلەدى، شينجياڭنىڭ بولاشاق 5 جىلداعى، اۋەلى، ونان دا ۇزاق ءبىر مەزگىلدەگى ەكونوميكالىق، قوعامدىق دامۋىنىڭ ايبىندى جوباسىن عىلمي جاسادى، بۇل ادامدى جەلپىندىرەتىن، رۋحتى سەرپىلتەتىن، ەكپىندەي العا باسۋعا شابىتتاندىراتىن تاماشا بايانداما. مەن بۇل باياندامانى بۇكىلدەي قۇپتايمىن.

  شاۋكەت يمىن بىلاي دەدى: ۇكىمەت قىزمەتىنەن بايانداما كەزەكتەگى جانە بۇدان بىلايعى ءبىر مەزگىلدەگى شينجياڭنىڭ ەكونوميكالىق، قوعامدىق دامۋى ءدوپ كەلەتىن جاعدايلارعا دۇرىس تالداۋ جاسادى، تۇراقتاندىرعان نىسانا - مىندەتتەردە پارتيا ورتالىق كوميتەتىنىڭ شينجياڭنىڭ ورنىن تۇراقتاندىرۋ تالابى تياناق ەتىلدى، ەل ءىشى - سىرتىنىڭ دامۋ اۋقىمىن جانە شينجياڭنىڭ دامۋ شارت - جاعدايىن جان - جاقتى ويلاستىرىپ، حالىق بۇقاراسىنىڭ تىلەگىنە جاۋاپ قايتارىپ، الداعى كوركەم كەلەشەكتى ايگىلەپ، جوعارى ساپالى دامۋ نەگىزگى تاقىرىبىن بەينەلەدى، ورنالاستىرۋى عىلمي، قاتاڭ، جۇيەلى، مىندەتى ايقىن، شارالارى ناقتى بولدى. ءبىز تەك ەل بىرلىگىنەن بەرىك قامال تۇرعىزىپ، شىنايى يگەرىپ، ناقتى ىستەپ، ەرلىكپەن كۇرەس جۇرگىزىپ، ءتۇرلى مىندەتتەردى تىڭعىلىقتى ورىنداساق بولعانى، دامۋ نىساناسىن، ءسوز جوق، ىسكە اسىرىپ، اناعۇرلىم كوركەم بولاشاق اشا الامىز.

  شاۋكەت يمىن بىلاي دەدى: بيىل ”14 - بەسجىلدىق“ جوبا اتقارىلاتىن جىل، جاپپاي سوتسياليستىك وسىزاماندانعان مەملەكەت قۇرۋدىڭ جاڭا ساپارى باستالاتىن تۇڭعىش جىل، بيىلعى قىزمەتتەردى جاقسى ىستەۋدىڭ ماڭىزى زور. باعداردى ءدال تاۋىپ، ورىندى ءدال تاڭداپ، نىسانانى ءدال كوزدەپ، ساياسي تۇجىرىمداۋ قابىلەتىن، ساياسي ءتۇسىنۋ قابىلەتىن، ساياسي اتقارۋ قابىلەتىن ۇزدىكسىز جوعارىلاتىپ، ءبىر نيەتپەن ىنتىماقتاسىپ، ۇزاق بولاشاقتىق شارالاردى كوبىرەك قاراستىرىپ، نەگىزدى بەكەمدەۋ شارالارىن كوبىرەك اتقارىپ، تەرەڭ قاتپارلى قايشىلىقتار مەن ماسەلەلەردى كۇش سالا شەشۋ كەرەك. ىندەتتەن ساقتانۋ - تىزگىندەۋدى ۇدايىلاندىرۋدى جانە ەكونوميكالىق، قوعامدىق دامۋدى ءبىر تۇتاس جوسپارلاپ، دامۋ مەن حاۋىپسىزدىكتى ءبىر تۇتاس جوسپارلاپ، دايەكتىلەندىرۋدى، تياناقتاندىرۋدى مىقتاپ يگەرىپ، ءاربىر قىزمەتتىڭ، ءاربىر مىندەتتىڭ، ءاربىر ءىستىڭ تۇگەلدەي تياناقتانۋىنا، ءونىمدى بولۋىنا مۇمكىندىك جاساپ، ”14 - بەسجىلدىقتا“ جاقسى باستاما باستاۋعا، جاقسى قادام تاستاۋعا شىنايى كەپىلدىك ەتىپ، پارتيا قۇرىلعاندىعىنىڭ 100 جىلدىعىن ۇزدىك ناتيجەلەرمەن قۇتتىقتاۋ كەرەك.

جاۋاپتى رەداكتور : ريزا حاميت

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.