تاريحي ورايدى مىقتى يگەرىپ، جاڭا دامۋ ارناسىن قالىپتاستىرۋ كەرەك
انار بۇلت/شينجياڭ گازەتىنىڭ ءتىلشىسى جاڭ يۇنمەي 2 - ايدىڭ 2 - كۇنى ۇرىمجىدەن حابارلايدى. 2 - ايدىڭ 1 - كۇنى تۇستەن كەيىن اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى شوكىرات زاكىر ءوزى تۇرعان اۆتونوميالى رايوندىق 13 - كەزەكتى حالىق قۇرىلتايى 4 - ماجىلىسىندەگى قاشقار ايماعى ۋاكىلدەر ۇيىرمەسىندە باياندامانى قاراۋعا قاتىناستى.
ۋاكىلدەردىڭ ءسوزىن مۇقيات تىڭداعاننان كەيىن، شوكىرات زاكىر بىلاي دەدى: 2020 - جىلى شينجياڭ ىندەتتەن ساقتانۋ - تىزگىندەۋدى ۇدايىلاندىرۋدى تيتتەي دە بوساڭسىماستان ويداعىداي يگەرۋ العى شارتىندا، ەكونوميكانىڭ جوعارى ساپالى دامۋى، كەدەيلىكتەن ارىلتۋدان قامال الۋ، قوعام ورنىقتىلىعى سياقتى قىزمەتتەردى ءبىر تۇتاس جوسپارلاپ، ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدىڭ ”قوس جەڭىسىنە“ قول جەتكىزدى. بۇل ناتيجەلەرگە، تۇپتەپ كەلگەندە، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، شي جينپيڭنىڭ جاڭا ءداۋىر جۇڭگوشا سوتسياليزم يدەياسى مەن جاڭا داۋىردەگى پارتيانىڭ شينجياڭدى جونگە سالۋ جالپى جوباسىنىڭ عىلمي جەتەكشىلىگىندە، مەملەكەتتىڭ ءارقايسى مينيسترلىك - كوميتەتتەرىنىڭ، شينجياڭعا كومەكتەسكەن ءارقايسى ولكە - قالالاردىڭ، قوعامداعى ءارقايسى جاقتاردىڭ زور كۇشپەن قولداۋىندا، اۆتونوميالى رايوندىق پارتكومنىڭ تۇتاس رايونداعى ءار ۇلت كادر - بۇقاراسىن ىنتىماقتاستىرىپ جانە باستاپ قايراتتانا ايانباي شايقاس جۇرگىزىپ، قامال الىپ، قيىنشىلىقتاردى جەڭىپ، اسا زور قۇلشىنىس جاساۋىندا قول جەتتى.
شوكىرات زاكىر بىلاي دەدى: بيىل جۇڭگو كوممۋنيستىك پارتياسى قۇرىلعاندىعىنىڭ 100 جىلدىعى، ”14 - بەسجىلدىق“ جوبانىڭ باستالعان جىلى، بيىلعى قىزمەتتەردى ويداعىداي ىستەۋ ەرەكشە ماڭىز الادى. جوعارى ساپالى دامۋدى ىلگەرىلەتۋدى نەگىزگى تاقىرىپ، قامداۋ جاعىنداعى قۇرىلىمدىق رەفورمانى تەرەڭدەتۋدى نەگىزگى جەلى، رەفورما جاساۋدى، جاڭالىق اشۋدى ءتۇبىرلى قوزعاۋشى كۇش، حالىقتىڭ كۇن سايىن ارتىپ كەلە جاتقان تاماشا تۇرمىسقا قاجەتىن ءتۇبىرلى نىسانا ەتىپ، ”14 - بەسجىلدىقتىڭ“ جاقسى باستاما اشۋىنا قۇلشىنا شىنايى كەپىلدىك ەتىپ، پارتيا قۇرىلعاندىعىنىڭ 100 جىلدىعىن ۇزدىك ناتيجەلەرمەن قۇتتىقتاۋ كەرەك. قاشقار ايماعى 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىن ۇيرەنۋ، دايەكتىلەندىرۋگە ۇزدىكسىز كۇش سالىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن جالپى بەتتىك تۇسىنۋگە، دالمە - ءدال يگەرۋگە، تولىق دايەكتىلەندىرۋگە كۇش سالۋى ءارى ونى پارتيا ورتالىق كوميتەتىنىڭ شەشىمدەرىن، ورنالاستىرۋلارىن دايەكتىلەندىرۋدەگى، تياناقتاندىرۋداعى قۋاتتى كۇشكە جانە ءىس جۇزىندىك ارەكەتكە اينالدىرۋ كەرەك. جاڭا دامۋ ارناسىن بەلسەنە قالىپتاستىرۋعا ۇزدىكسىز كۇش سالىپ، كاسىپ سالاسى قۇرىلىمىن جالپى بەتتىك ساپالىلاندىرىپ، دارەجەسىن جوعارىلاتىپ، ىشكە، سىرتقا ەسىك اشۋدى بار كۇشپەن كەڭەيتۋ كەرەك. كەدەيلىكتەن ارىلتۋدان قامال الۋدى اۋىل - قىستاقتى گۇلدەندىرۋمەن ءونىمدى ۇشتاستىرۋعا ۇزدىكسىز كۇش سالىپ، كەدەيلىكتەن ارىلتۋدان قامال الۋ جەتىستىكتەرىن بەكەمدەپ، كەڭەيتىپ، اۋىل - قىستاق قۇرىلىسى ارەكەتىن ىشكەرىلەي اتقارۋ، اسىرەسە، كەدەيلەردى سۇيەمەلدەۋ كاسىپ سالاسىن دامىتۋ ارقىلى كىرىستى ارتتىرۋعا، جۇمىستاندىرۋدى جەتەكتەۋگە ءمان بەرۋ كەرەك. حالىق تۇرمىسىن قامتاماسىز ەتۋ مەن جاقسارتۋعا ۇزدىكسىز كۇش سالىپ، حالىق تۇرمىسى نىسان قۇرىلىستارىن بار كۇشپەن ىلگەرىلەتىپ، بۇقارالىق قىزمەتتى مۇقيات، ويداعىداي يگەرۋ كەرەك. ءتۇرلى قىزمەتتەردى ءبىر تۇتاس جوسپارلاۋعا ۇزدىكسىز كۇش سالىپ، ىندەتتەن ساقتانۋ - تىزگىندەۋدى ۇدايىلاندىرۋ مەن قوعام ورنىقتىلىعى سياقتى قىزمەتتەردى ۇزدىكسىز ويداعىداي يگەرىپ، نازاردى باس نىساناعا شوعىرلاندىرىپ، ”كەشەندى شارانى“ ويداعىداي قولدانىپ، ورنىقتىلىقتىڭ پايداسىن تولىق جارىققا شىعارىپ، تاماشا دامۋ ورتاسىن قالىپتاستىرۋ كەرەك.
