شوكىرات زاكىر، ۋاڭ جۇنجىڭ جيىنعا قاتىناسىپ سوزدەردى تىڭدادى
نۇرلان ءابىلماجىن جيىنعا قاتىناستى
انار بۇلت/ شينجياڭ گازەتىنىڭ ءتىلشىسى لي ياڭ 2 - ايدىڭ 2 - كۇنى ۇرىمجىدەن حابارلايدى. 2 - ايدىڭ 2 - كۇنى تۇستەن بۇرىن اۆتونوميالى رايوندىق ساياسي كەڭەس 12 - كەزەكتى كوميتەتىنىڭ 4 - ءماجىلىسى ەكىنشى رەتكى جالپى جيىنىن وتكىزدى، 14 مۇشە جيىندا ءسوز سويلەدى.
اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى شوكىرات زاكىر، اۆتونوميالى رايوندىق پارتكومنىڭ ورىنباسار شۋجيى، بيڭتۋاننىڭ جىڭۋيى ۋاڭ جۇنجىڭ جيىنعا قاتىناسىپ سوزدەردى تىڭدادى.
اۆتونوميالى رايوندىق ساياسي كەڭەستىڭ ءتوراعاسى نۇرلان ءابىلماجىن، ورىنباسار ءتوراعالار چىڭ جىنشان، ءجۇرات يمىن، ماعاۋ سەيىتقامزا، جاڭ بو، كۇڭ شيڭلۇڭ، يىلحام سابىر، ما شيۇڭچىڭ جيىنعا قاتىناستى. اۆتونوميالى رايوندىق ساياسي كەڭەستىڭ ورىنباسار ءتوراعاسى ءمۇتالىپ وبۇل جيىندى باسقاردى.
مۇشە شىڭ چۇنشوۋ اۆتونوميالى رايوندىق ساياسي كەڭەس مادەنيەت، تاريحي ماتەريالدار جانە ۇيرەنۋ كوميتەتى اتىنان مىنالاردى ۇسىنىس ەتتى: شينجياڭنىڭ مادەنيەت مۇرالارىن قورعاۋ مەن پايدالانۋدى كۇشەيتىپ، شينجياڭدى مادەنيەتپەن نارلەندىرۋ ينجەنەرياسىنا دەم بەرىپ، ءار ۇلت كادر - بۇقاراسىنىڭ جۇڭحۋا ۇلتى ورتاق تۇلعا تانىمىن ونان ارى سومداۋىن جەبەۋ كەرەك.
مۇشە پاتىگۇل مامەت وقۋ - اعارتۋ سالاسى اتىنان مىنانى ۇسىنىس ەتتى: جۇڭحۋا مادەنيەتىن كۇش سالا اسقاقتاتىپ، ۇلتتار ىنتىماعىن تىڭعىلىقتى ىلگەرىلەتىپ، مادەنيەت دانەكەرلەرىن ۇزدىكسىز بايىتىپ، شينجياڭ حيكايالارىن نىق سەنىممەن بايانداپ، ءار ۇلت كادر - بۇقاراسىنىڭ كوركەم شينجياڭ قۇرۋداعى شوعىرلانۋ قۋاتى مەن ۇيىسۋ قۋاتىن ونان ارى ارتتىرۋ كەرەك.
مۇشە باقتيەۆ عينايات سوزىندە بىلاي دەدى: ساياسي كەڭەس ۇيىمى مەن ساياسي كەڭەس مۇشەلەرىنىڭ رولىن ساۋلەلەندىرىپ، جۇڭحۋا ۇلتى ورتاق تۇلعا تانىمى تاربيەسىن ونان ارى كۇشەيتىپ، ”بەستى شىنايى مويىنداۋدى“ كۇشەيتىپ، ”ۇلتتار ىنتىماعىنىڭ بەرەكەلى شاڭىراعى“ جانە ۇلتتار ىنتىماعى بىرلەسكەن دوستىق قيمىلىن تەرەڭدەتۋ سياقتى جاقتاردا بەلسەنە اقىلداسىپ، ۇكىمەت ىسىنە كەڭەس بەرىپ، ىنتىماقتاسا كۇرەس جۇرگىزۋدىڭ ورتاق يدەيالىق نەگىزىن نىعايتۋ كەرەك.
مۇشە پۋ شۋەمەي مىنانى ۇسىنىس ەتتى: ءدىن سالاسىنىڭ يدەيالىق قۇرىلىستى، مادەنيەت قۇرىلىسىن، ءتۇزىم قۇرىلىسىن، ۇيىمدىق قۇرىلىستى، دارىندىلار قۇرىلىسىن سانالى، ەرىكتى تۇردە ورىستەتۋىن قولداۋ، شينجياڭدا ءىسلام ءدىنىن جۇڭگوشالاندىرۋ بەتالىسىنا تاباندى بولىپ، ءدىندى سوتسياليستىك قوعامعا ۇيلەسۋگە جەتەكتەۋ كەرەك.
مۇشە حان جۇن مىنانى ۇسىنىس ەتتى: پارتيانىڭ وقۋ - اعارتۋ باعىتىن جاپپاي دايەكتىلەندىرىپ، پارتيانىڭ وقۋ - اعارتۋ قىزمەتىنە جالپى بەتتىك باسشىلىعىن ونان ارى كۇشەيتىپ، ونەگە كورسەتىپ ادام تاربيەلەۋ، وقۋ - اعارتۋ ساپاسى، وقۋ - اعارتۋ رەفورماسى جاعىندا تىڭ سەرپىلىس، جاڭا داۋىردەگى شينجياڭ وقۋ - اعارتۋىنىڭ جوعارى ساپالى دامۋىن ىلگەرىلەتۋ كەرەك.
مۇشە جياڭ پيڭان جۇڭگو گومينداڭ توڭكەرىستىك كوميتەتى شينجياڭ رايوندىق كوميتەتى اتىنان مىنانى ۇسىنىس ەتتى: اۋىل - قىستاق ەلەكتروندى ساۋداسى، زات اينالىم ساۋداسى، دەمالىس، سەيىل - سەرۋەن اۋىل شارۋاشىلىعى، اۋىل - قىستاق حالىقتىق تۇسەلحاناسى سياقتى جاڭا كاسىپ سالالارىن، جاڭا كاسىپ كۇيلەرىن بەلسەنە جەتىلدىرىپ، كاسىپ سالاسى تىزبەگىن ءونىمدى تۇردە ۇزارتىپ، قۇن تىزبەگىن جوعارىلاتىپ، مۇددە تىزبەگىن كەمەلدەندىرىپ، كاسىپ سالالارىن ويداعىداي توعىستىرىپ، اۋىل - قىستاقتىڭ گۇلدەنۋىنە دەم بەرۋ كەرەك.
مۇشە ءانۋار تۇرسىن مىنانى ۇسىنىس ەتتى: ساياساتتىق، فينانستىق قولداۋ تەبىنىن كۇشەيتىپ، اۋىل شارۋاشىلىعى كاسىپ سالاسى تىزبەگىن ۇزارتۋدىڭ ارتقان قۇن پايداسىن جانە جۇمىستانۋ، شارۋاشىلىق قۇرۋ ورايىن شارۋالارعا بەرىپ، اۋىل - قىستاقتىڭ 1 -، 2 -، 3 - كاسىپ سالالارىنىڭ توعىسا دامۋىن جەبەۋ كەرەك.
مۇشە بۇرھان قاھار مىنانى ۇسىنىس ەتتى: سيفرلى ەكونوميكانى دامىتۋدى كورنەكتى ورىنعا قويىپ، شينجياڭدى جىبەك جولى ەكونوميكالىق بەلدەۋى وزەكتى رايونىنىڭ ءىرى ساندى مالىمەت بايلىعى بازاسى ەتىپ قۇرىپ، شينجياڭنىڭ ەكونوميكاسى مەن قوعامىنىڭ جوعارى ساپالى دامۋىنا دەم بەرۋ كەرەك.
مۇشە شيە شۋان اۆتونوميالى رايوندىق ساۋدا - ونەركاسىپشىلەر بىرلەستىگى اتىنان مىنانى ۇسىنىس ەتتى: ەڭبەك شوعىرلانعان كاسىپ سالالارىن، ەرەكشە باسىمدىققا يە كاسىپ سالالارىن جوعارى باستامادا جوبالاپ، كاسىپ سالالارى ارقىلى شينجياڭعا كومەكتەسۋ مەحانيزمىنەن تولىق پايدالانىپ، حالىقتىق كاسىپورىنداردىڭ قاتىناسۋ تەبىنىن كۇشەيتىپ، كولەمدەنگەن كاسىپ سالالارى شوعىرىنان ءبىر توبىن تۇلعالاۋ كەرەك.
مۇشە ما حۋادۇڭ جۇڭگو دەموكراتيالىق مەملەكەت قۇرۋ قوعامى شينجياڭ رايوندىق كوميتەتى اتىنان مىنانى ۇسىنىس ەتتى: ەرەكشە جايما جانە تاڭعى، كەشكى بازار ەكونوميكاسىن ۇيلەسىمدى، ءتارتىپتى تۇردە دامىتىپ، ۇلكەن ساندى مالىمەت سياقتى تاسىلدەردەن پايدالانىپ، جىنتىكتەلگەن، ولشەمدەنگەن ۇلگى ارقىلى قالانى جونگە سالۋدى كۇشەيتىپ، قالانىڭ قىزمەت وتەۋ يقۋاتىن ارتتىرۋ كەرەك.
مۇشە سۇن بين سوزىندە بىلاي دەدى: ”14 - بەسجىلدىق“ مەزگىلى گەولوگيا ىستەرىندە ءىرى ىستەر تىندىرىلاتىن ماڭىزدى وراي مەزگىلى. ەنەرگيا جانە ستراتەگيالىق كەن بايلىعىنىڭ حاۋىپسىزدىگىنە بارىنشا ءمان بەرىپ، كەن كاسىبىندەگى حالىقارالىق سەلبەستىكتى ۇزدىكسىز تەرەڭدەتىپ، كەن بايلىعىن جوعارى ساپادا اشىپ پايدالانۋدى ىلگەرىلەتۋدى ۇسىنىس ەتەمىن.
مۇشە ۋاڭ جياڭ مىنانى ۇسىنىس ەتتى: اۆتونوميالى رايوندىق پارتكومنىڭ شەشىمدەرىن، ورنالاستىرۋلارىن مىقتاپ ارقاۋ ەتىپ، ورنىقتىلىقتى قورعاۋ، ەكونوميكالىق دامۋ، يدەولوگيا، ەكولوگيالىق ورتانى قورعاۋ، حالىق تۇرمىسى سياقتى ءتۇيىندى سالالارداعى زاڭ شىعارۋدى، سونداي - اق قاتىستى زاڭمەن جونگە سالۋدى قامتاماسىز ەتۋدى ونان ارى كورنەكتىلەندىرىپ، شينجياڭدى جاپپاي زاڭمەن جونگە سالۋدى ىلگەرىلەتۋگە تىرەك ازىرلەۋ كەرەك.
مۇشە گاۋ فاشۇي مىنانى ۇسىنىس ەتتى: سالاماتتى شينجياڭ قۇرىلىسىن بار كۇشپەن ىلگەرىلەتىپ، ولقىلىقتاردى جەدەل تولىقتاپ، ءالسىز تۇستاردى كۇشەيتىپ، ساڭلاۋلاردى بىتەپ، كەمەلدى الەۋمەتتىك دەنساۋلىق ساقتاۋ جۇيەسىن ورناتىپ، ەلەۋلى توسىن تۋىلعان الەۋمەتتىك دەنساۋلىق ساقتاۋ وقيعالارىنا توتەپ بەرۋ قابىلەتىن جوعارىلاتۋ كەرەك.
مۇشە ەرمۇحامەت راشي سوزىندە بىلاي دەدى: ساياسي كەڭەس مۇشەسى رەتىندە، ساياسي يگەرۋ قابىلەتىن، تەكسەرۋ - زەرتتەۋ قابىلەتىن، سەلبەسىپ بىرگە ىستەۋ قابىلەتىن، بۇقارامەن بايلانىس ورناتۋ قابىلەتىن كۇش سالا جوعارىلاتىپ، ءداۋىردىڭ ماڭىزدى تاپسىرماسىن، مۇشەلەردىڭ بورىشىن ورىنداۋىمىز كەرەك.
اۆتونوميالى رايون باسشىلارىنان ەركىن تۇنياز، تيان ۋىن، لي يفي، سارقىت اقان، ياڭ شين، جاڭ چۇنلين، پىڭ جيارۇي، جاروللا يسامدين، جاۋ چۇڭجيۋ، جاۋ چيڭ، ماڭلىك سەيىت، قادىلبەك قامزا، سۇن حۇڭمەي جيىنعا قاتىناسىپ سوزدەردى تىڭدادى.
