انار بۇلت/شينجياڭ گازەتىنىڭ ءتىلشىسى لي ياڭ 2 - ايدىڭ 3 - كۇنى ۇرىمجىدەن حابارلايدى. 2 - ايدىڭ 3 - كۇنى تۇستەن كەيىن اۆتونوميالى رايوندىق ساياسي كەڭەستىڭ ءتوراعاسى نۇرلان ءابىلماجىن اۆتونوميالى رايوندىق ساياسي كەڭەس 12 - كەزەكتى كوميتەتى 15 - رەتكى تۇراقتى كوميتەت ءماجىلىسىنىڭ ەكىنشى جالپى جيىنىن باسقارىپ اشتى.
جيىن داۋىسقا سالۋ ارقىلى اۆتونوميالى رايوندىق ساياسي كەڭەس 12 - كەزەكتى كوميتەتى 4 - ءماجىلىسىنىڭ سايلاۋ ءادىسىن (جوبا) ماقۇلدادى، كانديداتتار ەسىمدىگىن (جوبا) ماقۇلدادى، باس بەلەت باقىلاۋشىنىڭ، بەلەت باقىلاۋشىلاردىڭ ەسىمدىگىن (جوبا) ماقۇلدادى؛ جيىن اۆتونوميالى رايوندىق ساياسي كەڭەس 12 - كەزەكتى كوميتەتى 4 - ءماجىلىسىنىڭ تۇراقتى كوميتەتىنىڭ قىزمەت بايانداماسى جونىندەگى قاۋلىسىن (جوبا)، اۆتونوميالى رايوندىق ساياسي كەڭەس 12 - كەزەكتى كوميتەتى 4 - ءماجىلىسىنىڭ ۇسىنىس جوبالاردى تەكسەرۋ احۋالى جونىندەگى بايانداماسىن (جوبا)، اۆتونوميالى رايوندىق ساياسي كەڭەس 12 - كەزەكتى كوميتەتى 4 - ءماجىلىسىنىڭ ساياسي قاۋلىسىن (جوبا) قاراپ ماقۇلدادى. جوعارىدا اتالعان حۇجات جوبالارىن اۆتونوميالى رايوندىق ساياسي كەڭەس 12 - كەزەكتى كوميتەتى 4 - ءماجىلىسىنىڭ جابىلۋ جيىنىندا قاراۋعا تاپسىرۋدى ۇيعاردى.
اۆتونوميالى رايوندىق ساياسي كەڭەستىڭ ورىنباسار ءتوراعالارى چىڭ جىنشان، ءجۇرات يمىن، ماعاۋ سەيىتقامزا، ورىنباسار ءتوراعا، قوسىمشا باس حاتشى جاڭ بو، ورىنباسار ءتوراعالار ءمۇتالىپ وبۇل، دوۋ ۋانگۇي، چيۋ شۋحۋا، ياڭ يۇڭ، يىلحام سابىر، ما شيۇڭچىڭ جيىنعا قاتىناستى.
جيىننان ىلگەرى اۆتونوميالى رايوندىق ساياسي كەڭەس ءتوراعالار جيىنىن اشىپ، اۆتونوميالى رايوندىق ساياسي كەڭەس 12 - كەزەكتى كوميتەتى 4 - ءماجىلىسىنىڭ گرۋپپالار تالقىسىنىڭ جاعدايى جونىندەگى جالپىلىق مالىمەتتى تىڭدادى، وسى رەتكى تۇراقتى كوميتەت ءماجىلىسىنىڭ قاراۋىنا ۇسىنىلعان قاتىستى حۇجات جوبالارىن قارادى.
