□ انار بۇلت/ شينجياڭ گازەتىنىڭ ءتىلشىسى لي لي
”شات - شادىمان دۋمانمەن مەرەيلى مەرەكە وتكىزەيىك، شام ءىلىپ، گۇلدى تورعىندارمەن اشەكەيلەپ كوكتەمدى قارسى الايىق“، ”شار تاراپتان كوكتەم لەبى ەسىپ، تاۋ - وزەن شۋاققا شومدى“... 2 - ايدىڭ 1 - كۇنى تۇستەن كەيىن جۇڭگو حاتكەرلەر قوعامىنىڭ مۇشەسى، شينجياڭ حاتكەرلەر قوعامى وقۋ - اعارتۋ كوميتەتىنىڭ ورىنباسار مەڭگەرۋشىسى سۇي فىڭچۇن قولىنا قالام الىپ كوركەم جازۋلار جازدى، تاماشا ماعىنالى بوساعالىقتار، ءتۇرلى فورماداعى ”福“ ارىپتەرى ادامداردىڭ كوز الدىنا تارتىلدى.
سول كۇنى ءۇرىمجى ەكونوميكالىق - تەحنيكالىق اشۋ رايونى (توۋتۇنحى رايونى) جۇڭيا سولتۇستىك جولى اۋماعى باسقارۋ كوميتەتى كىجييۋان الەۋمەتتىك اۋماعى ”كوركەم جازۋمەن بوساعالىق جازىپ، كوكتەم مەرەكەسىن قارسى الايىق“ قيمىلىن ۇيىمداستىرىپ ورىستەتىپ، حاتكەرلەردى تۇرعىندارعا بوساعالىق جانە ”福“ ءارىبىن جازۋعا ۇسىنىس ەتىپ، كوكتەم مەرەكەسىن شات مەرەيمەن قارسى الدى.
كىشكەنتاي دوستاردىڭ كەيبىرەۋى بار زەيىنىمەن حاتكەرلەردىڭ حۇسنيحات جازعانىنا قاراپ تۇردى، كەيبىرەۋى بوساعالىق قاعازدى ەپپەن كوتەرىپ كومەكتەسىپ ءجۇر، كەيبىرەۋى سياسى كەپپەگەن بوساعالىقتاردى، ”福“ ارىپتەرىن ەدەنگە قويىپ قۇرعاتتى، بوساعالىقتاعى جازۋلاردى كۇبىرلەپ وقىپ ءجۇر، سونداي - اق تەبىرەنە: ”شىركىن، نەدەگەن ادەمى جازۋلار!“ دەستى. بوساعالىقتار مەن ”福“ ارىپتەرىن جازىپ بولعان سوڭ، شاعىن حۇسنيحات ساباعى باستالدى. ”ەندى كىم سىناپ كورەدى؟“، ”مەن! مەن!...“ سۇي فىڭچۇن بالالاردىڭ قولىنان ۇستاپ، ولارعا ارىپتەردى سىزىق تارتىبىمەن جازۋدى ۇيرەتىپ، ءجۇن قالاممەن جازۋ جازۋدىڭ قالاي بولاتىندىعىن كورسەتتى.
سودان سوڭ بالالار ءوز - ءوز الدىنا جاتتىعا باستادى. 8 جاستاعى مۇحاممەت مۇرات ءجۇن قالامدى قولىنا تۇڭعىش رەت ۇستاپ وتىر، ”مۇعالىم ءارى تەز، ءارى ادەمى جازادى، ال مەن جازسام نەگە قىڭىر - قيسىق كەتەدى؟“.
10 جاستاعى پان سىحان 2 جىلدىڭ الدىندا - اق ناعاشى اتاسىنان حۇسنيحات ۇيرەنە باستاعان بولاتىن، ول ءوزىنىڭ اتىن ءبىر پاراق قىزىل قاعازعا جازدى، جازۋى رەتتى ءارى ادەمى بولىپ، ماڭىنداعى بالالاردىڭ جاپا - تارماعاي ماقتاۋىنا يە بولدى.
”جازۋعا جاتتىققاندا بايىپتى بولۋ كەرەك“. پان سىحان جانە مۇحاممەت قاتارلى سەرىكتەر ۇيرەنۋ اسەرلەرىن ءبولىسىپ جاتتى، ”حۇسنيحاتقا جاتتىعۋ مىنەز - قۇلقىمدى جەتىلدىرۋمەن بىرگە، سابىرلىلىعىم مەن ەرىك - جىگەرىمدى دە شىڭدادى“.
”جۋانشۋ ۇلگىسى، ليشۋ ۇلگىسى، كايشۋ ۇلگىسى، شيڭشۋ ۇلگىسى، ساۋشۋ ۇلگىسى... حۇسنيحات جۇڭحۋانىڭ تاڭداۋلى ءداستۇرلى مادەنيەتىندە كەم بولسا بولمايتىن ءبىر بولىگى، ول نەشە مىڭ جىلدىق جۇڭحۋا وركەنيەتىمەن ساباقتاسىپ جاتىر“. سۇي فىڭچۇن بىلاي دەدى: حۇسنيحات ۇيرەنگەن كەزدە قول، كوز، مي سايكەسۋ، زەيىن - زەردەنى بارىنشا شوعىرلاندىرۋ قاجەت، بالالاردىڭ ءوسىپ - جەتىلۋىنە زور كومەگى بار، تاعى بالالاردىڭ كوركەمونەرلىك قاسيەتى، ەستەتيكالىق قابىلەتى سياقتىلاردى جەتىلدىرۋگە بولادى.
ءار جىلعى كوكتەم مەرەكەسى قارساڭى سۇي فىڭچۇننىڭ ەڭ قاربالاس بولاتىن كەزى، كوپتەگەن ورىندار ونى بوساعالىق جازۋعا ۇسىنىس ەتەدى. ”ءار جىلى كوكتەم مەرەكەسىنە قاراعان تۇنگە دەيىن جازامىن“، - دەدى سۇي فىڭچۇن كۇلىمسىرەپ، الدىڭعى ءبىر مەزگىلدە ول شينجياڭ حاتكەرلەر قوعامى ۇيىمداستىرعان قيمىلعا قاتىناسىپ، وڭتۇستىك شينجياڭعا بارىپ قىستاق تۇرعىندارىنا بوساعالىق جازىپ بەرىپتى، ”ءار رەت اۋىل - قىستاقتارعا، الەۋمەتتىك اۋماقتارعا بارعان سايىن، ءار ۇلت بۇقاراسىنىڭ حاتكەرلىكتى ۇناتاتىندىعىن سەزەمىن. بۇل دا بولسا ءبىز حاتكەرلەردىڭ شينجياڭدى مادەنيەتپەن نارلەندىرۋگە قوسقان ازعانتاي ۇلەسىمىز“.
”كوكتەم مەرەكەسىندە قانداي ادەت - عۇرىپتار بار؟“، ”جاڭا جىلعا قاراعان ءتۇن تاماعىن جەۋ، بوساعالىق جاپسىرۋ، تەرەزەلىك گۇل جاپسىرۋ، تۇمشالامالى شام ءىلۋ، مەرەكەلىك زاتتار دايىنداۋ...“ حۇسنيحات جازۋعا جاتتىعۋ اياقتاعان سوڭ، الەۋمەتتىك اۋماق قىزمەتكەرلەرى بالالارعا كوكتەم مەرەكەسى مادەنيەتىنە، كوكتەم مەرەكەسىندەگى ادەت - عۇرىپتارعا قاتىستى بىلىمدەردى ءتۇسىندىردى.
”الەۋمەتتىك اۋماق بۇقاراعا قىزمەت وتەيتىن ’نەگىزگى بولەك‘، ’نەرۆ ۇشى‘ رەتىندە، شينجياڭدى مادەنيەتپەن نارلەندىرۋ ينجەنەرياسىندا ۇلكەن ءىس تىندىرادى. الەۋمەتتىك اۋماعىمىز پارتيا مۇشەلەرىنە، بۇقاراعا قىزمەت وتەۋ ورتالىعى، VR توڭكەرىستىك تاربيە بازاسى، جاستار مەن وسپىرىمدەر قيمىل ورتالىعى، كىتاپ وقۋ ءۇيى، كوركەم جازۋ جانە سۋرەت سالۋ ءۇيى سياقتى تۇعىرلاردان پايدالانىپ، ءار ۇلت تۇرعىندارعا اناعۇرلىم كوپ، اناعۇرلىم جاقسى مادەنيەت قىزمەت وتەۋىن ازىرلەدى“، - دەدى كىجييۋان الەۋمەتتىك اۋماعى پارتيا باس ياچەيكاسىنىڭ شۋجيى تان چيۇڭ.
