تيانشان تورى   ›   جاڭالىقتار   ›   سۋرەتتى حابار

اۆتونوميالى رايوندىق 13 - كەزەكتى حالىق قۇرىلتايى 4 - ءماجىلىسى ەكىنشى رەتكى جالپى جيىنىن وتكىزدى

چىن چۋانگو، شوكىرات زاكىر، نۇرلان ءابىلماجىن، ۋاڭ جۇنجىڭ قاتىناستى

شاۋكەت يمىن اۆتونوميالى رايوندىق حالىق قۇرىلتايى تۇراقتى كوميتەتىنىڭ قىزمەتىنەن بايانداما جاسادى

اۆتونوميالى رايوندىق جوعارى حالىق سوتى مەكەمەسىنىڭ جانە اۆتونوميالى رايوندىق حالىق پروكۋراتۋراسىنىڭ قىزمەتىنەن باياندامانى تىڭدادى جانە قارادى، اۆتونوميالى رايوننىڭ ۇلتتار ىنتىماعى، العاباسارلىعىنداعى ۇلگىلى رايون قۇرۋ ەرەجەسى جوباسى جونىندەگى تۇسىنىكتى تىڭدادى

  انار بۇلت/شينجياڭ گازەتىنىڭ تىلشىلەرى ياۋ تۇڭ، ۋاڭ شيڭرۇي، يۋان لەي 2 - ايدىڭ 3 - كۇنى ۇرىمجىدەن حابارلايدى. 2 - ايدىڭ 3 - كۇنى تۇستەن بۇرىن اۆتونوميالى رايوندىق 13 - كەزەكتى حالىق قۇرىلتايى 4 - ءماجىلىسى ەكىنشى رەتكى جالپى جيىنىن وتكىزىپ، اۆتونوميالى رايوندىق حالىق قۇرىلتايى تۇراقتى كوميتەتىنىڭ قىزمەتىنەن باياندامانى، اۆتونوميالى رايوندىق جوعارى حالىق سوتى مەكەمەسىنىڭ قىزمەتىنەن باياندامانى، اۆتونوميالى رايوندىق حالىق پروكۋراتۋراسىنىڭ قىزمەتىنەن باياندامانى تىڭدادى جانە قارادى، اۆتونوميالى رايوننىڭ ۇلتتار ىنتىماعى، العاباسارلىعىنداعى ۇلگىلى رايون قۇرۋ ەرەجەسى جوباسى جونىندەگى تۇسىنىكتى تىڭدادى.

  چىن چۋانگو، شوكىرات زاكىر، شاۋكەت يمىن، نۇرلان ءابىلماجىن، ۋاڭ جۇنجىڭ، شۇي حايرۇڭ، ەركىن تۇنياز، تيان ۋىن، لي يفي، سارقىت اقان، ياڭ شين، جاڭ چۇنلين، ۋاڭ ميڭشان قاتارلىلار جيىنعا قاتىناستى.

  ءماجىلىس ءتوراعالار القاسىنىڭ تۇراقتى ءتوراعاسى، اتقارۋشى ءتوراعاسى جۋ حايلۇن جيىندى باسقاردى. ءماجىلىستىڭ اتقارۋشى ءتوراعالارى ءتوراعالار مىنبەسىنىڭ الدىڭعى قاتارىنان ورىن الدى.

  جيىنعا قاتىناسۋعا ءتيىستى ۋاكىل 536 ادام، قاتىناسقانى 471 ادام، قاتىناسقان ادام سانى زاڭدا بەلگىلەنگەن ادام سانىنا ۇيلەسەدى.

  اۆتونوميالى رايوندىق حالىق قۇرىلتايى تۇراقتى كوميتەتىنىڭ تاپسىرۋىمەن، اۆتونوميالى رايوندىق حالىق قۇرىلتايى تۇراقتى كوميتەتىنىڭ مەڭگەرۋشىسى شاۋكەت يمىن جالپى جيىندا قىزمەتتەن بايانداما جاسادى. ول بىلاي دەدى: وتكەن ءبىر جىلدا اۆتونوميالى رايوندىق حالىق قۇرىلتايى تۇراقتى كوميتەتى زاڭ بويىنشا مىندەت اتقارىپ، بەلسەندىلىكپەن ىسكەرلىك كورسەتىپ، اۆتونوميالى رايوننىڭ 8 زاڭ ەرەجەسىن جاساپ، وزگەرىس ەنگىزىپ، 3 قاۋلى قارار شىعارىپ، رايون قۇرعان قالانىڭ، اۆتونوميالى وبلىستىڭ، اۆتونوميالى اۋداننىڭ 20 زاڭ ەرەجەسىن تەكسەرىپ بەكىتىپ، 18 قىزمەت بايانداماسىن تىڭداپ قاراپ، 8 رەت زاڭ اتقارۋدى تەكسەرۋ، 3 رەت ارناۋلى تاقىرىپتىق اقىل - كەڭەس الۋ، 16 رەت ارناۋلى تاقىرىپتىق تەكسەرۋ - زەرتتەۋ ورىستەتىپ، مەملەكەت ورگاندارى قىزمەتكەرلەرىنەن 542 ادامدى - رەت زاڭ بويىنشا مىندەتكە تاعايىنداپ، مىندەتىنەن قالدىرىپ، اۆتونوميالى رايوننىڭ ورنىقتىلىعىنا، دامۋىنا قىزمەت وتەۋ بارىسىندا تىڭ ناتيجەلەرگە قول جەتكىزدى. بيىل جۇڭگو كوممۋنيستىك پارتياسى قۇرىلعاندىعىنىڭ 100 جىلدىعى، ”14 - بەسجىلدىق“ باستالعان جىل، جاپپاي سوتسياليستىك وسىزاماندانعان مەملەكەت قۇرۋدىڭ جاڭا ساپارى باستالاتىن جىل. تۇراقتى كوميتەت شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، پارتيا 19 - قۇرىلتايىنىڭ جانە 19 - كەزەكتى ورتالىق كوميتەتى ەكىنشى، ءۇشىنشى، ءتورتىنشى، بەسىنشى جالپى ماجىلىستەرىنىڭ رۋحىن ىشكەرىلەي دايەكتىلەندىرىپ، تياناقتاندىرىپ، شي جينپيڭنىڭ زاڭمەن جونگە سالۋ يدەياسىن، باس شۋجي شي جينپيڭنىڭ حالىق قۇرىلتايى تۇزىمىنە تاباندى بولۋ جانە ونى كەمەلدەندىرۋ جونىندەگى ماڭىزدى يدەياسىن دايەكتىلەندىرىپ، تياناقتاندىرىپ، 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىن دايەكتىلەندىرىپ، تياناقتاندىرىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ءدال دايەكتىلەندىرىپ، قوعام ورنىقتىلىعى مەن باياندى تىنىشتىق باس نىساناسىن مىقتى يگەرىپ، شينجياڭدى زاڭمەن جونگە سالۋعا، شينجياڭدى ىنتىماقتاسا ورنىقتىرۋعا، شينجياڭدى مادەنيەتپەن نارلەندىرۋگە، حالىقتى بايىتىپ، شينجياڭدى گۇلدەندىرۋگە، شينجياڭدى باياندى كوركەيتۋگە تاباندى بولىپ، اۆتونوميالى رايوندىق 9 - كەزەكتى پارتكومنىڭ ونىنشى، ون ءبىرىنشى جالپى ماجىلىستەرىنىڭ جانە اۆتونوميالى رايوندىق پارتكومنىڭ شينجياڭدى جاپپاي زاڭمەن جونگە سالۋ قىزمەتى ءماجىلىسىنىڭ، اۆتونوميالى رايوندىق پارتكومنىڭ حالىق قۇرىلتايى قىزمەتى ءماجىلىسىنىڭ ورنالاستىرۋلارى بويىنشا پارتيا باسشىلىعىنىڭ، حالىقتىڭ قوجايىن بولۋىنىڭ جانە مەملەكەتتى زاڭمەن جونگە سالۋدىڭ ورگانيكالى بىرلىگىنە تاباندى بولىپ، جاڭا دامۋ كەزەڭىن يگەرۋدى، جاڭا دامۋ ۇستانىمىن دايەكتىلەندىرۋدى، جاڭا دامۋ ارناسىن قالىپتاستىرۋدى توڭىرەكتەي وتىرىپ ”14 - بەسجىلدىق“ جوبا نىسانالارىمەن، مىندەتتەرىمەن تىعىز بايلانىستىرىپ، جاڭا داۋىردەگى حالىق قۇرىلتايى قىزمەتىنىڭ دەڭگەيىن جالپى بەتتىك جوعارىلاتۋدى كوزدەپ، زاڭ ەرەجە شىعارۋ قىزمەتىنىڭ ساپاسىن جوعارىلاتۋدى، باقىلاۋ قىزمەتىنىڭ ونىمدىلىگىن جوعارىلاتۋدى، ۋاكىلدەر قىزمەتىنىڭ دارەجەسىن جوعارىلاتۋدى، ءوز قۇرىلىسىنىڭ ورەسىن جوعارىلاتۋدى ىلگەرىلەتىپ، ىنتىماقتى، جاراسىمدى، گۇلدەنگەن، باي، وركەنيەتتى، العا باسقان، تىنىش ءومىر، شات - شادىمان تىرشىلىك كەشىرگەن، ەكولوگياسى تاماشا جاڭا داۋىردەگى جۇڭگوشا سوتسياليستىك شينجياڭ قۇرۋدىڭ جاڭا ساپارىندا حالىق قۇرىلتايىنىڭ فۋنكتسيالىق رولىن اناعۇرلىم ويداعىداي ساۋلەلەندىرۋ كەرەك. شاۋكەت يمىن بيىلعى باستى مىندەتتەردى مىناداي 7 جاقتان باياندادى: پارتيانىڭ حالىق قۇرىلتايى قىزمەتىنە جالپى بەتتىك باسشىلىعىنا تاباندى بولۋ؛ جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ءدال دايەكتىلەندىرۋ؛ ءىرى ىستەرمەن، ماڭىزدى ىستەرمەن تىعىز بايلانىستىرىپ جاۋاپكەرشىلىك ارقالاپ ىسكەرلىك كورسەتۋ؛ زاڭ ەرەجە شىعارۋ قىزمەتىنىڭ دەڭگەيىن جوعارىلاتۋ؛ باقىلاۋ قىزمەتىنىڭ دەڭگەيىن جوعارىلاتۋ؛ ۋاكىلدەر قىزمەتىنىڭ دەڭگەيىن جوعارىلاتۋ؛ ءوز قۇرىلىسىنىڭ دەڭگەيىن جوعارىلاتۋ.

  اۆتونوميالى رايوندىق حالىق قۇرىلتايى تۇراقتى كوميتەتىنىڭ تاپسىرۋىمەن اۆتونوميالى رايوندىق حالىق قۇرىلتايى تۇراقتى كوميتەتىنىڭ ورىنباسار مەڭگەرۋشىسى لي شۋەجۇن اۆتونوميالى رايوننىڭ ۇلتتار ىنتىماعى، العاباسارلىعىنداعى ۇلگىلى رايون قۇرۋ ەرەجەسى جوباسى جونىندە تۇسىنىك جاسادى. تۇسىنىكتە مىنالار اتاپ كورسەتىلدى: اۆتونوميالى رايوننىڭ ۇلتتار ىنتىماعى، العاباسارلىعىنداعى ۇلگىلى رايون قۇرۋ ەرەجەسىن جاساپ، رايونىمىزدىڭ ۇلتتار ىنتىماعى، العاباسارلىعى قىزمەتى جونىندەگى تاجىريبەلەرىن، ادىستەرىن جانە ماڭىزدى جەتىستىكتەرىن جەرگىلىكتى زاڭ ەرەجە ارقىلى بەكەمدەۋ جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ءدال دايەكتىلەندىرۋدە، ۇلتتار ىنتىماعىن كۇشەيتۋدە، قوعام ورنىقتىلىعى مەن باياندى تىنىشتىقتىڭ بۇقارالىق نەگىزىن بەكەمدەۋدە كەلەلى ماڭىز الادى. تۇسىنىكتە ەرەجە جوباسىن جاساۋدىڭ جەتەكشى يدەياسىنا، جازىلۋ بارىسىنا، نەگىزگى ەرەكشەلىكتەرىنە جانە ەرەجە جوباسىنىڭ باستى مازمۇندارىنا ناقتى تانىستىرۋ جاسالدى.

  اۆتونوميالى رايوندىق جوعارى حالىق سوتى مەكەمەسىنىڭ باستىعى باھارگۇل سامەت اۆتونوميالى رايوندىق جوعارى حالىق سوتى مەكەمەسى اتىنان قىزمەت بايانداماسىن جاساعاندا بىلاي دەدى: 2020 - جىلى اۆتونوميالى رايوندىق جوعارى حالىق سوتى مەكەمەسى شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، شي جينپيڭنىڭ زاڭمەن جونگە سالۋ يدەياسىن مۇقيات ۇيرەنىپ، ءتۇسىنىپ، پارتيانىڭ ساياسي قۇرىلىسىن ءبىر تۇتاس باسشىلىققا الۋعا تاباندى بولىپ، سوتتاۋ، اتقارۋ قىزمەتىن ماڭىزدى جۇمىس، ءتارتىپتى، ستيلدى رەتكە سالۋدى جەتەكشى، ىسىلعان قوسىن تۇلعالاۋدى قامتاماسىزدىق ەتىپ، ىندەتتەن ساقتانۋ - تىزگىندەۋ مەن سوتتاۋ، اتقارۋ قىزمەتىن ءبىر تۇتاس جوسپارلاپ، ادالدىقپەن مىندەت اتقارىپ، بورىشتى ادا ەتىپ، قىزمەتتەردە تىڭ ىلگەرىلەۋشىلىكتەرگە، تىڭ ناتيجەلەرگە قول جەتكىزدى. بيىل بۇكىل رايونداعى سوت مەكەمەلەرى پارتيانىڭ باسشىلىعىنا بۇلجىماي تاباندى بولىپ، ساياسي دەڭگەيدى تاعى دا جوعارىلاتۋ؛ ورنىقتىلىقتى قورعاۋعا بۇلجىماي تاباندى بولىپ، كۇرەس رۋحىن تاعى دا كۇشەيتۋ؛ كەلەلى جاعدايعا قىزمەت وتەۋگە بۇلجىماي تاباندى بولىپ، قامتاماسىز ەتۋ شارالارىنىڭ دارەجەسىن تاعى دا جوعارىلاتۋ؛ حالىق تۇرعىسىنا بۇلجىماي تاباندى بولىپ، حالىق ءۇشىن ىستەۋ شارالارىن تاعى دا جاقسارتۋ؛ رەفورما جاساۋعا، جاڭالىق اشۋعا بۇلجىماي تاباندى بولىپ، ساپانى جوعارىلاتىپ، ونىمدىلىكتى ارتتىرۋدا تاعى دا تىڭ ناتيجەلەرگە قول جەتكىزۋ؛ قوسىندى شىڭداۋعا بۇلجىماي تاباندى بولىپ، قابىلەت ساپاسىن تاعى دا جوعارىلاتۋ، حالىق بۇقاراسىنىڭ ءاربىر ءادىليالىق دەلودان ادىلدىكتى، تۋراشىلدىقتى سەزىنۋىنە مۇمكىندىك جاساپ، قوعام ورنىقتىلىعى مەن باياندى تىنىشتىق باس نىساناسىن جۇزەگە اسىرۋعا پارمەندى دە قۋاتتى ءادىليالىق قامتاماسىزدىق ازىرلەۋ كەرەك.

  اۆتونوميالى رايوندىق حالىق پروكۋراتۋراسىنىڭ باس پروكۋرورى لي يۇڭجۇن اۆتونوميالى رايوندىق حالىق پروكۋراتۋراسى اتىنان قىزمەت بايانداماسىن جاساعاندا بىلاي دەدى: 2020 - جىلى بۇكىل رايونداعى پروكۋراتۋرا ورگاندارى شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، شي جينپيڭنىڭ زاڭمەن جونگە سالۋ يدەياسىن ىشكەرىلەي دايەكتىلەندىرىپ، جاڭا داۋىردەگى ”4 ءىرى پروكۋراتۋرالىق قىزمەتتى“، ”10 ءىرى كاسىپتىك جۇمىستى“ تياناق ەتىپ، پروكۋراتۋرا قىزمەتتەرىندە جاڭا دامۋدى ىلگەرىلەتتى. بيىل بۇكىل رايونداعى پروكۋراتۋرا ورگاندارى پارتيا ورتالىق كوميتەتىنىڭ شەشىمدەرىن، ورنالاستىرۋلارىن پروكۋراتۋرا قىزمەتىنىڭ ءار جاعىندا دايەكتىلەندىرىپ، وزەكتى ارقاۋ ەتىپ، كەلەلى جاعدايعا قىزمەت ەتىپ، حالىق قۇرىلتايىنىڭ جانە ونىڭ تۇراقتى كوميتەتىنىڭ باقىلاۋىن سانالى تۇردە قابىلداپ، ساياسي دەڭگەيدى جوعارىلاتىپ، جاڭا دامۋ كەزەڭىندەگى پروكۋراتۋرا ورگانىنىڭ جاڭا بورىشىن مىقتى يگەرىپ، مىندەت جاۋاپكەرشىلىگىن، بورىشىن ارقالاپ، لاڭكەستىككە قارسى تۇرىپ، ورنىقتىلىقتى قورعاۋدىڭ زاڭمەن جونگە سالىنۋ ارناسىندا ءجۇرىلۋ، ۇدايىلانۋ جاڭا تالاپتارىن مۇقيات تياناقتاندىرىپ، حالىق تۇرعىسىندا بەرىك تۇرىپ، ءار ۇلت بۇقاراسىنىڭ ادىلدىككە، تۋراشىلدىققا دەگەن جاڭا ءۇمىت - تىلەگىن اناعۇرلىم ويداعىداي قاناعاتتاندىرىپ، باقىلاۋ مىندەت جاۋاپكەرشىلىگىن تولىق وتەپ، پروكۋراتۋرا ىستەرىنىڭ جوعارى ساپالى دامۋىنىڭ تىڭ ءورىسىن قۇلشىنا اشىپ، ىسىلعان قوسىن قۇرىپ، جاڭا داۋىردەگى پروكۋراتۋرا قىزمەتكەرلەرىنىڭ ەرلىكپەن العا ۇمتىلاتىن جاڭا كەلبەتىن كورسەتىپ، پروكۋراتۋرا ۇستانىمىندا جاڭالىق اشۋدى، باقىلاۋ مەحانيزمىندە جاڭالىق اشۋدى، ءادىس، تاسىلدە جاڭالىق اشۋدى ىلگەرىلەتىپ، جاڭا داۋىردەگى جۇڭگوشا سوتسياليستىك شينجياڭ قۇرۋ ءۇشىن زاڭدىق باقىلاۋدىڭ جاڭا تاراۋلارىن جازۋ كەرەك.

  جيىن اۆتونوميالى رايوندىق 13 - كەزەكتى حالىق قۇرىلتايى 4 - ءماجىلىسىنىڭ سايلاۋ جانە داۋىسقا سالۋ ءادىسىن داۋىسقا سالىپ ماقۇلدادى.

جاۋاپتى رەداكتور : ريزا حاميت

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.