□ اقسۋ ايماقتىق اكىمشىلىك مەكەمەسىنىڭ ءۋاليى نياز اشىم
تاياۋدا پومپەو امەريكانىڭ مەملەكەت ىستەرى حاتشىسى مىندەتىنەن بوساۋ قارساڭىندا، شىندىقپەن ساناسپاي، بوگدە نيەتپەن ايتىلمىس شينجياڭعا ساياتىن مالىمدەمەسىن جاريالاپ، جۇڭگو ۇكىمەتىنىڭ شينجياڭدى جونگە سالۋ ساياساتىنا ورىنسىز شابۋىل جاساپ جانە قاساقانا كۇيە جاعىپ، جۇڭگونىڭ ىشكى ىسىنە دورەكىلىكپەن كيلىكتى، ونىڭ سۇرقيا كەيىپ - كەسپىرى ايپاراداي اشىلدى. حالىق تىنىش ءومىردى تىلەيدى، جاۋ بىلىقپالىقتى كوزدەيدى. پومپەو ”وتىرىك كوڭىل بولگەنسىپ، ءىس جۇزىندە كيلىگىپ، بۇلدىرۋمەن اينالىسىپ“، شينجياڭ ىستەرىن ءوزىنىڭ جۇڭگونىڭ ىشكى ىسىنە كيلىگۋگە پايدالاناتىن جابدىق ساندىعىنا سالۋعا ۇرىندى، ونىڭ ىستەگەن ءىسى تاريحتىڭ نامىس دىڭگەگىنە شەگەلەنەتىنى داۋسىز!
مەن وڭتۇستىك شينجياڭداعى ءبىر قاراپايىم وتباسىندا دۇنيەگە كەلدىم، الىس - شالعايداعى قىستاقتان قالاعا كەلىپ جوعارى وقۋ - اعارتۋدان ءبىلىم الىپ، داشۋە بىتىرگەن سوڭ اۋىلعا قايتىپ، اۋىلداستارمەن بىرگە پارتيانىڭ تاماشا ساياساتىنىڭ جەتەكشىلىگىندە ەڭبەكشىل قوس قولىمىزبەن اۋىلدىڭ بەت - بەينەسىن وزگەرتىپ، باقىتتى تۇرمىس جاراتتىق. مەن قىزمەت پەن تۇرمىس بارىسىندا شينجياڭداعى ءار ۇلتتىڭ ءوزارا قارايلاسىپ، ەتەنە بايلانىس ورناتىپ، سەن مەن دەسپەي، ءبىر وتباسىنىڭ ادامدارىنداي تاتۋ وتكەنىن كوردىم؛ مەن شينجياڭداعى ءار ۇلتتىڭ تەرەزەسىنىڭ تەڭ، ءدىننىڭ تاتۋ، جاراسىمدى بولعانىن كوردىم؛ مەن شينجياڭداعى ءار ۇلت مەيلى جان سانى كوپ بولسىن، از بولسىن، دامۋ دەڭگەيى جوعارى بولسىن، تومەن بولسىن، بارلىعى دا تەڭ ورىنعا يە ەكەنىن، مەملەكەت ىستەرىن باسقارۋعا ارالاسۋ، ءوز ۇلتىنىڭ ءتىل - جازۋىن قولدانۋ، ءوز ۇلتىنىڭ ءداستۇرلى مادەنيەتىنە مۇراگەرلىك ەتۋ سياقتى ءتۇرلى ۇقىقتاردان زاڭ بويىنشا يگىلىكتەنگەنىن كوردىم. پارتيانىڭ شۇلەن شۇعىلاسىنا شومىلىپ، وتاننىڭ قامقورلىعىن سەزىنگەن مەن ماڭگى پارتياعا ىلەسىپ، سەنىمى بەرىك كوممۋنيست بولۋعا بەكىندىم. وڭتۇستىك شينجياڭدا مەن سياقتى پارتيا باۋلىپ جەتىلدىرگەن كوپتەگەن كادرلار پارتيانىڭ اياق الىسىنا تىعىز ىلەسىپ، بار ىنتا - پەيىلىمەن ءار ۇلت حالقىنا قىزمەت وتەپ، جاڭا داۋىردەگى جۇڭگوشا سوتسياليستىك شينجياڭ قۇرۋ ءۇشىن قۇلشىنا كۇرەس جاساۋدا.
وڭتۇستىك شينجياڭداعى ءار ۇلت حالقىن باقىتتى تۇرمىس كەشىرتۋ ءۇشىن، پارتيا مەن مەملەكەت سۋدى ۇنەمدەپ تامشىلاتىپ سۋارۋ، توپىراقتى تەكسەرىپ تىڭايتقىش بەرۋ، ءدال ولشەم بويىنشا تۇقىم سەبۋ، ۇشقىش اپپاراتى ارقىلى ءدارى شاشۋ، كۇن نۇرى جىلىجايى سياقتى ەل ىشىندەگى ەڭ وزىق اۋىل شارۋاشىلىعى ەگىمشىلىك تەحنيكاسىن جالپىلاستىرىپ، وسى زامانعى اۋىل شارۋاشىلىعىنىڭ دامۋ ورەسى ۇزدىكسىز جوعارىلادى؛ اۋىل - قىستاق تۇرعىندارىنىڭ بۇرىنعى ”توپىراق كەرپىش ءۇيى“، ”شارباق تامى“ الدەقاشان تاريحقا اينالىپ، تۇگەلدەي سىلكىنىسكە ءتوزىمدى ولشەمگە ۇيلەسەتىن جوعارى ساپالى بەيقۇت ۇيگە كوشىپ كىردى؛ تابيعي گاز قالا، اۋىل تۇرعىندارىنىڭ وتباسىلارىنا جەتكىزىلىپ، تازا ەنەرگيادان پايدالانۋ وسى زامانعى اۋىل - قىستاقتىڭ جاڭا ولشەمىنە اينالدى؛ شينجياڭ ءىشى - سىرتىن تۇتاستىرعان تاس جول، تەمىر جول، اۆياتسيا قاتىناس - تاسىمال تورىن قالىپتاستىرىپ، جەڭىل اۆتوكولىك قاراپايىم بۇقارانىڭ وتباسىنا دەيىن جەتتى؛ وڭتۇستىك شينجياڭدا مەكتەپكە دەيىنگى 3 جىلدىق تاربيەمەن، 12 جىلدىق نەگىزگى وقۋ - اعارتۋمەن تۇتاس قامتۋ جۇزەگە اسىرىلدى ءارى داشۋە وقۋشىلارى ءۇشىن وقۋ كومەك قاراجاتى جانە شينجياڭعا كومەكتەسۋ وقۋ كومەك قاراجاتى بەلگىلەندى... 2019 - جىلدىڭ سوڭىندا اقسۋ ايماعى تۇتاستاي كەدەيلىكتەن ارىلىپ، دوڭگەلەك داۋلەتكە قادام تاستادى. بۇگىنگى شينجياڭعا كوز جىبەرسەڭىز، قوعام ورنىقتى، تىنىش، ەكونوميكا كوركەيىپ - گۇلدەنگەن، مادەنيەت جالعاستىرىلعان، كوركەيگەن، ۇلتتار ىنتىماقتى، جاراسىمدى، ءدىني سەنىم ەركىندىگى قامتاماسىز ەتىلگەن، ءار ۇلت حالقى تىنىش ءومىر، شات - شادىمان تىرشىلىك كەشىرۋدە. ءبىز بۇگىنگى وڭاي - وسپاق قولعا كەلمەگەن اسا تاماشا جاعدايدى بارىنشا قاستەرلەپ، پارتيا مەن مەملەكەتكە شىن جۇرەگىمىزبەن العىس ايتامىز!
تاڭ ءداۋىرىنىڭ اقىنى مىڭ جياۋدىڭ ولەڭىندە بىلاي دەپ جازىلعان: ”بۇزىق ادام جارامساق كەلەدى، ادىلەتسىز، تەرىس جولمەن ءجۇرىپ، ەپتەپ - سەپتەپ پايدا تابۋمەن اينالىسادى“. پومپەو مىنە وسىنداي ”جارامساق“ جان، ونىڭ ”ادىلەتسىزدىگىن“ شينجياڭداعى ءار ۇلت حالقى انىق كورىپ وتىر، ونىڭ قۋلىق - سۇمدىعىن جۇزەگە اسىرۋعا استە جول بەرمەيمىز، جالا جابۋ مەن وسەك - اياڭ ءبىزدىڭ العا باسۋ قادامىمىزعا توسقاۋىل بولا المايدى. تايىنشا تۋلاپ ىڭىرشاق شاقپايدى. پومپەونىڭ پالە تۋدىرۋ ارقىلى جۇڭحۋا ۇلتىنىڭ ەڭسە كوتەرۋىنە توسقاۋىل بولۋعا ۇرىنعان ارەكەتى ءالىن بىلمەي الەك بولعاندىق؛ وسەك - اياڭ تاراتىپ، جالا جابۋ ارقىلى شينجياڭنىڭ ىنتىماقتى، ورنىقتى، دامىعان اسا تاماشا جاعدايىن ءبۇلدىرۋ قيالى كۇيىنە قاراماي كۇپىنگەندىك، ءسوز جوق، تاريحتىڭ تەرگەۋى مەن سوتىنا تارتىلادى، ءسوز جوق، ادىلەت جاعىنان تاريحتىڭ قوقسىق ۇيىندىسىنە سىپىرىلىپ تاستالادى!
