انار بۇلت/ شينجياڭ گازەتىنىڭ قىزىلسۋ وبلىسىنداعى تىلشىلەر پۋنكتىنەن جاي رۋزىڭ
1 - ايدىڭ 28 - كۇنى اتۇش قالاسى ازاق اۋىلىنىڭ بۇيامەت قىستاعىنا بارعانىمىزدا جولداردىڭ رەتتى، قىستاق كەلبەتىنىڭ تازا دا جيناقى ەكەندىگىن كوردىك. قىستاق تۇرعىندار كوميتەتىنىڭ الدىندا قىستاق تۇرعىنى تىلشىگە: ”قىستاقتا ’جۇڭ‘ دەگەن شۋجي بار، حىناندىق، ءىس تىندىرىپ، ناتيجە شىعارۋدا توتەنشە ’كەرەمەت‘!“، - دەدى.
بۇيامەت قىستاعىنداعى جۇمىرتقالايتىن تاۋىق باعىمشىلىق سەلبەستىك كووپەراتيۆىندە قىستاق تۇرعىندارى ايتىپ جۇرگەن ”جۇڭ“ شۋجيگە − قىستاق پارتيا ياچەيكاسىنىڭ شۋجيى حان يگە كەزدەستىك. ول كۇلىمسىرەي: ”حىناندىقتار ’جۇڭ‘ دەپ سويلەۋدى جاقسى كورەدى، كوپشىلىكتىڭ بۇلاي دەپ شاقىرۋى مەنى قۇپتاعانى“، - دەپ ءتۇسىندىردى.
جاڭا جىلدىڭ جاڭا ساپارىندا قايتكەندە قىستاق تۇرعىندارىنىڭ بايۋ جولىن بارعان سايىن كەڭەيتە ءتۇسىپ، بۇيامەت قىستاعىن اناعۇرلىم جوعارى ساتىعا كوتەرۋگە بولاتىندىعى جونىندە حان يدىڭ كوڭىلىندە سان بار.
”قازىر قىستاقتىڭ باعىمشىلىق سەلبەستىك كووپەراتيۆى ارناعا ءتۇسىپ، جۇمىرتقالايتىن تاۋىقتار كۇنىنە 20 مىڭ جۇمىرتقا تۋادى. الدا كولەمدەندىرىپ، كاسىپ تىزبەگىن جانداندىرىپ، كاسىپ سالاسىنىڭ دەم بەرۋ رولىن مۇمكىندىگىنشە ساۋلەلەندىرەمىز“، - دەدى حان ي سەنىممەن.
موناع ءجۇزىمى، ءانجۇر وندىرىلەتىن نەگىزگى ءوڭىر بولعان اتۇش قالاسىنىڭ ورگانيكالىق تىڭايتقىشقا سۇرانىسى توتەنشە زور، جۇمىرتقالايتىن تاۋىق باعىمشىلىق سەلبەستىك كووپەراتيۆىنەن شىققان تاۋىق ساڭعىرىعىنان ويداعىداي پايدالانىپ، ورگانيكالىق تىڭايتقىش ءوندىرۋ، مانەرلەۋ بازاسىن قۇرساق قايتپەك؟
جۇمىرتقالايتىن تاۋىق باعىمشىلىق سەلبەستىك كووپەراتيۆىنە سۇيەنىپ بۇيامەت قىستاعى ورگانيكالىق تىڭايتقىش مانەرلەۋ زاۆودىن قۇرىپ، جىلىنا 2000 توننا ورگانيكالىق تىڭايتقىش مانەرلەپ، قىستاق تۇرعىندار كوميتەتى 100 مىڭ يۋان پايدا ءبولىسىن الىپ، كاسىپ تىزبەگىن ءساتتى ۇزارتتى. حان ي جۇمىرتقالايتىن تاۋىق باعىمشىلىق سەلبەستىك كووپەراتيۆىندەگى قاتاردان قالعان جۇمىرتقالايتىن تاۋىقتاردى سيلاۋ تاسىلىمەن تاباندىلىقپەن، ىنتالىلىقپەن ىستەيتىن ەگىنشىلەردىڭ باعۋىنا ۇلەستىرىپ بەردى.
جۇمىرتقالايتىن تاۋىق باعىمشىلىق سەلبەستىك كووپەراتيۆىنىڭ جاۋاپتىسى ياڭ فۋحۋا: ”تاۋىق باعىمشىلىعىنان تۋىندايتىن قورشاعان ورتانى قورعاۋ ماسەلەسىن قالاي شەشۋدى ويلاستىرىپ كەلگەن بولاتىنبىز، قازىر تاۋىق ساڭعىرىعىن اسىلعا اينالدىرىپ، ماڭىزدى كاسىپ سالاسى ەتىپ وتىرمىز“، - دەدى.
بۇيامەت قىستاعى كيىم - كەشەك تىگۋ زاۆودىن دا قۇرىپ، كيىم - كەشەك، توسەك بۇيىمدارىن تىگۋ كاسىپورنىنان ۇشەۋىن ەنگىزىپ، جەرگىلىكتى ورىنداعى 200 نەشە ادامدى جۇمىسقا قابىلدادى.
كاسىپ سالاسىنىڭ ساپاسىن ءوسىرىپ، ءونىم مولشەرىن ارتتىرۋ جاعىنا كۇش سالۋدان سىرت، حان ي مەن قىستاق كادرلارى ساقتالىمدى اشۋ جاعىنا دا كۇش سالدى. ”قىستاقتاعى موناع ءجۇزىمى ەگىمشىلىك باقشاسىنىڭ اۋدانى 4500 مۋ، كولەمدەنگەن توڭازىتقىش قويمادان التاۋى بار. الدا ءبىز ءجۇزىمدى توڭىرەكتەي وتىرىپ، ءىس تىندىرماقشىمىز“، - دەدى حان ي.
2020 - جىلى بۇيامەت قىستاعى 4 جۇلدىزدى شارۋالار شاتتىعى ەركە سامال باقشاسىن قۇرىپ، اتۇش قالاسى تۇرعىندارىنىڭ سەيىل - سەرۋەن قۇراتىن ”ارتقى گۇلباعىن“ كۇش سالا قالىپتاستىردى. بيىل قىستاق ”ەكى كوميتەتى“ ءجۇزىم ەگىمشىلىك كولەمى زور، ساپاسى جاقسى بىرنەشە ەگىنشى وتباسىن ءۇزۋ باعىن دامىتۋعا جۇمىلدىرىپ، ەركە سامال باقشاسىنىڭ سايران سالۋ نىسانىن بايىتۋمەن بىرگە، ءجۇزىم ەگىمشىلىگىمەن شۇعىلداناتىن وتباسىلاردىڭ كىرىسىن ارتتىرماقشى.
حان ي: ”جوبا بويىنشا ءبىر - بىرلەپ ىستەيمىز، بۇيامەت قىستاعىن ءتىپتى دە كوركەم ەتىپ قۇرىپ شىعۋعا سەنىمىمىز بار!“، - دەدى.
