جاڭا ايبىندى نىساناعا قاراي ارشىنداي العا تارتايىق!"> تيانشان تورى
تيانشان تورى   ›   ۇيرەنۋ   ›   شولۋ

جاڭا ايبىندى نىساناعا قاراي ارشىنداي العا تارتايىق!

− اۆتونوميالى رايوندىق ەكى ءماجىلىستىڭ جەڭىسپەن جابىلعاندىعىن قىزۋ قۇتتىقتايمىز

«شينجياڭ گازەتى» باسماقالاسى

  الۋان گۇلدەر بۇرشىكتەپ، كۇتىپ تۇر كوكتەم جاڭبىرىن. بارلىق ۋاكىلدەردىڭ، مۇشەلەردىڭ ورتاق قۇلشىنۋىندا، اۆتونوميالى رايوندىق 13 - كەزەكتى حالىق قۇرىلتايىنىڭ 4 - ءماجىلىسى مەن اۆتونوميالى رايوندىق ساياسي كەڭەس 12 - كەزەكتى كوميتەتىنىڭ 4 - ءماجىلىسى ءتۇرلى كەڭەستىك تارتىپتەرىن تولىق ورىنداپ، جەڭىسپەن جابىلدى. ءبىز ەكى ءماجىلىستىڭ تولىق تابىسقا جەتكەندىگىن قىزۋ قۇتتىقتايمىز، مىندەت اتقارىپ بورىشىن ادا ەتكەن ۋاكىلدەرگە، مۇشەلەرگە وسكەلەڭ قۇرمەت بىلدىرەمىز!

  بيىلعى ”ەكى ءماجىلىس“ الدىڭعىلارعا مۇراگەر، كەيىنگىلەرگە بۇيداگەر بولعان، الدىڭعىلاردىڭ ىزىمەن كەيىنگىلەرگە جول اشقان، ”13 - بەسجىلدىق“ جوبا ساتىمەن سوڭعى مارەسىنە جەتكەن، جاپپاي دوڭگەلەك داۋلەتتى قوعام ورناتىلۋ الدىندا تۇرعان، جاپپاي سوتسياليستىك وسىزاماندانعان مەملەكەت قۇرۋدىڭ جاڭا ساپارى باستالعان ماڭىزدى ساتتە اشىلدى، ”ەكىنشى 100 جىلدىق“ كۇرەس نىساناسىنا قاراي شەرۋ تارتۋدى جوبالاپ، ”14 - بەسجىلدىقتاعى“ جوعارى ساپالى دامۋدىڭ جاڭا جاعدايىن بار كۇشپەن اشۋ ماڭىزدى بورىشىن ارقالادى. ءماجىلىس كەزىندە ۋاكىلدەر، مۇشەلەر وسكەلەڭ بورىشتىلىق سەزىممەن، جاۋاپكەرشىلىك سەزىممەن جانە كوكىرەك كەرنەگەن ساياسي ىنتامەن ورنىقتىلىقتىڭ، دامۋدىڭ جوسپارىن جاساپ، ناقتى، جارامدى شارالار ۇسىندى، ءماجىلىس ادامدى جەلپىنتەرلىك مول جەتىستىككە قول جەتكىزىپ، پارتيانىڭ دارىپتەمەسى مەن حالىقتىڭ ەركىنىڭ بىرلىگىن تولىق ايگىلەپ، بۇكىل شينجياڭداعى ءار ۇلت حالقىنىڭ ورتاق ارمان - تىلەگىن بەينەلەدى.

  كۇرەس ۇلى ءىستى تۇلعالايدى، جاۋاپكەرشىلىك داستان جازادى. ”13 - بەسجىلدىققا“ قايىرىلا قاراساق، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، رايونىمىز شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، 2 - رەتكى، 3 - رەتكى ورتالىقتىڭ شينجياڭ قىزمەتى جونىندەگى اڭگىمە ماجىلىستەرىنىڭ رۋحىن ىشكەرىلەي دايەكتىلەندىرىپ، تياناقتاندىرىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن دايەكتىلەندىرىپ، تياناقتاندىرىپ، قوعام ورنىقتىلىعى مەن باياندى تىنىشتىق باس نىساناسىن مىقتاپ يگەرىپ، ءتۇرلى قىزمەتتى ءبىر تۇتاس جوسپارلاپ ىلگەرىلەتىپ، ۇزاقتان بەرى شەشۋدى ويعا العان، ءبىراق شەشىلمەي كەلگەن كوپتەگەن قيىن ماسەلەلەردى شەشىپ، بۇرىن ىستەۋدى ويعا العان، ءبىراق ىستەلمەي كەلگەن كوپتەگەن ءىرى ىستەردى تىندىرىپ، ەكونوميكالىق، قوعامدىق دامۋدا جانە حالىق تۇرمىسىن جاقسارتۋدا بۇرىن بولماعان تاريحي تابىستارعا قول جەتكىزدى. بۇكىل رايوندا قوعام ورنىقتى، حالىق تىنىش ءومىر، شات - شادىمان تىرشىلىك كەشىرگەن تاماشا جاعداي جارىققا شىعىپ، باياندى تىنىشتىققا بەت الۋدىڭ مىعىم نەگىزى قالاندى، جاڭا داۋىردەگى كەدەيلىكتەن ارىلتۋدان قامال الۋدىڭ نىسانا - مىندەتتەرى دەر كەزىندە ورىندالدى، ”13 - بەسجىلدىق“ جوبا ساتىمەن سوڭعى مارەسىنە جەتتى، جاپپاي دوڭگەلەك داۋلەتتى قوعام ورناتۋدىڭ جەڭىسىنە جەتۋ الدىندا تۇر، شينجياڭ قىزمەتى جاڭا تاريحي باستامادا تۇر.

  وتكەن ىستەر ەندىگى ىستەردىڭ باستاماسى؛ بوگەلمەي شەرۋ تارتقاندا، بولاشاققا جەتۋگە بولادى. ”14 - بەسجىلدىق“ مەزگىلى − شينجياڭنىڭ قوعام ورنىقتىلىعى جەتىستىكتەرىن بەكەمدەۋدەگى، جوعارى ساپالى دامۋدى ىلگەرىلەتۋدەگى، باياندى تىنىشتىققا بەت الۋداعى شەشۋشى 5 جىل. 2035 - جىلعا بارعاندا سوتسياليستىك وسىزامانداندىرۋدى بۇكىل ەلمەن تەڭ قادامدا نەگىزىنەن جۇزەگە اسىرۋ سىندى بولاشاقتىق نىسانا بويىنشا، وسى رەتكى ەكى ماجىلىستە ”14 - بەسجىلدىق“ مەزگىلىندەگى رايونىمىزدىڭ ەكونوميكالىق، قوعامدىق دامۋىنىڭ مىناداي باستى نىسانالارى العا قويىلدى: ەكونوميكالىق دامۋدا جاڭا ناتيجەگە قول جەتكىزۋ، رەفورما جاساۋدا، ەسىك اشۋدا جاڭا قادام تاستاۋ، ۇلتتار ىنتىماعىندا جاڭا ىلگەرىلەۋشىلىكتى جۇزەگە اسىرۋ، قوعامدىق وركەنيەت دەڭگەيىندە جاڭا جوعارىلاۋعا قول جەتكىزۋ، ەكولوگيالىق وركەنيەت قۇرىلىسىندا جاڭا جاقسارۋدى جۇزەگە اسىرۋ، حالىق تۇرمىسىنىڭ ىرىس - قۇتىندا جاڭا دەڭگەيگە جەتۋ، قوعام ورنىقتىلىعىندا جاڭا جاعداي اشۋ، قوعامدىق جونگە سالۋدىڭ ونىمدىلىگىندە جاڭا ورلەۋگە قول جەتكىزۋ. وسى 8 ”جاڭا“ شينجياڭنىڭ بولاشاقتاعى 5 جىلداعى دامۋىنىڭ ايبىندى جوباسىن كەسكىندەپ، ”ەكىنشى 100 جىلدىق“ كۇرەس نىساناسىنا قاراي شەرۋ تارتۋدىڭ ەكپىندەي ىلگەرىلەۋ دابىلىن قاقتى.

  1000 شاقىرىمدىق ساپار دا ءبىرىنشى قادامنان باستالادى. باستاما جىل تىپتەن ماڭىزدى، بيىلعى ءتۇرلى قىزمەتتەردى جاقسى ىستەۋدىڭ ماڭىزى زور. جاڭالىق اشا دامۋعا تاباندى بولىپ، عىلىم - تەحنيكالىق جاڭالىق اشۋدى زور كۇشپەن ىلگەرىلەتۋ؛ ەرەكشە، باسىم كاسىپ سالالارىن جەتىلدىرىپ، الۋەتتەندىرىپ، كاسىپ سالاسى تىزبەگىنىڭ، قامداۋ تىزبەگىنىڭ ساپالىلانۋىن، دارەجەسىنىڭ جوعارىلاۋىن ىلگەرىلەتۋ؛ ىشكى سۇرانىستى كەڭەيتۋ ستراتەگياسىن اتقارىپ، قارجى قوسۋ مەن تۇتىنۋدى كۇش سالا جەبەۋ؛ جىبەك جولى ەكونوميكالىق بەلدەۋى وزەكتى رايونى قۇرىلىسىن تەزدەتىپ، ىشكە، سىرتقا ەسىك اشۋدى كەڭەيتۋ؛ كەدەيلىكتەن ارىلتۋدان قامال الۋدىڭ جەتىستىكتەرىن بەكەمدەپ، كەڭەيتىپ، اۋىل - قىستاقتى گۇلدەندىرۋدى جالپى بەتتىك ىلگەرىلەتۋ؛ حالىق تۇرمىسى ينجەنەريالارىن ۇزدىكسىز ىلگەرىلەتىپ، حالىق تۇرمىسىن كۇش سالا قامتاماسىز ەتۋ جانە جاقسارتۋ... ۇكىمەت قىزمەتىنەن بايانداما قوعام ورنىقتىلىعى مەن باياندى تىنىشتىق باس نىساناسىن مىقتاپ يگەرىپ، جاڭا دامۋ كەزەڭىن تياناق ەتىپ، جاڭا دامۋ ۇستانىمىن دايەكتىلەندىرىپ، جاڭا دامۋ ارناسىن ورناتىپ، اۆتونوميالى رايوندىق پارتكومنىڭ پارتيا ورتالىق كوميتەتىنىڭ ورنالاستىرۋلارىن، جايعاستىرۋلارىن جانە جاڭا داۋىردەگى پارتيانىڭ شينجياڭدى جونگە سالۋ جالپى جوباسىن دايەكتىلەندىرۋ، تياناقتاندىرۋ تالاپتارىن ناقتى نىسانالارعا، ءتۇيىندى قىزمەتتەرگە، حالىق تۇرمىسىنداعى ناقتى ىستەرگە اينالدىردى، ءتۇرلى مەجەلى نىسانالار ادامدى جەلپىنتەدى جانە شىنايى دا ۇتىمدى، ءبىزدىڭ ”14 - بەسجىلدىقتىڭ“ جاڭا جەڭىسىنە كوكىرەك تولى سەنىممەن قول جەتكىزۋىمىزگە قۇدىرەتتى قوزعاۋشى كۇش ۇستەدى.

  بيىل − جۇڭگو كوممۋنيستىك پارتياسى قۇرىلعاندىعىنىڭ 100 جىلدىعى، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، العىس ايتا ەكپىندەي ىلگەرىلەۋدىڭ، ۇدەرە العا تارتۋدىڭ تەلەگەي كۇشىن توپتاپ، العان بەتتەن قايتپاي، تىڭعىلىقتى تۇردە قايراتتانا ىستەپ، جاڭا ايبىندى نىساناعا قاراي ارشىنداي العا تارتايىق!

جاۋاپتى رەداكتور : ريزا حاميت

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.