چىن چۋانگو قاتىناستى ءارى ءسوز سويلەدى
شوكىرات زاكىر، نۇرلان ءابىلماجىن، ۋاڭ جۇنجىڭ قاتىناستى شاۋكەت يمىن باسقاردى
«اۆتونوميالى رايوننىڭ حالىق شارۋاشىلىعى مەن قوعامدىق دامۋىنىڭ 14 - بەسجىلدىق جوباسىن جانە 2035 - جىلعا دەيىنگى بولاشاقتىق نىسانا باعدارلاماسىن» بەكىتتى، «اۆتونوميالى رايوننىڭ ۇلتتار ىنتىماعى، العاباسارلىعىنداعى ۇلگىلى رايون قۇرۋ ەرەجەسى» سياقتىلاردى ماقۇلدادى
2 - ايدىڭ 5 - كۇنى اۆتونوميالى رايوندىق 13 - كەزەكتى حالىق قۇرىلتايى 4 - ءماجىلىسى شينجياڭ حالىق سارايىندا جابىلدى. سۋرەتتە: ءماجىلىس زالى.
□ سۋرەتتى انار بۇلت / شينجياڭ گازەتىنىڭ ءتىلشىسى زوۋ ي تۇسىرگەن
انار بۇلت / شينجياڭ گازەتىنىڭ تىلشىلەرى ياۋ تۇڭ، ۋاڭ شيڭرۇي، يۋان لەي 2 - ايدىڭ 5 - كۇنى ۇرىمجىدەن حابارلايدى. اۆتونوميالى رايوندىق 13 - كەزەكتى حالىق قۇرىلتايى 4 - ءماجىلىسى ءتۇرلى كەڭەستىك تارتىپتەرىن تولىق ورىنداپ بولعاننان سوڭ، 2 - ايدىڭ 5 - كۇنى تۇستەن كەيىن شينجياڭ حالىق سارايىندا جابىلدى.
ءماجىلىس ءتوراعالار القاسىنىڭ تۇراقتى ءتوراعالارى، اتقارۋشى ءتوراعالارى چىن چۋانگو، شاۋكەت يمىن، جۋ حايلۇن، لي شۋەجۇن، ۋاڭ يۇڭميڭ، ءمۇتالىپ قاسىم، دۇڭ شينگۋاڭ، باداي، گۇلشات ابدىقادىر، مانەن زەينەل، سو يۋە ءتوراعالار مىنبەسىنىڭ الدىڭعى قاتارىنان ورىن الدى. شاۋكەت يمىن جابىلۋ جينالىسىن باسقاردى.
شوكىرات زاكىر، نۇرلان ءابىلماجىن، ۋاڭ جۇنجىڭ، شۇي حايرۇڭ، ەركىن تۇنياز، تيان ۋىن، لي يفي، سارقىت اقان، ياڭ شين، جاڭ چۇنلين، ۋاڭ ميڭشان جانە ءماجىلىس ءتوراعالار القاسىنىڭ قۇرامىنداعىلار ءتوراعالار مىنبەسىنەن ورىن الدى.
ماجىلىسكە قاتىناسۋعا ءتيىستى ۋاكىل 536، ناقتى قاتىناسقانى 484، بۇل زاڭدا بەلگىلەنگەن ادام سانىنا ۇيلەسەدى.
ءماجىلىس جۋ حايلۇننىڭ، ۋاڭ يۇڭميڭنىڭ، ءمۇتالىپ قاسىمنىڭ، گۇلشات ابدىقادىردىڭ، مانەن زەينەلدىڭ اۆتونوميالى رايوندىق 13 - كەزەكتى حالىق قۇرىلتايى تۇراقتى كوميتەتىنىڭ ورىنباسار مەڭگەرۋشىسى، باس حاتشىسى جانە اۆتونوميالى رايوندىق 13 - كەزەكتى حالىق قۇرىلتايى ءارقايسى ارناۋلى كوميتەتتەرىنىڭ مەڭگەرۋشى مۇشەسى مىندەتىنەن بوساۋ ءوتىنىشىن قابىلداۋ جونىندەگى قاراردى داۋىسقا سالىپ ماقۇلدادى؛ باس بەلەت باقىلاۋشىلاردىڭ، بەلەت باقىلاۋشىلاردىڭ ەسىمدىگىن داۋىسقا سالىپ ماقۇلدادى. ءماجىلىس جاسىرىن داۋىس بەرۋ ءتاسىلىن قولدانىپ، لي نيڭپيڭدى، ءزۇمىرات وبۇلدى، توحتى ياقۇپتى، مۇقيات جارمۇقامەتتى اۆتونوميالى رايوندىق 13 - كەزەكتى حالىق قۇرىلتايى تۇراقتى كوميتەتىنىڭ ورىنباسار مەڭگەرۋشىلىگىنە تولىقتاپ سايلادى، ءمۇتالىپ روزى اۆتونوميالى رايوندىق 13 - كەزەكتى حالىق قۇرىلتايى تۇراقتى كوميتەتىنىڭ باس حاتشىسى، ۋاڭ شۋەدۇڭ اۆتونوميالى رايوندىق 13 - كەزەكتى حالىق قۇرىلتايى تۇراقتى كوميتەتىنىڭ مۇشەسى بولدى. ءماجىلىس اۆتونوميالى رايوندىق 13 - كەزەكتى حالىق قۇرىلتايى ارناۋلى كوميتەتتەرى مەڭگەرۋشى مۇشەلەرىنىڭ ەسىمدىگىن داۋىسقا سالىپ ماقۇلدادى؛ اۆتونوميالى رايوننىڭ ۇلتتار ىنتىماعى، العاباسارلىعىنداعى ۇلگىلى رايون قۇرۋ ەرەجەسىن داۋىسقا سالىپ ماقۇلدادى؛ ۇكىمەت قىزمەتىنەن بايانداما، اۆتونوميالى رايوننىڭ حالىق شارۋاشىلىعى مەن قوعامدىق دامۋىنىڭ 14 - بەسجىلدىق جوباسىن جانە 2035 - جىلعا دەيىنگى بولاشاقتىق نىسانا باعدارلاماسى، اۆتونوميالى رايوننىڭ 2020 - جىلعى حالىق شارۋاشىلىعى مەن قوعامدىق دامۋ جوسپارىنىڭ اتقارىلۋ جاعدايى جانە اۆتونوميالى رايوننىڭ 2021 - جىلعى حالىق شارۋاشىلىعى مەن قوعامدىق دامۋ جوسپارى، اۆتونوميالى رايوننىڭ 2020 - جىلعى مەجە ەسەبىنىڭ اتقارىلۋ جاعدايى جانە اۆتونوميالى رايوننىڭ 2021 - جىلعى مەجە ەسەبى جونىندەگى قاۋلىنى داۋىسقا سالىپ ماقۇلدادى؛ اۆتونوميالى رايوندىق حالىق قۇرىلتايى تۇراقتى كوميتەتىنىڭ، اۆتونوميالى رايوندىق جوعارى حالىق سوتى مەكەمەسىنىڭ، اۆتونوميالى رايوندىق حالىق پروكۋراتۋراسىنىڭ قىزمەت بايانداماسى جونىندەگى قاۋلىنى داۋىسقا سالىپ ماقۇلدادى.
ءماجىلىس ءتۇرلى كەڭەستىك تارتىپتەرىن ورىنداپ بولعاننان سوڭ، اۆتونوميالى رايوندىق پارتكومنىڭ شۋجيى چىن چۋانگو ءسوز سويلەدى. ول بىلاي دەپ اتاپ كورسەتتى: بۇل رەتكى اۆتونوميالى رايوندىق ەكى ماجىلىستە ءارقايسى ۋاكىلدەر، مۇشەلەر وسكەلەڭ ساياسي سانالىلىق جانە كۇشتى بورىشتىلىق، جاۋاپكەرشىلىك ارقالاۋ ارقىلى مۇقيات قاراپ تالقىلاپ، شينجياڭنىڭ ەكونوميكالىق، قوعامدىق دامۋىنىڭ كوركەم كارتيناسىن جوبالادى، يدەيانى بىرلىككە كەلتىردى، ورتاق تانىم ۇيىستىردى، رۋحتى جەلپىندىردى، كۇش - قۋاتتى شوعىرلاندىردى. بيىل جۇڭگو كوممۋنيستىك پارتياسى قۇرىلعاندىعىنىڭ 100 جىلدىعى، ”14 - بەسجىلدىق“ جوبانى اتقارۋدىڭ باستالعان جىلى. ۇلى ءىس ءبىزدى ۇندەۋدە، ايبىندى بورىش ءبىزدى جىگەرلەندىرۋدە. شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، پارتيا 19 - قۇرىلتايىنىڭ جانە 19 - كەزەكتى ورتالىق كوميتەتى ەكىنشى، ءۇشىنشى، ءتورتىنشى، بەسىنشى جالپى ماجىلىستەرىنىڭ رۋحىن ىشكەرىلەي دايەكتىلەندىرىپ، تياناقتاندىرىپ، 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىن، اسىرەسە، باس شۋجي شي جينپيڭنىڭ ماڭىزدى سوزدەرىنىڭ رۋحىن دايەكتىلەندىرىپ، تياناقتاندىرىپ، اۋەلگى ماقساتتى ۇمىتپاي، بورىشتى ەستە بەرىك ساقتاپ، ەرلىكپەن شايقاسىپ، ىنتىماقتاسا كۇرەس جۇرگىزىپ، جاڭا داۋىردەگى شينجياڭ قىزمەتىنىڭ جاڭا جاعدايىن ۇزدىكسىز اشىپ، پارتيا قۇرىلعاندىعىنىڭ 100 جىلدىعىن ۇزدىك ناتيجەلەرمەن قارسى الۋ كەرەك. ساياسي قۇرىلىستى شىنايى كۇشەيتىپ، تۋى ايقىن تۇردە ساياسيدى دارىپتەۋگە تاباندى بولىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، يدەيادا، ساياسيدا، ارەكەتتە شي جينپيڭ جولداستى ۇيتقى ەتكەن پارتيا ورتالىق كوميتەتىمەن وسكەلەڭ ءبىر اۋىزدىلىقتى ساقتاپ، ساياسي تۇجىرىمداۋ قابىلەتىن، ساياسي ءتۇسىنۋ قابىلەتىن، ساياسي اتقارۋ قابىلەتىن ۇزدىكسىز جوعارىلاتىپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شەشىمدەرىن، ورنالاستىرۋلارىن مىزعىماي، باتىل، قاز - قالپىندا ناقتى تياناقتاندىرۋ كەرەك. نازاريامەن قارۋلانۋدى ۇزدىكسىز كۇشەيتىپ، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتە ۇيرەنۋ، جەتە ءتۇسىنۋ، شىنايى تياناقتاندىرۋ جاعىنا بارىنشا كۇش سالىپ، ۇيرەنۋ، ۇگىتتەۋ، ۇگىت - لەكسيا جاساۋ، باۋلۋ، جالپىلاستىرۋ، زەرتتەۋ - تالقى سياقتى قيمىلداردى ۇدايىلاندىرا ورىستەتىپ، ۇيرەنۋدىڭ، دايەكتىلەندىرۋدىڭ تەرەڭدەۋىن، كوكەيگە ۇيالاۋىن، ناقتىلانۋىن ىلگەرىلەتىپ، شينجياڭ قىزمەتىنىڭ باستان - اياق دۇرىس بەتالىستى بويلاي العا ىلگەرىلەۋىنە شىنايى كەپىلدىك ەتۋ كەرەك. نازاردى ۇلگىگە تۋرالانۋعا شوعىرلاندىرۋعا تاباندى بولىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ءدال دايەكتىلەندىرىپ، قوعام ورنىقتىلىعى مەن باياندى تىنىشتىق باس نىساناسىن مىقتاپ يگەرىپ، شينجياڭدى زاڭمەن جونگە سالىپ، شينجياڭدى ىنتىماقتاسا ورنىقتىرىپ، شينجياڭدى مادەنيەتپەن نارلەندىرىپ، حالىقتى بايىتىپ شينجياڭدى گۇلدەندىرىپ، شينجياڭدى باياندى كوركەيتىپ، جاڭا داۋىردەگى جۇڭگوشا سوتسياليستىك شينجياڭ قۇرۋعا قۇلشىنۋ كەرەك. ”ءۇش جاڭا“ تالابىن جالپى بەتتىك دايەكتىلەندىرىپ، جاڭا دامۋ كەزەڭىن تياناق ەتىپ، جاڭا دامۋ ۇستانىمىن دايەكتىلەندىرىپ، جاڭا دامۋ ارناسىن قالىپتاستىرىپ، ەكونوميكانىڭ جوعارى ساپالى دامۋىن جۇزەگە اسىرۋدى ىلگەرىلەتۋ كەرەك. جۇيە كوزقاراسى پرينسيبىنە تاباندى بولىپ، بولجامپازدىق ويلاۋدى، جالپى جاعدايلىق جوسپارلاۋدى، ستراتەگيالىق ورنالاستىرۋدى، تۇتاس تۇلعالىق ىلگەرىلەتۋدى كۇشەيتىپ، ىندەتتەن ساقتانۋ - تىزگىندەۋدى جانە ەكونوميكالىق، قوعامدىق دامۋدى اناعۇرلىم ويداعىداي ءبىر تۇتاس جوسپارلاۋ، دامۋ مەن حاۋىپسىزدىكتى ءبىر تۇتاس جوسپارلاۋ كەرەك. ءتۇيىندى قىزمەتتەردى كورنەكتى تۇردە ويداعىداي يگەرىپ، ىندەتتەن ساقتانۋ - تىزگىندەۋدى ۇدايىلاندىرۋدى تيتتەي دە بوساڭسىماي ويداعىداي يگەرىپ، قوعامدىق كەلەلى جاعدايدىڭ ءۇرتىس ورنىقتىلىعىن، ۇزاق ۋاقىت ورنىقتىلىعىن ساقتاپ، ساقتىق دابىلىن ۇزاق قاعا وتىرىپ ءوندىرىس حاۋىپسىزدىگىن ويداعىداي يگەرىپ، تاماشا دامۋ ورتاسىن شىن مانىندە قالىپتاستىرۋ كەرەك. ءتۇرلى مىندەتتەردى ىشكەرىلەي ىلگەرىلەتىپ، «اۆتونوميالى رايوننىڭ حالىق شارۋاشىلىعى مەن قوعامدىق دامۋىنىڭ 14 - بەسجىلدىق جوباسىن جانە 2035 - جىلعا دەيىنگى بولاشاقتىق نىسانا باعدارلاماسىن» كەمەلدەندىرىپ، تياناقتاندىرىپ، قوعام ورنىقتىلىعىن قورعاۋدى، ەكونوميكانىڭ جوعارى ساپالى دامۋىن ىلگەرىلەتۋدى، كەدەيلىكتەن ارىلتۋدان قامال الۋ جەتىستىگىن بەكەمدەۋدى، كەڭەيتۋدى اۋىل - قىستاقتى گۇلدەندىرۋمەن ءونىمدى ۇشتاستىرۋ، حالىق تۇرمىسىن قامتاماسىز ەتۋ جانە جاقسارتۋ، ەكولوگيالىق ورتانى قورعاۋدى جانە قۇرۋدى كۇشەيتۋ، ۇلتتار ىنتىماعىن بەكەمدەۋ، كۇشەيتۋ، شينجياڭدا ءىسلام ءدىنىن جۇڭگوشالاندىرۋدى ىلگەرىلەتۋ، يدەولوگيا سالاسىنىڭ حاۋىپسىزدىگىن قورعاۋ، بيڭتۋاننىڭ رەفورماسىن، دامۋىن قولداۋ، پارتيا قۇرىلىسىن كۇشەيتۋ جانە جاقسارتۋ سياقتى قىزمەتتەردى تىڭعىلىقتى ويداعىداي ىستەپ، ”14 - بەسجىلدىقتا“ جاقسى باستاما اشۋعا، جاقسى قادام تاستاۋعا شىنايى كەپىلدىك ەتۋ كەرەك.
شاۋكەت يمىن ءماجىلىستى باسقارعاندا بىلاي دەدى: شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، ساياسي قۇرىلىستى كۇشەيتۋدى باستان - اياق ماڭداي الدى ورىنعا قويىپ، نازاريامەن قارۋلانۋدى كۇشەيتۋدى باستان - اياق كەلەلى ساياسي مىندەت ەتىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن باستان - اياق شينجياڭ قىزمەتىن ويداعىداي ىستەۋدىڭ ارقاۋى جانە رۋحى ەتىپ، ”ءۇش جاڭا“ تالابىن باستان - اياق جاڭا دامۋدىڭ ۇلكەن لوگيكاسى ەتىپ، جاسالعان جوبانى ارقاۋ ەتىپ، ەكپىندەي ىلگەرىلەۋدىڭ كۇشىن ۇيىستىرىپ، قىزمەتتى ءبىر - ءبىر قادامنان تىڭعىلىقتى ىستەپ، جوبانى سوڭىنا دەيىن جاساپ، ايانباي شايقاسۋ ارقىلى جاڭا جاعداي اشىپ، كۇرەس جۇرگىزۋ ارقىلى جاڭا داڭققا جەتىپ، ”14 - بەسجىلدىقتىڭ“ باستالۋ جىلىندا جاڭا تاماشا ناتيجە جازۋ كەرەك.
ءماجىلىس ايبىندى مەملەكەت ءانى ءۇنى ىشىندە جابىلدى.
ماجىلىستەن كەيىن جاڭادان سايلانعان اۆتونوميالى رايوندىق حالىق قۇرىلتايى تۇراقتى كوميتەتىنىڭ ورىنباسار مەڭگەرۋشىلەرى، باس حاتشىسى، مۇشەلەرى نەگىزگى زاڭعا سەرت بەردى.
