تيانشان تورى
تيانشان تورى   ›   جاڭالىقتار   ›   شينجياڭ حابارلارى

ۇكىمەت قىزمەتىنەن بايانداما

− شينجياڭ ۇيعۇر اۆتونوميالى رايوندىق 13 - كەزەكتى حالىق قۇرىلتايىنىڭ 4 - ماجىلىسىندە 2021 - جىلى 2 - ايدىڭ 1 - كۇنى جاسالدى

اۆتونوميالى رايوننىڭ ءتوراعاسى شوكىرات زاكىر

  2 - ايدىڭ 1 - كۇنى شوكىرات زاكىر اۆتونوميالى رايوندىق 13 - كەزەكتى حالىق قۇرىلتايىنىڭ 4 - ماجىلىسىندە ۇكىمەت قىزمەتىنەن بايانداما جاسادى.

□ سۋرەتتى انار بۇلت / شينجياڭ گازەتىنىڭ ءتىلشىسى سۇي جىجيان تۇسىرگەن

ۋاكىلدەر:

  قازىر مەن اۆتونوميالى رايوندىق حالىق ۇكىمەتى اتىنان ماجىلىسكە قىزمەتتەن بايانداما جاسايمىن، قاراپ شىعۋلارىڭىزدى ءارى اۆتونوميالى رايوندىق ساياسي كەڭەس مۇشەلەرىنىڭ جانە سىرتتاي قاتىناسقانداردىڭ پىكىر بەرۋىن سۇرايمىن.

ءبىرىنشى، ”13 - بەسجىلدىق“ مەزگىلدەگى قىزمەتتەرگە كوز جىبەرگەندە

  ”13 - بەسجىلدىق“ مەزگىلى ەلىمىز دامۋ تاريحىنداعى ايرىقشا وزگەشە، بەلەستىك مانگە يە 5 جىل بولدى. شىتىرمان، كۇردەلى حالىقارالىق جاعداي، ەل ىشىندەگى رەفورمانىڭ، دامۋدىڭ، ورنىقتىلىقتىڭ ماشاقاتتى دا اۋىر مىندەتى الدىندا، شي جينپيڭ جولداستى ۇيتقى ەتكەن پارتيا ورتالىق كوميتەتى بۇكىل ەلدەگى ءار ۇلت حالقىن ىنتىماقتاستىرىپ، باستاپ، ۇدەرە العا باسىپ، ءورىس اشا جاڭالىق جاساپ، پارتيا مەن مەملەكەت ىستەرىن جىگەرلەنە، ىسكەرلىكپەن ىلگەرىلەتىپ، ەكونوميكالىق، قوعامدىق دامۋدا ەلەۋلى تاريحي تابىسقا قول جەتكىزدى. ەلىمىزدىڭ ەكونوميكالىق قۋاتى، عىلىم - تەحنيكالىق قۋاتى، جالپىلىق مەملەكەت قۋاتى جاڭا، ۇلكەن بەلەسكە كوتەرىلىپ، ىشكى ءوندىرىستىڭ جالپى ءونىم قۇنى 100 تريلليون يۋاننان، جان باسىندىق ىشكى ءوندىرىستىڭ جالپى ءونىم قۇنى 10 مىڭ دوللاردان استى. جاڭا داۋىردەگى كەدەيلىكتەن ارىلتۋدان قامال الۋدىڭ نىسانا - مىندەتتەرى ۋاعىندا ورىندالىپ، جۇڭحۋا ۇلتىن مىڭداعان جىلداردان بەرى مازالاپ كەلگەن مۇلدە كەدەيلىك ماسەلەسى تاريحي سيپاتتا شەشىلىپ، دۇنيە ءجۇزىنىڭ كەدەيلىكتى ازايتۋ تاريحىنداعى جۇڭگو كەرەمەتىن جاسادى. ”13 - بەسجىلدىق“ جوبانىڭ نىسانالارى، مىندەتتەرى تولىق تابىسپەن ورىندالىپ، ەلىمىز جاپپاي دوڭگەلەك داۋلەتتى قوعام ورناتۋ، ءبىرىنشى 100 جىلدىق كۇرەس نىساناسىن جۇزەگە اسىرۋ الدىندا تۇر، جۇڭحۋا ۇلتىنىڭ ۇلى گۇلدەنۋى الدىعا تىڭ، ارشىندى قادام تاستاپ، سوتسياليستىك جۇڭگو اناعۇرلىم اسقاق بەينەمەن دۇنيە ءجۇزىنىڭ شىعىسىندا اسقاق بوي كوتەرىپ، جاپپاي سوتسياليستىك وسىزاماندانعان مەملەكەت قۇرۋدىڭ جاڭا ساپارىن باستاۋعا بەرىك نەگىز قالاندى. اسىرەسە، 2020 - جىلى توسىن كەلگەن جاڭا تيپتى ايدارشا ۆيرۋس وكپە قابىنۋ ىندەتى الدىندا، شي جينپيڭ جولداستى ۇيتقى ەتكەن پارتيا ورتالىق كوميتەتى بايسالدىلىقپەن توتەپ بەرىپ، باتىل شەشىم قابىلداپ، ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋ قىزمەتىن پارمەندى، جۇيەلى، ءونىمدى تۇردە ءبىر تۇتاس جوسپارلاپ، ەلىمىزدىڭ ىندەتتى الدىمەن تىزگىندەۋىنە، جۇمىستى، ءوندىرىستى الدىمەن قالپىنا كەلتىرۋىنە، ەكونوميكالىق ارتۋدىڭ تەرىس ماننەن وڭ مانگە ءوتۋىن الدىمەن جۇزەگە اسىرۋىنا مۇمكىندىك جاساپ، دۇنيە جۇزىندە وڭ ارتۋدى جۇزەگە اسىرعان بىردەن - ءبىر باستى ەكونوميكالىق تۇلعاعا اينالدى. شۇعىلالى ناتيجە كۇللى دۇنيەنى جالت قاراتىپ، جۇڭگو كوممۋنيستىك پارتياسىنىڭ باسشىلىعى مەن ەلىمىز سوتسياليزم ءتۇزىمىنىڭ تەڭدەسسىز ابزالدىلىعىن تولىق ايگىلەدى، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ بيىكتەن الىستى بولجايتىن ستراتەگيالىق كورەگەندىگى مەن ەرەن ەل باسقارۋ قابىلەتىن تولىق ايگىلەدى.

  ءبىز شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، پارتيا 19 - قۇرىلتايىنىڭ جانە 19 - كەزەكتى ورتالىق كوميتەتىنىڭ ەكىنشى، ءۇشىنشى، ءتورتىنشى، بەسىنشى جالپى ماجىلىستەرىنىڭ رۋحىن ىشكەرىلەي ۇيرەنىپ، دايەكتىلەندىرىپ، 2 - رەتكى، 3 - رەتكى ورتالىقتىڭ شينجياڭ قىزمەتى جونىندەگى اڭگىمە ماجىلىستەرىنىڭ رۋحىن دايەكتىلەندىرىپ، تياناقتاندىرىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن دايەكتىلەندىرىپ، تياناقتاندىرىپ، نازاردى قوعام ورنىقتىلىعى مەن باياندى تىنىشتىق باس نىساناسىنا شوعىرلاندىرىپ، ورنىقتىلىق بارىسىندا ىلگەرىلەۋ قىزمەت جالپى ارناسىنان جازباي، جاڭا دامۋ ۇستانىمىن جاپپاي دايەكتىلەندىرىپ، اۆتونوميالى رايوندىق پارتكومنىڭ ” 1 + 3 + 3 + رەفورما جاساۋ، ەسىك اشۋ“ قىزمەت ورنالاستىرۋىن تياناقتاندىرىپ، ارتۋدى ورنىقتىرۋ، رەفورمانى جەبەۋ، قۇرىلىمدى رەتتەۋ، حالىق تۇرمىسىنا تيىمدىلىك جاساۋ، حاۋىپ - قاتەردەن ساقتانۋ، ورنىقتىلىقتى ساقتاۋ قىزمەتتەرىن ءبىر تۇتاس جوسپارلاپ ىلگەرىلەتىپ، ”التىنى ورنىقتىرۋ“ قىزمەتىن تىڭعىلىقتى، ويداعىداي ىستەپ، ”التىنى قامتاماسىز ەتۋ“ مىندەتىن جالپى بەتتىك تياناقتاندىرىپ، تالايدان بەرى شەشۋ ويعا الىنسا دا شەشىلمەگەن كوپتەگەن قيىن ماسەلەلەردى شەشىپ، ءبىتىرۋ ويعا الىنسا دا بىتىرىلمەگەن كوپتەگەن ۇلكەن ىستەردى ءبىتىرىپ، ەكونوميكالىق، قوعامدىق دامۋ مەن حالىق تۇرمىسىن جاقسارتۋدا بۇرىن بولماعان تاريحي تابىسقا قول جەتكىزىپ، بۇكىل رايوندا قوعام ورنىقتى، حالىق تىنىش ءومىر، شات - شادىمان تىرشىلىك كەشكەن تاماشا جاعداي جارىققا شىعىپ، باياندى تىنىشتىققا قادام تاستاۋعا بەرىك نەگىز قالاندى. جاڭا داۋىردەگى كەدەيلىكتەن ارىلتۋدان قامال الۋدىڭ نىسانا - مىندەتى ۋاعىندا ورىندالىپ، ”13 - بەسجىلدىق“ جوبا تولىق تابىسپەن اياقتاپ، جاپپاي دوڭگەلەك داۋلەتتى قوعام ورناتۋدىڭ جەڭىسىنە جەتۋگە تايادىق، شينجياڭ قىزمەتى جاپپاي جاڭا داۋىرگە ءوتىپ، تىڭ تاريحي باستاماعا تابان تىرەدى!

  وتكەن 5 جىلدا، ءبىز جاڭا داۋىردەگى پارتيانىڭ شينجياڭدى جونگە سالۋ جالپ-ى جوباسىن جاپپاي دايەكتىلەندىرۋگە، تياناقتاندىرۋعا تاباندى بولدىق، بۇل شينجياڭنىڭ قوعام ورنىقتىلىعى جاعدايىندا ءتۇبىرلى وزگەرىس تۋىلعان، ءار ۇلت حالىق بۇقاراسىنىڭ تابىس سەزىمى، باقىت سەزىمى، حاۋىپسىزدىك سەزىمى ايتارلىقتاي كۇشەيگەن 5 جىل بولدى.

  ءبىز ورنىقتىلىقتى قورعاۋدى قاشاندا بارلىعىن باسىپ تۇسەتىن ساياسي مىندەت ەتىپ، نازاردى باس نىساناعا شوعىرلاندىرىپ، كەشەندى شارالاردى ويداعىداي اتقارىپ، پارتيا، ۇكىمەت، ارميا، ساقشى، بيڭتۋان، حالىق سايكەسە، بىرلەسە قيمىلداۋعا تاباندى بولىپ، كەشەندى شارا قولدانىپ، تۇبىرىنەن وڭاۋ مەن ۇستىنەن وڭاۋدى ۇشتاستىرىپ، ”3 قيان - كەسكى شايقاستى“، ”ءبىر حالىقتىق شايقاستى“ ۇزدىكسىز ويداعىداي جۇرگىزىپ، ”ءۇشتىڭ بىرلەسە قيمىلداۋىن“ ورىنداپ، وتكەن ءبىر مەزگىلدەگى زورلىقتى كۇش لاڭكەستىك قيمىلدار كوپ تۋىلعان، ءجيى تۋىلعان ىرىقسىز جاعدايعا تۇبەگەيلى بۇرىلىس جاسادىق، بۇكىل رايوندا ۇدايى 4 جىلدان استام ۋاقىتتا زورلىقتى كۇش لاڭكەستىك دەلوسى تۋىلماي، ءار ۇلت بۇقاراسىنىڭ تابىس سەزىمى، باقىت سەزىمى، حاۋىپسىزدىك سەزىمى ايتارلىقتاي كۇشەيدى. بۇقارالىق قىزمەتتى دەن قويا ويداعىداي ىستەپ، ”ۇعىسۋ، تيىمدىلىك جاساۋ، توعىستىرۋ“ بويىنشا قىستاقتا تۇرۋ قىزمەتىن ۇزدىكسىز تەرەڭدەي ورىستەتىپ، قوعامدىق جونگە سالۋدا ۇزدىكسىز جاڭالىق اشىپ، جاڭا داۋىردەگى شينجياڭنىڭ ”فىڭچياۋ تاجىريبەسىن“ جۇزەگە اسىردىق. تيانشان الابىندا تىنىش، بەرەكەلى، قارىشتاپ دامىعان تاماشا كورىنىس جارىققا شىعىپ، تالاي جىلدان بەرگى ءار ۇلت حالقىنىڭ تىنىشتىققا، ورنىقتىلىققا دەگەن اڭساۋى مەن تىلەگىن جۇزەگە اسىردىق. شينجياڭ جۇڭگو مەن شەتەل ساياحاتشىلارىنىڭ نازارىنداعى ”قوعام اماندىعىن باسقارۋى ەڭ جاقسى، قوعامدىق ورتاسى ەڭ حاۋىپسىز، ورنىقتىلىق جاعدايى ەڭ الاڭسىز“ جەرگە اينالدى. ورنىقتى دا جاراسىمدى قوعامدىق ورتا ەكونوميكالىق، قوعامدىق دامۋعا ەڭ پارمەندى كەپىلدىك ۇسىندى!

  وتكەن 5 جىلدا، ءبىز جاڭا دامۋ ۇستانىمىن بۇلجىماس تاباندىلىقپەن دايەكتىلەندىردىك، بۇل جالپىلىق قۋات جەدەل جوعارىلاعان، ەكونوميكانىڭ جوعارى ساپالى دامۋىن ىلگەرىلەتۋ كورنەكتى ناتيجە كورسەتكەن 5 جىل بولدى.

  ءبىز 1 - كاسىپتىڭ دەڭگەيىن جوعارىلاتۋعا، 2 - كاسىپتە ءتۇيىندى يگەرۋگە، 3 - كاسىپتى قاۋىرت دامىتۋعا تاباندى بولىپ، قامداۋ جاعىنداعى قۇرىلىمدىق رەفورمانى ىشكەرىلەي ىلگەرىلەتىپ، ءتۇرلى بوگەتتەر مەن تەجەۋلەردى باتىل جويىپ، ءتۇرلى سىن - سايىس، حاۋىپ - قاتەرگە ءونىمدى توتەپ بەرىپ، جوعارى ساپالى دامۋدى كۇش سالا ىلگەرىلەتتىك، جالپىلىق ەكونوميكالىق قۋات ۇزدىكسىز تىڭ ساتىعا كوتەرىلدى. وڭىرلىك ءوندىرىس جالپى ءونىم قۇنى 2015 - جىلعى 930 ميلليارد 688 ميلليون يۋاننان 2020 - جىلى ءبىر تريلليون 379 ميلليارد 758 ميلليون يۋانعا كوبەيىپ، 5 جىلدا جىلىنا ورتا ەسەپپەن %6.1 ارتتى، ادەتتەگى الەۋمەتتىك مەجە ەسەپ كىرىسى 2015 - جىلعى 133 ميلليارد 85 ميلليون يۋاننان 2020 - جىلى 147 ميلليارد 720 ميلليون يۋانعا ءوسىپ، 5 جىلدا جىلىنا ورتا ەسەپپەن %1. 2 ارتتى. 2020 - جىلى قالا - قالاشىق تۇرعىندارىنىڭ جان باسىندىق قولداعى تابىسى 34 مىڭ 838 يۋانعا جەتىپ، 5 جىلدا جىلىنا ورتا ەسەپپەن %5.8 ارتتى، بۇل 2010 - جىلداعىنىڭ 2.41 ەسەسى؛ اۋىل - قىستاق تۇرعىندارىنىڭ جان باسىندىق قولداعى تابىسى 14 مىڭ 56 يۋانعا جەتىپ، 5 جىلدا جىلىنا ورتا ەسەپپەن %8.3 ارتتى، بۇل 2010 - جىلداعىنىڭ 2.82 ەسەسى بولدى، اۋىل - قىستاقتى گۇلدەندىرۋ ستراتەگياسىن زور كۇشپەن اتقاردىق، استىقتى، ماقتانى، جەمىس - جيدەكتى، مالدى ۋاكىل ەتكەن ەرەكشە اۋىل شارۋاشىلىعىنىڭ ساپاعا، كاسىپ سالاسىنا، بازارعا قاراي دامۋىن ىلگەرىلەتتىك. 2020 - جىلى استىقتىڭ جالپى ءتۇسىمى 15 ميلليون 834 مىڭ تونناعا جەتىپ، استىق حاۋىپسىزدىگى ءونىمدى قامتاماسىز ەتىلدى؛ ماقتانىڭ جالپى ءتۇسىمى 5 ميلليون 161 مىڭ تونناعا جەتىپ، بۇكىل مەملەكەتتە %87.3تىك ۇلەس يەلەپ، شينجياڭنىڭ مەملەكەتتىك ساپالى تاۋار ماقتا بازاسىندىق ورنى ونان ارى بەكەمدەلىپ، مەملەكەتتىڭ ماقتا ستراتەگياسىنىڭ حاۋىپسىزدىگىن قامتاماسىز ەتۋ قابىلەتى ايتارلىقتاي كۇشەيدى؛ ەرەكشە جەمىس - ورمان شارۋاشىلىعى ونىمدەرىنىڭ ءتۇسىمى 11 ميلليون 200 مىڭ تونناعا جەتىپ، بۇكىل ەل بويىنشا كولەمى ەڭ ۇلكەن ساپالى، ەرەكشە جەمىس - ورمان شارۋاشىلىعى بازاسىن قۇردىق؛ 5 ءىرى كوركەيتۋ ارەكەتىن ءتۇيىن ەتكەن وسى زامانعى مال شارۋاشىلىعى جەدەل دامىپ، قوراداعى مال سانى 50 ميلليوننان اسىپ، مەملەكەتتىك ماڭىزعا يە مال شارۋاشىلىق ونىمدەرىن ءوندىرۋ بازاسىن قۇردىق. اۋىل شارۋاشىلىق ونىمدەرى بازارىن اشۋ ستراتەگياسى جەدەل اتقارىلىپ، شينجياڭ اۋماعىندا ساتىپ الۋ مەن شينجياڭ سىرتىندا ساتۋ سىندى ”2 تور“ كۇن سايىن كەمەلدەنە ءتۇستى. ونەركاسىپتىڭ ساپاسىن كوتەرۋدى، ونىمدىلىگىن ارتتىرۋدى زور كۇشپەن ىلگەرىلەتتىك، مۇناي حيميا، كومىر حيميا ونەركاسىبى، بولات - تەمىر سياقتى ءداستۇرلى كاسىپ سالالارىنىڭ تيبىن وزگەرتۋدى، دارەجەسىن جوعارىلاتۋدى ىلگەرىلەتىپ، ستراتەگيالىق جاڭا وركەندەگەن كاسىپ سالالارىن زور كۇشپەن دامىتىپ، ونەركاسىپ ەكونوميكاسى دامۋىنىڭ كولەمى جانە ساپا ونىمدىلىگى ۇزدىكسىز جوعارىلادى. ”ءۇشتى ازايتۋدىڭ، ءبىردى تومەندەتۋدىڭ، ءبىردى تولىقتاۋدىڭ“ ناتيجەسىن ۇزدىكسىز بەكەمدەپ، كومىر سالاسىنان 23 ميلليون 560 مىڭ توننالىق وندىرىستىك قۋات، بولات - تەمىر سالاسىنان 10 ميلليون 150 مىڭ توننالىق وندىرىستىك قۋات ازايتىپ، ءبىر ميلليون 591 مىڭ كيلوۆات كەلەتىن مەشەۋ كومىر ەلەكتر اگراگاتتارى جابىلدى. مەملەكەتتىك دەڭگەيدەگى وسىزاماندانعان كومىر حيميا ونەركاسىبى بازاسىن قۇرۋدى جەدەلدەتىپ، شىعىس جوڭعاردى، تۇرپان - قۇمىلدى نەگىز ەتكەن كومىر حيميا ونەركاسىبى كاسىپ سالاسىن دامىتۋدىڭ شوعىرلى اۋماعىن العاشقى قادامدا قالىپتاستىردىق. وڭتۇستىك شينجياڭدى ءتۇيىن ەتكەن توقىما جانە كيىم - كەشەك كاسىپ سالاسى ارقىلى جۇمىستانۋعا جەتەكتەۋ ينجەنەرياسىن اتقارىپ، جالپى كاسىپ سالاسىندا جۇمىستانۋعا جاڭادان جيىنى 686 مىڭ ادام (رەت) قوسىلدى. جاڭالىق اشۋ ارقىلى دامۋعا دەم بەرۋ ستراتەگياسىن اتقارىپ، ءبىر توپ ءتۇيىندى سالالارداعى شەشۋشى، وزەكتى تەحنيكالاردا ەلەۋلى سەرپىلىسكە قول جەتكىزىپ، كرەمنيلى، الۋميندى ماتەريالدار سياقتى جاڭا ماتەريالدار كاسىپ سالاسى كاسىپ سالاسىنىڭ جاڭا ارتۋ ۇيەگىنە اينالىپ، عىلىم - تەحنيكالىق جاڭالىق اشۋدىڭ جوعارى ساپالى دامۋعا تىرەك بولۋ رولى ايتارلىقتاي كۇشەيدى. 2020 - جىلى كولەمنەن جوعارى ونەركاسىپتىڭ ارتقان قۇنى سايكەس مەزگىلدەگىدەن %9. 6 ارتىپ، ونەركاسىپ ەكونوميكاسى جاڭا تيپتى ايدارشا ۆيرۋس وكپە قابىنۋ ىندەتىنىڭ اۋىر سوققىسىندا اسا قۋاتتى سەرپىلىمدىلىك جانە قاۋلاعان ومىرشەڭدىك كورسەتتى. ”ساياحات ارقىلى شينجياڭدى گۇلدەندىرۋ“ ستراتەگياسىن زور كۇشپەن اتقاردىق، ساياحات كاسىبى دامۋدىڭ جەدەل ارناسىنا ءتۇستى، قابىلداعان ەل ءىشى - سىرتى ساياحاتشىلارىنىڭ سانى 2017 - جىلعى 100 ميلليون ادام - رەتتەن، 2019 - جىلى 200 ميلليون ادام - رەتتەن، 2020 - جىلى ىندەتتىڭ اۋىر سوققىسىندا 158 ميلليون ادام - رەتتەن اسىپ، شينجياڭ ەكونوميكاسىنىڭ جوعارى ساپالى دامۋىنىڭ كورنەكتى ارتىقشىلىعىنا اينالدى. وسى زامانعى قىزمەت وتەۋ كاسىبى قارىشتاپ دامىپ، ەكونوميكانى ارتۋعا جەتەكتەيتىن باستى قوزعاۋشى كۇشكە اينالدى. فينانس كاسىبى ورنىقتى، اقاۋسىز دامىپ، ”13 - بەسجىلدىق“ مەزگىلدە قوعامدىق قارجى قۇراۋ كولەمى جىلىنا ورتا ەسەپپەن %13.2 ارتىپ، حالىق اقشاسى مەن شەتەل اقشاسىن قارىزعا بەرۋ جىلىنا ورتا ەسەپپەن %10.9 ءوستى. رەفورمانى ۇزدىكسىز تەرەڭدەتىپ، ەسىك اشۋدى كەڭەيتتىك، قامداۋ جاعىنداعى قۇرىلىمدىق رەفورما، مەملەكەت مەنشىگىندەگى مال - مۇلىك جانە مەملەكەت مەنشىگىندەگى كاسىپورىن، ەمدەۋ، ءدارى - دارمەك جانە دەنساۋلىق ساقتاۋ، قازىنا جانە فينانس، اۋىل شارۋاشىلىعى جانە اۋىل - قىستاق، ەنەرگيا جانە بايلىق سياقتى ءتۇيىندى سالالار مەن شەشۋشى بۋىندارعا قاتىستى رەفورمالاردا بەلسەندى ىلگەرىلەۋشىلىككە قول جەتكىزىلىپ، ەكونوميكالىق دامۋدىڭ قوزعاۋشى كۇشى مەن ومىرشەڭدىگى ۇزدىكسىز كۇشەيدى. ”ءبىر پورت“، ”2 رايون“، ”5 ورتالىق“، ”شەكارا وتكەلى ەكونوميكالىق بەلدەۋىن“ تۇتقا ەتىپ، جىبەك جولى ەكونوميكالىق بەلدەۋى وزەكتى رايونى قۇرىلىسىن ىشكەرىلەي ىلگەرىلەتتىك، ءۇرىمجى قۇرلىقتىق پورت رايونى قۇرىلىسىندا ەلەۋلى ىلگەرىلەۋشىلىككە قول جەتكىزىلىپ، ”13 - بەسجىلدىقتا“ شينجياڭدا جۇڭگو - ەۆروپا كەزەكشى پويەزىنان جيىنى 4150ى قاتىنادى، مۇنىڭ ىشىندە 2020 - جىلى قاتىناعانى 1105كە جەتتى؛ تارباعاتاي ءتۇيىندى وركەندەتۋ، ەسىك اشۋ سىناق رايونى مەملەكەتتىك كەڭەستىڭ بەكىتۋىنەن ءوتتى. جاسىل دامۋعا تاباندى بولدىق، ”3 جوعارى“ نىسانداردىڭ شينجياڭعا كىرۋىن قاتاڭ شەكتەپ، لاستانۋدان ساقتانۋ جانە ونى جونگە سالۋدان قامال الۋ شايقاسىن باتىل، ويداعىداي جۇرگىزىپ، ەنەرگيا جۇمسالىمى مەن باستى لاستاۋشى زاتتاردىڭ شىعارىلۋ مولشەرى ۇزدىكسىز تومەندەدى. ايماق دارەجەلىدەن جوعارى قالالارداعى اۋا ساپاسى جاقسى بولعان كۇندەر سالىستىرماسى %72.7تەن %75.4كە جوعارىلادى، ماڭىزدى وزەندەردەگى جاقسى سۋ ساپاسىنىڭ ۇلەسى %98.8كە جەتتى. 5 جىلدا 28 ميلليون 375 مىڭ 600 مۋ جەردە قۇمايتتانۋدان ساقتانۋ، قۇمدى تىزگىندەۋ جۇمىسى جۇرگىزىلىپ، 4 ميلليون 922 مىڭ مۋ ەگىستىك جەردى ورمانعا قايتارىپ، ورمانمەن كومكەرىلۋ مولشەرى 2015 - جىلعى %4.7تەن 2020 - جىلى %5.02كە جوعارىلادى، جايلىمداعى جامىلعى وسىمدىك ايتارلىقتاي قالپىنا كەلىپ، تۇياق كەستى بولۋ بەتالىسى تەجەلدى، اقسۋداعى كوكيار ينجەنەرياسى ەلىمىزدىڭ شولەيتتەنۋدى جونگە سالۋداعى تيپتىك ۇلگىسىنە اينالىپ، سۋى تۇنىق، تاۋى مانات، ماساتىداي قۇلپىرعان كورىكتى شينجياڭ كورىنىس بەرىپ كەلەدى!

  وتكەن 5 جىلدا، ءبىز كەدەيلىكتەن ارىلتۋدان قامال الۋدىڭ شەشۋشى شايقاسىنىڭ شەشۋشى جەڭىسىنە جەتتىك، بۇل مۇلدە كەدەيلىك تاريحي سيپاتتا جويىلعان، جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە قول جەتكىزگەن 5 جىل بولدى.

  ءبىز كەدەيلەردى دالمە - ءدال سۇيەمەلدەۋ، كەدەيلىكتەن دالمە - ءدال ارىلتۋ نەگىزگى جالپى جوباسىن تياناقتاندىرىپ، ”ەكىدەن تارىقتىرماۋمەن، ءۇشتى قامتاماسىز ەتۋمەن“ تىعىز بايلانىستىرىپ، ”التى دالمە - ءدال بولۋعا“ تاباندى بولىپ، ”جەتى ءبىر توپتى“، ”ۇشتە سەرپىندى ارتتىرۋدى“ تىڭعىلىقتى ىلگەرىلەتىپ، رايونىمىزدا قازىرگى ولشەمدەگى 3 ميلليون 64 مىڭ 900 اۋىل - قىستاق كەدەي حالقى تۇگەلدەي كەدەيلىكتەن ارىلىپ، 3666 كەدەي قىستاق كەدەيلىك تىزىمىنەن تۇگەلدەي ءوشىرىلىپ، 35 كەدەي اۋداننىڭ كەدەيلىك قالپاعى تۇگەلدەي الىندى. ”ەكىدەن تارىقتىرماۋ، ءۇشتى قامتاماسىز ەتۋ“ جالپى بەتتىك جۇزەگە اسىپ، كەدەي وتباسىلاردىڭ مىندەتتى وقۋ - اعارتۋ كەزەڭىندەگى بالالاردىڭ كەدەيلىك سەبەبىنەن وقۋعا تۇسە الماۋى، وقۋدان شەگىنۋى يكەمدى جويىلدى، كەدەي حالىقتىڭ نەگىزگى ەمدەۋ قامسىزداندىرۋىنا، سالماقتى ناۋقاس قامسىزداندىرۋىنا قاتىناسۋ مولشەرى تۇگەلدەي %100كە جەتتى، 40 مىڭ تۇتىننەن اساتىن 160 مىڭ 920 كەدەي حالىقتى قونىس جاڭالاپ سۇيەمەلدەۋ مىندەتىن ءبىر جىل بۇرىن ورىندادىق. اۋىز سۋ حاۋىپسىزدىگى مەن تۇرعىن ءۇي حاۋىپسىزدىگى جاعىنداعى ولقىلىقتاردى كۇش سالا تولىقتاپ، قايتا كەدەيلەسۋدەن ساقتانۋدى باقىلاۋ - ساراپتاۋ، ساقتاندىرۋ جانە يكەمدى كومەكتەسۋ - سۇيەمەلدەۋ مەحانيزمىن اقاۋسىزداندىردىق، كەمەلدەندىردىك، اۋىل - قىستاقتاعى اۋىز سۋ حاۋىپسىزدىگى مەن قاتەرلى ۇيلەردى جاڭالاۋ مىندەتى تولىقتاي ورىندالىپ، 5 جىلدا ءبىر ميلليون 520 مىڭ كەدەي حالىقتىڭ اۋىز سۋ حاۋىپسىزدىگى ماسەلەسى شەشىلىپ جانە بەكەمدەلىپ، دەڭگەيى جوعارىلاپ، بارلىق كەدەي حالىق تۇگەلدەي حاۋىپسىز، الاڭسىز سۋ تۇتىناتىن بولىپ، كەدەي حالىقتىڭ قاتەرلى ۇيلەردە تۇرۋ تاريحى ءۇزىلدى - كەسىلدى اياقتالىپ، كەدەي بۇقارانىڭ ءوندىرىس، تۇرمىس شارت - جاعدايى زور مولشەردە جاقساردى، شينجياڭنىڭ مىڭداعان جىلداردان بەرگى مۇلدە كەدەيلىك ماسەلەسى تاريحي سيپاتتا شەشىم تاپتى!

  وتكەن 5 جىلدا، ءبىز ولقىلىقتاردى تولىقتاۋعا، ءونىمدى قارجى قوسۋدى بەلسەنە كەڭەيتۋگە تاباندى بولدىق، بۇل نەگىزدىك قۇرىلعى قۇرىلىسى ارشىنداي ىلگەرىلگەن، قالا مەن اۋىل كەلبەتىندە وراسان ۇلكەن وزگەرىس بولعان 5 جىل بولدى.

  ءبىز نەگىزدىك قۇرىلعى قۇرىلىسىن ولقىلىقتاردى تولىقتاۋدىڭ، ءالسىز بۋىنداردى كۇشەيتۋدىڭ ماڭىزدى ءتۇيىنى ەتۋگە تاباندى بولىپ، ءونىمدى قارجى قوسۋدى ۇزدىكسىز ارتتىردىق، قاتىناس، سۋ يگىلىگى، ەنەرگيا سياقتى ەلەۋلى نەگىزدىك قۇرىلعى نىساندارىنىڭ قوماقتى ءبىر توبىنىڭ قۇرىلىسى اياقتاپ، پايدالانۋعا بەرىلىپ، ەكونوميكالىق، قوعامدىق دامۋعا پارمەندى تىرەك بولىپ، قالا، اۋىل كەلبەتىنە تەرەڭ وزگەرىس اكەلدى. 5 جىلدا تۇراقتى مۇلىككە جيىنى 4 تريلليون 100 ميلليارد يۋان قارجى قوسۋدى ورىنداپ، ”12 - بەسجىلدىق“ مەزگىلدەگىنىڭ 29.1 ەسەسى بولدى. قاتىناس نەگىزدىك قۇرىلعىلارى قۇرىلىسىن جەدەلدەتتىك، ”شينجياڭ ىشىندە اينالىم قالىپتاستىرۋدا، شينجياڭعا كىرىپ - شىعۋدى جەدەلدەتۋدە“ ەلەۋلى ىلگەرىلەۋشىلىككە قول جەتكىزىلىپ، جالپىلىق قاتىناس تورابى ۇزدىكسىز اقاۋسىزداندى، 2020 - جىلى بۇكىل رايوندا كولىك قاتىناعان تاس جول 209 مىڭ كيلومەترگە جەتىپ، 5 جىلدا 30 مىڭ كيلومەتر تاس جول جاڭادان قوسىلدى، مۇنىڭ ىشىندە جوعارى قارقىندى تاس جول 5500 كيلومەترگە جەتىپ، تىڭنان 1184 كيلومەتر جوعارى قارقىندى تاس جول قوسىلىپ، بۇكىل رايونداعى ايماق، وبلىس، قالالاردىڭ بارلىعى جوعارى قارقىندى تاس جول داۋىرىنە قادام تاستادى. ”13 - بەسجىلدىق“ مەزگىلدە جاڭادان 4 تارماق جەلى اۋەجايى قوسىلىپ، ازاماتتىق اۋەجايلاردىڭ جالپى سانى 22گە جەتىپ، ءۇرىمجى حالىقارالىق اۋەجايىن وزەك، تارماق جەلى اۋەجايلارىن تىرەك ەتكەن ”اۋەدەگى جىبەك جولى“ العاشقى قادامدا كولەم قالىپتاستىردى. پويەز قاتىناعان تەمىر جول 7398 كيلومەترگە جەتىپ، 5 جىلدا جاڭادان 1530 كيلومەتر قوسىلىپ، تەمىر جول بۇكىل شينجياڭداعى بارلىق ايماقتارعا، وبلىستارعا، قالالارعا تۇتاستى. ورتالىق قالا ءۇرىمجى مەترو داۋىرىنە قادام تاستادى، ۇرىمجىدەن شي - انعا دەيىن موتورلى ۆاگون قۇراما پويەزى قاتىناپ، شينجياڭ تەمىر جولىنىڭ جولاۋشى تاسىمالى مەملەكەتتىك جوعارى قارقىندى تەمىر جول نەگىزگى جەلىسىمەن توعىستى. گولمۋد - كورلا تەمىر جولىنىڭ جالپى جەلىسى تۇتاستىرىلىپ، شينجياڭعا كىرىپ - شىعاتىن ءۇشىنشى ۇلكەن تەمىر جول ارناسى اشىلدى. سۋ يگىلىگى نەگىزدىك قۇرىلعىلارى قۇرىلىسىن جەدەلدەتتىك، يۇرۇڭقاش، داشى قىساڭى، موموقي سياقتى 21 ءىرى، ورتا تۇرپاتتى سۋ قويمالارىنىڭ قۇرىلىسى جەدەلدەپ، اراتاش، قارابەل، جيەن، سۋباش سياقتى ءىرى، ورتا تۇرپاتتى 18 سۋ قويماسى سالىنىپ، بۇكىل رايونداعى سۋ قويمالارىنىڭ سيىمدىلىعى 23 ميلليارد تەكشەمەترگە جەتىپ، 5 جىلدا 3 ميلليارد 563 ميلليون تەكشەمەتر كوبەيدى، جوعارى ونىمدىلىكپەن سۋ ۇنەمدەپ سۋارۋ كولەمىنە جاڭادان 11 ميلليون 560 مىڭ مۋ قوسىلدى، اسىرەسە، ياركەن وزەنى، چەرچەن وزەنى سياقتى ءتۇيىندى وزەن ارنالارىنداعى تەجەۋ سيپاتىنداعى سۋ يگىلىگى تورابى ينجەنەرياسىنىڭ سالىنۋى ياركەن وزەنىندەگى مىڭ جىلدىق سەل قاتەرىن ءۇزىلدى - كەسىلدى سەيىلتىپ، وزەن الابى بويىنداعى 2 ميلليون 400 مىڭنان استام حالىققا باقىت اكەلىپ، ۇزدىكسىز تۇردە تارىم وزەنىنىڭ تومەنگى اعارىنا ەكولوگيالىق سۋ جىبەرىپ جانە بۇكىل الاپتاعى توراڭعى ورمانى ءوڭىرىن ەكولوگيالىق سۋمەن تولىقتىرىپ، تەتما كولىنىڭ 300 شارشى كيلومەترلىك كول بەتىندە قايتادان تولقىن ويناپ، تىرشىلىك تىنىسى قاۋلادى! ەنەرگيا نەگىزدىك قۇرىلعىلارى قۇرىلىسىن جەدەلدەتتىك، مەملەكەت بەلگىلەگەن ”3 بازا، ءبىر ارنا“ سىندى ستراتەگيالىق ورىن بويىنشا، مۇناي، تابيعي گاز بارلاۋ، اشۋ جۇمىسىن جەدەلدەتىپ، تارىم 30 ميلليون توننالىق مۇناي الابىن قۇرىپ، شينجياڭ مۇناي الابىنىڭ، ماحۋ، جەمسارى 2 جەردەگى ءبىر ميلليارد توننالىق دەڭگەيدەگى ۇلكەن مۇناي الابىن بارلاپ بايقادىق؛ ىلگەرىندى - كەيىندى ”شينجياڭ ەلەكترىن سىرتقا جەتكىزۋ“، ”باتىستىڭ گازىن شىعىسقا جەتكىزۋ“، ءىرى تۇرپاتتى كومىر ەلەكتر، كومىر حيميا ونەركاسىبى بازاسى، جاڭا ەنەرگيا بازاسى سياقتى ءبىر توپ ەلەۋلى ينجەنەريالاردى سالىپ، 750 كيلوۆولتتىق كەرنەۋ وزگەرتىپ ەلەكتر جەتكىزۋ ينجەنەرياسىمەن ايماق، وبلىستاردى تولىق قامتۋدى جۇزەگە اسىردىق، بۇكىل رايوندا ەلەكتر گەناراتور اگراگاتتارىنىڭ كولەمى 100 ميلليون كيلوۆاتتان اسىپ، 102 ميلليون 530 مىڭ كيلوۆاتقا جەتتى، ”شينجياڭ ەلەكترىن سىرتقا جەتكىزۋ“ بويىنشا 300 ميلليارد كيلوۆات - ساعاتتان استام ەلەكتر جەتكىزىلىپ، مۇنىڭ ىشىندە 2020 - جىلى جەتكىزىلگەنى 100 ميلليارد كيلوۆات - ساعاتتان استى. جاڭاشا قالا - قالاشىقتاندىرۋ جانە جاڭاشا اۋىل - قىستاق قۇرىلىسىن جەدەل ىلگەرىلەتتىك، ءۇرىمجى، قاشقار سياقتى ءبىر توپ وڭىرلىك ورتالىق قالالاردىڭ بەت - بەينەسى كۇن سايىن جاڭارىپ، اي سايىن وزگەرىپ، كۇشار، تيەمىنگۋان، شۋاڭحى، قورعاس، كوكدالا، كۇنيۇي، حۋياڭحى سياقتى جاڭا قالالار بوي كوتەرىپ، قالا - قالاشىقتاردىڭ جالپى كوتەرىمدىلىك قابىلەتى ايتارلىقتاي جوعارىلاپ، تۇرعىلىقتى حالىقتىڭ قالا - قالاشىقتانۋ مولشەرى 2015 - جىلعى %47.23تەن 2020 - جىلى %52.4كە كوتەرىلدى. 2020 - جىلى بۇكىل رايون قالا - قالاشىقتارىنداعى سۋمەن قامداۋدىڭ جالپىلاسۋ مولشەرى، لاس سۋدىڭ ءبىر جاقتى ەتىلۋ مولشەرى، تۇرمىستىق قوقىستاردىڭ زالالسىزداندىرىلىپ ءبىر جاقتى ەتىلۋ مولشەرى جەكە - جەكە %98كە، %96.9كە، %97كە جەتتى. سالىنىپ بولعان اۋماقتاردىڭ جاسىلدانۋ مولشەرى %39.47كە جەتتى. 5 جىلدا اۋىل - قىستاق بەيقۇت ءۇي ينجەنەرياسى بويىنشا ءبىر ميلليون 169 مىڭ 800 ءۇي، قالا - قالاشىقتاعى قامتاماسىز ەتۋ سيپاتتى ۇيلەردەن ءبىر ميلليون 293 مىڭ 600 ءۇي سالىنىپ، قالا - قالاشىقتاعى لاشىق ۇيلەر اۋماعىنان ءبىر ميلليون 122 مىڭ ءۇي جاڭالانىپ، 10 ميلليونعا جۋىق بۇقارا جاڭا قونىسقا كوشتى. اۋىل - قىستاق قونىس ورتاسىن رەتتەۋ - جونگە سالۋدىڭ 3 جىلدىق ارەكەت مىندەتى تولىق تابىسپەن ورىندالىپ، اۋىل - قىستاقتاعى تازا دارەتحانالاردىڭ جالپىلاسۋ مولشەرى %84.95كە جەتتى، %87.15 اكىمشىلىك قىستاقتارداعى تۇرمىستىق قوقىستار ءونىمدى ءبىر جاقتى ەتىلەتىن بولدى. بارلىق اكىمشىلىك قىستاقتارعا قاتتى جابىندى جول توسەلۋ، جولاۋشى اۆتوبۋزى قاتىناۋ، ءۇش فازالىق ەلەكتر جەتكىزىلۋ، كەڭ ارنالى ينتەرنەت جەلىسى تارتىلۋ جۇزەگە اسىرىلدى. شينجياڭداعى ءار ۇلت حالقى تام ۇيلەردە تۇراتىن، كەرمەك، سور سۋ ىشەتىن، باتپاق جولمەن جۇرەتىن بۇرىنعى تاريح كەلمەسكە كەتتى!

  وتكەن 5 جىلدا، ءبىز حالىقتى وزەك ەتكەن دامۋ يدەياسىنا تاباندى بولدىق، بۇل حالىق تۇرمىسى ايتارلىقتاي جاقسارعان، ءار ۇلت بۇقاراسى ناقتى تيىمدىلىككە ەڭ كوپ كەنەلگەن 5 جىل بولدى.

  ءبىز دامۋدى ”حالىق تۇرمىسىن جاقسارتۋ جاعىنا تياناقتاندىرۋعا، جەرگىلىكتى ورىنعا تيىمدىلىك جاساۋ جاعىنا تياناقتاندىرۋعا، ىنتىماقتى نىعايتۋ جاعىنا تياناقتاندىرۋعا“ باستان - اياق تاباندى بولىپ، قازىنالىق شىعىستىڭ %70تەن استامىن حالىق تۇرمىسىن قامتاماسىز ەتۋگە جانە جاقسارتۋعا جۇمساۋعا تاباندى بولىپ، جۇمىستاندىرۋ، وقۋ - اعارتۋ، ەمدەۋ، قوعامدىق قامتاماسىز ەتۋ سياقتى حالىققا ءتيىمدى ءتۇيىندى ينجەنەريالاردى ۇزدىكسىز ىلگەرىلەتتىك، بۇقارانىڭ ءتول مۇددەسىنە ساياتىن حالىق تۇرمىسىنىڭ قيىن ماسەلەلەرىنەن ءبىر توبى ءونىمدى شەشىم تاپتى. جۇمىستاندىرۋدى كوپ ارنامەن كەڭەيتتىك، 5 جىلدا قالا - قالاشىقتا تىڭنان 2 ميلليون 330 مىڭ ادام جۇمىستانىپ، اۋىل - قىستاقتا ارتىق ەڭبەككۇشتەردەن 14 ميلليون 330 مىڭ ادام (رەت) باسقا سالاعا ويىستىرىلىپ جۇمىستانىپ، وڭتۇستىك شينجياڭنىڭ 4 ايماق - وبلىسىندا 3 جىلدا 100 مىڭ كەدەي حالىقتى جۇمىستاندىرۋ جوسپارى مەجەدەن ءبىر جىل بۇرىن ارتىعىمەن ورىندالدى، سولتۇستىك شينجياڭداعى، شىعىس شينجياڭداعى 10 ايماق، وبلىس، قالانىڭ وڭتۇستىك شينجياڭداعى 50 مىڭ كەدەي ەڭبەككۇشتىڭ باسقا سالاعا ويىسىپ جۇمىستانۋىن قابىلداۋ مىندەتى جاپپاي ورىندالدى. وقۋ - اعارتۋ ىستەرىن زور كۇشپەن دامىتتىق، سوتسياليستىك ءبىلىم بەرۋ بەتالىسىنا تاباندى بولىپ، ونەگە كورسەتىپ ادام تاربيەلەۋ ءتۇبىرلى مىندەتىن تياناقتاندىرىپ، مەملەكەتتە ءبىر تۇتاس قولدانىلاتىن ءتىل - جازۋ تاربيەسىن، وقۋ - وقىتۋىن جالپى بەتتىك اتقارىپ، وقىتۋشىلار قوسىنى قۇرىلىسىن جاپپاي كۇشەيتتىك، 2020 - جىلى مەكتەپكە كىرۋ الدىنداعى تاربيە بويىنشا بالاباقشاعا ءتۇسۋدىڭ جالپى مولشەرى %98تەن، باستاۋىش مەكتەپكە وقۋعا ءتۇسۋدىڭ ناق مولشەرى %99.9تەن، 9 جىلدىق مىندەتتى وقۋ - اعارتۋدىڭ بەكەمدەلۋ مولشەرى %95تەن، ورتا مەكتەپ ساتىسىنداعى وقۋعا ءتۇسۋدىڭ جالپى مولشەرى %98تەن استى، وڭتۇستىك شينجياڭداعى 4 ايماق - وبلىستا بالاباقشادان ورتا مەكتەپكە دەيىنگى 15 جىلدىق تەگىن وقۋ - اعارتۋ جۇزەگە اسىپ، وسى زامانعى كاسىپتىك وقۋ - اعارتۋ جۇيەسى نەگىزىنەن ورنادى، شينجياڭ داشۋەسىنىڭ ”قوس بىرەگەي“ قۇرىلىسى جانە ءبولىم - اۋماقتى بىرىكتىرىپ قۇرۋ قىزمەتى ورنىقتى قاداممەن ىلگەرىلەپ، جوعارى وقۋ - اعارتۋدىڭ تۇرلەر بويىنشا دامۋى جەدەل ىلگەرىلەپ، شينجياڭنىڭ وقۋ - اعارتۋىنىڭ بەت - بەينەسىندە ءتۇبىرلى وزگەرىس تۋىلدى. سالاماتتى شينجياڭ قۇرىلىسىن بار كۇشپەن ىلگەرىلەتتىك، ەمدەۋ، ءدارى - دارمەك، دەنساۋلىق ساقتاۋ ءتۇزىلىسى رەفورماسىن ۇزدىكسىز تەرەڭدەتىپ، الەۋمەتتىك دەنساۋلىق ساقتاۋدان قىزمەت وتەۋ قابىلەتىن جانە ەمدەۋدەن قىزمەت وتەۋ دەڭگەيىن ۇزدىكسىز جوعارىلاتىپ، بۇكىل شينجياڭداعى ءار ۇلت بۇقاراسىنا پايدا اكەلەتىن جالپى حالىقتىڭ دەنساۋلىعىن تەگىن تەكسەرۋ جۇمىسىن ورىستەتتىك، اۋىل - قالاشىق شيپاحانالارى مەن قىستاق ەمحانالارىن ولشەمدەندىرۋ قۇرىلىسىنىڭ مولشەرى %100كە جەتىپ، وڭتۇستىك شينجياڭ اۋىل - قىستاقتارىن ۇزاقتان مازالاپ كەلە جاتقان تۋبەركۋلەز سياقتى ەلەۋلى جۇقپالى اۋرۋلار مەن جەرگىلىكتى اۋرۋلاردان ساقتانۋ جانە ونى ەمدەۋ ءونىمدى جۇرگىزىلىپ، اۋىل - قىستاق نوپوسىنداعىلاردىڭ ايماق، وبلىس تۇرعان جەرلەردەگى ۇكىمەتتىك شيپاحانالارعا جاتىپ ەمدەلۋىندە ”الدىمەن شيپاحاناعا جاتۋ، ونان سوڭ اقى تولەۋ“ ءبىر بەكەتتىك ەسەپ جابۋ بۇكىل مەملەكەت بويىنشا الدىمەن سىناق رەتىندە اتقارىلىپ، ءار ۇلت بۇقاراسىنىڭ اۋرۋ كورسەتۋى قيىن بولۋ، قىمبات بولۋ ماسەلەسى ءونىمدى جەڭىلدەتىلدى. جوسپارلى تۋۋ بويىنشا باسقارۋ جانە قىزمەت وتەۋ دەڭگەيى ۇزدىكسىز جوعارىلاپ، بۇكىل رايونداعى جۇكتى ايەلدەردىڭ، بوسانعان ايەلدەردىڭ جانە بوبەكتەر مەن سابيلەردىڭ ءولۋ مولشەرى زور مولشەردە تومەندەدى. مادەنيەتتە حالىققا تيىمدىلىك جاساۋ ينجەنەرياسىن اتقاردىق، رايون، ايماق، اۋدان، اۋىل، قىستاق 5 دارەجەنى قامتيتىن الەۋمەتتىك مادەنيەتتەن قىزمەت وتەۋ جۇيەسىن ورناتىپ، ءبىر توپ تاڭداۋلى مادەنيەت، كوركەمونەر تۋىندىلارىن شىعارىپ، ءار ۇلت بۇقاراسىنىڭ رۋحاني مادەنيەت تۇرمىسى ۇزدىكسىز بايىدى. قوعامدىق قامتاماسىز ەتۋ جۇيەسىن كۇش سالا كەمەلدەندىردىك، جالپى حالىق قامسىزداندىرۋعا قاتىناسۋ جوسپارىن زور كۇشپەن اتقاردىق، بۇكىل رايونداعى نەگىزگى زەينەتكەرلىك قامسىزداندىرۋى 13 ميلليون 110 مىڭ ادامدى قامتىپ، نەگىزگى ەمدەۋ قامسىزداندىرۋىنا، سالماقتى ناۋقاس قامسىزداندىرۋىنا قاتىناسۋ مولشەرى %99.71كە جەتتى، جازاتايىم جاعداي قامسىزداندىرۋىمەن جاپپاي قامتۋ جۇزەگە اسىپ، قالا، اۋىل تۇرعىندارىنىڭ ەڭ تومەنگى تۇرمىسىن قامتاماسىز ەتۋدە قامتاماسىز ەتىلۋگە تيىستىلەرى تۇگەل قامتاماسىز ەتىلىپ، تىلەك - قالاۋى بار ”بەستە قامتاماسىز ەتىلەتىن“ قارتتاردى شوعىرلى باعۋ مولشەرى مەن جەتىم بالالاردى شوعىرلى باعىپ الۋ مولشەرى %100كە جەتتى. وڭتۇستىك شينجياڭ 3 ايماق - وبلىسىندا ”كومىردى ەلەكترگە وزگەرتۋ“ (1 - مەرزىمدىك) ينجەنەرياسىن اتقاردىق، جالپى 605 مىڭ وتباسىندا بۇل جۇمىستى ورىنداپ، شەت، شالعاي، مەشەۋ اۋىل - قىستاقتاردىڭ وسى زامانعى وركەنيەتتى ومىردەن ءلاززات الۋىنا مۇمكىندىك جاسادىق. حاۋىپسىزدىكتە حالىققا تيىمدىلىك جاساۋ سەرپىنىن ۇزدىكسىز ارتتىردىق، ءوندىرىس حاۋىپسىزدىگى بويىنشا ارناۋلى رەتتەۋ - جونگە سالۋدىڭ 3 جىلدىق ارەكەتىن تىڭعىلىقتى ىلگەرىلەتىپ، ءوندىرىس حاۋىپسىزدىگى جاعدايى ۇزدىكسىز، تۇراقتى تۇردە جاقساردى. حالىققا ءتيىمدى ءبىرسىپىرا ينجەنەريالاردىڭ اتقارىلۋى مەكتەپكە كىرۋ الدىنداعى تاربيەدەن يگىلىكتەنە الۋدى، وقيتىن مەكتەبى بولۋدى، ەڭبەگىنىڭ جەمىسىن كورۋدى، اۋىرسا ەمدەلە الۋدى، قارتايعاندا كۇتىمدەلەتىن ورىن بولۋدى، تۇراتىن باسپاناسى بولۋدى، كومەككە ءزارۋ جاندار كومەكتەن يگىلىكتەنە الۋدى اناعۇرلىم ويداعىداي جۇزەگە اسىرىپ، ءار ۇلت بۇقاراسىنىڭ تۇرمىسى كۇننەن - كۇنگە جاقسارا ءتۇستى.

  وتكەن 5 جىلدا ءبىز ۇلتتار ىنتىماعىن، ءدىن جاراسىمدىلىعىن ەڭ ۇلكەن بۇقارالىق قىزمەت ەتۋگە تاباندى بولدىق، بۇل پارتيانىڭ ۇلت، ءدىن ساياساتى جالپى بەتتىك دايەكتىلەنگەن، تياناقتانعان، جۇڭحۋا ۇلتى ورتاق تۇلعا تانىمى ۇزدىكسىز كۇشەيگەن 5 جىل بولدى.

  ءبىز زاڭدىلارىن قورعاۋعا، زاڭسىزدارىن تيۋعا، ۇشقارىلىقتى شاۋجايلاۋعا، ءسىڭىپ كىرۋگە قارسى تۇرۋعا، قىلمىسقا سوققى بەرۋگە تاباندى بولىپ، پارتيانىڭ ءدىني سەنىم ەركىندىگى ساياساتىن جاپپاي دايەكتىلەندىرىپ، ءدىن ىستەرىن زاڭ بويىنشا باسقارىپ، دىنگە سەنەتىن بۇقارانىڭ قالىپتى ءدىني سۇرانىسى مەن قالىپتى ءدىني قيمىلدارىن زاڭ بويىنشا قامتاماسىز ەتىپ، ءدىني قايراتكەرلەرگە، ءدىني قيمىل ورىندارىنا قاتىستى تاربيەنى، قىزمەت وتەۋدى جانە باسقارۋدى تىڭعىلىقتى ويداعىداي ىستەپ، ءدىندى سوتسياليستىك قوعامعا ۇيلەسۋگە بەلسەنە جەتەكتەپ، ءدىن تاتۋلىعىن، جاراسىمدىلىعىن پارمەندى تۇردە جەبەدىك. ءبىز جۇڭحۋا ۇلتى ورتاق تۇلعا تانىمىن مىقتاپ ورناتۋدى نەگىزگى جەلى ەتۋگە تاباندى بولىپ، ۇلت قىزمەتىن دەن قويا ويداعىداي ىستەپ، پارتيانىڭ ۇلت ساياساتىن جالپى بەتتىك دايەكتىلەندىرىپ، ۇلتتار ىنتىماعى، العاباسارلىعى ۇگىت - تاربيەسىن كەڭىنەن ورىستەتىپ، ۇلتتار ىنتىماعى، العاباسارلىعى بويىنشا ۇلگىلى ورىن قۇرۋ قيمىلىن تىڭعىلىقتى ورىستەتتىك، ”بەستى شىنايى مويىنداۋ“ مەن جۇڭحۋا ۇلتى ورتاق تۇلعا تانىمى جۇرت جۇرەگىنە اناعۇرلىم تەرەڭ ۇيالادى. ءار ۇلت بۇقاراسى ءوزارا كىرىكتىرىلگەن قوعامدىق قۇرىلىمدى جانە الەۋمەتتىك اۋماق ورتاسىن ورناتۋدى كۇش سالا ىلگەرىلەتتىك. ”ۇلتتار ىنتىماعىنىڭ بەرەكەلى شاڭىراعى“ جانە ۇلتتار ىنتىماعى بىرلەسكەن دوستىق قيمىلىن ىشكەرىلەي ورىستەتتىك، بۇكىل رايونداعى ءبىر ميلليون 120 مىڭ كادر - قىزمەتشى ءبىر ميلليون 690 مىڭ وتباسىنداعى ءار ۇلت نەگىزگى ساتى بۇقاراسىمەن جۇپ قۇراپ، تۋىس بولىپ، ءار ۇلتتىڭ اراسىنداعى ارالاسۋ، ىشتەسۋ، توعىسۋ ونان ارى نىعايىپ، ءار ۇلت بۇقاراسى اناردىڭ دانىندەي تىعىز ۇيىسىپ، بىرگە ىنتىماقتاسىپ كۇرەس جۇرگىزەتىن، گۇلدەنىپ داميتىن قۋاتتى كۇش توپتادى!

  وتكەن 5 جىلدا ءبىز ۇكىمەت فۋنكتسياسىنا بۇرىلىس جاساۋعا، ”تومەنگە بەرۋ، باسقارۋ، قىزمەت وتەۋ“ رەفورماسىن تەرەڭدەتۋگە تاباندى بولدىق، بۇل زاڭ بويىنشا اكىمشىلىك جۇرگىزۋدى ىلگەرىلەتكەن، حالىق رازى بولاتىن ۇكىمەت قۇرۋ ايتارلىقتاي ناتيجە كورسەتكەن 5 جىل بولدى.

  ءبىز پارتيانىڭ جاپپاي باسشىلىعىن ۇكىمەت قىزمەتىنە باستان - اياق سىڭىرۋگە تاباندى بولىپ، ۇكىمەت جۇيەسىندەگى پارتيا قۇرىلىسىن جاپپاي كۇشەيتىپ، ”ەكىنى ۇيرەنۋ، ءبىردى ورىنداۋ“، ”اۋەلگى ماقساتتى ۇمىتپاۋ، بورىشتى ەستە بەرىك ساقتاۋ“ نەگىزگى تاقىرىپتىق تاربيەسىن تىڭعىلىقتى ورىستەتىپ، ساياسي دەڭگەيدى ۇزدىكسىز جوعارىلاتىپ، سانالى تۇردە شي جينپيڭنىڭ جاڭا ءداۋىر جۇڭگوشا سوتسياليزم يدەياسىن ۇيرەنۋدى رەفورمانىڭ، دامۋدىڭ، ورنىقتىلىقتىڭ ءتۇرلى قىزمەتتەرىن ىلگەرىلەتۋدىڭ ءىس جۇزىندىك ارەكەتىنە اينالدىرىپ، پارتيا ورتالىق كوميتەتىنىڭ شەشىمدەرىنىڭ، ورنالاستىرۋلارىنىڭ تىڭعىلىقتى تياناقتانۋىن ءونىمدى ىلگەرىلەتتىك. حالىق قۇرىلتايىنىڭ جانە ونىڭ تۇراقتى كوميتەتىنىڭ زاڭدىق باقىلاۋىن، حالىق ساياسي كەڭەسىنىڭ دەموكراتيالىق باقىلاۋىن، ءتارتىپ تەكسەرۋ كوميتەتىنىڭ، باقىلاۋ - تەكسەرۋ كوميتەتىنىڭ باقىلاۋىن، قازىنالىق باقىلاۋدى جانە قوعامداعى ءار سالانىڭ باقىلاۋىن زاڭ بويىنشا سانالى تۇردە قابىلداپ، 5 جىلدا جيىنى حالىق قۇرىلتايىنىڭ 2540 كەڭەستىك جوباسىن، ساياسي كەڭەستىڭ 3066 ۇسىنىس جوباسىن بىتىردىك. اۆتونوميالى رايون دارەجەلى جانە ايماق، اۋدان دارەجەلى ۇكىمەت قۇرىلىمدارى رەفورماسىن جاپپاي ورىنداپ، قىزمەت جاۋاپكەرشىلىگى ايقىن، زاڭ بويىنشا اكىمشىلىك جۇرگىزەتىن ۇكىمەتتىك جونگە سالۋ جۇيەسىن ورناتتىق. ۇكىمەتتىڭ زاڭمەن جونگە سالۋ قۇرىلىسىن شىنايى كۇشەيتىپ، 5 جىلدا اۆتونوميالى رايوندىق حالىق قۇرىلتايى تۇراقتى كوميتەتىنىڭ قاراۋىنا جيىنى 33 جەرگىلىكتى زاڭ ەرەجە جوباسىن ۇسىنىپ، جەرگىلىكتى ۇكىمەتتىك ەرەجەدەن 16نى جاريالاپ، ۇكىمەتتىك ەرەجەدەن 46سىن كۇشىنەن قالدىرىپ نەمەسە وعان وزگەرىس ەنگىزىپ، اكىمشىلىك ولشەمدى حۇجاتتاردان 1635ىن كۇشىنەن قالدىردىق. اكىمشىلىك زاڭ اتقارۋدى جاريالاۋ، زاڭ اتقارۋدىڭ جالپى بارىسىن ەستەلىككە الۋ، ەلەۋلى زاڭ اتقارۋ ۇيعارىمدارىن زاڭدىق تۇرعىدا قاراپ بەكىتۋ سىندى ”3 ءتۇزىمدى“ جالپى بەتتىك قانات جايدىرىپ، زاڭ بويىنشا اكىمشىلىك جۇرگىزۋدىڭ قابىلەتى مەن دەڭگەيىن ونان ارى جوعارىلاتتىق. ”تومەنگە بەرۋ، باسقارۋ، قىزمەت وتەۋ“ رەفورماسىن ىشكەرىلەي ىلگەرىلەتىپ، شارۋاشىلىق - ساۋدا ورتاسىن كۇش سالا جاقسارتىپ، تەكسەرىپ بەكىتۋ ۇقىعىنان جيىنى 27سىن تومەنگە بەرىپ، 217 ءىستى تەكسەرىپ بەكىتۋدى كۇشىنەن قالدىرىپ، تىزىمدە جوقتارىنا تەكسەرىپ بەكىتۋ جۇرگىزبەۋدى اتقارىپ، ”كوپ تەكسەرىپ بەكىتۋدى بىرىكتىرۋ، كوپ كۋالىكتى بىرىكتىرۋ، كوپ بەلگىلەمەنى بىرىكتىرۋ“، ”تيجارات كۋالىگى مەن رۇقسات كۋالىگىن ءبولۋ“ رەفورماسىن جەبەپ، كاسىپورىن اشۋ ۋاقىتىن ۇزدىكسىز قىسقارتىپ، ”قوس كەزدەيسوق، ءبىردى اشىق جاريالاۋ“ باقىلاۋ - باسقارۋىمەن جاپپاي قامتۋدى ىلگەرىلەتتىك. كاسىپورىندار مەن بۇقارا ءىس بىتىرگەندە ”كوپ بولعاندا ءبىر رەت بارۋ“ رەفورماسىن تەرەڭدەتىپ، ”ءبىر جەلىدە ءبارىن ءبىتىرۋدى“، ”ولكە اتتاپ ءبارىن ءبىتىرۋدى“ زور كۇشپەن ىلگەرىلەتىپ، اۆتونوميالى رايوننىڭ ءبىر تۇلعالىق جەلىدە اكىمشىلىك قىزمەت وتەۋ تەكشەسىن ورناتۋدى، قولدانۋدى تەرەڭدەتىپ، بۇكىل رايوندى قامتيتىن اكىمشىلىك قىزمەت وتەۋ جۇيەسىن قالىپتاستىردىق، كاسىپورىن مەن بۇقارا ءىس بىتىرۋدە جەلىدەن تىسقارىدا ”تەك ءبىر ەسىكتەن كىرەتىن“، جەلىدە تەك ”ءبىر سايتقا كىرەتىن“ بولىپ، ولكە اتتاپ وزگە جەردە ەمدەلۋدە تىكەلەي ەسەپ جابۋ جۇزەگە اسىرىلدى. جەرگىلىكتى ۇكىمەتتەر مەن مەملەكەت مەنشىگىندەگى كاسىپورىنداردىڭ، حالىقتىق كاسىپورىنداردىڭ الاشاعىن جانە شارۋا جۇمىسكەرلەردىڭ ەڭبەكاقىسىن كەشەۋىلدەتۋ، بەرمەي قويۋ ماسەلەسىن زور كۇشپەن اداقتادىق. كادرلار ستيلىن ۇزدىكسىز كۇشەيتىپ جانە جاقسارتىپ، فورماشىلدىق پەن تورەشىلدىكتىڭ كورنەكتى ماسەلەلەرىن شەشتىك. باقىلاۋ، تەكسەرۋ، باعالاۋ ىستەرىن قىسقارتىپ جانە ارناعا ءتۇسىرىپ، ماجىلىستەر مەن حۇجاتتاردى زور كولەمدە ىقشامداپ، نەگىزگى ساتىنىڭ اۋىرتپالىعىن ءونىمدى جەڭىلدەتىپ، نەگىزگى ساتىعا كوڭىل بولەتىن، ناقتى ىسكەرلىكتى ارداقتايتىن، جاۋاپكەرشىلىك ارقالاپ، ءىس تىندىراتىن ايقىن باعدار ورناتتىق. ءار دارەجەلى ۇكىمەتتەر ۇنەمشىل بولۋ يدەياسىن مىقتاپ ورناتىپ، جاڭادان عيمارات - ساراي سالۋدى قاتاڭ شەكتەپ، ”ۇكىمەتتىڭ 3 ءتۇرلى“ قاراجاتىن زور كۇشپەن ازايتىپ، بارلىق ىستەردى ۇنەمشىلدىكپەن ءبىتىرىپ، ءاربىر تيىندى كەرەكتى جەرىنە جۇمساۋعا قۇلشىندىق. ۇكىمەت جۇيەسىندەگى پارتيا ستيلى، پاكتىك قۇرىلىسىن جانە شىرىكتەسۋگە قارسى كۇرەستى ىشكەرىلەي ىلگەرىلەتىپ، ستيلى پاك، سالتى دۇرىس تاماشا ساياسي ەكولوگيا قالىپتاستىرىپ، قالىڭ حالىق بۇقاراسىنىڭ ىستىق ىقىلاستى القاۋىنا جانە قىزۋ قولداۋىنا يە بولدىق!

  ۋاكىلدەر! بيڭتۋان − اۆتونوميالى رايوننىڭ ماڭىزدى قۇرامداس بولىگى، شينجياڭنىڭ باياندى تىنىشتىعىن جۇزەگە اسىرۋداعى ماڭىزدى كۇش. ءبىز ”بيڭتۋان مەن جەرگىلىكتى ورىن ءبىر تۇتاس جۇيە“ يدەياسىن بەرىك ورناتىپ، بيڭتۋاننىڭ رەفورمانى تەرەڭدەتۋىنە بار كۇشپەن قولداۋ كورسەتىپ، بيڭتۋانعا 3511 ءتۇرلى اكىمشىلىك فۋنكتسيا جانە اكىمشىلىك زاڭ اتقارۋ ۇقىعىن زاڭ بويىنشا بەرىپ، بيڭتۋاننىڭ قالا قۇرۋىن، قالاشىق قۇرۋىن جەدەل ىلگەرىلەتىپ، بيڭتۋاننىڭ وڭتۇستىككە قاراي دامۋىنا قولداۋ كورسەتىپ، بيڭتۋاننىڭ ورنىقتىلىقتى قورعاۋ، شەكارانى كۇزەتۋ قابىلەتى قۇرىلىسىنا قولداۋ كورسەتىپ، بيڭتۋان مەن جەرگىلىكتى ورىننىڭ تەرەڭدەي توعىسا دامۋىن ىلگەرىلەتتىك، بيڭتۋاننىڭ جالپىلىق قۋاتى ايتارلىقتاي كۇشەيىپ، بيڭتۋاننىڭ دامۋى تاريحتاعى ەڭ جاقسى كەزەڭگە ءوتتى. 2020 - جىلى بيڭتۋاننىڭ ءوندىرىس جالپى ءونىم قۇنى 290 ميلليارد 514 ميلليون يۋانعا جەتتى، 5 جىلدا جىلىنا ورتا ەسەپپەن %6.1 ارتتى، قالا - قالاشىقتاعى جانە ليان - دۇيدەگى تۇرعىلىقتى تۇرعىنداردىڭ جان باسىندىق قولداعى تابىسى جىلىنا ورتا ەسەپپەن جەكە - جەكە %5.4 جانە %10.2 ارتتى. بيڭتۋاننىڭ دامۋى، الۋەتتەنۋى جاڭا داۋىردەگى شينجياڭنىڭ قوعام ورنىقتىلىعى مەن باياندى تىنىشتىعى ءۇشىن ماڭىزدى رول اتقارىپ، ماڭىزدى ۇلەس قوستى!

  ۋاكىلدەر! شينجياڭعا باعىتتامالى كومەكتەسۋگە پارتيا ورتالىق كوميتەتى مەن بۇكىل ەل حالقىنىڭ شينجياڭعا دەگەن ەرەكشە قامقورلىعى جانە ىقىلاستى ءۇمىتى قامتىلعان. 5 جىلدان بەرى، شينجياڭعا كومەكتەسەتىن 19 ولكە - قالا جيىنى 76 ميلليارد 677 ميلليون يۋاننان استام شينجياڭعا كومەك قارجىسىن سالىپ، شينجياڭعا كومەك نىساندارىنان 8540ىن اتقاردى، شينجياڭعا كومەك قارجىلارىنىڭ %80تەن كوبى حالىق تۇرمىسى سالاسىنا جانە نەگىزگى ساتىعا جۇمسالىپ، حالىق تۇرمىسىنىڭ ءتۇيىندى نىساندارىنان ءبىر توبى اتقارىلىپ، كومەك قابىلداۋشى جەردىڭ نەگىزدىك قۇرىلعىلارى مەن بۇقارانىڭ ءوندىرىس - تۇرمىس شارت - جاعدايىن بارىنشا جاقسارتتى. ەمدەۋ، وقۋ - اعارتۋ دارىندىلارىنىڭ ”ۇجىمدىق ۇلگىدە“ شينجياڭعا كومەك بەرۋى ۇزدىكسىز تەرەڭدەپ، شينجياڭعا كومەك بەرۋدىڭ جالپىلىق تيىمدىلىگى ۇزدىكسىز جوعارىلاپ، شينجياڭداعى ءار ۇلت حالقىنا ۇلى وتان شاڭىراعىنىڭ جىلۋىن اناعۇرلىم تەرەڭ سەزىندىردى. شينجياڭعا كومەك بەرگەن ولكە، قالالاردىڭ قالتقىسىز كومەگىن جانە شينجياڭعا كومەككە كەلگەن كادرلاردىڭ قاجىرلى قۇلشىنىسىن شينجياڭداعى ءار ۇلت حالقى ماڭگى ۇمىتپايدى!

  ۋاكىلدەر، ەندى عانا وتكەن 2020 - جىلدا توسىن كەلگەن جاڭا تيپتى ايدارشا ۆيرۋس وكپە قابىنۋ ىندەتى الدىندا،ءبىز باس شۋجي شي جينپيڭنىڭ ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى ءبىر تۇتاس جوسپارلاپ ىلگەرىلەتۋ جونىندەگى ماڭىزدى سوزدەرىنىڭ جانە ماڭىزدى نۇسقاۋلارىنىڭ، بەكىتۋلەرىنىڭ رۋحىن باتىل، پارمەندى تۇردە دايەكتىلەندىرىپ، تياناقتاندىرىپ، اۆتونوميالى رايوندىق پارتكومنىڭ”3+1“ ءتۇيىندى قىزمەتتەر ورنالاستىرۋىن دايەكتىلەندىرىپ، تياناقتاندىرىپ، ”تورتكە شىنايى كەپىلدىك ەتۋدى“ جۇزەگە اسىرىپ، ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدىڭ ”قوس جەڭىسىنە“ قول جەتكىزدىك! ءبىز حالىقتىڭ ءومىرىنىڭ حاۋىپسىزدىگى مەن دەنساۋلىعىن ءبىرىنشى ورىنعا قويۋعا قاشاندا تاباندى بولىپ، ”سىرتتان كىرۋدەن ساقتانۋعا، ىشتە قايتا بەلەڭ بەرۋدەن ساقتانۋعا“ تاباندى بولىپ، ىندەتتەن ساقتانۋ - تىزگىندەۋدى ۇدايىلاندىرۋ مەحانيزمىن ورناتىپ، اقاۋسىزداندىرىپ، ىندەتتەن ساقتانۋ زاتتىق ماتەريالىن ءوندىرۋ قابىلەتىن، نۋكلەين قىشقىلىن تەكسەرۋ قابىلەتىن جانە مەديتسينالىق قۇتقارۋ - ەمدەۋ قابىلەتىن جەدەل جوعارىلاتىپ، ءتۇيىندى الاڭ - ورىندارعا، ءتۇيىندى قۇرىلىمدارعا، ءتۇيىندى ادامدار توبىنا ساياتىن ساقتانۋ - تىزگىندەۋ قىزمەتىن كورنەكتىلەندىرە وتىرىپ ويداعىداي يگەرىپ، ىندەتكە قارسى اتتانۋ كۇرەسى سىندى قيان - كەسكى شايقاسىتىڭ جەڭىسىنە باتىل قول جەتكىزىپ، ءار ۇلت حالىق بۇقاراسىنىڭ ءومىرىنىڭ حاۋىپسىزدىگى مەن دەنساۋلىعىن ەڭ جوعارى شەكتە قامتاماسىز ەتىپ، ىندەتتەن ساقتانۋ - تىزگىندەۋدە ەلەۋلى تابىسقا قول جەتكىزدىك.ءبىز ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى ءبىر تۇتاس جوسپارلاپ، ادامدار اينالىمىن، زات اينالىمىن، قارجى اينالىمىن بارلىق ءادىس - امالدان پايدالانىپ ىركىلىسسىز اشىپ، ەگىن، مال شارۋاشىلىعى ءوندىرىسىن ۋاقىتىن اقساتپاي ويداعىداي يگەرىپ، ىندەت كەزىندەگى استىق حاۋىپسىزدىگىن جانە باستى اۋىل شارۋاشىلىق ونىمدەرىمەن قامداۋدى ءونىمدى قامتاماسىز ەتىپ، قالىپتى ءوندىرىس، تۇرمىس ءتارتىبىن جالپى بەتتىك قالپىنا كەلتىردىك؛ قيىنشىلىقتى جەڭىلدەتەتىن، كاسىپورىندارعا تيىمدىلىك جاسايتىن ءبىرسىپىرا ساياساتتاردى دەر كەزىندە شىعارىپ، مەملەكەتتىڭ باجىنى ازايتۋ، اقىنى تومەندەتۋ ساياساتىن مۇقيات تياناقتاندىردىق، بۇكىل رايوندا تىڭنان جيىنى 11 ميلليارد يۋان باجى ازايتىلىپ، اقى تومەندەتىلىپ، ورتا، شاعىن، ۇساق كاسىپورىندار مەن جەكە ساۋدا - ونەركاسىپشىلەردىڭ ءتۇرلى ساياساتتاردىڭ تياناقتانۋىنان يگىلىكتەنگەن پايدا قارجىسى 131 ميلليارد 730 ميلليون يۋانعا جەتىپ، جۇمىستى، ءوندىرىستى قالپىنا كەلتىرۋدى، ساۋدانى، بازاردى قالپىنا كەلتىرۋدى پارمەندى ىلگەرىلەتتىك؛ بۇكىل ەل كولەمىندە ەڭ الدىمەن وقۋ باستاپ، ساباقتى قالپىنا كەلتىرىپ، مەكتەپ اۋلاسىندا ”ىندەتسىز بولۋدى“، ”جۇعىمدالۋسىز بولۋدى“ جۇزەگە اسىردىق؛ جۇمىستانۋدى ورنىقتىرۋ ساياسات - شارالارىن دەر كەزىندە شىعارىپ، جۇمىستانۋدى بار ءادىس - امالدان پايدالانا وتىرىپ قامتاماسىز ەتىپ، ەرەكشە ادامدار شوعىرى مەن قيىنشىلىعى بار بۇقارانى قۇتقارۋدى جانە ولارعا كومەك بەرۋدى كۇشەيتىپ، ءار ۇلت بۇقاراسى قام جەگەن، ۋايىمداعان، الاڭداعان ىستەردى شىنايى شەشتىك. تۇرعىنداردىڭ تۇتىنۋ باعاسى كورسەتكىشى بۇكىل مەملەكەتتىڭ ورتاشا دەڭگەيىنەن ءبىر پايىز تومەن بولىپ، تەكسەرۋدەن الىنعان جۇمىسسىزدىق مولشەرى بىرتىندەپ تومەندەۋ بەتالىسىن كورسەتىپ، 4 - توقساندا بۇكىل جىلداعى ەڭ تومەنگى شەككە ءتۇسىپ، %4.6 مولشەرىندە مەڭگەرىلدى.

  ۋاكىلدەر! وتكەن 5 جىلعا قايىرىلا قاراساق، ناتيجەنىڭ وڭاي - وسپاق قولعا كەلمەگەندىگىن، ايرىقشا باعالى ەكەندىگىن بايقايمىز. بۇل شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىنىڭ جانە ىقىلاستى قامقورلىعىنىڭ جەمىسى، شي جينپيڭنىڭ جاڭا ءداۋىر جۇڭگوشا سوتسياليزم يدەياسىنىڭ عىلمي جەتەكشىلىگىنىڭ جەمىسى، ورتالىق پەن مەملەكەت ورگاندارىنىڭ، ورتالىق كاسىپورىندارىنىڭ قۋاتتى قولداۋىنىڭ جانە شينجياڭعا كومەك بەرەتىن ولكە - قالالاردىڭ قالتقىسىز كومەگىنىڭ جەمىسى، بۇكىل شينجياڭداعى ءار ۇلت حالقىنىڭ بىرگە ىنتىماقتاسىپ كۇرەس جۇرگىزۋىنىڭ جەمىسى، وعان حالىق قۇرىلتايى ۋاكىلدەرىنىڭ، ساياسي كەڭەس مۇشەلەرىنىڭ جانە قوعامنىڭ ءار سالاسىنىڭ قاجىرلى قۇلشىنىسى دا سىڭگەن. وسى ارادا مەن اۆتونوميالى رايوندىق حالىق ۇكىمەتى اتىنان بۇكىل شينجياڭداعى ءار ۇلت حالقىنا، حالىق قۇرىلتايىنىڭ ۋاكىلدەرىنە، ساياسي كەڭەس مۇشەلەرىنە، ءارقايسى دەموكراتيالىق پارتيا - توپتارعا، پارتيادا، توپتا جوق قايراتكەرلەرگە، حالىقتىق ۇيىمدار مەن قوعامنىڭ ءار سالاسىنداعى قايراتكەرلەرگە شىن جۇرەكتەن العىس بىلدىرەمىن! شينجياڭدا تۇراتىن حالىق ازاتتىق ارمياسىنداعى جانە قارۋلى ساقشى بولىمدەرىندەگى كوماندير - جاۋىنگەرلەرگە، قوعام حاۋىپسىزدىگى كادر - ساقشىلارىنا، ورتالىقتىڭ شينجياڭدا تۇراتىن ورىندارىنا، شينجياڭعا كومەك بەرگەن ولكە - قالالارعا، سونداي - اق شينجياڭعا كومەككە كەلگەن بارشا كادرلارعا شىن ىقىلاسپەن راقىمەت ايتامىن! شينجياڭنىڭ ورنىقتىلىعىنا، دامۋىنا كوڭىل بولەتىن، قولداۋ كورسەتەتىن بارشا دوستارعا شىن پەيىلمەن العىس بىلدىرەمىن!

  سونىمەن بىرگە ءبىز مىنانى جىعا تانۋعا ءتيىسپىز: ەكونوميكانىڭ جوعارى ساپالى دامۋى ءالى دە كەيبىر قيىنشىلىقتار مەن ماسەلەلەرگە ءدوپ كەلىپ وتىر: ەكونوميكانىڭ تومەندەۋ قىسىمى ارتىپ، ىندەتتىڭ ىقپالىندا جانە سىرتقى ورتادا كوپتەگەن بەلگىسىزدىكتەر ءومىر سۇرۋدە، ەكونوميكانىڭ قالپىنا كەلۋىنىڭ نەگىزى ءالى بەكەم ەمەس، ءبىر ءبولىم ورتا، شاعىن كاسىپورىنداردىڭ ءوندىرىسى، شارۋاشىلىعى قيىندىقتا تۇر؛ كاسىپ سالاسىنىڭ تيبىن وزگەرتۋ، دارەجەسىن جوعارىلاتۋ قايشىلىعى كورنەكتى، 3 كاسىپتىڭ قۇرىلىمى ساپالىلاندىرۋدى كۇتەدى، جاڭا وركەندەگەن كاسىپ سالالارىن جەتىلدىرۋ جەتكىلىكسىز، نەگىزدىك قۇرىلعى قۇرىلىسى ءالى دە كۇشەيتۋدى كۇتىپ تۇر؛ كەدەيلىكتەن ارىلتۋدىڭ نەگىزى ءالى بەكەم ەمەس، كەدەيلىكتەن ارىلتۋ ناتيجەسىن بەكەمدەۋدىڭ، كەڭەيتۋدىڭ مىندەتى ماشاقاتتى؛ ەكولوگيالىق قورشاعان ورتانى قورعاۋ مەن لاستانۋدان ساقتانۋ جانە ونى وڭاۋ مىندەتى ماشاقاتتى. ۇكىمەت قىزمەتىندە ءالى دە ولقىلىقتار بار: كەيبىر جەرلەردىڭ ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى ءبىر تۇتاس جوسپارلاۋى تىڭعىلىقتى ەمەس، جاڭا دامۋ ۇستانىمىن دايەكتىلەندىرۋ، جوعارى ساپالى دامۋدى ىلگەرىلەتۋ تانىمى جەتكىلىكسىز، قابىلەت - ونەرى ءالسىز، ستيلى ناقتى ەمەس؛ تيجارات - ساۋدا ورتاسى ءالى دە جاقسارتۋدى قاجەت ەتەدى؛ ”تومەنگە بەرۋ، باسقارۋ، قىزمەت وتەۋ“ رەفورماسىنىڭ ”ەڭ سوڭعى ءبىر كيلومەترىندە“ بوگەتتەر بار، كەيبىر تاراۋلاردىڭ، ورىنداردىڭ قىزمەت وتەۋ تانىمى كۇشتى ەمەس؛ فورماشىلدىق، تورەشىلدىك ءالى دە تۇرلىشە دەڭگەيدە ورىن تەۋىپ وتىر. ءبىز، ءسوز جوق، حالىق الدىندا ايرىقشا جاۋاپكەرلىك تانىتۋ پەيىلىندە بولا وتىرىپ، قيىندىقتان تايسالمايتىن باتىلدىقپەن، قايىسپاس بەكەم ەرىك - جىگەرمەن زەيىن - زەردەنى، كۇش - قۋاتتى سارقا جۇمساي وتىرىپ قيىندىقتاردى ەڭسەرىپ، ماسەلەلەردى جەڭىپ، قىزمەتتەردى جاقسى ىستەپ، ءار ۇلت حالقىنىڭ ماڭىزدى تاپسىرماسىنىڭ ۇددەسىنەن شىعۋىمىز كەرەك!

ەكىنشى، ”14 - بەسجىلدىق“ مەزگىلىندەگى باستى نىسانا - مىندەتتەر جانە ماڭىزدى شارالار

  ”14 - بەسجىلدىق“ مەزگىلى جاپپاي سوتسياليستىك وسىزاماندانعان مەملەكەت قۇرۋدىڭ جاڭا ساپارىن باستايتىن، ەكىنشى 100 جىلدىق كۇرەس نىساناسىنا قاراي جورىق جاسايتىن العاشقى 5 جىل، شينجياڭ قوعام ورنىقتىلىعىنىڭ ناتيجەسىن بەكەمدەيتىن، جوعارى ساپالى دامۋدى ىلگەرىلەتەتىن، باياندى تىنىشتىققا قادام تاستايتىن شەشۋشى 5 جىل. كەزەكتە جانە الداعى ءبىر مەزگىلدە شينجياڭنىڭ ەكونوميكالىق، قوعامدىق دامۋى ءبىرتالاي قيىندىقتارمەن جانە سىن - سايىستارعا بەتپە - بەت كەلەدى، سونداي - اق ءبىرسىپىرا وراي مەن باسىمدىققا دا يە بولادى: بىرىنشىدەن، پارتيا ورتالىق كوميتەتىنىڭ ءمان بەرۋى، كوڭىل ءبولۋى، قامقورلىق جاساۋى. شي جينپيڭ جولداستى ۇيتقى ەتكەن پارتيا ورتالىق كوميتەتى شينجياڭ قىزمەتىنە ايرىقشا ءمان بەرىپ، شينجياڭ قىزمەتىن پارتيا مەن مەملەكەت قىزمەتىنىڭ جالپى جاعدايىنا ساياتىن ماڭىزدى ورىنعا قويىپ، 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىن اشىپ، باس شۋجي شي جينپيڭ ماڭىزدى ءسوز سويلەپ، جاڭا داۋىردەگى شينجياڭ قىزمەتىن ويداعىداي ىستەۋ جونىندە ايقىن بەتالىس كورسەتىپ، ءتۇبىرلى بويسۇنۋ ولشەمىن ازىرلەدى. ەكىنشىدەن، ءتۇرلى ساياساتتار قوسىلىپ، ونىمدىلىكتى ارتتىرادى. پارتيا ورتالىق كوميتەتى بۇكىل ەلدەگى رەفورمانى، دامۋدى ءبىر تۇتاس جوسپارلاپ ىلگەرىلەتۋ ۇردىسىندە شينجياڭدى جىبەك جولى ەكونوميكالىق بەلدەۋى وزەكتى رايونى، باتىس بولىكتى قاۋىرت اشۋدىڭ ءتۇيىندى ءوڭىرى، مەملەكەتتىڭ باتىسقا ەسىك اشۋىنىڭ قاقپاسى، ”ءۇش بازا، ءبىر ارنا“ ەتىپ، ءبىرسىپىرا ەرەكشە قولداۋ ساياساتتارىن بەرىپ، رايونىمىز ەكونوميكاسىنىڭ جوعارى ساپالى دامۋىن ىلگەرىلەتۋگە قوزعاۋشى كۇش ۇستەدى. ۇشىنشىدەن، شينجياڭعا باعىتتامالى كومەكتەسۋدىڭ باسىمدىعى وزگەشە. بۇكىل ەلدەگى 19 ولكە، قالانىڭ، ورتالىق پەن مەملەكەتتىڭ مينيسترلىك - كوميتەتتەرىنىڭ، ورتالىق كاسىپورىنداردىڭ شينجياڭعا باعىتتامالى كومەك بەرۋ قىزمەتى جاڭا داۋىردە بۇكىل مەملەكەت ءبىر تۇتاس جۇيە بولعان، ءار جاقتىڭ كۇشى شينجياڭعا باعىتتامالى كومەك بەرگەن قىزمەت اۋقىمىن قالىپتاستىرىپ، كومەك بەرۋشى - قابىلداۋشى ەكى جاقتىڭ كاسىپ سالاسى سەلبەستىگىن كۇشەيتۋىنە، ەكونوميكالىق اينالىمدى ىركىلىسسىزدەندىرۋىنە نەگىز قالادى. تورتىنشىدەن، وڭىرلىك باسىمدىق كورنەكتى. سىرتقا ەسىك اشۋدى كەڭەيتۋ، باتىس بولىكتى قاۋىرت اشۋ، ”ءبىر بەلدەۋ، ءبىر جولدى“ بىرگە قۇرۋ سياقتىلاردىڭ ۇزدىكسىز ىلگەرىلەۋىنە مەڭزەس، شينجياڭ ءبىرشاما تۇيىق ىشكى قۇرلىقتىق جەردەن سىرتقا ەسىك اشۋدىڭ الدىڭعى شەبىنە اينالدى، بۇل جاڭا دامۋ ارناسىن جەدەل قۇرۋعا، حالىقارا مەن ەل ءىشى سىندى قوس اينالىمدى جەبەۋگە ءتيىمدى. بەسىنشىدەن، بايلىقتىڭ كادەگە جاراۋ مۇمكىندىگى وراسان زور. شينجياڭنىڭ جەرى كەڭ، كەن بايلىقتارى مول، ساياحات بايلىعى مول جينالعان، جەر، ەلەكتر قۋاتى، ەڭبەككۇشتىڭ وزىندىك قۇنى تومەن بولۋ سياقتى باسىمدىقتارى ايقىن، ءبىرشاما كۇشتى كومەسكى باسەكەلىك قۋاتقا يە. التىنشىدان، ورنىقتىلىقتىڭ پايداسى تولىق ىسكە قوسىلادى. كەشەندى شارا قولدانىلىپ، تۇبىرىنەن وڭاۋ مەن ۇستىنەن وڭاۋ قاتار يگەرىلىپ، قوعامدىق كەلەلى جاعدايدىڭ ۇزدىكسىز ورنىقتىلىعى ساقتالىپ، ەكونوميكانىڭ جوعارى ساپالى دامۋىن جەبەۋگە تاماشا ورتا ازىرلەنگەن. جەتىنشىدەن، حالىق تىلەگىنىڭ توعىسۋى بولاشاق مەجەگە سەرپىن بەرەدى. ءار ۇلت كادر - بۇقاراسىنىڭ ءبىر نيەتتە جۇمىلا قۇرىلىس جۇرگىزۋ، بۇكىل ىنتا - پەيىلمەن دامۋدى كوزدەۋ تىلەگى اناعۇرلىم كۇشەيىپ، دامۋدى ىلگەرىلەتەتىن قۋاتتى بىرىككەن كۇش قالىپتاستىردى. پارتيا ورتالىق كوميتەتىنىڭ پارمەندى باسشىلىعىندا، بىزدە باسىمدىقتى ساۋلەلەندىرىپ، ورايدان ويداعىداي پايدالانىپ، ىرىقتىلىقپەن ىسكەرلىك كورسەتىپ، وسى ارىنمەن ورگە ۇمتىلىپ، جاڭا داۋىردەگى شينجياڭ قىزمەتىندە ۇزدىكسىز جاڭا جاعداي اشاتىن بەكىم دە، سەنىم دە بار!

  اۆتونوميالى رايوندىق پارتكومنىڭ «حالىق شارۋاشىلىعى مەن قوعامدىق دامۋدىڭ 14 - بەسجىلدىق جوباسىن جانە 2035 - جىلعا دەيىنگى بولاشاقتىق نىسانانى جاساۋ جونىندەگى ۇسىنىسىنا» ساي، اۆتونوميالى رايوندىق حالىق ۇكىمەتى ”شينجياڭ ۇيعۇر اۆتونوميالى رايونىنىڭ حالىق شارۋاشىلىعى مەن قوعامدىق دامۋدىڭ 14 - بەسجىلدىق جوباسىن جانە 2035 - جىلعا دەيىنگى بولاشاقتىق نىسانا باعدارلاماسىن (جوبا)“ جاساپ، وسى رەتكى ءماجىلىستىڭ قاراۋىنا ۇسىندى.

  ”14 - بەسجىلدىق“ مەزگىلىندەگى ەكونوميكالىق، قوعامدىق دامۋدىڭ جەتەكشى يدەياسى: جۇڭگوشا سوتسياليزمنىڭ ۇلى تۋىن بيىك ۇستاپ، پارتيا 19 - قۇرىلتايىنىڭ جانە 19 - كەزەكتى ورتالىق كوميتەتىنىڭ ەكىنشى، ءۇشىنشى، ءتورتىنشى، بەسىنشى جالپى ماجىلىستەرىنىڭ رۋحىن ىشكەرىلەي دايەكتىلەندىرۋ، 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىن دايەكتىلەندىرۋ، تياناقتاندىرۋ، ماركسيزم - لەنينيزمدى، ماۋ زىدۇڭ يدەياسىن، دىڭ شياۋپيڭ نازارياسىن، ”ۇشكە ۋاكىلدىك ەتۋ“ ماڭىزدى يدەياسىن، عىلمي دامۋ كوزقاراسىن، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولۋ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداۋ، پارتيانىڭ نەگىزگى نازاريالارىن، نەگىزگى لۋشيانىن، نەگىزگى جالپى جوباسىن جاپپاي دايەكتىلەندىرۋ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ءدال دايەكتىلەندىرىپ، قوعام ورنىقتىلىعى مەن باياندى تىنىشتىق باس نىساناسىن مىقتاپ يگەرۋ، ”بەستى ءبىر تۇلعالاندىرۋ“ جالپىلىق ورنالاستىرۋىن ءبىر تۇتاس جوسپارلاپ ىلگەرىلەتىپ، ”ءتورتتى جاپپاي ورىنداۋ“ ستراتەگيالىق ورنالاستىرۋىن سايكەستى ىلگەرىلەتۋ، شينجياڭدى زاڭمەن جونگە سالۋعا، شينجياڭدى ىنتىماقتاسا ورنىقتىرۋعا، شينجياڭدى مادەنيەتپەن نارلەندىرۋگە، حالىقتى بايىتىپ شينجياڭدى گۇلدەندىرۋگە، شينجياڭدى باياندى كوركەيتۋگە تاباندى بولۋ، ورنىقتىلىق بارىسىندا ىلگەرىلەۋ قىزمەت جالپى ارناسىنان جازباي، جاڭا دامۋ ۇستانىمىن تياناق ەتىپ، جاڭا دامۋ ۇستانىمىن دايەكتىلەندىرىپ، جاڭا دامۋ ارناسىن قالىپتاستىرىپ، جوعارى ساپالى دامۋدى ىلگەرىلەتۋدى تاقىرىپ، قامداۋ جاعىنداعى قۇرىلىمدىق رەفورمانى تەرەڭدەتۋدى نەگىزگى جەلى، رەفورما جاساۋدى، جاڭالىق اشۋدى ءتۇبىرلى قوزعاۋشى كۇش، حالىقتىڭ كۇن سايىن ارتقان تاماشا تۇرمىس قاجەتىن قاناعاتتاندىرۋدى ءتۇبىرلى ماقسات، جونگە سالۋ جۇيەسى مەن جونگە سالۋ قابىلەتىن وسىزامانداندىرۋدى ىلگەرىلەتۋدى كەپىل ەتىپ، دامۋ مەن حاۋىپسىزدىكتى ءبىر تۇتاس جوسپارلاۋ، وسى زامانعى ەكونوميكا جۇيەسىن جەدەل ورناتىپ، ەكونوميكانىڭ نىق قاداممەن الىسقا جەتۋىن، قوعامنىڭ تىنىشتىعى، جاراسىمدىلىعىن جۇزەگە اسىرىپ، ىنتىماقتى، جاراسىمدى، گۇلدەنگەن، باي، وركەنيەتتى، العا باسقان، تىنىش ءومىر، شات - شادىمان تىرشىلىك كەشكەن، ەكولوگياسى تاماشا جاڭا داۋىردەگى جۇڭگوشا سوتسياليستىك شينجياڭ قۇرۋعا قۇلشىنۋ.

  ”14 - بەسجىلدىق“ مەزگىلىندەگى ەكونوميكالىق، قوعامدىق دامۋدىڭ نىساناسى: 2035 - جىلعا بارعاندا سوتسياليستىك وسىزامانداندىرۋدى بۇكىل ەلمەن بىرگە نەگىزىنەن جۇزەگە اسىرۋ سىندى بولاشاقتىق نىسانا بويىنشا، قوعام ورنىقتىلىعى مەن باياندى تىنىشتىق باس نىساناسىمەن تىعىز بايلانىستىرا وتىرىپ، ءبىز ”14 - بەسجىلدىقتاعى“ ەكونوميكالىق، قوعامدىق دامۋدىڭ مىناداي باستى نىسانالارىن العا قويدىق: ەكونوميكالىق دامۋدا تىڭ ونىمدىلىككە قول جەتكىزۋ، رەفورما جاساۋدا، ەسىك اشۋدا تىڭ قادام تاستاۋ، ۇلتتار ىنتىماعىندا تىڭ ىلگەرىلەۋشىلىكتى جۇزەگە اسىرۋ، قوعامنىڭ وركەنيەت دەڭگەيىندە تىڭ جوعارىلاۋعا قول جەتكىزۋ، ەكولوگيالىق وركەنيەت قۇرىلىسىندا جاڭا جاقسارۋدى جۇزەگە اسىرۋ، حالىق تۇرمىسىنىڭ ىرىس - قۇتىندا جاڭا دەڭگەيگە جەتۋ، قوعام ورنىقتىلىعىندا جاڭا جاعداي اشۋ، قوعامدىق جونگە سالۋدىڭ ونىمدىلىگىندە جاڭا وسۋگە قول جەتكىزۋ. ”14 - بەسجىلدىق“ مەزگىلدە بۇكىل رايونداعى وڭىرلىك ىشكى ءوندىرىستىڭ جالپى قۇنى جىلىنا ورتا ەسەپپەن %6تەن ارتىق ءوسۋ، تۇرعىنداردىڭ جان باسىندىق قولداعى تابىسى جىلىنا ورتاشا ەسەپپەن %6تىڭ ۇستىندە ءوسۋ، قالا - قالاشىقتا جۇمىستانۋعا جىلىنا ورتا ەسەپپەن 460 مىڭنان استام ادام جاڭادان قوسىلۋ، قالا - قالاشىقتاعى تەكسەرۋدەن الىنعان جۇمىسسىزدىق مولشەرى %5.5 ىشىندە مەڭگەرىلۋ. بۇل نىسانالاردا شينجياڭنىڭ ءىس جۇزىندىگىن نەگىزگە الۋعا تاباندى بولىپ، پارتيا ورتالىق كوميتەتىنىڭ شينجياڭعا بەلگىلەگەن ورنى مەن تالابىن تياناق ەتىپ، ءار جاقتى فاكتورلاردى جالپىلاي ويلاستىردىق؛ شىندىقتى ءىس جۇزىنەن ىزدەۋگە، ورنىقتىلىق بارىسىندا ىلگەرىلەۋگە تاباندى بولدىق، نىسانالار بەلسەندى، ىرىقتى بولۋمەن، جۇرتتى جىگەرلەندىرۋمەن بىرگە، ءىس جۇزىندىككە دە جاناسادى، وعان مۇمكىندىكتەر دە قالدىرىلدى؛ جوعارى ساپالى دامۋدى ىلگەرىلەتۋدى تاقىرىپ ەتۋگە تاباندى بولىپ، سىڭار جاقتىلىقپەن ەكونوميكالىق ارتۋدىڭ جىلدامدىعىنا عانا بوي ۇرماي، اناعۇرلىم جوعارى ساپالى، اناعۇرلىم ءونىمدى، اناعۇرلىم ءادىل، اناعۇرلىم باياندى، اناعۇرلىم حاۋىپسىز دامۋدى جۇزەگە اسىرۋعا قۇلشىندىق.

  ”14 - بەسجىلدىق“ جوبانىڭ نىسانالارىن جۇزەگە اسىرۋدا، ءسوز جوق، جاڭا دامۋ كەزەڭىن دۇرىس مەڭگەرۋ، جاڭا دامۋ ۇستانىمىن ىشكەرىلەي دايەكتىلەندىرۋ، جاڭا دامۋ ارناسىن قالىپتاستىرۋ قادامىن تەزدەتۋ؛ ءسوز جوق، شينجياڭ ەل ءىشى ۇلكەن اينالىمىنداعى جانە ەل ءىشى مەن حالىقارا سىندى قوس اينالىمداعى ورنىن جانە سالىستىرمالى باسىمدىعىن ءدال تاۋىپ، ءبىر جاعىنان، ەل ءىشى بازارىن تياناق ەتىپ، ىشكى سۇرانىستى كەڭەيتۋ سىندى ستراتەگيالىق نەگىزگى تۇيىنگە تاباندى بولىپ، كۇش سالا وتىرىپ قارجى قوسۋدى كەڭەيتىپ، تۇتىنۋدى جەبەپ، كاسىپ سالاسى تىزبەگىنىڭ، قامداۋ تىزبەگىنىڭ، قۇن تىزبەگىنىڭ ساپالىلانۋىن، دارەجەسىنىڭ جوعارىلاۋىن كۇش سالا ىلگەرىلەتىپ، ءوندىرىستىڭ، ءبولىستىڭ، اينالىمنىڭ، تۇتىنۋدىڭ ەل ءىشى بازارىنا نەعۇرلىم كوبىرەك ارقا سۇيەۋىنە مۇمكىندىك جاساۋ، ەندى ءبىر جاعىنان، ”باتىستان ەنگىزىپ، شىعىستان اكەلۋ“، ”شىعىسپەن بايلانىسىپ، باتىسقا شىعارۋ“ سىندى وڭىرلىك ورىن باسىمدىعىن تولىق ساۋلەلەندىرىپ، اشىق تيپتەگى ەكونوميكانى دامىتىپ، اشىق كەڭىستىكتى كەڭەيتۋ؛ ءسوز جوق، اۆتونوميالى رايوندىق پارتكوم ورتاعا قويعان ”14 - بەسجىلدىقتاعى“ ەلەۋلى ستراتەگيالىق ورنالاستىرۋلاردى تىعىز ارقاۋ ەتىپ، جىبەك جولى ەكونوميكالىق بەلدەۋى وزەكتى رايون قۇرىلىسى، 1 -، 2 -، 3 - كاسىپتەردى توعىستىرا دامىتۋ، نەگىزدىك قۇرىلعى قۇرىلىسى، جاڭاشا قالا - قالاشىقتاندىرۋ، اۋىل - قىستاقتى گۇلدەندىرۋ، ”تومەنگە بەرۋ، باسقارۋ، قىزمەت وتەۋ“ سياقتى ءتۇيىندى سالالارداعى رەفورمالاردى تەرەڭدەتىپ، شارۋاشىلىق - ساۋدا ورتاسىن ساپالىلاندىرۋ، شينجياڭدى مادەنيەتپەن نارلەندىرۋ، كورىكتى شينجياڭ قۇرۋ، بيڭتۋان مەن جەرگىلىكتى ورىندى توعىستىرا دامىتۋ، حالىق تۇرمىسىن قامتاماسىز ەتۋ جانە جاقسارتۋ سىندى 10 ۇلكەن جۇمىستى شىنايى ويداعىداي ىستەۋ كەرەك. ناقتىلاي ايتقاندا، مىنا 15 جاقتاعى ءتۇيىندى مىندەتتى ويداعىداي يگەرۋ كەرەك.

  (1) جاڭالىق اشۋ ارقىلى دامۋعا دەم بەرۋگە تاباندى بولىپ، جوعارى ساپالى دامۋدىڭ جاڭا قوزعاۋشى ەنەرگياسىن جەتىلدىرۋ. جاڭالىق اشۋ ارقىلى دامۋعا دەم بەرۋ ستراتەگياسىن جانە دارىندىلارمەن رايوندى قۇدىرەتتەندىرۋ ستراتەگياسىن ىشكەرىلەي اتقارىپ، جاڭالىق اشا دامۋ ورنالاستىرىلىمىن ساپالىلاندىرىپ، كاسىپورىنداردىڭ تەحنيكادا جاڭالىق اشۋىن ىلگەرىلەتىپ، عىلىم - تەحنيكالىق جاڭالىق اشۋ مەحانيزمىن كەمەلدەندىرىپ، دارىندىلار ساياساتىندا جاڭالىق اشۋدى ىلگەرىلەتىپ، ەكونوميكالىق دامۋدىڭ فاكتوردى جەتەك ەتۋدەن جاڭالىق اشۋدى جەتەك ەتۋگە بۇرىلىس جاساۋىن جەدەلدەتىپ، ەكونوميكالىق دامۋدىڭ ىشكى قوزعاۋشى كۇشى مەن باياندى دامۋ قابىلەتىن ۇزدىكسىز كۇشەيتىپ، ءتۇرلى دارىندىلاردىڭ جاڭالىق اشۋ، جاراتۋ، شارۋاشىلىق قۇرۋ ومىرشەڭدىگىن تولىق قاۋلاتىپ، عىلىم - تەحنيكالىق جاڭالىق اشۋدى دامۋدىڭ ستراتەگيالىق تىرەگىنە اينالدىرىپ، جاڭالىق اشۋدى جوعارى ساپالى دامۋدى جەتەكتەيتىن ءبىرىنشى قوزعاۋشى كۇشكە اينالدىرۋ.

  (2) اۋىل شارۋاشىلىعىن، اۋىل - قىستاقتى الدىمەن دامىتىپ، اۋىل - قىستاقتى گۇلدەندىرۋدى ىشكەرىلەي ىلگەرىلەتۋ. كەدەيلىكتەن ارىلتۋدان قامال الۋدىڭ ناتيجەسىن باتىل ساقتاپ، كەدەيلىكتەن ارىلتۋدان قامال الۋدىڭ ناتيجەسىن بەكەمدەۋدى، كەڭەيتۋدى اۋىل - قىستاقتى گۇلدەندىرۋمەن ءونىمدى ۇشتاستىرۋ. اۋىل - قىستاقتى گۇلدەندىرۋ ستراتەگياسىن جاپپاي اتقارىپ، اۋىل - قىستاق كاسىپ سالاسىن جەدەل دامىتىپ، سوتسياليستىك رۋحاني وركەنيەت قۇرىلىسىن كۇشەيتىپ، اۋىل - قىستاق ەكولوگيالىق وركەنيەت قۇرىلىسىن كۇشەيتىپ، اۋىل - قىستاق رەفورماسىن تەرەڭدەتىپ، اۋىل - قىستاق قۇرىلىسى ارەكەتىن اتقارىپ، قالا مەن اۋىلدىڭ توعىسا دامۋىن ىلگەرىلەتىپ، اۋىل - قىستاقتى جونگە سالۋدى كۇشەيتىپ جانە جاقسارتىپ، اۋىل شارۋاشىلىعىنىڭ جوعارى ساپالى، جوعارى ءونىمدى بولۋىن، اۋىل - قىستاقتىڭ قونىسقا جايلى، كاسىپكە ىڭعايلى بولۋىن، شارۋالاردىڭ باي - باقۋاتتى بولۋىن جەبەۋ. استىقتى القاپتاردى قورعاپ، ەگىستىك جەر بايلىعىنان عىلمي، ۇيلەسىمدى پايدالانۋ ستراتەگياسىن اتقارىپ، استىق ەگىس كولەمىن ورنىقتىرىپ، استىق حاۋىپسىزدىگىن قامتاماسىز ەتۋ. ”14 - بەسجىلدىقتىڭ“ سوڭىندا بۇكىل رايونداعى تۇراقتى نەگىزگى ەگىنجايلاردى 41 ميلليون مۋدان (بيڭتۋان قامتىلمايدى) تۇسىرمەي ساقتاپ، استىقتىڭ جالپىلىق ءوندىرىس قابىلەتىن 32 ميلليارد جىڭنان اسىرۋ. ”14 - بەسجىلدىقتىڭ“ سوڭىندا ماقتا ءوندىرىسى قابىلەتىن 5 ميلليون توننا كولەمىندە ورنىقتىرۋعا، ساپالى سورت مولشەرىن %98تەن، ماشينامەن جينالاتىن ماقتانى %80تەن اسىرۋعا؛ جەمىس ورمانىنىڭ كولەمىن 22 ميلليون مۋ كولەمىندە ورنىقتىرىپ، جەمىس - جيدەك ءونىم مولشەرىن 12 ميلليون توننا كولەمىنە جەتكىزۋگە؛ مال شارۋاشىلىعىنىڭ ءونىم قۇنىن 110 ميلليارد يۋاننان اسىرۋعا قۇلشىنۋ.

  (3) ونەركاسىپتىڭ نەگىزىن بەكەمدەپ، ونىمدىلىگىن ارتتىرۋدى جانە تيبىن وزگەرتىپ، دارەجەسىن جوعارىلاتۋدى ىلگەرىلەتىپ، جاڭا تيپتى ونەركاسىپتەنگەن دامۋ دەڭگەيىن جوعارىلاتۋ. ەكونوميكانى دامىتۋدىڭ كۇش سالۋ ءتۇيىنىن ناقتى ەكونوميكاعا اۋدارۋعا تاباندى بولىپ، سالىستىرمالى باسىمدىق پەن كاسىپ سالاسى ساياساتتارىنان جاقسى پايدالانىپ، مەملەكەتتىڭ ”ءۇش بازا، ءبىر ارناسىن“ جەدەل قۇرىپ، ءداستۇرلى كاسىپ سالاسىنىڭ تيبىن وزگەرتۋدى، دارەجەسىن جوعارىلاتۋدى ىلگەرىلەتىپ، باسىم كەن ونىمدەرى بايلىعىن اشۋدى، پايدالانۋدى جانە تەرەڭدەي وڭدەۋدى جەدەل ىلگەرىلەتىپ، ەڭبەك شوعىرلانعان كاسىپ سالالارىن زور كۇشپەن دامىتىپ، ستراتەگيالىق جاڭا وركەندەگەن كاسىپ سالالارىن بەلسەنە دامىتىپ، كاسىپ سالاسى تىزبەگىنىڭ، قامداۋ تىزبەگىنىڭ ساپالىلانۋىن، دەڭگەيىنىڭ جوعارىلاۋىن ىلگەرىلەتىپ، سيفرلى، زەردەلى باعىتقا قاراي دامۋىن ۇزدىكسىز تەزدەتىپ، سيفرلى ەكونوميكا مەن ناقتى ەكونوميكانىڭ تەرەڭ توعىسۋىن جەبەپ، ونەركاسىپ ەكونوميكاسىنىڭ ساپاسىن، ونىمدىلىگىن جانە وزەكتى باسەكەلىك قابىلەتىن ۇزدىكسىز جوعارىلاتۋ. ”14 - بەسجىلدىقتىڭ“ سوڭىندا توقىما، كيىم - كەشەك كاسىپ سالاسىنىڭ بۇكىل كاسىپ تىزبەگىنىڭ جۇمىستاندىرۋ كولەمىن ءبىر ميلليون مولشەرىندەگى ادامعا جەتكىزۋگە، ەلەكتروندى ونىمدەردى قۇراستىرۋدىڭ 100 مىڭ ادامدى جۇمىستانۋعا تارتۋىنا؛ بۇكىل رايونداعى تۋىندامالى ەنەرگيالىق گەناراتور اگراگات كولەمىن 82 ميلليون 400 مىڭ كيلوۆاتقا جەتكىزىپ، مەملەكەتتىك ماڭىزعا يە تازا ەنەرگيا بازاسىن قۇرۋعا؛ مەملەكەتتىڭ ساپالى ماقتا ءجىپ ءوندىرىس بازاسىن قۇرۋعا؛ 100 ميلليارد يۋاندىق كولەمدەگى كاسىپ سالاسى شوعىرىنان 10ىن، 10 ميلليارد يۋان كولەمىندەگى كاسىپ سالاسى شوعىرىنان نەشەۋىن قالىپتاستىرىپ، 10 ميلليارد يۋاندىق دەڭگەيدەگى ينفورماتسيا كاسىپ سالاسى باقشا رايونىنان ءبىر توبىن تۇلعالاپ، شينجياڭ ەرەكشەلىگىنە يە وسى زامانعى كاسىپ سالاسى جۇيەسىن ورناتۋعا قۇلشىنۋ.

  (4) ساياحات ارقىلى شينجياڭدى گۇلدەندىرۋ ستراتەگياسىن ىشكەرىلەي اتقارىپ، وسى زامانعى قىزمەت وتەۋ كاسىبىن زور كۇشپەن دامىتۋ. ساياحات كاسىپ سالاسىنىڭ ورنالاستىرىلىمىن ساپالىلاندىرىپ، ساياحاتتىڭ كوتەرىمدىلىك قابىلەتىن جوعارىلاتىپ، ساياحاتتىڭ تاڭداۋلى ونىمدەرىنەن ءبىر توبىن جەتىلدىرىپ جانە قۇرىپ، ”شينجياڭ سي - تارتۋى“ ساياحات تاۋارلارى جۇيەسىن ورناتىپ، ساياحاتتان قىزمەت وتەۋ دەڭگەيىن جوعارىلاتىپ، ”شينجياڭ جاقسى جەر“ ماركاسىن كۇش سالا تۇلعالاپ، ساياحات كاسىبىنىڭ جوعارى ساپالى دامۋىن ىلگەرىلەتىپ، شينجياڭدى ساياحاتتا دۇنيە جۇزىلىك ماڭىزعا يە نىسانالى جەرگە اينالدىرىپ، 2025 - جىلى قابىلداعان شەكارا ءىشى - سىرتى ساياحاتشىلارىنىڭ سانىن 400 ميلليون ادامنان (رەت) اسىرۋعا قۇلشىنۋ. وندىرىستىك سيپاتتاعى قىزمەت وتەۋ كاسىبىن زور كۇشپەن دامىتىپ، ءتۇرلى بازار تۇلعالارىن قىزمەت وتەۋمەن قامداۋعا ارالاسۋعا جەتەكتەپ جانە قولداۋ كورسەتىپ، وندىرىستىك سيپاتتاعى قىزمەت وتەۋ كاسىبىنىڭ ماماندانۋعا جانە قۇن تىزبەگىنىڭ جوعارى دەڭگەيگە ۇلاسۋىن ىلگەرىلەتۋ. تۇرمىستىق سيپاتتاعى قىزمەت وتەۋ كاسىبىن زور كۇشپەن دامىتىپ، الەۋمەتتىك يگىلىك، نەگىزدىك سيپاتتاعى قىزمەت وتەۋمەن قامداۋدى كۇشەيتىپ، وندىرىستىك سيپاتتاعى قىزمەت وتەۋ كاسىبىنىڭ جوعارى ساپاعا جانە الۋان تۇرلىلىككە قاراي كوتەرىلۋىن ىلگەرىلەتىپ، ءار ۇلت بۇقاراسىنىڭ الۋان ءتۇرلى سۇرانىسىن ۇزدىكسىز قاناعاتتاندىرۋ.

  (5) ىشكى سۇرانىستى كەڭەيتۋ سىندى ستراتەگيالىق نەگىزگى تۇيىنگە تاباندى بولىپ، جاڭا دامۋ ارناسىن قالىپتاستىرۋدى جەبەۋ. ەل ءىشى ۇلكەن بازارىنان ويداعىداي پايدالانىپ، ءونىمدى قارجى قوسۋدى بەلسەنە كەڭەيتىپ، قوعامدىق تۇتىنۋدى كۇش سالا جەبەپ، باتىسقا ەسىك اشۋدى زور كۇشپەن ىلگەرىلەتىپ، ەكونوميكانىڭ جوعارى ساپالى دامۋى ءۇشىن قوزعاۋشى كۇش ۇسىنۋ. نەگىزدىك قۇرىلعى قۇرىلىسىن قارجىلاندىرۋدىڭ شەشۋشى رولىن ساۋلەلەندىرىپ، ءداستۇرلى جانە جاڭا تيپتى نەگىزدىك قۇرىلعىلار قۇرىلىسىن ءبىر تۇتاس جوسپارلاپ، قاتىناس - تاسىمال، وسى زامانعى سۋ يگىلىگى، ەلەكتر قۋاتى، ينفورماتسيالاندىرۋ سىندى ”ءتورت ۇلكەن تىرەكتىك جۇيەنى“ كۇش سالا ورناتىپ، ەكونوميكالىق، قوعامدىق دامۋدىڭ نەگىزىن بەكەمدەۋ. تۇتىنۋدى جەبەۋ ءتۇزىلىس - مەحانيزمىن كەمەلدەندىرىپ، ءداستۇرلى تۇتىنۋدىڭ دەڭگەيىن كوتەرىپ، جاڭا تيپتەگى تۇتىنۋلاردى جەتىلدىرىپ، الەۋمەتتىك تۇتىنۋدى لايىقتى كوبەيتىپ، تۇتىنۋدىڭ ەكونوميكالىق دامۋ جونىندەگى نەگىزدىك رولىن كۇشەيتۋ. ”14 - بەسجىلدىقتىڭ“ سوڭىندا پويەز قاتىناعان تەمىر جول اينالىم ۇزىندىعىنا جاڭادان 2100 كيلومەتردەن ارتىق قوسىپ، جالپى ۇزىندىعىن 9500 كيلومەتردەن اسىرىپ، شينجياڭ ىشىندە اينالىم قالىپتاستىرۋدى، ءتۇيىندى وڭىرلەرگە تەمىر جول قاتىناۋدى جۇزەگە اسىرۋعا؛ 4500 كيلومەتردەن اساتىن جوعارى قارقىندى (1 - دارەجەلى) تاس جول سالىپ، جالپى ۇزىندىعىن 10 مىڭ كيلومەتردەن اسىرىپ، اۋدانداردىڭ بارلىعىنا جوعارى قارقىندى (1 - دارەجەلى) تاس جول قاتىناۋدى، باستى كورىنىس اۋماقتارىن جوعارى قارقىندى (1 - دارەجەلى) تاس جولمەن جاپپاي قامتۋدى نەگىزىنەن جۇزەگە اسىرۋعا؛ 5 جىلدا حالىقتىق تاسىمال اۋەجايلارىنان 15ىن سالىپ بولۋ جانە سالۋ، حالىقتىق تاسىمال اۋەجايلارىنىڭ جالپى سانىن 37گە جەتكىزۋگە؛ شينجياڭ ەلەكترىن سىرتقا جەتكىزۋ مولشەرىن 180 ميلليارد كيلوۆات - ساعاتقا جەتكىزۋگە قۇلشىنۋ. قوعامدىق تۇتىنۋ بۇيىمدارىنىڭ بولشەك ساتىلىمىنىڭ جالپى سوماسىن جىلىنا ورتاشا ەسەپپەن %6 ءوسىرۋ.

  (6) جىبەك جولى ەكونوميكالىق بەلدەۋى وزەكتى رايونىن جەدەل قۇرىپ، ەلىمىزدىڭ ىشكى قۇرلىققا ەسىك اشۋىنىڭ جانە شەكارا بويىنا ەسىك اشۋىنىڭ بيىك تۇرعىسىن قالىپتاستىرۋ. ”ءبىر بەلدەۋ، ءبىر جولدى“ بىرگە قۇرۋ ورايىن مىقتى يگەرىپ، شينجياڭدى مەملەكەتتىك جىبەك جولى ەكونوميكالىق بەلدەۋى قۇرىلىسىنا، باتىسقا ەسىك اشۋدىڭ جالپىلىق ورنالاستىرۋىنا ەنگىزىپ ءبىر تۇتاس جوسپارلاپ، جىبەك جولى ەكونوميكالىق بەلدەۋى وزەكتى رايون قۇرىلىسىن ىلگەرىلەتۋدى جەتەك ەتىپ، ”ءبىر پورت“، ”ەكى رايون“، ”بەس ۇلكەن ورتالىق“، ”شەكارا وتكەلى ەكونوميكالىق بەلدەۋى“ قۇرىلىسىن كورنەكتىلەندىرە وتىرىپ ويداعىداي يگەرىپ، ءۇرىمجى حالىقارالىق قۇرلىقتىق پورت رايونىن وزەكتى رايوننىڭ نىشاندىق ينجەنەرياسى، قاشقار، قورعاس ەكونوميكالىق اشۋ رايوندارىن وزەكتى رايوننىڭ وڭتۇستىك پەن سولتۇستىكتەگى 2 ماڭىزدى تىرەكتى ءتۇيىنى ەتىپ قالىپتاستىرىپ، ساۋدا - زات اينالىمى، قاتىناس تورابى، مادەنيەت، عىلىم - تەحنيكا جانە وقۋ - اعارتۋ، ەمدەۋگە قىزمەت وتەۋ، وڭىرلىك فينانس ورتالىعى قۇرىلىسىن ارقاۋ ەتە وتىرىپ ەلەۋلى نەگىزدىك قۇرىلعى، حالىقارالىق، ەل ىشىندىك اۋىس - كۇيىس، سەلبەستىك نىساندارىنان ءبىر توبىن اتقارىپ، ”ارنا ەكونوميكاسىنىڭ“ ”كاسىپ سالاسى ەكونوميكاسىنا“، ”شەكارا وتكەلى ەكونوميكاسىنا“ قاراي بۇرىلىس جاساۋىن ىلگەرىلەتۋ.

  (7) رەفورمانى جاپپاي تەرەڭدەتىپ، ەكونوميكالىق دامۋدىڭ قوزعاۋشى كۇشىن، ومىرشەڭدىگىن كۇشەيتۋ. سوتسياليستىك نەگىزگى ەكونوميكالىق تۇزىمگە تاباندى بولىپ جانە ونى كەمەلدەندىرىپ، مەملەكەت مەنشىگىندەگى مال - مۇلىك، مەملەكەت مەنشىگىندەگى كاسىپورىندار رەفورماسىن تەرەڭدەتىپ، قازىنا، باجى، فينانس ءتۇزىلىسى جانە قارجى قوسۋ، قارجى قۇراۋ ءتۇزىلىسى رەفورماسىن تەرەڭدەتىپ، اۋىل - قىستاق رەفورماسىن، قوعامدىق ىستەر رەفورماسىن، تابىس ءبولىسى ءتۇزىمى رەفورماسىن تەرەڭدەتىپ، جوعارى ولشەمدى بازار جۇيەسى قۇرىلىسىن العا ىلگەرىلەتىپ، ”تومەنگە بەرۋ، باسقارۋ، قىزمەت وتەۋ“ رەفورماسىن تەرەڭدەتىپ، شارۋاشىلىق - ساۋدا ورتاسىن كۇش سالا جاقسارتىپ، حالىقتىق ەكونوميكانىڭ دامۋىن جەدەلدەتىپ، بازاردىڭ بايلىقتى جايعاستىرۋداعى شەشۋشى رولىن تولىق ساۋلەلەندىرىپ، ۇكىمەتتىڭ رولىن اناعۇرلىم ويداعىداي ساۋلەلەندىرىپ، ءونىمدى بازار مەن ۇلەسكەر ۇكىمەتتىڭ اناعۇرلىم ويداعىداي بىرلەسۋىن ىلگەرىلەتىپ، دامۋدىڭ كومەسكى قۋاتىن ەڭ جوعارى مۇمكىندىكپەن قاۋلاتۋ.

  (8) ەكونوميكالىق ورنالاستىرىلىمدى جاقسارتىپ، وڭىرلەردىڭ سايكەسە دامۋىن جەبەۋ. وڭىرلەردى سايكەستىرە دامىتۋ ستراتەگياسىن جانە نەگىزگى فۋنكتسيالىق اۋماقتار ستراتەگياسىن اتقارىپ، فاكتورلار ءتارتىپتى، ەركىن اعىلۋ، نەگىزگى فۋنكتسيانىڭ تەجەمى ءونىمدى بولۋ، نەگىزگى الەۋمەتتىك قىزمەت وتەۋ بىركەلكى تەڭ بولۋ، بايلىق، قورشاعان ورتا كوتەرە الۋ تالابى بويىنشا، مەملەكەت جەرى الابىن اشۋ جۇلگەسىن جاقسارتىپ، تيانشاننىڭ سولتۇستىك باۋرايى ەكونوميكالىق بەلدەۋىن الدىمەن دامىتىپ، تيانشاننىڭ وڭتۇستىك باۋرايى كاسىپ سالاسى بەلدەۋىن جەتىلدىرىپ، دامىتىپ، وڭتۇستىك شينجياڭداعى 4 ايماق - وبلىستىڭ دامۋىن جەدەل العا ىلگەرىلەتىپ، شەكارا بويىنداعى وڭىرلەردىڭ دامۋىن كۇش سالا ىلگەرىلەتىپ، شينجياڭنىڭ وڭىرلىك دامۋىنىڭ سايكەسىمدىلىك سيپاتىن، بىرلەسە قيمىلداۋ سيپاتىن، جالپى تۇلعالىق سيپاتىن كۇشەيتۋگە قۇلشىنۋ.

  (9) جاڭاشا قالا - قالاشىقتاندىرۋدى جەدەل ىلگەرىلەتىپ، قالا - قالاشىقتانۋدىڭ ساپاسىن جاپپاي جوعارىلاتۋ. ادامدى وزەك ەتكەن جاڭاشا قالا - قالاشىقتاندىرۋدى ىلگەرىلەتىپ، قالالاردى دامىتۋدىڭ ”ءبىر شەڭبەر، ءبىر بەلدەۋ، ءبىر شوعىر“ جۇلگەسى بويىنشا، ءۇرىمجى قالا شەڭبەرىن كۇش سالا جەتىلدىرىپ، قۇلجا قالاسىن ورتالىق ەتكەن سولتۇستىك شينجياڭ قالالار بەلدەۋىن تۇلعالاپ، قاشقاردى وڭىرلىك ورتالىق ەتكەن وڭتۇستىك شينجياڭ قالالار شوعىرىن قالىپتاستىرىپ، شەكارا بويىنداعى جەرلەردىڭ قالا - قالاشىقتانۋىن ىلگەرىلەتىپ، اۋىل شارۋاشىلىعىنان ويىسقان حالىقتىڭ قالا تۇرعىنى بولۋىن جەدەل ىلگەرىلەتىپ، تۇرعىلىقتى حالىققا الەۋمەتتىك قىزمەت وتەۋدىڭ بىركەلكى بولۋىن ۇزدىكسىز ىلگەرىلەتىپ، كاسىپ سالاسى مەن قالانىڭ، قالا مەن اۋىلدىڭ توعىسا دامۋىن ىلگەرىلەتىپ، قالالاردى جاڭارتۋ ارەكەتىن اتقارىپ، جاڭاشا قالا - قالاشىقتاندىرۋدىڭ اۋىل - قىستاقتى گۇلدەندىرۋدى جەبەۋدەگى جانە كاسىپ سالاسىنىڭ دەڭگەيىن كوتەرۋدەگى، وڭىرلەردىڭ سايكەسە دامۋىن ىلگەرىلەتۋدەگى، ىشكى سۇرانىستى كەڭەيتىپ ارتۋدى جەتەكتەۋدەگى ماڭىزدى رولىن تولىق ساۋلەلەندىرۋ. 2025 - جىلى بۇكىل رايونداعى تۇرعىلىقتى حالىقتىڭ قالا - قالاشىقتانۋ مولشەرىن %60تەن اسىرۋ.

  (10) شينجياڭدى مادەنيەتپەن نارلەندىرۋدى ىلگەرىلەتىپ، ىنتىماقتاسا كۇرەس جۇرگىزەتىن يدەيالىق نەگىزدى بەكەمدەۋ. سوتسياليستىك وزەكتى قۇن كوزقاراسىمەن مادەنيەت قۇرىلىسىنا جەتەكشىلىك ەتۋگە تاباندى بولىپ، تاباندى تۇردە تۋ ۇستاپ، حالىق تىلەگىن توعىستىرىپ، جاڭا ادام تاربيەلەپ، مادەنيەتتى كوركەيتىپ، وبراز ايگىلەپ، شينجياڭدى مادەنيەتپەن نارلەندىرۋ ينجەنەرياسىن ىشكەرىلەي اتقارىپ، جۇڭحۋا ۇلتى ورتاق تۇلعا تانىمىن مىقتاپ ورناتىپ، ءدىن تاتۋلىعىن، جاراسىمدىلىعىن جەبەپ، يدەولوگيا سالاسىنداعى حاۋىپسىزدىكتى قورعاۋ. قوعامنىڭ وركەنيەت دەڭگەيىن جوعارىلاتىپ، الەۋمەتتىك مادەنيەتتەن قىزمەت وتەۋ دەڭگەيىن جوعارىلاتىپ، مادەنيەت، كوركەمونەر سارا تۋىندىلارىنان ءبىر توبىن جاراتۋدى ىلگەرىلەتىپ، مادەنيەت ىستەرىن جانە مادەنيەت شارۋاشىلىعىن گۇلدەندىرىپ، دامىتىپ، حالىقتىڭ مادەنيەتكە سۇرانىسىن قاناعاتتاندىرۋ مەن حالىقتىڭ رۋحاني كۇشىن نىعايتۋدىڭ بىرلىگىن جەبەۋ.

  (11) ەكولوگيالىق وركەنيەت قۇرىلىسىن كۇشەيتىپ، كورىكتى شينجياڭ قۇرۋ. باياندى دامۋ ستراتەگياسىن ىشكەرىلەي اتقارىپ، ەكولوگيا مەن قورشاعان ورتانى قورعاۋ مەحانيزمىن اقاۋسىزداندىرىپ، ”ءۇش جوعارى“ نىساننىڭ شينجياڭعا كىرۋىن قاتاڭ شەكتەپ، ەكولوگيانى قورعاۋدىڭ ەڭ قاتاڭ ءتۇزىمىن تياناقتاندىرۋ. شينجياڭنىڭ ەنەرگيا جاعىنداعى ءىس جۇزىندىگىن تياناق ەتىپ، كومىرتەگى قوس توتىعىنىڭ شىعارىلۋىن جوعارى شەكتە تەجەۋ، كومىرتەگىن بەيتاراپتاندىرۋ قىزمەتىن بەلسەنە جوسپارلاپ، ىلگەرىلەتىپ، جاسىل، تومەن كومىرتەكتى دامۋدى ىلگەرىلەتۋ. ەكولوگيا جانە قورشاعان ورتا قۇرىلىسىن كۇشەيتىپ، قۇمدى تىزگىندەۋدى، سۋ ىستەرىن جونگە سالۋدى جانە ورماندى، جايلىمدى قورعاۋدى ءبىر تۇتاس جوسپارلاپ ورىستەتىپ، اتموسفەرانىڭ، سۋدىڭ لاستانۋىنان ساقتانۋ جانە ونى وڭاۋ مەن توپىراقتىڭ لاستانۋ حاۋىپ - قاتەرىن مەڭگەرۋدى ۇزدىكسىز ورىستەتىپ، لاستانۋدى ازايتۋ مەن كومىرتەگىن ازايتۋدىڭ سايكەسىمدى اسەرىن جۇزەگە اسىرىپ، كورىكتى شينجياڭنىڭ اسپانى اناعۇرلىم اشىق، تاۋى اناعۇرلىم مانات، سۋى اناعۇرلىم تۇنىق بولۋىنا مۇمكىندىك جاساپ، تاماشا ەكولوگيا مەن قورشاعان ورتانى ەڭ كوپ جالپىعا ءتيىمدى حالىق تۇرمىسىنىڭ ىرىس - قۇتىنا اينالدىرۋ.

  (12) حالىق تۇرمىسىن زور كۇشپەن قامتاماسىز ەتىپ جانە جاقسارتىپ، ءار ۇلت بۇقاراسىنىڭ ىرىس - قۇتىن مولايتۋ. حالىقتى وزەك ەتكەن دامۋ يدەياسىنا تاباندى بولىپ، اۆتونوميالى رايون دارەجەلى قازىنالىق شىعىستىڭ %70تەن كوبىن حالىق تۇرمىسىن قامتاماسىز ەتۋگە، جاقسارتۋعا جۇمساپ، جۇمىستانۋدى كەڭەيتۋ، كىرىستى ارتتىرىپ بايۋ، وقۋ - اعارتۋدىڭ دەڭگەيىن كوتەرۋ، جالپى حالىقتىڭ سالاماتتىعى، قوعامدىق قامتاماسىز ەتۋدىڭ كولەمىن كەڭەيتۋ، بەيقۇت ۇيمەن قامتاماسىز ەتۋ، كومىردى ەلەكترگە وزگەرتۋ، شەكارا ءوڭىردى گۇلدەندىرىپ، حالىقتى بايىتۋ، الەۋمەتتىك حاۋىپسىزدىكتى قامتاماسىز ەتۋ، ورنىقتىلىق ارقىلى حالىققا تيىمدىلىك جاساۋ سىندى ”حالىققا ءتيىمدى ون ينجەنەريانى“ ىشكەرىلەي اتقارىپ، نەگىزگى الەۋمەتتىك قىزمەت وتەۋ جۇيەسىن اقاۋسىزداندىرىپ، حالىققا پايدالى، حالىققا ءتيىمدى ناقتى ىستەردى ۇزدىكسىز ويداعىداي ىستەپ، ءار ۇلت بۇقاراسىنىڭ ءتۇبىرلى مۇددەسىن شىنايى جۇزەگە اسىرۋ، ويداعىداي قورعاۋ، ويداعىداي دامىتۋ.

  (13) شينجياڭنىڭ قوعامدىق جونگە سالۋ جۇيەسى مەن جونگە سالۋ قابىلەتىن وسىزامانداندىرۋدى ىلگەرىلەتىپ، اناعۇرلىم جوعارى دەڭگەيدەگى تىنىش شينجياڭ قۇرۋ. سوتسياليستىك زاڭمەن جونگە سالۋ تۋىن بيىك ۇستاپ، زاڭمەن جونگە سالىناتىن شينجياڭ قۇرىلىسىن كۇشەيتىپ، ءىستى زاڭ بويىنشا بىتىرەتىن، ىسكە جولىققاندا زاڭعا جۇگىنەتىن، ماسەلەنى شەشكەندە زاڭ قولداناتىن، قايشىلىقتاردى شەشكەندە زاڭعا سۇيەنەتىن زاڭمەن جونگە سالۋدىڭ تاماشا اۋقىمىن قالىپتاستىرۋ. ءبىر جاعىنان، زورلىقتى كۇش لاڭكەستىك ەلەمەنتتەرگە زاڭ بويىنشا سوققى بەرۋگە، ەندى ءبىر جاعىنان، حالىق تىلەگىن ەڭ جوعارى شەكتە ىنتىماقتاستىرۋعا، ۇيىستىرۋعا تاباندى بولىپ، لاڭكەستىككە قارسى تۇرۋ، ورنىقتىلىقتى قورعاۋ قىزمەتىنىڭ ولشەمدى، دالمە - ءدال، ەگجەي - تەگجەيلى، داعدىلى كۇيگە قاراي بۇرىلىس جاساۋىن ىلگەرىلەتۋ. قوعامدىق جونگە سالۋدى كۇشەيتىپ جانە وندا جاڭالىق اشىپ، قوعامدىق جونگە سالۋدىڭ بىرگە قۇراتىن، بىرگە جونگە سالاتىن، بىرگە يگىلىكتەنەتىن جاڭا اۋقىمىن ورناتىپ، مەملەكەت حاۋىپسىزدىگىن قورعاۋ قىزمەتى جۇيەسىن اقاۋسىزداندىرىپ، قوعامدىق جونگە سالۋ مەن حاۋىپ - قاتەردەن، سىن - سايىستاردان ساقتانۋ قابىلەتىن، دەڭگەيىن جوعارىلاتىپ، قوعامدىق كەلەلى جاعدايدىڭ ۇزدىكسىز ورنىقتى بولۋىنا، ۇزاق ۋاقىت ورنىقتى بولۋىنا شىنايى كەپىلدىك ەتۋ.

  (14) شينجياڭعا باعىتتامالى كومەكتەسۋ ستراتەگياسىن تەرەڭدەتىپ، شينجياڭعا باعىتتامالى كومەكتەسۋدىڭ جالپىلىق تيىمدىلىگىن جوعارىلاتۋ. شينجياڭعا كومەكتەسۋدىڭ ءتۇيىنىن نەگىزگى ساتىعا بەيىمدەۋگە، حالىق تۇرمىسىن قامتاماسىز ەتۋگە جانە جاقسارتۋعا بەيىمدەۋگە، ءار ۇلتتىڭ ارالاسۋىن، ىشتەسۋىن، توعىسۋىن جەبەۋگە بەيىمدەۋگە تاباندى بولىپ، كادر - دارىندىلار ارقىلى شينجياڭعا كومەكتەسۋدى كورنەكتىلەندىرە وتىرىپ ويداعىداي يگەرىپ، كاسىپ سالاسى ارقىلى شينجياڭعا كومەكتەسۋدى ناقتى ىلگەرىلەتىپ، عىلىم - تەحنيكا، وقۋ - اعارتۋ، مادەنيەت، دەنساۋلىق ساقتاۋ، دەنە تاربيە ارقىلى شينجياڭعا كومەكتەسۋدى تىڭعىلىقتى ىلگەرىلەتىپ، شينجياڭداعى ءار ۇلت حالقىنىڭ ۇلى وتان شاڭىراعىنىڭ جىلى مەيىرىن اناعۇرلىم جەتە سەزىنۋىنە مۇمكىندىك جاساۋ.

  (15) بيڭتۋاننىڭ رەفورمانى تەرەڭدەتۋىنە جانە وڭتۇستىككە قاراي دامۋىنا قولداۋ كورسەتىپ، بيڭتۋاننىڭ ەرەكشە رولىن ساۋلەلەندىرۋ. ”بيڭتۋان مەن جەرگىلىكتى ورىن ءبىر تۇتاس جۇيە“ دەگەنگە تاباندى بولىپ، بيڭتۋان مەن جەرگىلىكتى ورىننىڭ توعىسا دامۋىن ىلگەرىلەتىپ، بيڭتۋاننىڭ رەفورمانى تەرەڭدەتۋىنە قولداۋ كورسەتىپ، بيڭتۋاننىڭ وڭتۇستىككە قاراي دامۋىنا قولداۋ كورسەتىپ، بيڭتۋاننىڭ ورنىقتىلىقتى قورعاۋ، شەكارا كۇزەتۋ قابىلەتىن جوعارىلاتۋىنا قولداۋ كورسەتىپ، بيڭتۋان مەن جەرگىلىكتى ورىننىڭ ارتىقشىلىقتارمەن ءبىرىن - ءبىرى تولىقتاۋىن، قۇرىلعىلاردى بىرگە قۇرۋىن، بايلىقتان بىرگە يگىلىكتەنۋىن، سەلبەسىپ تەڭ يگىلىككە كەنەلۋىن جەبەپ، بيڭتۋاننىڭ قاشاندا شەكارانىڭ تىنىشتىعىن ساقتايتىن، بەكەمدەيتىن ورنىقتىرعىش، ءار ۇلت بۇقاراسىن ۇيىستىراتىن دومنا پەش، وزىق وندىرگىش كۇش پەن وزىق مادەنيەتتى دامىتۋدىڭ ۇلگىلى رايونى بولۋىنا مۇمكىندىك جاساۋ.

  شينجياڭ قىزمەتىن ويداعىداي ىستەۋدىڭ تەتىگى پارتيادا. ”14 - بەسجىلدىقتاعى“ نىسانالاردى جۇزەگە اسىرۋدا، ءسوز جوق، پارتيانىڭ جاپپاي باسشىلىعىنا تاباندى بولىپ جانە ونى كۇشەيتىپ، بارلىق بەلسەندى فاكتورلاردى تولىق جۇمىلدىرىپ، ىنتىماقتاسۋعا بولاتىن بارلىق كۇشتەرمەن كەڭىنەن ىنتىماقتاسىپ، ”14 - بەسجىلدىق“ جوبانى جۇزەگە اسىرۋدىڭ قۋاتتى بىرىككەن كۇشىن ۇيىستىرۋ كەرەك.

  ءبىز شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، بۇكىل رايونداعى ءار ۇلت حالىق بۇقاراسىنىڭ تىلەك توعىستىرىپ، بىلەك بىرىكتىرىپ، ىنتىماقتاسا كۇرەس جۇرگىزەتىندىگىنە، ”14 - بەسجىلدىق“ جوبا باعدارلاماسىندا بەلگىلەنگەن مىندەتتەردىڭ قالايدا ۋاعىندا ورىندالاتىندىعىنا، بۇكىل ەلمەن بىرگە سوتسياليستىك وسىزامانداندىرۋدى نەگىزىنەن جۇزەگە اسىرۋ نىساناسىنىڭ، ءسوز جوق، ورىندالاتىندىعىنا كامىل سەنەمىز!

ءۇشىنشى، 2021 - جىلعى ءتۇيىندى قىزمەتتەر

  بيىل جۇڭگو كوممۋنيستىك پارتياسى قۇرىلعاندىعىنىڭ 100 جىلدىعى، جاپپاي سوتسياليستىك وسىزاماندانعان مەملەكەت قۇرۋدىڭ جاڭا ساپارى باستالاتىن جىل، ”14 - بەسجىلدىق“ جوبا باستالعان جىل، بيىلعى ۇكىمەت قىزمەتىن ويداعىداي ىستەۋدىڭ ماڭىزى زور.

  2021 - جىلعى ۇكىمەت قىزمەتىنىڭ جالپ-ى تالابى: شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، پارتيا 19 - قۇرىلتايىنىڭ جانە 19 - كەزەكتى ورتالىق كوميتەتى ەكىنشى، ءۇشىنشى، ءتورتىنشى، بەسىنشى جالپى ماجىلىستەرىنىڭ رۋحىن جاپپاي دايەكتىلەندىرىپ، ورتالىقتىڭ ەكونوميكالىق قىزمەت ءماجىلىسىنىڭ رۋحىن جانە 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىن دايەكتىلەندىرىپ، تياناقتاندىرىپ، اۆتونوميالى رايوندىق 9 - كەزەكتى پارتكوم ونىنشى، ون ءبىرىنشى جالپى ماجىلىستەرىنىڭ جانە اۆتونوميالى رايوندىق پارتكومنىڭ ەكونوميكالىق قىزمەت ءماجىلىسىنىڭ رۋحىن دايەكتىلەندىرىپ، تياناقتاندىرىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ءدال دايەكتىلەندىرىپ، ورنىقتىلىق بارىسىندا ىلگەرىلەۋ سىندى قىزمەت جالپى ارناسىنان جازباي، جاڭا دامۋ كەزەڭىن تياناق ەتىپ، جاڭا دامۋ ۇستانىمىن دايەكتىلەندىرىپ، جاڭا دامۋ ارناسىن قالىپتاستىرىپ، جوعارى ساپالى دامۋدى ىلگەرىلەتۋدى تاقىرىپ، قامداۋ جاعىنداعى قۇرىلىمدىق رەفورمانى تەرەڭدەتۋدى نەگىزگى جەلى، رەفورما جاساۋدى، جاڭالىق اشۋدى ءتۇبىرلى قوزعاۋشى كۇش، حالىقتىڭ كۇن سايىن ارتقان تاماشا تۇرمىس قاجەتىن قاناعاتتاندىرۋدى ءتۇبىرلى ماقسات ەتىپ، جۇيەلىك كوزقاراسقا تاباندى بولىپ، ىندەتتەن ساقتانۋ - تىزگىندەۋدىڭ جانە ەكونوميكالىق، قوعامدىق دامۋدىڭ جەتىستىكتەرىن بەكەمدەپ، كەڭەيتىپ، دامۋ مەن حاۋىپسىزدىكتى اناعۇرلىم ويداعىداي ءبىر تۇتاس جوسپارلاپ، ”التىنى ورنىقتىرۋ“ قىزمەتىن ۇزدىكسىز ويداعىداي ىستەپ، ”التىنى قامتاماسىز ەتۋ“ مىندەتىن تياناقتاندىرىپ، ەكونوميكالىق اينالىمدى لايىقتى ارالىقتا ساقتاۋعا قۇلشىنىپ، ىشكى سۇرانىستى كەڭەيتۋ ستراتەگياسىنا تاباندى بولىپ، عىلىم - تەحنيكانىڭ ستراتەگيالىق تىرەگىن كۇشەيتىپ، جوعارى دەڭگەيدە ىشكە، سىرتقا ەسىك اشۋدى كەڭەيتىپ، ”14 - بەسجىلدىقتا“ ءساتتى باستاما اشۋعا كەپىلدىك ەتىپ، پارتيا قۇرىلعاندىعىنىڭ 100 جىلدىعىن ۇزدىك ناتيجەمەن قۇتتىقتاۋ.

  2021 - جىلعى ەكونوميكالىق، قوعامدىق دامۋدىڭ باستى مەجەلى نىسانالارى: بۇكىل رايوننىڭ وڭىرلىك ىشكى ءوندىرىسىنىڭ جالپى قۇنى سايكەس مەزگىلدەگىدەن %6.5 مولشەرىندە ارتۋ، كولەمنەن جوعارى ونەركاسىپتىڭ ارتقان قۇنى سايكەس مەزگىلدەگىدەن %6 مولشەرىندە ارتۋ، تۇراقتى مۇلىككە قوسىلعان قارجى سايكەس مەزگىلدەگىدەن %10 مولشەرىندە ارتۋ، قوعامدىق تۇتىنۋ بۇيىمدارىنىڭ بولشەك ساتىلىم جالپى سوماسى سايكەس مەزگىلدەگىدەن %6 ارتۋ، قالا - اۋىل تۇرعىندارىنىڭ جان باسىندىق قولداعى تابىسى سايكەس مەزگىلدەگىدەن جەكە - جەكە %5، %6.5 مولشەرىندە ارتۋ، ادەتتەگى الەۋمەتتىك مەجە ەسەپ كىرىسى سايكەس مەزگىلدەگىدەن %6 مولشەرىندە ارتۋ، تۇرعىنداردىڭ تۇتىنۋ باعاسى كورسەتكىشىن %3 مولشەرىندە ساقتاۋ، قالا - قالاشىقتاعى تەكسەرۋدەن الىنعان جۇمىسسىزدىق مولشەرىن %5.5 ىشىندە مەڭگەرۋ، ءار بىرلىك ءوندىرىستىڭ جالپى قۇنىنا جۇمسالعان ەنەرگيا %3 مولشەرىندە تومەندەۋ، ەكونوميكانىڭ جوعارى ساپالى دامۋىن ىلگەرىلەتۋ.

  وسى نىسانا - مىندەتتەردى جۇزەگە اسىرۋ ءۇشىن، جالپى جاعدايدى كوزدەپ، ءبىر تۇتاس جوسپارلاپ، ءبارىن قامتىپ، ماڭىزدى ءتۇيىندى كورنەكتىلەندىرىپ، شەشۋشى ءتۇيىندى يگەرىپ، مىنا 12 جاقتاعى قىزمەتتى ءتۇيىندى تۇردە ويداعىداي يگەرۋ كەرەك:

  (1) جاڭالىق اشۋ ارقىلى دامۋعا دەم بەرۋگە تاباندى بولىپ، عىلىم - تەحنيكالىق جاڭالىق اشۋدى زور كۇشپەن ىلگەرىلەتۋ

  دامۋ جونىندەگى ورنالاستىرىلىمدى ساپالىلاندىرۋ جانە وندا جاڭالىق اشۋ. جىبەك جولى ەكونوميكالىق بەلدەۋى جاڭالىق اشۋ ارقىلى دامۋعا دەم بەرۋ سىناق رايونى جانە ءۇرىمجى - سانجى - شىحىزى مەملەكەتتىك دەربەس جاڭالىق اشۋدان ۇلگى كورسەتۋ رايونى قۇرىلىسىن جەدەلدەتىپ، كومىر نەگىزدى ەنەرگيا بايلىقتارى حيمياسى جانە مەملەكەتتىڭ ءتۇيىندى تاجىريبەحانالارىنان پايدالانۋ قۇرىلىسىن ىلگەرىلەتىپ، جاڭا ماتەريالدار، حيميا ونەركاسىبى بويىنشا جاساۋ كاسىبىندە جاڭالىق اشۋدىڭ مەملەكەتتىك ورتالىعىن بەلسەنە قۇرىپ، عىلىم - تەحنيكا جەتىستىكتەرىنىڭ ۇلگى كورسەتۋ رايونى قۇرىلىسىندا قولدانىلۋىن جەدەلدەتىپ، اۆتونوميالى رايوندىق ءتۇيىندى تاجىريبەحانالار قۇرىلىسىن زور كۇشپەن ىلگەرىلەتۋ. شينجياڭعا 3 - رەتكى كەشەندى عىلمي تەكسەرۋ جۇرگىزۋدى بەلسەنە ويداعىداي ىستەۋ.

  كاسىپورىنداردىڭ تەحنيكادا جاڭالىق اشۋىن ىلگەرىلەتۋ. كاسىپ سالاسىنداعى تەحنيكالىق زەرتتەۋ - جاساۋ، جاڭالىق اشۋ جۇمىسىنا كاسىپورىن جەتەكشىلىك ەتەتىن ءتۇزىلىس - مەحانيزم ورناتىپ جانە ونى اقاۋسىزداندىرىپ، جوعارى، جاڭا تەحنيكالىق كاسىپورىنداردىڭ دامۋىنا ارنالعان ارنايى قور قۇرىپ، ورتاق تەحنيكالىق تۇعىر قۇرىلىسىن كۇشەيتىپ، كاسىپورىنداردى جوعارى وقۋ ورىندارىمەن، عىلمي زەرتتەۋ مەكەمەلەرىمەن بىرلەسىپ جاڭا تيپتى زەرتتەۋ - جاساۋ قۇرىلىمدارىن قۇرۋعا ىنتالاندىرىپ جانە وعان قولداۋ كورسەتىپ، جاڭا ماتەريالدار، جوعارى دەڭگەيدەگى جابدىقتار، جاڭا ەنەرگيا، بيو مەديتسينا، ەنەرگيا ۇنەمدەپ قورشاعان ورتانى قورعاۋ سياقتى سالالاردا شەشۋشى، وزەكتى تەحنيكالاردان قامال الىپ، كاسىپ سالاسى تىزبەگىنىڭ جوعارى، ورتاڭعى، تومەنگى جەلىسىنىڭ، ءىرى، ورتا، شاعىن كاسىپورىنداردىڭ ساباقتاسا وتىرىپ جاڭالىق اشۋىن ىلگەرىلەتۋ.

  دارىندىلارمەن رايوندى قۇدىرەتتەندىرۋ ستراتەگياسىن اتقارۋ. اۆتونوميالى رايوننىڭ ءتۇيىندى دارىندىلار جوسپارىن تياناقتاندىرىپ، ءتۇيىندى كاسىپ سالالارىندا كاسىپ پەن دارىندىلاردىڭ توعىسۋىن ىلگەرىلەتىپ، ءتۇيىندى نىسانداردا، ءتۇيىندى سالالاردا قامال الۋ مىندەتىن ارقاۋ ەتە وتىرىپ، ”نىسانداردى ىسكەرلەرگە جۇكتەۋدى“ قاراستىرىپ، اتقارىپ، عىلىم - تەحنيكادا جەتەكشى دارىندىلار، تىرەكتى دارىندىلار، ۇزدىك جاس دارىندىلار قوسىنىن كۇش سالا قۇرۋ. جاڭالىق اشۋعا ىنتالاندىرۋ ساياساتىن كەمەلدەندىرىپ، عىلىم - تەحنيكا دارىندىلارىن باعالاۋدا جاڭالىق اشۋ قابىلەتىن، ساپاسىن، ناقتى ناتيجەسىن، ۇلەسىن باعدار ەتۋ جۇيەسىن اقاۋسىزداندىرىپ، جاڭالىق اشۋ بويىنشا ىنتالاندىرۋ جانە قامتاماسىز ەتۋ مەحانيزمىن كەمەلدەندىرىپ، پايدا بولىسىندە ءبىلىم، تەحنيكا سياقتى جاڭالىق اشۋ فاكتورلارى قۇنىن تولىق ايگىلەيتىن مەحانيزم ورناتىپ، دارىندىلاردىڭ جاڭالىق اشۋ ومىرشەڭدىگىن قاۋلاتۋ.

  (2) ەرەكشە، باسىم كاسىپ سالالارىن جەتىلدىرىپ، الۋەتتەندىرىپ، كاسىپ سالاسى تىزبەگىنىڭ، قامداۋ تىزبەگىنىڭ ساپالىلانۋىن، دارەجەسىنىڭ جوعارىلاۋىن ىلگەرىلەتۋ

  1 - كاسىپتىڭ دەڭگەيىن كوتەرۋگە، 2 - كاسىپتە ماڭىزدى ءتۇيىندى يگەرۋگە، 3 - كاسىپتى قاۋىرت دامىتۋعا تاباندى بولىپ، 1 -، 2 -، 3 - كاسىپتەردىڭ توعىسا دامۋىن ىلگەرىلەتىپ، مۇناي جانە مۇناي حيميا، كومىر جانە كومىر حيميا، ەلەكتر قۋاتى، توقىما جانە كيىم - كەشەك، ەلەكتروندى ونىمدەر، جەمىس ورمانى، اۋىل شارۋاشىلىق قوسىمشا ونىمدەرىن وڭدەۋ، نان، ءجۇزىم شارابى، ساياحات سياقتى ”ون ۇلكەن كاسىپ سالاسىن“ ءتۇيىندى تۇردە ويداعىداي يگەرىپ، ولقىلىقتاردى تولىقتاۋ مەن ارتىقشىلىق قالىپتاستىرۋدى ءبىر تۇتاس جوسپارلاپ ىلگەرىلەتىپ، كاسىپ سالاسى نەگىزىنىڭ جوعارى دارەجەلىلەنۋىن، كاسىپ سالاسى تىزبەگىنىڭ وسىزاماندانۋىن ىلگەرىلەتىپ، وسى زامانعى كاسىپ سالاسى جۇيەسىن جەدەل ورناتۋ.

  اۋىل شارۋاشىلىعىنىڭ ساپاسىن كوتەرىپ، ونىمدىلىگىن ارتتىرۋدى ىلگەرىلەتۋ. استىق ءتۇسىمىنىڭ ورنىقتىلىعىن ساقتاۋعا، ماقتانى ساپالىلاندىرۋعا، جەمىس شارۋاشىلىعىن نىعايتۋعا، مال شارۋاشىلىعىن كوركەيتۋگە، ەرەكشە كاسىپتەردى جەبەۋگە تاباندى بولۋ، استىق ەگىس كولەمىن 33 ميلليون مۋدان تۇسىرمەي، ەگىستىك جەردىڭ ”اۋىل شارۋاشىلىعىنا پايدالانىلماي قالۋىن“ باتىل تەجەپ، ”استىق ەگۋگە پايدالانىلماي قالۋىنان“ ساقتانىپ، استىقتىڭ شارتسىز حاۋىپسىزدىگىنە شىنايى كەپىلدىك ەتۋ. ورنالاستىرىلىمدى ساپالىلاندىرۋدى، ساپانى جوعارىلاتۋدى، ءتۇسىمىن ورنىقتىرۋدى كورنەكتىلەندىرىپ، ماقتا شارۋاشىلىعىنىڭ جوعارى ساپالى دامۋىن ىلگەرىلەتىپ، مەملەكەتتىك ساپالى ماقتا، ماقتا ءجىپ بازاسىن قۇرۋ. جەمىس ورمان شارۋاشىلىعىنىڭ ساپاسىن كوتەرۋ، ونىمدىلىگىن ارتتىرۋ ينجەنەرياسىن جانە ماركا قۇرىلىسىن ىشكەرىلەي اتقارىپ، ساپالى، جوعارى دەڭگەيلى، ەرەكشەلىككە يە جەمىس ونىمدەرى ءوندىرىسىن ارتتىرىپ، جەمىس ورمان كاسىبىنىڭ ولشەمدى ءوندىرىسىن، بازار تاسىلىمەن جۇمىس جۇرگىزۋىن، ءوندىرۋدىڭ، وڭدەۋدىڭ، ساتۋدىڭ ءبىر تۇلعادا دامۋىن ىلگەرىلەتىپ، وڭىرلىك جيناۋ - جونەلتۋ بازارلارىنان ءبىر توبىن قۇرىپ، شينجياڭ ىشىندە شينجياڭ سىرتىندا ساتىلۋىنىڭ ”ەكى تورىن“ كەڭەيتۋ. مال شارۋاشىلىعىن كوركەيتۋ ارەكەتىن اتقارىپ، جەم - ءشوپ، سورتتى تۇقىم قاينارى، كوبەيتۋ - ءوسىرۋ، باعۋ، سويۋ، وڭدەۋ كاسىپتەرىنىڭ جالپى تىزبەگىن ورناتۋ. تۇقىم ينجەنەرياسىن ويداعىداي يگەرىپ، ءبيداي، جۇگەرى، ماقتا، جەم - ءشوپ جانە قىزىلشا سياقتى ەرەكشە داقىلداردىڭ تاڭداۋلى، وزگەشە تۇقىم قاينارىندا جاڭالىق اشۋدى جانە ودان پايدالانۋدى كۇشەيتىپ، وسى زامانعى تۇقىم كاسىبى سالاسىن زور كۇشپەن دامىتۋ. اۋىل شارۋاشىلىق قوسىمشا ونىمدەرىن تەرەڭدەي وڭدەۋ جاعىنداعى جەتەكشى كاسىپورىنداردان ءبىر توبىن جەدەل جەتىلدىرىپ، اۋىل شارۋاشىلىق ونىمدەرىن ءوندىرۋ بازاسىنان، وڭدەۋ، ساتۋ، زات جەتكىزۋ بازاسىنان ءبىر توبىن قۇرىپ، جاڭا تيپتى شارۋاشىلىق جۇرگىزۋ تۇلعالارىنان ءبىر توبىن سۇيەمەلدەپ، اۋىل شارۋاشىلىعىنىڭ كاسىپ سالالانۋ دەڭگەيىن ۇزدىكسىز جوعارىلاتۋ.

  ونەركاسىپتىڭ تيبىن وزگەرتۋدى، دارەجەسىن جوعارىلاتۋدى ىلگەرىلەتۋ. ءداستۇرلى كاسىپ سالالارىنداعى ەلەۋلى تەحنيكالىق جاڭارتۋ، دارەجەسىن جوعارىلاتۋ ينجەنەرياسىنىڭ جاڭا كەزەگىن اتقارىپ، مۇناي جانە مۇناي حيميا، كومىر جانە كومىر حيميا ونەركاسىبى، ەلەكتر قۋاتى، كرەمنيلى ماتەريالدار، ءتۇستى مەتالدار سياقتى بايلىق شوعىرلانعان كاسىپ سالالارىن ورنىقتى قاداممەن دامىتىپ، ”ءۇش بازا، ءبىر ارنا“ قۇرىلىسىن جەدەل ىلگەرىلەتىپ، كرەمني، اليۋمين، مىس، ماگني سياقتى نەگىزدىك كاسىپ سالالارىندا كاسىپ سالاسى تىزبەگىن ۇزارتۋدى، قۇن تىزبەگىنىڭ دەڭگەيىن كوتەرۋدى ىلگەرىلەتىپ، ءتۇيىندى، باسىم كەن ونىمدەرى بايلىعىن بارلاۋ، اشۋ جانە وڭدەۋ، پايدالانۋدى جەدەلدەتۋ. ”ون ۇلكەن كاسىپ سالاسىن“ ارقاۋ ەتىپ، جەر - جەردىڭ ءوز ىڭعايىنا قاراي ىستەپ، باسىمدىقتى ساۋلەلەندىرۋىنە قولداۋ كورسەتىپ، ءتۇيىندى ونەركاسىپتىك نىساندار قورىن قۇرىپ، ساۋداگەر شاقىرۋ، قارجى ەنگىزۋ سەرپىنىن ارتتىرىپ، ءبىر توبىنىڭ قۇرىلىسىن جۇرگىزۋگە، ءبىر توبىنىڭ قۇرىلىسىن باستاۋعا، ءبىر توبىن قوردا ساقتاۋعا كەپىلدىك ەتۋ. يانجيڭ اۆتوكولىك وزىق جاساۋ عىلىم - تەحنيكا كاسىپ سالا باقشاسى نىسانى، جۇڭگو مۇنايى تارىم مۇناي الابى 600 مىڭ توننالىق ەتيلەن نىسانى، قورعاس سانيوۋ فۋشين جارتىلاي وتكىزگىش ماتەريالدار كاسىپ سالاسى تىزبەگى نىسانى سياقتى ءتۇيىندى تۇردە قۇرىلىسى جالعاستىرىلاتىن نىسانداردىڭ قۇرىلىسىن جەدەلدەتىپ، حىڭدا جاڭا ەنەرگيالىق قوزعاۋشى كۇش اككۋمۋلياتورى نىسانى، شياڭشىڭ جىلىنا 30 مىڭ توننا جوعارى قاسيەتكە يە تيتان جانە تيتاندى قوسپا مەتال جاڭا ماتەريال نىسانى سياقتى جاڭادان سالىناتىن نىسانداردىڭ جەدەل قۇرىلىس باستاۋىن جەبەۋ. مەملەكەتتىڭ ءتيىمدى ساياساتىنان جەتكىلىكتى، ويداعىداي پايدالانىپ، توقىما جانە كيىم - كەشەك، ەلەكتروندى ونىمدەردى قۇراستىرۋ، ەرەكشە قولونەر كاسىبى سياقتى ەڭبەك شوعىرلانعان كاسىپ سالالارىن ۇلعايتىپ، الەۋەتتەندىرىپ، اياق كيىم جانە باس كيىم، ويىنشىق، جالعان شاش، ساندىق، سومكە، تەرى بۇيىمدار سياقتى ەڭبەك شوعىرلانعان كاسىپ سالالارىن بەلسەنە دامىتىپ، ماركا، كولەم، باسىمدىق قالىپتاستىرۋ. ستراتەگيالىق جاڭا وركەندەگەن كاسىپ سالالارىنىڭ دامۋىن ىلگەرىلەتۋ ينجەنەرياسىن اتقارىپ، جاڭا بۋىن ينفورماتسيا تەحنيكاسى، وزىق جابدىق جاساۋ كاسىبى، جاڭا ەنەرگيا، جاڭا ماتەريال، سۋتەگى ەنەرگياسى، بيو ءدارى - دارمەك، ەنەرگيا ۇنەمدەپ قورشاعان ورتانى قورعاۋ، جاڭا ەنەرگيالىق اۆتوكولىك سياقتى كاسىپ سالالارىن جەدەل ۇلعايتۋ. سيفرلى ەكونوميكانى زور كۇشپەن دامىتىپ، ”تيانشان بۇلت اڭعارى“ سياقتى قولدانىلمالى قىزمەتىن ىلگەرىلەتىپ، سيفرلى ەكونوميكا مەن ناقتى ەكونوميكانىڭ تەرەڭ توعىسۋىن جەبەۋ.

  وسى زامانعى قىزمەت وتەۋ كاسىبىن زور كۇشپەن دامىتۋ. ساياحات كاسىبىن جەتەكشى ەتىپ، وندىرىستىك سيپاتتاعى قىزمەت وتەۋ كاسىبى مەن تۇرمىستىق سيپاتتاعى قىزمەت وتەۋ كاسىبىنىڭ دامۋىن ءبىر تۇتاس جوسپارلاپ، قىزمەت وتەۋ كاسىبىنىڭ كاسىپ سالاسى قۇرىلىمىن ساپالىلاندىرۋ. ساياحات ارقىلى شينجياڭدى گۇلدەندىرۋ ستراتەگياسىن زور كۇشپەن اتقارىپ، ساياحات ارقىلى شينجياڭدى گۇلدەندىرۋ ستراتەگيالىق جوسپارىن جاساپ، اتقارىپ، ىندەتتەن ساقتانۋ - تىزگىندەۋدى ۇدايىلاندىرۋدى تياناق ەتىپ، ساياحات بازارى ورتاسىن جاقسارتىپ، تاڭداۋلى ساياحات جەلىلەرىن اشىپ، ەرەكشە ساياحات ونىمدەرىن شىعارىپ، ساياحات ينفورماتسياسىنان قىزمەت وتەۋدى كەمەلدەندىرىپ، ساياحات بازارىنىڭ ءونىم ساۋدالاۋ - وتكىزۋ ءىسىن كەڭەيتىپ، ”ساياحات +“ مەن ”+ ساياحاتتى“ العا جىلجىتىپ، ”شينجياڭ جاقسى جەر“ مادەنيەت - ساياحات توعىسپالى ماركاسىن قالىپتاستىرىپ، قابىلداعان ساياحاتشىلاردى 200 ميلليون ادامنان (رەت) اسىرۋعا قۇلشىنۋ. ساۋدالىق زات جەتكىزۋ، ەلەكتروندى ساۋدا، فينانستىق قىزمەت وتەۋ، ينفورماتسيا حابارلاسۋ جانە جۇمساق بولشەك، عىلىم - تەحنيكالىق قىزمەت وتەۋ سياقتى وندىرىستىك سيپاتتاعى قىزمەت وتەۋ كاسىبىن جەدەل دامىتىپ، وسى زامانعى قىزمەت وتەۋ كاسىبىنىڭ وزىق جاساۋ كاسىبىمەن، وسى زامانعى اۋىل شارۋاشىلىعىمەن تەرەڭ توعىسۋىن ىلگەرىلەتۋ. ءداستۇرلى قىزمەت وتەۋ كاسىبىن جاڭالاپ، دارەجەسىن كوتەرىپ، سالاماتتىق، زەينەتكەرلىك، بالا تاربيەسى، مادەنيەت، سپورت، ءۇي جۇمىستارى، الەۋمەتتىك اۋماق، ءۇي - جاي قوجالىعى سياقتى تۇرمىستىق سيپاتتاعى قىزمەت وتەۋ كاسىبىن جەدەل دامىتۋ.

  (3) ىشكى سۇرانىستى كەڭەيتۋ ستراتەگياسىن اتقارىپ، قارجى قوسۋ مەن تۇتىنۋدى كۇش سالا جەبەۋ

  ءونىمدى قارجى قوسۋدى كەڭەيتۋگە كۇش سالۋ. ماڭىزدى ”تەرەزەلىك كەزەڭدى“ مىقتى ۇستاپ، رەفورما جاساۋ ادىسىنەن پايدالانۋعا، بازارلانعان جۇمىس جۇرگىزۋ تاسىلىنە تاباندى بولىپ، نىسانمەن جەتەكتەۋدى، قارجى قوسۋمەن ىلگەرىلەتۋدى جانە قارجى قۇراۋدا بىرلەسە قيمىلداۋدى كۇشەيتىپ، ءتۇيىندى نىساندار قۇرىلىسى ارقىلى ءونىمدى قارجى قوسۋدى جەتەكتەپ، قوعامدىق كاپيتالدىڭ نەگىزدىك قۇرىلعى سالاسىنا سالىنۋىنا تۇرتكى بولىپ، قارجى قوسۋعا بازار جەتەكشى بولاتىن ىشكى ءوسۋ مەحانيزمىن قالىپتاستىرۋ. ”ءبىر توبىنىڭ قۇرىلىسىن باستاۋ، ءبىر توبىن قوردا ساقتاۋ، ءبىر توبىن جوسپارلاۋ“ تالابىنا ساي، نىسان قورىن قۇرىپ، كەمەلدەندىرىپ، نىسانداردىڭ الدىڭعى مەرزىمدىك قىزمەت سەرپىنىن ارتتىرىپ، قۇرىلىس جالعاستىرىلاتىن، جاڭادان سالىناتىن جانە قورداعى نىسانداردى ءبىر تۇتاس جوسپارلاپ ىلگەرىلەتىپ، قاتىناس، ەنەرگيا، سۋ يگىلىگى، ەلەكتر قۋاتى، حابارلاسۋ، قالا - قالاشىق نەگىزدىك قۇرىلعىلارى سياقتى ەلەۋلى نىسانداردى ىلگەرىلەتۋ سەرپىنىن ءتۇيىندى تۇردە ارتتىرۋ. قۇلجا - اقسۋ تەمىر جولى، جىڭ - الاتاۋ تەمىر جولى، G218 جەلىسىنىڭ نارات - بالعىنتاي بولىگى تاس جولى جانە جۇندۇڭ (شونجى)، بايىنبۇلاق، باركول اۋەجايلارى سياقتى نىسانداردىڭ قۇرىلىسىن باستاپ، G7 ۋتۇڭ داچۋان - اراتۇرىك - باركول - موري بولىگىندەگى جوعارى قارقىندى تاس جولىنىڭ، S20 ۋگۇڭتاي - قارامايلى جوعارى قارقىندى تاس جولىنىڭ، حوتان - چارقىلىق تەمىر جولىنىڭ، اقسۋ - ارال تەمىر جولىنىڭ سالىنىپ ءبىتىپ، پايدالانۋعا بەرىلۋىن ىلگەرىلەتۋ. يورۇڭقاش، داشى قىساڭى، داشىمىن، قورعان سياقتى ءبىر توپ سۋ يگىلىگى توراپتارى، سۋ يگىلىگى تيەك ينجەنەريالارىن جەدەل سالىپ، وياڭىز سۋ يگىلىگى تورابى سياقتى ءبىر توپ ءتۇيىندى سۋ بايلىعىن ورنالاستىرۋ جانە سۋ قويمالارى نىسانىنىڭ ىركەس - تىركەس قۇرىلىس باستاۋىن ىلگەرىلەتۋ. ءار دارەجەلى ەلەكتر كەرنەۋى جەلىلەرىن كۇش سالا كەمەلدەندىرىپ، 750 كيلوۆولتتىق كەرنەۋ وزگەرتىپ ەلەكتر جەتكىزۋ ينجەنەرياسى قۇرىلىسىن جەدەلدەتىپ، ”شينجياڭنىڭ ەلەكترىن سىرتقا جەتكىزۋ“ 3 - ارناسى قۇرىلىسىن ىلگەرىلەتىپ، فۋكاڭ ءبىر ميلليون 200 مىڭ كيلوۆاتتىق، قۇمىل ءبىر ميلليون 200 مىڭ كيلوۆاتتىق سۋدى بيىككە شىعارىپ ەنەرگيا ساقتايتىن ەلەكتر ستانسيالارى قۇرىلىسىن ىلگەرىلەتىپ، اۋىل - قىستاق ەلەكتر جەلىلەرىن جاڭالاۋدى، دارەجەسىن كوتەرۋدى ىلگەرىلەتىپ، ەلەكترمەن قامداۋدىڭ سەنىمدىلىگىن جوعارىلاتۋ. جاڭا تيپتى نەگىزدىك قۇرىلعى قۇرىلىسىن كۇشەيتىپ، 5G ينتەرنەتى قۇرىلىسىن جەدەلدەتىپ، 5G، ينتەگرالدى تىزبەك، جۇمساق بولشەك، بلوكچەين، ۇلكەن ساندى مالىمەت، بۇلتتىق ەسەپتەۋ، جاساندى زەردە سياقتى جاڭا بۋىن ينفورماتسيا تەحنيكالارىن توعىستىرۋدى، وندا جاڭالىق اشۋدى جانە دامىتۋدى، قولدانۋدى جەدەلدەتۋ. جەرگىلىكتى ۇكىمەتتەردىڭ ارناۋلى باعالى قاعازدارىن سايكەستى ۇلەسپەن ەلەۋلى نىساندار كاپيتالى ەتۋ ساياساتىن ويداعىداي تياناقتاندىرىپ، ۇكىمەت پەن قوعامدىق كاپيتالدىڭ سەلبەستىگىن ارناعا ءتۇسىرىپ جانە جۇيەلى ىلگەرىلەتىپ، نەگىزدىك قۇرىلعىلار مەن الەۋمەتتىك ىستەر سياقتى سالالارداعى شەكتەۋلەردى بىرتىندەپ بوساتۋ.

  تۇتىنۋدىڭ قايتا تولىقتاۋىن، دارەجەسىن جوعارىلاتۋدى بەلسەنە جەبەۋ. ساياحاتتىق تۇتىنۋدىڭ قالپىنا كەلۋ سيپاتىنداعى ءوسۋىن جەدەلدەتىپ، ساياحاتتىق تۇتىنۋدى ۇزدىكسىز كەڭەيتۋ. اۆتوكولىك تۇتىنۋىنا ارنايى سيلىق بەرىپ، جاڭا ەنەرگيالىق اۆتوكولىك تۇتىنۋىن ىنتالاندىرىپ، اۆتوكولىك تۇتىنۋىن ۇزدىكسىز كەڭەيتۋ. ”ينتەرنەت +“ تۇتىنۋ ۇلگىسىن زور كۇشپەن دامىتىپ، ينتەرنەت جەلىسىندەگى جانە ينتەرنەت جەلىسىنەن تىسقارىداعى تۇتىنۋدىڭ توعىسپالى دامۋىن جەبەپ، جاڭا تيپتى تۇتىنۋدى ۇزدىكسىز كەڭەيتۋ. اۋىل - قىستاق بازار جۇيەسىن كەمەلدەندىرىپ، اۋىل - قىستاقتاعى ەلەكتروندى ساۋدانىڭ قامتۋ كولەمىن كەڭەيتىپ، ونەركاسىپ ونىمدەرىنىڭ اۋىلعا جەتكىزىلۋىنىڭ جانە اۋىل شارۋاشىلىق ونىمدەرىنىڭ قالاعا كىرۋىنىڭ قوس باعىتتى اينالىمىن جەبەپ، قالا، اۋىل تۇتىنۋىن ۇزدىكسىز كەڭەيتۋ. الەۋمەتتىك تۇتىنۋدى لايىقتى كوبەيتىپ، تۇتىنۋدى قامداۋدى جاقسارتىپ، تۇنگى ەكونوميكانى جانە ”ۇساق - تۇيەك زاتتار بازارىن“ دامىتىپ، ”تىكە تاراتۋ ارقىلى زات ساتۋدى“ ارناعا ءتۇسىرىپ، دامىتىپ، ءار ۇلت بۇقاراسىن تۇتىنۋ مەجەسىن جوعارىلاتۋعا، تۇتىنۋ سەنىمىن نىعايتۋعا جەتەكتەپ، تۇتىنۋدىڭ قايتا ورلەۋىن جەبەۋ.

  (4) جىبەك جولى ەكونوميكالىق بەلدەۋى وزەكتى رايونى قۇرىلىسىن تەزدەتىپ، ىشكە، سىرتقا ەسىك اشۋدى كەڭەيتۋ

  ”ءبىر پورت“، ”2 رايون“، ”5 ۇلكەن ورتالىق“، ”شەكارا وتكەلى ەكونوميكالىق بەلدەۋى“ قۇرىلىسىن جەدەل ىلگەرىلەتۋ. ءۇرىمجى قۇرلىقتىق پورت تيبىندەگى مەملەكەتتىك زات اينالىمى تورابى قۇرىلىسىن، الاتاۋ ساعاسى شەكارا وتكەلى تيبىندەگى مەملەكەتتىك زات اينالىمى تورابى قۇرىلىسىن جەدەلدەتىپ، جۇڭگو - ەۆروپا كەزەكشى پويەزدارى (ءۇرىمجى) جيناۋ - توپتاۋ ورتالىعىنىڭ ۇلگى كورسەتۋ ينجەنەرياسى قۇرىلىسىن ىلگەرىلەتۋ. ورتالىقتىڭ قورعاس، قاشقار ەكونوميكالىق اشۋ رايوندارىنا بەرگەن ەرەكشە ءتيىمدى ساياساتتارىن جالپى بەتتىك تياناقتاندىرىپ، يمپورتتىق، ەكسپورتتىق تاۋارلاردى وڭدەۋ بازاسى قۇرىلىسىن جەدەلدەتىپ، وڭدەۋ ساۋداسى مەن قىزمەت كورسەتۋ ساۋداسىن زور كۇشپەن دامىتىپ، كاسىپ سالاسىنىڭ شوعىرلانىپ دامۋ قابىلەتىن جوعارىلاتۋ. ساۋدالىق زات اينالىمى ورتالىعى قۇرىلىسىن جەدەلدەتىپ، وڭتۇستىك شينجياڭ (قاشقار) مەملەكەتتىك وڭىرلىك مەديتسينالىق ورتالىعى، مەملەكەتتىك وڭىرلىك بالالار مەديتسينالىق ورتالىعى جانە اۆتونوميالى رايون دارەجەلى مەديتسينالىق ورتالىق قۇرىلىسىن ىلگەرىلەتىپ، ءۇرىمجى كەشەندى ءدارى - دارمەك كاسىپ سالاسى باقشاسى قۇرىلىسىن ىلگەرىلەتىپ، شەشۋشى، ۇلگىلىك، نىشاندىق سيپاتقا يە ءبىر توپ ءتۇيىندى نىسانداردى تياناقتاندىرۋعا قۇلشىنۋ. كاسىپ سالاسى مەن فينانستىڭ توعىسۋىن جەبەپ، فينانستىڭ ناقتى ەكونوميكاعا قىزمەت كورسەتۋ قابىلەتىن جوعارىلاتۋ. 17 قۇرلىقتىق جول شەكارا وتكەلىنىڭ ەرەكشە باسىمدىعىن تولىق ساۋلەلەندىرىپ، ەرەكشە يمپورت - ەكسپورت بايلىعىن وڭدەۋ اۋماعىنان ءبىر توبىن جەدەل قۇرۋ.

  ىشكە، سىرتقا ەسىك اشۋ دەڭگەيىن جوعارىلاتۋ. ساۋداگەر شاقىرىپ قارجى ەنگىزۋ ارنايى ارەكەتىن ورىستەتىپ، ءار تۇردەگى مەملەكەت دارەجەلى وركەندەتۋ رايوندارىنىڭ (باقشا رايونى) شىعىس بولىكتىڭ كاسىپتەردى كوشىرۋىن بەلسەنە قابىلداۋىنا قولداۋ كورسەتۋ. ”ءبىر بەلدەۋ، ءبىر جول“ حالىقارالىق سەلبەستىك ەكونوميكالىق ءدالىزى قۇرىلىسىنا تەرەڭدەي ات سالىسىپ، ورتا ازيا قاتارلى توڭىرەكتەگى مەملەكەتتەرمەن اۋىس - كۇيىستى، سەلبەستىكتى كۇشەيتىپ، رايون ىشىندەگى ساپالى كاسىپورىنداردى ”سىرتقا شىعۋعا“ ىنتالاندىرىپ، شەكارا سىرتىنداعى ەكونوميكالىق - ساۋدالىق سەلبەستىك باقشا رايوندارى، شەكارالىق (شەكارا اتتاعان) ەكونوميكالىق سەلبەستىك اۋماعى قۇرىلىسىن كۇشەيتۋ. ىندەتتەن ساقتانۋ - تىزگىندەۋدى ۇدايىلاندىرۋ العى شارتىندا، 2021 - جىلعى (جۇڭگو) ازيا - ەۆروپا تاۋار ساۋداسى كورمەسىن ويداعىداي وتكىزۋ. تارباعاتاي ءتۇيىندى وركەندەتۋ، ەسىك اشۋ سىناق رايونىن جوسپارلاۋ، قۇرۋ قىزمەتىن ويداعىداي ىستەپ، جۇڭگو (شينجياڭ) ەركىن ساۋدا سىناق رايونىن، جۇڭگو (الاتاۋ، قورعاس، قاشقار) شەكارا اتتاعان ەلەكتروندى ساۋدا جالپىلىق سىناق اۋماعىن قۇرۋدى ىلگەرىلەتۋ.

  كاسىپ سالاسى ارقىلى شينجياڭعا كومەكتەسۋدى ناقتى ورىستەتۋ. كاسىپ سالاسى ارقىلى شينجياڭعا كومەكتەسۋدىڭ دەڭگەيىن جوعارىلاتۋ ينجەنەرياسىن اتقارىپ، ايىرماشىلىقتى ساياساتتاردان جەتكىلىكتى، ويداعىداي پايدالانىپ، شينجياڭعا كومەكتەسەتىن ولكە، قالالارمەن كاسىپ سالاسىن دامىتۋ بويىنشا سەلبەستىك مەحانيزمىن ورناتىپ، شىعىس، ورتا بولىكتەگى كاسىپ سالاسىنىڭ ۇجىمدى، تىزبەكتى، شوعىرلى كوشى - قونىن جوعارى ساپادا قابىلداپ، كاسىپ سالاسى كوشى - قونىنان ۇلگى كورسەتۋ اۋماعىن قۇرۋ. ورتالىق كاسىپورىندارىمەن، شينجياڭعا كومەكتەسەتىن ولكە، قالالاردىڭ كاسىپورىندارىمەن ەكونوميكالىق، تەحنيكالىق اۋىس - كۇيىستى، سەلبەستىكتى كۇشەيتىپ، ورتالىق كاسىپورىندارىن، شينجياڭعا كومەكتەسەتىن ولكە، قالا كاسىپورىندارىن جەكە قارجىلاندىرۋ، جارنا مەڭگەرۋ، جارناعا قاتىسۋ سياقتى كوپ ءتۇرلى تاسىلمەن شينجياڭ كاسىپ سالاسىنىڭ دامۋىنا قاتىناسۋعا، شينجياڭعا كەلىپ قارجى سالىپ، شارۋاشىلىق وركەندەتۋگە ىنتالاندىرىپ جانە قولداۋ كورسەتىپ، شينجياڭعا كومەكتەسەتىن ولكە، قالالاردىڭ شينجياڭ ءوڭىر اتتاپ ”اتتاما جەر باقشا اۋماعىن“ قۇرۋىنا قولداۋ كورسەتۋ.

  (5) كەدەيلىكتەن ارىلتۋدان قامال الۋدىڭ ناتيجەسىن بەكەمدەپ، كەڭەيتىپ، اۋىل - قىستاقتى گۇلدەندىرۋدى جالپى بەتتىك ىلگەرىلەتۋ

  كەدەيلىكتەن ارىلتۋدان قامال الۋدىڭ ناتيجەسىن بەكەمدەۋ، كەڭەيتۋ. ”ءتورتتى توقتاتپاۋ“ تالابىن قاتاڭ تياناقتاندىرىپ، كەدەيلىكتەن ارىلتۋدىڭ، كومەكتەسۋ - سۇيەمەلدەۋدىڭ قازىرگى ساياساتىنىڭ، قارجىلىق قولداۋىنىڭ، كومەكتەسۋ - سۇيەمەلدەۋ كۇشتەرىنىڭ جالپى تۇلعالىق جاقتان تۇراقتىلىعىن ساقتاۋ. قايتا كەدەيلەسۋدەن ساقتانۋدى يكەمدى قاداعالاۋ، ساقتاندىرۋ جانە كومەكتەسۋ - سۇيەمەلدەۋ مەحانيزمىن ونان ارى اقاۋسىزداندىرىپ، كەمەلدەندىرىپ، اۋىل - قىستاقتاعى تومەن كىرىستى حالىققا تۇراقتى كومەكتەسۋ - سۇيەمەلدەۋ مەحانيزمىن ورناتىپ، كەدەيلىكتەن ارىلتۋدان قامال الۋدىڭ ناتيجەسىن ۇزدىكسىز بەكەمدەۋ. كاسىپ سالاسىن كورنەكتىلەندىرە دامىتۋ ارقىلى جۇمىستانۋعا، كىرىس ارتتىرۋعا جەتەكتەپ، قونىس جاڭالاپ كەدەيلەردى سۇيەمەلدەۋدىڭ كەيىنگى سۇيەمەلدەۋ جۇمىستارىن كۇشەيتىپ، دامۋدىڭ ىشكى قوزعاۋشى كۇشى مەن دامۋ ومىرشەڭدىگىن باسا كۇشەيتىپ، كەدەيلىكتەن ارىلتۋدان قامال الۋدىڭ اۋىل - قىستاقتى گۇلدەندىرۋمەن ”8 جاقتان ۇشتاسۋىن“ ىلگەرىلەتىپ، بايلىقتى شوعىرلاندىرىپ كەدەيلىكتەن ارىلتۋدان قامال الۋعا قولداۋ كورسەتۋدەن اۋىل - قىستاقتى گۇلدەندىرۋدى جالپى بەتتىك ىلگەرىلەتۋگە ورنىقتى ءوتۋىن بىرتىندەپ جۇزەگە اسىرۋ. جۇڭگوشا سوتسياليستىك اۋىل - قىستاقتى گۇلدەندىرۋ جولىمەن جۇرۋگە تاباندى بولىپ، اۋىل - قىستاق كاسىپ سالالارىنىڭ دامۋىن، ۇلعايۋىن ىلگەرىلەتىپ، اۋىل - قىستاقتىڭ سوتسياليستىك رۋحاني وركەنيەت جانە ەكولوگيالىق وركەنيەت قۇرىلىسىن كۇشەيتىپ، قالا مەن اۋىلدىڭ توعىسا دامۋىن بەلسەنە ىلگەرىلەتىپ، اۋىل - قىستاقتى جونگە سالۋدى كۇشەيتىپ جانە جاقسارتىپ، اۋىل - قىستاقتىڭ جاپپاي گۇلدەنۋىن ىلگەرىلەتۋ.

  اۋىل - قىستاق قۇرىلىسى ارەكەتىن اتقارۋ. اۋىل شارۋاشىلىعىن، اۋىل - قىستاقتى دامىتۋداعى ولقىلىقتاردى جەدەل تولىقتاپ، اۋىل - قىستاقتاردىڭ سۋ، ەلەكتر، جول، گاز، حابارلاسۋ، راديو - تەلەۆيزيا سياقتى نەگىزدىك قۇرىلعىلارىن كەمەلدەندىرۋ. جوعارى ونىمدىلىكپەن ۇنەمدەپ سۋارۋ تەحنيكاسىن زور كۇشپەن جالپىلاستىرىپ، جوعارى ولشەمدى ەگىنجاي قۇرىلىسىن كۇشەيتىپ، جەردىڭ لايىقتى كولەمدەگى شارۋاشىلىعىن ىلگەرىلەتىپ، وڭتۇستىك شينجياڭ اۋىل - قىستاق جەرلەرىنىڭ ”پارشالانۋ“ ماسەلەسىن شەشۋ. ينفورماتسيانى قىستاقتارعا، وتباسىلارعا جەتكىزۋ ينجەنەرياسىن ىلگەرىلەتۋ. اۋىل - قىستاق قونىس ورتاسىن رەتتەۋ - جونگە سالۋدى ۇزدىكسىز ىلگەرىلەتىپ، جەرگىلىكتى ىڭعايعا قاراي اۋىل - قىستاقتاعى دارەتحانانى وزگەرتۋدى ىلگەرىلەتىپ، اۋىل - قىستاقتاعى تۇرمىستىق قوقىستاردى، تۇرمىستىق لاس سۋلاردى، قىستاق كەلبەتىن رەتتەۋ - جونگە سالۋدى كۇشەيتىپ، ەرەكشە اۋىل - قالاشىقتاردان جانە قونىستانۋعا جايلى ەرەكشە قىستاقتاردان ءبىر توبىن قالىپتاستىرۋعا قۇلشىنىپ، ديقان ءانىنىڭ، شوپان جىرىنىڭ، كوركەم اۋىل - قىستاقتىڭ شينجياڭنىڭ تاماشا تانىسقىسى بولۋىنا مۇمكىندىك جاساۋ.

  اۋىل شارۋاشىلىعى، اۋىل - قىستاق رەفورماسىن ۇزدىكسىز تەرەڭدەتۋ. 2 - كەزەكتە جەردى كوتەرمەگە الۋدىڭ مەرزىمى تولعاننان كەيىن تاعى دا 30 جىل ۇزارتۋ ساياساتىن جاپپاي تياناقتاندىرىپ، اۋىل - قىستاقتا كوتەرمەگە بەرىلگەن جەرلەرگە قاتىستى ۇقىق ايقىنداۋدىڭ، تىركەۋدىڭ، كۋالىك بەرۋدىڭ ناتيجەسىنەن ويداعىداي پايدالانۋ. تۇراقتى نەگىزگى ەگىنجايلاردى قورعاۋ ءتۇزىمىن تياناقتاندىرۋ. اۋىل - قىستاق كوللەكتيۆ مال - مۇلىك ۇقىعى ءتۇزىمى رەفورماسىن تەرەڭدەتىپ، اۋىل - قىستاقتاعى ءۇي ورنى ءتۇزىمى رەفورماسىن ورنىقتى، بايسالدى تۇردە ىلگەرىلەتۋ. ماقتانىڭ نىسانالى باعا رەفورماسىنىڭ جاڭا كەزەگىن ىلگەرىلەتۋ. اۋىل شارۋاشىلىعىنداعى سۋ باعاسىنىڭ جالپىلىق رەفورماسىن تەرەڭدەتۋ. اۋىل - قىستاقتاعى فينانستان قىزمەت كورسەتۋ جۇيەسىن اقاۋسىزداندىرۋ.

  جاڭا تيپتى كاسىبي شارۋالاردى زور كۇشپەن جەتىلدىرۋ. وڭتۇستىك شينجياڭ 4 ايماق - وبلىسىنداعى ەگىنشى - مالشىلاردىڭ مەملەكەتتە ءبىر تۇتاس قولدانىلاتىن ءتىل - جازۋ جانە ەڭبەك شەبەرلىگى كۋرسىن كورنەكتىلەندىرە وتىرىپ ويداعىداي يگەرىپ، كاسىبي شارۋالاردىڭ كاسىپتىك اتاعىن باعالاۋدى تۇيىندە سىناق ەتۋدى بەلسەنە ورىستەتىپ، شارتقا ۇيلەسەتىن جاڭا تيپتى كاسىبي شارۋالاردى قالا - قالاشىق قىزمەتشىلەرىنىڭ زەينەتكەرلىك، ەمدەۋ سياقتى قوعامدىق قامسىزداندىرۋىنا قاتىناسۋعا جۇيەلى تۇردە جەتەكتەۋ. اۋىل دارىندىلارىن جەتىلدىرۋ ينجەنەرياسىن اتقارىپ، اۋىل شارۋاشىلىق تەحنيكالارىن جالپىلاستىرۋ، شارۋاشىلىق جۇرگىزۋ جانە باسقارۋ، قولدانبالى كاسىپ دارىندىلار قوسىنىن جەدەل قۇرىپ، كاسىپ سالاسىن دامىتۋعا باستاۋشىلار مەن ەگىنشى وتباسى ءوندىرىس تەحنيكاسى تيبىندەگى دارىندىلاردى جەتىلدىرۋ. دارىندىلاردى اۋىلعا جىبەرۋ ارناسىن ىركىلىسسىزدەندىرىپ، قالا دارىندىلارىن جانە ساۋدا - ونەركاسىپ كاپيتالىن اۋىلعا اپارۋعا جەتەكتەپ، سىرتقا شىعىپ كەتكەن دارىندىلاردى اۋىلدارىنا قايتىپ شارۋاشىلىق قۇرۋعا ىنتالاندىرۋ.

  (6) قالا - قالاشىقتاندىرۋ ساپاسىن جاپپاي جوعارىلاتىپ، قالا مەن اۋىلدىڭ توعىسا دامۋىن ىلگەرىلەتۋ

  جاڭا تيپتى قالا - قالاشىق قۇرىلىسىن ىشكەرىلەي ىلگەرىلەتۋ. بيڭتۋان مەن جەرگىلىكتى ورىندى ءبىر تۇتاس جوسپارلاۋعا، ءبىر تۇلعادا ىلگەرىلەتۋگە تاباندى بولىپ، ءۇرىمجى ورتالىق قالا شەڭبەرىن كۇش سالا جەتىلدىرىپ، سولتۇستىك شينجياڭ قالالار بەلدەۋىن تۇلعالاپ، وڭتۇستىك شينجياڭ قالالار شوعىرىن قالىپتاستىرىپ، ءۇرىمجى ورتالىق قالا شەڭبەرى ءبىر ساعاتتىق قاتىناس تورىن جەدەل ورناتىپ، ءۇرىمجى سانجى رەليستى قاتىناس قۇرىلىسىن ىلگەرىلەتىپ، وڭىردەگى قالالار سەلبەستىگىنىڭ ءتۇزىلىس - مەحانيزمىندە جاڭالىق اشىپ، قالالار دامۋىنىڭ سايكەسىمدىلىك، ىقپالداستىق، جالپى تۇلعالىق سيپاتىن ۇزدىكسىز كۇشەيتۋ. ايماقتى كۇشىنەن قالدىرىپ قالا قۇرۋدى، اۋداندى كۇشىنەن قالدىرىپ قالا قۇرۋدى جۇيەلى ىلگەرىلەتىپ، اۋىلدى كۇشىنەن قالدىرىپ قالاشىق قۇرۋ، اۋىلدى مالىگە وزگەرتۋ قىزمەتىن جەرگىلىكتى ىڭعايعا قاراي جۇرگىزۋ. قالالاردى جاڭارتۋ ارەكەتىن اتقارىپ، قالا - قالاشىق نەگىزدىك قۇرىلعىلارى مەن الەۋمەتتىك قىزمەت كورسەتۋ قۇرىلعىلارى قۇرىلىسىن جەدەلدەتىپ، قالاداعى الەۋمەتتىك قاتىناس، قالا قۇرىلعىلارى، جەر استى قۇبىر جەلىلەرى، اۆتوتۇراق سياقتى قۇرىلىستاردى كۇشەيتىپ، جاسىل قالا، پاراساتتى قالا، گۋمانيتارلى قالا قۇرىلىسىن كۇشەيتىپ، قالانى جونگە سالۋ قابىلەتىن جوعارىلاتۋ. نوپوس ءتۇزىمى رەفورماسىن تەرەڭدەتىپ، قالا - قالاشىق نوپوسىنا تىركەۋ شارتىن جالپى بەتتىك بوساتىپ، اۋىل شارۋاشىلىعىنان ويىسقان حالىقتىڭ قالا تۇرعىنى بولۋىن ءتارتىپتى ىلگەرىلەتىپ، اناعۇرلىم كوپ بۇقارانىڭ حاۋىپسىز، سالاماتتى، ءبىرشاما جوعارى ساپالى قالا ومىرىنەن يگىلىكتەنۋىنە مۇمكىندىك جاساۋ.

  قالا مەن اۋىلدىڭ توعىسا دامۋىن زور كۇشپەن ىلگەرىلەتۋ. قالا مەن اۋىلدى توعىستىرا دامىتۋ ءتۇزىلىس - مەحانيزمىن كەمەلدەندىرىپ، قالا مەن اۋىل فاكتورلارىنىڭ تەڭ الماسۋىن، قوس باعىتتا اعىلۋىن ىلگەرىلەتىپ، قالا مەن اۋىل نەگىزدىك قۇرىلعىلارىن ءبىر تۇتاس جوسپارلاپ، سالىپ جانە باسقارىپ، نەگىزدىك قۇرىلعىلار اياسىنىڭ اۋىل - قىستاققا قاراي كەڭەيۋىن، الەۋمەتتىك قىزمەت كورسەتۋلەردىڭ اۋىل - قىستاققا قاراي قانات جايۋىن، بايلىق فاكتورلارىنىڭ اۋىل - قىستاققا قاراي بەيىمدەلۋىن، وسى زامانعى وركەنيەتتىڭ اۋىل - قىستاققا ىقپال جاساۋىن جەبەپ، ونەركاسىپ پەن اۋىل شارۋاشىلىعى ءبىرىن - ءبىرى جەبەيتىن، قالا مەن اۋىل ءبىرىن - ءبىرى تولىقتايتىن، سايكەستى داميتىن، ورتاق گۇلدەنىپ - كوركەيەتىن جاڭاشا ونەركاسىپ - اۋىل شارۋاشىلىعى، قالا، اۋىل قاتىناسىن ورناتۋ.

  (7) ”تومەنگە بەرۋ، باسقارۋ، قىزمەت وتەۋ“ سياقتى ءتۇيىندى سالالارداعى رەفورمالاردى تەرەڭدەتىپ، شارۋاشىلىق - ساۋدا ورتاسىن ۇزدىكسىز ساپالىلاندىرۋ

  ”تومەنگە بەرۋ، باسقارۋ، قىزمەت وتەۋ“ رەفورماسىن تەرەڭدەتۋ. ۇكىمەتتىڭ ۇقىق - جاۋاپكەرشىلىك ءتىزىمى ءتۇزىمىن جاپپاي اتقارىپ، كاسىپورىنداردىڭ تيجارات رۇقساتىنا ساياتىن ىستەردى ءتىزىم بويىنشا باسقارىپ، انىقتاما ىستەرى مەن كاسىپورىنداردىڭ تيجارات رۇقساتىنا ساياتىن ىستەردى حابارلاندىرۋعا ۋادە بەرۋ ءتۇزىمىن جالپى بەتتىك اتقارىپ، ”كوپ بولعاندا ءبىر رەت بارۋ“، ”تەز بولعاندا ءبىر رەتتە جەتكىزىپ بەرۋ“ رەفورماسىن ۇزدىكسىز ىلگەرىلەتىپ، ”تاباندا ءبىتىرۋدى، ينتەرنەتتە ءبىتىرۋدى، الاقاندا ءبىتىرۋدى، ءوزى ءبىتىرۋدى، جاقىن جەردە ءبىتىرۋدى“ قولدانىسقا ەنگىزىپ، اناعۇرلىم كوپ اكىمشىلىك قىزمەت كورسەتۋ ىستەرىندە ”ءبىر ءىستىڭ ءبىر جولدا ءبىتۋىن“ ىلگەرىلەتىپ، بازار تۇلعالارى مەن بۇقارانىڭ ءىس ءبىتىرۋى قيىن بولۋ ماسەلەسىن شەشۋ. شارۋاشىلىق - ساۋدا ورتاسىن ارناۋلى رەتتەپ - جونگە سالىپ، ءىس تىندىرماۋ، بەتالدى ىستەۋ، سىلبىرلىق ىستەۋ ماسەلەلەرىن باتىل رەتتەپ، جونگە سالىپ، ساياساتتى تىڭعىلىقتى تياناقتاندىرماۋ، بازار تۇلعالارىنىڭ زاڭدى ۇقىق - مۇددەسىنە زيان جەتكىزۋ سياقتى كورنەكتى ماسەلەلەردى رەتتەپ، جونگە سالىپ، شارۋاشىلىق - ساۋدا ورتاسىنىڭ ۇزدىكسىز جاقسارۋىن ىلگەرىلەتىپ، تاماشا بايلىق ارقىلى قارجى قوسۋشىلاردى باۋراپ، ساپالى قىزمەت كورسەتۋ ارقىلى قارجى قوسۋشىلاردى ىنتالاندىرىپ، كەمەلدى ءتۇزىم ارقىلى قارجى قوسۋشىلاردى قورعاۋ.

  ءتۇيىندى سالالارداعى رەفورمالاردى تەرەڭدەتۋ. مەملەكەت مەنشىگىندەگى كاسىپورىنداردى رەفورمالاۋدىڭ 3 جىلدىق ارەكەتىن اتقارىپ، مەملەكەت مەنشىگىندەگى كاسىپورىنداردىڭ ومىرشەڭدىگىن كۇش سالا نىعايتىپ، وزەكتى باسەكەلىك قابىلەتى كۇشتى، مەملەكەت مەنشىگىندەگى ءبىر توپ ءىرى كاسىپورىندار توبىن قۇرىپ، جۇمىسىن جۇرگىزىپ، مەملەكەت مەنشىگىندەگى ەكونوميكانىڭ ستراتەگيالىق تىرەك رولىن اناعۇرلىم ويداعىداي ساۋلەلەندىرۋ. قارجى قوسۋ، قارجى قۇراۋ ءتۇزىلىسى جانە وقۋ - اعارتۋ، ەمدەۋ - دەنساۋلىق ساقتاۋ سياقتى ءتۇيىندى سالالارداعى رەفورمالاردى تەرەڭدەتۋ. جالپىعا ءتيىمدى فينانستىق قىزمەت كورسەتۋ جۇيەسىن كەمەلدەندىرىپ، عىلىم - تەحنيكالىق جاڭالىق اشۋعا، ورتا، شاعىن، ۇساق كاسىپورىنداردىڭ جاسىل دامۋىنا فينانستىق قولداۋ كورسەتۋدى ارتتىرىپ، كاسىپورىنداردىڭ تىكەلەي قارجى قۇراۋ ارنالارىن كەڭەيتۋىنە قولداۋ كورسەتىپ، فينانستىق قىزمەت كورسەتۋدە جاڭالىق اشىپ، ىندەتتىڭ ءبىرشاما اۋىر سوققىسىنا ۇشىراعان مەيمانساراي، اس - سۋ، تۇسەلحانا، ساياحات سياقتى قىزمەت كورسەتۋ تۇرىندەگى ناقتى ەكونوميكالارعا قولداۋ كورسەتۋ سەرپىنىن ارتتىرۋ. سالىقتى ازايتىپ، اقىنى تومەندەتۋ، كاسىپورىنداردىڭ قيىنشىلىعىن جەڭىلدەتۋ جانە ولارعا تيىمدىلىك جاساۋ، جۇمىس ورىندارىن ورنىقتىرۋ، جۇمىستاندىرۋ ساياساتىن ويداعىداي تياناقتاندىرىپ، كاسىپورىنداردىڭ اۋىرتپالىعىن ونان ارى جەڭىلدەتۋ.

  حالىقتىق ەكونوميكانىڭ دامۋىن جەدەلدەتۋ. حالىقتىق ەكونوميكانىڭ دامۋىنا قولداۋ كورسەتۋگە قاتىستى ساياساتتاردى جاپپاي تياناقتاندىرىپ، حالىقتىق كاسىپورىنداردىڭ مال - مۇلىك ۇقىعىن جانە كاسىپكەرلەردىڭ ۇقىق - مۇددەسىن زاڭ بويىنشا تەڭ قورعاپ، ۇكىمەت پەن ساۋدا سالاسىنىڭ جاقىن، كىرشىكسىز قارىم - قاتىناسىن ورناتۋ. بەرەشەكتەردى كەشىكتىرۋدى ارناۋلى اداقتاۋ ارەكەتىن ۇزدىكسىز ورىستەتىپ، ۇكىمەت تاراۋلارى مەن مەملەكەت مەنشىگىندەگى كاسىپورىنداردىڭ حالىقتىق كاسىپورىنداردىڭ الاشاق قارجىلارىن تولەۋدى كەشىكتىرۋ ماسەلەسىن كۇش سالا شەشۋ. حالىقتىق كاسىپورىنداردى تاڭداۋلى ەتىپ باۋلۋ ينجەنەرياسىن اتقارىپ، اۆتونوميالى رايوندا، ايماقتاردا (وبلىس، قالا)، اۋدانداردا (قالا، رايون) بازار بولاشاعى جاقسى، ءوسىمتال، جەتەكتەۋ رولى كۇشتى حالىقتىق كاسىپورىنداردان ءبىر توبىن ءتۇيىندى تۇردە سۇيەمەلدەپ، حالىقتىق كاسىپورىنداردىڭ ومىرشەڭدىك قۋاتى مەن جاسامپازدىق قابىلەتىن تولىق تاسقىنداتىپ، ولاردىڭ جوعارى ساپالى دامۋ بارىسىندا ۇلكەن جۇمىس ارقالاپ، باستى رول اتقارۋىنا مۇمكىندىك جاساۋ.

  (8) ەكولوگيالىق ورتانى قورعاۋدى جانە قۇرۋدى كۇشەيتىپ، اسپانى اشىق، جەرى جاسىل، سۋى تۇنىق كورىكتى شينجياڭ قۇرۋ

  ەكولوگيالىق ورتانى قورعاۋ مەحانيزمىن اقاۋسىزداندىرۋ. ەكولوگيانى قورعاۋدىڭ ەڭ قاتاڭ ءتۇزىمىن اتقارۋعا تاباندى بولىپ، ەنەرگيا، كەن بايلىقتارىن اشۋدى اۆتونوميالى رايوندىق ۇكىمەت ”ءبىر قالاممەن“ تەكسەرىپ بەكىتۋ ءتۇزىمىن قاتاڭ اتقارىپ، ەكولوگيانى قورعاۋدىڭ قىزىل سىزىعىن، قورشاعان ورتا ساپاسىنىڭ تومەنگى شەگىن جانە جاراتىلىستىق بايلىقتاردى پايدالانۋدىڭ جوعارعى شەگىن ساقتاپ، مەملەكەت تەرريتورياسى كەڭىستىگىن جوسپارلاۋدى جانە قولدانىلۋ ماقساتىن مەڭگەرۋدى كۇشەيتىپ، ەكولوگيانى قورعاۋ، نەگىزگى ەگىنجايلار، قالا - قالاشىقتاردى وركەندەتۋ سياقتى الاپتاردى باسقارۋدىڭ، مەڭگەرۋدىڭ شەكاراسىن تياناقتاندىرىپ، مەملەكەتتىك باقشانى نەگىزگى تۇلعا ەتكەن جاراتىلىستىق قورىق جۇيەسىن ورناتۋ. سۋ بايلىعىن باسقارۋدىڭ ەڭ قاتاڭ ءتۇزىمىن اتقارىپ، سۋ بايلىعىن اشۋدى، پايدالانۋدى مەڭگەرۋ، سۋدان پايدالانۋ ونىمدىلىگىن مەڭگەرۋ جانە سۋ فۋنكتسيالىق اۋماقتارىندا لاستاۋشى زاتتاردى قابىلداۋدى شەكتەۋ سىندى ”3 قىزىل سىزىقتى“ قاتاڭ ساقتاۋ.

  قورشاعان ورتانى جونگە سالۋدى ۇزدىكسىز كۇشەيتۋ. لاستانۋدان ساقتانۋ جانە ونى جونگە سالۋدان قامال الۋ شايقاسىن ۇزدىكسىز ىشكەرىلەي ويداعىداي جۇرگىزىپ، اتموسفەرانىڭ، سۋدىڭ، توپىراقتىڭ لاستانۋىن كەشەندى جونگە سالۋ سەرپىنىن ۇزدىكسىز ارتتىرىپ، كوپ ءتۇرلى لاستاۋشى زاتتاردى سايكەستىرە تىزگىندەۋ جانە وڭىرلەر ارا سايكەسە جونگە سالۋدى ىلگەرىلەتۋ. ”ءۇرىمجى - سانجى - شىحىزى“، ”كۇيتۇن - مايتاۋ - شيحۋ“ سياقتى وڭىرلەردى ءتۇيىن ەتىپ، وڭىرلەردىڭ بىرلەسە ساقتانۋىن، بىرلەسە تىزگىندەۋىن كۇشەيتىپ، بيڭتۋان مەن جەرگىلىكتى ورىننىڭ سايكەسە جونگە سالۋىن كۇشەيتىپ، كاسىپ سالاسىن كوشىرۋدى جانە رەتتەۋدى ىلگەرىلەتۋگە بەل بايلاپ، ءار ۇلت بۇقاراسى كوڭىل بولەتىن اتموسفەرانىڭ لاستانۋ ماسەلەسىن تۇبىرىنەن شەشۋ. وزەندەر مەن كولدەردى رەتتەۋ - جونگە سالۋدىڭ 3 جىلدىق ارەكەتىن زور كۇشپەن ىلگەرىلەتىپ، ونەركاسىپتىك، اۋىل شارۋاشىلىعىندىق، تۇرمىستىق لاستانۋ جانە اۋىز سۋ قاينارى الابىنىڭ قورشاعان ورتا ماسەلەلەرىن رەتتەۋ - جونگە سالۋدى كۇشەيتىپ، ءار ۇلت بۇقاراسىنىڭ تازا اۋامەن تىنىستاۋىنا، تازا سۋ ىشۋىنە، الاڭسىز ازىق - تۇلىك تۇتىنۋىنا، قونىسقا جايلى قورشاعان ورتادا تۇرمىس كەشىرۋىنە مۇمكىندىك جاساۋ.

  ەكولوگيانى قورعاۋ قۇرىلىسىن كۇشەيتۋ. وزەن، كول باستىعى ءتۇزىمىن، ورمان باستىعى ءتۇزىمىن جالپى بەتتىك تياناقتاندىرىپ، قۇمدى ءشول، قۇبا ءتۇز، جاراتىلىستىق قورىق سياقتىلاردىڭ ەكولوگياسىن قورعاۋدى كۇشەيتىپ، ەلەۋلى ەكولوگيالىق قۇرىلىستاردى جەدەلدەتىپ، مەملەكەت جەرىن كەڭ كولەمدە جاسىلداندىرۋ ارەكەتىن ورىستەتىپ، تارىم ويپاتى اينالاسىنداعى جانە جوڭعار ويپاتى جيەگىندەگى شۇراتتى اۋماقتارداعى قۇمايتتانۋدان ساقتانۋدى، قۇمدى تىزگىندەۋدى، سۋ بايلىعىن جوعارى ونىمدىلىكپەن پايدالانۋدى جانە قورشاعان ورتانى قورعاۋدى ىلگەرىلەتىپ، تابيعي ورمانداردى، 3 تەرىستىك ىقتاسىن ورمانىن قورعاۋدى، قالپىنا كەلتىرۋدى تىڭعىلىقتى ىلگەرىلەتىپ، تاۋ، سۋ، ورمان، ەگىنجاي، كول، جايلىم ەكولوگيالارىن قورعاۋ، قالپىنا كەلتىرۋ ينجەنەرياسىن تۇيىندە سىناق ەتۋدى ىشكەرىلەي ورىستەتىپ، اعاش ەگۋ، ءشوپ ءوسىرۋ سەرپىنىن ارتتىرىپ، سۋلى - باتپاقتى جەرلەردى قورعاۋدى، قالپىنا كەلتىرۋدى كۇشەيتىپ، ەگىستىك جەردى ورمانعا قايتارۋدى، جايلىمعا قايتارۋدى، جايلىمدى قالپىنا كەلتىرۋدى، سۋلى الاپتاردى قالپىنا كەلتىرۋدى ۇزدىكسىز اتقارىپ، شولەيتتەنۋدى جانە سۋ، توپىراقتىڭ شايىلۋىن كەشەندى جونگە سالۋدى ىلگەرىلەتىپ، ەكولوگياسى ورەسكەل ناشارلاعان وڭىرلەرگە قورشاپ شەكتەۋ، قورشاپ ءوسىرۋ بويىنشا باسقارۋ جۇرگىزىپ، تاريحتان كەلە جاتقان كەرەكسىز ونەركاسىپ، كەن ورىندارىن رەتتەۋ - جونگە سالۋ.

  جاسىل، تومەن كومىرتەكتى دامۋدى ىلگەرىلەتۋ. مەملەكەتتىڭ جاسىل كاسىپ سالالارىنىڭ جەتەكشى ءتىزىمىنىڭ ولشەمىن قاتاڭ اتقارىپ، ەكولوگيا مەن قورشاعان ورتا بويىنشا رۇقسات بەرۋدى تىزىممەن باسقارۋ جۇرگىزىپ، ەكولوگيا مەن قورشاعان ورتانى قورعاۋدى، ەنەرگيا ۇنەمدەپ، لاس زاتتاردىڭ شىعارىلۋىن ازايتۋدى تەجەمدىك كورسەتكىشپەن باسقارۋدى كەمەلدەندىرىپ، كاسىپ سالاسى قۇرىلىمىن، ەنەرگيا قۇرىلىمىن كۇش سالا رەتتەپ جانە ساپالىلاندىرىپ، ەنەرگيا ۇنەمدەپ قورشاعان ورتانى قورعايتىن، تازا ءوندىرىستى كاسىپ سالالارىن جەدەل دامىتىپ، جاسىل قۇرىلىستاردى دامىتىپ، ىقشام دا لايىقتى، جاسىل، تومەن كومىرتەكتى ءومىر سالتىن بەلسەنە دارىپتەپ، ەنەرگيا ۇنەمدەۋ، لاس زاتتاردىڭ شىعارىلۋىن ازايتۋ قىزمەتىن ونان ارى تەرەڭدەتۋ.

  (9) جۇڭحۋا ۇلتى ورتاق تۇلعا تانىمىن بەرىك ورناتىپ، ۇلتتار ىنتىماعىن، ءدىن جاراسىمدىلىعىن جەبەۋ

  ۇلتتار ىنتىماعىن نىعايتۋ. ”ۇلتتار ىنتىماعىنىڭ بەرەكەلى شاڭىراعى“ جانە ۇلتتار ىنتىماعى بىرلەسكەن دوستىق قيمىلىن ىشكەرىلەي ورىستەتىپ، ءار ۇلتتىڭ كەڭىنەن ارالاسۋىن، جان - جاقتى ىشتەسۋىن، تەرەڭ توعىسۋىن جەبەۋ. ۇلتتار ىنتىماعى، العاباسارلىعى ۇگىت - تاربيەسىن جانە ۇلتتار ىنتىماعى، العاباسارلىعىندا ۇلگىلى ورىن قۇرۋ قىزمەتىن ىشكەرىلەي ورىستەتىپ، ۇلتتار ىنتىماعى، العاباسارلىعىندا مەملەكەتتىك ۇلگىلى رايوندى بەلسەنە قۇرۋ. ءار ۇلت ءوزارا كىرىككەن قوعامدىق قۇرىلىمدى جانە الەۋمەتتىك اۋماق ورتاسى قۇرىلىسىن كۇش سالا ىلگەرىلەتىپ، ءار ۇلت حالقى تۋىسقانداي سۇيىسپەنشىلىك ورناتقان، ءوزارا قارايلاساتىن تاماشا ورتا قالىپتاستىرۋ.

  ءدىن تاتۋلىعىن، جاراسىمدىلىعىن جەبەۋ. پارتيانىڭ ءدىن قىزمەتى جونىندەگى نەگىزگى باعىتىن جاپپاي دايەكتىلەندىرىپ، زاڭدىلارىن قورعاۋعا، زاڭسىزدارىن تەجەۋگە، ۇشقارىلىقتى اۋىزدىقتاۋعا، سىنالاپ كىرۋگە قارسى تۇرۋعا، قىلمىسقا سوققى بەرۋگە تاباندى بولىپ، ەلىمىزدە ءدىندى جۇڭگوشالاندىرۋ بەتالىسىنا تاباندى بولىپ، ءدىندى سوتسياليستىك قوعامعا ۇيلەسۋگە بەلسەنە جەتەكتەۋ. دىنگە سەنەتىن بۇقارانىڭ قالىپتى ءدىني قاجەتى مەن قالىپتى ءدىني قيمىلدارىن زاڭ بويىنشا قامتاماسىز ەتىپ، ءدىني قيمىل ورىندارى مەن ءدىني قيمىل شارت - جاعدايلارىن ۇزدىكسىز جاقسارتىپ، ءدىني قايراتكەرلەرگە قامقورلىق جاساۋدى جانە ولاردى باۋلۋدى كۇشەيتۋ. ءدىن ىستەرىن زاڭ بويىنشا باسقارىپ، ”ۇشقارىلىقتى الاستاۋدى“ ۇزدىكسىز تەرەڭدەتە ىلگەرىلەتىپ، رايونىمىزداعى ءدىن جاراسىمدىلىعىنىڭ تاماشا جاعدايىن ۇزدىكسىز بەكەمدەۋ.

  شينجياڭدى مادەنيەتپەن نارلەندىرۋدى ىلگەرىلەتۋ. شينجياڭدى مادەنيەتپەن نارلەندىرۋ ينجەنەرياسى جوباسىن اتقارۋ. جۇڭحۋانىڭ تاڭداۋلى ءداستۇرلى مادەنيەتىنىڭ مەكتەپتەرگە كىرۋىن، وتباسىلارعا كىرۋىن، الەۋمەتتىك اۋماققا كىرۋىن ىلگەرىلەتۋ. تاريحي مادەني ەسكەرتكىش ورىندارىن قورعاۋدى، پايدالانۋدى جانە مۇراجاي قۇرىلىسىن كۇشەيتىپ، تاريحقا ءتىل ءبىتىرىپ، مادەنيەت مۇرالارىن سويلەتۋ. مادەنيەتتەن قىزمەت كورسەتۋ تورىن كەمەلدەندىرىپ، ادەبيەت - كوركەمونەر سارا تۋىندىلارى ستراتەگياسىن اتقارىپ، مادەنيەت ەرەكشەلىگى ايقىن، مەملەكەت دارەجەلى ساياحات، سەيىل - سەرۋەن قالالارىنان جانە كوشەلەرىنەن ءبىر توبىن قالىپتاستىرىپ، بۇقارالىق مادەنيەت قيمىلدارىن كەڭىنەن ورىستەتۋ.

  (10) حالىققا ءتيىمدى ينجەنەريالاردى ۇزدىكسىز ىلگەرىلەتىپ، حالىق تۇرمىسىن كۇش سالا قامتاماسىز ەتۋ جانە جاقسارتۋ

  حالىقتى وزەك ەتكەن دامۋ يدەياسىن بەرىك ورناتىپ، نازاردى حالىق بۇقاراسى ەڭ اسىعاتىن، ەڭ ۋايىمدايتىن، ەڭ كوكسەيتىن ماسەلەلەردى شەشۋگە شوعىرلاندىرىپ، ءوز دارەجەلەسندەگى قازىنالىق شىعىستىڭ %70تەن استامىن حالىق تۇرمىسىن قامتاماسىز ەتۋگە جانە جاقسارتۋعا جۇمساۋعا تاباندى بولىپ، ”حالىققا ءتيىمدى 10 ينجەنەريانى“ ىشكەرىلەي اتقارىپ، ءار ۇلت بۇقاراسىنىڭ تابىس سەزىمىنىڭ، باقىت سەزىمىنىڭ، حاۋىپسىزدىك سەزىمىنىڭ اناعۇرلىم نىعايۋىنا، اناعۇرلىم قامتاماسىز ەتىلۋىنە، اناعۇرلىم باياندى بولۋىنا مۇمكىندىك جاساۋ.

  جۇمىستاندىرۋدى كەڭەيتۋ ينجەنەرياسىن اتقارۋ. جۇمىستاندىرۋدىڭ اناعۇرلىم بەلسەندى ساياساتىن اتقارىپ، قالا مەن اۋىلداعى ارتىق ەڭبەككۇشتەردىڭ، جوعارى مەكتەپتەن وقۋ تاۋىسقان وقۋشىلاردىڭ، قوسىننان بوساعان اسكەريلەردىڭ، قيىنشىلىعى بار بۇقارانىڭ جۇمىستانۋىن كورنەكتىلەندىرە وتىرىپ ويداعىداي مىقتى يگەرىپ، قۇرىلىس سالاسىنداعى تەحنيك جۇمىس تۇرلەرىنەن 3 جىلدا 200 مىڭ ادامدى كاسىپتىك شەبەرلىككە باۋلىپ جۇمىستاندىرۋ ارەكەتىن جالعاستى ىلگەرىلەتىپ، سولتۇستىك شينجياڭ كاسىپ سالاسىنىڭ وڭتۇستىك شينجياڭ ەڭبەككۇشتەرىن جۇمىستانۋعا جەتەكتەۋ جوسپارىن باستاپ اتقارىپ، ەڭبەك قابىلەتى بار ءاربىر ادامدى تۇراقتى جۇمىستاندىرۋعا قۇلشىنۋ. قالا - قالاشىقتاردا جاڭادان 460 مىڭنان استام ادامدى جۇمىستاندىرۋعا، اۋىل - قىستاقتاعى ارتىق ەڭبەككۇشتەن 2 ميلليون 700 مىڭنان استام ادامدى (رەت) باسقا سالاعا ويىستىرىپ جۇمىستاندىرۋعا قۇلشىنۋ.

  كىرىستى ارتتىرىپ، بايۋعا جەتەكتەۋ ينجەنەرياسىن اتقارۋ. تۇرعىنداردىڭ تۇتىنۋ قابىلەتىن جوعارىلاتۋعا ءتيىمدى تابىس ءبولىسى ءتۇزىمىن كەمەلدەندىرىپ، تومەن كىرىستىلەر شوعىرىنىڭ كىرىسىن كوپ ارنامەن كوبەيتىپ، ورتا كىرىستىلەر شوعىرىن كەڭەيتىپ، قالا، اۋىل تۇرعىندارىنىڭ كىرىسى مەن ەڭبەك تابىسىنىڭ ارتۋى ەكونوميكانىڭ ارتۋىنان تومەن بولماۋعا شىنايى كەپىلدىك ەتۋ.

  وقۋ - اعارتۋدىڭ دەڭگەيىن جوعارىلاتۋ ينجەنەرياسىن اتقارۋ. مەملەكەتتە ءبىر تۇتاس قولدانىلاتىن ءتىل - جازۋ تاربيەسىن جالپى بەتتىك كۇشەيتىپ، مەكتەپكە دەيىنگى تاربيەنى جالپىلاستىرىپ، جالپىعا ءتيىمدى ەتىپ دامىتۋداعى جەتىستىكتەردى بەكەمدەپ، مەكتەپكە دەيىنگى 4 − 6 جاستاعى بالالاردىڭ ”بالاباقشاعا كىرۋگە تيىستىلەرىن تۇگەل كىرگىزۋگە“ شىنايى كەپىلدىك ەتۋ. مىندەتتى وقۋ - اعارتۋدا وقىتۋ شارت - جاعدايىن جاقسارتىپ، مىندەتتى وقۋ - اعارتۋدىڭ ساپالى، بىركەلكى دامۋىن جەبەۋ. ورتا مەكتەپ ساتىسىنداعى مەكتەپتەردى الۋان ءتۇرلى باعىتتا دامۋعا ىنتالاندىرۋ. كاسىپتىك وقۋ - اعارتۋدى رەفورمالاۋدى، دامىتۋدى ىلگەرىلەتىپ، كاسىپتىك وقۋ - اعارتۋ مەن ادەتتەگى ورتا مەكتەپتەردىڭ توعىسۋىن، ءوندىرىس پەن وقىتۋدىڭ توعىسۋىن، مەكتەپ پەن كاسىپورىننىڭ سەلبەستىگىن تەرەڭدەتۋ. جوعارى وقۋ - اعارتۋدىڭ مازمۇندى دامۋىن جەبەپ، شينجياڭ داشۋەسىنىڭ جاڭا مەكتەپ اۋماعى قۇرىلىسىن اياقتاتۋ، حوتان شۋەيۋانىنىڭ قۇرىلىسىنا قولداۋ كورسەتۋ. جوعارى وقۋ - اعارتۋدىڭ جالپىلىق قۋاتىن ورنىقتى قاداممەن جوعارىلاتىپ، ەرەكشە ءبىلىم بەرۋدى، ارنايى ءبىلىم بەرۋدى قامتاماسىز ەتۋ مەحانيزمىن كەمەلدەندىرىپ، قيىنشىلىعى بار وتباسىنداعى وقۋشىلارعا كومەكتەسۋ سەرپىنىن ارتتىرىپ، بارلىق بالانىڭ وقيتىن وقۋى بولۋىنا، جاقسى وقۋعا تۇسۋىنە، ءادىل ءارى ساپالى وقۋ - اعارتۋدان يگىلىكتەنۋىنە مۇمكىندىك جاساۋ.

  جالپى حالىقتىڭ سالاماتتىعى ينجەنەرياسىن اتقارۋ. قالا، اۋىل تۇرعىندارىنىڭ دەنساۋلىعىن تەكسەرۋدى ۇزدىكسىز ورىستەتىپ، جاڭا داۋىردەگى وتانشىلدىق تازالىق ارەكەتىن ىشكەرىلەي ورىستەتۋ. اۋرۋدىڭ الدىن الۋ جانە ونى تىزگىندەۋ جۇيەسىن، الەۋمەتتىك دەنساۋلىق ساقتاۋعا قاتىستى توتەنشە جاعداي بويىنشا زاتتىق ماتەريالمەن قامتاماسىز ەتۋ جۇيەسىن كەمەلدەندىرىپ، اۋرۋدىڭ الدىن الۋ جانە ونى تىزگىندەۋدەگى ءار دارەجەلى ورتالىقتارىنىڭ قۇرىلىسىن كۇشەيتىپ، ءۇرىمجىنىڭ، وڭتۇستىك، سولتۇستىك شينجياڭنىڭ مەديتسينالىق بايلىقتارىن ۇيلەسىمدى ورنالاستىرۋ. نەگىزگى ساتىداعى دەنساۋلىق ساقتاۋ بايلىقتارى ۇسىنىلىمىن ارتتىرىپ، 3 دارەجەلى ەمدەۋ - دەنساۋلىق ساقتاۋ بويىنشا قىزمەت كورسەتۋ تورىن جانە دارەجە بويىنشا دياگنوز قويۋ، ەمدەۋ جۇيەسىن كەمەلدەندىرىپ، ”ينتەرنەت + ەمدەۋ“ جانە الىس ارالىقتان ەمدەۋ قىزمەتىن ۇزدىكسىز ىلگەرىلەتۋ. امبەباپ شيپاگەرلەردى ءتۇيىن ەتكەن نەگىزگى ساتى ەمدەۋ - دەنساۋلىق ساقتاۋ دارىندىلار قوسىنى قۇرىلىسىن ىلگەرىلەتىپ، نەگىزگى ساتىنىڭ ەمدەۋ شارت - جاعدايىن، دەڭگەيىن جوعارىلاتۋ. ءتۇيىندى جەرگىلىكتى اۋرۋلاردىڭ، جۇقپالى اۋرۋلاردىڭ، كاسىپتىك اۋرۋلاردىڭ الدىن الۋ - ەمدەۋ، قۇتقارۋ - ەمدەۋ سەرپىنىن ارتتىرۋ. مەديتسينالىق كۇتىمدەۋ، دەنساۋلىق كۇتىمدەۋ ينجەنەرياسى قۇرىلىسىن كۇشەيتىپ، دەنساۋلىق ساقتاۋ كاسىپ سالاسىن زور كۇشپەن دامىتىپ، ءار ۇلت بۇقاراسىنىڭ سالاماتتىق دەڭگەيىن جوعارىلاتۋعا قۇلشىنۋ.

  قوعامدىق قامسىزداندىرۋ كولەمىن كەڭەيتۋ ينجەنەرياسىن اتقارۋ. نەگىزگى زەينەتكەرلىك قامسىزداندىرۋى ءتۇزىمىن اقاۋسىزداندىرىپ، جۇمىسسىزدىق جانە جۇمىس ۇستىندە جارالانۋ قامسىزداندىرۋى ءتۇزىمىن كەمەلدەندىرىپ، قالا، اۋىل تۇرعىندارىنىڭ جازاتايىم جارالانۋ قامسىزداندىرۋىنىڭ، قالا - قالاشىق جۇمىسشى - قىزمەتشىلەرىنىڭ سالماقتى ناۋقاس قامسىزداندىرۋىنىڭ قامتۋ كولەمىن كەڭەيتىپ، قالا - اۋىل تۇرعىندارىنىڭ ەڭ تومەنگى تۇرمىسىن قامتاماسىز ەتۋ ولشەمىن جاعدايعا قاراي رەتتەۋ مەحانيزمىن كەمەلدەندىرىپ، مۇگەدەكتەر، پسيحيكالىق اۋرۋلار سياقتى ەرەكشە قاۋىمعا باعىتتالعان قۇتقارۋ - كومەكتەسۋدى كۇشەيتىپ، اۋىل - قىستاقتاعى تىلەك - قالاۋى بار ”بەستە قامتاماسىز ەتىلەتىن“ قارتتاردى تۇگەلدەي شوعىرلى باعىپ - قاعۋدى، جەتىم بالالاردى تۇگەلدەي شوعىرلى باعۋدى جۇزەگە اسىرۋدى ىلگەرىلەتۋ.

  بەيقۇت ۇيمەن قامتاماسىز ەتۋ ينجەنەرياسىن اتقارۋ. تۇرعىن ءۇي جالعا بەرۋ - الۋ بازارىن جەدەل جەتىلدىرىپ، دامىتىپ، جەرمەن قامداۋدا جالعا بەرىلەتىن تۇرعىن ءۇي قۇرىلىسىنا بەيىمدەلەتىن، جالعا الۋ مەن ساتىپ الۋدىڭ ۇقىعى تەڭ بولاتىن ساياسات - شارالاردى ورناتىپ، كەمەلدەندىرىپ، كوللەكتيۆ قۇرىلىسىنا پايدالانىلاتىن جەرلەر مەن كاسىپورىنداردىڭ، ءىسورىندارىنىڭ قولىنداعى بوس تۇرعان جەرلەردەن پايدالانىپ جالعا بەرىلەتىن ۇيلەر سالۋ جونىندە ىزدەنىس جاساپ، قامتاماسىز ەتۋ سيپاتتى جالعا بەرىلەتىن تۇرعىن ۇيلەر قۇرىلىسىنىڭ سەرپىنىن ارتتىرىپ، ۇزاق ۋاقىتقا ءۇي جالداۋ ساياساتىن كەمەلدەندىرىپ، ۇزاق ۋاقىتقا ءۇي جالداۋ بازارىن ارناعا ءتۇسىرىپ، دامىتىپ، جالعا بەرىلەتىن ۇيلەردىڭ سالىق - اقى اۋىرتپالىعىن تومەندەتىپ، قالا - قالاشىقتاعى قيىنشىلىعى بار وتباسىلاردىڭ، جاڭادان جۇمىستانعان جۇمىسشى - قىزمەتشىلەر مەن سىرتتان كەلىپ جۇمىس ىستەيتىن ادامداردىڭ ءۇي ساتىپ الا الماۋ ماسەلەسىن شىنايى شەشۋ. قالا - قالاشىقتارداعى لاشىقتى رايونداردى جانە قالا ورتاسىنداعى قىستاقتاردى جاڭالاۋدى ورنىقتى قاداممەن اتقارىپ، قالا - قالاشىقتارداعى بايىرعى، كونە شاعىن اۋماقتاردى جاڭالاۋدى جەدەلدەتىپ، قالا - قالاشىقتارداعى 1714 بايىرعى، كونە شاعىن اۋماقتى، 231 مىڭ 500 ءۇيدى جاڭالاۋ مىندەتىن ورىنداپ، شاعىن اۋماقتاردىڭ سايكەستى قۇرىلعىلارىن جانە قالا اكىمشىلىگى نەگىزدىك قۇرىلعىلارىن ءتۇيىندى تۇردە جاڭالاپ، قازىر بار تۇرعىن ۇيلەرگە ليفت ورناتۋدى زور كۇشپەن ىلگەرىلەتىپ، الەۋمەتتىك اۋماقتاعى زەينەتكەرلىك، باعىپ - قاعۋعا، تاربيەلەۋگە اماناتتاۋ، ەمدەۋ سياقتى الەۋمەتتىك قىزمەت كورسەتۋلەردىڭ دەڭگەيىن جوعارىلاتۋ. اۋىل - قىستاقتارداعى ۇيلەردىڭ حاۋىپسىزدىك كومەسكى قاتەرلەرىن ارناۋلى رەتتەۋ - جونگە سالۋدى ىشكەرىلەي ورىستەتىپ، اۋىل - قىستاقتارداعى بەيقۇت ۇيلەر مەن كوشپەندى مالشىلاردى وتىرىقتاندىرۋ ينجەنەرياسىن بەكەمدەۋ جانە ونىڭ دەڭگەيىن جوعارىلاتۋ.

  ”كومىردىڭ ورنىنا ەلەكتر پايدالانۋ“ ينجەنەرياسىن اتقارۋ. وڭتۇستىك شينجياڭداعى كومىردىڭ ورنىنا ەلەكتر پايدالانۋ (1 - مەرزىمدىك) ينجەنەرياسى بويىنشا قالعان 287 مىڭ وتباسىن جاڭالاۋ مىندەتىن ورىنداپ، ”كومىردىڭ ورنىنا ەلەكتر پايدالانۋ“ مەن ”كومىردىڭ ورنىنا وتىندىق گاز پايدالانۋدى“ بىرلەستىرىپ، ءار ۇلت بۇقاراسىنىڭ تۇرمىس شارت - جاعدايىن كۇش سالا جاقسارتىپ، تۇرمىستىق وزىندىك قۇندى تومەندەتۋ.

  شەكارانى گۇلدەندىرىپ، حالىقتى اۋقاتتاندىرۋ ينجەنەرياسىن اتقارۋ. شەكارا بويىنداعى الاپ جەرلەردىڭ وڭىرلىك - بايلىق باسىمدىعىن تولىق ساۋلەلەندىرىپ، شەكارا بويى ەكونوميكالىق بەلدەۋى كاسىپ سالاسى شوعىرىن دامىتىپ، مانەرلەۋ ساۋداسىن قابىلداۋدان، ويىستىرۋدان ۇلگى كورسەتۋ بازالارىنان ءبىر توبىن جەتىلدىرىپ، حالىق سانى ءبىرشاما از ۇلتتاردىڭ دامۋىن سۇيەمەلدەۋ نىسانىن ۇزدىكسىز اتقارىپ، شەكارا وڭىردەگى بۇقارانىڭ جۇمىستانۋىن، كىرىسىن ارتتىرۋىن جەبەپ، شەكارا حالقىنىڭ ءوندىرىس، تۇرمىس شارت - جاعدايىن جاقسارتۋ.

  الەۋمەتتىك حاۋىپسىزدىكتى قامتاماسىز ەتۋ ينجەنەرياسىن اتقارۋ. ازىق - تۇلىك، ءدارى - دارمەك حاۋىپسىزدىگىن باقىلاۋ - باسقارۋدى كۇشەيتىپ، توتەنشە جاعداي بويىنشا باسقارۋ جۇيەسى، زاتتىق ماتەريالدارمەن قامتاماسىز ەتۋ جۇيەسى قۇرىلىسىن كۇشەيتىپ، جاراتىلىستىق اپاتتاردان ساقتانۋ جانە ونى وڭاۋ ءتۇيىندى ينجەنەرياسى قۇرىلىسىن جەدەلدەتۋ. حاۋىپسىزدىك تانىمىن شىنايى بەرىك ورناتىپ، ءوندىرىس حاۋىپسىزدىگى جاۋاپكەرشىلىك ءتۇزىمىن قاتاڭ تياناقتاندىرىپ، حاۋىپسىزدىكتى باقىلاۋ - باسقارۋدى كۇشەيتىپ، اۋىر، ەرەكشە اۋىر وقيعالاردىڭ تۋىلۋىن باتىل تەجەپ، ءار ۇلت بۇقاراسىنىڭ ءومىرى مەن مال - مۇلكىنىڭ حاۋىپسىزدىگىن قامتاماسىز ەتۋ.

  ورنىقتىلىق ارقىلى حالىققا تيىمدىلىك جاساۋ ينجەنەرياسىن اتقارۋ. قوعام ورنىقتىلىعىن ءار ۇلت بۇقاراسىنىڭ باقىتىنىڭ، تىنىش - اماندىعىنىڭ ەڭ نەگىزگى تالابى جانە ەڭ ماڭىزدى حالىق تۇرمىسى ينجەنەرياسى ەتۋگە تاباندى بولىپ، زورلىقتى كۇشتەن، لاڭكەستىكتەن، ۇلتتىق بولشەكتەۋشىلىكتەن، ءدىني ۇشقارىلىقتان جانە قارا - سۇرقيا كۇشتەردەن باتىل ساقتانىپ جانە ولارعا سوققى بەرىپ، زاڭعا قايشى ءتۇرلى قىلمىستىق ارەكەتتەردەن باتىل ساقتانىپ جانە وعان سوققى بەرىپ، ءار ۇلت بۇقاراسىنىڭ ءومىرى مەن مال - مۇلكىنىڭ حاۋىپسىزدىگىن قورعاپ، تىنىش، ءتارتىپتى قوعامدىق ورتا قالىپتاستىرىپ، بۇكىل قوعامدا ورنىقتىلىقتىڭ پايداسىن تولىق ىسكە قوسىپ، ءار ۇلت بۇقاراسىنىڭ ورنىقتىلىقتىڭ پايداسىنان تولىق يگىلىكتەنۋىنە مۇمكىندىك جاساپ، ءار ۇلت بۇقاراسىنىڭ تىنىش ءومىر، شات - شادىمان تىرشىلىك كەشۋىنە شىنايى كەپىلدىك ەتۋ.

  (11) بيڭتۋان مەن جەرگىلىكتى ورىننىڭ توعىسا دامۋىن جەبەپ، بيڭتۋاننىڭ ەرەكشە رولىن اناعۇرلىم ويداعىداي ساۋلەلەندىرۋىنە قولداۋ كورسەتۋ

  بيڭتۋان مەن جەرگىلىكتى ورىن ءبىر تۇتاس جۇيە، بيڭتۋان مەن جەرگىلىكتى ورىن ءبىر وتباسى يدەياسىن بەرىك ورناتىپ، بيڭتۋاننىڭ رەفورمالاردى تەرەڭدەتۋىنە جانە وڭتۇستىككە قاراي دامۋىنا، بيڭتۋان مەن جەرگىلىكتى ورىننىڭ تەرەڭ توعىسۋىن جەبەۋگە كوكىرەك كەرنەگەن ىستىق ىنتامەن قولداۋ كورسەتىپ، بيڭتۋاننىڭ ەرەكشە رولىن ساۋلەلەندىرۋىنە تاماشا شارت - جاعداي ازىرلەۋ. بيڭتۋاننىڭ ”اكىمشىلىك“ فۋنكتسياسىن اقاۋسىزداندىرۋىنا جانە وعان بۇرىلىس جاساۋىنا قولداۋ كورسەتىپ، بيڭتۋاننىڭ اۆتونوميالى رايون بەرگەن اكىمشىلىك فۋنكتسيالاردى جانە اكىمشىلىك زاڭ اتقارۋ ۇقىعىن قابىلداۋىنا جانە ويداعىداي اتقارۋىنا جەتەكشىلىك ەتىپ، كومەك كورسەتىپ، بيڭتۋان دامۋىنىڭ ىشكى قوزعاۋشى كۇشى مەن ومىرشەڭدىگىن ۇزدىكسىز قاۋلاتۋ. وڭتۇستىك شينجياڭ تىڭ يگەرىلگەن اۋماقتارىنداعى كاسىپ سالاسىنىڭ ورنالاستىرىلىمىن، حالىقتىڭ ورنالاسۋىن، قالا - قالاشىقتانۋ جۇلگەسىن ءبىر تۇتاس جوسپارلاپ، بيڭتۋاننىڭ وڭتۇستىك شينجياڭدا شى - قالالار مەن تۋان - قالاشىقتاردان ءبىر توبىن جاڭادان قۇرۋىنا قولداۋ كورسەتىپ، بيڭتۋاننىڭ قاتىناس، سۋ يگىلىگى، ەلەكتر قۋاتى، حابارلاسۋ سياقتى ەلەۋلى نەگىزدىك قۇرىلعىلار قۇرىلىسىن كۇشەيتۋىنە قولداۋ كورسەتىپ، بيڭتۋاننىڭ وڭتۇستىككە قاراي دامۋىنا قاتىستى سۋ ماسەلەسىن كۇش سالا شەشىپ، بيڭتۋاننىڭ وڭتۇستىككە قاراي دامۋىنا بەلسەندى تۇردە شارت - جاعداي ازىرلەۋ. بيڭتۋان مەن جەرگىلىكتى ورىندى توعىستىرا دامىتۋ ءتۇزىلىس - مەحانيزمىن كەمەلدەندىرىپ، بيڭتۋان مەن جەرگىلىكتى ورىننىڭ ەكونوميكا، مادەنيەت، قوعام، كادر - دارىندى، ۇلتتار ىنتىماعى، قورشاعان ورتانى قورعاۋ سياقتى جاقتاردا توعىسا دامۋىن جەبەپ، ەكونوميكادا توعىسا داميتىن، مادەنيەتتە توعىسا بىرگە قۇراتىن، ورنىقتىلىقتى قورعاۋ جاۋاپكەرشىلىگىن بىرگە ارقالايتىن، ۇلتتار ىنتىماعىندا وزات ورىندى بىرگە قۇراتىن جاعداي قالىپتاستىرۋدى ىلگەرىلەتۋ.

  (12) دامۋ مەن حاۋىپسىزدىكتى ءبىر تۇتاس جوسپارلاپ، قوعامدىق كەلەلى جاعدايدىڭ ۇزدىكسىز ورنىقتى بولۋىن، باياندى ورنىقتىلىعىن ساقتاۋ

  جالپى تۇلعالىق مەملەكەت حاۋىپسىزدىگى كوزقاراسىنا تاباندى بولىپ، ساقتىق دابىلىن ۇزبەي قاعىپ، قاي - قاشان دا قىراعى بولىپ، ءتۇرلى سالالارداعى ەلەۋلى حاۋىپ - قاتەرلەردەن ساقتانىپ جانە ونى سەيىلتىپ، ەكونوميكالىق، قوعامدىق دامۋعا تاماشا ورتا ازىرلەۋ. شينجياڭنىڭ بولشەكتەۋشىلىككە قارسى تۇرۋ، لاڭكەستىككە قارسى تۇرىپ، ورنىقتىلىقتى قورعاۋ كۇرەسىنىڭ ۇزاق ۋاقىتتىلىعىن، ماشاقاتتىلىعىن، كۇردەلىلىگىن تەرەڭ تانىپ، لاڭكەستىككە قارسى تۇرىپ، ورنىقتىلىقتى قورعاۋ سىندى وسى ارقاۋدى قاي - قاشان دا مىقتاپ شيراتىپ، شينجياڭدى زاڭمەن جونگە سالۋعا تاباندى بولىپ، جان - جاقتى شارا قولدانىپ، تۇبىرىنەن وڭاۋ مەن ۇستىنەن وڭاۋدى قاتار يگەرىپ، نازاردى باس نىساناعا شوعىرلاندىرىپ، كەشەندى شارالاردى ويداعىداي اتقارىپ، قاتاڭ سوققى بەرۋدىڭ تەگەۋرىندى كۇيىنەن جازباۋعا تاباندى بولىپ، لاڭكەستىككە قارسى تۇرىپ، ورنىقتىلىقتى قورعاۋدىڭ ىسكە اساتىن، ۇتىمدى شارالارىنا مىزعىماستان تاباندى بولىپ، لاڭكەستىككە قارسى تۇرىپ، ورنىقتىلىقتى قورعاۋدىڭ زاڭمەن جونگە سالىنۋىن، ۇدايىلانۋىن جۇزەگە اسىرۋ. زاڭ قارۋىنان پايدالانىپ كۇرەس جۇرگىزىپ، قىلمىسقا سوققى بەرىپ، زاڭمەن جونگە سالۋ ويىنان جانە زاڭمەن جونگە سالۋ تاسىلىنەن پايدالانىپ، حاۋىپ - قاتەردەن ساقتانىپ، ماسەلەلەردى ءبىر جاقتى ەتىپ، قايشىلىقتاردى شەشۋ. حاۋىپ - قاتەردى سەيىلتۋ قىزمەتىن تىڭعىلىقتى، ويداعىداي ىستەپ، ۇكىمەتتىك قارىزدى باسقارۋدى كۇشەيتىپ، كاسىپورىندار قارىز قاتەرىنەن قاتاڭ ساقتانىپ، ساۋدالىق بانكەلەردىڭ فينانس حاۋىپ - قاتەرىن قاتاڭ مەڭگەرۋ. ارىز - تالاپ ءتۇزىم - مەحانيزمىن ونان ارى كەمەلدەندىرىپ، بۇقارانىڭ زاڭدى ۇقىق - مۇددەسىن بار كۇشپەن قورعاپ، قوعامنىڭ جاراسىمدىلىعى مەن ورنىقتىلىعىن جەبەۋ.

  ۋاكىلدەر! شينجياڭعا باعىتتامالى كومەكتەسۋ ۇزاق ۋاقىتتىق ەلەۋلى ستراتەگيا، پارتيا ورتالىق كوميتەتىنىڭ شينجياڭعا دەگەن ەرەكشە قامقورلىعى. شينجياڭعا كومەكتەسەتىن ولكە، قالالاردىڭ وزىق ۇستانىمدارىن مۇقيات ۇيرەنىپ، شينجياڭعا كومەكتەسەتىن ولكە، قالالاردىڭ ”14 - بەسجىلدىقتاعى“ شينجياڭعا كومەكتەسۋ جوباسىن تياناقتاندىرۋىنا بەلسەنە سايكەسىپ، نازاردى كادر - دارىندىلار ارقىلى شينجياڭعا كومەكتەسۋ، كاسىپ سالاسى ارقىلى شينجياڭعا كومەكتەسۋ، جۇمىستاندىرۋ ارقىلى شينجياڭعا كومەكتەسۋ، عىلىم - تەحنيكا ارقىلى شينجياڭعا كومەكتەسۋ، وقۋ - اعارتۋ ارقىلى شينجياڭعا كومەكتەسۋ، مەديتسينا ارقىلى شينجياڭعا كومەكتەسۋ، مادەنيەت ارقىلى شينجياڭعا كومەكتەسۋ، دەنە تاربيە ارقىلى شينجياڭعا كومەكتەسۋ جاعىنا شوعىرلاندىرىپ، كۇش سالىپ، شينجياڭعا باعىتتامالى كومەكتەسۋدىڭ جالپىلىق ونىمدىلىگىن ەڭ جوعارى شەكتە ساۋلەلەندىرۋىمىز كەرەك!

  ۋاكىلدەر! شينجياڭ ەلىمىزدىڭ باتىس سولتۇستىگىندەگى ماڭىزدى حاۋىپسىزدىك قالتقىسى، شەكارا ءوڭىردىڭ ورنىقتىلىعى مەن تىنىشتىعى قۇرىش قورعاننىڭ قورعاۋىنان ايرىلا المايدى. مەملەكەت قورعانىسى تاربيەسىن كۇشەيتىپ جانە كەمەلدەندىرىپ، مەملەكەت قورعانىسى جانە اسكەري ءبولىم قۇرىلىسىنا قولداۋ كورسەتىپ، جاڭا داۋىردەگى قوسىننان بوساعان اسكەريلەر قىزمەتىن مۇقيات ويداعىداي ىستەپ، قوس قولداۋ قىزمەتىن جانە ارميا مەن حالىق بىرگە قۇرۋ مەحانيزمىن كەمەلدەندىرىپ، اسكەريلەر داڭقى جۇيەسىن ورناتۋدى ىلگەرىلەتىپ، ارميا مەن ۇكىمەت، ارميا مەن حالىق ىنتىماعىنىڭ تامىرىن تەرەڭدەتىپ، جاپىراعىن جايقالتىپ، ماڭگى جاسىل بولۋىن ساقتاۋ كەرەك!

  ۋاكىلدەر! كەزەكتە جاڭا تيپتى ايدارشا ۆيرۋس وكپە قابىنۋ ىندەتى دۇنيە جۇزىندە ءورشىپ تۇر، رايونىمىزدىڭ ساقتانۋ - تىزگىندەۋ جاعدايى ءالى دە ايرىقشا قاتاڭ. ىندەتتەن ساقتانۋ - تىزگىندەۋ سىندى ارقاۋدى قاي - قاشان دا مىقتاپ شيراتىپ، ىندەتتەن ساقتانۋ - تىزگىندەۋدى ۇدايىلاندىرۋدى زاڭ بويىنشا، عىلمي، دالمە - ءدال ويداعىداي يگەرىپ، ەرتە بايقاۋعا، ەرتە مالىمدەۋگە، ەرتە اۋاشالاۋعا، ەرتە ەمدەۋگە تاباندى بولىپ، سىرتتان كىرۋدەن ساقتانۋ، ىشتە قايتا بەلەڭ بەرۋدەن ساقتانۋ شارالارىن كۇشەيتىپ، شەكارا وتكەلىندەگى مەملەكەت قاقپاسىن، شينجياڭعا كىرەتىن قاقپانى، الەۋمەتتىك اۋماقتىڭ، مەكەمە - ورىنداردىڭ، اۋلالاردىڭ قاقپاسىن باتىل، ويداعىداي كۇزەتىپ، 8 ءتۇرلى قاداعالاۋ، الدىن الا ساقتاندىرۋ مەحانيزمىن ەگجەي - تەگجەيلى تياناقتاندىرىپ، زاڭ بويىنشا ساقتانۋ - تىزگىندەۋ، عىلمي ساقتانۋ - تىزگىندەۋ، دالمە - ءدال ساقتانۋ - تىزگىندەۋ قابىلەتىن جوعارىلاتىپ، ىندەتتەن ساقتانۋ - تىزگىندەۋ جانە ەكونوميكالىق، قوعامدىق دامۋدىڭ جەتىستىكتەرىن شىنايى بەكەمدەۋ، كەڭەيتۋ كەرەك.

  ۋاكىلدەر! ”14 - بەسجىلدىق“ مەزگىلىندەگى ەكونوميكالىق، قوعامدىق دامۋدىڭ نىسانالارىن جۇزەگە اسىرۋدىڭ بورىشى داڭقتى، مىندەتى جاپالى، ءسوز جوق، وزىندىك قۇرىلىستى كۇشەيتىپ، ۇكىمەتتىڭ جونگە سالۋ قابىلەتى مەن قىزمەت كورسەتۋ دەڭگەيىن جاپپاي جوعارىلاتۋىمىز كەرەك. ساياسي قۇرىلىستى ونان ارى كۇشەيتىپ، ساياسي تۇجىرىمداۋ قابىلەتىن، ساياسي ءتۇسىنۋ قابىلەتىن، ساياسي اتقارۋ قابىلەتىن ۇزدىكسىز جوعارىلاتىپ، شىنايى تۇردە ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، شي جينپيڭ جولداستى ۇيتقى ەتكەن پارتيا ورتالىق كوميتەتىمەن يدەيادا، ساياسيدا، ارەكەتتە وسكەلەڭ ءبىر اۋىزدىلىقتى ساقتاۋ كەرەك. پارتيانىڭ باسشىلىعىن ۇكىمەت قىزمەتىندە باستان - اياق ساباقتاستىرۋعا تاباندى بولىپ، پارتيا ورتالىق كوميتەتىنىڭ، مەملەكەتتىك كەڭەستىڭ شەشىمدەرىن، ورنالاستىرۋلارىن باتىل دايەكتىلەندىرۋ كەرەك. زاڭمەن جونگە سالىناتىن ۇكىمەتتى جەدەل قۇرىپ شىعىپ، مەملەكەتتى جاپپاي زاڭمەن جونگە سالۋدىڭ تالابىن ۇكىمەت قىزمەتىنىڭ ءاربىر سالاسىنا، جالپى بارىسىنا تياناقتاندىرىپ، زاڭ بويىنشا اكىمشىلىك جۇرگىزۋگە تاباندى بولىپ، ۇكىمەتتىڭ ۇقىق - جاۋاپكەرشىلىك تىزىمدىگىن كەمەلدەندىرىپ، اكىمشىلىك زاڭ اتقارۋدى ارناعا ءتۇسىرۋ قۇرىلىسىن كۇشەيتىپ، ەلەۋلى اكىمشىلىك شەشىم قابىلداۋدىڭ زاڭدىق ءتارتىبىن قاتاڭ تياناقتاندىرۋ كەرەك. اكىمشىلىك بيلىكتىڭ جۇرگىزىلۋىن باقىلاۋ مەحانيزمىن كەمەلدەندىرىپ، حالىق قۇرىلتايىنىڭ باقىلاۋىن زاڭ بويىنشا قابىلداپ، ساياسي كەڭەستىڭ دەموكراتيالىق باقىلاۋىن جانە بۇقارانىڭ باقىلاۋىن، قوعامدىق پىكىردىڭ باقىلاۋىن سانالى تۇردە قابىلداۋ كەرەك. ۇكىمەتتىڭ جونگە سالۋ قابىلەتى مەن دەڭگەيىن زور كۇشپەن جوعارىلاتىپ، ءار دارەجەلى كادرلاردىڭ كاسىبي قابىلەتىن، ەكونوميكالىق ۇلكەن اۋقىمدى يگەرۋ قابىلەتىن، ءبىر تۇتاس جوسپارلاپ، بىردەي ويلاستىرۋ قابىلەتىن كۇش سالا ءوسىرۋ كەرەك. كىرشىكسىز، جوعارى ءونىمدى ۇكىمەتتى كۇش سالا تۇلعالاپ، پارتيانى جاپپاي قاتاڭ جونگە سالۋدىڭ تالاپتارىن باتىل دايەكتىلەندىرىپ، شىرىكتەسۋگە قارسى كۇرەستى مىزعىماس تاباندىلىقپەن ىلگەرىلەتىپ، ۇكىمەتتىڭ جونگە سالۋ ونىمدىلىگىن شىنايى جوعارىلاتىپ، ستيلى پاك، سالتى دۇرىس، ءىس تىندىرىپ، ناتيجە شىعاراتىن، جاۋاپكەرشىلىك ارقالاپ، ىسكەرلىك كورسەتەتىن ساياسي ەكولوگيا قالىپتاستىرۋ كەرەك. ۇكىمەت باستاماشى بولا وتىرىپ ۇنەمشىلدىك ىستەۋگە تاباندى بولىپ، قازىنالىق شىعىس قۇرىلىمىن ساپالىلاندىرىپ، جاڭا ارتقان شىعىستاردى قاتاڭ مەڭگەرىپ، ادەتتەگى شىعىستاردى قاتاڭ تىزگىندەپ جانە ازايتىپ، جەرگىلىكتى ۇكىمەتتەردىڭ كومەسكى قارىزدارىنىڭ جاڭادان ارتۋىنان ساقتانىپ، ۇكىمەتتىڭ ۇنەمشىلدىگى ارقىلى حالىق بۇقاراسىنىڭ تاماشا تۇرمىسىنا قول جەتكىزىپ، ۇكىمەت قىزمەتكەرلەرىنىڭ ”جاپا كورسەتكىشى“ ارقىلى حالىق بۇقاراسىنىڭ ”باقىت كورسەتكىشىنە“ قول جەتكىزۋ كەرەك. ستيلدى جاقسارتۋدى ۇزدىكسىز تەرەڭدەتىپ، ورتالىقتىڭ 8 ءتۇرلى بەلگىلەمەسىنىڭ جانە ونى اتقارۋدىڭ ەگجەي - تەگجەيلى ەرەجەسىنىڭ رۋحىن جانە اۆتونوميالى رايوندىق پارتكومنىڭ اتقارۋ ءادىسىن مۇقيات دايەكتىلەندىرىپ، تياناقتاندىرىپ، ”ءتورت بۇرىس ستيلدى“ تاباندىلىقپەن تۇزەتۋ. بارلىق فورماشىلدىق، تورەشىلدىك اتاۋلىعا باتىل قارسى تۇرىپ، ءار دارەجەلى كادرلاردى حۇجاتباستىلىقتان، جيىنباستىلىقتان، باعالاۋ، تەكسەرۋدى قابىلداۋمەن ابىگەر بولۋدان، ماتەريال - كەستە جولداۋدان قۇتىلىپ، اناعۇرلىم كوپ كۇش - قۋاتىن ءىس جۇزىندىك ماسەلەلەردى شەشۋگە جۇمساۋىنا مۇمكىندىك جاساۋ كەرەك.

  ايبىندى جوبا كەسكىندەلىپ بولدى، ارماندى جۇزەگە اسىرۋ ءۇشىن، تەك كۇرەس جۇرگىزۋ عانا قالدى! ءبىز جاڭا ءداۋىردىڭ جاڭا تاريحي بەلەسىندە تۇرمىز، جاپپاي سوتسياليستىك وسىزاماندانعان مەملەكەت قۇرۋدىڭ جاڭا جورىعىندا ارشىندى قادام تاستاپ كەلەمىز. ءبىز شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، پارتيا 19 - قۇرىلتايىنىڭ جانە 19 - كەزەكتى ورتالىق كوميتەتىنىڭ ەكىنشى، ءۇشىنشى، ءتورتىنشى، بەسىنشى جالپى ماجىلىستەرىنىڭ رۋحىن ىشكەرىلەي دايەكتىلەندىرىپ، 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىن دايەكتىلەندىرىپ، تياناقتاندىرىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن دايەكتىلەندىرىپ، اۆتونوميالى رايوندىق پارتكومنىڭ باسشىلىعىندا، بۇكىل رايونداعى ءار ۇلت حالقىن ىنتىماقتاستىرىپ، باستاپ، اۋەلگى ماقساتتى ۇمىتپاي، بورىشتى ەستە بەرىك ساقتاپ، بارشا جۇرت ءبىر نيەت، ءبىر تىلەكتە جۇمىلىپ، ەرلىكپەن العا ۇمتىلىپ، شينجياڭنىڭ قوعام ورنىقتىلىعى مەن باياندى تىنىشتىعىن قايراتتانا ىلگەرىلەتىپ، ىنتىماقتى، جاراسىمدى، گۇلدەنگەن، باي، وركەنيەتتى، العا باسقان، تىنىش ءومىر، شات - شادىمان تىرشىلىك كەشىرگەن، ەكولوگياسى تاماشا جاڭا داۋىردەگى جۇڭگوشا سوتسياليستىك شينجياڭ قۇرىپ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىنىڭ شينجياڭ تاراۋىن ويداعىداي جازۋ ءۇشىن قۇلشىنا كۇرەس جۇرگىزەيىك!

(اۆتونوميالى رايوندىق 13 - كەزەكتى حالىق قۇرىلتايى 4 - ءماجىلىسىنىڭ اۋدارما گرۋپپاسى اۋداردى)

جاۋاپتى رەداكتور : ريزا حاميت

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.