تيانشان تورى   ›   جاڭالىقتار   ›   شينجياڭ حابارلارى

قىستاقتىڭ ”اسىل مۇراسى“

انار بۇلت / شينجياڭ گازەتىنىڭ ءتىلشىسى ءپاريزات ابدۇل

  1 - ايدىڭ 23 - كۇنى قۇربان تۇلىم ەسكەرتكىش سارايىنا ەكسكۋرسيالاي كەلگەندەردىڭ اياعى تولاستامادى. ەسكەرتكىش سارايى كەريا اۋدانىنىڭ تۋراقاز اۋىلى تۋراقاز قىستاعىنا ورنالاسقان، 2016 - جىلى كەڭەيتىپ سالىنعاننان كەيىنگى يەلەگەن جەر اۋدانى 517.2 شارشى مەترگە جەتتى، اۋدان قالاشىعىنان 14 كيلومەتر قاشىقتىقتا، 315 مەملەكەت تاس جولىنىڭ وڭتۇستىگىنەن 100 مەتر جەردە، قاتىناسقا قولايلى.

  50دەن استام قۇندى تاريحي سۋرەت ماتەريالدارى، 10 نەشە قولمەن سىزىلعان سۋرەت جانە كوزى تىرىسىندەگى 60تان استام ناقتى زاتتار، بەيجيڭ كينو حۇجاتتى فيلم ستۋدياسى تۇسىرگەن حۇجاتتى فيلم سىندى دىبىس - بەينە ماتەريالدارى... ساراي ىشىنە قويىلعان، ءاربىر كونە سۋرەتتەر، ءاربىر ەسكى ناقتى زاتتار ەكسكۋرسيالاي كەلگەندەردى قۇربان اتايدىڭ ەسەككە ءمىنىپ بەيجيڭگە بارۋ حيكاياسىمەن قايتا قاۋىشۋىنا مۇمكىندىك جاسايدى.

  ”مەن قۇربان تۇلىم اتايدىڭ حيكايالارىن تىڭداپ ەرجەتتىم“ كەريا اۋدانىنداعى قۇربان تۇلىم 1 - ورتالاۋ مەكتەبىنىڭ وقۋشىسى ايجامال مامەت ۇرايىم: ”مەن جاقسى ۇيرەنىپ، پارتيانى قىزۋ ءسۇيۋدىڭ، وتاندى قىزۋ ءسۇيۋدىڭ، جۇڭحۋا ۇلتى ۇلى شاڭىراعىن قىزۋ ءسۇيۋدىڭ ۇلگىسى بولامىن“ دەدى تەبىرەنە.

  ”مەن ۇنەمى قىزمەتكەرلەردى ەرتىپ ەسكەرتكىش سارايىن ەكسكۋرسيالاي كەلەمىن، ولارعا قازىرگى تۇرمىستى قاستەرلەپ، ۇنەمى العىس ايتۋ سەزىمىندە بولىپ، كورىكتى مەكەندى بىرگە قۇرۋدى ايتامىن“. جاسى 70كە تاياعان ءماڭلاشحان ءماتسىدىق − سەمبى بازار قالاشىعى ۇرۇن مايدان قىستاعىنداعى الىس - جاقىنعا اتى تانىمالى كەستەشى، بايۋ باستاماشىسى، ول ءارى قۇربان اتايدىڭ ۇرپاقتارىنىڭ كورشىسى. ول قۇرعان ”ءماڭلاشحان اۋىل شارۋاشىلىق ونىمدەرىن ساتىپ الۋ - ساتۋ كاسىپتىك سەلبەستىك كووپەراتيۆى“ جەرگىلىكتى ورىنداعى ايەلدەردىڭ كىرىستى ارتتىرۋداعى ماڭىزدى ارنالارىنىڭ بىرىنە اينالعان.

  ”پارتيانى ءسۇيۋ، وتاندى ءسۇيۋ قىزىل گەنى − قىستاقتىڭ ’اسىل مۇراسى‘“، - دەدى شينجياڭ ءتۇستى مەتال ونەركاسىبى (توبى) شەكتى جاۋاپكەرشىلىك سەرىكتەستىگىنىڭ ۇرۇن مايدان قىستاعىندا تۇراتىن ءبىرىنشى شۋجيى حان يۇيباۋ.

  ۇعىسۋعا قاراعاندا، ەسكەرتكىش سارايى جىلىنا ورتا ەسەپپەن بۇكىل ەلدىڭ جەر - جەرىنەن 10 مىڭ ادام - رەت ەكسكۋرسياشى قابىلدايدى ەكەن. 2020 - جىلى 11 - ايدا قۇربان تۇلىم ەسكەرتكىش سارايى بۇكىل ەلدەگى 60 قىزىل ساياحات كلاسسيكالىق كورىنىس ءوڭىرى قاتارىنا تاڭدالدى.

جاۋاپتى رەداكتور : ريزا حاميت

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.