بارشا حالىق ازاتتىق ارمياسىنىڭ كوماندير − جاۋىنگەرلەرىنە، قارۋلى ساقشى بولىمدەرىنىڭ وفيتسەر − اسكەرلەرىنە، ارميانىڭ اكىمشىلىك قىزمەتكەرلەرىنە، زاپاستاعى حالىق جاساقتارىنا كوكتەم مەرەكەسى بايلانىسىمەن تىلەك جولدادى
جۇڭحۋا ۇلتىنىڭ ءداستۇرلى مەرەكەسى كوكتەم مەرەكەسى كەلۋ قارساڭىندا جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ 2 - ايدىڭ 4 - كۇنى اۋە ارمياسى اۆياتسيا اسكەرلەرى بەلگىلى شىسىن كوزدەن كەشىرىپ، اسكەري بولىمدەگى كوماندير - جاۋىنگەرلەرگە امانداسىپ، ولاردان حال سۇراپ، پارتيا ورتالىق كوميتەتى مەن ورتالىق اسكەري ىستەر كوميتەتى اتىنان بارشا حالىق ازاتتىق ارمياسىنىڭ كوماندير - جاۋىنگەرلەرىنە، قارۋلى ساقشى بولىمدەرىنىڭ وفيتسەر - اسكەرلەرىنە، ارميانىڭ اكىمشىلىك قىزمەتكەرلەرىنە، زاپاستاعى حالىق جاساقتارىنا شىن ىقىلاستى سالەم جانە كوكتەم مەرەكەسى بايلانىسىمەن تىلەك جولدادى. سۋرەتتە: شي جينپيڭ بەلگىلى ۇشقىشتار ۇلكەن اترەتى اۋە جۇمىسى عيماراتىنىڭ ۇشۋعا دايىندىق بولمەسىنە كەلىپ، ۇشۋ تەحنيكاسىن زەرتتەۋ جاعدايىن تەكسەرىپ كوردى.
□ سۋرەتتى شينحۋا اگەنتتىگىنىڭ ءتىلشىسى لي گاڭ تۇسىرگەن
شينحۋا اگەنتتىگىنىڭ 2 - ايدىڭ 6 - كۇنى گۇيياڭنان بەرگەن حابارى (ءتىلشى لي شۋانلياڭ). جۇڭحۋا ۇلتىنىڭ ءداستۇرلى مەرەكەسى كوكتەم مەرەكەسى كەلۋ قارساڭىندا جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ 2 - ايدىڭ 4 - كۇنى اۋە ارمياسى اۆياتسيا اسكەرلەرى بەلگىلى شىسىن كوزدەن كەشىرىپ، اسكەري بولىمدەگى كوماندير - جاۋىنگەرلەرگە امانداسىپ، ولاردان حال سۇراپ، پارتيا ورتالىق كوميتەتى مەن ورتالىق اسكەري ىستەر كوميتەتى اتىنان بارشا حالىق ازاتتىق ارمياسىنىڭ كوماندير - جاۋىنگەرلەرىنە، قارۋلى ساقشى بولىمدەرىنىڭ وفيتسەر - اسكەرلەرىنە، ارميانىڭ اكىمشىلىك قىزمەتكەرلەرىنە، زاپاستاعى حالىق جاساقتارىنا شىن ىقىلاستى سالەم جانە كوكتەم مەرەكەسى بايلانىسىمەن تىلەك جولدادى.
كوكتەم كەلگەن تۇستا گۇيجوۋدىڭ بايتاق دالاسىندا تۇنىق سۋلار مولدىرەپ، تاۋلار جاسىل ماناتپەن كومكەرىلدى. تۇستەن بۇرىن ساعات 10نان 30 مينۋت مولشەرىندە، شي جينپيڭ اۋە ارمياسى اۆياتسيا اسكەرلەرى بەلگىلى شىسىنا كەلىپ، الدىمەن ستانسيالىق شيپاحاناعا بارىپ اسكەري ءبولىمنىڭ ىندەتتەن ساقتانۋ - تىزگىندەۋ جانە جەرگىلىكتى ورىننىڭ ىندەتتەن ساقتانۋىنا كومەكتەسۋ جاعدايىن ۇعىستى. شي جينپيڭ بىلاي دەپ اتاپ كورسەتتى: جاڭا تيپتى ايدارشا ۆيرۋس وكپە قابىنۋ ىندەتى تۋىلعاننان بەرى ارميامىز پارتيانىڭ قولباسشىلىعىنا قۇلاق اسىپ، بۇيرىقتى الا سالا اتتانىسقا كەلىپ، ىندەتتەن ساقتانۋ - تىزگىندەۋ كۇرەسىندە ماڭىزدى رول اتقارىپ، كورنەكتى ۇلەس قوستى. كەزەكتە، شەتەلدەگى ىندەت جاعدايى ءالى دە اۋىر، ەلىمىزدىڭ ىندەتتەن ساقتانۋ - تىزگىندەۋ قىزمەتى ءالى دە ماشاقاتتى، اسىرەسە، كوكتەم مەرەكەسى كەزىندە ادامداردىڭ جىلجۋى مەن باس قوسۋى كوبەيىپ، ىندەتتىڭ تارالۋ قاتەرى كۇشەيەدى. اسكەري بولىمدەردىڭ ىندەتتەن ساقتانۋ - تىزگىندەۋدى ۇدايىلاندىرۋدى تيتتەي دە بوساڭسىتپاي ويداعىداي يگەرىپ، جەرگىلىكتى ورىننىڭ ىندەتكە قارسى اتتانۋىنا كومەكتەسۋ دايىندىعىن جاقسى ىستەپ، ەلىمىزدىڭ ىندەتتەن ساقتانۋ - تىزگىندەۋىنىڭ تاماشا جاعدايىن بەكەمدەۋ جانە دامىتۋ كەرەك.
سىرتقى الاڭداعى ۇشاق قالتقىسىندا شي جينپيڭ شىنىڭ نەگىزگى جاعدايى جانە نەگىزگى شايقاستىق قارۋ - جاراق جاعدايى جونىندەگى تانىستىرۋدى تىڭدادى. بەلگىلى تيپتەگى ارنايى ۇشاق اۋەدە ينفورماتسيا شايقاسىن جۇرگىزۋدىڭ ماڭىزدى جابدىعى، شي جينپيڭ وسى ۇشاققا شىعىپ، مىندەت كابيناسىنا كىرىپ مىندەت جۇيەسىن تەكسەرىپ كورىپ، ارنايى ۇشاقتىڭ قىزمەت ءتارتىبىن جانە مىندەت اتقارۋ جاعدايىن ۇعىستى. شي جينپيڭ بىلاي دەپ باسا دارىپتەدى: قازىرگى زامانعى سوعىستا ينفورماتسيا مەڭگەرۋ ۇقىعى سوعىستىڭ جەڭىسىنە جەتۋدىڭ شەشۋشى تەتىگى. وزىق جابدىقتاردى جەدەل دامىتىپ، كاسىبي دارىندىلاردى باۋلۋدى جەدەلدەتىپ، باعىتتامالى تۇردە قارسىلاسۋ جاتتىعۋىن كۇشەيتىپ، جاڭا ساپاداعى جاۋىنگەرلىك قابىلەتتىڭ جەدەل جوعارىلاۋىن ىلگەرىلەتۋ كەرەك.
شي جينپيڭ كوماندير - جاۋىنگەرلەردىڭ ۇيرەنۋىنە، تۇرمىسىنا ايرىقشا كوڭىل ءبولىپ، بەلگىلى ۇشقىشتار ۇلكەن اترەتى اۋە جۇمىسى عيماراتىنا ارنايى كەلىپ قاتىستى جاعدايلاردى تەكسەرىپ كوردى. ۇشۋعا دايىندىق بولمەسىندە ۇلكەن اترەت جاڭا ۇشقىشتاردى ۇشۋ تەحنيكاسىن زەرتتەۋگە ۇيىمداستىرىپ جاتىر ەكەن. ءتوراعا شي جينپيڭنىڭ كەلگەنىن كورىپ، كوپشىلىك ايرىقشا اسەرلەنىپ، ءتوراعا شي جينپيڭگە اسكەري سالەم بەرىپ، امانداسىپ، جاتتىعۋ جاعدايىن مالىمدەدى. شي جينپيڭ بىلاي دەپ اتاپ كورسەتتى: اسكەري ءبولىم جونىنەن العاندا، اسكەري جاتتىعۋدى ويداعىداي يگەرۋ توتەنشە ماڭىزدى. ورتالىق اسكەري ىستەر كوميتەتىنىڭ اسكەري جاتتىعۋ ءماجىلىسىنىڭ رۋحىن دايەكتىلەندىرىپ، تياناقتاندىرىپ، اۋە ارمياسى بولىمدەرىنىڭ ءىس جۇزىندىگىمەن بىرلەستىرىپ، ناقتى سوعىستىق اسكەري جاتتىعۋدى مىقتاپ يگەرىپ، جاتتىعۋدىڭ دەڭگەيىن جانە سوعىستا جەڭىپ شىعۋ قابىلەتىن ۇزدىكسىز جوعارىلاتۋ كەرەك.
وسىدان سوڭ شي جينپيڭ اۋە جۇمىسى عيماراتىنىڭ زالىنا كەلىپ، كوكتەم مەرەكەسى قارساڭىنداعى قاتىستى مادەنيەت، دەنە تاربيە قيمىل جابدىقتارىنىڭ دايىندالۋ جاعدايىن تەكسەرىپ كورىپ، اسكەري ءبولىمنىڭ ىندەتتەن ساقتانۋ - تىزگىندەۋ مەن مەرەكە كەزىندەگى تۇرمىستى ءبىر تۇتاس جوسپارلاۋ جونىندەگى قاتىستى ورنالاستىرۋلارىن ۇعىستى. اسكەري ءبولىمنىڭ الدىڭعى شەپكە ميكرو بەينە جازبا جىبەرۋ، كوكتەم مەرەكەسى بوساعالىعىن ۇسىنۋ، دوپ تۇرلەرى جارىسى سياقتى كوپتەگەن فورماداعى قىزىقتى قيمىلدار دايىنداپ وتىرعاندىعىنان حابار تاپقان شي جينپيڭ قيمىلدىڭ اسكەري ءتۇسى دە، ەرەكشەلىگى دە بار ەكەن دەپ القاپ، ءار دارەجەلى ورىندارعا ىندەتتەن ساقتانۋ - تىزگىندەۋ تالابىن جالپى بەتتىك تياناقتاندىرىپ، مەرەكە كەزىندەگى قاتىستى قيمىلداردى لايىقتى ورنالاستىرىپ، كوماندير - جاۋىنگەرلەردىڭ اسكەري بولىمدە مەرەكەنى جاقسى وتكىزۋىنە مۇمكىندىك جاساۋدى تاپسىردى.
قىزۋ قول شاپالاق ءۇنى ىشىندە شي جينپيڭ بۇكىل شىداعى كوماندير - جاۋىنگەرلەردىڭ ۋاكىلدەرىن شىن ىقىلاسپەن قابىلداپ، كوپشىلىكپەن بىرگە سۋرەتكە ءتۇسىپ ەستەلىك قالدىردى. شي جينپيڭ بىلاي دەپ باسا دارىپتەدى: بيىل پارتيامىز قۇرىلعاندىعىنىڭ 100 جىلدىعى، ”14 - بەسجىلدىق“ باستالعان جىل، بيىلعى قىزمەتتى ويداعىداي ىستەۋدىڭ ماڭىزى زور. پارتيا ورتالىق كوميتەتىنىڭ جانە ورتالىق اسكەري ىستەر كوميتەتىنىڭ شەشىمدەرىن، ورنالاستىرۋلارىن مۇقيات دايەكتىلەندىرىپ، ىندەتتەن ساقتانۋ - تىزگىندەۋدى ۇدايىلاندىرۋدى ويداعىداي يگەرىپ، اسكەر جاتتىقتىرۋدى، سوعىس دايىندىعىن جالپى بەتتىك كۇشەيتىپ، ءتۇرلى قىزمەتتەردى تىڭعىلىقتى ىلگەرىلەتىپ، جاڭا باستامادا اسكەري ءبولىم قۇرىلىسىنىڭ جاڭا جاعدايىن ۇزدىكسىز اشىپ، پارتيا قۇرىلعاندىعىنىڭ 100 جىلدىعىن ۇزدىك ناتيجەلەرمەن قارسى الۋ كەرەك.
شي جينپيڭ سوڭىندا مىنالاردى ءبىلدىردى: كوكتەم مەرەكەسى كەزىندە بۇكىل ارمياداعى اسكەري بولىمدەر سوعىس دايىندىعى كەزەكشىلىگىن كۇشەيتىپ، مەملەكەتتىڭ حاۋىپسىزدىگى مەن حالىقتىڭ باقىتىن، تىنىشتىعىن ويداعىداي قورعاۋ كەرەك. ىندەتتەن ساقتانۋ - تىزگىندەۋدى ۇدايىلاندىرۋ العى شارتىندا، كوماندير - جاۋىنگەرلەردىڭ مەرەكە كەزىندەگى تۇرمىسىن جاقسى ورنالاستىرىپ، كوپشىلىكتىڭ كوكتەم مەرەكەسىن قۋانىشتى، مەرەيلى، شات - شادىمان، حاۋىپسىز وتكىزۋىنە مۇمكىندىك جاساۋ كەرەك.
جاڭ يوۋشيا قاتارلىلار قيمىلعا قاتىناستى.
