تيانشان تورىنىڭ حابارى. (ءتىلشى ما ينيڭ حابارلايدى) 2 - ايدىڭ 4 - كۇنى، اۆتونوميالى رايوندىق ونەر كاسىپ جانە ينفورماتسيالاندىرۋ مەڭگەرمەسى 2021 - جىلعى رايونىمىزداعى 13 5G+ەمدەۋ سالاماتتىق قولدانباسىن تۇيىندە سىناق ەتۋ نىسانىن جاريالادى.
بۇل نىساندار سالاماتتىق باسقارۋ، الىستان دياگنوز قويۋ، اۋرۋدى زەردەلى تىزگىندەۋ، شۇعىل قۇتقارۋ - ەمدەۋ، سالماقتى ناۋقاستاردى الىستان باقىلاۋ - كۇتىمدەۋ، شيپاحانا باسقارۋ سياقتى كوپ جاقتاردى قامتيدى، نىساندى اتقارعان ورىندار ورتالىق قالا ءۇرىمجى قالاسى مەن وڭتۇستىك، سولتۇستىك شينجياڭنىڭ قاتىستى شيپاحانالارى، اۋرۋدان ساقتانۋ - تىزگىندەۋ ورتالىقتارى.
ءۇرىمجى قالاسى اۋرۋدان ساقتانۋ - تىزگىندەۋ ورتالىعىنىڭ 5G زەردەلى الەۋمەتتىك دەنساۋلىق ساقتاۋ ينفورماتسيا تۇعىرى وسى جولعى تۇيىندە سىناق ەتۋ نىسانىنا كىردى. نىسان 5G تەحنيكاسى، ءىرى ساندى مالىمەت، زات تورابى سياقتى ينفورماتسيا امالدارىنان پايدالانىپ، وڭىرلىك جيەكتى بۇزىپ، الەۋمەتتىك دەنساۋلىق ساقتاۋ، باسقارۋ قىزمەت وتەۋ ۇلگىسىنەن جاڭالىق اشىپ، ءتىپتى دە يكەمدى، جەدەل ينفورماتسيا جيناۋعا، ينفورماتسيا تاراتۋعا، ينفورماتسيانى ءبىر جاقتى ەتۋگە، ينفورماتسيانى پارىقتاۋعا، ينفورماتسيانى جاريالاۋعا قاتىستى ينفورماتسيالىق قولدانبانى قۇرىپ، اۆتونوميالى رايوننىڭ/قالانىڭ/اۋداننىڭ الەۋمەتتىك دەنساۋلىق ساقتاۋ، ينفورماسياعا كەپىلدىك ەتۋ جۇيەسى قۇرىلىسىن كەمەلدەندىرىپ، الەۋمەتتىك دەنساۋلىق ساقتاۋ قىزمەت وتەۋى مەن ەمدەۋ قىزمەت وتەۋىنىڭ ۇتىمدى سايكەسۋىن، جىكسىز ۇشتاسۋىن ىلگەرىلەتىپ، ساقتانۋ مەن ەمدەۋدى ۇشتاستىرۋ، بىرلەسىپ ساقتانۋ، بىرلەسىپ تىزگىندەۋ، كوپ بولىپ ساقتانۋ، كوپ بولىپ تىزگىندەۋ قىزمەت مەحانيزمىنىڭ تياناقتاپ اتقارىلۋىن جەدەلدەتتى.
قىزىلسۋ قىرعىز اۆتونوميالى وبلىسى حالىق شيپاحاناسىنىڭ ”قىزىلسۋ وبلىسىندا ءنومىر الىپ، جياڭسۋدا اۋرۋ كورسەتۋ“، ”قىزىلسۋ وبلىسىندا ءنومىر الىپ، B تيپتەگى اسىرە دىبىس تولقىنىن جياڭسۋدا كورۋ“ نىسانى الىستان بىرىگىپ دياگنوز قويۋ، الىستان ۋلترا دىبىس تولقىنىن كورۋ ارقىلى جەرگىلىكتە انىق دياگنوز قويا الماعان اۋرۋلارعا جياڭسۋ ولكەسىنىڭ ەمدەۋ ماماندارى الىستان دەر كەزىندە دياگنوز قويىپ، ەمدەۋ تاسىلىنا پىكىر بەرەدى، بۇل جەرگىلىكتىڭ ەمدەۋگە قىزمەت وتەۋ دەڭگەيىن ءونىمدى جوعارىلاتىپ، شارۋا، مالشى بۇقارالارعا باقىت اكەلدى.
