بيڭتۋان گازەتىنىڭ حابارى. (ٴتىلشى جىڭ يالي حابارلايدى) ٴتىلشىنىڭ تاياۋدا بيڭتۋان بازار باقىلاۋ - باسقارۋ مەكەمەسىنەن ۇعىسۋىنشا، بيڭتۋان كوكتەم مەرەكەسى كەزىندەگى كۇرىش، ۇن، ماي، ەت، جۇمىرتقا، ٴسۇت، ٴسۇت ونىمدەرى، اراق، سۋسىن، دامدەندىرگىش سياقتى ازىق – تۇلىكتەردىڭ حاۋىپسىزدىگىن باقىلاۋ – باسقارۋدى ونان ارى كۇشەيتىپ، شۇعىل جاعدايعا توتەپ بەرۋ، ٴبىر جايلى ەتۋ قىزمەتىن ويداعىداي ىستەگەن.
ازىق – تۇلىك تيجاراتى بۋىنىنداعى ٴتۇرلى حاۋىپسىزدىك تالاپتارىن قاتاڭ تياناقتاندىردى. مەرەكە كەزىندەگى تۇتىنۋ ەرەكشەلىگىنە ساي، جاڭا جىلعا قاراعان ٴتۇن تاماعىن ۇستىنە العان اس – سۋ تيجارات ورىندارىن، جارمەڭكە بازارلارىن، ٴىرى ساۋدا ەرەن بازارلارىن جانە ادامدار تىعىز رايونداردى باقىلاۋ – تەكسەرۋدى ٴتۇيىندى تۇردە كۇشەيتتى. سونىمەن بىرگە، جاڭا جىلعا قاراعان ٴتۇن تاماعىن ۇستىنە العان قاتىستى تيجارات ورىندارىنىڭ شيكىزات ساتىپ الۋ، بەلەت – كۋالىك الۋ جانە زات ەنگىزۋدى تەكسەرۋ وتكەلىن قاتاڭ يگەرىپ، سۋىق قۋىرماشتاردى مانەرلەۋ سياقتى بۋىنداردىڭ بارىسىن قاتاڭ تىزگىندەپ، اس – سۋ قىزمەت وتەۋ ورىندارىنىڭ ورتا تازالىعىن جاقسى ىستەۋىنە قۋزاۋشىلىق ىستەدى.
تەكشەلەردىڭ جاۋاپكەرشىلىگىن تياناقتاندىرىپ، توراپتا تاماق بۇيىرتۋ ارەكەتىن اناعۇرلىم جۇيەگە سالدى. ينتەرنەتتىك ازىق – تۇلىك ساۋداسىنداعى 3 – جاق تەكشەلەردىڭ تۇلعالىق جاۋاپكەرشىلىكتى تياناقتاندىرۋىنا قۋزاۋشىلىق ىستەپ، ينتەرنەتتىك ازىق – تۇلىك تيجاراتى ارەكەتتەرىنە الدىنالا ەسكەرتۋ بەرىپ، زاڭعا، تارتىپكە قايشىلىق جاساۋ كۇمانى بولعاندارىن قاتاڭ ٴبىر جايلى ەتتى؛ جەلىدە باقىلاۋ – تەكسەرۋدە بايقالعان مەسەلەلەر مەن توراپتا زاكاز بەرىپ ساتىپ الۋ مولشەرى ٴبىرشاما زور ”توراپتاعى ايگىلى ازىق - تۇلىكتەردى“ جۇمىس باسىندا تەكسەرۋ جانە ۇلگى الىپ تەكسەرۋ تەبىنىن ارتتىردى.
سۋىق تىزبەكتى ازىق – تۇلىكتەردى باقىلاۋ – باسقارۋدى ۇزدىكسىز كۇشەيتتى. 8 ٴتۇرلى ساقتاندىرۋ مەحانيزىمىن قاتاڭ تياناقتاندىرىپ، سىرتتان كىرۋدەن ساقتانۋ، ادام مەن زات ورتاسىنان بىرگە ساقتانۋ قىزمەتىن ىشكەرىلەي ىلگەرىلەتتى. بيڭتۋاننىڭ قاراستىلىعىنداعى سۋىق تىزبەكتى ازىق – تۇلىك ٴوندىرۋ، تيجارات ەتۋ كاسىپورىندارىنىڭ، 3 – جاق توڭازىتۋ قامبالارىنىڭ، ساۋدا ساراي ەرەن بازارلارىنىڭ، شيكى – جاس ونىمدەر ەلەكتروندى ساۋداسى جانە اس – سۋ كاسىپورىندارىنىڭ ” اماندىقتى تەكسەرۋ – شينجياڭ سۋىق تىزبەكتى ازىق – تۇلىكتەردى قۋزاستىرۋدى باسقارۋ جۇيەسىنە “ دەر كەزىندە تىركەلۋىنە ٴارى قاتىستى ينفورماتسيالاردى تۋرا تولتىرۋىنا جەتەكشىلىك ەتىپ، سۋىق تىزمەكتى ازىق – تۇلىكتەردىڭ كەلۋ قاينارىن تەكسەرۋ، قايدا كەتكەنىن قۋزاستىرۋدى جۇزەگە اسىردى.
اۋدارعان: قادىر ماقان