شينحۋا اگەنتتىگىنىڭ 2 - ايدىڭ 7 - كۇنى بەيجيڭنەن بەرگەن حابارى (باي يىڭ، حۋ مىڭشۋە). ورتالىق راديو - تەلەۆيزيا باس ستانسياسى 2 - ايدىڭ 7 - كۇنى بەيجيڭدە بىلاي دەپ تانىستىردى: بيىل ورتالىق راديو - تەلەۆيزيا باس ستانسياسىنىڭ كوكتەم مەرەكەسى بىرلەسكەن ساۋىق كەشىندە ءبي ءنومىرى گۇلدەي تۇرلەنە قۇلپىرىپ، سانى بۇرىنعى كەزدەگىدەن ەڭ كوپ بولدى، جۇڭگونىڭ كلاسسيك ءبيى، از ۇلتتاردىڭ سالت - سانا ءبيى، وسى زامانعى ءبي، بالەت ءبيى، كوشە ءبيى سياقتىلاردا زور مولشەردە جاڭالىق اشىلىپ، باي مازمۇندى، جاسامپازدىققا تولى بولدى.
كوكتەم مەرەكەسى ساۋىق كەشىنىڭ قاتىستى جاۋاپتىسى بىلاي دەپ تانىستىردى: بيىل ءتۇرلى نومىرلەر تۇگەلدەي جاڭا لەپ اڭعارتادى: ءان ءنومىرى شىنايى سۇيىسپەنشىلىككە تولى بولىپ، مۋزيكا ارقىلى جۇڭگو حيكاياسىن جازىپ، ۇلى جاڭا ءداۋىردى اسقاقتاتا شىرقايدى، قارت، ورتا جاس، جاس كوركەمونەرشىلەر اسقاق سەزىممەن انگە سالىپ، ادامدى ەكپىندەي ىلگەرىلەۋگە جەبەيدى؛ اۋىزشا نومىرلەردىڭ تاقىرىبى مول بولىپ، شاتتىققا بولەپ، تاربيە بەرەدى. تاقپاق، كومەديا قاتارلىلار قوعامنىڭ قۇبىلمالى وزگەرىسىنىڭ نازىك جەرىن ءداپ باسىپ، ادامداردىڭ باقىتتى تۇرمىسقا دەگەن ارمانىن جەتكىزەدى، دۋماندى ورتادا ىزگىلىكتى، سۇلۋلىقتى جىرلاپ، شادىمان ۇندەر اراسىندا ادامدى اسەرلەندىرەدى.
تانىستىرۋعا قاراعاندا، بيىلعى كوكتەم مەرەكەسى ساۋىق كەشىنىڭ ساحناسى 61.4 مەتر × 12.4 مەترلىك 8k تۇنىقتىعى ەرەكشە جوعارى ۇلكەن ەكراننان پايدالانىپ، كورەرمەندەر وتىراتىن جەردىڭ ارت جاعىنا جانە ۇستىڭگى جاعىنا ورنالاستىرعان، 154 بولەك ەكران ساحنانىڭ نەگىزگى ەكرانىمەن، جەردەگى ەكرانمەن جانە اشەكەي ەكرانمەن ءبىر تۇلعالانىپ، دوعاشا ويىن قويۋ كەڭىستىگىن قالىپتاستىرىپ، ساحنانىڭ كوركەمدىك كەڭىستىگىن كەڭەيتتى ءارى ”بۇلت“ كورەرمەندەرىنىڭ كوكتەم مەرەكەسى ساۋىق كەشىن تاماشالاۋىنا قولايلىلىق جاراتتى.
مۇنان تىس، بيىل باس ستانسياسىنىڭ كوكتەم مەرەكەسى ساۋىق كەشى جاڭا مەديالاردىڭ تاراتۋداعى تىڭ سەرپىلىستەرىن جۇزەگە اسىرىپ، 4k، 5G، AR، AI سياقتى جاقتارداعى تەحنيكادان پايدالانۋمەن بىرگە، تۇڭعىش رەت جاڭادان باستاپ اشقان 8k تۇنىقتىعى ەرەكشە جوعارى تەلەۆيزيا ارناسىنان تىكە تاراتادى ءارى ”VR بەينە ەكران + ءۇش ولشەمدى دىبىس“ جاڭا مەديامەن تىكە تاراتادى.
