تيانشان تورى
تيانشان تورى   ›   جاڭالىقتار   ›   شينجياڭ حابارلارى

جىل ءولاراسى جاقىندادى، ءوندىرىس قاربالاستىققا ءتۇستى

  شينجياڭ جۇڭحى:

  جىل ءولاراسى جاقىندادى، ءوندىرىس قاربالاستىققا ءتۇستى

  □ انار بۇلت/ شينجياڭ گازەتىنىڭ ءتىلشىسى ما ينيڭ

  2 - ايدىڭ 7 - كۇنى شينجياڭ جۇڭحى جارنا شەكتى سەرىكتەستىگى ساپ اليۋمين بۇيىمدار سەرىكتەستىگىنىڭ ساپالى اليۋمين سەحىندا قاتارلاپ جيناۋشى قۇلتەمىر ۇيۋلى تۇرعان كۇمىس رەڭدى ساپالى اليۋمين كەسەكتەرىن رەتتەپ ءتىزىپ جاتىر. ساپالى اليۋمين ءوندىرىس جەلىسىندە جۇمىسشىلار جابدىقتاردى جاتىق مەڭگەرىپ، 100گە تاياۋ بىركەلكىسىزدىكتى رەتتەۋ جابدىعى بەرىلگەن بۇيرىق بويىنشا تارتىپپەن اينالىس جاساۋدا.

  كوكتەم مەرەكەسىنە تاياپ قالسا دا شينجياڭ جۇڭحىنىڭ ءارقايسى ءوندىرىس سەحتارى ءالى دە قاربالاستىققا تۇسۋدە. ساپ اليۋمين بۇيىمدار سەرىكتەستىگىنىڭ باس ديرەكتورى حى شينگۋاڭ تىلشىگە بىلاي دەدى: ”1 - ايدان بەرى ءبىز جۇڭگو عارىش عىلىم ونەركاسىپ توبى مەن جۇڭگو عارىش عىلىم - تەحنيكا توبىنىڭ ساپالى اليۋمين ونىمدەرى زاكازدارىن ىركەس - تىركەس تاپسىرىپ الدىق. اليۋمين مەملەكەتتىك ەلەۋلى تەحنيكالىق جابدىقتارىنىڭ قامتاماسىزدىق بۇيىمى بولعاندىقتان، ءاربىر ەگجەي - تەگجەيلى كورسەتكىشتى تۇگەلدەي دالمە - ءدال مەڭگەرەمىز. قازىر ساپالى اليۋمين ءوندىرىس جەلىسى ورنىقتى، جوعارى ونىمدىلىكپەن اينالىستا، ءونىمنىڭ ساپاسى مەن زاكازدى دەر كەزىندە تاپسىرۋعا قامتاماسىز ەتە الادى“.

  اۆياتسيا، عارىش ونەركاسىبى − مەملەكەتىمىزدىڭ ستراتەگيالىق كاسىپ سالاسى، ءونىمنىڭ ساپاسىنا دەگەن تالابى توتەنشە جوعارى. شيكىزاتپەن قامداۋشى رەتىندە، شينجياڭ جۇڭحى سەرىكتەستىگى شيكىزاتتىق قوسىمشا ماتەريال، ءوندىرىس تەحنولوگياسى، بارىس پارامەترلەرى، ونەركاسىپتىك جابدىق، ءونىمنىڭ سىرتقى ءپىشىنى جانە ساپا كورسەتكىشى سياقتى ءارقايسى بۋىنداردان باستاپ وتكەلدى قاتاڭ مەڭگەرىپ، ساپالى اليۋمين جانە قورتپا ونىمدەردىڭ تازالىعى جوعارى، قوسپا ەلەمەنتى تومەن، ساپاسى ۇزاق ۋاقىت ورنىقتى، بىركەلكى بولعاندىقتان، جۇڭگو عارىش عىلىم ونەركاسىپ توبى مەن جۇڭگو عارىش عىلىم - تەحنيكا توبىنىڭ مويىنداۋى مەن سەنىمىنە بارىنشا يە بولدى.

  قازىر شينجياڭ جۇڭحى جۇڭگو عارىش عىلىم - تەحنيكا توبىن كەسەك، تاياقشا، باعانا، سىم جەلىلەس ساپ ونىمدەرمەن جانە ساپ اليۋمين نەگىزدىك وزەكتى قورتپامەن ورنىقتى قامداپ كەلەدى. جۇڭگو عارىش عىلىم - تەحنيكا توبى تاعى شينجياڭ جۇڭحىمەن ىشكەرىلەي سەلبەستىك ورىستەتىپ، اليۋمين نەگىزدى جاڭا ماتەريالداردى زەرتتەپ جاساۋ تەحنيكاسىن تايانىش ەتىپ، جوعارى كۇشەمەلىلىكتى، جوعارى سەرپىمدىلىكتى اليۋمين قورتپاسىن قول ۇستاسا زەرتتەپ جاساپ، كەلەشەك عارىش ىستەرىنىڭ دامۋ تالابىن قاناعاتتاندىرۋدى كوزدەدى.

  سول كۇنى ءتىلشى شينجياڭ جۇڭحى قورتپا ماتەريالدار سەرىكتەستىگىنىڭ تىزبەكتەپ شىڭاۋ سەحىنا بارعاندا ءوندىرىس باسىنداعى دۋماندى ەڭبەككە كۋا بولدى، اۆتوماتتى تىزبەكتەپ سومداۋ، شىڭاۋ ماشيناسى توقتاۋسىز اينالىس جاساپ، ءوندىرىس جەلىسىنەن 8030C اليۋمين قورتپا ونىمدەرى تىزبەكتەلىپ شىعىپ جاتتى. زاۆودتىڭ سىرتىندا جونەلتۋدى كۇتىپ تۇرعان زات اينالىمى اۆتوموبيلدەرى قاز - قاتار ءتىزىلىپتى...

  ”ءبىز باستان - اياق ءونىم ساپاسىن ءبىرىنشى ورىنعا قويدىق. بيىل تىزبەكتەپ شىڭاۋ سەحىنىڭ شاعىن نىساناسى 8030C اليۋمين قورتپا ونىمىندە تيتتەي دە كەمىستىك بولماۋدى جۇزەگە اسىرىپ، قاتاڭ ساپا ولشەمى ارقىلى ءتىپتى دە كوپ ساپالى زاكازعا قول جەتكىزۋ!“، - دەدى قورتپا ماتەريال سەرىكتەستىگىنىڭ باس ديرەكتورى يىن جىشين نىق سەنىممەن تىلشىگە تانىستىرىپ.

  بىلتىر شينجياڭ جۇڭحى جاڭا نەگىزدىك قۇرىلىس، 5G تەحنيكاسى سياقتى سالالاردا بەلسەندىلىكپەن ورنالاستىرۋ جاساپ، جوعارى ۇستەمە قۇندى اليۋمين ونىمدەرىن جالپى بەتتىك اشتى. ول دەربەس زەرتتەپ جاساعان 8030C اليۋمين قورتپا ءونىمى − اليۋمين قورتپاسى وراما كابەلىن وندىرۋدەگى شەشۋشى شيكىزات، يىلگىشتىگى تاماشا، سەرپىمدىلىگى تومەن، شىرۋگە ءتوزىمدى، بۇراتىلمايدى، سونداي - اق ستاتيكالىق ەلەكتردى توسىپ تاستاۋ قاسيەتى بار، ەلەكتر كابەلىنىڭ ۇزاق ۋاقىت بويى ارتىق كوتەرىمدىلىك جانە ارتىق قىزۋ جاعدايىندا ءۇرتىس ورنىقتىلىعىن ساقتاۋىنا كەپىلدىك ەتىپ، 5G حابارلاسۋ تەحنيكاسىن ساۋدالاندىرىپ قولدانۋعا بەرىك تەحنيكالىق نەگىز قالادى.

  عىلىم - تەحنيكادا جاڭالىق اشۋ − كاسىپورىننىڭ دامۋىنا جەتەكشىلىك ەتەتىن ءبىرىنشى قوزعاۋشى كۇش. ”13 - بەسجىلدىق“ مەزگىلىندە شينجياڭ جۇڭحى باستان - اياق مەملەكەتتىك ەلەۋلى عىلمي زەرتتەۋ جوباسىن بەتالىس، بازاردىڭ سۇرانىسىن جەتەكشى ەتىپ، عىلىم - تەحنيكادا جاڭالىق اشۋدى كاسىپ سالاسىنىڭ اقاۋسىز دامۋىنىڭ قوزعاۋشى كۇشى مەن قاينارى ەتىپ، دامۋدىڭ جاڭا باسىمدىلىعىن جالپى بەتتىك تۇلعالاپ، عىلىم - تەحنيكالىق زەرتتەپ اشۋعا، زەردەلى جاسامپازدىققا جيىنى ءبىر ميلليارد يۋاننان استام قارجى سالىپ، 100دەن استام جاڭا تەحنيكانى، جاڭا تەحنولوگيانى، جاڭا ءونىمدى زەرتتەپ جاساپ، كادەگە جاراتۋدى تياناقتاندىردى.

  ”مۇنان كەيىن سەرىكتەستىك ساپ اليۋمين ازىرلەۋ تەحنيكاسى سىندى كاسىپ تىزبەگى ارتىقشىلىعىن ارقاۋ ەتىپ، ءتىپتى دە كوپ قولدانۋ ساتىسىندا يمپورتتىڭ ورنىن باسۋدى جۇزەگە اسىرىپ، ەل ءىشى ۇلكەن اينالىمىندا شەشۋشى تەحنيكالاردىڭ دەربەس، مەڭگەرىمدى بولۋىن ىسكە اسىرادى. وزىق ءوندىرىس قۋاتى مەن بۇلتتىق ەسەپتەۋدى، ۇلكەن ساندى مالىمەتتى، ونەركاسىپ ينتەرنەتىن تىعىز ۇشتاستىرىپ، جاڭا كاسىپ كۇيىنە شەرۋ تارتىپ، جاڭا قوزعاۋشى كۇش قالىپتاستىرىپ، شينجياڭ ەكونوميكاسىنىڭ جوعارى ساپالى دامۋىنا بەلسەندى ۇلەس قوسادى“، - دەدى شينجياڭ جۇڭحىنىڭ ورىنباسار باس ديرەكتورى چىن چاڭكى.

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.