تيانشان تورى   ›   جاڭالىقتار   ›   ەل ءىشى حابارى

شۇيجوۋ - ليانيۇنگاڭ جوعارى جىلدامدىقتى تەمىر جولى پايدالانۋعا بەرىلىپ، جۇڭگونىڭ جوعارى جىلدامدىقتى تەمىر جولى شىعىس پەن باتىستى تۇتاستىردى

  شىعىستا ليانيۇنگاڭنىڭ ”حۋاگوشانىنان“ باستالىپ، باتىستا تۇرپاننىڭ ”جالىنتاۋىنا“ تۇتاستى

شۇيجوۋ - ليانيۇنگاڭ جوعارى جىلدامدىقتى تەمىر جولى پايدالانۋعا بەرىلىپ، جۇڭگونىڭ جوعارى جىلدامدىقتى تەمىر جولى شىعىس پەن باتىستى تۇتاستىردى

  شينحۋا اگەنتتىگىنىڭ 2 - ايدىڭ 8 - كۇنى نانجيڭنەن بەرگەن حابارى (ءتىلشى ياڭ شاۋگۇڭ). شىعىستا ليانيۇنگاڭنىڭ ”حۋاگوشانىنان“ باستالىپ، باتىستا تۇرپاننىڭ ”جالىنتاۋىنا“ تۇتاستى. 2 - ايدىڭ 8 - كۇنى شۇيجوۋ - ليانيۇنگاڭ جوعارى جىلدامدىقتى تەمىر جولىنىڭ اشىلۋىمەن، جۇڭگونىڭ ايگىلى كلاسسيك شىعارماسى «باتىسقا ساپارداعى» ايگىلى ەكى تاۋدىڭ اراسى ساعاتتىق جىلدامدىعى 250 كيلومەتردەن اساتىن جوعارى جىلدامدىقتى تەمىر جولمەن ءوزارا تۇتاستىرىلدى.

  ءتىلشىنىڭ جۇڭگو تەمىر جول شاڭحاي مەكەمەسى توبى شەكتى سەرىكتەستىگىنەن ۇعىسۋىنا قاراعاندا، شۇيجوۋدان ليانيۇنگاڭعا دەيىنگى جوعارى جىلدامدىقتى تەمىر جول رەسمي قولدانىسقا بەرىلگەننەن كەيىن ەلىمىزدىڭ ”8 تىك، 8 كولدەنەڭ“ جوعارى جىلدامدىقتى تەمىر جول تورابىنىڭ ەڭ ۇزىن كولدەنەڭ ارناسى بولعان ليانيۇنگاڭنان ۇرىمجىگە دەيىنگى جوعارى جىلدامدىقتى تەمىر جولىنىڭ تۇتاس جەلىسى تۇتاستىرىلادى ەكەن.

  شۇيجوۋ - ليانيۇنگاڭ جوعارى جىلدامدىقتى تەمىر جولى 2017 - جىلى 7 - ايدا قۇرىلىس باستاعان، باتىستا جياڭسۋ ولكەسىنىڭ شۇيجوۋ قالاسىنان باستالىپ، شىعىستا ليانيۇنگاڭ قالاسىنا تۇتاسادى، جالپى ۇزىندىعى 185 كيلومەتر، ساعاتتىق جىلدامدىعى 350 كيلومەتر دەپ جوبالانعان، تۇتاس جەلىدە شۇيجوۋ شىعىس، داشۇي وڭتۇستىك، پيجوۋ شىعىس، شين - ي وڭتۇستىك، دۇڭحاي اۋدانى، ليانيۇنگاڭ قاتارلى 6 جولاۋشى تاسىمالى ۆوكزالى قۇرىلعان.

  شۇيجوۋ - ليانيۇنگاڭ جوعارى جىلدامدىقتى تەمىر جولى اشىلعاننان كەيىن شۇيجوۋدان ليانيۇنگاڭعا ەڭ تەز بولعاندا 60 مينۋت قانا كەتەدى، بۇرىنعىدان ءبىر ساعاتقا تاياۋ ۋاقىت ۇنەمدەلىپ، جياڭسۋدىڭ سولتۇستىگى، شاندۇڭنىڭ وڭتۇستىگى وڭىرلەرىندەگى ساياحاتشىلاردىڭ شاڭحاي، نانجيڭ، حاڭجوۋ سياقتى نەگىزگى قالالارعا تەمىر جولمەن بارىپ ساياحاتتاۋ ۋاقىتى بارىنشا قىسقارادى.

  شۇيجوۋ - ليانيۇنگاڭ جوعارى جىلدامدىقتى تەمىر جولى ەلىمىزدىڭ ”8 تىك، 8 كولدەنەڭ“ جوعارى جىلدامدىقتى تەمىر جول تورابىنداعى ليانيۇنگاڭنان ۇرىمجىگە دەيىنگى ارناسىنىڭ ەڭ شىعىستاعى بولىگى ءارى ەڭ سوڭىندا پويەز قاتىناعان بولىگى. شۇيجوۋ - ليانيۇنگاڭ جوعارى جىلدامدىقتى تەمىر جولى سالىنىپ بولىپ، پويەز قاتىناعاننان كەيىن بۇدان بۇرىن ىسكە قوسىلعان جىڭجوۋدان شۇيجوۋعا، جىڭجوۋدان - شي - انعا، شي - اننان باۋجيگە، باۋجيدەن - لانجوۋعا، لانجوۋدان - ۇرىمجىگە دەيىنگى جوعارى جىلدامدىقتى تەمىر جول تۇتاسىپ، جالپى ۇزىندىعى 3400 نەشە كيلومەتر كەلەتىن ”جاڭا ەۆروپا - ازيا ۇلى قۇرلىق كوپىرىنىڭ“ تىرەكتى ارناسىن قالىپتاستىرىپ، ”ءبىر بەلدەۋ، ءبىر جول“ قۇرىلىسىنا پارمەندى تىرەك ازىرلەيدى.

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.