مەيىر جەتكىزدى، كوكتەم بوساعالىعىن ۇسىندى، تەرەزەلىك ورنەك جاپسىردى، مەرەكەنى بۇلتتا تويلادى ...
اۆتونوميالى رايوندىق باس جۇمىسشى ۇيىمى كوپتەگەن شارالار ارقىلى جۇمىسشى - قىزمەتشىلەرگە قىزمەت وتەدى
انار بۇلت / شينجياڭ گازەتىنىڭ ءتىلشىسى لياڭ ليحۋا، ەرىكتى ءتىلشى شان جۇنشيا 2 - ايدىڭ 8 - كۇنى ۇرىمجىدەن حابارلايدى. كوكتەم مەرەكەسى تاياپ قالدى، سول جەردىڭ وزىندە كوكتەم مەرەكەسىن وتكىزەتىن جۇمىسشى - قىزمەتشىلەردىڭ رۋحاني مادەني تۇرمىسىن بايىتۋ ءۇشىن، اۆتونوميالى رايوندىق باس جۇمىسشى ۇيىمى ”مەيىر جەتكىزۋ. كوكتەم بوساعالىعىن ۇسىنۋ. تەرەزەلىك ورنەك جاپسىرۋ. شام جۇمباعىن شەشۋ. مەرەكەنى بۇلتتا تويلاۋ. كوكتەم مەرەكەسى ساۋىق كەشىن كورۋ. اڭگىمە ايتۋ. شىنايى سۇيىسپەنشىلىك جەتكىزۋ“ جەلىلەس قيمىلدارىن ورىستەتىپ، تۇرعان جەرىندە كوكتەم مەرەكەسىن وتكىزەتىن جۇمىسشى - قىزمەتشىلەرگە شاتتىق سيلادى.
قيمىل 8 بولىككە بولىنەدى، جەكە - جەكە: ”جەتكىزۋ. جۇمىس ورنىن ورنىقتىرۋ، قىزمەتشىلەردى تياناقتاتۋ، مەيىر جەتكىزۋ“ كوكتەم مەرەكەسىن قارسى الۋ قيمىلى، ”ۇسىنۋ. شينجياڭدى مادەنيەتپەن نارلەندىرۋ بويىنشا سالەم جولداۋ“ كوكتەم مەرەكەسى بوساعالىعىن ۇسىنۋ قيمىلى، ”جاپسىرۋ. جاڭا جىلدىڭ جاڭا لەبىن ايشىقتاۋ“ جەلىدە تەرەزەلىك ورنەك جاپسىرۋ قيمىلى، ”شەشۋ. جۇمباق شەشىپ مول قۋانىشقا بولەنۋ“ جەلىدە شام جۇمباعىن شەشۋ قيمىلى، ”ارناۋ. سۋرەت سوزدەرى ارقىلى ەكراندا تىلەك ارناۋ“ مەرەكەنى بۇلتتا تويلاۋ قيمىلى، ”كورۋ. شات مەرەيمەن سيىر جىلىن قارسى الۋ“ كوكتەم مەرەكەسى ساۋىق كەشىن كورۋ قيمىلى، ”ايتۋ. سول جەردىڭ وزىندە كوكتەم مەرەكەسىن تويلاعان اڭگىمەلەردى جاقسى ايتۋ“ ۇگىت قيمىلى، ”مەيىر. جۇرەكتەرگە مەيىر سيلاپ شىنايى سۇيىسپەنشىلىك جەتكىزۋ“ ”توركىن“ ارالاپ، حال سۇراۋ قيمىلى.
جۋىقتا اۆتونوميالى رايوندىق باس جۇمىسشى ۇيىمى”جاپسىرۋ. جاڭا جىلدىڭ جاڭا لەبىن ايشىقتاۋ“ جەلىدە تەرەزەلىك ورنەك جاپسىرۋ قيمىلىن جاريالادى، قيمىل ويىنىنىڭ ۋاقىتى 50 سەكۋند، باستالعان سوڭ قول تەلەفون ەكرانىنىڭ جوعارى جاعىنان تەرەزەلىك ورنەك تۇسەدى، تەرەزەلىك ورنەكتى ونىمەن سايكەس تەرەزەلىك ورنەك ورنىنا اپارىپ، ءنومىر الۋعا بولادى. قيمىل باستالا سالىسىمەن تۇتاس رايونداعى ءار ۇلت جۇمىسشى - قىزمەتشىلەرى قىزۋ ءۇن قوستى.
”جەلىدە تەرەزەلىك ورنەك جاپسىرۋ ويىنى ماعان قويۋ مەرەكەلىك رايدى سەزىندىردى“. مەملەكەت ەلەكتر تورى شينجياڭ ەلەكتر قۋاتى شەكتى سەرىكتەستىگىنىڭ قىزمەتشىسى لي يۇيبين ويىنعا قاتىناسقاننان كەيىن سىلتەمەنى دوستىق شەڭبەرىندە ءبولىستى، ول بىلاي دەدى: ”بيىل ۇيگە قايتىپ مەرەكە وتكىزبەگەنىممەن، وسىنداي قيمىل پارتيا مەن ۇكىمەتتىڭ قامقورلىعىن جانە جانۇيانىڭ مەيىرىن سەزىندىردى“.
تانىستىرۋعا قاراعاندا، رايونىمىزداعى ءار دارەجەلى جۇمىسشى ۇيىمدارى ادام كۇشى بايلىعى جانە قوعامدىق قامتاماسىزداندىرۋ تاراۋلارىمەن بەلسەنە سايكەسىپ، كاسىپورىنداردى سول جەردىڭ وزىندە كوكتەم مەرەكەسىن وتكىزگەن جۇمىسشى - قىزمەتشىلەردى ەتەنە، مەيىرلى جۇمىس ورنىن ورنىقتىرۋ قوسىمشا قاراجاتىمەن قامداۋعا، ۇستەمە جۇمىس ەڭبەكاقىسى كومەك قاراجاتىن جانە جۇمىسشى - قىزمەتشىلەردىڭ مەرەكەلىك يگىلىك مامىلەسىن تياناقتاندىرۋعا جەتەكتەدى، سونىمەن بىرگە، حۇڭباۋ تاراتۋ، مەرەكەلىك بۇيىم سيلاۋ، مەرەكەنى تويلاۋ سياقتى كوپ ءتۇرلى فورمالار ارقىلى كاسىپورىن جۇمىسشى - قىزمەتشىلەرىنە جۇمىسشى ۇيىمى مەن كاسىپورىن ۇلكەن شاڭىراعىنىڭ مەيىرىن سەزىندىرەدى ەكەن.
