اۆتونوميالى رايوندىق ساياسي كەڭەس تۇراقتى كوميتەتىنىڭ قىزمەتىنەن بايانداما

− جۇڭگو حالىق ساياسي ءماسليحات كەڭەسى شينجياڭ ۇيعۇر اۆتونوميالى رايوندىق 12 - كەزەكتى كوميتەتىنىڭ 4 - ماجىلىسىندە 2021 - جىلى 1 - ايدىڭ 31 - كۇنى جاسالدى

　　اۆتونوميالى رايوندىق ساياسي كەڭەستىڭ ءتوراعاسى نۇرلان ءابىلماجىن

　　1 - ايدىڭ 31 - كۇنى نۇرلان ءابىلماجىن اۆتونوميالى رايوندىق ساياسي كەڭەس 12 - كەزەكتى كوميتەتىنىڭ 4 - ماجىلىسىندە ساياسي كەڭەس تۇراقتى كوميتەتىنىڭ قىزمەتىنەن بايانداما جاساۋدا. سۋرەتتى انار بۇلت/ شينجياڭ گازەتىنىڭ ءتىلشىسى سۇي جىجيان تۇسىرگەن

　　مۇشەلەر:

　　مەن ساياسي كەڭەس شينجياڭ ۇيعۇر اۆتونوميالى رايوندىق 12 - كەزەكتى كوميتەتىنىڭ تۇراقتى كوميتەتى اتىنان ماجىلىسكە قىزمەتتەن بايانداما جاسايمىن، قاراپ شىعۋلارىڭىزدى سۇرايمىن.

　　ءبىرىنشى، ۇلكەن شايقاس، ۇلكەن سىناقتا اۋەلگى ماقساتتى ەستەن شىعارماي، مىندەت اتقارىپ، جاۋاپكەرلىكتى ادا ەتىپ، بورىش ارقالادى

　　2020 - جىل ەرەكشە ايرىقشا، توتەنشە وزگەشە ءبىر جىل بولدى. وسى جىلى، جۇڭگو كوممۋنيستىك پارتياسى ءداۋىر بولگىش، بەلەستىك ءمان الاتىن 19 - كەزەكتى ورتالىق كوميتەتىنىڭ بەسىنشى جالپى ءماجىلىسىن جانە 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىن اشىپ، ەلىمىزدىڭ ”14 - بەسجىلدىقتاعى“ جانە بولاشاق 15 جىلداعى دامۋ كارتيناسىن جاساپ، جاپپاي سوتسياليستىك وسىزاماندانعان مەملەكەت قۇرۋدىڭ جانە جاڭا داۋىردەگى جۇڭگوشا سوتسياليستىك شينجياڭ قۇرۋدىڭ جاڭا ساپارىن باستاپ، ءبىزدىڭ جاڭا دامۋ كەزەڭىن يگەرۋىمىزگە، جاڭا دامۋ ۇستانىمىن دايەكتىلەندىرۋىمىزگە، جاڭا دامۋ ارناسىن قالىپتاستىرۋىمىزعا ارەكەت باعدارناماسى مەن ءتۇبىرلى بويسۇنۋ ولشەمىن ازىرلەپ بەردى. وسى جىلى، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، قاتاڭ دا كۇردەلى ەل ءىشى - سىرتى جاعدايى مەن بۇرىن بولماعان قيىنشىلىق، سىن - سايىس الدىندا، اۆتونوميالى رايوندىق پارتكوم شي جينپيڭنىڭ جاڭا ءداۋىر جۇڭگوشا سوتسياليزم يدەياسىن باتىل امالياتتا ايگىلەپ، تۇتاس رايونىمىزداعى ءار ۇلت كادرلارىن، بۇقارانى ىنتىماقتاستىرىپ، باستاپ، قايراتتانا العا ۇمتىلىپ، قيىنشىلىقتاردى جەڭە قامال الىپ، ”13 - بەسجىلدىق“ جوباداعى باستى نىسانا - مىندەتتەردى تولىق ورىنداپ، ەكونوميكانىڭ ورنىقتى، اقاۋسىز دامۋىن ساقتاپ، قوعامنىڭ جاراسىمدى، ورنىقتى بولۋ اسا تاماشا جاعدايىن بەكەمدەپ، جاپپاي دوڭگەلەك داۋلەتتى قوعام قۇرۋدىڭ شەشۋشى تابىستارىنا قول جەتكىزدى، وسى وزگەشە جىلدا پارتيا ورتالىق كوميتەتىن الاڭسىز ەتكەن، حالىق بۇقاراسى ءدان ريزا بولعان جاۋاپناما تاپسىرىپ، باياندى تىنىشتىققا بەت الۋعا بەرىك نەگىز قالادى. وسى جىلى، ساياسي كەڭەس شينجياڭ ۇيعۇر اۆتونوميالى رايوندىق كوميتەتى مەن ونىڭ تۇراقتى كوميتەتى شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، پارتيا 19 - قۇرىلتايىنىڭ جانە 19 - كەزەكتى ورتالىق كوميتەتى ەكىنشى، ءۇشىنشى، ءتورتىنشى، بەسىنشى جالپى ماجىلىستەرىنىڭ رۋحىن ىشكەرىلەي ۇيرەنىپ، دايەكتىلەندىرىپ، 2 - رەتكى، 3 - رەتكى ورتالىقتىڭ شينجياڭ قىزمەتى جونىندەگى اڭگىمە ماجىلىستەرىنىڭ رۋحىن ۇيرەنىپ، دايەكتىلەندىرىپ، ورتالىقتىڭ ساياسي كەڭەس قىزمەتى ءماجىلىسىنىڭ رۋحىن دايەكتىلەندىرىپ، تياناقتاندىرىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، ىنتىماق جانە دەموكراتيا سىندى ەكى ۇلكەن تاقىرىپقا تاباندى بولىپ، ارناۋلى ءماسليحات قۇرىلىمىنىڭ ەرەكشەلىگىن كورنەكتىلەندىرىپ، قوس باعىتتا كۇش سالۋ ابزالدىلىعىن ايگىلەدى، اۆتونوميالى رايوندىق پارتكومنىڭ وزەكتى قىزمەتىن ارقاۋ ەتىپ، ءماسليحاتتاسۋ سىندى نەگىزگى قىزمەتتى تىڭعىلىقتى ىستەپ، ورتاق تانىمنىڭ نەگىزىن بەكەمدەپ، شينجياڭنىڭ ورنىقتىلىق، دامۋ، رەفورما ىستەرىن ىلگەرىلەتۋگە ماڭىزدى ۇلەس قوستى.

　　وتكەن ءبىر جىلدا تۇراقتى كوميتەت اۆتونوميالى رايوندىق پارتكومنىڭ ورنالاستىرۋلارىن باتىل تياناقتاندىرىپ، بورىش، مىندەتىن ايقىنداپ، ۇلكەن شايقاس، ۇلكەن سىناق الدىندا مىناداي ءۇش قىزمەتتى كورنەكتىلەندىرە يگەردى:

　　ءبىرىنشى، پارتيا 19 - كەزەكتى ورتالىق كوميتەتى بەسىنشى جالپى ءماجىلىسىنىڭ جانە 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىن ىشكەرىلەي ۇيرەندى، دايەكتىلەندىردى. پارتيا 19 - كەزەكتى ورتالىق كوميتەتىنىڭ بەسىنشى جالپى ءماجىلىسى مەن 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسى جاڭا داۋىردەگى شينجياڭنىڭ ساياسي كەڭەس ىستەرىنىڭ دامۋىنا ايقىن بەتالىس كورسەتىپ، قۋاتتى قوزعاۋشى كۇش قوستى. اۆتونوميالى رايوندىق پارتكومنىڭ ورنالاستىرۋىنا ساي، ءبىز ءماجىلىس رۋحىن ۇيرەنۋدى، دايەكتىلەندىرۋدى ماڭداي الدى ساياسي مىندەت ەتىپ، تۇتاس رايونىمىزداعى ءار دارەجەلى ساياسي كەڭەستەردى، ساياسي كەڭەسكە قاتىناسقان مەكەمە - ورىنداردى، ءار ۇلت، ءار سالا مۇشەلەرىن ونىڭ رۋحي ءمانىن تۇسىنۋگە، وزەكتى ماڭىزىن جەتە يگەرۋگە، مىندەت اتقارۋ ءتۇيىنىن ايقىنداۋعا باستاپ، ماڭىزىن ۇيرەنىپ، تەرەڭ ءتۇسىنىپ، ناقتى ىستەر تىندىردىق. ”شينجياڭ ساياسي كەڭەسى. قامقورلىق مىنبەسى“ سىندى ۇيرەنۋ تۇعىرىن بايىتىپ، ساياسي كەڭەستىڭ كەلەلى، ارناۋلى قىزمەتى بويىنشا مۇشەلەردىڭ ۇگىت - لەكسيا جاساۋ ۇيىرمەسىنىڭ قىزمەت مەحانيزمىن كەمەلدەندىرىپ، اۆتونوميالى رايوندىق ساياسي كەڭەستىڭ سايت، گازەت، جۋرنال، ساراي، كورمە سىندى ”بەس ۇلكەن شەبىنىڭ“ رولىن ساۋلەلەندىرىپ، جەتە ۇيرەنۋ، جەتە يگەرۋ، شىنايى تياناقتاندىرۋ جاعىنا ۇزدىكسىز كۇش سالىپ، ودان ناتيجە شىعارىپ، ءماجىلىس رۋحىنىڭ جۇرت كوكەيىنە ۇيالاۋىن، بارشا قاۋىمعا جەتۋىن ىلگەرىلەتتىك.

　　ەكىنشى، ىندەتكە قارسى اتتانۋ توسقاۋىل شايقاسىنا بەلسەنە ات سالىستى. باس شۋجي شي جينپيڭنىڭ ىندەتتەن ساقتانۋ - تىزگىندەۋ جانە ەكونوميكالىق، قوعامدىق دامۋدى ءبىر تۇتاس جوسپارلاپ ىلگەرىلەتۋ جونىندەگى ماڭىزدى ءسوزىنىڭ رۋحىن ىشكەرىلەي ۇيرەنىپ، دايەكتىلەندىرىپ، اۆتونوميالى رايوندىق پارتكومنىڭ ورنالاستىرۋىن باتىل دايەكتىلەندىرىپ، ىندەتتەن ساقتانۋ - تىزگىندەۋدى ەڭ كوكەي تەستى ساياسي مىندەت ەتىپ، ”حالىقتى بارىنەن جوعارى قويۋ، ءومىردى بارىنەن جوعارى قويۋ“ ۇستانىمىن بەرىك ورناتتى، ءتوراعالار ءماجىلىسىنىڭ مۇشەلەرى جەكە - جەكە قوسىندى باستاپ، وڭتۇستىك، سولتۇستىك شينجياڭداعى ايماق، وبلىستارعا، قالالارعا جانە بيڭتۋاننىڭ شى - تۋاندارىنا بارىپ، ىندەتتەن ساقتانۋ - تىزگىندەۋ قىزمەتىنە قۋزاۋ سالىپ، جەتەكشىلىك ەتىپ، ءۇرتىس شايقاس جاساپ، ادىلەت جولىندا ەشتەڭەدەن تايىنباي، اۆتونوميالى رايوندىق پارتكوم جۇكتەگەن مىندەتتەردى تابىستى ورىندادى. فۋنكتسيالىق ورنىن تياناق ەتىپ، توتەنشە مەزگىلدەگى ەرەكشە جاۋاپكەرشىلىكتى مۇقيات وتەپ، ”ىندەتپەن“ شايقاسۋ ۇندەۋىن دەر كەزىندە جاريالادى، تۇتاس رايونىمىز بويىنشا 17 مىڭنان اساتىن ساياسي كەڭەس مۇشەسى مەن ساياسي كەڭەستىڭ ورگان كادرلارى ىرىقسىز جاعدايدا دا جورىققا اتتانىپ، ءبىر نيەت، ءبىر تىلەكتە ”ىندەتپەن“ ايقاسىپ، جالپى 308 ميلليون يۋانعا جەتەتىن اقشالاي، زاتتاي جىلۋ اتاپ، اۋەلگى ماقساتتى ءىس - ارەكەتى ارقىلى ايگىلەپ، ”قاراپايىمدىلىق“ ارقىلى ادالدىقتى شىڭدادى. ىنتىماق كۇشتەرىن ۇيىستىرىپ، توتەنشە مەزگىلدەگى يدەيالىق جەتەكشىلىكتى كورنەكتىلەندىرىپ، ىندەتكە قارسى اتتانۋ ۇلى رۋحىن بارىنشا اسقاقتاتىپ، شينجياڭ ساياسي كەڭەسىنىڭ ىندەتپەن شايقاسۋداعى ەستەلىك فوتو سۋرەت كورمەسى مەن ”تىلەكتى توعىستىرىپ، كۇش ۇيىستىرىپ ىندەتكە قارسى اتتانۋ“ اتىنداعى حۇسنيحات، سىزبا سۋرەت تۋىندىلارىنىڭ ينتەرنەت كورمەسىن ۇدايى اشىپ، ساياساتتى، زاڭ - بەلگىلەمەلەردى ۇگىتتەپ، ساقتانۋ - تىزگىندەۋ بىلىمدەرىن جالپىلاستىردى، سەنىم جەتكىزىپ، ۋاقىتشا قيىنشىلىقتاردى بىرگە جەڭىپ، ”ىندەتپەن“ شايقاسۋ ورتاق تانىمىن كەڭىنەن ۇيىستىردى. ناقتى شارالار قولدانىپ، ەرەكشە مەزگىلدە مىندەت اتقارۋ امالياتىنان جاڭالىق اشىپ، ءار ۇلت، ءار سالا مۇشەلەرىن جىلجىمالى مىندەت اتقارۋ تۇعىرى، قوعام جاعدايى، جۇرت رايى ينفورماتسياسىن اڭىس ەتۋ سياقتى فورمالار ارقىلى ىندەتتەن ساقتانۋ - تىزگىندەۋ، جۇمىستى، ءوندىرىستى قالپىنا كەلتىرۋ، قوعامدىق مەجە مەرزىمىن تۇراقتاندىرۋ، زاڭ بويىنشا جونگە سالۋدى كۇشەيتۋ سياقتىلار جونىندە اقىل - كەڭەس بەرىپ، ءادىس - شارالار كورسەتۋگە باستاپ، احۋالدى اڭىس ەتكەن 1600 نەشە پىكىر - ۇسىنىستى جولداپ، ”ىندەتپەن“ شايقاسۋعا ۇتىمدى تۇردە اقىل - پاراسات توپتادى. «حالىق ساياسي كەڭەسى گازەتىنىڭ» 1 - بەتىندە رايونىمىز ساياسي كەڭەس جۇيەسىنىڭ ادىستەرى مەن تابىستارى تانىستىرىلدى.

　　ءۇشىنشى، كۇشتەردى ۇيىستىرىپ كەدەيلىكتەن ارىلتۋدان قامال الۋ شايقاسىنىڭ جەڭىسىنە جەتتى. باس شۋجي شي جينپيڭنىڭ كەدەيلەردى سۇيەمەلدەۋ قىزمەتى جونىندەگى ماڭىزدى بايىمداۋلارىن ىشكەرىلەي ۇيرەنىپ، دايەكتىلەندىرىپ، اۆتونوميالى رايوندىق پارتكومنىڭ شايقاستى باسى - قاسىندا قاداعالاۋ جانە كوتەرمەگە الىپ، بىرلەسىپ قۋزاۋ - جەتەكشىلىك ەتۋ تالابىن باتىل تياناقتاندىردى، ءتوراعالار ءماجىلىسىنىڭ مۇشەلەرى شايقاسقا بار كۇشىن سالىپ، حالىقتى تۋىسىنداي كورىپ، نازاردى ”ەكىدەن تارىقتىرماۋ، ءۇشتى قامتاماسىز ەتۋگە“، ”التى دالمە - دالدىكتى“ تياناقتاندىرۋعا، ”جەتى ءبىر توپتى“ جانە ”ۇشتە سەرپىندى ارتتىرۋدى“ ىلگەرىلەتۋگە شوعىرلاندىرىپ، ”ءتۇيىن مەن كولەمدى ۇشتاستىرۋ“، ”الدىڭعى جانە ارتقى شەپتە شايقاس جاساۋ“ قىزمەت مەحانيزمىن ورناتىپ، ”ماسەلەنى شەشۋ“ مەن ”رەتتەۋ - تۇزەتۋگە قۋزاۋدى“ ءتۇيىن ەتىپ، شىنايى سۇيىسپەنشىلىكپەن كۇش سالا كومەكتەسىپ - سۇيەمەلدەپ، كەدەيلىكتەن ارىلتۋدان قامال الۋ مىندەتىن جوعارى ساپالى ورىندادى. نەگىزگى تاقىرىپتى وزگەرتپەۋگە، سەرپىندى السىرەتپەۋگە تاباندى بولىپ، سالىستىرمالى كەدەيلىكتى شەشۋدىڭ ۇزاق ءونىمدى مەحانيزمىن ورناتۋ، كەدەيلىكتەن ارىلتۋ جەتىستىكتەرىن بەكەمدەۋ، شىرعاناق كاسىبىن دامىتۋ سياقتى كەدەيلەردى سۇيەمەلدەۋ كاسىپ سالاسىن ارقاۋ ەتىپ تەكسەرۋ، باقىلاۋ ورىستەتتى، كەدەيلىكتەن ارىلتۋدان قامال الۋ ارناۋلى تاقىرىبىندا ۇكىمەت ءىسىن كەڭەسۋ سيپاتىندىق تۇراقتى كوميتەت ءماجىلىسىن اشىپ، «كەدەيلىكتەن ارىلتۋدان قامال الۋ شايقاسىنىڭ جالپى بەتتىك جەڭىسىنە قول جەتكىزۋگە دەم بەرۋ قاۋلىسىن» شىعارىپ، تۇتاس رايونىمىزداعى ساياسي كەڭەس جۇيەسى بايلانىس جاسايتىن 10 اۋىر كەدەي اۋداننىڭ، 446 كەدەي قىستاقتىڭ، 8900 نەشە كەدەي وتباسىنىڭ تۇگەل كەدەيلىك قالپاعىن الىپ تاستاۋىنا، كەدەيلىك تىزىمىنەن شىعۋىنا، كەدەيلىكتەن ارىلۋىنا جەتەكشىلىك ەتتى؛ ساياسي كەڭەستىڭ بىرلىكساپ ۇيىمى بولۋ رولىن ساۋلەلەندىرىپ، وقۋ - اعارتۋ، عىلىم - تەحنيكا، دەنساۋلىق ساقتاۋ سياقتى سالالار بويىنشا كەدەيلەردى سۇيەمەلدەۋ ارناۋلى قيمىلىن ۇزبەي ورىستەتىپ، ”مىڭ كاسىپورىن مىڭ قىستاققا كومەكتەسۋ“، ”حالىقتىق كاسىپورىنداردىڭ وڭتۇستىك شينجياڭعا ساپارى“ سەكىلدى قيمىلداردى ىشكەرىلەي ىلگەرىلەتىپ، 1667 كاسىپورىندى تۇتاس رايونىمىزداعى 2042 قىستاقپەن جۇپ قۇراپ، كومەكتەسۋگە باستادى، كاسىپ سالاسى ارقىلى كەدەيلەرگە كومەكتەسۋ - سۇيەمەلدەۋگە 3 ميلليارد 970 ميلليون يۋان ۇسىنىلىم قوستى، 113 مىڭ وتباسىنان 395 مىڭ بۇقارا، مۇنىڭ يگىلىگىن كوردى.

　　وتكەن ءبىر جىلدا تۇراقتى كوميتەت وزەكتى ارقاۋ ەتىپ، كەلەلى جاعدايعا قىزمەت وتەپ، نازاردى باس نىساناعا شوعىرلاندىرىپ، جاڭا بورىش ارقالاپ، ءار ءتۇرلى ءماسليحاتتاسۋ، ۇكىمەت ءىسىن كەڭەسۋ قيمىلدارىنىڭ ءماسليحات جوسپارى بويىنشا تارتىپپەن ورىستەتىلۋىن، ءار ءتۇرلى مىندەت اتقارۋ قىزمەتىنىڭ ورنالاستىرۋ بويىنشا ناتيجەلى ىستەلۋىن ىلگەرىلەتتى.

　　(1) جاسامپاز نازارياسىمەن قارۋلانىپ، ورتاق يدەيالىق - ساياسي نەگىزدى بەكەمدەدى.

　　شي جينپيڭنىڭ جاڭا ءداۋىر جۇڭگوشا سوتسياليزم يدەياسىن ساياسي كەڭەس قىزمەتىن ءبىر تۇتاس مەڭگەرۋدىڭ باس تۇعىرناماسى ەتۋگە تاباندى بولىپ، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن ۇيرەنۋ اڭگىمە ءماجىلىسى ءتۇزىمىن مۇقيات تياناقتاندىرىپ، 12 رەت پارتيا باسشىلىق گرۋپپاسى نازاريا ۇيرەنۋ وزەكتى گرۋپپاسىنىڭ توپتىق ۇيرەنۋىن، 20 رەت پارتيا باسشىلىق گرۋپپاسىنىڭ ءماجىلىسىن، 11 رەت ءتوراعالار ءماجىلىسىن، 4 رەت تۇراقتى كوميتەت ءماجىلىسىن وتكىزىپ جانە 44 رەت ارناۋلى تاقىرىپتا ۇگىت - لەكسيا جاساپ، باس شۋجي شي جينپيڭنىڭ جەلىلەس ماڭىزدى سوزدەرى مەن ماڭىزدى نۇسقاۋلارىنىڭ رۋحىن دەر كەزىندە ىلەسە ۇيرەندى، ”اۋەلگى ماقساتتى ۇمىتپاۋ، بورىشتى ەستە بەرىك ساقتاۋ“ نەگىزگى تاقىرىپتىق تاربيەسىنىڭ جەتىستىكتەرىن ۇزدىكسىز نىعايتىپ، جۇڭگو كوممۋنيستىك پارتياسىنىڭ باسشىلىعى مەن جۇڭگوشا سوتسياليزم تۇزىمىنە تاباندى بولۋدىڭ يدەيالىق نەگىزىن بەكەمدەدى.

　　باس شۋجي شي جينپيڭنىڭ يدەيالىق - ساياسي جەتەكشىلىكتى كۇشەيتۋ، كەڭ كولەمدە ورتاق تانىم ۇيىستىرۋ جونىندەگى ماڭىزدى بايىمداۋلارىن ىشكەرىلەي ۇيرەنىپ، دايەكتىلەندىرىپ، اقىل - كەڭەس بەرۋ جانە ورتاق تانىم ۇيىستىرۋ سىندى قوس باعىتتا كۇش سالۋ تەكشەسىن ءتۇيىندى تۇردە قۇرىپ، مەحانيزم ورناتتى. پارتيالى ساياسي كەڭەس مۇشەلەرىنىڭ پارتيا سىرتىنداعى مۇشەلەرمەن بايلانىس جاساۋ، مۇشەلەردىڭ سالالارمەن، بۇقارامەن بايلانىس جاساۋ جانە سىرلاسۋ، اڭگىمەلەسۋ، مۇشەلەرگە امانداسا بارىپ، حال سۇراۋ سياقتى تۇزىمدەردى ىشكەرىلەي تياناقتاندىرىپ، جۇرت نازار اۋدارعان ماسەلەلەرگە جاۋاپ قايتارىپ، پىكىر اۋىستىرىپ، وي توعىستىرىپ، ورتاق تانىمدى ارتتىرىپ، ساياسي كەڭەس مۇشەلەرىنىڭ پارتيانىڭ جاسامپاز نازارياسىن ۇيرەنۋ جالپى قامتىمىن ىلگەرىلەتتى. بىلىكتىلەر ساياسي كەڭەس قۇرىلىسىن بەلسەنە جەبەپ، مۇشەلەردى كىتاپ وقۋ قيمىلىن ورىستەتۋگە ۇيىمداستىرىپ، الۋان ءتۇرلى لەكسيا، ساباق، كۋرستان 120 نەشە كەزەك (رەت) وتكىزدى. پارتيا سىرتىنداعى زيالىلاردىڭ، جالپىلىق مەنشىككە جاتپايتىن شارۋاشىلىقتاعى قايراتكەرلەردىڭ، جاڭا قوعامدىق جىكتەگى قايراتكەرلەردىڭ پىكىرىن، تالاپ - تىلەگىن جەتكىزۋ ارناسىن ىركىلىسسىزدەندىرىپ، ساياسي كەڭەسكە قاتىناسقان مەكەمە - ورىنداردىڭ رولىن اناعۇرلىم جاقسى ساۋلەلەندىرۋىنە بەلسەنە شارت - جاعداي جاراتتى، دەموكراتيالىق پارتيا - توپتاردىڭ شينجياڭ رايوندىق كوميتەتتەرى، ساۋدا - ونەركاسىپشىلەر بىرلەستىگى 187 ۇسىنىس جوبا تاپسىرىپ، 73 لەبىز ءبىلدىرۋ ماتەريالىن دايىنداپ، 34 رەت تەكسەرۋ - زەرتتەۋ جۇرگىزدى.

　　(2) نازاردى باس نىساناعا شوعىرلاندىرىپ، قوعام ورنىقتىلىعىن قورعاۋعا تىلەكتى توعىستىرىپ، كۇش ۇيىستىردى.

　　باس شۋجي شي جينپيڭنىڭ ءتۇرلى قىزمەتتى، ءسوز جوق، قوعام ورنىقتىلىعى مەن باياندى تىنىشتىق باس نىساناسىن ارقاۋ ەتىپ جوبالاپ ىلگەرىلەتۋ جونىندەگى ماڭىزدى نۇسقاۋىن باتىل دايەكتىلەندىرىپ، مىزعىماستان باس نىسانانى كوكەيدە بەرىك ساقتاپ، موينىمەن كوتەرىپ، قولدان تۇسىرمەي، ارەكەتتە تياناقتاندىرىپ، ءارقاشاندا ساقتىق دابىلىن ۇزبەي قاعىپ، ءارقاشاندا قىراعى بولىپ، پارتيا، ۇكىمەت، ارميا، ساقشى، بيڭتۋان، حالىق سايكەسە بىرلەسىپ قيمىلداۋ مەحانيزمىن باتىل تياناقتاندىرىپ، ”ءۇش قيان - كەسكى شايقاستى“، ”ءبىر حالىقتىق شايقاستى“ جاقسى جۇرگىزۋگە، ”ءۇش بىرلەسىپ قيمىلداۋدى“ جۇزەگە اسىرۋعا دەم بەرىپ، بىرىككەن كۇش قوستى. كۇدىك - كۇماننان ارىلتۋ، كوڭىل كۇيدى ورنىقتىرۋ، ورتاق تانىم ۇيىستىرۋ، ورنىقتىلىقتى قورعاۋ سياقتى نەگىزدىك قىزمەتتەردى تىڭعىلىقتى ىستەپ، لاڭكەستىككە قارسى تۇرىپ، ورنىقتىلىقتى قورعاۋدىڭ زاڭمەن جونگە سالىنۋىن، ۇدايىلانۋىن جەبەۋگە كۇش ۇيىستىردى. ”نازاردى باس نىساناعا شوعىرلاندىرىپ، شينجياڭدى زاڭمەن جونگە سالۋ قۇرىلىسىن نىعايتىپ، قوعامدىق جونگە سالۋ جۇيەسى مەن جونگە سالۋ قابىلەتىن وسىزامانداندىرۋ دەڭگەيىن جوعارىلاتۋ“ ارناۋلى تاقىرىبىندا ۇكىمەت ءىسىن كەڭەسۋ سيپاتتى تۇراقتى كوميتەت ءماجىلىسىن اشىپ، جاڭا داۋىردەگى قوعامدىق قۇرىلىستى ىلگەرىلەتۋ جانە تەرەڭدەتۋ، نەگىزگى ساتىنىڭ قوعامدىق جونگە سالۋىندا جاڭالىق اشۋ سياقتىلاردى ارقاۋ ەتە ءماسليحاتتاسىپ، كەڭەسىپ، ءار دارەجەلى ساياسي كەڭەستەردى 600 نەشە كەزەك - رەت زاڭمەن جونگە سالۋ ۇگىتىن ورىستەتۋگە باستاپ، شينجياڭنىڭ جونگە سالۋ جۇيەسى مەن جونگە سالۋ قابىلەتىن وسىزامانداندىرۋدى ىلگەرىلەتۋگە بۇقارالىق مىعىم نەگىز قالادى.

　　ۇلت، ءدىن قىزمەتىن ويداعىداي ىستەۋگە دەم بەرۋدى ءتۇيىن ەتۋگە تاباندى بولىپ، جۇڭحۋا ۇلتى ورتاق تۇلعا تانىمىن بەرىك ورناتۋ سىندى نەگىزگى جەلىنى ارقاۋ ەتىپ، پارتيانىڭ ۇلت ساياساتىن دايەكتىلەندىرۋ، سوتسياليستىك وزەكتى قۇن كوزقاراسىن اسقاقتاتۋ جانە جەتىلدىرۋ، ۇلتتاردىڭ ءوزارا كىرىكپەلى قوعامدىق قۇرىلىمىن جانە الەۋمەتتىك اۋماق ورتاسىن ورناتۋ سياقتىلار تۋرالى تەكسەرۋ - زەرتتەۋ جۇرگىزىپ، اڭگىمەلەسىپ، ”’ۇلتتار ىنتىماعىنىڭ بەرەكەلى شاڭىراعى‘ باياندى مەحانيزمىن تياناقتاندىرۋدى، ۇلتتار ىنتىماعى قىزمەتىنىڭ جەتىستىكتەرىن ۇزدىكسىز بەكەمدەۋدى“ كەڭەس تاقىرىبى ەتىپ، ارناۋلى اقىلداستى. پارتيانىڭ ءدىن ساياساتىن جاپپاي دايەكتىلەندىرىپ، قىستاقتاردا تۇرىپ مەشىت باسقارۋ ءتۇزىمىن كەمەلدەندىرۋ، ءدىن قىزمەتىن زاڭمەن باسقارۋ دەڭگەيىن جوعارىلاتۋ، ءدىني قايراتكەرلەردى باۋلىپ جەتىلدىرۋدى كۇشەيتۋ سياقتىلاردى ارقاۋ ەتىپ ۇسىنىس - پىكىر بەرىپ، شينجياڭدا ءىسلام ءدىنىن جۇڭگوشالاندىرۋعا ءتيىمدى قوعامدىق اۋقىم جاراتتى. يدەولوگيا قىزمەتىنىڭ جاۋاپكەرشىلىك ءتۇزىمىن قاتاڭ تياناقتاندىرىپ، ءار ۇلت، ءار سالا مۇشەلەرىن امەريكا مەن باتىستاعى جاۋ كۇشتەردىڭ جۇڭگوعا قارسى قاسكۇنەمدىگىن جىعا تانۋعا، ولاردىڭ وسەك - اياڭ، ساندىراقتارىنا تويتارىس بەرىپ، مەملەكەتتىڭ مۇددەسىن قورعاۋعا باستادى.

　　جۇرت تىلەگىن ۇيىستىرۋدى ءتۇپ تياناق ەتۋگە تاباندى بولىپ، ”ۇعىسۋ، تيىمدىلىك جاساۋ، توعىستىرۋ“ بويىنشا قىستاقتا تۇرۋ، ”ۇلتتار ىنتىماعىنىڭ بەرەكەلى شاڭىراعى“ جانە ۇلتتار ىنتىماعى بىرلەسكەن دوستىق قيمىلىن ۇزدىكسىز تەرەڭدەتتى، تۇتاس رايونىمىز بويىنشا 15 مىڭنان اساتىن ساياسي كەڭەس مۇشەسى مەن ساياسي كەڭەستىڭ ورگان كادرلارى 13 مىڭ وتباسىمەن جۇپ قۇراپ، تۋىس بولىپ، 2 ميلليون 900 نەشە مىڭ ادام - رەت ارالاپ جاعداي ۇعىسىپ، 30 نەشە مىڭ كەزەك ۇلتتار ىنتىماعى بىرلەسكەن دوستىق قيمىلىن وتكىزدى، 53 مىڭنان استام جاقسى ءىس، ناقتى ءىس ىستەپ، نىسان قارجىسىنان 340 ميلليون يۋاندى شەشىم ەتۋگە سايكەسىپ، ۇلتتاردىڭ كەڭ كولەمدە ارالاسۋىن، جاپپاي ىشتەسۋىن، تەرەڭدەي توعىسۋىن جەبەدى. شەتەلدەگى چياۋباۋ باۋىرلاستارمەن ىنتىماقتاسىپ، بايلانىس جاساپ، چياۋباۋلارعا ساياتىن قىزمەت مىندەتتەرىن تياناقتاندىرۋعا دەم بەرىپ، شينجياڭدى ورنىقتىرۋدىڭ، تىنىشتىعىن ساقتاۋدىڭ، گۇلدەندىرۋدىڭ وڭ ەنەرگياسىن كەڭىنەن توپتادى.

　　(3) جاڭا دامۋ ۇستانىمىن امالياتتا ايگىلەپ، حالىق تۇرمىسىنا تىعىز جاناسىپ، جوعارى ساپالى دامۋدى ىلگەرىلەتتى.

　　باس شۋجي شي جينپيڭنىڭ ”دامۋ − شينجياڭنىڭ باياندى تىنىشتىعىنىڭ ماڭىزدى نەگىزى“ دەگەن ماڭىزدى بايىمداۋىن ىشكەرىلەي ءتۇسىنىپ، ساۋدا - ونەركاسىپشىلەر بىرلەستىگىندەگى، ەكونوميكا سالاسىنداعى مۇشەلەردى ”شينجياڭ ەكونوميكاسىنىڭ جوعارى ساپالى دامۋى“ جونىندە اڭگىمە ءماجىلىس وتكىزۋگە ۇيىمداستىرىپ، جاڭا دامۋ ساتىسىنداعى ساياساتتىڭ تياناقتانۋى مەن جوعارى ساپالى دامۋدى ىلگەرىلەتۋ ءۇشىن شەشىم جاساۋعا اقىل - كەڭەس بەرۋ رولىن ساۋلەلەندىردى. مۇشەلەردى جىلقى شارۋاشىلىعىن دامىتۋدى ارقاۋ ەتىپ ىشكەرىلەي ءماسليحاتتاسۋعا، اقىلداسۋعا ۇيىمداستىرىپ، مەملەكەت بويىنشا تۇڭعىش جىلقى شارۋاشىلىعىن دامىتۋدىڭ 5 جىلدىق جوباسىنىڭ شىعارىلۋىن جەبەدى، شينجياڭدا جىلقى شارۋاشىلىعىن دامىتۋعا باسشىلىق ەتۋ گرۋپپاسىن قۇرۋ، ارناۋلى قاراجات بەلگىلەۋ، جىلقى مادەنيەتىنىڭ دامۋىن قولداۋ سياقتىلار جونىندە العا قويىلعان ۇسىنىستاردى اۆتونوميالى رايوننىڭ قاتىستى تاراۋلارى قابىلدادى. ”شارۋاشىلىق - ساۋدا ورتاسىن ساپالىلاندىرىپ، ەكونوميكانىڭ جوعارى ساپالى دامۋىن ىلگەرىلەتۋ“ تاقىرىبىنداعى ايلىق ءماسليحات اڭگىمە ءماجىلىسىن وتكىزىپ، فينانس سالاسىنىڭ تۇلعالىق ەكونوميكاعا اناعۇرلىم جاقسى قىزمەت وتەۋىن سالالار بويىنشا ءماسليحاتتاسۋىن جەبەپ، قاشقار، قورعاس ەكونوميكالىق اشۋ رايوندارىنا بارىپ، ناقتى تەكسەرۋ - زەرتتەۋ جۇرگىزىپ، جىبەك جولى ەكونوميكالىق بەلدەۋىنىڭ وزەكتى رايون قۇرىلىسىنا، تارباعاتايدا ءتۇيىندى تۇردە اشىق ۇستالاتىن سىناق رايونىن قۇرۋعا، حالىقتىق كاسىپورىنداردىڭ قيىنشىلىقتاردى جەڭە دامۋىنا دەم بەرىپ، كۇش ۇستەدى.

　　حالىقتى وزەك ەتكەن دامۋ يدەياسىن بەرىك ورناتىپ، حالىققا سۇيىسپەنشىلىك باعىشتاپ، حالىقتىڭ تاماشا تۇرمىسقا دەگەن قاجەتىن ۇزدىكسىز قاناعاتتاندىرۋدى جانە بىرگە بايۋدى جەبەۋدى ماڭىزدى كۇش سالۋ ءتۇيىنى ەتىپ، اۆتونوميالى رايوننىڭ حالىققا ءتيىمدى ءتۇيىندى ينجەنەريالارىمەن، ءار ۇلت بۇقاراسىنىڭ ءوندىرىس پەن تۇرمىسىنداعى قيىن ماسەلەلەرمەن تىعىز ۇشتاستىرىپ كەڭەس بەرىپ، كۇش قوستى. ”رايونىمىزداعى تۇرعىندار الەۋمەتتىك اۋماق قۇرىلىمدارىنىڭ ’ءۇشتى ءبىر تۇلعالاندىرعان‘ زەينەتكەرلىككە قىزمەت وتەۋ جۇيەسىن قۇرۋ“ جونىندەگى ايلىق ءماسليحات اڭگىمە ءماجىلىسىن اشىپ، ىندەتتەن ساقتانۋ - تىزگىندەۋ جانە قارتتاردى كۇتىمگە الۋ كاسىبىنىڭ دامۋىن عىلمي، ءبىر تۇتاس جوسپارلاۋ جونىندە ۇسىنىس قويدى، اۆتونوميالى رايون باسشىلارى بۇعان ماڭىزدى بەكىتۋ جازىپ، قاتىستى جاقتار ارناۋلى تاقىرىپتا اقىلداسۋعا قابىلدادى. قيىنشىلىعى بار قاۋىمنىڭ نەگىزگى تۇرمىسىن قامتاماسىز ەتۋ دەڭگەيىن جوعارىلاتۋ، شەكارا قورعاۋشىلارىنىڭ زەينەتكەرلىك قامتاماسىزداندىرۋ مەحانيزمىن جاقسارتۋ سياقتىلاردى ارقاۋ ەتىپ بەلسەنە ۇسىنىس قويىپ، اقىلشى بولدى. رايونىمىزداعى كاسىپتىك مەكتەپتەردىڭ قوس مىندەتتىك وقىتۋشىلار قوسىنى قۇرىلىسىنا، بوبەكتەر مەن بالالاردى مىندەتتەپ تاربيەلەۋگە قىزمەت وتەۋ جۇيەسىن قۇرۋعا، نەگىزگى ەمدەۋ - دەنساۋلىق ساقتاۋعا قىزمەت وتەۋ جۇيەسى قۇرىلىسىن كۇشەيتۋگە، جۇڭحۋانىڭ تاڭداۋلى ءداستۇرلى مادەنيەتىن اسقاقتاتۋعا باعىتتالعان ۇسىنىس جوبالاردى ءبىر جايلى ەتۋ جونىندەگى ءماسليحاتتار بۇقارانىڭ ىرىس - قۇتىن ارتتىرۋدا بەلسەندى رول اتقاردى.

　　شي جينپيڭنىڭ ەكولوگيالىق وركەنيەت يدەياسىن ىشكەرىلەي دايەكتىلەندىرىپ، ەكولوگيا قىزىل سىزىعىن، تومەنگى شەگىن قاتاڭ ساقتاۋ، لاستانۋدان ساقتانۋ جانە ونى جونگە سالۋدان قامال الۋ شايقاسىن جاقسى جۇرگىزۋ، جاسىل دامۋدى جاپپاي ىلگەرىلەتۋ، ەكولوگيانى قورعاۋدى، قالپىنا كەلتىرۋدى كۇشەيتۋ سياقتىلاردى ارقاۋ ەتىپ ىشكەرىلەي ءماسليحاتتاسىپ، ۇزبەي ۇسىنىس قويىپ، رايونىمىزدىڭ ەكولوگيالىق وركەنيەت قۇرىلىسىندا ساياسي كەڭەستىڭ جاۋاپكەرشىلىگىن ايگىلەدى. ورمان - توعايعا نازار اۋدارۋ قيمىلىن ۇزدىكسىز ورىستەتۋ جانە كۇتىنۋ كاسىبى، جاڭا ەنەرگيالى اۆتوموبيل، ەنەرگيا ۇنەمدەپ، لاستانۋدى ازايتۋ، قار - مۇز ساياحاتى، تابيعي ورماندى قورعاۋ سياقتىلار جونىندەگى ۇسىنىس جوبالاردىڭ ءبىر جايلى ەتىلۋىنە قۋزاۋ سالدى. نازاردى ”ەكولوگياسى جايلى بولۋ“ نىساناسى مەن تالابىنا شوعىرلاندىرىپ، جۇڭگو گومينداڭ توڭكەرىستىك كوميتەتى شينجياڭ رايوندىق كوميتەتىمەن بىرگە ”ءۇرىمجى قالاسىنىڭ تۇرمىستىق قوقىر - قوقسىقتاردى تۇرگە ايىرۋ“ جونىندە ارناۋلى تەكسەرۋ - زەرتتەۋ جۇرگىزىپ، ايلىق ءماسليحات وتكىزىپ، اسپانى اناعۇرلىم اشىق، تاۋى اناعۇرلىم جاسىل، سۋى اناعۇرلىم تۇنىق كورىكتى شينجياڭ قۇرۋعا ساياسي كەڭەستىڭ كۇش - قۋاتىن قوستى.

　　(4) قىزمەت ساپاسىن جوعارىلاتىپ، مىندەت اتقارۋ ونىمدىلىگىن شىن مانىندە نىعايتتى.

　　ءتۇزىم قۇرىلىسى مەن مىندەت اتقارۋدا جاڭالىق اشۋدى تىنباي جەبەپ، ارناۋلى ءماسليحات قۇرىلىمدارىنىڭ ورنىن كورنەكتىلەندىرىپ، ءماسليحاتتاسۋ قابىلەتى قۇرىلىسىن جاپپاي كۇشەيتىپ، ءماسليحاتتاسۋ، ۇكىمەت ءىسىن اقىلداسۋ ساپاسىن جوعارىلاتۋ پىكىرىن بەلگىلەپ، ارناۋلى كوميتەتتەردىڭ جالپى ەرەجەسىنە، ءتوراعالار ءماجىلىسىنىڭ قىزمەت ەرەجەسىنە وزگەرىس ەنگىزىپ، تەكسەرۋ - زەرتتەۋ قىزمەتىنىڭ اتقارۋ ادىستەرىن كۇشەيتىپ جانە جاقسارتىپ، ساياسي كەڭەستىڭ مىندەت اتقارۋىنىڭ اناعۇرلىم جۇيەلى، جوعارى ءونىمدى بولۋىن ىلگەرىلەتتى. ىندەتتەن ساقتانۋ - تىزگىندەۋدى ۇدايىلاندىرۋ شارتى استىندا مىندەت اتقارۋدىڭ فورمالارىنا بەلسەنە ىزدەنىس جاساپ، مىندەتتەمەلى تەكسەرۋ - زەرتتەۋ، شاعىن بولىمشە اترەتتەر تەكسەرۋ - زەرتتەۋ، تۇيىندەر بوينشا تەكسەرۋ - زەرتتەۋ ارقىلى 310 نۇسقا جوعارى ساپالى تەكسەرۋ - زەرتتەۋ بايانداماسىن دايىندادى. ”پاراساتتى ساياسي كەڭەس“ قۇرىلىسىن جەدەلدەتىپ، ءماسليحاتتاسۋ، ۇكىمەت ءىسىن اقىلداسۋ قيمىلى بارىسىندا نەگىزگى تاقىرىپتى كەڭەسۋ تەكشەسىن تۇڭعىش رەت شىعارىپ، اۆتونوميالى رايوندىق ساياسي كەڭەس تۇراقتى كوميتەتىنىڭ ءماجىلىسىن بەينە ەكران فورماسىمەن وتكىزىپ، ساياسي كەڭەستىڭ بەينە ەكران ءماجىلىسى جۇيەسىنەن پايدالانىپ ارناۋلى كۋرس اشىپ، بەينە ەكران ءتاسىلى ارقىلى ەكراندا جۇزدەسۋ، كنوپكالىق تەكسەرۋ - زەرتتەۋ جۇرگىزىپ، مىندەت اتقارۋ قىزمەتتەرىنىڭ اناعۇرلىم تىڭعىلىقتى، ءونىمدى بولۋىن ىلگەرىلەتتى.

　　ۇسىنىس جوبا جانە مادەنيەت، تاريح قىزمەتىنىڭ ساپاسىنا جول سىلتەۋدى كۇشەيتتى. ۇسىنىس جوبا ”كوپتىگىمەن ەمەس، قۇندىلىعىمەن باعالى“ دەگەننەن جازباي، 767 ۇسىنىس جوبا تاپسىرىپ الىپ، ونىڭ 687سىن ەستەلىككە الدى، ۇسىنىس جوبالاردى بەتپە - بەت اقىلداسۋ مولشەرى، ءبىر جايلى ەتىلۋ مولشەرى، وعان ريزا بولۋ مولشەرى ％100كە جەتتى. مادەنيەت، تاريحي ماتەريالداردى جيناۋ، قۇراستىرۋ قىزمەتىنىڭ ساپاسىن جوعارىلاتىپ، ونىمدىلىگىن ارتتىرۋدى جەبەپ، ”جاڭا تيپتى ايدارشا ۆيرۋس وكپە قابىنۋ ىندەتىنە قارسى اتتانۋ“ تاريحي ماتەريالدارىن جيناۋ قىزمەتىن ءساتتى ىلگەرىلەتتى، 250 مىڭ ارىپتىك ”كەدەيلىكتەن ارىلتۋدان قامال الۋ ەستەلىگى“ ارناۋلى تاقىرىبىنداعى تاريحي ماتەريالدارىن جيناقتاپ، مەملەكەتتىك ساياسي كەڭەسكە «شەتەلدەردەگى چياۋمين باۋىرلاستار مەن وتانعا ورالعان حۋاچياۋلاردىڭ، حۋاچياۋلاردىڭ تۋىس - تۋعاندارىنىڭ وتان قۇرىلىسىنا ات سالىسۋ ەستەلىگى» جانە «كەدەيلىكتەن ارىلتۋدان قامال الۋ قىزمەتى ەستەلىگى» تاقىرىپتارى بويىنشا 500 مىڭ ارىپكە جۋىق ماتەريال جولداپ، مادەنيەت، تاريح ماتەريالدارىنىڭ تاريحتىڭ ايناسى بولۋ، كەڭەس بەرۋ، ىنتىماقتاستىرۋ، ادام تاربيەلەۋ رولىن ساۋلەلەندىردى.

　　ۇگىت جانە قوعام جاعدايى، جۇرت رايى ينفورماتسياسى قىزمەتىن تەرەڭدەتىپ، «شينجياڭ ساياسي كەڭەسى. تيانشانداعى ايبىندى ءۇن» ۇگىتىنىڭ الدىڭعى شەبىن بەكەمدەپ، اقپارات - ۇگىت قىزمەتى ءتۇزىمىن شىعارىپ، تۇتاس جىلدا ءتۇرلى اقپارات قۇرالدارىندا 1800دەن استام حابار - ماقالا جاريالادى. شينجياڭ حالىق ساياسي كەڭەسى نازاريا زەرتتەۋ قوعامىنىڭ كەزەك اۋىستىرۋ قىزمەتىن ورىندادى، ونىڭ كوپتەگەن نازاريالىق زەرتتەۋ جەتىستىكتەرى مەملەكەتتىك ساياسي كەڭەستىڭ ماڭىزدى باسىلىمدارىنا ەنگىزىلدى. قوعام جاعدايىن، جۇرت رايىن اڭىس ەتۋ ارناسىن ىركىلىسسىزدەندىرىپ، كوپ تەكشەلى جاريالاۋ شوعىرىن ءبىر تۇتاس جوسپارلاپ، «شينجياڭ ساياسي كەڭەسى» جۋرنالىنىڭ باسىلىمىن وزگەرتۋ جەتىستىگىن نىعايتىپ، «شينجياڭ ساياسي كەڭەس مۇشەلەرىنىڭ ۇسىنىس - پىكىرى»، «ساياسي كەڭەس جالپى شولۋى» ماتەريالىنان 147 سانىن قۇراستىرىپ تاراتتى، مەملەكەتتىك ساياسي كەڭەستىڭ پايدالانۋ مولشەرى مەن اۆتونوميالى رايون باسشىلارىنىڭ بەكىتپەسىنىڭ سانى ەسەلەپ ارتتى.

　　(5) پارتيانىڭ جالپى بەتتىك باسشىلىعىنا باستان - اياق تاباندى بولىپ، ءوز قۇرىلىسىن شىنايى كۇشەيتتى.

　　جاڭا داۋىردەگى پارتيا قۇرىلىسىنىڭ باستى تالابىن مۇقيات دايەكتىلەندىرىپ، پارتيانىڭ ساياسي كەڭەس قىزمەتىنە باسشىلىق ەتۋ ءتۇزىمى مەن مەحانيزمىن اقاۋسىزداندىرىپ، تياناقتاندىرىپ، اۆتونوميالى رايوندىق پارتكومنان دەر كەزىندە نۇسقاۋ سۇراپ، كەلەلى ىستەر، ماڭىزدى ءماسليحات، اقىل - كەڭەس بەرۋ جەتىستىكتەرىن مالىمدەپ، پارتيانىڭ باسشىلىعىنا تاباندى بولۋدى ساياسي كەڭەس قىزمەتىنىڭ تۇتاس بارىسىنا ءسىڭىردى. ورتالىقتىڭ ساياسي كەڭەس قىزمەتى ماجىلىسىندەگى، اۆتونوميالى رايوندىق پارتكومنىڭ ساياسي كەڭەس قىزمەتى ماجىلىسىندەگى باستى مىندەت ءبولىسى جوباسىن دايەكتىلەندىرۋ، تياناقتاندىرۋ تۋرالى 96 ءتۇرلى ناقتى مىندەتتى ۇيىمداستىرىپ اتقارۋدى دەن قويا مىقتى يگەردى. ساياسي كەڭەس پارتيا باسشىلىق گرۋپپاسىنىڭ باسشىلىق ەتۋ رولىن شىنايى ساۋلەلەندىرىپ، ساياسي كەڭەس پارتيا باسشىلىق گرۋپپاسى، ورگان پارتيا باسشىلىق گرۋپپاسى، ارناۋلى كوميتەت بولىمشە پارتيا باسشىلىق گرۋپپاسى، ورگان پارتكومى، ورگان پارتيا ياچەيكاسى سىندى ”بەس دارەجەلى ۇيىم بىردەي قيمىلداۋداي“ پارتيا قۇرىلىسى قىزمەتىنىڭ ارناسىن اقاۋسىزداندىرىپ، پارتيالى مۇشەلەردىڭ ۇيىمدىق قاتىناسىن قوس قابات باسقارۋ جانە مىندەت اتقارىپ، اقىل - كەڭەس بەرۋ، باعالاۋ سياقتى تۇزىمدەردى تياناقتاندىرىپ، ياچەيكا قۇرىلىسىنىڭ ساپاسىن جوعارىلاتۋدان قامال الۋ ارەكەتىن ورىستەتىپ، ەلەۋلى مىندەت اتقارۋ قيمىلدارىندا ۋاقىتتىق پارتيا ۇيىمدارىن قۇرىپ، پارتيا ۇيىمى مەن پارتيا قىزمەتىنىڭ ”فورمالىق قامتىمنان“ ”ناتيجەلى قامتىمعا“ قاراي بۇرىلىس جاساۋىن ىلگەرىلەتتى. پارتيانى جاپپاي قاتاڭ جونگە سالۋ تۇلعالىق جاۋاپكەرشىلىگىن باتىل ارقالاپ، ورتالىقتىڭ سەگىز ءتۇرلى بەلگىلەمەسىن جانە ونىڭ ەگجەي - تەگجەيلى اتقارىلۋ ەرەجەسىنىڭ رۋحىن قاتاڭ تياناقتاندىرىپ، تاباندىلىقپەن ستيل دۇرىستاپ، ءتارتىپتى قاتايتىپ، فورماشىلدىققا، تورەشىلدىككە باتىل قارسى تۇردى. ساياسي كەڭەس ورگانىندا تۇراتىن ءتارتىپ تەكسەرۋ، باقىلاۋ - تەكسەرۋ گرۋپپاسىنىڭ قىزمەت جاۋاپكەرشىلىگىن اتقارۋىن قولداپ - قۋاتتادى. باقىلاۋدىڭ، ءتارتىپتى اتقارۋدىڭ ”ءتورت ءتۇرلى فورماتسياسىن“ جان - جاقتى قولدانىپ، تەمىردەي ءتارتىپ بولۋدى كۇندەلىكتى داعدى مەن سانالى ولشەمگە اينالدىردى.

　　ارناۋلى كوميتەتتەر مەن مۇشەلەر قوسىنى قۇرىلىسىن كۇشەيتىپ، ارناۋلى كوميتەتتەردىڭ قىزمەت ءماجىلىسىن اشىپ، ارناۋلى كوميتەتتەردىڭ قىزمەتى مەن ءتۇزىم قۇرىلىسىن نىعايتۋ، جاقسارتۋ جونىندەگى اتقارۋ پىكىرىن بەلگىلەدى. ”ساياسي كەڭەستى ءتۇسىنۋ، ءماسليحاتتاسا ءبىلۋ، ءماسليحاتتاسۋعا شەبەر بولۋ، تارتىپكە بويسۇنۋ، قاعيدانى دارىپتەۋ، ءمورالدىق قاسيەتكە ءمان بەرۋ“ تالابىن تياناقتاندىرىپ، مۇشەلەردىڭ مىندەت اتقارۋ ارحيۆىن كەمەلدەندىردى، تۇراقتى كوميتەتتىڭ 117 مۇشەسى مىندەت اتقارۋ مالىمەتىن دەر كەزىندە تاپسىردى، مۇشە مۇقيات ۇلاسقان، ياۋ شينكۇي 2020 - جىلى مەملەكەتتىك وزات قىزمەتكەر اتاعىن الدى، 16 مۇشە اۆتونوميالى رايوندىق وزات جەكە داڭقتى اتاعىنا يە بولدى. مۇشەلەردىڭ مىندەت اتقارۋ قابىلەتىن جوعارىلاتۋ ينجەنەرياسىن اتقارىپ، مۇشەلەردى كوپ ءتۇرلى فورمالارمەن، كوپ ساتىمەن 21 مىڭ ادام - رەت باۋلىدى. مۇشەلەردى قاتاڭ باسقارىپ، ۋستاۆ بويىنشا 15 مۇشەنىڭ مۇشەلىكتەن بوساۋ ءوتىنىشىن قابىلدادى، 4 مۇشەنىڭ تولىمدىلىعىن كۇشىنەن قالدىردى، 6 مۇشەنى ارتتىرىپ - تولىقتىرىپ سايلادى.

　　ساياسي كەڭەس جۇيەسىنىڭ بايلانىس جاساۋىنا جەتەكشىلىكتى كۇشەيتىپ، مەملەكەتتىك ساياسي كەڭەستىڭ ماڭىزدى ماجىلىستەرىنە بەلسەنە قاتىناسىپ، ۇيرەنۋ، دايەكتىلەندىرۋ، تياناقتاندىرۋ احۋالىن دەر كەزىندە مالىمدەپ وتىردى. مەملەكەتتىك ساياسي كەڭەستىڭ شينجياڭداعى مۇشەلەرىنىڭ رولىن ساۋلەلەندىرىپ، مەملەكەتتىك ساياسي كەڭەس 13 - كەزەكتى كوميتەتىنىڭ 3 - ءماجىلىسى كەزىندە شينجياڭدى كەڭ كولەمدە ۇگىتتەپ، تانىستىرىپ، 117 ۇسىنىس جوبا تاپسىردى، ماجىلىستە 86 رەت لەبىز ءبىلدىردى، ىندەتتىڭ ىقپالىنا توتەپ بەرۋ مەحانيزمىن ورناتۋ، شينجياڭدى مادەنيەتپەن نارلەندىرۋ ينجەنەرياسىن اتقارۋ، كەدەيلىكتى جونگە سالۋدىڭ عىلمي، ءونىمدى جۇيەسىن قۇرۋ، قالالارداعى كەدەي حالىقتى قامتاماسىز ەتۋ دەڭگەيىن جوعارىلاتۋ سياقتىلار جونىندە العا قويىلعان ۇسىنىستارعا پارتيا ورتالىق كوميتەتىندەگى، مەملەكەتتىك كەڭەستەگى، مەملەكەتتىك ساياسي كەڭەستەگى باسشىلار بەكىتۋ جازدى جانە تۇراقتاندىردى. شانشي، گانسۋ، چيڭحاي، نيڭشيا سياقتى ولكە - اۆتونوميالى رايونداردىڭ ساياسي كەڭەستەرىمەن سەلبەستىكتى قويۋلاتىپ، جىبەك جولى ەكونوميكالىق بەلدەۋى قۇرىلىسىنا قىزمەت وتەۋ سەلبەستىك، اۋىس - كۇيىس مەحانيزمىن ورناتىپ، وڭىرلىك ءماسليحات تۇعىرىن كۇش بىرىكتىرە قۇرىپ شىقتى. اۆتونوميالى رايوندىق، ايماقتىق، وبلىستىق، قالالىق، اۋداندىق، قالالىق، رايوندىق ساياسي كەڭەستەر مەن بيڭتۋانعا قاراستى اۋدان دارەجەلى قالالىق ساياسي كەڭەستەر اڭگىمە ءماجىلىس وتكىزۋ، اۋىس - كۇيىس جاساۋ، سەلبەسىپ مىندەت اتقارۋ، بايلانىس جاساپ، جەتەكشىلىك ەتۋ مەحانيزمىن ورناتىپ، تۇتاس رايونداعى ءار دارەجەلى ساياسي كەڭەستەردىڭ جوعارىدان تومەنگە دەيىن بىرلەسىپ قيمىلداۋدى ىلگەرىلەتىپ، جالپى قىزمەتتىڭ بىرىككەن كۇشىن قالىپتاستىردى.

　　مۇشەلەر، وتكەن ءبىر جىلداعى تابىستار شي جينپيڭنىڭ جاڭا ءداۋىر جۇڭگوشا سوتسياليزم يدەياسىنىڭ عىلمي جەتەكشىلىگىنىڭ ناتيجەسى، مەملەكەتتىك ساياسي كەڭەستىڭ پارمەندى جەتەكشىلىگىنىڭ ناتيجەسى، اۆتونوميالى رايوندىق پارتكومنىڭ دۇرىس باسشىلىعىنىڭ ناتيجەسى، اۆتونوميالى رايوندىق حالىق قۇرىلتايى تۇراقتى كوميتەتىنىڭ، اۆتونوميالى رايوندىق حالىق ۇكىمەتىنىڭ، شينجياڭ اسكەري رايونىنىڭ، شينجياڭ ءوندىرىس - قۇرىلىس بيڭتۋانىنىڭ، اۆتونوميالى رايوندىق ءتارتىپ تەكسەرۋ، باقىلاۋ - تەكسەرۋ كوميتەتىنىڭ، جوعارى حالىق سوتى مەكەمەسىنىڭ، حالىق پروكۋراتۋراسىنىڭ، سونداي - اق قوعامنىڭ ءار سالاسىنىڭ زور كۇشپەن قولداپ - قۋاتتاۋىنىڭ ناتيجەسى، ءار ۇلت، ءار سالا مۇشەلەرىنىڭ، دەموكراتيالىق پارتيا - توپتاردىڭ، ساۋدا - ونەركاسىپشىلەر بىرلەستىگىنىڭ، حالىقتىق ۇيىمداردىڭ، پارتيادا، توپتا جوق قايراتكەرلەردىڭ جانە قوعامنىڭ ءار سالاسىنداعى قايراتكەرلەردىڭ ءبىر نيەت، ءبىر تىلەكتە بولا وتىرىپ ۇزدىكسىز كۇرەس جۇرگىزۋىنىڭ ناتيجەسى. وسى ورايدا مەن اۆتونوميالى رايوندىق ساياسي كەڭەستىڭ تۇراقتى كوميتەتى اتىنان وسكەلەڭ قۇرمەت بىلدىرەمىن جانە شىن جۇرەكتەن العىس ايتامىن!

　　باس شۋجي شي جينپيڭنىڭ حالىق ساياسي كەڭەس قىزمەتىن كۇشەيتۋ جانە جاقسارتۋ جونىندەگى ماڭىزدى يدەياسىن ولشەم ەتىپ، ورتالىقتىڭ ساياسي كەڭەس قىزمەتى ءماجىلىسىنىڭ رۋحىن ۇلگى ەتىپ، اۆتونوميالى رايوندىق پارتكومنىڭ ساياسي كەڭەس قىزمەتى جونىندەگى تالابىنا سالىستىرىپ ايتساق، مىندەت اتقارۋ قىزمەتىمىزدە ءالسىز بۋىندار ءالى دە ورىن تەۋىپ وتىر: ارناۋلى ءماسليحات قۇرىلىمدارىنىڭ رولىن تولىق ساۋلەلەندىرە الماۋ، قوس باعىتتا كۇش سالۋ مەحانيزمىن ءالى دە اناعۇرلىم اقاۋسىزداندىرۋ، مىندەت اتقارۋ جەتىستىكتەرىن كادەگە جاراتۋ جۇمىسىن تياناقتاندىرۋ تەبىنى جەتەرسىز بولۋ، ت . ب. بۇل ماسەلەلەرگە وسكەلەڭ ءمان بەرىپ، مۇقيات كۇش سالا شەشۋىمىز كەرەك.

　　ەكىنشى، ىنتىماقتاسا ەكپىندەي ىلگەرىلەپ، تىڭ ساپارعا اتتانىپ، رۋحتى سەرپىلتە جاڭا جاعداي اشۋ

　　بيىل − جۇڭگو كوممۋنيستىك پارتياسى قۇرىلعاندىعىنىڭ 100 جىلدىعى، ”14 - بەسجىلدىق“ جوبانىڭ باستالعان جىلى، سونداي - اق شينجياڭنىڭ قوعام ورنىقتىلىعى جەتىستىگىن بەكەمدەۋدەگى، جوعارى ساپالى دامۋدى جەبەۋدەگى، باياندى تىنىشتىققا بەت الۋداعى شەشۋشى ءبىر جىل. ءبىز شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، پارتيا 19 - قۇرىلتايىنىڭ جانە 19 - كەزەكتى ورتالىق كوميتەتىنىڭ ەكىنشى، ءۇشىنشى، ءتورتىنشى، بەسىنشى جالپى ماجىلىستەرىنىڭ رۋحىن ىشكەرىلەي دايەكتىلەندىرىپ، تياناقتاندىرىپ، ورتالىقتىڭ ەكونوميكالىق قىزمەت ءماجىلىسىنىڭ، ورتالىقتىڭ ساياسي كەڭەس قىزمەتى ءماجىلىسىنىڭ جانە 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىن دايەكتىلەندىرىپ، تياناقتاندىرىپ، باس شۋجي شي جينپيڭنىڭ شينجياڭ قىزمەتى جونىندەگى ماڭىزدى سوزدەرى مەن ماڭىزدى نۇسقاۋلارىنىڭ رۋحىن دايەكتىلەندىرىپ، تياناقتاندىرىپ، اۆتونوميالى رايوندىق 9 - كەزەكتى پارتكومنىڭ ونىنشى، ون ءبىرىنشى جالپى ماجىلىستەرىنىڭ رۋحىن دايەكتىلەندىرىپ، تياناقتاندىرىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، ساياسي تۇجىرىمداۋ قابىلەتىن، ساياسي ءتۇسىنۋ قابىلەتىن، ساياسي اتقارۋ قابىلەتىن ۇزدىكسىز جوعارىلاتىپ، جاڭا دامۋ كەزەڭىن دۇرىس يگەرىپ، جاڭا دامۋ ۇستانىمىن ىشكەرىلەي امالياتتا ايگىلەپ، جاڭا دامۋ ارناسىن قۇرۋعا دەم بەرىپ، جۇڭگوشا سوتسياليزمگە تاباندى بولۋ جانە ونى دامىتۋدى ورتاق يدەيالىق - ساياسي نەگىزدى بەكەمدەۋدىڭ نەگىزگى ءوسى، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ءدال دايەكتىلەندىرۋدى، شينجياڭ قىزمەتىنىڭ باس نىساناسىنا قىزمەت ەتۋدى قىزمەتتىڭ نەگىزگى جەلىسى، يدەيالىق - ساياسي جەتەكشىلىكتى كۇشەيتۋدى، ورتاق تانىمدى كەڭىنەن ۇيىستىرۋدى وزەكتى بۋىن ەتىپ، ىنتىماق جانە دەموكراتيا سىندى 2 ۇلكەن تاقىرىپتان جازباي، ارناۋلى ءماسليحات قۇرىلىمدارىنىڭ رولىن ساۋلەلەندىرىپ، نازاردى باس نىساناعا شوعىرلاندىرىپ، ىندەتتەن ساقتانۋ - تىزگىندەۋدى ۇدايىلاندىرۋدى جانە ەكونوميكالىق، قوعامدىق دامۋ قىزمەتىن ءبىر تۇتاس جوسپارلاپ ىلگەرىلەتۋمەن تىعىز بايلانىستىرىپ، مىندەت اتقارىپ، جاۋاپكەرشىلىكتى ادا ەتىپ، زەيىن - زەردەنى، كۇش - قۋاتتى ۇيىستىرىپ، ”شينجياڭدى زاڭمەن جونگە سالۋ، شينجياڭدى ىنتىماقتاسا ورنىقتىرۋ، شينجياڭدى مادەنيەتپەن نارلەندىرۋ، حالىقتى بايىتىپ، شينجياڭدى گۇلدەندىرۋ، شينجياڭدى باياندى كوركەيتۋ“ ۇلى امالياتىنا بەلسەنە ات سالىسۋ بارىسىندا تىڭ جاۋاپكەرشىلىكتى ارقالاپ، جاڭا جاعداي اشۋىمىز كەرەك.

　　(1) شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتە ۇيرەنىپ، ءنارىن تولىق يگەرۋ. شي جينپيڭنىڭ جاڭا ءداۋىر جۇڭگوشا سوتسياليزم يدەياسىن ۇيرەنۋ اڭگىمە ءماجىلىسى تۇزىمىنە تاباندى بولىپ، يدەيالىق - ساياسي جەتەكشىلىكتى ىنتىماقتى، دەموكراتيالى بولۋ بارىسىندا سىرلاسۋ، اڭگىمەلەسۋ، مۇشەلەر لەكسيا جاساۋ، مۇشەلەر ءتۇيىندى تۇردە كوڭىل بولگەن ماسەلەلەردىڭ احۋالىن مالىمدەۋ، كەلەلى، ارناۋلى قىزمەت جونىندە مۇشەلەر لەكسيا جاساۋ سياقتى قىزمەتتەرگە ءسىڭىرۋدى ويداعىداي يگەرىپ، بۇلجىماي پارتياعا ىلەسۋ، ءارقانداي سىن - سىناقتاردا مىزعىماۋ يدەيالىق سانالىلىعىن كۇشەيتىپ، ساياسي كەڭەستى پارتيانىڭ جاڭالىق اشۋ نازارياسى ارقىلى ءار ۇلت، ءار سالا ۋاكىل قايراتكەرلەرىن ىنتىماقتاستىراتىن، تاربيەلەيتىن، باستايتىن ماڭىزدى تۇعىرعا اينالدىرۋ ءتيىس. ۇدايىلانعان ۇيرەنۋ مەحانيزمىن اقاۋسىزداندىرىپ، باس شۋجي شي جينپيڭنىڭ ەڭ جاڭا، ماڭىزدى سوزدەرى مەن ماڭىزدى نۇسقاۋلارىنىڭ رۋحىن دەر كەزىندە ىلەسە ۇيرەنىپ، ۇزدىكسىز ۇيرەنىپ، ۇزدىكسىز امالياتتان وتكىزىپ، ۇزدىكسىز ءتۇسىنىپ، نازاريالىق ساپانى، ساياسي ساپانى ۇزدىكسىز جوعارىلاتىپ، پارتيانىڭ جاڭالىق اشۋ نازارياسىن دۇنيەنى تانۋدىڭ، دۇنيەنى وزگەرتۋدىڭ قۇدىرەتتى رۋحاني قارۋىنا اينالدىرۋعا مۇمكىندىك جاساۋ كەرەك. بىلىكتىلەر ساياسي كەڭەسى قۇرىلىسىن ىشكەرىلەي ىلگەرىلەتىپ، ۇيرەنۋدە ارناۋلى ايدارلار بەلگىلەۋ، نەگىزگى تاقىرىپتىق كىتاپ وقۋ شوعىرىن دايىنداۋ، لەكسيانى باعالاۋ مەحانيزمىن ورناتۋ، ينتەرنەت جەلىسىندە جانە جەلىدەن تىس جۇمىس جۇرگىزۋدى توعىستىرۋ ارقىلى كوپ كىتاپ وقۋ، جاقسى كىتاپ وقۋ، كىتاپ وقۋعا شەبەر بولۋدى تۇتاس رايونداعى ساياسي كەڭەس جۇيەسىندە داعدىعا اينالدىرۋ كەرەك. شينجياڭ ساياسي كەڭەسى قۇرىلعاندىعىنىڭ 70 جىلدىعىن قۇتتىقتاۋ شۇعىلالى تاريحي بەلەس كورمەسى، تاريحي ماتەريالداردى جيناۋ سياقتى جەلىلەس قيمىلدار ۇيىمداستىرىپ، ورىستەتىپ، حالىق ساياسي كەڭەسى ءتۇزىمىن ۇگىتتەۋدى، تانىستىرۋدى كۇشەيتىپ، ءتۇزىم سەنىمىن بەكەمدەپ، ەكپىندەي العا تارتۋدىڭ قوزعاۋشى كۇشىن تاسقىنداتۋ قاجەت.

　　(2) ورتاق تانىمدى ارتتىرىپ، قوعامدىق كەلەلى جاعدايدىڭ باياندى ورنىقتىلىعىن، ۇزاق ۋاقىتتىق ورنىقتىلىعىن قورعاۋ. شينجياڭ قىزمەتىن ستراتەگيالىق جاقتان باعامداۋعا جانە جوسپارلاۋعا تاباندى بولىپ، ورنىقتىلىق − ەڭ زور حالىق تۇرمىسى، شينجياڭنىڭ دامۋى مەن گۇلدەنىپ - كوركەيۋىنىڭ جانى ەكەنىن سەرگەكتىكپەن تانىپ، لاڭكەستىككە قارسى تۇرىپ، ورنىقتىلىقتى قورعاۋدىڭ ۇتىمدى شارالارىنا تاباندى بولۋدان اۋىتقىماي، قوعام ورنىقتىلىعى جەتىستىكتەرىن بەكەمدەۋ، كەڭەيتۋ بارىسىندا ساياسي كەڭەستىڭ جاۋاپكەرشىلىگى مەن ىسكەرلىگىن ايگىلەۋ كەرەك. جۇڭحۋا ۇلتى ورتاق تۇلعا تانىمىن ورناتۋدى ماڭىزدى قىزمەت جاۋاپكەرشىلىگى ەتۋدەن جازباي، ”رايونىمىزداعى ورتا، باستاۋىش مەكتەپ وقۋشىلارىنا جۇڭحۋا ۇلتى ورتاق تۇلعا تانىمى تاربيەسىن ونان ارى كۇشەيتۋدى“ ءماسليحات تاقىرىبى ەتىپ، ارناۋلى اقىل - كەڭەس بەرىپ، جۇڭحۋا ۇلتى ورتاق تۇلعا تانىمىنىڭ ءار ۇلت جاستارى مەن ورەندەرىنىڭ كوكەيىنە تەرەڭ ۇيالاۋىنا مۇمكىندىك جاساۋ قاجەت. جۇرت تىلەگىن ۇيىستىرۋدى ءتۇپ نەگىز ەتۋگە تاباندى بولىپ، مادەنيەتتىڭ رۋحتى سومداۋداعى ماڭىزدى رولىن ساۋلەلەندىرىپ، ”يدەولوگيا سالاسىنداعى قىزمەتتەردى ىشكەرىلەي جاقسى ىستەپ، شينجياڭدى مادەنيەتپەن نارلەندىرۋ ينجەنەرياسىنا دەم بەرۋ“ سىندى ارناۋلى تاقىرىپتا ۇكىمەت ءىسىن كەڭەسۋ سيپاتتى تۇراقتى كوميتەت ءماجىلىسىن اشىپ، شينجياڭنىڭ باياندى تىنىشتىعىنىڭ يدەيالىق نەگىزىن كۇش سالا بەكەمدەۋ ءتيىس. شي جينپيڭنىڭ زاڭمەن جونگە سالۋ يدەياسىن دايەكتىلەندىرىپ، ”رايونىمىزدىڭ الەۋمەتتىك اۋماقتاردى باسقارۋ ءتۇزىلىسى مەحانيزمىن كەمەلدەندىرۋ“، ”رايونىمىزدىڭ ادۆوكاتتار قوسىنى قۇرىلىسىن كۇشەيتىپ، شينجياڭدى زاڭمەن جونگە سالۋ قىزمەتىن ۇزدىكسىز ىلگەرىلەتۋ“ توڭىرەگىندە كۇش جالعاپ تەكسەرۋ - زەرتتەۋ جۇرگىزىپ، لاڭكەستىككە قارسى تۇرىپ، ورنىقتىلىقتى قورعاۋدىڭ زاڭمەن جونگە سالىنۋىن، ۇدايىلانۋىن دەمەۋ كەرەك. ”ءدىن ىستەرىن زاڭ بويىنشا باسقارۋ دەڭگەيىن اناعۇرلىم جوعارىلاتىپ، شينجياڭدا ءىسلام ءدىنىن جۇڭگوشالاندىرۋدى ىلگەرىلەتۋ“ جونىندە ايلىق ءماسليحات اڭگىمە ءماجىلىسىن جاقسى وتكىزىپ، ءدىندى سوتسياليستىك قوعامعا ۇيلەسۋگە بەلسەنە جەتەكتەۋ كەرەك. ساياسي كەڭەستىڭ كەڭ كولەمدى بايلانىس جاساۋ ابزالدىلىعىن ساۋلەلەندىرىپ، شينجياڭ حيكاياسىن كوپ ساتىلى، جان - جاقتى، سترەولدى تۇردە جاقسى بايانداپ، شينجياڭنىڭ ورنىقتىلىعى مەن دامۋىنىڭ اسا تاماشا جاعدايىن اسقاقتاتا ۇگىتتەپ، جاندى دا شىنايى ىستەر ارقىلى جۇڭگو كوممۋنيستىك پارتياسىنىڭ باسشىلىعى مەن جۇڭگوشا سوتسياليزم ءتۇزىمىنىڭ ساياسي ابزالدىلىعىن ايگىلەپ، وتاندى، شينجياڭدى سۇيەتىن دوس كۇشتەردى كەڭ كولەمدە ىنتىماقتاستىرۋ، ۇيىستىرۋ كەرەك.

　　(3) ىندەتتەن ساقتانۋدى ۇدايىلاندىرۋ مەن جوعارى ساپالى دامۋدى ىلگەرىلەتۋگە دەم بەرۋ. اۆتونوميالى رايوندىق پارتكومنىڭ ”ءۇشتى ءبىر تۇتاس جوسپارلاۋدى“ كۇشەيتۋ، ”ءۇش ءىرى ءىستى“ جاقسى يگەرۋ جونىندەگى ورنالاستىرۋىمەن تىعىز بايلانىستىرىپ، ىندەتتەن ساقتانۋ - تىزگىندەۋدى ۇدايىلاندىرۋ بارىسىندا مىندەتتى عىلمي اتقارۋعا تاباندى بولىپ، پارتيا - توپتاردى جانە ءار ۇلت، ءار سالا قايراتكەرلەرىن ”ىندەت كوز الدىمىزدا، قاسىمىزدا، توڭىرەگىمىزدە“ دەيتىن تانىمدى كۇشەيتۋگە باستاپ، ءارقايسى جاقتارداعى كۇشتەرمەن كەڭ كولەمدە ىنتىماقتاسىپ، ”ءتورت ەرتە بولۋ“ شاراسىن تياناقتاندىرىپ، ”ءۇش قاقپانى“ جاقسى قورعاپ، ”سەگىز ءتۇرلى باقىلاۋ - ولشەۋ، ساقتاندىرۋ مەحانيزمىنەن“ ويداعىداي پايدالانىپ، ”سىرتتان كىرۋدەن ساقتانۋ، ىشتە قايتا بەلەڭ بەرۋدەن ساقتانۋ“ قىزمەتىن باستان - اياق بايىپپەن جاقسى ىستەۋگە كۇش سالۋ ءتيىس. ساياسي كەڭەستىڭ اقىل - پاراسات شوعىرلانعان باسىمدىعىن ساۋلەلەندىرىپ، اۆتونوميالى رايوننىڭ ”14 - بەسجىلدىق“ جوبانى اتقارۋى مەن ”10 ءتۇيىندى قىزمەتتى“ ىلگەرىلەتۋدى ارقاۋ ەتىپ، كوپ بولىپ اقىل قوسۋ، كوپ بولىپ ۇتىمدى ءادىس - شارالار قاراستىرۋ كەرەك. مازمۇنى باي ءماسليحاتتاسۋ فورمالارى مەن اقاۋسىز ءماسليحات مەحانيزمىنە سۇيەنىپ، ”التىنى ورنىقتىرۋ“، ”التىنى قامتاماسىز ەتۋ“ جانە جاڭا دامۋ ارناسىن قۇرۋ، جىبەك جولى ەكونوميكالىق بەلدەۋىندەگى وزەكتى رايون قۇرىلىسىن جەدەلدەتۋ، ”10 ءىرى كاسىپتى ساپالىلاندىرۋ، كۇشەيتۋ“، نەگىزدىك قۇرىلعى قۇرىلىسىن كۇشەيتۋ، جاڭاشا قالا - قالاشىقتاندىرۋدى بەلسەنە ىلگەرىلەتۋ، ءوندىرىس حاۋىپسىزدىگىن جاقسى يگەرۋ سياقتى ءتۇيىندى قىزمەتتەردى تىعىز بىرلەستىرىپ، ىشكەرىلەي تەكسەرىپ - زەرتتەپ، دالمە - ءدال ۇسىنىس - پىكىر بەرۋ كەرەك. 2 - كەزەكتى باتىس سولتۇستىكتەگى 5 ولكە (اۆتونوميالى رايوندىق) ساياسي كەڭەستەرىنىڭ باتىسقا ەسىك اشۋعا دەم بەرۋ بىرلەسكەن ءماجىلىسىن ويداعىداي وتكىزىپ، ءارقايسى جاقتاردىڭ قولداۋىنا يە بولۋعا بەلسەنە كۇش سالۋ قاجەت. ”كاسىپ سالاسىن دامىتۋدى تىرەك ەتىپ، اۋىل - قىستاقتى گۇلدەندىرۋدى جاپپاي ىلگەرىلەتۋ“ ارناۋلى تاقىرىبىنداعى ۇكىمەت ءىسىن كەڭەسۋ سيپاتتى تۇراقتى كوميتەت ءماجىلىسىن ويداعىداي اشىپ، كەدەيلىكتەن ارىلتۋدان قامال الۋ جەتىستىگىن بەكەمدەۋدىڭ اۋىل - قىستاقتى گۇلدەندىرۋمەن ۇتىمدى ۇشتاسۋىنا دەم بەرۋ ءتيىس. حالىق ءۇشىن قىزمەت ىستەۋ قىزمەت باعىتىن مىقتى يگەرىپ، ساياساتتى ۇگىتتەۋ، يدەيالىق جەتەكشىلىك ەتۋ، ورتاق تانىمدى ارتتىرۋ قىزمەتىن تىڭعىلىقتى ويداعىداي ىستەپ، جۇمىستانۋ، وقۋ - اعارتۋ، ەمدەۋ، سالاماتتىق، قوعامدىق قامتاماسىزداندىرۋ سياقتى حالىققا ءتيىمدى ءتۇيىندى ينجەنەريالاردىڭ تياناقتاندىرىلىپ، ونىمدىلىك كورسەتۋىنە دەم بەرۋ قاجەت. شي جينپيڭنىڭ ەكولوگيالىق وركەنيەت يدەياسىن سانالىلىقپەن امالياتتا ايگىلەپ، وزەن - كول باستىعى ءتۇزىمىن، ورمان - توعاي باستىعى ءتۇزىمىن تياناقتاندىرۋدى ارقاۋ ەتىپ، شولەيتتەنۋدى جانە سۋ، توپىراقتىڭ شايىلۋىن جان - جاقتى جونگە سالۋدى ىلگەرىلەتۋ، جاسىل، تومەن كومىرتەكتى دامۋ سياقتىلاردى ارقاۋ ەتە تەكسەرۋ - زەرتتەۋ جۇرگىزىپ، اقىل - كەڭەس بەرىپ، كورىكتى شينجياڭ قۇرۋعا ۇسىنىس قويىپ، كۇش قوسۋ كەرەك.

　　ءۇشىنشى، شينجياڭدى جونگە سالۋ جالپى جوباسى − مەملەكەتتىڭ ءىرى ءىسى، ايبىندى كۇشتە حالىقتىڭ ارمان - تىلەگىنە سۇيەنۋ

　　باس شۋجي شي جينپيڭ: ”مەملەكەتتىڭ ءىرى ءىسى جونىندە كوكەيدە سان بولۋ، پارتيا ورتالىق كوميتەتىنىڭ نەمەنەگە كوڭىل بولگەنىنە، نەنى باسا دارىپتەگەنىنە نازار اۋدارۋ، پارتيا مەن مەملەكەتتىڭ ەڭ ماڭىزدى مۇددەسىنىڭ نە ەكەندىگىن، باتىل قورعاۋعا ءتيىستى ەڭ قاجەتتى تۇرعىسىنىڭ نە ەكەندىگىن تەرەڭ ءتۇسىنۋ كەرەك“ دەپ باسا دارىپتەدى. ءبىز باس شۋجي شي جينپيڭنىڭ ىقىلاستى تاپسىرماسىن، ءسوز جوق، ەستە بەرىك ساقتاپ، ”ەكى كەلەلى جاعدايدى“ باستان - اياق كوكەيدەن شىعارماي، جاڭا داۋىردەگى پارتيانىڭ شينجياڭدى جونگە سالۋ جالپى جوباسى سىندى وسى ”مەملەكەتتىڭ ءىرى ءىسىن“ يگەرىپ، حالىقتى وزەك ەتكەن دامۋ يدەياسىنا تاباندى بولىپ، ”ماڭىزدى شەپ، ماڭىزدى تۇعىر، ماڭىزدى ارنا“ بولۋ رولىن ساۋلەلەندىرىپ، باياندى تىنىشتىق اۋقىمىن قالىپتاستىرۋدىڭ، باياندى تىنىشتىق ورناتۋدىڭ ايبىندى كۇشىن كەڭىنەن ۇيىستىرۋىمىز كەرەك.

　　(1) ساياسي ابزالدىلىقتى ساۋلەلەندىرىپ، پارتيانىڭ باسشىلىعىن ساياسي كەڭەس قىزمەتىنىڭ جالپى بارىسىندا بۇلجىماي تياناقتاندىرۋ. جۇڭگو كوممۋنيستىك پارتياسىنىڭ باسشىلىعى − جۇڭگوشا سوتسياليزمنىڭ ەڭ ءتۇبىرلى ەرەكشەلىگى، حالىق ساياسي كەڭەسى ىستەرىنىڭ دامىپ، العا باسۋىنىڭ ءتۇبىرلى كەپىلى. جاڭا داۋىردەگى جۇڭگوشا سوتسياليستىك شينجياڭدى جاپپاي قۇرۋ جوباسى اناعۇرلىم ايبىندى بولعان سايىن، باياندى تىنىشتىققا بەت الۋ مىندەتى دە سولعۇرلىم جاپالى بولادى، جۇڭگو كوممۋنيستىك پارتياسى باسشىلىعىنىڭ ساياسي ابزالدىلىعى مەن جۇڭگوشا سوتسياليزم ءتۇزىم ابزالدىلىعى اناعۇرلىم ساۋلەلەنگەن سايىن، پارتيانىڭ ساياسي كەڭەس قىزمەتىنە جاپپاي باسشىلىعىنا سولعۇرلىم بۇلجىماي تاباندى بولۋعا بولادى، سوندا عانا حالىق ساياسي كەڭەس پارتيانىڭ ءتۇرلى قىزمەتتەرگە باسشىلىق ەتۋىنە تاباندى بولۋدىڭ جانە ونى كۇشەيتۋدىڭ ماڭىزدى شەبىنە اينالادى. تۋى ايقىن تۇردە ساياسيدى دارىپتەپ، باس شۋجي شي جينپيڭنىڭ ۇيتقىلىق ورنىن باتىل قورعاۋدى، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ ورتالىقتانعان ءبىر تۇتاس باسشىلىعىن باتىل قورعاۋدى ەڭ ۇلكەن ساياسي، ەڭ ماڭىزدى ساياسي ءتارتىپ جانە ساياسي قاعيدا ەتىپ، باتىل تۇردە تاباندىلىقپەن شينجياڭ استانا بەيجيڭنەن شالعاي بولعانىمەن، ءبىزدىڭ جۇرەگىمىز باستان - اياق شي جينپيڭ جولداستى ۇيتقى ەتكەن پارتيا ورتالىق كوميتەتىمەن بىتە قايناسىپ، تىعىز توعىسىپ، يدەيادا، ساياسيدا، ارەكەتتە شي جينپيڭ جولداستى ۇيتقى ەتكەن پارتيا ورتالىق كوميتەتىمەن باستان - اياق وسكەلەڭ ءبىر اۋىزدىلىقتى ساقتاپ، بارلىق ارەكەتتە پارتيا ورتالىق كوميتەتىنىڭ بۇيرىعى مەن قولباسشىلىعىنا بويسۇنۋىمىز كەرەك. ءار دارەجەلى ساياسي كەڭەس پارتيا باسشىلىق گرۋپپالارىنىڭ بەتالىستى يگەرۋ، كەلەلى جاعدايدى مەڭگەرۋ، تياناقتاندىرۋعا كەپىلدىك ەتۋ سىندى باسشىلىق رولىن ساۋلەلەندىرىپ، پارتيانىڭ ساياسي قۇرىلىسىن ءبىر تۇتاس باسشىلىققا الا وتىرىپ ساياسي كەڭەستەگى پارتيانىڭ ءتۇرلى قۇرىلىسىن ىلگەرىلەتىپ، يدەيالىق - ساياسي قۇرىلىستى جەتەكشى ەتىپ، حالىق ساياسي كەڭەسىنىڭ ساياسي ورتاق تۇلعا قۇرىلىسىن جەبەپ، ءتۇزىمدى اتقارۋى، دەموكراتيالىق ءتارتىبى جانە ءونىمدى قىزمەتى ارقىلى باس شۋجي شي جينپيڭنىڭ شينجياڭ قىزمەتى جونىندەگى ماڭىزدى سوزدەرى مەن ماڭىزدى نۇسقاۋلارىنىڭ رۋحىن، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن ساياسي كەڭەستەگى پارتيا - توپتاردىڭ جانە ءار ۇلت، ءار سالا قايراتكەرلەرىنىڭ كەڭ كولەمدى ورتاق تانىمىنا جانە سانالى ارەكەتىنە اينالدىرىپ، جۇدىرىقتاي جۇمىلىپ، پارتياعا ىلەسەتىن قۇدىرەتتى بىرىككەن كۇش قالىپتاستىرۋىمىز كەرەك.

　　(2) سيپاتى مەن ورنىن يگەرىپ، ارناۋلى ءماسليحات قۇرىلىمدارىنىڭ شينجياڭدى جونگە سالۋ جۇيەسىندەگى ماڭىزدى رولىن تولىق ساۋلەلەندىرۋ. تۇتاس رايونداعى 120 ساياسي كەڭەس ۇيىمى مەن 15 مىڭنان استام ساياسي كەڭەس مۇشەسى − شينجياڭنىڭ ءتۇرلى ىستەرىنىڭ دامۋىن ىلگەرىلەتەتىن ماڭىزدى كۇش. ءبىز جاۋاپكەرشىلىگىمىزدى كوكەيىمىزدە ساقتاپ، جاۋاپكەرشىلىگىمىزدى ارقالاپ، جاۋاپكەرشىلىگىمىزدى ادا ەتىپ، ارناۋلى ءماسليحات قۇرىلىمى قۇرىلىسىن بەلسەنە ىلگەرىلەتىپ، ”قۇرىلۋ“ ساپاسىن قۇلشىنا جوعارىلاتىپ، ”ارنايىلانۋ“ دەڭگەيىن ايگىلەپ، ”ءماسليحاتتاسۋ“ ەرەكشەلىگىن كورنەكتىلەندىرىپ، ”كەڭەسپەن پىشكەن تون كەلتە بولمايدى، كوپتىڭ ءىسىن كوپ بولىپ اقىلداسۋدى“ تۇزىمدەندىرۋ امالياتىن ۇزدىكسىز بايىتىپ، شينجياڭدى جونگە سالۋ جۇيەسى مەن جونگە سالۋ قابىلەتىن وسىزامانداندىرۋدى ىلگەرىلەتۋ بارىسىندا اناعۇرلىم زور رول اتقارۋىمىز؛ ارناۋلى ءماسليحات قۇرىلىمىندىق كومەسكى كۇشىن اشىپ، ىندەتتەن ساقتانۋ - تىزگىندەۋدى ۇدايىلاندىرۋعا جانە ينتەرنەتتىڭ دامۋىنا سايكەسىپ، ءماسليحاتتاسۋدى نەگىزگى قىزمەت رەتىندە ورىستەتىپ، اۆتونوميالى رايوننىڭ ”14 - بەسجىلدىق“ كەزىندەگى ەكونوميكالىق، قوعامدىق دامۋىنىڭ 10 جاقتاعى باستى مىندەتىمەن تىعىز بايلانىستىرىپ، ءماسليحات، كەڭەس تاقىرىپتارىن بەلگىلەپ، كەڭ كولەمدى، كوپ ساتىلى، تۇزىمدەنگەن تالاپتارعا ساي ۇكىمەت ءىسىن ءماسليحاتتاسۋ، كەڭەسۋ تۇعىرىن ويداعىداي قۇرىپ، ساياسي كەڭەس ءماسليحاتىنىڭ ”بەتپە - بەتتەن“ ”كنوپكالىققا“، ”ەكراندا جۇزدەسۋگە“ بەت الىپ، الىس ارالىقتان ءماسليحاتتاسۋعا، ينتەرنەتتە ۇكىمەت ءىسىن اقىلداسۋعا قاراي كەڭەيۋىن ىلگەرىلەتىپ، اقىلداسۋ ارقىلى بىرلىككە كەلۋگە، سەلبەسۋ ارقىلى شينجياڭنىڭ باياندى تىنىشتىققا بەت الۋىنا دەم بەرۋىمىز؛ اۆتونوميالى رايوندىق پارتكوم بەكىتكەن جىلدىق ءماسليحات جوسپارىن جاپپاي تياناقتاندىرىپ، ءماسليحات دەموكراتياسىن مىندەت اتقارۋدىڭ تۇتاس بارىسىنا ءسىڭىرىپ، شەشىم جاساۋدان بۇرىن ءماسليحاتتاسۋ جانە شەشىمدى اتقارۋ بارىسىندا تياناقتاندىرۋ مەحانيزمىن كەمەلدەندىرىپ، ساياسي كەڭەستىڭ ءماسليحاتىن تۇزىمدەندىرۋ امالياتىنىڭ جاڭا تاجىريبەلەرى مەن جاڭا ادىستەرى جونىندە بەلسەنە ىزدەنىس جاساپ، ءماسليحاتتاسۋ ارقىلى تىلەكتى ءونىمدى شوعىرلاندىرىپ، تىلەكتى توعىستىرۋ ارقىلى كۇش ۇيىستىرىپ، ساياسي كەڭەس ءتۇزىمىنىڭ ابزالدىلىعىن شينجياڭدى جونگە سالۋ ونىمدىلىگىنە اينالدىرۋىمىز كەرەك.

　　(3) وزەكتى بۋىنداردى مىقتى يگەرىپ، بەرەكە - بىرلىكتە بولىپ، جاڭا داۋىردەگى جۇڭگوشا سوتسياليستىك شينجياڭ قۇرۋ. ىنتىماق − جەڭىسكە جەتۋدىڭ جاۋھارى، جۇرت تىلەگى − ەڭ ۇلكەن ساياسي. حالىق ساياسي كەڭەسىنىڭ بىرلىكساپ ۇيىمى بولۋ فۋنكتسيالىق رولىن ساۋلەلەندىرىپ، زەيىن - زەردەنى، كۇش - قۋاتتى ۇيىستىرۋ سىندى كەلەلى قىزمەتتى ويداعىداي ىستەۋىمىز كەرەك. جاقسى دوس تاۋىپ، دۇرىس جولمەن ۇزاقتى كوزدەپ، جوسىن ارقىلى كوپتى يلاندىرىپ، كوپ بولىپ جۇمىلا كىرىسىپ، ۇيرەنۋدى كۇشەيتۋ ارقىلى ورتاق تانىمدى ايقىنداۋعا، ءماسليحاتتاسۋ ارقىلى اۋىس - كۇيىس جاساپ، ورتاق تانىم ۇيىستىرۋعا، ىنتىماق − سىن − ىنتىماق ارقىلى ورتاق تانىمدى نىعايتۋعا تاباندى بولىپ، ءار ۇلت، ءار سالا قايراتكەرلەرىنىڭ يدەياسى مەن كۇش - قۋاتىن جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ءدال دايەكتىلەندىرۋگە شوعىرلاندىرىپ، تىلەكتى توعىستىرۋدا بەتالىس، كۇش ۇيىستىرۋدا نىسانا بولۋدى ورىنداۋىمىز؛ ورتاق تانىم ۇيىستىرۋدى كوزدەن كەشىرۋ، تەكسەرۋ - زەرتتەۋ، ءماسليحاتتاسۋ، ۇكىمەت ءىسىن كەڭەسۋ سياقتى ءتۇرلى قيمىلدارعا سىڭىرۋگە تاباندى بولىپ، ۇسىنىس - پىكىر بەرۋ جەتىستىكتەرى مەن يدەيالىق تابىس جاعىندا ءبىر تۇتاس جوبا جاساپ، ءبىر تۇتاس تياناقتاندىرىپ، ورتاق تانىمدى ۇيىستىرۋ جانە ونى تاراتۋ ارناسىن كەڭەيتىپ، تىلەكتى توعىستىرۋدا دانەكەر، كۇش ۇيىستىرۋدا تۇعىر بولۋدى ورىنداۋىمىز؛ قىزمەتتى، جەتەكشىلىكتى، ءتۇيىندى ساتىلى ورىستەتۋگە تاباندى بولىپ، پارتيا ىشىنەن پارتيا سىرتىنا، تۇراقتى مۇشەلەردەن مۇشەلەرگە، مۇشەلەردەن سالالار مەن بۇقاراعا دەيىنگى ورتاق تانىم ۇيىستىرۋ قىزمەت ارناسىن قالىپتاستىرىپ، تىلەكتى توعىستىرۋدا جاڭالىق، كۇش ۇيىستىرۋدا شەبەرلىك بولۋدى ورىنداۋىمىز؛ ءار ۇلت، ءار سالا مۇشەلەرىنىڭ ىقپالىن ساۋلەلەندىرىپ، كەيبىر ۇرىمتال، تولعاقتى، ءجىتى قاداعالاناتىن تۇيىندەردە يدەيالىق - ساياسي جەتەكشىلىكتى كۇشەيتىپ، ”ۇعىسۋ، تيىمدىلىك جاساۋ، توعىستىرۋ“ قيمىلى بويىنشا قىستاقتا تۇرۋ، ”ۇلتتار ىنتىماعىنىڭ بەرەكەلى شاڭىراعى“ جانە ۇلتتار ىنتىماعى بىرلەسكەن دوستىق قيمىلى سياقتى بۇقارالىق قىزمەتتەردى دەن قويا، سۇيىسپەنشىلىكپەن جاقسى ىستەپ، حالىق ساياسي ءماسليحات كەڭەسىن ورتاق يدەيالىق - ساياسي نەگىزدە قايشىلىقتاردى شەشۋدىڭ جانە ورتاق تانىمدى ۇيىستىرۋدىڭ ماڭىزدى ارناسىنا اينالدىرىپ، ءار ۇلت، ءار سالا بۇقاراسىن پارتيانىڭ توڭىرەگىنە اناعۇرلىم تىعىز ىنتىماقتاستىرىپ، شينجياڭنىڭ باياندى تىنىشتىعىن جۇزەگە اسىرۋعا مىعىم ساياسي جانە قوعامدىق نەگىز قالاۋىمىز كەرەك.

　　مۇشەلەر، وسى ۇلى داۋىرگە كەز كەلۋ − وڭاي كەلمەس ورايىمىز؛ ۇلى ءداۋىردىڭ اتويشىسى بولۋ − داڭقتى بورىشىمىز. ءبىز شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، اۆتونوميالى رايوندىق پارتكومنىڭ باسشىلىعىندا، جۇدىرىقتاي جۇمىلىپ، ۇدەرە العا تارتىپ، جاڭا داۋىردەگى ساياسي كەڭەس قىزمەتىندە ۇزدىكسىز جاڭا جاعداي اشىپ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىنىڭ شينجياڭ تاراۋىن جازىپ، جۇڭگو كوممۋنيستىك پارتياسى قۇرىلعاندىعىنىڭ 100 جىلدىعىن ۇزدىك ناتيجەلەرمەن قۇتتىقتايىق!

　　(اۆتونوميالى رايوندىق ساياسي كەڭەس 12 - كەزەكتى كوميتەتىنىڭ 4 - ءماجىلىسىنىڭ اۋدارما گرۋپپاسى اۋداردى)