تيانشان تورى
تيانشان تورى   ›   جاڭالىقتار   ›   سۋرەتتى حابار

ورتالىقتىڭ 6 - شارلاۋ گرۋپپاسى شينجياڭ ۇيعۇر اۆتونوميالى رايوندىق پارتكومعا شارلاۋ جاعدايىن اڭىس ەتتى

  ءوز حابارىمىز. پارتيا ورتالىق كوميتەتىنىڭ ورنالاستىرۋىنا ساي، 2 - ايدىڭ 3 - كۇنى ورتالىق شارلاۋ قىزمەتى باسشىلىق گرۋپپاسى 19 - كەزەكتى ورتالىق كوميتەتتىڭ 6 - كەزەك شارلاۋىنان اڭىس ەتۋ ءماجىلىسىن اشىپ، باس شۋجي شي جينپيڭنىڭ شارلاۋدىڭ جالپىلىق جاعدايىنان جاسالعان مالىمەتتى تىڭداعان كەزدە سويلەگەن ماڭىزدى ءسوزىنىڭ رۋحىن جەتكىزىپ، ۇيرەنىپ، شارلاۋ بويىنشا رەتتەۋ - تۇزەتۋدى جانە رەتتەۋ - تۇزەتۋگە داعدىلى باقىلاۋ جۇرگىزۋدى ويداعىداي يگەرۋ جونىندە شوعىرلى ورنالاستىرۋ جاسادى، ايقىن تالاپتاردى ورتاعا قويدى. 2 - ايدىڭ 6 - كۇنى ورتالىقتىڭ 6 - شارلاۋ گرۋپپاسى شينجياڭ ۇيعۇر اۆتونوميالى رايوندىق پارتكومعا شارلاۋ جاعدايىن اڭىس ەتتى. گرۋپپا باستىعى ۋاڭ رۇڭجۇن جەكە - جەكە شينجياڭ ۇيعۇر اۆتونوميالى رايوندىق پارتكومنىڭ شۋجيى چىن چۋانگوعا جانە شينجياڭ ۇيعۇر اۆتونوميالى رايونىنىڭ باسشىلىق القاسىنا شارلاۋ جاعدايىن اڭىس ەتتى ءارى ورتالىق شارلاۋ قىزمەتى باسشىلىق گرۋپپاسىنىڭ شارلاۋ بويىنشا رەتتەۋ - تۇزەتۋ قىزمەتى جونىندەگى تالاپتارىن جەتكىزدى. چىن چۋانگو باسشىلىق القاسىنا اڭىس ەتۋ ءماجىلىسىن باسقاردى ءارى شارلاۋ بويىنشا رەتتەۋ - تۇزەتۋ قىزمەتىن جاقسى ىستەۋ جونىندە ءسوز سويلەدى.

  ۋاڭ رۇڭجۇن اڭىس ەتكەن كەزدە بىلاي دەپ اتاپ كورسەتتى: شينجياڭ ۇيعۇر اۆتونوميالى رايوندىق پارتكوم شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، 2 - رەتكى، 3 - رەتكى ورتالىقتىڭ شينجياڭ قىزمەتى جونىندەگى اڭگىمە ماجىلىستەرىنىڭ رۋحىن مۇقيات ۇيرەنىپ، دايەكتىلەندىرىپ، پارتيانى باسقارۋدىڭ، پارتيانى جونگە سالۋدىڭ ساياسي جاۋاپكەرشىلىگىن اتقارىپ، پارتيانى جاپپاي قاتاڭ جونگە سالۋدى ۇزدىكسىز ىلگەرىلەتىپ، ساياسي ەكولوگيانى ۇزدىكسىز جاقسارتتى. شارلاۋ بارىسىندا كەيبىر ماسەلەلەر دە بايقالدى، باستىسى، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن، اسىرەسە، باس شۋجي شي جينپيڭنىڭ شينجياڭ قىزمەتى جونىندەگى ماڭىزدى ءسوزى مەن ماڭىزدى نۇسقاۋىنىڭ، بەكىتۋىنىڭ رۋحىن ۇيرەنۋ، دايەكتىلەندىرۋ دەرلىكتەي جان - جاقتىلى، جۇيەلى ەمەس، جونگە سالۋ جۇيەسى مەن جونگە سالۋ قابىلەتى قۇرىلىسىندا جەتەرسىزدىك بار، جۇڭحۋا ۇلتى ورتاق تۇلعا تانىمىن بەرىك ورناتۋ دەرلىكتەي تىڭعىلىقتى ەمەس، جوعارى ساپالى دامۋدى ىلگەرىلەتۋ دەرلىكتەي پارمەندى ەمەس، شينجياڭدى زاڭمەن جونگە سالۋ، شينجياڭدى ىنتىماقتاسا ورنىقتىرۋ، شينجياڭدى مادەنيەتپەن نارلەندىرۋ، حالىقتى بايىتىپ شينجياڭدى گۇلدەندىرۋ، شينجياڭدى باياندى كوركەيتۋدە ءالسىز بۋىندار ساقتالىپ وتىر؛ پارتيانى جاپپاي قاتاڭ جونگە سالۋدىڭ ”ەكى جاۋاپكەرشىلىگىن“ تياناقتاندىرۋدا ولقىلىق بار، قىسىمدى جەتكىزۋ دەرلىكتەي تىڭعىلىقتى ەمەس، كەيبىر ءتۇيىندى سالالارداعى، وڭىرلەردەگى پاكتىك حاۋىپ - قاتەرىنەن ساقتانۋ - تىزگىندەۋ دەرلىكتەي پارمەندى ەمەس، فورماشىلدىق، تورەشىلدىك ماسەلەلەرى ءالى دە تۋىلىپ وتىر؛ جاڭا داۋىردەگى پارتيانىڭ ۇيىمدىق لۋشيانىن تياناقتاندىرۋ دەرلىكتەي تىڭعىلىقتى ەمەس، باسشىلىق القا قۇرىلىسىن اناعۇرلىم كۇشەيتۋگە تۋرا كەلىپ وتىر، كادر - دارىندىلار قوسىنى قۇرىلىسىندا ءالى دە ولقىلىقتار بار، نەگىزگى ساتىداعى پارتيا قۇرىلىسى ءالى دە ءبىرشاما ءالسىز؛ ورتالىقتىڭ شارلاۋ، قازىنالىق باقىلاۋ سياقتى باقىلاۋلارىندا بايقالعان ماسەلەلەر مەن ”اۋەلگى ماقساتتى ۇمىتپاۋ، بورىشتى ەستە بەرىك ساقتاۋ“ نەگىزگى تاقىرىپتىق تاربيەسىن قاداعالاۋدا بايقالعان ماسەلەلەردىڭ كەيبىرەۋلەرىن رەتتەۋ - تۇزەتۋ دەرلىكتى تىڭعىلىقتى ەمەس. سونىمەن بىرگە شارلاۋ گرۋپپاسى تاعى كەيبىر باسشى كادرلار جونىندە اڭىس ەتىلگەن ماسەلە ءىز - دەرەگىن تاپسىرىپ الىپ، قاتىستى بەلگىلەمە بويىنشا ورتالىق ءتارتىپ تەكسەرۋ كوميتەتى، مەملەكەتتىك باقىلاۋ - تەكسەرۋ كوميتەتى، ورتالىق كوميتەت ۇيىمداستىرۋ ءبولىمى قاتارلى قاتىستى جاقتاردىڭ ءبىر جاقتى ەتۋىنە وتكىزدى.

  ۋاڭ رۇڭجۇن 5 تۇيىندە رەتتەۋ - تۇزەتۋ پىكىر - ۇسىنىسىن العا قويدى: ءبىرىنشى، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جانە 2 - رەتكى، 3 - رەتكى ورتالىقتىڭ شينجياڭ قىزمەتى جونىندەگى اڭگىمە ماجىلىستەرىنىڭ رۋحىن مۇقيات ۇيرەنىپ، دايەكتىلەندىرىپ، ساياسي قۇرىلىستى ىشكەرىلەي كۇشەيتىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، ساياسي تۇجىرىمداۋ قابىلەتىن، ساياسي ءتۇسىنۋ قابىلەتىن، ساياسي اتقارۋ قابىلەتىن جوعارىلاتىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ءدال دايەكتىلەندىرىپ، تياناقتاندىرىپ، شينجياڭنىڭ ءوز ورنىن ءدال يگەرىپ، ەكونوميكالىق، قوعامدىق دامۋدى جۇيەلى جوسپارلاپ، ءبىر تۇتاس جوسپارلاپ ىلگەرىلەتىپ، جۇڭحۋا ۇلتى ورتاق تۇلعا تانىمىن شىن مانىندە بەكەمدەپ، جونگە سالۋ جۇيەسى مەن جونگە سالۋ قابىلەتىنىڭ وسىزاماندانۋ دەڭگەيىن ۇزدىكسىز جوعارىلاتىپ، شينجياڭ قوعامىنىڭ كەلەلى جاعدايىنىڭ ۇزدىكسىز ورنىقتىلىعىن، ۇزاق ۋاقىت ورنىقتىلىعىن ساقتاۋ. ەكىنشى، ساياسي دەڭگەيدى ونان ارى جوعارىلاتىپ، قىزمەت مەحانيزمىن اقاۋسىزداندىرىپ، بيڭتۋان مەن جەرگىلىكتى ورىننىڭ توعىسا دامۋىن جەبەۋ. ءۇشىنشى، پارتيانى جاپپاي قاتاڭ جونگە سالۋدىڭ ”ەكى جاۋاپكەرشىلىگىن“ قاتايتىپ، ناقتىلاندىرىپ، قاتاڭدىق سىندى نەگىزگى اۋەنگە ۇزاق ۋاقىت تاباندى بولىپ، پارتيا ستيلى، پاكتىك قۇرىلىسىن جانە شىرىكتەسۋگە قارسى تۇرۋ كۇرەسىن ءبىر ءسات تە تىنباي ىلگەرىلەتىپ، قىسىمدى ساتى سايىن جەتكىزىپ، ءتۇيىندى سالالارداعى، ءتۇيىندى وڭىرلەردەگى شىرىكتەسۋ ماسەلەسىن جازالاۋ - جونگە سالۋ تەبىنىن ارتتىرىپ، فورماشىلدىق، تورەشىلدىك جانە ورتالىقتىڭ 8 ءتۇرلى بەلگىلەمەسىنىڭ رۋحىنا قايشىلىق جاساۋ ماسەلەلەرىن باتىل رەتتەپ - جونگە سالىپ، پارتيانى جاپپاي قاتاڭ جونگە سالۋدىڭ جەتەكشىلىك، قامتاماسىزدىق رولىن تولىق ساۋلەلەندىرۋ. ءتورتىنشى، جاڭا داۋىردەگى پارتيانىڭ ۇيىمدىق لۋشيانىن دايەكتىلەندىرىپ، تياناقتاندىرىپ، باسشىلىق القاسى مەن كادر - دارىندىلار قوسىنى قۇرىلىسىن كۇشەيتىپ، دارىندى ەنگىزۋ، باۋلۋ، ىستەتۋ تەبىنىن ارتتىرىپ، كادرلاردى جاۋاپكەرشىلىك ارقالاپ، ىسكەرلىك كورسەتۋگە شابىتتاندىرىپ، اۋىل - قىستاق جانە الەۋمەتتىك اۋماق نەگىزگى ساتىسىنداعى پارتيا ۇيىمى قۇرىلىسىن جالپى بەتتىك كۇشەيتۋ. بەسىنشى، شارلاۋ بويىنشا رەتتەۋ - تۇزەتۋدىڭ تۇلعالىق جاۋاپكەرشىلىگىن تياناقتاندىرىپ، ”ءتورت توعىسۋ“ تالابى بويىنشا، رەتتەۋ - تۇزەتۋدى ءبىر تۇتاس جوسپارلاپ ويداعىداي يگەرىپ، رەتتەۋ - تۇزەتۋدىڭ باياندى مەحانيزمىن ورناتۋ، كەمەلدەندىرۋ.

  ءماجىلىس ورتالىقتىڭ شارلاۋ قىزمەتى باسشىلىق گرۋپپاسىنىڭ شارلاۋ بويىنشا رەتتەۋ - تۇزەتۋ قىزمەتى جونىندەگى تالاپتارىن جەتكىزدى، شينجياڭ ۇيعۇر اۆتونوميالى رايوندىق پارتكوم شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، باس شۋجي شي جينپيڭنىڭ شارلاۋ مالىمەتىن تىڭداعان كەزدە سويلەگەن ماڭىزدى ءسوزىنىڭ رۋحىن ىشكەرىلەي ۇيرەنىپ، دايەكتىلەندىرىپ، ساياسي دەڭگەيدى جوعارىلاتىپ، ”ءتورت تانىمدى“ كۇشەيتۋدىڭ، ”ءتورت سەنىمدى“ بەكەمدەۋدىڭ، ”ەكىنى قورعاۋدى“ ورىنداۋدىڭ ساياسي بيىگىنەن شارلاۋ بويىنشا رەتتەۋ - تۇزەتۋدى تياناقتاندىرۋدى ويداعىداي يگەرىپ، ساياسي تۇجىرىمداۋ قابىلەتىن، ساياسي ءتۇسىنۋ قابىلەتىن، ساياسي اتقارۋ قابىلەتىن ونان ارى جوعارىلاتىپ، ءوز ءوڭىرىنىڭ جاڭا دامۋ كەزەڭىندەگى، جاڭا دامۋ ارناسىنداعى تۇرعان ورنىن ءدال يگەرىپ، جاڭا دامۋ ۇستانىمىن تولىق، دالمە - ءدال، جالپى بەتتىك دايەكتىلەندىرىپ، ”14 - بەسجىلدىقتا“ جاقسى باستاما باستاۋعا، جاقسى قادام تاستاۋعا شىنايى كەپىلدىك ەتۋ كەرەك. رەفورمانى جاپپاي تەرەڭدەتۋ شەشىمدەرىنىڭ، ورنالاستىرۋلارىنىڭ تياناقتانىپ ونىمدىلىك كورسەتۋىن ىلگەرىلەتىپ، رەفورمانىڭ ونىمدىلىگىن تولىق كادەگە جاراتۋ، جونگە سالۋ قابىلەتىن جوعارىلاتۋ كەرەك. ەلەۋلى حاۋىپ - قاتەردەن ساقتانۋ جانە ونى جويۋ تانىمى مەن قابىلەتىن كۇشەيتىپ، دامۋ جانە حاۋىپسىزدىك سىندى ەكى ءىرى ءىستى ءبىر تۇتاس جوسپارلاپ ويداعىداي يگەرۋ كەرەك. پارتيانى جاپپاي قاتاڭ جونگە سالۋدىڭ جەتەكشىلىك، قامتاماسىزدىق رولىن تولىق ساۋلەلەندىرىپ، پارتيانى جاپپاي قاتاڭ جونگە سالۋدىڭ ”ەكى جاۋاپكەرشىلىگىن“ باتىل تياناقتاندىرىپ، قىسىمدى ساتى سايىن جەتكىزىپ، قاتاڭدىق سىندى نەگىزگى اۋەنگە ۇزاق ۋاقىت تاباندى بولۋ كەرەك. شىرىكتەسۋگە قارسى تۇرۋ كۇرەسىن تاباندىلىقپەن تەرەڭدەتىپ، ۇقىقتى باقىلاۋ، تەجەۋ مەحانيزمىن اقاۋسىزداندىرىپ، ”شەشۋشى ازشىلىقتى“، اسىرەسە، ”ءبىرىنشى باسشىنى“ باقىلاۋدى كورنەكتىلەندىرە كۇشەيتىپ، ءتۇيىندى سالالارداعى شىرىكتەسۋ ماسەلەسىن شوعىرلى رەتتەپ - جونگە سالۋ كەرەك. ”ءتورت ءتۇرلى بۇرىس ستيلدى“ ەش مىزعىماستان تۇزەتىپ - جونگە سالىپ، فورماشىلدىق، تورەشىلدىك ماسەلەلەرىن جالپى بەتتىك قاداعالاپ، نىسانالى تۇزەتىپ - جونگە سالىپ، ورتالىقتىڭ 8 ءتۇرلى بەلگىلەمەسىنىڭ رۋحىن تياناقتاندىرۋدى قاجىماي - تالماي ويداعىداي يگەرۋ كەرەك. حالىقتى وزەك ەتۋگە تاباندى بولىپ، پارتيا ورتالىق كوميتەتىنىڭ حالىقتى يگىلىككە كەنەلتۋ، حالىقتى بايىتۋ ساياساتتارىن تياناقتاندىرۋدان كوز ايىرماي، وقۋ - اعارتۋ، ەمدەۋ، قارتتاردى كۇتۋ، قوعامدىق قامتاماسىزداندىرۋ، كەدەيلەردى سۇيەمەلدەۋ، قورشاعان ورتانى قورعاۋ، ءادىليا، زاڭ اتقارۋ سياقتى سالالارداعى شىرىكتەسۋدى جانە بۇرىس ستيلدى ۇزدىكسىز تۇزەتىپ - جونگە سالىپ، بۇقارا ”اسىعىپ وتىرعان، قينالىپ وتىرعان، ۋايىمداپ وتىرعان، كۇتىپ وتىرعان“ ماسەلەلەردى ويداعىداي شەشۋ كەرەك. جاڭا داۋىردەگى پارتيانىڭ ۇيىمدىق لۋشيانىن ىشكەرىلەي دايەكتىلەندىرىپ، باسشىلىق القاسى، كادرلار قوسىنى جانە نەگىزگى ساتى پارتيا ۇيىمى قۇرىلىسىن كۇشەيتىپ، جوعارى ساپالى دامۋدىڭ ۇيىمدىق قامتاماسىزدىعىن بەكەمدەۋ كەرەك.

  ءماجىلىس مىنالاردى باسا دارىپتەدى: شينجياڭ ۇيعۇر اۆتونوميالى رايوندىق پارتكوم رەتتەۋ - تۇزەتۋدى ويداعىداي يگەرۋدى ماڭىزدى ساياسي مىندەت ەتىپ، اسىرەسە، شۋجيلەر ءبىرىنشى جاۋاپ−تى ادامدىق جاۋاپكەرشىلىگىن ارقالاپ، باسشىلىق القاسىنىڭ قۇرامىنداعىلار ”ءبىر قىزمەت ورنىندا قوس جاۋاپكەرشىلىك ارقالاۋدى“ تياناقتاندىرىپ، ”ءتورت توعىسۋ“ تالابى بويىنشا، ماسەلە تىزىمدىگىن، مىندەت تىزىمدىگىن، جاۋاپكەرشىلىك تىزىمدىگىن مۇقيات جاساپ، شارلاۋ بويىنشا رەتتەۋ - تۇزەتۋدى ”14 - بەسجىلدىق“ جوبانى جاساۋ، اتقارۋ، جەرگىلىكتى پارتكومداردىڭ كەزەك اۋىستىرۋ قىزمەتىن ورىستەتۋ، رەفورمانى جاپپاي تەرەڭدەتۋ، پارتيانى جاپپاي قاتاڭ جونگە سالۋ سياقتىلارمەن ورگانيكالى ۇشتاستىرىپ، جۇيە كوزقاراسىن قولدانا وتىرىپ شارلاۋ بويىنشا رەتتەۋ - تۇزەتۋدى جانە جەتىستىكتەردەن پايدالانۋدى ءبىر تۇتاس جوسپارلاپ ويداعىداي يگەرۋ كەرەك. جالپى بەتتىك رەتتەۋ - تۇزەتۋگە، دەرەۋ ىسكە كىرىسىپ تاباندا تۇزەتۋگە، بىلە سالا تۇزەتۋگە، شىنايى تۇزەتۋگە، ناقتى تۇزەتۋگە تاباندى بولىپ، رەتتەۋ - تۇزەتۋدىڭ باياندى مەحانيزمىن ورناتىپ، اقاۋسىزداندىرىپ، قايتالاپ تۋىلعان، جالپى بەتتىك تۋىلعان ماسەلەلەردىڭ سەبەپتەرىن ءتۇزىم، مەحانيزم جاقتارىنان قاراستىرۋعا ءمان بەرىپ، ۇستىنەن وڭاۋ مەن تۇبىرىنەن وڭاۋدى تەڭ جۇرگىزۋدى تەرەڭدەتۋ كەرەك. شارلاۋ مەن ءتارتىپ، باقىلاۋ - تەكسەرۋ، تاعايىنداپ جىبەرۋ، ۇيىمداستىرۋ سياقتى باقىلاۋلاردى ءبىر تۇتاس جوسپارلاپ ۇشتاستىرۋدى كۇشەيتىپ، ءتارتىپ تەكسەرۋ، باقىلاۋ - تەكسەرۋ ورگاندارى مەن ۇيىمداستىرۋ تاراۋلارى شارلاۋ بويىنشا رەتتەۋ - تۇزەتۋدى كۇندەلىكتى باقىلاۋدى كۇشەيتىپ، ۇزدىكسىز ىلەسىپ بىتىرۋگە قۋزاپ، باقىلاۋدىڭ بىرىككەن كۇشىن قالىپتاستىرىپ، رەتتەۋ - تۇزەتۋدى تياناقتاندىرۋ جاعدايىن باسشىلىق القاسىنىڭ جان - جاقتى باعالاۋىنا كىرگىزىپ، رەتتەۋ - تۇزەتۋگە نەمقۇرايدى قاراعانداردى، رەتتەۋ - تۇزەتۋدە دارمەنسىزدىك ەتكەندەردى، رەتتەۋ - تۇزەتۋدە كوز بوياۋشىلىق ىستەگەندەردى قاتاڭ جاۋاپقا تارتۋ كەرەك.

  چىن چۋانگو مىنالاردى ءبىلدىردى: ورتالىقتىڭ 6 - شارلاۋ گرۋپپاسى اڭىس ەتكەن پىكىرلەر شىندىقتى ءىس جۇزىنەن ىزدەپ، تەرەڭ دە ورىندى بولىپ، تالماۋ تۇسقا ءدال ءتيدى، وتە كۇشتى ساياسيلىققا، باعىتتامالىلىققا، جەتەكشىلىككە يە، ءبىز تىزىمدىك بويىنشا تۇگەلدەي تاپسىرىپ الىپ، تۇگەلدەي قابىلداپ، مۇقيات قايىرىلا تولعانىپ، باتىل رەتتەپ - تۇزەتەمىز. پارتيانىڭ ساياسي قۇرىلىسىن باتىل كۇشەيتىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن قۇلشىنا جەتە ۇيرەنۋگە، جەتە تۇسىنۋگە، شىنايى تياناقتاندىرۋعا كۇش سالىپ، ساياسي تۇجىرىمداۋ قابىلەتىن، ساياسي ءتۇسىنۋ قابىلەتىن، ساياسي اتقارۋ قابىلەتىن ۇزدىكسىز جوعارىلاتىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن قاز - قالپىندا تىڭعىلىقتى تياناقتاندىرۋ كەرەك. رەتتەۋ - تۇزەتۋدىڭ تۇلعالىق جاۋاپكەرشىلىگىن باتىل ارقالاپ، شارلاۋ بويىنشا رەتتەۋ - تۇزەتۋدى كەلەلى ساياسي مىندەت ەتىپ، شارلاۋ بويىنشا رەتتەۋ - تۇزەتۋدى جانە جەتىستىكتەردەن پايدالانۋدى شىن مانىندە ويداعىداي يگەرىپ، ”ءبىرىنشى باسشى“ باس جاۋاپكەرشىلىك ارقالاپ، ماسەلەنى باعدار ەتۋگە تاباندى بولىپ، رەتتەۋ - تۇزەتۋ جوباسىن جەدەل جاساپ، ماسەلە ەسەپ داپتەرىن ورناتىپ، جاۋاپكەرشىلىك تىزىمدىگىن ەگجەي - تەگجەيلىلەندىرىپ، نىسانالار مەن تالاپتاردى ايقىنداپ، ۇستىنەن وڭاۋ مەن تۇبىرىنەن وڭاۋدى بىردەي جۇرگىزىپ، ۇزدىكسىز ىلگەرىلەتىپ، ماسەلەنى تەكسەرىپ انىقتامايىنشا قويا بەرمەۋدى، جاۋاپكەرشىلىكتى تياناقتاندىرمايىنشا قويا بەرمەۋدى، رەتتەۋ - تۇزەتۋ تىڭعىلىقتى بولمايىنشا قويا بەرمەۋدى، بۇقارا رازى بولمايىنشا قويا بەرمەۋدى باتىل ورىنداپ، شارلاۋ - تەكسەرۋدىڭ ”كەيىنگى جۇمىستارىن“ تىڭعىلىقتى جاقسى ىستەۋ كەرەك. ”ەكى جاۋاپكەرشىلىكتى“ باتىل قاتايتىپ، ناقتىلاندىرىپ، قاتاڭدىق سىندى نەگىزگى اۋەنگە ۇزاق ۋاقىت تاباندى بولىپ، ساياسي باقىلاۋدى كۇشەيتىپ، كۇندەلىكتى باقىلاۋدى ناقتى ىستەپ، شىرىكتەسۋگە باتىلدىق ەتپەۋدى، شىرىكتەسۋگە مۇمكىندىك بولماۋدى، شىرىكتەسۋدى ويىنا الماۋدى ءبىر تۇلعادا ىلگەرىلەتىپ، ”ءتورت ءتۇرلى بۇرىس ستيلدى“ ۇزدىكسىز تۇزەتىپ - جونگە سالىپ، فورماشىلدىقتان، تورەشىلدىكتەن باتىل ساقتانىپ، جاڭا داۋىردەگى پارتيانىڭ ۇيىمدىق لۋشيانىن جالپى بەتتىك دايەكتىلەندىرىپ، نەگىزگى ساتى جونگە سالۋ جۇيەسى مەن جونگە سالۋ قابىلەتىن وسىزامانداندىرۋ قۇرىلىسىن ىلگەرىلەتىپ، كۇشتى ساياسي جاۋاپكەرشىلىكپەن ورنىقتىلىق، دامۋ، رەفورما قىزمەتتەرىن تىڭعىلىقتى جاقسى ىستەپ، ”14 - بەسجىلدىق“ مەزگىلىندە جاقسى باستاما باستاۋعا، جاقسى قادام تاستاۋعا شىنايى كەپىلدىك ەتىپ، پارتيا قۇرىلعاندىعىنىڭ 100 جىلدىعىن ۇزدىك ناتيجەمەن قۇتتىقتاۋ كەرەك.

  ورتالىقتىڭ 6 - شارلاۋ گرۋپپاسى، ورتالىقتىڭ شارلاۋ قىزمەتى باسشىلىق گرۋپپاسى كەڭسەسىندەگى قاتىستى جولداستار، اۆتونوميالى رايوندىق پارتكومنىڭ جانە حالىق قۇرىلتايى تۇراقتى كوميتەتىنىڭ، ۇكىمەتتىڭ، ساياسي كەڭەستىڭ پارتيا باسشىلىق گرۋپپالارى باسشىلىق القالارىنىڭ قۇرامىنداعىلار ۇستىندە اڭىس ەتۋ ماجىلىسىنە قاتىناستى، اۆتونوميالى رايوندىق جوعارى حالىق سوتى مەكەمەسى، اۆتونوميالى رايوندىق حالىق پروكۋراتۋراسى پارتيا باسشىلىق گرۋپپاسىنىڭ نەگىزگى جاۋاپتى جولداستارى، باسقا ورىنباسار ولكە دارەجەلىدەن جوعارى باسشى كادرلار، اۆتونوميالى رايوندىق ءتارتىپ تەكسەرۋ كوميتەتىنىڭ، باقىلاۋ - تەكسەرۋ كوميتەتىنىڭ، اۆتونوميالى رايوندىق پارتكوم ۇيىمداستىرۋ ءبولىمىنىڭ باسشىلىق القاسىنىڭ قۇرامىنداعىلار ماجىلىسكە قاتىناستى. اۆتونوميالى رايوندىق پارتكوم شارلاۋ كەڭسەسىنىڭ مەڭگەرۋشىسى جانە ءارقايسى شارلاۋ گرۋپپالارىنىڭ باستىقتارى، رايونعا توتە قاراستى ورىندارداعى نەگىزگى جاۋاپتى جولداستار، ءارقايسى ايماقتىق (وبلىستىق، قالالىق) پارتكومداردىڭ، حالىق قۇرىلتايلارىنىڭ، ۇكىمەتتەردىڭ، ساياسي كەڭەستەردىڭ القا قۇرامىنداعىلار، ت.ب ماجىلىسكە سىرتتاي قاتىناستى. ءماجىلىس تەلەۆيزور - تەلەفون ءماجىلىسى فورماسىمەن اشىلدى، ءارقايسى ايماقتاردا (وبلىس، قالا) بولىمشە ءماجىلىس ورىندارى اشىلدى.

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.