اۋىلداستاردى اناعۇرلىم ويداعىداي ىنتىماقتاستىرىپ، ۇيىستىرىپ، تۇرمىستارىن بارعان سايىن شالقىتا تۇسىڭىزدەر
جاۋاپ حات
حىبەي ولكەسى پيڭشان اۋدانى شيبايپو قالاشىعى بەيجۋاڭ قىستاعىنداعى پارتيا مۇشەلەرى جولداستار:
سالەمەتسىزدەر مە! جازعان حاتتارىڭىزدى تاپسىرىپ الدىم. 78 جىلدىڭ الدىندا ”ىنتىماق − كۇش“ دەگەن ءان سىزدەردىڭ وسى ارادان اسقاقتاتا شىرقالىپ، سان ميلليون حالىق اراسىنا كەڭ تاراعان توڭكەرىستىك انگە اينالدى. بۇگىنگى كۇندە سىزدەر اۋىلداستاردى باستاپ قىزىل گەندى جالعاستىرىپ، ءبىر نيەتپەن ىنتىماقتاسىپ، قاجىرلىلىقپەن، تىڭعىلىقتى ىستەپ، كەدەيلىك قالپاعىن الىپ تاستادىڭىزدار، مەن بۇعان ايرىقشا قۋاندىم.
ىنتىماق − كۇش، بۇل كۇش تەمىردەي تەگەۋرىندى، بولاتتاي بەرىك. جۇڭگو كوممۋنيستىك پارتياسىنىڭ 100 جىلدىق تاريحى − حالىقتى ىنتىماقتاستىرىپ، باستاپ، تاماشا تۇرمىس ءۇشىن بىرگە كۇرەس جاساعان تاريح، شيبايپوداعى كادر - بۇقارانىڭ بۇدان العان اسەرى ايرىقشا تەرەڭ. جاپپاي سوتسياليستىك وسىزاماندانعان مەملەكەت قۇرۋدىڭ جاڭا ساپارىندا، سىزدەردىڭ پارتيا ورتالىق كوميتەتىنىڭ ۇندەۋىنە باتىل ءۇن قوسىپ، ۇزدىك، ۇلگىلىك رولدى تولىق ساۋلەلەندىرىپ، اۋىلداستاردى اناعۇرلىم ويداعىداي ىنتىماقتاستىرىپ، ۇيىستىرىپ، ءبىر نيەتپەن ويلاپ، كۇشتى ءبىر اراعا جۇمساپ، تۇرمىستارىن بارعان سايىن شالقىتا تۇسۋلەرىڭىزدى ءۇمىت ەتەمىن.
كوكتەم مەرەكەسى قارساڭىندا اۋىلداستارعا ىزگى تىلەك جولدايمىن!
شي جينپيڭ
2021 - جىلى 2 - ايدىڭ 7 - كۇنى
(شينحۋا اگەنتتىگىنىڭ 2 - ايدىڭ 8 - كۇنى بەيجيڭنەن بەرگەن حابارى)
شينحۋا اگەنتتىگىنىڭ 2 - ايدىڭ 8 - كۇنى بەيجيڭنەن بەرگەن حابارى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ 2 - ايدىڭ 7 - كۇنى حىبەي ولكەسى پيڭشان اۋدانى شيبايپو قالاشىعى بەيجۋاڭ قىستاعىنداعى بارلىق پارتيا مۇشەلەرىنە جاۋاپ حات قايتارىپ، اۋىلداستارعا كوكتەم مەرەكەسى بايلانىسىمەن ىزگى تىلەك جولدادى.
شي جينپيڭ جاۋاپ حاتىندا بىلاي دەدى: 78 جىلدىڭ الدىندا ”ىنتىماق − كۇش“ دەگەن ءان سىزدەردىڭ وسى ارادان اسقاقتاتا شىرقالىپ، سان ميلليون حالىق اراسىنا كەڭ تاراعان توڭكەرىستىك انگە اينالدى. بۇگىنگى كۇندە سىزدەر اۋىلداستاردى باستاپ قىزىل گەندى جالعاستىرىپ، ءبىر نيەتپەن ىنتىماقتاسىپ، قاجىرلىلىقپەن، تىڭعىلىقتى ىستەپ، كەدەيلىك قالپاعىن الىپ تاستادىڭىزدار، مەن بۇعان ايرىقشا قۋاندىم.
شي جينپيڭ بىلاي دەپ باسا دارىپتەدى: ىنتىماق − كۇش، بۇل كۇش تەمىردەي تەگەۋرىندى، بولاتتاي بەرىك. جۇڭگو كوممۋنيستىك پارتياسىنىڭ 100 جىلدىق تاريحى − حالىقتى ىنتىماقتاستىرىپ، باستاپ، تاماشا تۇرمىس ءۇشىن بىرگە كۇرەس جاساعان تاريح، شيبايپوداعى كادر، بۇقارانىڭ بۇدان العان اسەرى ايرىقشا تەرەڭ. جاپپاي سوتسياليستىك وسىزاماندانعان مەملەكەت قۇرۋدىڭ جاڭا ساپارىندا، سىزدەردىڭ پارتيا ورتالىق كوميتەتىنىڭ ۇندەۋىنە باتىل ءۇن قوسىپ، ۇزدىك، ۇلگىلىك رولدى تولىق ساۋلەلەندىرىپ، اۋىلداستاردى اناعۇرلىم ويداعىداي ىنتىماقتاستىرىپ، ۇيىستىرىپ، ءبىر نيەتپەن ويلاپ، كۇشتى ءبىر اراعا جۇمساپ، تۇرمىستارىن بارعان سايىن شالقىتا تۇسۋلەرىڭىزدى ءۇمىت ەتەمىن.
1943 - جىلى 6 - ايدا باتىس سولتۇستىك سوعىس مايدانى قىزمەت وتەۋ ۇيىرمەسى پيڭشان اۋدانىنا كەلىپ توڭكەرىستىك كۇرەسكە قاتىناسادى، ادەبيەت - كوركەمونەر قىزمەتكەرلەرى بەيجۋاڭ قىستاعىندا «ىنتىماق − كۇش» دەگەن وپەرا مەن وسى اتتاس ءاندى شىعارادى ءارى وسى قىستاقتا تۇڭعىش رەت قويادى. تاياۋدا بەيجۋاڭ قىستاعىنداعى بارلىق پارتيا مۇشەلەرى باس شۋجي شي جينپيڭگە حات جازىپ، وسى ءاننىڭ جىگەرلەندىرۋىندە كەدەيلىكتەن ارىلتۋدان قامال الۋ شايقاسىنىڭ جەڭىسىنە جەتكەندىكتەرىنەن مالىمەت بەرىپ، بۇقارانى ۇزدىكسىز ىنتىماقتاستىرىپ، باستاپ، اۋىل - قىستاقتى گۇلدەندىرۋدى ويداعىداي ورىنداپ، اناعۇرلىم تاماشا تۇرمىس كەشىرەتىن بەكىمدەرىن ءبىلدىردى.
