شينجياڭ داشۋەسى وداق كوميتەتىنىڭ وقىتۋشىسى ءماردان ءۋالي
تاياۋدا امەريكانىڭ بۇرىنعى مەملەكەت ىستەرى حاتشىسى پومپەو جۇڭگو ۇكىمەتىنىڭ شينجياڭدى جونگە سالۋ ساياساتىنا قيسىنسىز سوقتىعىپ، كۇيە جاعىپ، ادامدىق ۇقىقتى جەلەۋ ەتىپ، جۇڭگونىڭ ىشكى ىسىنە دورەكىلىكپەن كيلىكتى. مەن مۇنى قاتاڭ جازعىراتىندىعىمدى جانە وعان باتىل قارسى تۇراتىندىعىمدى بىلدىرەمىن.
مەن وڭتۇستىك شينجياڭنان شىققانمىن. كىشكەنە كەزىمدە اتا - انامنان وزدەرىنىڭ اكە - شەشەلەرىنىڭ شار تاراپتان كەلگەن اعا - ءىنى، اپەكە - سىڭلىلەرىمەن بىرگە ءبىر كەپەدە جاتىپ، سەن - مەن دەسپەي، تاۋدى جارىپ جول جوندەۋ، تىڭ يگەرىپ ورمان ءوسىرۋ، سۋ يگىلىگى قۇرىلىستارىن جۇرگىزۋ سياقتى جۇمىستارعا قاتىناسقاندىعىن ۇنەمى ەستيتىنمىن. ەس بىلگەننەن باستاپ، مەن ءار ۇلت كىشكەنتاي سەرىكتەرىممەن بىرگە ويىن ويناپ، بىرگە وقىپ، بىرگە ەسەيدىم. ومىرىمدە ءار ۇلتتان مۇعالىمدارىم، ساباقتاستارىم، باسشىلارىم، كاسىپتەستەرىم، دوستارىم بولدى، ولار جان اشىر - جاقىنىمداي ماعان كوڭىل ءبولدى، كومەكتەستى، ولار ومىردەگى ەڭ باعالى بايلىعىم. مەرەكەلەردە ءار وتباسى ءدامدى تاعامدار ازىرلەپ، مەرەكەنى قۇتتىقتاي كەلگەن تۋىس - تۋعان، دوس - جاراندارىن كۇتەدى، كوپشىلىك بىرەۋى بىرەۋىنىڭ ۇيىنە بارىپ ساڭزىدان ءدام تاتسا، ەندى بىرەۋىنىڭ ۇيىنە بارىپ تۇشپارا جەيدى، ەرەكشە جاقىن وتەدى.
مەن قاعىلىق اۋدانىندا ”ۇعىسۋ، تيىمدىلىك جاساۋ، توعىستىرۋ“ بويىنشا قىستاقتا تۇرۋ قىزمەتىنە قاتىناسقان 3 جىلدا، دامۋدىڭ، وزگەرىستىڭ اناعۇرلىم كوپ مىسالدارىن كوردىم. وڭتۇستىك شينجياڭدا 3 جىلدىق مەكتەپكە دەيىنگى تاربيە جانە 12 جىلدىق نەگىزدىك وقۋ - اعارتۋمەن تولىق قامتۋ جۇزەگە اسىرىلىپ، وقۋدان قول ءۇزۋ جايتتەرى ءۇزىلدى - كەسىلدى جويىلدى؛ بارلىق وتباسى ۇكىمەتتىڭ قوسىمشا قاراجاتىنان يگىلىكتەنىپ، بەيقۇت ۇيگە كىردى، ەسىكتىڭ الدىنا دەيىن اسفالت جول سالىندى، بۇقارانىڭ كەشتە ءجۇرىپ - تۇرۋىنا قولايلى كوشە شامدارى ورناتىلدى، قۇبىر سۋى اسحاناعا، تازالىق بولمەسىنە جەتكىزىلدى؛ ءار جىلى ءبىر رەت جالپى حالىقتىڭ دەنساۋلىعىن تەكسەرۋ جاپپاي تياناقتاندىرىلدى، تۇرعىنداردىڭ نەگىزگى ەمدەۋ قامسىزداندىرۋىنا قاتىناسۋ مولشەرى ％99.71كە جەتتى...
وتان ۇلى شاڭىراعىندا شينجياڭ بارعان سايىن گۇلدەندى. الايدا، پومپەو نە ءۇشىن ۇزدىكسىز وسەك - اياڭ تاراتىپ، پالە تۋدىرادى؟ ويتكەنى ول جۇڭگونىڭ بارعان سايىن جاقسارا تۇسكەنىن كورۋدەن قورقادى، سوندىقتان وسەك - اياڭدى ويدان شىعارادى، ءبىراق وسەك - اياڭدى قارشا بوراتقانىمەن، شينجياڭنىڭ جاراسىمدى، ورنىقتى بولعان فاكتىن وزگەرتە المايدى، ءار ۇلت بۇقاراسىنىڭ تاماشا تۇرمىسقا ۇمتىلۋ قادامىنا بوگەت بولا المايدى.
