انار بۇلت / شينجياڭ گازەتىنىڭ ءتىلشىسى جيا چۇنشيا 2 - ايدىڭ 9 - كۇنى ۇرىمجىدەن حابارلايدى. ”باقىتتى شينجياڭ. جۇڭگو جىلى“ نەگىزگى تاقىرىبىنداعى 2021 - جىلعى شينجياڭ راديو - تەلەۆيزيا ستانسياسىنىڭ كوكتەم مەرەكەسى بىرلەسكەن ساۋىق كەشى 2 - ايدىڭ 10 - كۇنى ساعات 21دە شينجياڭ جاساندى سەرىك تەلەۆيزياسىندا العاش تاراتىلادى، سونىمەن ءبىر ۋاقىتتا تيانشان سايتىندا ينتەرنەتتە تاراتىلادى. 165 مينۋتتىق ساۋىق كەش نومىرلەرى بىرىنەن - ءبىرى تارتىمدى بولىپ، قۋانا باس قوسقان مەرەكەلى قويۋ راي مەن مۇندالايدى.
ساۋىق كەش بەتاشار، ءبىرىنشى تاراۋ «تيانشانداعى شاتتىق ءان»، ەكىنشى تاراۋ «انار گۇل اشتى»، ءۇشىنشى تاراۋ «كۇرەس جاساپ، ارمان قۋۋ»، ەپيلوگ سىندى 5 بولىمنەن قۇرالعان، 350 نەشە ارتيست - قىزمەتكەر قاتىناسقان. ءان - ءبي، اڭگىمەلى - ولەڭدى تەاتر، سەرىك ويىنى، تەاتر سياقتى فاكتورلاردى قامتىعان ويىن نومىرلەرى «باقىتتى، دوڭگەلەك داۋلەتتى جۇڭگو جىلى» كورەرمەندەرگە قويۋ مەرەكەلىك تاماشا كوڭىل كۇي سيلايدى؛ «كەدەيلىكتەن ارىلعانىمدى ماقتانىش سەزىنەمىن» فەلياتونىنا شينجياڭنىڭ وزىندەگى كەدەيلىكتەن ارىلتۋ حيكاياسى ارقاۋ ەتىلگەن... ويىن نومىرلەرىندە وتكەن ءبىر جىلداعى شينجياڭنىڭ ءتۇرلى ىستەرىنىڭ وراسان زور دامۋى مەن بۇقارانىڭ ماڭايىنداعى باقىتتى ىستەر كورسەتىلىپ، شينجياڭداعى ءار ۇلت حالقىنىڭ جانعا جايلى، باقىتتى، جالىنداعان تۇرمىسىنىڭ كارتيناسى كەسكىندەلگەن.
”بيىلعى كوكتەم مەرەكەسى ساۋىق كەشى جەرگىلىكتى ەرەكشەلىكتى كورنەكتىلەندىردى، ساۋىق كەشتىڭ 20 نەشە ءنومىرىنىڭ ىشىندە 11ى جاڭادان جاسالعان ويىن ءنومىرى“. ساۋىق كەشتىڭ باس رەجيسسەرى شيە جۇنۋىن بىلاي دەدى: ساۋىق كەشتە تاعى شەريا اۋدانى شەريا اۋىلى ارىش قىستاعىنان، جەمسارى اۋدانىنان، قۇلجا قالاسىنان، اراسان اۋدانىنان 4 سىرتقى كورىنىس ءتۇيىنى ورنالاستىرىلدى.
وسى ساۋىق كەشتى اۆتونوميالى رايوندىق پارتكوم ۇگىت ءبولىمى، اۆتونوميالى رايوندىق مادەنيەت جانە ساياحات مەڭگەرمەسى ۇيىمداستىردى، شينجياڭ راديو - تەلەۆيزياسى ۇستىنە الىپ وتكىزدى، اۆتونوميالى رايوندىق اۋىل شارۋاشىلىق، اۋىل - قىستاق مەڭگەرمەسى سەلبەسىپ وتكىزدى.
