بۇكىل رايونىمىزداعى ءار ۇلت حالقىنىڭ جانە بيڭتۋانداعى كادرلاردىڭ، جۇمىسشى - قىزمەتكەرلەردىڭ كوكتەم مەرەكەسىن قۇتتىقتادى
2 - ايدىڭ 9 - كۇنى اۆتونوميالى رايوندىق پارتكومنىڭ شۋجيى، شينجياڭ ءوندىرىس - قۇرىلىس بيڭتۋانى پارتكومىنىڭ ءبىرىنشى شۋجيى، ءبىرىنشى جىڭۋيى چىن چۋانگو ءۇرىمجى قالاسىندا ءار ۇلت بۇقاراسى مەن ءبىرىنشى شەپتەگى جۇمىسشى - قىزمەتكەرلەرگە امانداستى، حال سۇرادى، مەرەكە كەزىندەگى حالىق تۇرمىسىن قامتاماسىز ەتۋ جاعدايلارىنا تەكسەرۋ - زەرتتەۋ جۇرگىزدى. سۋرەتتە: چىن چۋانگو شينجياڭ حۋاليڭ توبى جىلۋمەن قامداۋ شەكتى جاۋاپكەرشىلىك سەرىكتەستىگىندە مەرەكە كەزىندەگى جىلۋمەن قامداۋدى قامتاماسىز ەتۋ جانە ءوندىرىس حاۋىپسىزدىگى احۋالىن ەگجەي - تەگجەيلى ۇعىسۋدا. سۋرەتتى انار بۇلت/شينجياڭ گازەتىنىڭ ءتىلشىسى سۇي جىجيان تۇسىرگەن
انار بۇلت/شينجياڭ گازەتىنىڭ تىلشىلەرى ياۋ تۇڭ، ۋاڭ شيڭرۇي 2 - ايدىڭ 9 - كۇنى ۇرىمجىدەن حابارلايدى. جۇڭحۋا ۇلتىنىڭ ءداستۇرلى مەرەكەسى − ەگىنشىلىك كالەندارى بويىنشا سيىر جىلعى كوكتەم مەرەكەسى كەلۋ بايلانىسىمەن اۆتونوميالى رايوندىق پارتكومنىڭ شۋجيى، شينجياڭ ءوندىرىس - قۇرىلىس بيڭتۋانى پارتكومىنىڭ ءبىرىنشى شۋجيى، ءبىرىنشى جىڭۋيى چىن چۋانگو 2 - ايدىڭ 9 - كۇنى ءۇرىمجى قالاسىندا ءار ۇلت بۇقاراسىنا جانە ءبىرىنشى شەپتەگى جۇمىسشى - قىزمەتكەرلەرگە امانداسا باردى، حال سۇرادى، مەرەكە كەزىندەگى حالىق تۇرمىسىن قامتاماسىز ەتۋ سياقتى جاعدايلارعا تەكسەرۋ - زەرتتەۋ جۇرگىزىپ، اۆتونوميالى رايوندىق پارتكوم مەن ۇكىمەت اتىنان بۇكىل رايونىمىزداعى ءار ۇلت حالقىنا جانە بيڭتۋانداعى كادرلارعا، جۇمىسشى - قىزمەتكەرلەرگە كوكتەم مەرەكەسى بايلانىسىمەن ەڭ تاماشا تىلەك جولدادى.
ۇرىمجىدە شامدار ءىلىنىپ، ءتۇستى تورعىندار بايلانىپ، بار جەر قۋانىشتى دا جاراستىقتى مەرەكەلىك كۇيگە ەندى.
چىن چۋانگو شينجياڭ حۋاليڭ توبى جىلۋمەن قامداۋ شەكتى جاۋاپكەرشىلىك سەرىكتەستىگىنە كەلىپ مەرەكە كەزىندەگى جىلۋمەن قامداۋدى قامتاماسىز ەتۋ جانە ءوندىرىس حاۋىپسىزدىگى احۋالىن ەگجەي - تەگجەيلى ۇعىستى ءارى ءار ۇلت جۇمىسشى - قىزمەتكەرلەرىنە جانە ولاردىڭ وتباسىنداعىلارعا كوكتەم مەرەكەسى تىلەگىن جەتكىزدى. ول بىلاي دەدى: كوكتەم مەرەكەسى − بارشا وتباسى باس قوساتىن ءسات، قالىڭ جىلۋمەن قامداۋ جۇمىسشى - قىزمەتكەرلەرى ءبىرىنشى شەپتەگى قىزمەت ورىندارىندا بار كۇشىمەن شايقاس جاساپ، قالتقىسىز ۇلەس قوسىپ، ءار ۇلت بۇقاراسىنىڭ مەيىرگە تولى مەرەكە وتكىزۋىن قامتاماسىز ەتتى، كوپشىلىك جاپا شەكتىڭىزدەر. سىزدەردىڭ قىزمەت جوسپارىن كەمەلدەندىرىپ، جىلۋمەن قامداۋ قۇبىر تورابىن تەكسەرۋ - جوندەۋدى كۇشەيتىپ، ءبىر - بىرلەي تەكسەرىپ جانە كۇتىمدەپ، جۇمىس جۇرگىزۋدى، ىڭعايلاستىرۋدى جانە كەزەكشى بولۋدى، كۇزەتۋدى عىلمي ورنالاستىرىپ، جىلۋمەن قامداۋ جۇيەسىنىڭ حاۋىپسىز، ورنىقتى جۇمىس جۇرگىزۋىنە شىنايى كەپىلدىك ەتىپ، جاندى جادىراتارداي قىزمەت وتەۋ ارقىلى ءار ۇلت بۇقاراسىنىڭ مەيىرگە تولى، باقىتتى كوكتەم مەرەكەسىن وتكىزۋلەرىنە مۇمكىندىك جاساۋلارىڭىزدى ءۇمىت ەتەمىن. چىن چۋانگو بىلاي دەپ باسا دارىپتەدى: جەر - جەر، تاراۋلار ءوندىرىس حاۋىپسىزدىگى ارقاۋىن ءسات سايىن بەرىك شيراتىپ، تيتتەي دە بوساڭسىماستان كوكتەم مەرەكەسى كەزىندەگى ءوندىرىس حاۋىپسىزدىگى قىزمەتىن ويداعىداي ىستەپ، قاراستى جەردى باسقارۋ جاۋاپكەرشىلىگىن، تاراۋلاردىڭ باقىلاۋ - باسقارۋ جاۋاپكەرشىلىگىن، كاسىپورىنداردىڭ تۇلعالىق جاۋاپكەرشىلىگىن قاتايتىپ، ناقتىلاندىرىپ، ءتۇيىندى سالالار مەن ورىنداردى قاتاڭ قاداعالاپ، حاۋىپسىزدىك شارالارىن تياناقتاندىرىپ، باقىلاپ تەكسەرۋ تەبىنىن ارتتىرىپ، كومەسكى قاتەرلەردى دەر كەزىندە جويىپ، بۇكىل رايون حالقىنىڭ امان - ەسەن، بەرەكەلى مەرەكە وتكىزۋىنە شىنايى كەپىلدىك ەتۋ كەرەك.
دوستىق ەرەن بازارىنىڭ جياحىيۋان دۇكەنىندە ءتۇرلى تاۋارلار تولىپ تۇر، ءتۇرى توتەنشە مول، نە كەرەكتىڭ ءبارى تابىلادى. چىن چۋانگو مەرەكەلىك كەرەك - جاراق ساتىپ الۋعا كەلگەن ءار ۇلت بۇقاراسىمەن، ەرەن بازارداعى قىزمەت وتەۋشى قىزمەتكەرلەرمەن ىقىلاستى تۇردە اڭگىمەلەسىپ، كوكتەم مەرەكەسى قارساڭىنداعى بازاردىڭ قامداۋ، مەرەكەلىك كەرەك - جاراقتىڭ قامدالۋ - ساتىلۋ، زات باعاسى اينالىمى سياقتى جاعدايلاردى ەگجەي - تەگجەيلى ۇعىستى. ول بىلاي دەدى: بۇقارانىڭ ءتول مۇددەسىنە ساياتىن ىستەردى شىنايى، ويداعىداي يگەرىپ، دەنە تەمپەراتۋراسىن ولشەۋ، ماسكى تاعۋ، ارالىق ساقتاۋ، تازالىق ساقتاۋ سياقتى ۇدايىلانعان ىندەتتەن ساقتانۋ شارالارىن ويداعىداي تياناقتاندىرىپ، كوكتەم مەرەكەسى كەزىندە ”كوجە قاتىق“، ”استىق“، ”جەمىس - جيدەك“ سياقتى ءتۇرلى تاۋارلارمەن تولىق قامداۋدى قامتاماسىز ەتىپ، بازاردى باقىلاۋ - باسقارۋدى جانە حاۋىپسىزدىك تەكسەرۋىن كۇشەيتىپ، زات ءتۇرىنىڭ مول، باعاسىنىڭ تۇراقتى، ساپاسىنىڭ سەنىمدى بولۋىنا شىن مانىندە كەپىلدىك ەتۋ، ءار ۇلت بۇقاراسىنىڭ مەرەكەنى قامسىز، الاڭسىز، جايلى وتكىزۋىنە شىن مانىندە كەپىلدىك ەتۋ كەرەك.
”جاڭا جىل قۇتتى بولسىن، سىزدەردى قۇتتىقتاي كەلدىك!“. چىن چۋانگو ىلگەرىندى - كەيىندى سايباق رايونى پيڭديڭشان شاعىن اۋماعىن باسقارۋ كوميتەتى توۋگۇڭ الەۋمەتتىك اۋماعىنىڭ تۇرعىنى گاۋ سىدى مەن مامەت ابىلەزدىڭ ۇيىنە كىرىپ، كوكتەم مەرەكەسى بايلانىسىمەن تاماشا تىلەك جەتكىزدى ءارى كوپشىلىكپەن بىرگە قورالانا وتىرىپ اڭگىمە دۇكەن قۇردى، كۇندەلىكتى تۇرمىسى، وتباسىلىق كىرىسى، ەمدەلۋ، وقۋ سياقتى جاعدايلارىن ىقىلاسپەن سۇراپ ۇعىستى. گاۋ سىدى مەن مامەت ابىلەز چىن چۋانگوعا: وسى بىرنەشە جىلدا شينجياڭدا قۋانارلىق وزگەرىستەر كوپتەپ تۋىلدى، ءبىزدىڭ تۇرمىسىمىز بارعان سايىن جاقسارىپ، تيىمدىلىگىمىز بارعان سايىن كوبەيدى، ءاربىر ادام مۇنى كوزىمەن كورىپ، يگىلىگىن جۇرەكتەرىنەن سەزىندى، - دەدى. چىن چۋانگو ولاردىڭ تۇرمىسىنىڭ شالقي بەرۋىن، جىلدان - جىلعا جاقسارا بەرۋىن تىلەدى. ول بىلاي دەدى: ءبىزدىڭ شينجياڭداعى ءار ۇلت حالقى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن جاپپاي دايەكتىلەندىرىپ، ونان ارى ويداعىداي ىنتىماقتاسىپ، ۇيىسىپ، ءبىر نيەتپەن كۇش قوسىپ، قايراتتانا جۇمىس ىستەپ، شينجياڭدى ءتىپتى دە تاماشا ەتىپ قۇرىپ شىعۋعا قۇلشىنۋ، ورنىقتىلىق، دامۋ قىزمەتتەرىنىڭ ۇزدىك ناتيجەلەرىمەن جۇڭگو كوممۋنيستىك پارتياسى قۇرىلعاندىعىنىڭ 100 جىلدىعىن قۇتتىقتاۋ كەرەك.
اۆتونوميالى رايوندىق پارتكومنىڭ تۇراقتى مۇشەسى، ءۇرىمجى قالالىق پارتكومنىڭ شۋجيى شۇي حايرۇڭ قاتارلىلار بىرگە حال سۇرادى.
