تيانشان تورى   ›   جاڭالىقتار   ›   سۋرەتتى حابار

اۆتونوميالى رايون 2021 - جىلعى كوكتەم مەرەكەسىن توپتىق قۇتتىقتاۋ ءماجىلىسىن وتكىزدى

چىن چۋانگو باسقاردى، سىمايىل تىلەبالدى ۇسىنىس بويىنشا قاتىناستى

شوكىرات زاكىر ءسوز سويلەدى، شاۋكەت يمىن، نۇرلان ءابىلماجىن، ۋاڭ جۇنجىڭ قاتىناستى

  2 - ايدىڭ 8 - كۇنى اۆتونوميالى رايوندىق پارتكوم مەن ۇكىمەت 2021 - جىلعى كوكتەم مەرەكەسىن توپتىق قۇتتىقتاۋ ءماجىلىسىن وتكىزدى. سۋرەتتە: توپتىق قۇتتىقتاۋ ءماجىلىسى زالى.  سۋرەتتى انار بۇلت/ شينجياڭ گازەتىنىڭ ءتىلشىسى سۇي جىجيان تۇسىرگەن

  انار بۇلت/شينجياڭ گازەتىنىڭ تىلشىلەرى ياۋ تۇڭ، ۋاڭ شيڭرۇي 2 - ايدىڭ 9 - كۇنى ۇرىمجىدەن حابارلايدى. 2 - ايدىڭ 8 - كۇنى تۇستەن كەيىن اۆتونوميالى رايوندىق پارتكوم مەن ۇكىمەت 2021 - جىلعى كوكتەم مەرەكەسىن توپتىق قۇتتىقتاۋ ءماجىلىسىن وتكىزدى. چىن چۋانگو، سىمايىل تىلەبالدى، شوكىرات زاكىر، شاۋكەت يمىن، نۇرلان ءابىلماجىن، ۋاڭ جۇنجىڭ قاتارلىلار ءار ۇلت، ءار سالا ۋاكىلدەرىمەن ءبىر اراعا قۋانىشپەن باس قوسىپ، كوكتەم مەرەكەسىن بىرگە قۇتتىقتاپ، كوكتەم مەرەكەسىن بىرگە وتكىزدى.

  اۆتونوميالى رايوندىق پارتكومنىڭ شۋجيى چىن چۋانگو توپتىق قۇتتىقتاۋ ءماجىلىسىن باسقاردى، اۆتونوميالى رايوندىق پارتكوم، حالىق قۇرىلتايى، ۇكىمەت، ساياسي كەڭەس، شينجياڭ اسكەري رايونى، شينجياڭ ءوندىرىس - قۇرىلىس بيڭتۋانى اتىنان بۇكىل رايونداعى ءار ۇلت حالقىنا، شينجياڭداعى حالىق ازاتتىق ارمياسىنىڭ كوماندير - جاۋىنگەرلەرىنە، قارۋلى ساقشى وفيتسەر - اسكەرلەرىنە، قوعام حاۋىپسىزدىگى كادر - ساقشىلارىنا، ءورت ءسوندىرۋ، ورتتەن ساقتانۋ، اپاتتان اراشالاۋ، اپاتقا ۇشىراعاندارعا كومەكتەسۋ قوسىنىنىڭ كوماندير - جاۋىنگەرلەرىنە، بيڭتۋاننىڭ كادرلارىنا، جۇمىسشى - قىزمەتكەرلەرىنە، ءارقايسى دەموكراتيالىق پارتيا - توپتارعا، ساۋدا - ونەركاسىپشىلەر بىرلەستىگىنە، پارتيادا، توپتا جوق قايراتكەرلەرگە، ءارقايسى حالىقتىق ۇيىمدارعا، دەمالىسقا، زەينەتكە شىققان ساقا جولداستارعا، ورتالىقتىڭ شينجياڭداعى مەكەمە - ورىندارىنىڭ كادرلارىنا، جۇمىسشى - قىزمەتكەرلەرىنە جانە شينجياڭعا كومەككە كەلگەن بارلىق كادرلارعا، شينجياڭنىڭ ورنىقتىلىعىنا، دامۋىنا كوڭىل بولگەن جانە قولداۋ كورسەتكەن بارلىق دوستارعا كوكتەم مەرەكەسى بايلانىسىمەن باقىت تىلەدى، ىزگى تىلەك ءبىلدىردى.

  چىن چۋانگو بىلاي دەدى: 2021 - جىل ”14 - بەسجىلدىق“ باستالعان جىل، ءبىز شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، پارتيا 19 - قۇرىلتايىنىڭ جانە 19 - كەزەكتى ورتالىق كوميتەتى ەكىنشى، ءۇشىنشى، ءتورتىنشى، بەسىنشى جالپى ماجىلىستەرىنىڭ رۋحىن ىشكەرىلەي دايەكتىلەندىرىپ، تياناقتاندىرىپ، 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىن دايەكتىلەندىرىپ، تياناقتاندىرىپ، باس شۋجي شي جينپيڭنىڭ شينجياڭ قىزمەتى جونىندەگى ماڭىزدى ءسوزى مەن ماڭىزدى نۇسقاۋىنىڭ رۋحىن دايەكتىلەندىرىپ، تياناقتاندىرىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ءدال دايەكتىلەندىرىپ، قوعام ورنىقتىلىعى مەن باياندى تىنىشتىق باس نىساناسىن مىقتى ۇستاپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، ساياسي تۇجىرىمداۋ قابىلەتىن، ساياسي ءتۇسىنۋ قابىلەتىن، ساياسي اتقارۋ قابىلەتىن ۇزدىكسىز جوعارىلاتىپ، جاڭا دامۋ كەزەڭىن تياناق ەتىپ، جاڭا دامۋ ۇستانىمىن دايەكتىلەندىرىپ، جاڭا دامۋ ارناسىن قالىپتاستىرىپ، شىندىققا جۇگىنىپ، ناقتى ىستەپ، شىنايى يگەرىپ، ناقتى ىستەر تىندىرىپ، شينجياڭنىڭ قوعام ورنىقتىلىعى مەن باياندى تىنىشتىعىن قۇلشىنا ىلگەرىلەتىپ، جاڭا داۋىردەگى جۇڭگوشا سوتسياليستىك شينجياڭ قۇرۋعا قۇلشىنىپ، پارتيا قۇرىلعاندىعىنىڭ 100 جىلدىعىن ۇزدىك ناتيجەمەن قۇتتىقتاۋىمىز كەرەك.

  اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى شوكىرات زاكىر ءسوز سويلەدى. ول بىلاي دەدى: ءبىر جىلدان بەرى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، اۆتونوميالى رايوندىق پارتكوم بۇكىل رايونداعى ءار ۇلت كادر - بۇقاراسىن ىنتىماقتاستىرىپ، باستاپ، ىندەتتەن ساقتانۋ - تىزگىندەۋدى ۇدايىلاندىرۋ، ەكونوميكانى جوعارى ساپالى دامىتۋ، كەدەيلىكتەن ارىلتۋدان قامال الۋ، ورنىقتىلىقتى قورعاۋ سياقتى قىزمەتتەردى تىڭعىلىقتى جاقسى ىستەپ، ىستەردىڭ تىڭ ىلگەرىلەۋشىلىككە قول جەتكىزۋىن جەبەدى. ناتيجە وڭاي - وسپاق قولعا كەلگەن جوق، تابىسقا جەتۋ وڭاي بولعان جوق، بۇل تابىستارعا باس شۋجي شي جينپيڭنىڭ رول ۇستاپ، جول باستاۋىنىڭ ارقاسىندا، شي جينپيڭنىڭ جاڭا ءداۋىر جۇڭگوشا سوتسياليزم يدەياسىنىڭ عىلمي جەتەكشىلىگىنىڭ ارقاسىندا، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىنىڭ ارقاسىندا، بۇكىل ەلدەگى ءار ۇلت حالقىنىڭ قالتقىسىز كومەگىنىڭ ارقاسىندا، بۇكىل رايونداعى پارتيا، ۇكىمەت، ارميا، ساقشى، بيڭتۋان، حالىقتىڭ ىنتىماقتاسا كۇرەس جاساۋىنىڭ ارقاسىندا قول جەتتى.

  شوكىرات زاكىر بىلاي دەدى: جاڭا ءبىر جىلدا، ءبىز شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، ”ءتورت تانىمدى“ ونان ارى كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ءدال دايەكتىلەندىرىپ، قوعام ورنىقتىلىعى مەن باياندى تىنىشتىق باس نىساناسىن مىقتى ۇستاپ، ورنىقتىلىق، دامۋ قىزمەتتەرىن تىڭعىلىقتى جاقسى ىستەپ، جاڭا داۋىردەگى جۇڭگوشا سوتسياليستىك شينجياڭ قۇرۋ جولىندا قۇلشىنا كۇرەس جاساۋىمىز كەرەك.

  ليۋ ۋانلۇڭ، ەركىن تۇنياز، تيان ۋىن، لي يفي، سارقىت اقان، جاڭ چۇنلين، ۋاڭ ميڭشان قاتارلى اۆتونوميالى رايوندىق پارتكوم، حالىق قۇرىلتايى، ۇكىمەت، ساياسي كەڭەس، شينجياڭ اسكەري رايونى، بيڭتۋاننىڭ باسشىلىق القالارىنىڭ قۇرامىنداعىلار، قارۋلى ساقشى شينجياڭ باس اترەتىنىڭ، اۋە ارمياسىنىڭ ۇرىمجىدەگى بازاسىنىڭ اسكەري - ساياسي نەگىزگى باسشىلارى، اۆتونوميالى رايوندىق جوعارى حالىق سوتى مەكەمەسىندەگى، اۆتونوميالى رايوندىق حالىق پروكۋراتۋراسىنداعى نەگىزگى جاۋاپتى جولداستار، ۇرىمجىدەگى ءىشىنارا دەمالىسقا، زەينەتكە شىققان ساقا جولداستار، پارتيا 19 - قۇرىلتايىنىڭ ءىشىنارا ۋاكىلدەرى، مەملەكەتتىك حالىق قۇرىلتايىنىڭ ءبىر ءبولىم ۋاكىلدەرى، مەملەكەتتىك ساياسي كەڭەستىڭ ءبىر ءبولىم مۇشەلەرى، ءارقايسى دەموكراتيالىق پارتيا - توپتاردىڭ، اۆتونوميالى رايوندىق ساۋدا - ونەركاسىپشىلەر بىرلەستىگىنىڭ، پارتيادا، توپتا جوق قايراتكەرلەردىڭ ءبىر ءبولىم ۋاكىلدەرى، سونداي - اق ءار سالا ۋاكىلدەرى مەن ۇلگىلەر توپتىق قۇتتىقتاۋ ماجىلىسىنە قاتىناستى.

  توپتىق قۇتتىقتاۋ ماجىلىسىندە ءار ۇلت ادەبيەت - كوركەمونەر قىزمەتكەرلەرى تارتىمدى ادەبيەت - كوركەمونەر ويىندارىن كورسەتتى.

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.