جۇڭگو كوممۋنيستىك پارتياسى ورتالىق كوميتەتى، مەملەكەتتىك كەڭەس كوكتەم مەرەكەسىن توپتىق قۇتتىقتاۋ ءماجىلىسىن وتكىزدى"> تيانشان تورى
تيانشان تورى   ›   جاڭالىقتار   ›   ماڭىزدى حابارلار

جۇڭگو كوممۋنيستىك پارتياسى ورتالىق كوميتەتى، مەملەكەتتىك كەڭەس كوكتەم مەرەكەسىن توپتىق قۇتتىقتاۋ ءماجىلىسىن وتكىزدى

شي جينپيڭ ءسوز سويلەدى

پارتيا ورتالىق كوميتەتى، مەملەكەتتىك كەڭەس اتىنان بۇكىل ەلدەگى ءار ۇلت حالقىنىڭ، شياڭگاڭ ەرەكشە اكىمشىلىك رايونىنداعى باۋىرلاستاردىڭ، اۋمىن ەرەكشە اكىمشىلىك رايونىنداعى باۋىرلاستاردىڭ، تايۋاندىق باۋىرلاستاردىڭ جانە شەتەلدەگى چياۋمين باۋىرلاستاردىڭ مەرەكەسىن قۇتتىقتادى

لي كىچياڭ باسقاردى، لي جانشۋ، ۋاڭ ياڭ، ۋاڭ حۋنيڭ، جاۋ لىجي، حان جىڭ، ۋاڭ چيشان قاتىناستى

  2 - ايدىڭ 10 - كۇنى جۇڭگو كوممۋنيستىك پارتياسى ورتالىق كوميتەتى، مەملەكەتتىك كەڭەس بەيجيڭ حالىق سارايىندا 2021 - جىلعى كوكتەم مەرەكەسىن توپتىق قۇتتىقتاۋ ءماجىلىسىن وتكىزدى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ ءسوز سويلەدى. سۋرەتتى شينحۋا اگەنتتىگىنىڭ ءتىلشىسى جۇي پىڭ تۇسىرگەن

  2 - ايدىڭ 10 - كۇنى جۇڭگو كوممۋنيستىك پارتياسى ورتالىق كوميتەتى، مەملەكەتتىك كەڭەس بەيجيڭ حالىق سارايىندا 2021 - جىلعى كوكتەم مەرەكەسىن توپتىق قۇتتىقتاۋ ءماجىلىسىن وتكىزدى. پارتيا مەن مەملەكەت باسشىلارىنان شي جينپيڭ، لي كىچياڭ، لي جانشۋ، ۋاڭ ياڭ، ۋاڭ حۋنيڭ، جاۋ لىجي، حان جىڭ، ۋاڭ چيشان قاتارلىلار استاناداعى ءار سالا قايراتكەرلەرىمەن قۋانىشپەن ءبىر اراعا باس قوسىپ، كوكتەم مەرەكەسىن بىرگە قارسى الدى. □ سۋرەتتى شينحۋا اگەنتتىگىنىڭ ءتىلشىسى ۋاڭ يە تۇسىرگەن

  شينحۋا اگەنتتىگىنىڭ 2 - ايدىڭ 10 - كۇنى بەيجيڭنەن بەرگەن حابارى. جۇڭگو كوممۋنيستىك پارتياسى ورتالىق كوميتەتى، مەملەكەتتىك كەڭەس 2 - ايدىڭ 10 - كۇنى تۇستەن بۇرىن حالىق سارايىندا 2021 - جىلعى كوكتەم مەرەكەسىن توپتىق قۇتتىقتاۋ ءماجىلىسىن وتكىزدى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ ءسوز سويلەپ، پارتيا ورتالىق كوميتەتى، مەملەكەتتىك كەڭەس اتىنان بۇكىل ەلدەگى ءار ۇلت حالقىنىڭ، شياڭگاڭ ەرەكشە اكىمشىلىك رايونىنداعى باۋىرلاستاردىڭ، اۋمىن ەرەكشە اكىمشىلىك رايونىنداعى باۋىرلاستاردىڭ، تايۋاندىق باۋىرلاستاردىڭ جانە شەتەلدەگى چياۋمين باۋىرلاستاردىڭ مەرەكەسىن قۇتتىقتادى.

  شي جينپيڭ بىلاي دەپ باسا دارىپتەدى: جاپپاي دوڭگەلەك داۋلەتتى قوعام ورناتۋ، ءبىرىنشى 100 جىلدىق كۇرەس نىساناسىن جۇزەگە اسىرۋ جۇڭگو كوممۋنيستىك پارتياسىنىڭ كۇرەس تاريحىندا، جاڭا جۇڭگونىڭ دامۋ تاريحىندا، جۇڭحۋا ۇلتىنىڭ وركەنيەت تاريحىندا بەلەستىك ماڭىز الادى. سونىمەن بىرگە، ءبىز، ءسوز جوق، مىنانى جىعا تانۋىمىز كەرەك، بۇل تەك ءبىزدىڭ جۇڭحۋا ۇلتىنىڭ ۇلى گۇلدەنۋىنە قاراي تاستاعان شەشۋشى ءبىر قادامىمىز عانا، ءبىز استە داندايسىماۋىمىز، توقمەيىلسىمەۋىمىز، العا باسپاي توقىراپ قالماۋىمىز، ۇزدىكسىز تۇردە كىشپەيىل، بايسالدى بولىپ، داندايسۋدان، ۇشقالاقتىقتان ساقتانۋىمىز، ۇزدىكسىز تۇردە قاجىرلىلىقپەن كۇرەس جۇرگىزىپ، قايتپاس قايسار جىگەرمەن العا ۇمتىلىپ، ەكىنشى 100 جىلدىق كۇرەس نىساناسىن جۇزەگە اسىرۋ، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ ءۇشىن قايراتتانا، ايانباي شايقاسىپ، ادامزاتتىڭ بەيبىتشىلىگى مەن دامۋى سىندى اسقاق ىستەر ءۇشىن ۇزدىكسىز تىڭ، اناعۇرلىم زور ۇلەس قوسۋىمىز كەرەك!

  پارتيا مەن مەملەكەتتىڭ باسشىلارىنان لي كىچياڭ، لي جانشۋ، ۋاڭ ياڭ، ۋاڭ حۋنيڭ، جاۋ لىجي، حان جىڭ، ۋاڭ چيشان قاتارلىلار توپتىق قۇتتىقتاۋ ماجىلىسىنە قاتىناستى، لي كىچياڭ باسقاردى.

  حالىق سارايىنىڭ قوناعاسى زالىندا شامدار جارقىراپ، جىلى مەرەيلى لەپ ەستى، ءار سالا قايراتكەرىنەن 1000عا تارتا ادام ءبىر اراعا شاتتىقپەن باس قوسىپ، كوكتەم مەرەكەسىن بىرگە قارسى الدى، شاتتىق ءۇن، شادىمان كۇلكى شارق ۇرىپ، مەرەكەگە مەرەي قوستى.

  تۇستەن بۇرىن ساعات 10 مولشەرىندە شات مەرەيلى مۋزيكا اۋەنى ىشىندە شي جينپيڭ قاتارلى پارتيا مەن مەملەكەت باسشىلارى زالعا كىرىپ، زالداعىلارعا قول بۇلعاپ قۇرمەت ءبىلدىرىپ، كوپشىلىكپەن ءوزارا امانداسىپ، كوكتەم مەرەكەسىن قۇتتىقتادى، بۇكىل زالدان قىزۋ شاپالاق ءۇنى كوتەرىلدى.

  شي جينپيڭ سوزىندە بىلاي دەپ اتاپ كورسەتتى: وتكەن ءبىر جىلعا قايىرىلا قاراساق، كوڭىل قوبالجىتارلىق الماعايىپ توسىن وزگەرىس تە، ايباتى اسقاق، ارىنى ۇستەم ۇدەرە العا باسۋ دا بولدى. ءبىر جىلدان بەرى پارتيامىز بۇكىل ەلدەگى ءار ۇلت حالقىن ىنتىماقتاستىرىپ، باستاپ، ەل بىرلىگىنەن بەرىك قامال تۇرعىزىپ، قيىندىقتى ەڭسەرە ورگە ۇمتىلىپ، ىندەتپەن ايقاسىپ، تاسقىنمەن شايقاسىپ، رەفورمانى جەبەپ، ەسىك اشۋدى ىلگەرىلەتىپ، كەدەيلىكتەن ارىلتۋدى مىقتى ۇستاپ، حالىق تۇرمىسىنا تيىمدىلىك جاساپ، ارتۋدى قامتاماسىز ەتىپ، كەلەلى جاعدايدى ورنىقتىرىپ، دۇنيە جۇزىندە، ەڭ الدىمەن، ىندەتتىڭ تارالۋىن تەجەپ، بۇكىل الەمدەگى باستى ەكونوميكالىق تۇلعالاردىڭ ىشىندە ەكونوميكانىڭ وڭ ارتۋىن الدىمەن جۇزەگە اسىرىپ، جاپپاي دوڭگەلەك داۋلەتتى قوعام ورناتۋدا ۇلى، تاريحي تابىسقا قول جەتكىزدى، كەدەيلىكتەن ارىلتۋدان قامال الۋ نىسانا - مىندەتتەرى ۋاعىندا ورىندالىپ، ەلەۋلى عىلىم - تەحنيكالىق جاڭالىق اشۋ جەتىستىكتەرىنەن ىركەس - تىركەس قۋانىشتى حابارلار تارالىپ، ”ءبىر بەلدەۋ، ءبىر جولدى“ بىرگە قۇرۋ تىڭعىلىقتى ىلگەرىلەپ، ”13 - بەسجىلدىق“ جوبا تولىق تابىسپەن اياقتاپ، ادامزاتتىڭ تاعدىرلاس ورتاق تۇلعاسىن قۇرۋ حالىقارالىق قوعامنىڭ كەڭ كولەمدە قۇپتاۋىنا يە بولدى، ءتۇرلى ىستەردە تىڭ، ەلەۋلى تابىسقا قول جەتتى. اماليات مىنانى تاعى ءبىر مارتە دالەلدەدى: جۇڭگوشا سوتسياليزم ءتۇزىمى تەڭدەسسىز قۇدىرەتتى ومىرشەڭدىك كۇشكە جانە جاسامپاز كۇشكە يە، جۇڭگو حالقى مەن جۇڭحۋا ۇلتى تەڭدەسسىز قۇدىرەتتى ۇيىسۋ كۇشىنە جانە شوعىرلانۋ قۋاتىنا يە. بۇكىل پارتيا، بۇكىل ەلدەگى ءار ۇلت حالقى پارتيا ورتالىق كوميتەتىنىڭ توڭىرەگىنە تىعىز ىنتىماقتاسسا بولعانى، ءبىزدى ەشقانداي قيىندىق بوگەي المايدى، ەشقانداي كۇش جۇڭحۋا ۇلتىنىڭ ۇلى گۇلدەنۋىنىڭ ەكپىندى قادامىنا بوگەت بولا المايدى.

  شي جينپيڭ بىلاي دەپ باسا دارىپتەدى: جاڭا ءبىر جىلدا ءبىز پارتيا 19 - قۇرىلتايىنىڭ جانە 19 - كەزەكتى ورتالىق كوميتەتى ەكىنشى، ءۇشىنشى، ءتورتىنشى، بەسىنشى جالپى ماجىلىستەرىنىڭ رۋحىن جاپپاي دايەكتىلەندىرىپ، ورنىقتىلىق بارىسىندا ىلگەرىلەۋ قىزمەت جالپى ارناسىنان جازباي، جاڭا دامۋ كەزەڭىن تياناق ەتىپ، جاڭا دامۋ ۇستانىمىن دايەكتىلەندىرىپ، جاڭا دامۋ ارناسىن قالىپتاستىرىپ، جوعارى ساپالى دامۋدى نەگىزگى تاقىرىپ، قامداۋ جاعىنداعى قۇرىلىمدىق رەفورمانى تەرەڭدەتۋدى نەگىزگى جەلى، رەفورما جاساۋدى، جاڭالىق اشۋدى ءتۇبىرلى قوزعاۋشى كۇش، حالىقتىڭ كۇن سايىن ارتىپ وتىرعان تاماشا تۇرمىس قاجەتىن قاناعاتتاندىرۋدى ءتۇبىرلى ماقسات ەتىپ، ”بەستى ءبىر تۇلعالاندىرۋ“ جالپى تۇلعالىق ورنالاستىرۋىن ءبىر تۇتاس جوسپارلاپ ىلگەرىلەتىپ، ”ءتورتتى جاپپاي ورىنداۋ“ ستراتەگيالىق ورنالاستىرۋىن سايكەستى ىلگەرىلەتىپ، دامۋ مەن حاۋىپسىزدىكتى ءبىر تۇتاس جوسپارلاپ، ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋ جەتىستىكتەرىن بەكەمدەپ، كەڭەيتىپ، ”14 - بەسجىلدىق“ مەزگىلىندەگى دامۋدا جاقسى باستاما اشۋعا، جاقسى قادام باسۋعا قۇلشىنىپ، جۇڭگو كوممۋنيستىك پارتياسى قۇرىلعاندىعىنىڭ 100 جىلدىعىن ۇزدىك ناتيجەمەن قارسى الۋىمىز كەرەك.

  شي جينپيڭ بىلاي دەپ اتاپ كورسەتتى: ”ءبىر كۇندەرى جەلپىنتىپ سامال ەسسە، سامۇرىق سامعار ءزاۋلىم - زەڭگىر كوككە“. 100 جىلدان بەرى جۇڭگو كوممۋنيستىك پارتياسى جۇڭگو حالقىن باقىتقا كەنەلتەتىن اۋەلگى ماقسات، جۇڭحۋا ۇلتىنىڭ ۇلى گۇلدەنۋىن جۇزەگە اسىراتىن بورىشتى ۇستانىپ، قيىندىقتان، قاتەردەن، بوگەتتەن تايسالماي، قان توگىپ قۇربان بولۋدان قورىقپاي، بۇكىل ەلدەگى ءار ۇلت حالقىن ىنتىماقتاستىرىپ، باستاپ، قاندى شايقاس جۇرگىزىپ، كۇشەيۋ جولىندا جىگەر كورسەتىپ، رەفورما جاساپ، ەسىك اشىپ، جۇڭحۋا ۇلتى ەڭسە كوتەرۋدەن، بايۋدان قۇدىرەتتەنۋگە دەيىنگى ۇلى شارىقتاۋدى قارسى الدى. بۇگىنگى تاڭدا جۇڭگو كوممۋنيستىك پارتياسى دامىپ 100 جىلدىق شۇعىلالى بارىستى باسىپ وتكەن، ەڭ ۇلكەن سوتسياليستىك مەملەكەتتە 70 جىلدان ارتىق بيلىك جۇرگىزگەن، 91 ميلليوننان استام پارتيا مۇشەسى بار، دۇنيە جۇزىندەگى ەڭ ۇلكەن ماركستىك بيلىك باسىنداعى پارتياعا اينالدى، ءبىر ميلليارد 400 ميلليون جۇڭگو حالقىنىڭ ەڭ كەڭ كولەمدى قولداۋىنا جانە جاقتاۋىنا يە بولدى. جۇڭگو كوممۋنيستىك پارتياسى مۇرات ەتكەن جۇڭحۋا ۇلتىنىڭ بولاشاقتىق ۇلى ءىسى 100 جىلدىق كەمەلىنە كەلگەن شاققا تۋرا كەلدى. ءبىز باسىپ وتكەن جولىمىزعا زەر سالا قايىرىلا قاراۋىمىز، باسىپ وتكەن جولىمىزدى ۇمىتپاۋىمىز، الداعى جولدى ۇزدىكسىز ويداعىداي باسۋىمىز، مۇرات - سەنىمدى بەكەمدەپ، اۋەلگى ماقسات پەن بورىشتى ەستە بەرىك ساقتاپ، حالىق بۇقاراسىنا تامىر تارتىپ، جالىندى جىگەردى، اسقاق ارىندى ءارقاشان ساقتاۋىمىز كەرەك. پارتيامىز باستان - اياق ءداۋىر اعىمىنىڭ ەڭ الدىڭعى لەگىندە تۇرسا، قامال الۋدىڭ، قيىندىقتى ەڭسەرۋدىڭ ەڭ الدىڭعى شەبىندە تۇرسا، ەڭ كەڭ حالىق بۇقاراسىنىڭ اراسىندا تۇرسا بولعانى، ماڭگى جەڭىمپاز ورىندا تۇراتىندىعى ءشۇباسىز.

  شي جينپيڭ بىلاي دەپ باسا دارىپتەدى: جۇڭحۋا مادەنيەتىندە وگىز − ەڭبەكشىلدىكتىڭ، ۇلەس قوسۋدىڭ، جىگەرلەنە ۇمتىلۋدىڭ، كۇش - قۋاتتىڭ سيمۆولى. ادامدار حالىق ءۇشىن قىزمەت ىستەۋدى، قالتقىسىز ۇلەس قوسۋدى وگىزدىڭ ەلپەكتىگىنە، جاڭالىق اشا دامۋدى، قامال الىپ، قيىندىقتاردى ەڭسەرۋدى وگىزدىڭ تىڭعا تۇرەن سالۋىنا، قاجىرلىلىقپەن كۇرەس جۇرگىزىپ، جاپا - ماشاقاتقا شىداۋدى وگىزدىڭ كومپىستىگىنە تەڭەيدى. العا باسۋ جولىندا ءبىز ەلپەك وگىز، تۇرەنشى وگىز، كومپىس وگىز رۋحىن زور كۇشپەن اسقاقتاتىپ، ماشاقاتتان قورىقپايتىن، جاپاعا شىدامدى وگىزدەي كۇشىمىزبەن، وگىزدەي قايراتىمىزبەن قامشى سالدىرماي - اق وزدىگىمىزدەن قايراتتانا ۇمتىلىپ، جۇڭحۋا ۇلتىنىڭ ۇلى گۇلدەنۋى ءۇشىن ايانباي ەڭبەك ەتىپ، تەر توگىپ، باتىلدىقپەن ۇدەرە العا تارتىپ، جاڭا داۋىردە جاڭا تاريحي شۇعىلالى ناتيجە جاراتۋىمىز كەرەك.

  جۇڭگو كوممۋنيستىك پارتياسى ورتالىق كوميتەتىندەگى، مەملەكەتتىك حالىق قۇرىلتايى تۇراقتى كوميتەتىندەگى، مەملەكەتتىك كەڭەستەگى، ەڭ جوعارى حالىق سوتى مەكەمەسىندەگى، ەڭ جوعارى حالىق پروكۋراتۋراسىنداعى، مەملەكەتتىك ساياسي كەڭەستەگى، ورتالىق اسكەري ىستەر كوميتەتىندەگى باسشى جولداستار جانە ساقا جولداستار توپتىق قۇتتىقتاۋ ماجىلىسىنە قاتىناستى.

  توپتىق قۇتتىقتاۋ ماجىلىسىنە ورتالىقتاعى پارتيا، ۇكىمەت، ارميا تاراۋلارىنداعى، بۇقارالىق تاراۋلارداعى جانە بەيجيڭ قالاسىنداعى جاۋاپتى جولداستار، ءارقايسى دەموكراتيالىق پارتيا - توپتاردىڭ ورتالىق كوميتەتتەرىنىڭ، مەملەكەتتىك ساۋدا - ونەركاسىپشىلەر بىرلەستىگىنىڭ جاۋاپتىلارى جانە پارتيادا، توپتا جوق قايراتكەرلەردىڭ ۋاكىلدەرى، دەمالىسقا، زەينەتكە شىققان ساقا جولداستاردىڭ ۋاكىلدەرى، ايگىلى مامانداردىڭ، وقىمىستىلاردىڭ جانە استانانىڭ ءار سالاسىنداعى قايراتكەرلەردىڭ ۋاكىلدەرى دە قاتىناستى. ادەبيەت - كوركەمونەر قىزمەتكەرلەرى توپتىق قۇتتىقتاۋ ماجىلىسىندە تارتىمدى كونسەرت نومىرلەرىن كورسەتتى.

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.