تيانشان تورى   ›   جاڭالىقتار   ›   ساياحات

مادەنيەت سالتاناتىنان يگىلىكتەنىپ، قار - مۇز ويىنىنىڭ قىزىعىنا شومدى

  كوكتەم مەرەكەسى دەمالىسى كەزىندە تۇتاس شينجياڭ 3 ميلليون 400 مىڭ ادام - رەتتەن استام ساياحاتشى قابىلدادى

  انار بۇلت / شينجياڭ گازەتىنىڭ تىلشىلەرى ياۋ گاڭ، رىن جياڭ 2 - ايدىڭ 17 - كۇنى ۇرىمجىدەن حابارلايدى. 3 - جاق ساناق سەرىكتەستىگىنىڭ ۇلگى الىپ تەكسەرۋ ساناعىنا نەگىزدەلگەندە، بيىلعى كوكتەم مەرەكەسى دەمالىسى كەزىندە تۇتاس شينجياڭ جالپى قابىلداعان ەل ءىشى ساياحاتشىلارى 3 ميلليون 409 مىڭ 400 ادام - رەتكە جەتىپ، 2 ميلليارد 591 ميلليون يۋان ساياحات كىرىسىن كىرگىزدى.

  تۇتاس شينجياڭ ”شينجياڭ جاقسى جەر − باقىتتى تۇرمىس، باقىتتى جىلدى“ نەگىزگى تاقىرىپ ەتىپ، ۇلتتىق سالت - سانانى سەزىنۋ، ادەبيەت - كوركەمونەر كونسەرتى، كورمە، لەكسيا، جالپى حالىق كىتاپ وقۋ، مادەني ەسكەرتكىشتەر كورمەسى، قار - مۇز سالتاناتى سياقتى مادەنيەت جانە ساياحات قيمىلدارىن وتكىزىپ، مەرەكەدەگى مادەنيەت جانە ساياحات بازارىنا جاڭا ومىرشەڭدىك كۇش ۇستەدى.

  جەر - جەر ”شينجياڭ جاقسى جەر − باقىتقا تولى ءان اۋەنى، باقىتتى جىلدى“ نەگىزگى تاقىرىپ ەتكەن ءان قويىلىمى، 2021 - جىلعى جاڭادان جاسالعان تاڭداۋلى ساحنالىق كوركەمونەر تۋىندىلارى كوكتەم مەرەكەسى مۋزيكا ساۋىق كەشى − «جاڭا ساپاردا ەكپىندەي ىلگەرىلەيىك»، ”ءبىزدىڭ جۇڭگو ارمانىمىز − مادەنيەتتى سان مىڭداعان وتباسىلارعا جەتكىزۋ“ ادەبيەت - كوركەمونەر تۋىندىلارىنان ءلاززات الۋ سياقتى تارتىمدى مازمۇندار كورسەتىلگەن جەلىدەگى قيمىلداردى ورىستەتىپ، ادامدار ۇيىندە وتىرىپ - اق مادەنيەت سالتاناتىنان ءلاززات الدى.

  ”شينجياڭ جاقسى جەر − 8 - كەزەكتى تيانشان الابىنىڭ كوكتەم مەرەكەسىن قۇتتىقتاۋ بەيزاتتىق سالت - ءداستۇر كورمەسىن“ ارقاۋ ەتە وتىرىپ، جەر - جەر ينتەرنەتتە كوكتەم مەرەكەسى بوساعالىعىن ۇسىنۋ، اعاش ويما مەرەكەلىك سۋرەت سارا تۋىندىلار كورمەسى، كوكتەم مەرەكەسىن قارسى الۋ فوتو سۋرەت تۋىندىلارى كورمەسى، بەيزاتتىق ءدامدى تاعامدار كورمەسى، 2 - كەزەكتى جۇڭحۋا تەاتر ۇلكەن ساحناسى، تەاتر ويىنىن قويۋ، اۋىل مەرەكەسىن بەينە ەكراندا تىكە تاراتۋ، شينجياڭدى بۇلتتىق ساياحاتتاۋ سياقتى جەلىلەس قيمىلداردى وتكىزىپ، ادامداردىڭ قارسى الۋىنا بولەندى.

  باي مازمۇندى جەلىدەگى قيمىلدان تىس، جەر - جەر تاعى الۋان فورماداعى جەلىدەن تىس قيمىلداردى وتكىزدى. تۇتاس شينجياڭنىڭ جەر - جەرى تۇرلىشە فورمالار ارقىلى مەرەكەلىك سۋرەت، بوساعالىق، تەاتر، بالشىق ءمۇسىن ونەرى، گۋچين كوركەمونەرى، حانفۋ، ايداعار، ارىستان ءبيى، بەيزاتتىق مادەنيەت مۇرالارىن ەكسكۋرسيالاۋ جانە كورسەتۋ سياقتى باي مازمۇندى مەرەكەلىك مادەنيەت قيمىلدارىن ۇيىمداستىرىپ وتكىزدى. تيانشان بوعدا كولى كورىنىس ءوڭىرى مۇز ءۇستى سوعىسپالى ماشينا، مۇز ءۇستى ۆەلوسيپەد، ءيت شانا سياقتى تۇرلەردى جولعا قويىپ، ساياحاتشىلار تيانشان بوعدا كولىندە باس قوسىپ مەرەكەنى تويلادى. اۋات اۋدانى دولان تايپاسى كورىنىس وڭىرىندە ادامدار سىرعاناق تەۋىپ، ۇلتتىق سالت - سانانى تاماشالاپ، بايگە، كوكپار، اتەش تالاستىرۋ سياقتى ۇلتتىق مادەنيەت دەنە تاربيە قيمىلدارىن كوردى.

  قاردا ”اسىر سالۋ“ كوكتەم مەرەكەسى دەمالىسى كەزىندە ادامداردىڭ سەيىل - سەرۋەن تۇرمىسىنىڭ ءبىر بولىگىنە اينالدى. كوكتەم مەرەكەسى دەمالىسى كەزىندە التاي قالاسىنداعى گەنەرال تاۋى شاڭعى الاڭىنا، كوكتوعاي اۋدانىنداعى كوكتوعاي حالىقارالىق شاڭعى الاڭىنا، قاناس كورىنىس وڭىرىنە قار - مۇز ساياحاتىمەن دەمالا بارعان ادامدار سانى زور مولشەردە ارتتى. كوكتوعاي حالىقارالىق شاڭعى الاڭى جالپى 58 مىڭ 300 ادام - رەت ساياحاتشى قابىلداپ، 58 ميلليون 832 مىڭ 500 يۋان كىرىس كىرگىزدى.

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.