شينحۋا اگەنتتىگىنىڭ 2 - ايدىڭ 17 - كۇنى بەيجيڭنەن بەرگەن حابارى (ءتىلشى باي يىڭ). جۇڭگو كوممۋنيستىك پارتياسى ورتالىق كوميتەتى ۇگىت ءبولىمى، ورتالىق راديو - تەلەۆيزيا باس ستانسياسى بىرلەسىپ جاساعان ەرەكشە باعدارلاما «كوكەيگە قونىمدى ”سوزدەر“ − شي جينپيڭ ۇناتاتىن قاناتتى سوزدەر» (2 - بولىك) 2 - ايدىڭ 18 - كۇنىنەن باستاپ ورتالىق تەلەۆيزياسىنىڭ ۋنيۆەرسال كانالىندا قويىلادى. باعدارلامادا پارتيالى باسشى كادرلاردىڭ پارتيالىق جەتىلۋى، سوتسياليستىك وزەكتى قۇن كوزقاراسى، جاڭا دامۋ ۇستانىمى، جۇڭگو ارمانى قاتارلى 4 جاق قامتىلعان.
ورتالىق راديو - تەلەۆيزيا باس ستانسياسىنىڭ تانىستىرۋىنشا، 2 - بولىك باعدارمالاسى شي جينپيڭنىڭ جاڭا ءداۋىر جۇڭگوشا سوتسياليزم يدەياسىن بويسۇنۋ ولشەمى ەتىپ، ”اۋەلگى ماقساتتى ۇمىتپاۋ، بورىشتى ەستە بەرىك ساقتاۋ“ نەگىزگى تاقىرىبىن كورنەكتىلەندىرىپ، باس شۋجي شي جينپيڭنىڭ ەڭ جاڭا ماڭىزدى سوزدەرىندە، ماقالالارىندا، اڭگىمەلەرىندە قولدانىلعان ارعى زامان كىتاپتارى مەن كلاسسيك ايگىلى سوزدەردە بەينەلەنگەن ىشكى ءمان مەن مادەنيەت قۇنىن ءتۇسىندىرىپ، باس شۋجي شي جينپيڭنىڭ جاڭا داۋىردەگى جول باستاۋشى، حالىقتىڭ قىزمەتكەرى بولۋداي كوسەم ونەگەسى مەن حالىق ءۇشىن ىستەيتىن ىقىلاس - پەيىلىن جاسامپاز تاسىلدەرمەن كورسەتكەن.
12 ءبولىمدى باعدارلاما جەكە - جەكە ”مەن وزىممەن ساناسپاي حالىقتىڭ ءۇمىتىن اقتايمىن“، ”ءوزىن جەڭگەندەر الەمدى جەڭەدى“، ”تاريح بەتتەرىندە اتى قالارى حاق، ەلى ءۇشىن جانىن قيعان ادامنىڭ“، ”ءمانساپتىلاردىڭ جاۋاپكەرشىلىكتەن قاشۋى ومىرلىك نامىس“، ”وتان ءۇشىن جان پيدا ەتۋگە پەيىلمىن“، ”ايتقانىنان اينىماۋ التىننان دا قادىرلى“، ”ءوزىڭدى تىنباي الۋەتتەندىرسەڭ كۇن سايىن جاڭاراسىڭ“، ”كۇللى دۇنيە بىرگە وركەندەسىن، ءبىر - بىرىنە زيان جەتكىزبەسىن“، ”بارلىق گۇل شەشەك اتقاندا عانا كوكتەمنىڭ ءسانى كەلەدى“ ، ”كوشكەن بۇلتتىڭ كوزدى كولەگەيلەۋىنەن ۇرەيلەنبەيمىن“، ”اي - كۇنگە ءامىر شاشا الامىز جاڭارتۋعا كوك ءجۇزىن“، ”بۇلت جەلكەن عىپ، كوك تەڭىزدى مەن دە وتەرمىن قاق ءتىلىپ“ دەگەندەردى تاقىرىپ ەتىپ، نازاردى اۋەلگى ماقسات، سەنىم، ادالدىق، جاۋاپكەرشىلىك ارقالاۋ، وتاندى ءسۇيۋ، شىنشىلدىق، جاڭالىق اشۋ، جاسىل، بىرگە كەنەلۋ، وزىنە سەنىم، كۇرەس، ارمان سياقتى تاقىرىپتارعا شوعىرلاندىرعان.
تانىستىرۋعا نەگىزدەلگەندە، باس شۋجي شي جينپيڭنىڭ اۋەلگى دىبىستىق قىسقا كەسكىن، كلاسسيك شىعارمالارعا تۇسىندىرمە، يدەياعا تۇسىنىك، ءوزارا سۇحبات، كلاسسيك شىعارمالاردى مانەرلەپ وقۋ قاتارلى 5 بۋىن ارقىلى ەرتەدەگى مەن بۇگىنگىنى تۇتاستىرعان، ۋاقيعالاردى توعىستىرعان، تەرەڭ ويدى تۇسىنىكتى تىلمەن بايانداعان يدەيالىق جاقتان شابىت بەرەتىن جانە شىنايى سۇيىسپەنشىلىكتى جەتكىزەتىن تۇعىر قالىپتاستىرىپ، 7 نەگىزگى بايانداۋشى مەن 5 ءتۇسىندىرۋشى باس شۋجي شي جينپيڭ قولدانعان قاناتتى سوزدەردىڭ شىعۋ ارتقى كورىنىسىن، تاريحي اڭگىمەلەرىن جانە رەال ءمانىن ءتۇسىندىرىپ شىققان.
