تيانشان تورى
تيانشان تورى   ›   جاڭالىقتار   ›   ماڭىزدى حابارلار

شي جينپيڭ ورتالىق رەفورمانى جاپپاي تەرەڭدەتۋ كوميتەتىنىڭ 18 - رەتكى ءماجىلىسىن باسقارىپ اشىپ بىلاي دەپ باسا دارىپتەدى

جاڭا دامۋ ۇستانىمىن تولىق، دالمە - ءدال، جاپپاي دايەكتىلەندىرىپ، رەفورمانىڭ جاڭا دامۋ ارناسىن قالىپتاستىرۋداعى شەشۋشى رولىن ساۋلەلەندىرۋ كەرەك

لي كىچياڭ، ۋاڭ حۋنيڭ، حان جىڭ قاتىناستى

  شينحۋا اگەنتتىگىنىڭ 2 - ايدىڭ 19 - كۇنى بەيجيڭنەن بەرگەن حابارى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى، ورتالىق رەفورمانى جاپپاي تەرەڭدەتۋ كوميتەتىنىڭ مەڭگەرۋشىسى شي جينپيڭ 2 - ايدىڭ 19 - كۇنى تۇستەن كەيىن ورتالىق رەفورمانى جاپپاي تەرەڭدەتۋ كوميتەتىنىڭ 18 - رەتكى ءماجىلىسىن باسقارىپ اشتى ءارى ماڭىزدى ءسوز سويلەدى. ول بىلاي دەپ باسا دارىپتەدى: رەفورمانى جاپپاي تەرەڭدەتۋدى جاڭا دامۋ ۇستانىمىن دايەكتىلەندىرۋمەن، جاڭا دامۋ ارناسىن قالىپتاستىرۋمەن تىعىز بايلانىستىرىپ، جاڭا دامۋ ۇستانىمىن تولىق، دالمە - ءدال، جاپپاي دايەكتىلەندىرىپ، جاڭا دامۋ ارناسىن قالىپتاستىرۋ نىسانالارى مەن مىندەتتەرىن يگەرىپ، رەفورما جوبالارىن اناعۇرلىم ءدال شىعارىپ، رەفورمانىڭ اناعۇرلىم تەرەڭ دەڭگەيگە قاراي ىلگەرىلەۋىن جەبەپ، رەفورمانى جاپپاي تەرەڭدەتۋدىڭ جاڭا دامۋ ارناسىن قالىپتاستىرۋداعى شەشۋشى رولىن ساۋلەلەندىرۋ كەرەك.

  جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەلەرى، ورتالىق رەفورمانى جاپپاي تەرەڭدەتۋ كوميتەتىنىڭ ورىنباسار مەڭگەرۋشىلەرى لي كىچياڭ، ۋاڭ حۋنيڭ، حان جىڭ ماجىلىسكە قاتىناستى.

  ءماجىلىس «ورتالىق رەفورمانى جاپپاي تەرەڭدەتۋ كوميتەتىنىڭ 2020 - جىلعى قىزمەت قورىتىندى بايانداماسىن»، «ورتالىق رەفورمانى جاپپاي تەرەڭدەتۋ كوميتەتىنىڭ 2021 - جىلعى قىزمەت تۇيىندەرىن» قاراپ ماقۇلدادى.

  ءماجىلىس «ماڭىزدى حالىق تۇرمىسى تاۋارلارىنىڭ باعاسىن رەتتەۋ - مەڭگەرۋ مەحانيزمىن كەمەلدەندىرۋ جونىندەگى پىكىردى»، «ۇكىمەتتىك شيپاحانالاردىڭ جوعارى ساپالى دامۋىن ىلگەرىلەتۋ جونىندەگى پىكىردى»، «اۋداننان تومەن ءىسورىنداردا باسقارۋ جۇمىس ورنىنداعى قىزمەتشىلەردىڭ دارەجەسىن جوعارىلاتۋ ءتۇزىمىن ورناتۋ جونىندەگى پىكىردى»، «ءدارى - دارمەكتەردى باقىلاۋ - باسقارۋ قابىلەتى قۇرىلىسىن جالپى بەتتىك كۇشەيتۋ جونىندەگى اتقارۋ پىكىرىن»، «ەكولوگيالىق ونىمدەردىڭ قۇنىن جۇزەگە اسىرۋ مەحانيزمىن ورناتۋ، اقاۋسىزداندىرۋ جونىندەگى پىكىردى»، «”قىستاق زورەكەرى“ ماسەلەسىنەن ۇزدىكسىز ساقتانۋ جانە ونى رەتتەۋ - جونگە سالۋ جونىندەگى پىكىردى»، «ارىزدى قاينارىنان جونگە سالۋدى كۇشەيتىپ، قايشىلىق، داۋ - شارلاردى تۋ باستان شەشۋدى ىلگەرىلەتۋ جونىندەگى پىكىردى» قاراپ ماقۇلدادى.

  ءماجىلىس مىنالاردى اتاپ كورسەتتى: وتكەن ءبىر جىلدا، شي جينپيڭ جولداستى ۇيتقى ەتكەن پارتيا ورتالىق كوميتەتى جاعدايدىڭ دامۋىن، وزگەرىسىن ىشكەرىلەي يگەرىپ، رەفورمانىڭ سەرپىلىس جاساۋ جانە جەتەكشىلىك ەتۋ رولىن تولىق ساۋلەلەندىرىپ، رەفورمانى وزگەرىسكە توتەپ بەرۋدىڭ، جاڭا جاعداي اشۋدىڭ ماڭىزدى تۇتقاسى ەتىپ، پارتيا 18 - كەزەكتى ورتالىق كوميتەتىنىڭ ءۇشىنشى جالپى ماجىلىسىنەن بەرى ورنالاستىرىلعان رەفورما مىندەتتەرىنىڭ تياناقتانۋىن ىلگەرىلەتۋدى ”13 - بەسجىلدىق“ جوبانىڭ باستى نىسانالارى مەن مىندەتتەرىن ورىنداۋمەن، جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە جەتۋمەن، كەدەيلىكتەن ارىلتۋدان قامال الۋدىڭ شەشۋشى شايقاسىن جۇرگىزۋمەن تىعىز ۇشتاستىرىپ، حاۋىپ - قاتەردەن ساقتاناتىن، نەگىز قالايتىن، حالىق تۇرمىسىنا تيىمدىلىك جاسايتىن، يگىلىگى ۇزاق ۋاقىت جالعاساتىن رەفورمالارمەن ورگانيكالى بىرلىككە كەلتىرىپ، جۇڭگوشا سوتسياليزم تۇزىمىنە تاباندى بولۋ جانە ونى كەمەلدەندىرۋدى، مەملەكەتتى جونگە سالۋ جۇيەسى مەن جونگە سالۋ قابىلەتىن وسىزامانداندىرۋدى ىلگەرىلەتۋدى تىعىز ارقاۋ ەتىپ، اناعۇرلىم تەرەڭ دەڭگەيدەگى رەفورما، اناعۇرلىم جوعارى دەڭگەيدەگى ەسىك اشۋ ارقىلى ەكونوميكالىق، قوعامدىق دامۋ كەلەلى جاعدايىنا قىزمەت ەتىپ، ءتۇزىم ارتىقشىلىعى ارقىلى حاۋىپ - قاتەرلەردىڭ، سىن - سايىستاردىڭ سوققىسىنا توتەپ بەرىپ، رەفورمانى جاپپاي تەرەڭدەتۋدىڭ ەلەۋلى ىلگەرىلەۋشىلىككە قول جەتكىزۋىن جەبەدى.

  ءماجىلىس مىنالاردى باسا دارىپتەدى: رەفورمانى جاپپاي تەرەڭدەتۋدىڭ جاڭا دامۋ ارناسىن قالىپتاستىرۋداعى شەشۋشى رولىن ساۋلەلەندىرۋدە جوعارى دەڭگەيدە ءوز كۇشىنە سۇيەنۋدى، ءوزىن الەۋەتتەندىرۋدى ارقاۋ ەتىپ رەفورمانى تەرەڭدەتىپ، پارتيانىڭ عىلىم - تەحنيكا قىزمەتىنە باسشىلىق ەتۋ ءتۇزىلىسىن، مەحانيزمىن كەمەلدەندىرىپ، عىلىم - تەحنيكالىق جاڭالىق اشۋ كۇش - قۋاتىن ورنالاستىرۋدى، فاكتورلاردى جايعاستىرۋدى، دارىندىلار قوسىنىن جۇيەلىلەندىرۋدى، سايكەستىرۋدى ىلگەرىلەتىپ، جاڭاشا مەملەكەتتىك ءتۇزىلىس باسىمدىعىن ساۋلەلەندىرىپ، عىلىم - تەحنيكانىڭ وزەكتى باسەكەلىك قۋاتىن جوعارىلاتۋعا ىقپال جاسايتىن جانە تەجەيتىن تۇزىلىستىك، مەحانيزمدىك كەدەرگىلەردى باتىل جويىپ، ماڭىزدى سالالارداعى كىلتەڭ تەحنيكالاردان قامال الۋدى جەدەلدەتىپ، كاسىپ سالاسىنداعى قىسپاقتاردى ءونىمدى تۇردە تالقانداپ، جاڭالىق اشا دامۋدىڭ ىرىقتىلىعىن مىقتى يگەرۋ كەرەك. ەكونوميكالىق اينالىمدى ىركىلىسسىزدەندىرۋدى ارقاۋ ەتىپ رەفورمانى تەرەڭدەتىپ، ءادىل باسەكە ءتۇزىمىن كەمەلدەندىرۋ، مال - مۇلىك ۇقىعى مەن ءبىلىم مەنشىك ۇقىعىن قورعاۋدى كۇشەيتۋ، بازار تۇلعالارىنىڭ ومىرشەڭدىگىن قاۋلاتۋ، كاسىپ سالاسى تىزبەگىن، قامداۋ تىزبەگىن ساپالىلاندىرىپ، دارەجەسىن جوعارىلاتۋدى ىلگەرىلەتۋ، وسى زامانعى اينالىم جۇيەسىن قۇرۋ، بۇكىل مەملەكەتتە ءبىر تۇتاس ءىرى بازار قۇرۋ سياقتى جاقتاردا اناعۇرلىم باعىتتامالى رەفورما شارالارىن العا قويىپ، ءتۇرلى رەفورمالاردىڭ توعىسىپ، ساباقتاسۋىن، جۇيەلى شوعىرلانۋىن جەبەۋ كەرەك. ىشكى سۇرانىستى كەڭەيتۋدى ارقاۋ ەتىپ رەفورمانى تەرەڭدەتىپ، كەمەلدى ىشكى سۇرانىس جۇيەسىن جەتىلدىرۋدى جەدەلدەتىپ، وڭىرلىك سايكەستى دامۋ ءتۇزىلىسىن، مەحانيزمىن، قالا، اۋىل توعىسپالى دامۋ ءتۇزىلىسىن، مەحانيزمىن اقاۋسىزداندىرىپ، ادامدى وزەك ەتكەن جاڭاشا قالا - قالاشىقتانۋدى ىلگەرىلەتۋدى جەدەلدەتىپ، جەر ءتۇزىمى، نوپوس ءتۇزىمى رەفورماسىن تەرەڭدەتىپ، كەدەيلىكتەن ارىلتۋدان قامال الۋ تابىستارىن بەكەمدەۋدى، كەڭەيتۋدى اۋىل - قىستاقتى گۇلدەندىرۋمەن ۇتىمدى ۇشتاستىرۋ مەحانيزمىن قۇرىپ، اقاۋسىزداندىرىپ، قايتالاي ءبولىستى رەتتەۋ مەحانيزمىن اقاۋسىزداندىرىپ، بىرگە بايۋدى تىڭعىلىقتى ىلگەرىلەتۋ كەرەك. جوعارى دەڭگەيدە سىرتقا ەسىك اشۋدى ارقاۋ ەتىپ رەفورمانى تەرەڭدەتىپ، تاۋار، قىزمەت وتەۋ، قارجى، دارىندى سياقتى فاكتورلاردىڭ جىلجىمالى اشىق بولۋىن تەرەڭدەتىپ، ەرەجە، قاعيدا، باسقارۋ، ولشەم سياقتى ءتۇزىم قۇرىلىسىن ورنىقتى ىلگەرىلەتىپ، بازارعا كىرۋگە رۇقسات ەتۋ مەن باقىلاپ - باسقارۋ، مال - مۇلىك ۇقىعىن قورعاۋ، سەنىمدىلىك جۇيەسى سياقتى جاقتارداعى زاڭ - ءتۇزىمدى كەمەلدەندىرىپ، بازارلانعان، زاڭمەن جونگە سالىناتىن، حالىقارالانعان شارۋاشىلىق - ساۋدا ورتاسىن جەدەل قالىپتاستىرىپ، اناعۇرلىم جوعارى دەڭگەيدەگى اشىق ەكونوميكالىق جاڭا ءتۇزىلىس قۇرۋدى ىلگەرىلەتۋ كەرەك. جاپپاي جاسىلعا ويىسۋدى ىلگەرىلەتۋدى ارقاۋ ەتىپ رەفورمانى تەرەڭدەتىپ، ەكولوگيالىق وركەنيەت ءتۇزىلىس رەفورماسىن ىشكەرىلەي ىلگەرىلەتىپ، جاراتىلىستىق بايلىق مال - مۇلىك ۇقىعى ءتۇزىمى مەن زاڭداردى، زاڭ ەرەجەلەردى اقاۋسىزداندىرىپ، بايلىق باعاسىن قالىپتاستىرۋ مەحانيزمىن كەمەلدەندىرىپ، جاسىل، تومەن كومىرتەكتى، اينالمالى داميتىن ەكونوميكالىق جۇيە قۇرىپ، اقاۋسىزداندىرىپ، 2030 - جىلدان بۇرىن كومىرتەگى قوس توتىعىن ىعىستىرۋدى جوعارى شەكتە تىزگىندەۋ ارەكەت جوباسىن ءبىر تۇتاس جوسپارلاپ جاساپ، بايلىقتان جوعارى ونىمدىلىكپەن پايدالانۋ، ەكولوگيالىق ورتانى قاتاڭ قورعاۋ، جىلىجاي گازىن ىعىستىرۋدى ءونىمدى تىزگىندەۋ نەگىزىندە دامىپ، ەلىمىزدىڭ جاسىل دامۋىنىڭ تىڭ ساتىعا كوتەرىلۋىن ىلگەرىلەتۋ كەرەك.

  ءماجىلىس مىنالاردى اتاپ كورسەتتى: رەفورمانى جۇيەلى شوعىرلاندىرۋدى كۇشەيتۋدى، رەفورمانىڭ تياناقتانىپ ونىمدىلىك كورسەتۋىن ىلگەرىلەتۋدى اناعۇرلىم كورنەكتى ورىنعا قويۋ كەرەك. بىرىنشىدەن، جۇيە كوزقاراسى بولۋ كەرەك. ساياسي تۇجىرىمداۋ قابىلەتىن، ساياسي ءتۇسىنۋ قابىلەتىن، ساياسي اتقارۋ قابىلەتىن جوعارىلاتىپ، ىرىقتىلىقپەن وزگەرىستى تانىپ، وزگەرىسكە ۇمتىلىپ، وزگەرىسكە توتەپ بەرىپ، جالپى جاعداي كوز اياسىن جانە جۇيەلى ويلاۋدى كۇشەيتىپ، رەفورما ساياساتتارىن ءبىر تۇتاس جوسپارلاۋدى، رەفورما قارقىنىن ءبىر تۇتاس جوسپارلاۋدى، رەفورما ونىمدىلىگىن ءبىر تۇتاس جوسپارلاۋدى كۇشەيتىپ، رەفورمانىڭ جالپى تۇلعالىق ونىمدىلىگىن ساۋلەلەندىرۋ كەرەك. ەكىنشىدەن، ديالەكتيكالىق ويلاۋ جۇيەسى بولۋ كەرەك. ەكىءتۇيىن نازارياسى مەن ماڭىزدى ءتۇيىن نازارياسىنىڭ بىرلىگىنە تاباندى بولىپ، ماسەلەنى باعدار ەتۋدەن جازباي، جاڭا دامۋ كەزەڭىن تياناق ەتىپ، جاڭا دامۋ ۇستانىمىن دايەكتىلەندىرۋگە، جاڭا دامۋ ارناسىن قالىپتاستىرۋعا ىقپال جاسايتىن كورنەكتى ماسەلەلەردى شەشىپ، حالىق بۇقاراسىنىڭ وندىرىسىنە، تۇرمىسىنا ىقپال جاسايتىن كورنەكتى ماسەلەلەردى شەشىپ، تۇيىندەردەن قامال الۋ ارقىلى رەفورمانىڭ تەرەڭدەي ىلگەرىلەۋىنە جەتەكشىلىك ەتۋ كەرەك. ۇشىنشىدەن، جاڭالىق اشۋ تانىمى بولۋ كەرەك. رەفورمانى جۇيەلى شوعىرلاندىرۋدا كەيبىرى ورتالىق دەڭگەيىندە ءبىر تۇتاس سەرپىندى ارتتىرۋدى، كۇشتەردى شوعىرلاندىرىپ، جالپى تۇلعالىق ىلگەرىلەتۋدى قاجەت ەتەدى، كەيبىرى جەرگىلىكتى نەگىزگى ساتىدا الدىمەن سەرپىلىس جاساۋدى، الدىمەن اۋقىم قالىپتاستىرۋدى، ءىس جۇزىندىك جاعدايعا قاراي ىلگەرىلەتۋدى قاجەت ەتەدى. تورتىنشىدەن، شەگە قاعۋ رۋحى بولۋ كەرەك. رەفورمانىڭ نەگىزگى تۇلعالىق جاۋاپكەرشىلىگىن تياناقتاندىرىپ، ناقتىلاندىرىپ، ءتۇزىم قۇرىلىسى سىندى وسى نەگىزگى ارقاۋدى مىقتاپ يگەرۋ، بۇرىنعى بار ءتۇزىم نەگىزىندە ۇزدىكسىز تولىقتاپ قانا قويماي، قازىرگى ءتۇزىم جۇلگەسىندە ونان ارى كەمەلدەندىرىپ، ءتۇزىم بوگەتتەرىن اشىپ، ءتۇزىمدى اتقارۋدى مىقتاپ يگەرىپ، ءىس جۇزىندىك ماسەلەلەردى شەشۋدى ىلگەرىلەتۋ كەرەك.

  ءماجىلىس مىنالاردى باسا دارىپتەدى: ماڭىزدى حالىق تۇرمىسى تاۋارلارىنىڭ باعاسىن رەتتەۋ - مەڭگەرۋ مەحانيزمىن كەمەلدەندىرىپ، حالىقتى وزەك ەتكەن دامۋ يدەياسىنا تاباندى بولىپ، دامۋ مەن حاۋىپسىزدىكتى ءبىر تۇتاس جوسپارلاپ، نازاردى نەگىزگى حالىق تۇرمىسىنا قاتىستى ماڭىزدى تاۋارلارعا شوعىرلاندىرىپ، ءوندىرىستى، اينالىمدى، تۇتىنۋدى ىركىلىسسىزدەندىرۋ سياقتى كوپتەگەن بۋىنداردى مىقتاپ ارقاۋ ەتىپ، ۇكىمەت، بازار، قوعام سياقتىلاردىڭ رولىن ساۋلەلەندىرىپ، ەكونوميكا، زاڭ، اكىمشىلىك سياقتى كوپتەگەن تاسىلدەردى قولدانىپ، باعانى رەتتەۋ - مەڭگەرۋ قابىلەتى مەن دەڭگەيىن جوعارىلاتىپ، ماڭىزدى حالىق تۇرمىسى تاۋارلارىمەن ۇتىمدى قامداۋدى جانە باعاسىنىڭ جالپى جاقتان ورنىقتى بولۋىن پارمەندى قامتاماسىز ەتۋ كەرەك.

  ءماجىلىس مىنالاردى اتاپ كورسەتتى: وسى رەتكى جاڭا تيپتى ايدارشا ۆيرۋس وكپە قابىنۋ ىندەتىنە قارسى اتتانۋدا ۇكىمەتتىك شيپاحانالار ەڭ شۇعىل، ەڭ حاۋىپتى، ەڭ جاپالى ەمدەۋ، قۇتقارۋ قىزمەتىن ارقالاپ، نەگىزگى قوسىندىق رولىن ساۋلەلەندىردى. ۇكىمەتتىك شيپاحانالاردىڭ جوعارى ساپالى دامۋىن ىلگەرىلەتىپ، حالىقتىڭ سالاماتتىعىن وزەك ەتۋگە تاباندى بولىپ، نەگىزدىك ەمدەۋ - دەنساۋلىق ساقتاۋ ىستەرىنىڭ الەۋمەتتىك يگىلىك سيپاتىنان جازباي، ەمدەۋ مەن ساقتانۋدى توعىستىرۋعا، جايشىلىق پەن شۇعىل جاعدايدى بىرلەستىرۋگە، جۇڭگوشا شيپاگەرلىك پەن باتىسشا شيپاگەرلىككە تەڭ ءمان بەرۋگە تاباندى بولىپ، وسى زامانعى شيپاحانا باسقارۋ ءتۇزىمىن كەمەلدەندىرۋدى نىسانا ەتىپ، جۇيەدە جاڭالىق اشۋدى، تەحنيكادا جاڭالىق اشۋدى، ۇلگىدە جاڭالىق اشۋدى، باسقارۋدا جاڭالىق اشۋدى كۇشەيتىپ، ساپالى ەمدەۋ بايلىعىن كەڭەيتۋدى جانە وڭىرلەردە تەڭگەرىمدى ورنالاستىرۋدى جەدەلدەتىپ، ساپالى، جوعارى ءونىمدى ەمدەۋ - دەنساۋلىق ساقتاۋ قىزمەت وتەۋىمەن اناعۇرلىم جاقسى قامداۋعا، ەلەۋلى ىندەتتەن جانە توسىن تۋىلاتىن الەۋمەتتىك دەنساۋلىق ساقتاۋ حاۋىپ - قاتەرىنەن ساقتانۋعا جانە ونى جويۋعا، سالاماتتى جۇڭگو قۇرۋعا پارمەندى تىرەك ازىرلەۋ كەرەك.

  ءماجىلىس مىنالاردى باسا دارىپتەدى: اۋداننان تومەن ءىسورىنداردا باسقارۋ جۇمىس ورنىنداعى قىزمەتشىلەردىڭ دارەجەسىن جوعارىلاتۋ ءتۇزىمىن ورناتۋدى جالپى بەتتىك اتقارىپ، پارتيا كادرلاردى باسقارۋعا، پارتيا دارىندىلاردى باسقارۋعا تاباندى بولىپ، جوعارى ساپالى، ماماندانعان ءىسورىن كادرلار قوسىنىن قۇرۋدى كوزدەپ، قازىرگى قىزمەتشىلەر دارەجەسىن جاڭالاپ، اۋداننان تومەن ءىسورىنداردىڭ قىزمەتكەر دارەجەسى مەن جۇمىس ورنى دارەجەسىن لايىقتى ايىرىپ، باستىسى ءمورال، دارىن ساپاسىن، جەكەنىڭ ستاجىن، قىزمەت ناقتى ناتيجەسىن بەينەلەيتىن دارەجە جوعارىلاتۋ ءتۇزىمىن ورناتىپ، اۋداننان تومەن ءىسورىندارىنداعى باسقارۋشى قىزمەتشىلەردىڭ كاسىپتىك دامۋ ءورىسىن كەڭەيتۋ كەرەك.

  ءماجىلىس مىنالاردى اتاپ كورسەتتى: ءدارى - دارمەكتى باقىلاۋ - باسقارۋ قابىلەتى قۇرىلىسىن جالپى بەتتىك كۇشەيتىپ، حالىقتى بارىنەن جوعارى قويۋعا، ءومىردى بارىنەن جوعارى قويۋعا تاباندى بولىپ، تەكسەرۋ - باعالاۋ، تەكسەرۋ - بەكىتۋ ءتۇزىم رەفورماسىن تەرەڭدەتىپ، باقىلاۋ - باسقارۋدا جاڭالىق اشۋدى ىلگەرىلەتىپ، باقىلاۋ - باسقارۋ قوسىنى قۇرىلىسىن كۇشەيتىپ، عىلمي، جوعارى ءونىمدى، قۇزىرلى ءدارى - دارمەك باقىلاۋ - باسقارۋ جۇيەسىن ورناتىپ، كەمەلدەندىرىپ، ءدارى - دارمەك حاۋىپسىزدىگىنىڭ تومەنگى شەگىن باتىل ساقتاۋ كەرەك. وسى رەتكى ىندەتكە قارسى اتتانۋ تاجىريبەلەرىن، ادىستەرىن جۇيەلى قورىتىندىلاپ، توسىن تۋىلاتىن اۋىر، ەرەكشە ءىرى الەۋمەتتىك دەنساۋلىق ساقتاۋ وقيعالارىنداعى تەكسەرۋ، ولشەۋ، جۇيەلى ساراپتاۋ، تەكسەرۋ - باعالاۋ، تەكسەرۋ - بەكىتۋ، باقىلاۋ - ولشەۋ، باعالاۋ، شۇعىل پايدالانۋ سياقتى قىزمەت مەحانيزمىن كەمەلدەندىرىپ، جاقسارتىپ، ءدارى - دارمەكتى باقىلاۋ - باسقارۋ، توتەنشە جاعدايدا ءبىر جاقتى ەتۋ قابىلەتىن جوعارىلاتۋ كەرەك.

  ءماجىلىس مىنالاردى باسا دارىپتەدى: ەكولوگيالىق ونىمدەردىڭ قۇنىن جۇزەگە اسىرۋ مەحانيزمىن ورناتۋدىڭ تەتىگى − تۇنىق سۋ، جاسىل تاۋدى باعالى بايلىققا اينالدىرۋ ساياسات، ءتۇزىم جۇيەسىن ورناتۋ. قورعاۋدى ماڭداي الدى ورىنعا قويۋعا، ۇيلەسىمدى پايدالانۋعا تاباندى بولىپ، ەكولوگيالىق ورتانىڭ بوداۋى ارقىلى ءبىر مەزەت، ءبىر جەردىڭ ەكونوميكاسىنىڭ ارتۋىنا قول جەتكىزۋ ءادىسىن تۇبەگەيلى وزگەرتىپ، ەكولوگيالىق ورتانى قورعاعاندار يگىلىگىن كورەتىن، پايدالانعاندار اقى تولەيتىن، بۇلدىرگەندەر تولەم تولەيتىن مۇددەلىك باعدار مەحانيزمىن ورناتىپ، ۇكىمەت جەتەكشى بولعان، كاسىپورىندار مەن قوعامداعى ءار سالا ات سالىسقان، بازار ارقىلى جۇمىس جۇرگىزەتىن، ەكولوگيالىق ونىمدەردىڭ قۇنىن جۇزەگە اسىرۋدىڭ باياندى جولىن قاراستىرىپ، ەكولوگيانى كاسىپ سالالاندىرۋدى جانە كاسىپ سالاسىن ەكولوگيالاندىرۋدى ىلگەرىلەتۋ كەرەك.

  ءماجىلىس مىنالاردى اتاپ كورسەتتى: پارتيا 18 - قۇرىلتايىنان بەرگى قارا كۇشتەردى الاستاۋ، سۇرقيا كۇشتەردى جويۋ ارناۋلى كۇرەسىنىڭ ”قىستاق زورەكەرى“ سياقتى كورنەكتى ماسەلەلەردى رەتتەۋ - جونگە سالۋداعى تابىستى تاجىريبەلەرىن جانە ءونىمدى تاسىلدەرىن قورىتىندىلاپ، قابىلداپ، سوققى بەرۋ مەن قۇرۋدى قاتار قولدانۋعا، ۇستىنەن وڭاۋ مەن تۇبىرىنەن وڭاۋدى قاتار جۇرگىزۋگە تاباندى بولىپ، ءار دارەجەلى پارتكومداردىڭ، اسىرەسە، اۋداندىق، اۋىلدىق پارتكومداردىڭ پارتيانى جاپپاي قاتاڭ جونگە سالۋ نەگىزگى تۇلعالىق جاۋاپكەرشىلىگىن قاتاڭ تياناقتاندىرىپ، ”قىستاق زورەكەرى“ ماسەلەسىنەن ساقتانۋ جانە ونى رەتتەۋ - جونگە سالۋ باياندى مەحانيزمىنىڭ قالىپتاسۋىن ۇيىمدىق جاقتان ىلگەرىلەتىپ، اۋىل - قىستاقتى گۇلدەندىرۋدى جاپپاي ىلگەرىلەتۋگە حاۋىپسىز، ورنىقتى قوعامدىق ورتا ازىرلەۋ كەرەك.

  ءماجىلىس مىنالاردى باسا دارىپتەدى: زاڭمەن جونگە سالۋ قۇرىلىسىندا سوڭعى بۋىندى مىقتاپ يگەرىپ، بايقالعان كىناراتتاردى جونگە سالىپ قانا قويماي، الدىڭعى بۋىندى مىقتاپ يگەرىپ، بايقالا قويماعان كىناراتتاردى دا جونگە سالۋ كەرەك. جاڭا داۋىردەگى ”فىڭچياۋ تاجىريبەسىنە“ تاباندى بولىپ جانە ونى دامىتىپ، ارىز - شاعىمعا جاتپايتىن داۋ - شارلاردى شەشۋ مەحانيزمىن الدىعا قويىپ، اناعۇرلىم كوپ زاڭمەن جونگە سالۋ كۇشىنىڭ جەتەكتەۋ جانە جول كورسەتۋ باعىتىنا قاراي شوعىرلانۋىن ىلگەرىلەتىپ، قايشىلىق، داۋ - شارلاردان تۋ باستان ساقتانۋدى، الدىڭعى بۋىندا شەشىم ەتۋدى، وتكەلدەردى يگەرۋدى كۇشەيتىپ، ساقتانۋ سيپاتتى زاڭ - تۇزىمدەردى كەمەلدەندىرىپ، ارىز - شاعىمنىڭ كوبەيۋىن تۋ باستان ازايتۋ كەرەك.

  ورتالىق رەفورمانى جاپپاي تەرەڭدەتۋ كوميتەتىنىڭ مۇشەلەرى ماجىلىسكە قاتىناستى، ورتالىق پەن مەملەكەت ورگاندارىنىڭ قاتىستى تاراۋلارىنداعى جاۋاپتى جولداستار ماجىلىسكە سىرتتاي قاتىناستى.

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.